Book List

<h2 style="text-align: center;">အနန္တတန်ခိုးရှင်ကျောင်းသား </h2> <h2 style="text-align: center;">ဘာသာပြန် - အပြုံးလေး</h2> <h2 style="text-align: center;">အပိုင်း - ( ၁၃၅၃ )</h2> <h2 style="text-align: center;">*</h2> <p style="text-align:justify"> </p> <p style="text-align:justify">ရဲ့ဟိုင် ဆေးဘုရင်အိုးကို သူ၏ သိုလှောင်အိတ်ထဲသို့ မထည့်မီ ခဏလောက် စဉ်းစားနေခဲ့သေးလေသည်။ </p> <p style="text-align:justify">ထို့နောက် ဆေးဘုရင်အိုးကို သိမ်းဆည်းလိုက်ပြီး သူ့လက်ထဲတွင် ရွှေရောင် ကမ္ပည်းပြားတစ်ခု ပေါ်လာ၏။ ရဲ့ဟိုင် ဝိညာဉ်စွမ်းအင်ကို ထိုရွှေရောင် ကမ္ပည်းပြားထဲသို့ ပို့လိုက်သည်နှင့် သူ့ရှေ့တွင် ဝင်ပေါက်ပေါ်တယ်များ ဖြစ်လာသည်။ </p> <p style="text-align:justify">ထိုဝင်ပေါက် ပေါ်တယ်များကိုကြည့်ပြီး ရဲ့ဟိုင် အံ့အားသင့်ကာ ဆွံ့အသွား၏။</p> <p style="text-align:justify">တံခါးပေါက်တွေက အဘယ်ကြောင့် ဤမျှများပြားနေခဲ့သနည်း။</p> <p style="text-align:justify">ကြီးမြတ်သော စကြာဝဠာထဲတွင် ကမ္ဘာသုံးထောင်သာ ရှိသည် မဟုတ်လော။</p> <p style="text-align:justify">သို့သော် သူမြင်နေရသည့် ပေါ်တယ် တံခါးတွေက သောင်းနှင့်ချီ ရှိနေလေသည်။</p> <p style="text-align:justify">ချက်ချင်းပင် ရဲ့ဟိုင် တစ်စုံတစ်ခုကို တွေးမိလိုက်၏။ </p> <p style="text-align:justify">သူနေထိုင်သော အင်မော်တယ်ဘုံ၏ အောက်တွင် အဆင့်နိမ့် ကမ္ဘာပေါင်း သုံးထောင် ထပ်ရှိနေသည်ကို ရဲ့ဟိုင် သတိရလိုက်သည်။ သူကိုယ်တိုင်လဲ ထိုအဆင့်နိမ့်ကမ္ဘာလေးကနေ အင်မော်တယ်ဘုံသို့ တက်လာခြင်းပင်။</p> <p style="text-align:justify">ဒါဆို တခြားဘုံ ရှစ်ခုတွင်လဲ အဆင့်နိမ့် ကမ္ဘာပေါင်း သုံးထောင်စီ ရှိနေသည်ပေါ့။</p> <p style="text-align:justify">ထိုအချက်နှင့်သာ ဤတံခါးများ အဘယ်ကြောင့် သောင်းနှင့်ချီ ရှိနေသလဲ ဆိုတာ အဓိပ္ပါယ်ရှိသွားပေမည်။</p> <p style="text-align:justify">ဤတံခါးပေါက် ပေါ်တယ်များကြားတွင် ရဲ့ဟိုင်သည် မြင့်မြတ်သော အရှိန်ဝါများထွက်ပေါ်နေသည့် တံခါးရှစ်ပေါက်ကို တွေ့ရှိခဲ့၏။ ၎င်းတို့ထဲမှ တစ်ခုတွင် သူနှင့် ရင်းနှီးသော ရှေးဟောင်း အရှိန်ဝါကို ခံစားနေရလေသည်။</p> <p style="text-align:justify">" အင်မော်တယ်ဘုံ "</p> <p style="text-align:justify">ဒါပဲ …</p> <p style="text-align:justify">ရဲ့ဟိုင် ရှေ့သို့ တိုးကာ တုန့်ဆိုင်းခြင်းမရှိ ထိုပေါ်တယ် တံခါးပေါက်ကို တွန်းဖွင့်ဝင်လိုက်၏။</p> <p style="text-align:justify">သူပြန်ထွက်လာသောအခါ ကြီးမားသော ရွှေရောင်နယ်မြေကြီးကို မြင်လိုက်ရလေသည်။ ကောင်းကင်တွင် နေကိုးစင်းက တည်ရှိနေပြီး နေအလင်းရောင်အောက်တွင် နယ်မြေကြီးက ရွှေရောင်လင်းလက် တောက်ပနေခြင်းဖြစ်၏။</p> <p style="text-align:justify">" နေကိုးစင်း မီးတောက်နယ်မြေ "</p> <p style="text-align:justify">ရဲ့ဟိုင်၏ မျက်နှာတွင် အံ့အားသင့်မှုများ ဖြစ်ပေါ်လာသည်။ </p> <p style="text-align:justify">နေကိုးစင်း မီးတောက်နယ်မြေ မဆိုထားနှင့် ရဲ့ဟိုင် သူ အရှေ့ပိုင်း ကုန်းမြေတိုက်ကြီးကိုတောင် ပြန်ရောက်နိုင်မည်လို့ မမျော်လင့်ရဲချေ။ တစ်ခြားကုန်းမြေတိုက်ကြီးတွေ ရောက်သွားမည်ဟု အများဆုံးထင်ထားလေ၏။</p> <p style="text-align:justify">ယခုတော့ … </p> <p style="text-align:justify">ကြည့်ရတာ ကံကြမ္မာက သူ့ကို ပြန်ပြီး မျက်နှာသာ ပေးလာပုံပင်။</p> <p style="text-align:justify">ကျိယန်မြို့ ..</p> <p style="text-align:justify">ကျိယန်မြို့ဆီသို့ ပျံသန်းလာစဉ် လေးနက်သော အမူအရာတစ်ခုက ရဲ့ဟိုင်၏ မျက်နှာတွင် ဖြစ်ပေါ်လာလေ၏။</p> <p style="text-align:justify">အဘယ်ကြောင့်ဆိုသော လမ်းတလျှောက်တွင် အသည်းသန် ထွက်ပြေးနေသော ကျင့်ကြံသူ အုပ်စုလိုက်တွေကို သူတွေ့နေရသောကြောင့်ပင်။</p> <p style="text-align:justify">သူ ကောင်းကင်မှ ဆင်းသက်ကာ လူငယ်တစ်ဦးကို တားဆီးပြီးမေးလိုက်၏။ </p> <p style="text-align:justify">“ ဘာဖြစ်လို့ အသည်းသန် ထွက်ပြေးသလို သွားလာနေကြတာလဲ မိတ်ဆွေ ” </p> <p style="text-align:justify">" မင်းမသိဘူးလား .. ကြည့်ရတာ မင်းအခုမှ ဒီနယ်မြေကို ရောက်လာပုံပဲ၊ ဒါဆိုရင် မြန်မြန်ထွက်ပြေးတော့ ကိုယ့်လူ၊ နေကိုးစင်းမီးတောက် နယ်မြေမှာ အရမ်းသန်မာတဲ့ နတ်ဆိုးတစ်ကောင် ပေါ်လာပြီး သောင်းကျန်းနေတယ်။ လွန်ခဲ့တဲ့ ရက်အနည်းငယ်အတွင်း သူ ထောင်သောင်းချီတဲ့ ကျင့်ကြံသူတွေကို သတ်ပစ်လိုက်ပြီ " </p> <p style="text-align:justify">" ငါတို့လဲ ခိုလှုံဖို့အတွက် အခု ကျိယန်မြို့ကို သွားနေကြတာ … "</p> <p style="text-align:justify"> လူငယ်သည် ကမန်းကတန်း ပြောပြီးသည်နှင့် အလျှင်မြန်ထွက်သွားရန်လုပ်လေသည်။</p> <p style="text-align:justify">သို့သော် ရဲ့ဟိုင် ဖမ်းဆွဲကာ တားဆီးလိုက်၏။</p> <p style="text-align:justify">" နတ်ဆိုး သောင်းကျန်းနေတယ် " </p> <p style="text-align:justify">ရဲ့ဟိုင် တအံ့တဩဖြင့် .. </p> <p style="text-align:justify">" နေကိုးစင်းမီးတောက် နယ်မြေဆိုတာက အရှေ့နတ်နန်းတော်ရဲ့ နယ်မြေပဲ၊ သူတို့က ဘာမှ မလုပ်ကြဘူးလား”</p> <p style="text-align:justify">လူငယ် သက်ပြင်းချလိုက်ပြီး ..</p> <p style="text-align:justify"> " အရှေ့နတ်နန်းတော်က ဘယ်ထိုင်ကြည့်နေမလဲ၊ သူတို့က အဲ့ဒီ နတ်ဆိုးကိုဖမ်းဖို့ ကျင့်ကြံသူ အမြောက်အမြားစေလွှတ်ခဲ့တယ်၊ ဒါပေမဲ့ နတ်ဆိုးကောင်က လိမ္မာပါးနပ်လွန်းလို့ ခုထိ ဖမ်းဖို့ အကြိမ်ကြိမ်ကြိုးစားခဲ့ပေမဲ့ လွတ်မြောက်နေတုန်းပဲ "  </p> <p style="text-align:justify">ရဲ့ဟိုင် မျက်မှောင်ကုတ်သွားကာ …</p> <p style="text-align:justify">" အဲ့ဒီနတ်ဆိုးကောင်ရဲ့ ပုံစံက ဘယ်လိုမျိုးလဲ ပြောပြလို့ရမလား မိတ်ဆွေ "</p> <p style="text-align:justify">လူငယ်သည် ရဲ့ဟိုင်၏ အမေးမြန်းထူမှုကြောင့် စိတ်မရှည်တော့သော်လဲ သူဆက်ပြောပြလိုက်ဆဲပင်။ </p> <p style="text-align:justify">“ အဲ့နတ်ဆိုးကောင်က သွေးနီရောင်ဓားကို ကိုင်ဆောင်ထားတဲ့ လူငယ်တစ်ယောက်လို့ ကောလဟာလတွေ ထွက်ပေါ်နေတာပဲ ”</p> <p style="text-align:justify">ထိုစကားက ရဲ့ဟိုင်၏ စိတ်ကို “ ဒိန်း “ ခနဲ ဖြစ်သွားစေလေ၏။ </p> <p style="text-align:justify">သွေးနီရောင်ဓား .. အဲ့ဓားက ကောင်းကင်လင်းယုန် တောင်ကြားထဲမှာ ချိတ်ပိတ်ခံထားရတဲ့ ဓားတော့ မဟုတ်လောက်ဘူးမှလား။</p> <p style="text-align:justify">ထိုသို့တွေးမိသည်နှင့် ချက်ချင်းပင်ရဲ့ဟိုင် လေဟာနယ်ကိုဆုတ်ဖြဲပြီး ကောင်းကင်လင်းယုန် တည်ရှိရာနယ်မြေသို့ ဦးတည်ကာ ပြေးသွား၏။</p> <p style="text-align:justify">တစ်ဖက်တွင် မေးခွန်းမေးနေသော လူငယ်ကတော့ အံ့အားသင့်ကာ ပါးစပ်ဟောင်းလောင်းဖြင့် ကျောက်ရုပ်ကဲ့သို့ ကျန်ခဲ့သည်။</p> <p style="text-align:justify">" လေဟာနယ်ကို ဆုတ်ဖြဲသွားတယ် ဒါဆိုသူက သန်မာတဲ့ အင်မော်တယ်သခင်အဆင့် ကျင့်ကြံသူပေါ့ "</p> <p style="text-align:justify">ဤမျှသန်မာသော အင်မော်တယ်သခင်အဆင့် ကျင့်ကြံသူတစ်ယောက်အား ဤနေရာတွင် သူတိုက်ရိုက်ကြုံတွေ့ခဲ့ရမည်ဟု မမျှော်လင့်ထားချေ။</p> <p style="text-align:justify">ကောင်းကင်လင်းယုန် တောင်ကြားချိုင့်ဝှမ်း၌...</p> <p style="text-align:justify">ရဲ့ဟိုင်သည် ထိုနေရာသို့ ရောက်သောအခါ ယခင်က ကြီးကြယ်ခမ်းနားသော အရှိန်အဝါပုံရိပ်များ တည်ရှိခဲ့သည့် ကောင်းကင်လင်းယုန်ကြီးက အရိုးစုအဖြစ် ပြောင်းလဲနေပြီဆိုတာကို တွေ့လိုက်ရ၏။ သွေးနတ်ဆိုးဓားကလဲ သဲလွန်စ မကျန်အောင် ပျောက်ကွယ်နေသည်။</p> <p style="text-align:justify">ထိုအချက်က ရဲ့ဟိုင်၏ မျက်နှာအမူအရာကို မဲမှောင်သွားစေ၏။</p> <p style="text-align:justify">သူထွက်မသွားခင်သုံးနှစ်အတွင်း သွေးနတ်ဆိုးဓားကို စည်းတံဆိပ်ခတ်ပေးရန်အတွက် အင်မော်တယ်သခင်အဆင့် အစီအရင်ပညာရှင်များအား အကူအညီတောင်းရန် ခွန်ယင်းအာကို အမိန့်ပေးခဲ့ကြောင်း သတိရမိလိုက်သည်။</p> <p style="text-align:justify">ဤကိစ္စကို ခွန်ယင်းအာ မေ့သွားခဲ့သည်လား။</p> <p style="text-align:justify">ရဲ့ဟိုင်ချက်ချင်းပင် လှည့်ပတ်ကြည့်ပြီးနောက် လေဟာနယ်ကိုဆုတ်ဖြဲကာ ပြန်လည်၍ ထွက်ခွာသွား၏။</p> <p style="text-align:justify">ရှေးဟောင်းကောင်းကင်လင်းယုန်၏ အသွေးအသားများကို စုပ်ယူပြီးနောက် သွေးနတ်ဆိုးဓားက သူ၏နဂိုအထွတ်အထိပ် အခြေအနေကိုပင် ပြန်လည်ရောက်ရှိသွားနိုင်ဖွယ်ရှိလေသည်။</p> <p style="text-align:justify"> </p> <p style="text-align: center;">***</p>


Save