Book List

<h2 style="text-align: center;">အပိုင်း - ( ၁၃၅၈ )</h2> <h2 style="text-align: center;">*</h2> <p style="text-align:justify"><br /> " ဘယ်သူလုပ်တာလဲ "</p> <p style="text-align:justify">ရွှီဖန် တတိယအကြီးအကဲအလောင်းကို စစ်ဆေး၍ ဒေါသတကြီး အော်ဟစ်လိုက်၏။</p> <p style="text-align:justify">" ငါပဲ .. "</p> <p style="text-align:justify">ထိုအချိန်တွင် ပြန်ဖြေသံက ပဲ့တင်ထပ်သွားပြီး အဖွားကြီးတစ်ယောက် လေဟာနယ်ထဲတွင် ထွက်ပေါ်လာသည်။</p> <p style="text-align:justify">" တစ်ဖက်လက် အဖွားဒူ "</p> <p style="text-align:justify">ရွှီဖန် ထိုအဖွားအိုကိုမြင်သည်နှင့် အလန့်တကြား အော်ဟစ်လိုက်၏။</p> <p style="text-align:justify">သူမက မျက်လုံးတစ်ဖက်တည်းသာရှိသော အမျိုးသမီးဖြစ်သောကြောင့် တစ်ဖက်လက်အဖွားဒူဟု ခေါ်ဆိုခြင်းဖြစ်သည်။</p> <p style="text-align:justify">အထူးသဖြင့် သူမ၏ကျင့်ကြံအဆင့်က အင်မော်တယ်သခင်အဆင့် ( 9 ) ကို ရောက်ရှိနေပြီဖြစ်ပြီး တတိယအကြီးအကဲ ယခုလို တိတ်တဆိတ် သေဆုံးသွားသည်မှာ မထူးဆန်းတော့ချေ။</p> <p style="text-align:justify">" ယင်းအာ "</p> <p style="text-align:justify">" ရှိပါတယ် သခင် "</p> <p style="text-align:justify">ခွန်ယင်းအာ ချက်ချင်းပင် ရဲ့ဟိုင်အား ဦးညွှတ်လိုက်၏။</p> <p style="text-align:justify">" နှင်းတောင်တန်းဒေသက ရွှီမိသားစုကို ထပ်မတွေ့ချင်တော့ဘူးလို့ ဂိုဏ်းချုပ်ဟောင်ဖုဂျန်ကိုပြောလိုက်ပါ "</p> <p style="text-align:justify">" အမိန့်အတိုင်းပါပဲ သခင် "</p> <p style="text-align:justify">ခွန်ယင်းအာချက်ချင်းပင် ဦးညွှတ်ပြီး ထွက်ခွာသွားသည်။</p> <p style="text-align:justify">တစ်ဖက်တွင် ရွှီဖန်၏ မျက်နှာအမူအရာက ပျက်ယွင်းသွား၏။</p> <p style="text-align:justify">" ရဲ့ဟိုင် မင်းဘာလုပ်နေလဲဆိုတာ မင်းသိလား "</p> <p style="text-align:justify">" လွန်ခဲ့တဲ့ ( 10 ) နှစ်အတွင်း အရှေ့နတ်နန်းတော်က သူတို့ရဲ့ အမြတ်အစွန်းတွေကို အခုလောက်ဆို အစာချေပြီးလောက်ပြီ၊ အဲ့တော့ သူတို့ရဲ့ စစ်အင်အားကို ဖြန့်ကျက်ရမယ့်အချိန်ပဲ "</p> <p style="text-align:justify">ထိုသို့ပြောပြီးသည်နှင့် ရဲ့ဟိုင် ရွှီဖန်ကို တည်ငြိမ်စွာကြည့်လိုက်ပြီး...</p> <p style="text-align:justify">" မင်းတို့ ရွှီမိသားစုရဲ့ နှင်းတောင်တန်းဒေသကတော့ ပထမဆုံးသိမ်းပိုက်ရမယ့် အဓိကဒေသကြီး ဖြစ်လာမှာပေါ့ "</p> <p style="text-align:justify">" ဟမ့် .. ရဲ့ဟိုင် မင်းလေကြီးမနေနဲ့၊ နှင်းတောင်တန်းနဲ့ နေကိုးစင်းမီးတောက်နယ်မြေကြားထဲမှာ အခြားအဓိကနယ်မြေကြီးတစ်ခုရှိနေသေးတယ်နော် "</p> <p style="text-align:justify">" စိတ်မပူနဲ့ နှင်းတောင်တန်းကို သိမ်းလိုက်ပြီးတဲ့အချိန်ကျရင် မိုးဒေသကိုလည်း ငါထပ်ပြီးတော့ သိမ်းပိုက်မှာ "</p> <p style="text-align:justify">" မင်း... "</p> <p style="text-align:justify">ရွှီဖန်၏ မျက်နှာက ရဲ့ဟိုင်ကိုကြည့်ရင်း ပို၍ပင် ပျက်ယွင်းလာသည်။ သူဤနေရာသို့လာခဲ့သည့် ယခုကိစ္စလေးက ဤမျှကြီးမားသည့်ရလဒ် ဖြစ်ပေါ်လာစေသည်ဟု မမျှော်လင့်ထားပေ။</p> <p style="text-align:justify">" ရဲ့ဟိုင် သူတို့ရဲ့ ရွှီမိသားစုမှာ အင်မော်တယ်အရှင်အဆင့်ကျင့်ကြံသူ နှစ်ယောက်တောင်ရှိတယ်နော် "</p> <p style="text-align:justify">ယခုနကလိုပင် တောက်ပြောင်သောအဝတ်အစား ဝတ်ဆင်ထားသည့် အမျိုးသမီးက ကမန်းကတန်းပင် ဝင်ကာပြော၏။</p> <p style="text-align:justify">ထိုအမျိုးသမီးက ရဲ့ဟိုင် မှားယွင်းသည့်အရာတစ်ခုကို ပြုလုပ်သွားမည်အား စိုးရိမ်နေသည့်ပုံပင်။</p> <p style="text-align:justify">ရဲ့ဟိုင် ပြုံးလိုက်ပြီး...</p> <p style="text-align:justify">" စိတ်မပူနဲ့ အရှေ့နတ်နန်းတော်ကစစ်တပ် ရောက်လာတဲ့အချိန်ကျရင် ရွှီမိသားစုကျဆုံးခြင်းကိုကြည့်ဖို့ မင်းတို့အားလုံးကို ငါခေါ်သွားမယ် "</p> <p style="text-align:justify">" ပြီးတော့ ယင်မင်း မင်းတို့ ဂိုဏ်းတွေကလဲ ဒီစစ်ပွဲမှာ ပါဝင်ပြီးအားဖြည့်လို့ရတယ် "</p> <p style="text-align:justify">ရဲ့ဟိုင် သွေးသောက်ဓားရူးယင်မင်းကိုကြည့်ကာ တည်တည်ငြိမ်ငြိမ်ပင် ပြောလိုက်သည်။</p> <p style="text-align:justify">" စိတ်မပူနဲ့ ညီအစ်ကိုရဲ့ .. ငါဂိုဏ်းကိုပြန်ပြီးတော့ ဒီကိစ္စကိုတင်ပြပြီး စည်းရုံးလိုက်မယ် "</p> <p style="text-align:justify">ယင်မင်း လေးနက်စွာဖြင့် ပြောလိုက်၏။ ထို့နောက် ချက်ချင်း လှည့်ကာထွက်ခွာသွားသည်။</p> <p style="text-align:justify">တစ်ဖက်တွင် ရဲ့ဟိုင် ထွက်ခွာသွားသော ယင်မင်း၏ နောက်ကျောကိုကြည့်ပြီး...</p> <p style="text-align:justify">" ယင်မင်း မင်းရဲ့ဂိုဏ်းကလူတစ်ယောက်လောက်ပဲ ဒီကိုလွှတ်လိုက်မယ်ဆိုရင်တောင်မှ အနာဂါတ်မှာ အဲ့ဒီဂိုဏ်းက ဆက်ပြီးတော့ တည်ရှိနိုင်လိမ့်မယ် "</p> <p style="text-align:justify">" စမ်းသပ်မှုတစ်ခု "</p> <p style="text-align:justify">ရဲ့ဟိုင်သည် ရွှီဖန်၏လုပ်ရပ်မှတစ်ဆင့် အရှေ့နတ်နန်းတော်နှင့် သူနှင့်ခင်မင်ခဲ့သော သူငယ်ချင်း၊ မိတ်ဆွေ၊ အပေါင်းအသင်းများကို စမ်းသပ်ရန် စဥ်းစားထား၏။</p> <p style="text-align:justify">ဤတစ်ကြိမ်တွင် ရဲ့ဟိုင်သည် အရှေ့နတ်နန်းတော်အား အရှေ့ပိုင်းကုန်းမြေတိုက်ကြီးတစ်ခုလုံးကို အပြီးသတ်ပေါင်းစည်းနိုင်စေရန်အတွက် စီစဥ်နေခြင်းဖြစ်သည်။</p> <p style="text-align:justify">ထိုသူငယ်ချင်းများ၏ ဂိုဏ်းများက နားလည်သဘောပေါက်ပြီး ဖြောင့်မှန်သည့်စိတ်ထားရှိပါလျှင် ရဲ့ဟိုင် သူတို့ကိုလွှတ်ပေးမည်ဟု စဥ်းစားထား၏။ သို့သော် ကူညီရန်ငြင်းဆန်သည်ဆိုလျှင် ရလဒ်က တစ်ခုတည်းသာ ရှိလာပေမည်။ </p> <p style="text-align:justify">" သွားကြမယ် "</p> <p style="text-align:justify">စကားဆုံးသည်နှင့်ရဲ့ဟိုင် အပြင်သို့ လက်နှစ်ဖက်နောက်ပစ်ကာ ပြန်ထွက်သွား၏။</p> <p style="text-align:justify">ရဲ့ဟိုင်ကိုယ်တိုင် ရုတ်တရတ် ဘူရီမြို့တွင် ပွင့်ပွင့်လင်းလင်း ထွက်ပေါ်လာသောအခါ ဂိုဏ်းအသီးသီးမှ ထောက်လှမ်းရေးအဖွဲ့အစည်းများ အလောတကြီးဖြင့် သူတို့ဂိုဏ်းများကို အလျင်အမြန် သတင်းပို့ကြတော့သည်။</p> <p style="text-align:justify">ထိုဂိုဏ်းများအကုန်လုံး ဘူရီမြို့တွင် သူလျှိုများ ထားရှိရသည့်အကြောင်းအရင်းက ရဲ့ဟိုင်သည် ဘူရီမြို့၏ နောက်ကွယ်မှ သခင်ဖြစ်သည်ဆိုတာကို သိသောကြောင့်ဖြစ်လေ၏။</p> <p style="text-align:justify"> </p> <p style="text-align: center;">***</p>


Save