Book List

<h2 style="text-align: center;">အပိုင်း - ( ၁၃၄၈ )</h2> <h2 style="text-align: center;">*</h2> <p style="text-align:justify"><br /> အင်မော်တယ်ဘုရင်အဆင့်များကလည်း သက်ရှိများဖြစ်သဖြင့် မိမိဂိုဏ်းကို လာရောက်တိုက်ခိုက်သောသူများကို ပြန်မတိုက်ဘဲနှင့် ငုတ်တုပ်ထိုင်ကြည့်နေရမည်လား။</p> <p style="text-align:justify">ဤကဲ့သို့ ကောလဟာလ ပျံ့နှံ့လာရသည့် အကြောင်းအရင်းမှာ အင်မော်တယ်ဘုရင်များသည် ဘယ်တုန်းကမှ ပေါ့ပေါ့တန်တန်လှုပ်ရှားခြင်း မပြုလုပ်သောကြောင့်ဖြစ်၏။ သူတို့၏ဒေါသကို အဆုံးစွန်အထိ မဆွသ၍ ကျန်သည့်အသေးအဖွဲကိစ္စများကို လုံးဝလျစ်လျူရှုထားခဲ့သည်။</p> <p style="text-align:justify">ထိုအချိန်တွင် အစွန်းနှစ်ဖက်အင်မော်တယ်ဘုရင်၏ မျက်လုံးထဲ၌ ရွှေရောင်အလင်းတန်းများက တလက်လက်ဖြင့် တောက်ပလာ၏။ ထို့နောက် ရဲ့ဟိုင် အလွန်ကြောက်စရာကောင်းသော ဝိညာဥ်လှိုင်းလုံးတစ်ခုကို ဖျတ်ခနဲခံစားလိုက်သည်။</p> <p style="text-align:justify">၎င်းဝိညာဥ်လှိုင်းကို သူတစ်စက္ကန့်မျှသာ ခံစားလိုက်ရခြင်းဖြစ်သော်လည်း အလွန်တရာ ကြောက်စရာကောင်းပြီး ဆန်းကြယ် နက်ရှိုင်းခြင်း၏ အစစ်မှန်ဆိုတာဘာလဲ ကောင်းကောင်းသိရှိလိုက်ရ၏။</p> <p style="text-align:justify">အစွန်းနှစ်ဖက်အင်မော်တယ်ဘုရင်၏ မျက်လုံးများက ချက်ချင်းပင် ရွှေရောင်ပျောက်ကွယ်သွားခဲ့ပြီး ရဲ့ဟိုင်ကိုကြည့်ကာ...</p> <p style="text-align:justify">" အဲ့ဒီတိုက်ကွက်ကို မင်းဘယ်လိုထင်လဲ "</p> <p style="text-align:justify">ရဲ့ဟိုင် တအံ့တဩဖြင့် ငုံ့ကြည့်လိုက်လျှင် မျက်လုံးထဲ၌ ထိတ်လန့်မှုများ ပြည့်နှက်သွားသည်။</p> <p style="text-align:justify">အဘယ့်ကြောင့်ဆိုသော် သွေးဂိုဏ်းကြီးတစ်ဂိုဏ်းလုံးရှိ သောင်းနှင့်ချီသော ကျင့်ကြံသူများအားလုံးက လက်ရှိအချိန်တွင် ခန္ဓာကိုယ်ထဲရှိ ဝိညာဥ်များအားလုံးပျက်စီးကာ အနက်ရောင်မျက်စံမရှိတော့ဘဲ အဖြူရောင်မျက်လုံးဗလာဖြင့် သေဆုံးနေကြလေ၏။</p> <p style="text-align:justify">တစ်ယောက်မှကို လွတ်မြောက်ခဲ့ခြင်းမရှိပေ။</p> <p style="text-align:justify">" အကြီးအကဲ ကျွန်တော့်ကို သင်ပေးပါလား "</p> <p style="text-align:justify">ရဲ့ဟိုင် ကမန်းကတန်းပင် ပြောလိုက်သည်။ ဤတိုက်ကွက်နည်းစနစ်က အရမ်းကို ဆန်းကြယ်လွန်းလှ၏။ လူပေါင်းသောင်းနှင့်ချီကို အကြည့်တစ်ချက်တည်းဖြင့် သတ်ဖြတ်သွားခြင်းပင်။</p> <p style="text-align:justify">" အဲ့ဒီအရာကို ဝိညာဥ်စွမ်းအားလို့ခေါ်တယ် "</p> <p style="text-align:justify">အစွန်းနှစ်ဖက်အင်မော်တယ်ဘုရင် ရဲ့ဟိုင်ကိုသေချာကြည့်လိုက်ပြီး...</p> <p style="text-align:justify">" ကောင်လေး ဒီကမ္ဘာမှာ ထာဝရတည်မြဲနိုင်လုနီးပါး အရာတွေက အရမ်းကိုနည်းပါးတယ်ဆိုတာသိလား၊ အဲ့တာကို အင်မော်တယ်ဘုရင်တွေရဲ့ အကြွင်းအကျန် စိတ်ဆန္ဒတွေက ဘာလို့နှစ်ပေါင်းမြောက်များစွာ တည်ရှိနေနိုင်တယ်လို့ထင်လဲ "</p> <p style="text-align:justify">" တကယ်တော့ အဲ့တာက ဝိညာဥ်စွမ်းအားကြောင့်ပဲ "</p> <p style="text-align:justify">" ဝိညာဥ်စွမ်းအားဆိုတာက လောကမှာထာဝရနီးပါး တည်ရှိနိုင်တဲ့ အရာတွေထဲက တစ်ခုလို့ဆိုနိုင်တယ် "</p> <p style="text-align:justify">" မင်း အင်မော်တယ်ဘုရင်အဆင့်တစ်ယောက်ရဲ့ ရုပ်ခန္ဓာကို ဖျက်ဆီးနိုင်တယ် .. ဒါမှမဟုတ် သူ့ရဲ့ဝိညာဥ်ကိုလည်း ဖျက်ဆီးနိုင်တယ်၊ ဒါပေမဲ့ သူ့ရဲ့ဝိညာဥ်စွမ်းအားကိုတော့ ဘယ်တော့မှ ဖျက်ဆီးနိုင်မှာမဟုတ်ဘူး "</p> <p style="text-align:justify">" ဒါပေါ့ ဒီကမ္ဘာကြီးမှာ ဘယ်အရာကမှ ထာဝရတည်မြဲနေမှာ မဟုတ်ဘူး၊ ဝိညာဥ်စွမ်းအားဆိုတာလည်း သူ့ရဲ့စွမ်းအင် ကုန်ဆုံးသွားတဲ့အချိန်ရောက်ရင် ကမ္ဘာပေါ်က ပျောက်ကွယ်သွားရမှာပဲ "</p> <p style="text-align:justify">" ဒါပေမဲ့ အဓိကအရေးကြီးဆုံးအချက်က ဝိညာဥ်စွမ်းအား မကုန်ဆုံးသ၍ အင်မော်တယ်ဘုရင်အဆင့်တွေရဲ့ဝိညာဥ်က ထာဝရနီးပါး တည်ရှိနိုင်တယ်ဆိုတာကို သိထားရမယ် "</p> <p style="text-align:justify">" အကြီးအကဲ ဒီလိုဆိုရင် ကမ္ဘာပေါ်မှာ လက်ရှိအချိန်အထိ သေဆုံးပြီးတာတောင်မှ တည်ရှိနေသေးတဲ့ အင်မော်တယ်ဘုရင်အဆင့်တွေ အများကြီးရှိနေတယ်လို့ ဆိုလိုချင်တာလား "</p> <p style="text-align:justify">" ဟုတ်တယ် "</p> <p style="text-align:justify">အစွန်းနှက်ဖက်အင်မော်တယ်ဘုရင် ခေါင်းညိတ်လိုက်၏။</p> <p style="text-align:justify">" အကြီးအကဲ အဲ့ဒီဝိညာဥ်စွမ်းအားက တကယ်ပဲ ဖျက်ဆီးရ အဲ့လောက်ခက်တာလား "</p> <p style="text-align:justify">" ကောင်လေး တကယ်တော့ မင်းအနေနဲ့ အင်မော်တယ်ဘုရင်အဆင့်တွေရဲ့ ဝိညာဥ်စွမ်းအားတွေကို အဲ့လောက်အထိ စိုးရိမ်စရာ မလိုအပ်ဘူး၊ ဘာလို့လဲဆိုတော့ အင်မော်တယ်ဘုရင်အဆင့်တွေရဲ့ ဝိညာဥ်က ရုပ်ခန္ဓာမရှိတဲ့ အချိန်ကျရင် စွမ်းအားအများကြီးကို ထုတ်မသုံးနိုင်တော့လို့ပဲ "</p> <p style="text-align:justify">ထိုသို့ပြောပြီးသည်နှင့် အစွန်းနှစ်ဖက် အင်မော်တယ်ဘုရင်သည် ကောင်းကင်သို့မော့ကြည့်လိုက်ပြီး...</p> <p style="text-align:justify">" မကြာခင် ကမ္ဘာကြီးရဲ့ မဟာကပ်ဆိုးက ကျရောက်လာတော့မယ်၊ အဲ့ဒီမဟာကပ်ဆိုးသာ ကျရောက်လာခဲ့ပြီဆိုရင် အခုချိန်အထိ ထာဝရနီးပါး အင်မော်တယ်ဘုရင်အဆင့်တွေရဲ့ ဝိညာဥ်ကလဲ ပျောက်ကွယ်သွားကြရလိမ့်မယ်ထင်တယ် "</p> <p style="text-align:justify">" ကမ္ဘာကြီးရဲ့မဟာကပ်ဆိုး ဟုတ်လား "</p> <p style="text-align:justify">ရဲ့ဟိုင်၏မျက်နှာအမူအရာက ပြောင်းလဲသွားသည်။</p> <p style="text-align:justify">" ဟုတ်တယ် ကောင်းကင်နဲ့မြေကြီးကို ပြောင်းပြန်လှန်ပြီး ဖျက်ဆီးနိုင်တဲ့ မဟာကပ်ဆိုး "</p> <p style="text-align:justify">ထိုသို့ပြောလိုက်ပြီးသည်နှင့် အစွန်းနှစ်ဖက် အင်မော်တယ်ဘုရင်သည် ရဲ့ဟိုင်ကို မော့ကြည့်လိုက်ပြီး... </p> <p style="text-align:justify">" မင်းအနေနဲ့ မဟာကပ်ဆိုးကို အခုအချိန်မှာ ဂရုစိုက်စရာ မလိုသေးဘူး၊ အဲ့ဒီမဟာကပ်ဆိုးမဖြစ်ခင်မှာ နတ်ဆိုးတွေလဲ ပေါ်လာမှာဖြစ်သလို အရမ်းကြောက်စရာကောင်းတဲ့ ပါရမီရှင်တွေလည်း ပေါ်လာလိမ့်မယ်၊ ဥပမာ မင်းလိုလူပေါ့၊ မဟာကပ်ဆိုးကြီးသာ ကျရောက်လာတာမဟုတ်ရင် မင်းလိုလူကလဲ ဒီကမ္ဘာထဲ မွေးဖွားလာခဲ့မှာ မဟုတ်ဘူး "</p> <p style="text-align:justify">" အကြီးအကဲ ကျွန်တော့်ဘဝလေးကို အေးအေးချမ်းချမ်းပဲ နေချင်ပါတယ် "</p> <p style="text-align:justify">" အဲ့တာဆိုလဲ မင်း ဝီရိယရှိရှိနဲ့ ကြိုးစားအားထုတ်ပြီးတော့ ကျင့်ကြံပေါ့၊ မင်းရဲ့ခွန်အားက အရာအားလုံးကို ကျော်လွန်နေသ၍ မင်းအေးဆေးနေနိုင်လိမ့်မယ် "</p> <p style="text-align:justify">အစွန်းနှစ်ဖက် အင်မော်တယ်ဘုရင် ရဲ့ဟိုင်ကို ပြုံးကာ ထိုသို့ပြောပြီးသည်နှင့် အဝေးတစ်နေရာကို လှမ်းကြည့်လိုက်ပြီး...</p> <p style="text-align:justify">" ကောင်လေး မင်းငါနဲ့ လိုက်ခဲ့ "</p> <p style="text-align:justify">" အကြီးအကဲ ဘယ်ကိုလဲ "</p> <p style="text-align:justify">" အနောက်ဘက်နယ်မြေကို "</p> <p style="text-align:justify">" အနောက်ဘက်နယ်မြေဟုတ်လား ဘာအတွက်လဲအကြီးအကဲ "</p> <p style="text-align:justify">" ငါဒီလို ဒဏ်ရာနဲ့ သေဆုံးသွားတာ ဘာကြောင့်လို့မင်းထင်လဲ "</p> <p style="text-align:justify">အစွန်းနှစ်ဖက်အင်မော်တယ်ဘုရင်သည် သူ၏နှလုံးသားနေရာမှ ဟောင်းလောင်းပေါက်ဒဏ်ရာကြီးကို ငုံ့ကြည့်လိုက်ပြီး မချိပြုံးပြုံးလိုက်၏။</p> <p style="text-align:justify">" အဲ့တာက ငါနောက်ဆုံးတိုက်ခဲ့တဲ့ နတ်ဆိုးဘုရင်နဲ့တိုက်ပွဲမှာ ရခဲ့တဲ့ဒဏ်ရာပဲ၊ ငါ့ရဲ့ဘုရင်အဆင့်လက်နက်ကြောင့်သာမဟုတ်ရင် အဲ့ဒီနတ်ဆိုးကို ငါသတ်နိုင်ခဲ့မှာတောင် မဟုတ်ဘူး "</p> <p style="text-align:justify">" ဒီအချိန်လောက်ဆိုရင် အဲ့ဒီနတ်ဆိုးကောင်က နတ်ဆိုးဝတ်ရည်အဖြစ် ပြောင်းလဲသွားလောက်ပြီထင်တယ် "</p> <p style="text-align:justify">" နတ်ဆိုးဝတ်ရည်ဟုတ်လား "</p> <p style="text-align:justify">အစွန်းနှစ်ဖက်အင်မော်တယ်ဘုရင်၏ ထိုထူးဆန်းသောစကားလုံးက ရဲ့ဟိုင်ကို သိချင်စိတ်များ ဖြစ်ပေါ်လာစေသည်။</p> <p style="text-align:justify">" ဟုတ်တယ် နတ်ဆိုးဝတ်ရည်ပဲ အင်မော်တယ်အရှင်အဆင့် ခန္ဓာကိုယ် ပိုင်ဆိုင်ထားတဲ့သူတွေသာ အဲ့ဒီနတ်ဆိုးဝတ်ရည်ကို သန့်စင်နိုင်တယ် "</p> <p style="text-align:justify">ထိုသို့ပြောပြီးသည်နှင့် အစွန်းနှစ်ဖက် အင်မော်တယ်ဘုရင်သည် ရဲ့ဟိုင်ကိုကြည့်လိုက်ပြီး...</p> <p style="text-align:justify">" မင်းရဲ့လက်ရှိခန္ဓာကိုယ်က အင်မော်တယ်အရှင် အလယ်အလတ်အဆင့်နဲ့ နှိုင်းယှဥ်နိုင်တယ်ဆိုတော့ နတ်ဆိုးဝတ်ရည်တစ်စက်လောက် သောက်လိုက်ရင် မင်းကျင့်ကြံအဆင့်ကလဲ အင်မော်တယ်အရှင်အဆင့်ထိကို အချိန်မြန်မြန်ရောက်နိုင်မယ်လို့ ဆိုလို့ရတယ် "</p> <p style="text-align:justify">ထိုစကားကြားလျှင် ရဲ့ဟိုင်က မအံ့ဩဘဲ မနေနိုင်ချေ။ သူ၏ကျင့်ကြံခြင်းက အင်မော်တယ်အရှင်အဆင့်မပြောနှင့် ရွှေအင်မော်တယ် အထွတ်အထိပ်အဆင့်ရောက်အောင်ပင် မည်မျှစွမ်းအား အရင်းအမြစ် လိုအပ်သည်ဆိုတာကို သူသာကောင်းကောင်းသိလေ၏။</p> <p style="text-align:justify">" အဲ့ဒီနတ်ဆိုးဝတ်ရည်က ဒီလောက်တောင်မှ အံ့ဩဖို့ကောင်းတာလား "</p> <p style="text-align:justify">" ကောင်းပြီ ငါတို့သွားရင်းနဲ့ ပြောကြတာပေါ့ "</p> <p style="text-align:justify">အစွန်းနှစ်ဖက်အင်မော်တယ်ဘုရင် ပြောလိုက်သည်။</p> <p style="text-align:justify">ထိုအချိန်တွင် ရဲ့ဟိုင်၏ကိုယ်ပွားများက သွေးဂိုဏ်းတစ်ခုလုံး၏ ပိုင်ဆိုင်မှုများအားလုံးကို တန်ဖိုးရှိသည့်အရာ တစ်ခုမှမကျန်အောင်လို့ သုတ်သင်ရှင်းလင်းပြီးသွားပြီဖြစ်၏။</p> <p style="text-align:justify">အစွန်းနှစ်ဖက်အင်မော်တယ်ဘုရင် သူ၏လက်ကို ဝှေ့ယမ်းလိုက်လျှင် ကြီးမားသော လေဟာနယ်ဂိတ်တံခါးပေါက်ကြီးက ပြန်လည်၍ ထွက်ပေါ်လာလေသည်။</p> <p style="text-align:justify"> </p> <p style="text-align: center;">***</p>


Save