Book List

<h2 style="text-align: center;">အပိုင်း - ( ၁၃၆၀ )</h2> <h2 style="text-align: center;">*</h2> <p style="text-align:justify"> </p> <p style="text-align:justify">နောက်ဆုံး အတိုက်အခံပေါင်းမြောက်များစွာနှင့် အကြီးအကဲများအကုန်လုံး၏ ဝိုင်းဝန်းဆန့်ကျင်မှုအောက်၌ နှင်းတောင်တန်းသို့ ချီတက်ကာ တိုက်ခိုက်မည့်အစီအစဥ်က ဘာမှဖြစ်မလာခဲ့ချေ။</p> <p style="text-align:justify">ချူဂျောင်ဂျောင် စိတ်ပျက်လက်ပျက် အမူအရာဖြင့် အစည်းအဝေးခန်းမထဲမှ ထွက်ခွာလာသည်။</p> <p style="text-align:justify">သို့သော် သူမထွက်ခွာခါနီးတွင် အခန်းထဲရှိ လူတိုင်းကို စူးစိုက်ကာ လှည့်ပတ်ကြည့်ပြီး...</p> <p style="text-align:justify">" နင်တို့အားလုံး အရှေ့နတ်နန်းတော်ရဲ့ အပြစ်သားတွေ မကြာခင်ဖြစ်လာလိမ့်မယ် "</p> <p style="text-align:justify">အစည်းအဝေးခန်းမမှ ထွက်လာပြီးသည်နှင့် ချူဂျောင်ဂျောင်သည် အရှေ့နတ်နန်းတော်၏ တယ်လီပို့အစီအရင်မှ တစ်ဆင့် နေကိုးစင်းမီးတောက်နယ်မြေသို့ တိုက်ရိုက်ပင် ထွက်ခွာလာခဲ့၏။</p> <p style="text-align:justify">ထိုအချိန်တွင် အရှေ့နတ်နန်းတော် အစည်းအဝေးခန်းမထဲရှိ လက်ဖက်ရည်ဆက်သရသော အစေခံမလေးသည် အစည်းအဝေးပြီးဆုံးသွားသည်နှင့် ဖြစ်ပျက်ခဲ့သည့် အရာများကို အသေးစိတ် ကျောက်စိမ်းပြားတစ်ပြားတွင် ရေးထိုးလိုက်သည်။ ထို့နောက် ထိုကျောက်စိမ်းပြားသည် သူမ၏လက်ထဲမှတစ်ဆင့် လေဟာနယ်ထဲသို့ ဝင်ရောက်သွားပြီး ဘူရီမြို့ရှိရာသို့ ဦးတည်ကာ ထွက်ခွာသွား၏။</p> <p style="text-align:justify">ထိုအချိန်တွင် ဘူရီမြို့၌ ကျင့်ကြံသူစုစုပေါင်း သုံးသောင်းတိတိ စုဆောင်းရောက်ရှိနေပြီဖြစ်သည်။</p> <p style="text-align:justify">ထိုကျင့်ကြံသူအုပ်စုကြီးက လူတိုင်းကိုထိတ်လန့်စေသည့်အချက်မှာ ၎င်းတို့ထဲတွင် ကျင့်ကြံအဆင့် အနိမ့်ကျဆုံးက ကောင်းကင်အမတ အစောပိုင်းအဆင့်တွင်ရှိ၏။</p> <p style="text-align:justify">ထိုကျင့်ကြံသူအုပ်စု သုံးသောင်း၏ တပ်ဗိုလ်များသည် ကျောက်စိမ်းအင်မော်တယ်အဆင့်တွင်ရှိပြီး လူတစ်သောင်းစီကို ဦးဆောင်ထားသည့် တပ်မှူးသုံးယောက်ကတော့ ရွှေအင်မော်တယ်အဆင့်တွင် ရှိနေသည်။</p> <p style="text-align:justify">" ဘူရီမြို့က ဒီအဆင့်အထိ တိုးတက်လာဖို့ နှစ်ပေါင်းဘယ်လောက်ပဲ အချိန်ယူခဲ့တာလဲ "</p> <p style="text-align:justify">" ဒီအင်အားစုစွမ်းအားနဲ့ဆိုရင် မိုးကြိုးဓားဂိုဏ်းလို သာမန်ဂိုဏ်းတွေနဲ့တောင် နှိုင်းယှဥ်နိုင်နေပြီ၊ အစွမ်းထက်တဲ့ အင်မော်တယ်သခင်အဆင့်တွေသာ ထပ်ရှိနေရင် သူတို့အဖွဲ့အစည်းက မိုးကြိုးဓားဂိုဏ်းနဲ့ အခြားဂိုဏ်းတွေထက် လုံးဝအားမနည်းတော့ဘူး "</p> <p style="text-align:justify">" ခွန်ယင်းအာ 10 နှစ်အတွင်း ဒီလိုအင်အားစုရအောင် ဘယ်လိုလုပ်ခဲ့လဲဆိုတာ ငါတကယ်သိချင်မိတယ် "</p> <p style="text-align:justify">သူလျှိုများက အုပ်စုလိုက်အုပ်စုလိုက် အသည်းအသန် ဆွေးနွေးလိုက်ကြ၏။</p> <p style="text-align:justify">တကယ်လို့ လွန်ခဲ့သည့် ( 10 ) နှစ်အတွင်း ခွန်ယင်းအာ မည်မျှအထိ ဤလူများထံ၌ ရင်းနှီးမြုပ်နှံခဲ့သည်ဆိုတာကိုသိလျှင် ဘူရီမြို့တွင် ဤမျှအင်အားစုရှိလာသည်က ဘာမှမဟုတ်ကြောင်း အကုန်လုံး နားလည်သွားကြမည်ဖြစ်သည်။</p> <p style="text-align:justify">အဘယ့်ကြောင့်ဆိုသော် ဘူရီမြို့တွင် ၎င်းအဖွဲ့ကို လေ့ကျင့်ပေးခဲ့သော ရင်းနှီးမြုပ်နှံမှုသည် အရှေ့နတ်နန်းတော်ထက်ပင် များစွာသာလွန်သောကြောင့်ဖြစ်၏။</p> <p style="text-align:justify">သိထားရမည်မှာ အရှေ့နတ်နန်းတော်၏ အရင်းအမြစ်များသည် နယ်မြေလေးခုကနေ စီးဆင်းဝင်ရောက်ကာ များပြားစွာ တည်ရှိနေခြင်းဖြစ်သည်။</p> <p style="text-align:justify">ဘူရီမြို့က မြို့တစ်မြို့လေးသာရှိ၏။ သို့သော် အရှေ့နတ်နန်းတော်ထက် သာလွန်သော အရင်းအမြစ်များကို ထောက်ပံ့နေနိုင်ဆဲပင်။</p> <p style="text-align:justify">ထိုလူများအားလုံးမသိသည်မှာ ဤလူအင်အားသုံးသောင်းသည် ဘူရီမြို့၏ ခွန်အားတစ်စိတ်တစ်ပိုင်းသာ ရှိသေးသည်။ သူတို့၏ အစစ်အမှန်စွမ်းအားက အဓိကနယ်မြေကြီး ( 36 ) ခုကို ပျံ့နှံ့နေသော သူတို့၏ ထောက်လှမ်းရေးကွန်ရက်ကြီးဖြစ်၏။</p> <p style="text-align:justify">ထိုထောက်လှမ်းရေးကွန်ရက်ကြီးကို တည်ဆောက်ပြီး နေရာတိုင်းတွင် သူလျှိုများစိမ့်ဝင်နိုင်ရန်အတွက် နှစ်စဥ်အရင်းအမြစ်များ၏ သုံးပုံနှစ်ပုံကျော်ကို ၎င်းထဲတွင် ရင်းနှီးမြုပ်နှံခဲ့ရသည်။</p> <p style="text-align:justify">ထိုအချိန်တွင် ဘူရီမြို့အနီးတွင်ရှိသော ကျိယန်မြို့မှ အင်အားသုံးသောင်းပါသည့် စစ်တပ်ကလဲ ရောက်ရှိလာ၏။</p> <p style="text-align:justify">သူလျှိုများအားလုံးကို ထပ်မံ၍ အံ့အားသင့်သွားစေသည်မှာ ကျိယန်မြို့မှ စစ်သားသုံးသောင်းသည်လည်း အကုန်လုံးက ကောင်းကင်အမ္မတအဆင့်သို့ ရောက်ရှိနေခြင်းပင်။</p> <p style="text-align:justify">သူတို့၏ ဖွဲ့စည်းတည်ဆောက်ပုံက ဘူရီမြို့မှ စစ်သည်များနှင့် တစ်ပုံစံတည်းဖြစ်သည်။</p> <p style="text-align:justify">ဤအဆင့်က သူလျှိုများသာမက ဘူရီမြို့တွင်ရှိနေသော အခြားကျင့်ကြံသူများကိုပါ အံ့အားသင့် ဆွံ့အသွားစေ၏။</p> <p style="text-align:justify">" ရဲ့ဟိုင်ရဲ့ စစ်သည်အရေအတွက်နဲ့ဆိုရင် သူက ဒေသတစ်ခုလုံးတောင် ထိန်းချုပ်နိုင်တဲ့အဆင့်မှာ ရောက်ရှိနေပြီ "</p> <p style="text-align:justify">" မဟုတ်ဘူး .. မရသေးဘူး "</p> <p style="text-align:justify">" ကျင့်ကြံသူအယောက်တစ်သိန်းမရှိဘဲနဲ့ သူတို့က ဒေသတစ်ခုလုံးကိုထိန်းချုပ်ဖို့ အရည်အချင်းမပြည့်မီဘူး၊ ဒါ့အပြင် ရဲ့ဟိုင်ရဲ့ အဖွဲ့တွေမှာ အုပ်ချုပ်ဖို့အတွက် အင်မော်တယ်သခင်အဆင့် ကျင့်ကြံသူတွေ တစ်ယောက်မှမပါဘူးလေ "</p> <p style="text-align:justify">ထိုကဲ့သို့ လူတိုင်းက ဆွေးနွေးနေကြသည့်အချိန်တွင် ကြောက်စရာကောင်းသော အရှိန်အဝါ ထွက်ပေါ်နေသည့် လူငါးယောက်က ရုတ်တရက် လေထုထဲတွင် ထွက်ပေါ်လာသည်။ ထိုလူများက ထွက်ပေါ်လာသည်နှင့် ရဲ့ဟိုင်ကို တလေးတစားဖြင့် ဦးညွှတ်လိုက်လေ၏။</p> <p style="text-align:justify">" သခင်လေး "</p> <p style="text-align:justify">" အင်မော်တယ်သခင်အဆင့် "</p> <p style="text-align:justify">" အင်မော်တယ်သခင်အဆင့် ငါးယောက်တောင်လား "</p> <p style="text-align:justify">" နေဦး သူတို့ခန္ဓာကိုယ်က ထွက်ပေါ်နေတဲ့ စွမ်းအားတွေအရဆိုရင် အင်မော်တယ်သခင် အထွတ်အထိပ်အဆင့်တွေများ ဖြစ်နေမလား "</p> <p style="text-align:justify">ထိုသတင်းက လူတိုင်းကို အလွန်တရာ ထိတ်လန့်တုန်လှုပ်သွားစေသည်။</p> <p style="text-align:justify">ဤအထွတ်အထိပ်အဆင့် အင်မော်တယ်သခင် ကျင့်ကြံသူငါးယောက်ဖြင့်ဆိုလျှင် ရဲ့ဟိုင်၏ စစ်တပ်က ကျွမ်းကျင်ပညာရှင်များ လိုအပ်နေသည့်ဟာကွက်ကို ပြည့်သွားစေမှာ သေချာ၏။</p> <p style="text-align:justify">ရဲ့ဟိုင်တည်ငြိမ်စွာဖြင့် ထိုငါးယောက်ကို ခေါင်းညိတ်ပြလိုက်သည်။</p> <p style="text-align:justify">ထိုအချိန်တွင် ရဲ့ဟိုင်ဘေးနားတွင်ရပ်နေသော ခွန်ယင်းအာ၏ လက်ထဲသို့ ကျောက်စိမ်းပြားတစ်ပြားက ရောက်ရှိလာ၏။</p> <p style="text-align:justify">ခွန်ယင်းအာ အထဲတွင်ပါဝင်သော အကြောင်းအရာကိုဖတ်ပြီးနောက် ရဲ့ဟိုင်ကိုပေးလိုက်သည်။</p> <p style="text-align:justify">ထိုစာကိုဖတ်ပြီးနောက် ရဲ့ဟိုင်၏အမူအရာ ဘာမှပြောင်းလဲခြင်းမရှိပေ။ ရှေးခေတ်ကတည်းက လူတိုင်းသည် ရရှိလာသောကိတ်မုန့်ကို တစ်ယောက်တစ်ဖဲ့စီဝိုင်းစားရန် စိတ်အားထက်သန်လွန်းကြသော်လည်း အကူအညီလိုအပ်သည့်အချိန်တွင်တော့ အချိန်မီကူညီပေးသည်က ရှားပါးလှ၏။</p> <p style="text-align:justify">" ကောင်းပြီ .. အားလုံးပဲ နှင်းတောင်တန်းကို သိမ်းပိုက်ကြတာပေါ့ "</p> <p style="text-align:justify">ရဲ့ဟိုင်သူ၏ ဓာတ်ကြီးငါးပါးဓားကို ဆွဲထုတ်ပြီး နှင်းတောင်တန်းဒေသရှိရာသို့ ဦးတည်၍ ညွှန်ပြလိုက်သည်။</p> <p style="text-align:justify">" နှင်းတောင်တန်းကို အနိုင်ယူမယ် "</p> <p style="text-align:justify">" နှင်းတောင်တန်းကို အနိုင်ယူမယ် "</p> <p style="text-align:justify">" နှင်းတောင်တန်းကို အနိုင်ယူမယ် "</p> <p style="text-align:justify">ချက်ချင်းပင် စစ်သားခြောက်သောင်းလုံးကလည်း သူတို့၏လက်နက်များကိုထုတ်၍ အော်ဟစ်လိုက်သည်မှာ ဘူရီမြို့တော်တစ်ခုလုံးကို ပဲ့တင်ထပ်သွားပြီး မြေငလျင်များတောင် ဖြစ်ပေါ်လာစေ၏။</p> <p style="text-align:justify">တစ်ချိန်တည်းမှာပင် လျှို့ဝှက်ဆန်းကြယ်သော အစီအရင်ရုဏ်းများ ရေးထွင်းထားသည့် ရှေးဟောင်းစစ်သင်္ဘောကြီး ( 6 ) စင်းက ကောင်းကင်ထက်တွင် ထွက်ပေါ်လာသည်။</p> <p style="text-align:justify">ရှေးဟောင်းစစ်သင်္ဘောများက အသက်ဝင်လာသည်နှင့် တစ်ပြိုင်နက် ကြောက်စရာကောင်းသော အရှိန်အဝါဖိအားကို ထုတ်လွှတ်လာလေ၏။</p> <p style="text-align:justify">" အဲ့တာတွေက ဘာတွေလဲ "</p> <p style="text-align:justify">" ဒါတိုက်ပွဲဝင်စစ်သင်္ဘောတွေမလား "</p> <p style="text-align:justify">" ရဲ့ဟိုင်က တိုက်ပွဲဝင်စစ်သင်္ဘောတွေကို ဘယ်ကနေရလာတာလဲ "</p> <p style="text-align:justify">" ကျိန်းသေပေါက်ဒါက ဒဏ္ဍာရီလာ အင်မော်တယ်သခင်အဆင့် စစ်သင်္ဘောတွေပဲ၊ သူတို့ရဲ့အရှိန်အဟုန်နဲ့ စွမ်းအားက အင်မော်တယ်သခင်အဆင့်တွေနဲ့ တန်းတူညီပြီးတော့ ကြောက်စရာကောင်းတဲ့ စွမ်းအင်အမြောက်တွေကိုလည်း တပ်ဆင်ထားသေးတယ်၊ စစ်သင်္ဘောခြောက်စင်းရဲ့ စွမ်းအားအောက်မှာ အင်မော်တယ်သခင် အထွတ်အထိပ်အဆင့် ကျင့်ကြံသူတစ်ယောက်တောင်မှ နောက်ပြန်ဆုတ်သွားရမှာပဲ "</p> <p style="text-align:justify">" အင်မော်တယ်သခင်အဆင့် စစ်သင်္ဘော ( 6 ) စင်း "</p> <p style="text-align:justify">" ဒီအင်မော်တယ်သခင်အဆင့် စစ်သင်္ဘော ( 6 ) စင်းနဲ့ဆိုရင် ဘူရီမြို့ကနေ နှင်းတောင်တန်းဒေသကိုရောက်ဖို့က ဘယ်လောက်မှကြာမှာမဟုတ်ဘူး "</p> <p style="text-align:justify">ချက်ချင်းပင် ရဲ့ဟိုင်၏ စစ်သည်ခြောက်သောင်းသည် စစ်သင်္ဘော ( 6 ) စီးပေါ်သို့ ခွဲကာတက်ရောက်လိုက်ပြီး နှင်းတောင်တန်းဒေသရှိရာသို့ ဦးတည်လိုက်ကြလေသည်။</p> <p style="text-align:justify"> </p> <p style="text-align: center;">***</p>


Save