Book List

<h2 style="text-align: center;">အပိုင်း - ( ၁၃၄၉ )</h2> <h2 style="text-align: center;">*</h2> <p style="text-align:justify"><br /> " ရဲ့ဟိုင် "</p> <p style="text-align:justify">ရဲ့ဟိုင်သည် အစွန်းနှစ်ဖက်အင်မော်တယ်ဘုရင်နှင့် ထွက်ခွာတော့မည်ကို မြင်သောအခါ လုရန်ရန်က သူမဤအချိန်တွင် မနှုတ်ဆက်လျှင် အချိန်အကြာကြီး မတွေ့ရတော့ဘူးဆိုတာ ခံစားမိသောကြောင့် အရဲကိုးကာ ရဲ့ဟိုင်ကို တားမြစ်လိုက်ခြင်းဖြစ်၏။</p> <p style="text-align:justify">တစ်ဖက်တွင် ရဲ့ဟိုင်ကလဲ လုရန်ရန်ကို ပြုံးကာကြည့်လိုက်ပြီး...</p> <p style="text-align:justify">" လုရန်ရန် ဘာလို့လဲ "</p> <p style="text-align:justify">" နင် .. နင် ဘယ်သွားမလို့လဲ "</p> <p style="text-align:justify">" အနောက်ဘက်နယ်မြေ "</p> <p style="text-align:justify">" အဲ့တာဆို ငါ့ကိုနင်နဲ့အတူ ခေါ်သွားလို့ရမလား "</p> <p style="text-align:justify">လုရန်ရန် အစွန်းနှစ်ဖက်အင်မော်တယ်ဘုရင်ကို မဝံ့မရဲကြည့်လိုက်ပြီး ရဲ့ဟိုင်အား တီးတိုးပြောလိုက်သည်။</p> <p style="text-align:justify">" မဟုတ်ဘူး .. နင်လိုက်လို့မရဘူး၊ ဘာလို့လဲဆိုတော့ ငါက အနောက်ဘက်နယ်မြေကိုသွားပြီးရင် အခြားနေရာကို ထွက်သွားတော့မှာမို့လို့ပဲ "</p> <p style="text-align:justify">ရဲ့ဟိုင် ခေါင်းခါယမ်းကာ ပြောလိုက်၏။</p> <p style="text-align:justify">" အခြားနေရာဟုတ်လား ဘယ်နေရာကိုသွားမလို့လဲ "</p> <p style="text-align:justify">လုရန်ရန် တအံ့တဩဖြင့် ပြန်မေးလိုက်သည်။</p> <p style="text-align:justify">" အရမ်းဝေးတဲ့ နေရာပေါ့ "</p> <p style="text-align:justify">" ဘယ်လောက်ဝေးလဲ "</p> <p style="text-align:justify">" အဲ့တာက အင်မော်တယ်ဘုံပဲ "</p> <p style="text-align:justify">" အင်မော်တယ်ဘုံ ဟုတ်လား "</p> <p style="text-align:justify">လုရန်ရန် မျက်လုံးပြူးကျယ်သွားပြီး ရဲ့ဟိုင်ကိုကြည့်ကာ...</p> <p style="text-align:justify">" ဒါဆိုနင်က ကောင်းကင်ဘုံက မဟုတ်ဘူးပေါ့ "</p> <p style="text-align:justify">" ဟုတ်တယ် "</p> <p style="text-align:justify">" အဲ့တာဆို ငါအနာဂါတ်မှာ နင့်ကိုဘယ်လိုလာရှာရမလဲ "</p> <p style="text-align:justify">လုရန်ရန် ကူကယ်ရာမဲ့စွာဖြင့် ပြောလိုက်၏။</p> <p style="text-align:justify">" နင့်စွမ်းအားက အထွတ်အထိပ်ကို ရောက်တဲ့အချိန်ကျရင် အင်မော်တယ်ဘုံကိုသာ ဆင်းလာခဲ့၊ အဲ့ဒီအချိန်ကျရင် ငါကလဲ အင်မော်တယ်ဘုံမှာ လူမသိသူမသိတစ်ယောက် ဖြစ်နေမှာမဟုတ်ဘူးလို့ ယုံကြည်တယ် "</p> <p style="text-align:justify">" ကောင်းပြီ ငါသွားတော့မယ် "</p> <p style="text-align:justify">ရဲ့ဟိုင် ထိုသို့ပြောပြီးသည်နှင့် လုရန်ရန်အား နှုတ်ဆက်လိုက်သည်။</p> <p style="text-align:justify">" နင်ငါနဲ့ တကယ်ပဲ စကားမပြောချင်ဘူးလား "</p> <p style="text-align:justify">လုရန်ရန်၏ ထိုစကားက ရဲ့ဟိုင်ကို အံ့အားသင့်သွားစေ၏။</p> <p style="text-align:justify">" မဟုတ်ပါဘူး .. ဘာလို့လဲ "</p> <p style="text-align:justify">" နင်အခု စကားနည်းနည်းလေးပဲ ပြောရသေးတယ် ဘာလို့အသည်းအသန် ထွက်သွားဖို့အတွက် ကြိုးစားနေတာလဲ "</p> <p style="text-align:justify">" အဲ့လိုမဟုတ်ဘူး .. ငါ .. "</p> <p style="text-align:justify">ရဲ့ဟိုင် အစွန်းနှစ်ဖက်အင်မော်တယ်ဘုရင်ကို လှမ်းကာကြည့်လိုက်သည်။ သူတကယ်တော့ အမြန်ထွက်သွားဖို့ ကြိုးစားခဲ့ခြင်းမှာ အစွန်းနှစ်ဖက်အင်မော်တယ်ဘုရင်၏ အချိန်များကို ဖြုန်းတီးသလိုဖြစ်သွားမှာ စိုးရိမ်၍ပင်။</p> <p style="text-align:justify">" ကောင်လေး စိတ်မပူနဲ့ .. မင်းတို့နှစ်ယောက် ကြိုက်သလောက်စကားပြောကြ၊ ငါအေးအေးဆေးဆေး စောင့်နေလို့ရတယ် "</p> <p style="text-align:justify">အစွန်းနှစ်ဖက် အင်မော်တယ်ဘုရင် ပြုံးကာပြောလိုက်ပြီး...</p> <p style="text-align:justify">" ကောင်လေး ဒီကောင်မလေးက မဆိုးဘူး မင်းသူ့ကို စဥ်းစားလို့ရတယ်နော် "</p> <p style="text-align:justify">အစွန်းနှစ်ဖက်အင်မော်တယ်ဘုရင်၏ ထိုကဲ့သို့ တည့်တိုးပြောလိုက်သောစကားက ရဲ့ဟိုင်ကို ရှက်ရွံ့သွားစေ၏။ တစ်ဖက်တွင် လုရန်ရန်၏ မျက်နှာတစ်ခုလုံးကလည်း နီရဲတောက်သွားသည်။</p> <p style="text-align:justify">တစ်ခဏစဥ်းစားပြီးနောက် လုရန်ရန် သူမ၏လည်ပင်းမှ ကျောက်စိမ်းဆွဲကြိုးလေးကို ဖြုတ်လိုက်ပြီး ရဲ့ဟိုင်အားပေးလိုက်၏။</p> <p style="text-align:justify">" ဒါက ငါ့အမေပေးထားခဲ့တဲ့ နောက်ဆုံးအမွေအနှစ်ပဲ နင့်ကိုပေးလိုက်မယ် "</p> <p style="text-align:justify">" မဟုတ်ဘူး အဲ့တာကို ငါလက်မခံဘူး "</p> <p style="text-align:justify">ရဲ့ဟိုင် အလန့်တကြားဖြင့် ငြင်းဆန်လိုက်သည်။</p> <p style="text-align:justify">" နင်လက်မခံဘူးဆိုရင် ငါအခုချက်ချင်း ဖျက်ဆီးပစ်မယ် "</p> <p style="text-align:justify">လုရန်ရန်က ၎င်းကျောက်စိမ်းဆွဲကြိုးကို ဖျက်ဆီးရန်ကြိုးစားသည်မြင်သောအခါ ရဲ့ဟိုင် သူမကို အလျင်အမြန် တားလိုက်၏။</p> <p style="text-align:justify">" ကောင်းပြီ ငါယူလိုက်မယ် ရပြီလား "</p> <p style="text-align:justify">" မဟုတ်ဘူး နင်အခုချက်ချင်းဝတ်ရမယ် "</p> <p style="text-align:justify">" စိတ်မပူနဲ့ ငါအိမ်ပြန်ရောက်တာနဲ့ ဝတ်လိုက်မယ် "</p> <p style="text-align:justify">" မဟုတ်ဘူး နင်ငါ့ကိုလိမ်ဖို့ ကြိုးစားနေတာ "</p> <p style="text-align:justify">လုရန်ရန်ချက်ချင်းပင် ရဲ့ဟိုင်၏အနောက်သို့လျှောက်သွားပြီး ကျောက်စိမ်းဆွဲကြိုးလေးအား သူ၏လည်ပင်းတွင် သေချာဝတ်ပေးလိုက်သည်။</p> <p style="text-align:justify">ရဲ့ဟိုင်သည် ချက်ချင်းပင် ၎င်းကျောက်စိမ်းဆွဲသီးမှ လက်ဆတ်လှသော အပျိုစင်မွှေးရနံ့ကို ရရှိလိုက်လေ၏။</p> <p style="text-align:justify">ထိုအချိန်တွင် လုရန်ရန်၏ မက်မွန်ရောင်နှုတ်ခမ်းဖူးဖူးလေးက ရဲ့ဟိုင်၏ နား သို့ကပ်ကာ...</p> <p style="text-align:justify">" အင်မော်တယ်ဘုံမှာ ငါ့ကိုဆက်ဆက်စောင့်နေ "</p> <p style="text-align:justify">လုရန်ရန် ထိုသို့ပြောပြီးသည်နှင့် ချာခနဲလှည့်ကာ ထွက်လာလေသည်။</p> <p style="text-align:justify">သို့သော် ရဲ့ဟိုင်က သူမ၏လက်ကို ဖမ်းကာဆွဲပြီး တားမြစ်လိုက်၏။</p> <p style="text-align:justify">" နင်ဘယ်သွားမလို့လဲ "</p> <p style="text-align:justify">" ငါ .. "</p> <p style="text-align:justify">တစ်ဖက်တွင် လုရန်ရန်က ရှက်ရွံ့နေပြီး ဘာပြောရမှန်းမသိတော့ပေ။ သူမ၏ခံစားချက်များကို ယောကျ်ားတစ်ယောက်အား ဘယ်တုန်းကမှ ဝန်မခံဖူးဘူးဖြစ်သည်။</p> <p style="text-align:justify">" ငါ့ကိုစောင့်နေ " ဟူသော စကားလုံးအတွက်တောင်မှ လုရန်ရန်က သူမ၏သတ္တိအားလုံးကို ထုတ်သုံးကာ ပြောခဲ့ခြင်းဖြစ်၏။ ထိုစကားကို ပြောပြီးသည့်အချိန်တွင် သူမမှာ ခွန်အားမရှိတော့သလို ခန္ဓာကိုယ်တစ်ခုလုံး အားလျော့သွားခဲ့သည်။</p> <p style="text-align:justify">ယခုအချိန်၌ သူမ ရဲ့ဟိုင်အရှေ့ကနေ အဝေးကိုသာ ထွက်ပြေးချင်စိတ်တစ်ခုတည်း ရှိတော့၏။ သို့သော် သူမ မမျှော်လင့်ထားသည့်အရာမှာ ရဲ့ဟိုင်က သူမလက်ကိုဖမ်းဆွဲ၍ တားမြစ်လာခြင်းပင်။</p> <p style="text-align:justify">ထိုအချိန်တွင် ရဲ့ဟိုင်၏လက်ထဲ၌ ကျောက်စိမ်းလက်ကောက်တစ်ကွင်းက ထွက်ပေါ်လာသည်။ထိုကျောက်စိမ်းလက်ကောက် ထွက်ပေါ်လာသည်နှင့် ကြောက်စရာကောင်းသော လျှပ်စီးက ဖျတ်ခနဲ လက်သွားခဲ့၏။</p> <p style="text-align:justify">ထိုလျှပ်စီးသည် ကောင်းကင်မိုးကြိုးကပ်ဘေး၏ လျှပ်စီးဖြစ်ပြီး မည်သည့်သက်ရှိကိုမဆို ပြင်းထန်စွာ ထိခိုက်ဒဏ်ရာ ရရှိစေနိုင်သော ကြောက်စရာ အဖျက်စွမ်းအားပါဝင်သည့် လျှပ်စီးဖြစ်သည်။</p> <p style="text-align:justify">ပုံမှန်အတိုင်းဆိုလျှင် ရဲ့ဟိုင်သည် ဤကဲ့သို့သော ကြောက်စရာကောင်းသည့် လျှပ်စီးကို ကျောက်စိမ်းလက်ကောက်ထဲတွင် ချိတ်ပိတ်ပြီး သိမ်းဆည်းရန်အတွက် လုံးဝမဖြစ်နိုင်ချေ။ သို့သော်လည်း ထိုအချိန်တွင် သူ၏ဘေးနား၌ ရွှမ်ဟွမ်ဝိညာဥ်ခေါင်းလောင်း ရှိနေခဲ့သောကြောင့် ဤကဲ့သို့ ကျောက်စိမ်းလက်ကောက်ထဲ ကောင်းကင်ကပ်ဘေး မိုးကြိုးလျှပ်စီးများကို ချိတ်ပိတ်ထားနိုင်ခဲ့ခြင်းဖြစ်၏။</p> <p style="text-align:justify">" ဒီလိုထူးဆန်းတဲ့ ကျောက်စိမ်းလက်ကောက် "</p> <p style="text-align:justify">အစွန်းနှစ်ဖက်အင်မော်တယ်ဘုရင် ရဲ့ဟိုင်ကို အံ့အားသင့်မှုအချို့နှင့် ကြည့်လိုက်ပြီး...</p> <p style="text-align:justify">" အထဲမှာချိတ်ပိတ်ထားတဲ့ ကပ်ဘေးမိုးကြိုးစွမ်းအားက အင်မော်တယ်သခင်အဆင့် ( 8 ) ကျင့်ကြံသူတွေကိုတောင်မှ သေစေနိုင်တယ် "</p> <p style="text-align:justify">တစ်ဖက်တွင် ထိုစကားကြားသောအခါ လုရန်ရန်၏ မျက်လုံးထဲ၌ ထူးခြားသော ပုံရိပ်ယောင်အချို့ကလည်း ဖြစ်ပေါ်လာသည်။</p> <p style="text-align:justify">" လုရန်ရန် မင်းဒီကျောက်စိမ်းလက်ကောက်ကို အမြဲတမ်းဝတ်ထားဖို့သတိရ သူ့ရဲ့အပေါ်ယံမျက်နှာပြင်မှာလည်း အတားအဆီးအကာအကွယ်အလွှာ တစ်ခုရှိတယ်၊ အဲ့ဒီအကာအကွယ် အတားအဆီးအလွှာက အင်မော်တယ်သခင် ပထမအဆင့် ဒါမှမဟုတ် ဒုတိယအဆင့်တွေတောင် အဲ့ဒီအကာအကွယ်အလွှာကိုဖြတ်ပြီးတော့ မင်းကိုဘာမှမလုပ်နိုင်ဘူး "</p> <p style="text-align:justify">ရဲ့ဟိုင် လုရန်ရန်ကို ကျောက်စိမ်းလက်ကောက်၏ အခြေအနေအား သေချာရှင်းပြလိုက်၏။</p> <p style="text-align:justify">" ဒါက ငါ့အတွက်လား "</p> <p style="text-align:justify">လုရန်ရန်သည် ဤကျောက်စိမ်းလက်ကောက်က မည်မျှအဖိုးတန်သည်ဆိုတာကို အဘယ့်ကြောင့်မမြင်ဘဲနေမည်နည်း။ ထို့ကြောင့် သူမအလွန်ပင် စိတ်လှုပ်ရှားလာသည်။</p> <p style="text-align:justify">" ဟုတ်တယ် "</p> <p style="text-align:justify">ရဲ့ဟိုင်ခေါင်းညိတ်လိုက်၏။</p> <p style="text-align:justify">တကယ်တော့ ဤလက်ကောက်က လုရန်ရန်အတွက် မဟုတ်ချေ။ သို့သော် ရဲ့ဟိုင်တွင် လက်ရှိအချိန်၌ လုရန်ရန်ကို ကောင်းမွန်သည့်အရာတစ်ခုပေးရန် ဘာမှမရှိဘူးဖြစ်သည်။ ထို့ကြောင့် ဤကျောက်စိမ်းလက်ကောက်ကိုသာ ပြန်လည်၍ ထုတ်ပေးရခြင်းဖြစ်၏။ </p> <p style="text-align:justify">" ငါ့ကိုဝတ်ပေး " </p> <p style="text-align:justify">လုရန်ရန်က သူမ၏ နုဖက်စိမ်းစိုနေသော ကျောက်စိမ်းရောင်လက်လေးကိုဆန့်ထုတ်ပြီး ပြောလိုက်သည်။</p> <p style="text-align:justify">ရဲ့ဟိုင် တစ်ခဏတုံ့ဆိုင်းပြီးနောက် သူမ၏လက်တွင် လက်ကောက်ကို သေချာဝတ်ပေးလိုက်၏။</p> <p style="text-align:justify">" အရမ်းကြိုက်တယ် "</p> <p style="text-align:justify">တကယ်တော့ လုရန်ရန်သည် ရဲ့ဟိုင်ပေးသောလက်ဆောင်ကို ဂရုစိုက်ခြင်းမရှိပေ။ ရဲ့ဟိုင်စိတ်ထဲတွင် သူမရှိမရှိဆိုတာကိုသာ ဂရုစိုက်ခြင်းဖြစ်သည်။ ယခုရဲ့ဟိုင်က ဤကဲ့သို့ လက်ဆောင်ပြန်ပေးလာသဖြင့် သူ၏စိတ်ထဲတွင် မိမိရှိနေသည်ဆိုတာကို ဖော်ပြနေခဲ့၏။</p> <p style="text-align:justify"> </p> <p style="text-align: center;">***</p>


Save