Book List

<h2 style="text-align: center;">အပိုင်း - ( ၁၃၆၁ )</h2> <h2 style="text-align: center;">*</h2> <p style="text-align:justify"><br /> စစ်သင်္ဘော ( 6 ) စီး ထွက်ခွာသွားသည်နှင့် အခြားကျင့်ကြံသူများ၏ စိတ်ထဲ၌ ဆိုးယုတ်သော အတွေးများက ဝင်ရောက်လာကြ၏။ ရဲ့ဟိုင်က သူ၏စစ်တပ်နှင့် အင်အားစုအကုန်လုံးကို ခေါ်ဆောင်သွားခြင်းဖြစ်သဖြင့် ဘူရီမြို့နှင့် ကျိယန်မြို့နှစ်ခုလုံးတွင် အစောင့်အကြပ်က အလွန်ပင် နည်းပါးသွားပြီဖြစ်သည်။ လက်ရှိအချိန်က ဤမြို့နှစ်မြို့လုံးကို မွှေနှောက်ရန်အတွက် အကောင်းဆုံးအချိန်ပင်။</p> <p style="text-align:justify">ထိုအချိန်တွင် ကျောက်စိမ်းအင်မော်တယ်အဆင့်တွင်ရှိသော မြို့စောင့်တပ်တပ်သား ( 3000 ) ခန့်စီက ဘူရီမြို့နှင့် ကျိယန်မြို့တွင် ထွက်ပေါ်လာပြီး မြို့အား တင်းတင်းကြပ်ကြပ် စောင့်ကြပ်နေလေ၏။</p> <p style="text-align:justify">သူတို့တစ်ယောက်ချင်းစီမှ လှံတစ်စင်း မတ်မတ်ထောင်ထားသကဲ့သို့ ထက်ရှသောအရှိန်အဝါနှင့် သတ်ဖြတ်ခြင်း အရှိန်အဝါများကို ပေါင်းစပ်ကာ ထုတ်လွှတ်နေသည်။</p> <p style="text-align:justify">တစ်ချိန်တည်းမှာပင် အလွန်ကြောက်စရာကောင်းသော နတ်ဝိညာဥ်အာရုံတစ်ခုကလဲ မြို့တစ်ခုလုံးကို အဆက်မပြတ် လှည့်ပတ်ကာ စစ်ဆေးနေ၏။</p> <p style="text-align:justify">" သောက်ချီး မြို့နှစ်မြို့လုံးကို အထွတ်အထိပ်အင်မော်တယ်သခင်အဆင့် ကျင့်ကြံသူတစ်ယောက်စီက စောင့်ကြပ်နေတာလား "</p> <p style="text-align:justify">" ( 10 ) နှစ်အတွင်း ဒီမြို့နှစ်မြို့က ဘာဖြစ်လို့ အဲ့လောက်တောင်မှ တိုးတက်လာနိုင်တာလဲ "</p> <p style="text-align:justify">" အရှေ့နတ်နန်းတော်မှာတောင်မှ ဒီလိုမျိုး သန်မာတဲ့ အထွတ်အထိပ် အင်မော်တယ်သခင်အဆင့် ကျင့်ကြံသူတွေ အများကြီးမရှိမှာကို ငါကြောက်မိသား "</p> <p style="text-align:justify">" နေဦး အခုမှသတိထားမိတယ် .. အရှေ့နတ်နန်းတော်က ဒီကိစ္စကို လုံးဝဝင်မစွက်ဖက်ခဲ့ဘူး "</p> <p style="text-align:justify">" ကြည့်ရတာ အရှေ့နတ်နန်းတော်က ရဲ့ဟိုင်ကို တန်ဖိုးမရှိတော့ဘူးလို့ ထင်နေတာဖြစ်မယ်၊ အဲ့တာကြောင့် သူတို့တပ်တွေ မစေလွှတ်ခဲ့တာ "</p> <p style="text-align:justify">" သေချာပေါက် ဒီတစ်ခေါက်တော့ အရှေ့နတ်နန်းတော်က ကြီးကြီးမားမားဆုံးရှုံးမှုကို ခံစားရပြီပဲ "</p> <p style="text-align:justify">" ရဲ့ဟိုင်အစတည်းက သူ့ဘာသာ နယ်မြေဒေသတွေကိုသိမ်းပိုက်ပြီး စိုးမိုးဖို့ ရည်ရွယ်ချက်မရှိဘူး၊ အကုန်လုံးကို အရှေ့နတ်နန်းတော်အတွက်ပဲ လုပ်ဆောင်ပေးခဲ့တာ၊ ဒါပေမဲ့ ဒီတစ်ခေါက်တော့ သူလုံးဝနှုတ်ဆိတ်ပြီး အနောက်မှာ နေမှာမဟုတ်တော့ဘူး၊ သူ့ရဲ့လက်ရှိ စွမ်းအားနဲ့ဆိုရင် နယ်မြေတစ်ခုကို သေချာပေါက် သိမ်းပိုက်ပြီးတော့ အင်အားစုကို ထူထောင်နိုင်နေပြီ "</p> <p style="text-align:justify">" အင်မော်တယ်အရှင်အဆင့်ကတော့ .. ရဲ့ဟိုင် အဲ့ဒီအဆင့်ကို မရောက်နိုင်ရင်တောင်မှ ခွန်ယင်းအာ အဲ့ဒီအဆင့်ကိုရောက်နိုင်မှာ အသေအချာပဲ၊ ပြီးတော့ ကျိုးဒူအာဆိုတာလည်းရှိသေးတယ်၊ ရဲ့ဟိုင်က ကျိုးဒူအာအတွက် ကျိန်စာအားလုံးကို ဝန်ခံခဲ့ပြီးပြီဆိုတော့ ကျိုးဒူအာက အရှိန်အဟုန်နဲ့ တိုးတက်လာတော့မှာပဲ၊ သူမသာ အင်မော်တယ်အရှင်အဆင့်ကိုရောက်သွားရင် ရဲ့ဟိုင်ကိုကျိန်းသေပေါက် တစ်ဘဝလုံးပြန်ပြီး ပေးဆပ်လိမ့်မယ် "</p> <p style="text-align:justify">" သေချာတာပေါ့ .. ကျိုးဒူအာအနေနဲ့ အင်မော်တယ်ဘုရင်အဆင့်ကို ရောက်နိုင်မရောက်နိုင်ဆိုတာ မသိပေမဲ့ အင်မော်တယ်အရှင်အဆင့်ကို ရောက်ဖို့ကတော့ ဘာမှအခက်အခဲ ရှိမှာမဟုတ်ဘူး "</p> <p style="text-align:justify">" ဒီတစ်ခါ အရှေ့နတ်နန်းတော်က ဘာဖြစ်သွားကြတာလဲ "</p> <p style="text-align:justify">" အရှေ့နတ်နန်းတော် ရဲ့ ခေါင်းဆောင်တွေ အားလုံး အမြင်အာရုံကန်းသွားကြပုံပဲ "</p> <p style="text-align:justify">လျင်မြန်စွာ အပြေးလာခဲ့သော ချူဂျောင်ဂျောင်သည် ထိုသူများ၏ စကားကိုနားထောင်ရင်း သူမ၏ လှပသော မျက်နှာထက်၌ ထိတ်လန့်မှုနှင့် တုန်လှုပ်မှုများ ဖြစ်ပေါ်လာခဲ့သည်။ </p> <p style="text-align:justify">အထူးသဖြင့် စစ်သင်္ဘောတွေ ထွက်ခွာသွားတာ ကြာပြီဖြစ်၏။</p> <p style="text-align:justify">သူမအနေဖြင့် ဘာမှလုပ်နိုင်တာ မရှိတော့ချေ။</p> <p style="text-align:justify">အရှေ့နတ်နန်းတော်တွင်လဲ စစ်သင်္ဘော ဆယ်စင်းပိုင်ဆိုင်ထားသည်။ သို့သော် နယ်မြေများကို တပ်ဖြန့်ထားရသဖြင့် ထိုစစ်သင်္ဘောများကို အလွယ်တကူပြန်မစုနိုင်ချေ။ </p> <p style="text-align:justify">သို့သော် ရဲ့ဟိုင်ကတော့ ၎င်း စစ်သင်္ဘော ခြောက်စီးကို ရှောင်တခင် ဆွဲထုတ်ခဲ့၏။</p> <p style="text-align:justify">ချူဂျောင်ဂျောင် သူမက ရွှေအင်မော်တယ်အဆင့်သို့ ရောက်နေပြီဖြစ်သော်လဲ ၎င်း စစ်သင်္ဘောတွေကိုတော့ အမှီမလိုက်နိုင်ဘူးဖြစ်သည်။</p> <p style="text-align:justify">အင်မော်တယ် သခင်အဆင့် စစ်သင်္ဘောတစ်စင်းသည် အင်မော်တယ် သခင်အဆင့် အမြန်နှုန်းကို ကိုယ်စားပြုလေ၏။</p> <p style="text-align:justify">စစ်သင်္ဘောက စွမ်းအားအပြည့် မထုတ်ဘဲ သွားနေရင်တောင် သူမ လိုက်မမီနိုင်ချေ။</p> <p style="text-align:justify">ချူဂျောင်ဂျောင် စိတ်ပျက်စွာပြန်လှည့်လိုက်ပြီး တယ်လီပို့အစီရင်မှာ တစ်ဆင့် ဂိုဏ်းဆီသို့ ပြန်လိုက်၏။</p> <p style="text-align:justify">တစ်ချိန်တည်းတွင် .. အရှေ့နတ်နန်းတော်သည် နယ်မြေခွဲဝေမှုနှင့် အရင်းအမြစ်များပိုင်ဆိုင်မှုကို အုပ်စုလိုက် ဆွေးနွေးနေချိန် ထောက်လှမ်းရေးခန်းမမှ လူငယ်တစ်ဦးက အလျှင်မြန်ပြေးဝင်လာလေသည်။</p> <p style="text-align:justify">" ဘာဖြစ်တာလဲ "  </p> <p style="text-align:justify">ဟောင်ဖုဂျန် မျက်မှောင်ကုတ်ကာ မေးလိုက်၏။</p> <p style="text-align:justify">" နန်းတော်သခင် လွန်ခဲ့တဲ့ တစ်နာရီ လေးပုံ တစ်ပုံလောက်က ဘူယွီမြို့နဲ့ ကျိယန်မြို့မှာ ရဲ့ဟိုင်ပိုင်တဲ့ တပ်ဖွဲ့ဝင် 60,000 စီ စုရုံးခဲ့ပါတယ်။ ဒီတပ်ဖွဲ့ဝင် 60,000 ထဲမှာ အအားနည်းဆုံးက ကောင်းကင်အမတ အဆင့်ရဲ့ အစောပိုင်းကို ရောက်နေပါပြီ။ ပြီးတော့ တပ်စုတစ်ခုစီရဲ့ တပ်ဗိုလ်တိုင်းက ကျောက်စိမ်းအင်မော်တယ် အဆင့်ရှိပြီး တပ်မှူးခြောက်ယောက်က ရွှေအင်မော်တယ် အဆင့်တွေပါ “</p> <p style="text-align:justify">ထိုလူအင်အားကို ကြားလိုက်ရသည်နှင့် အခန်းထဲရှိ လူများအားလုံး ရုတ်ရုတ်သဲသဲ ဖြစ်သွားကြလေသည်။</p> <p style="text-align:justify">ထိုမြို့နှစ်မြို့၏ စွမ်းအားက ဤအဆင့်သို့ ရောက်ရှိနေမည်ဟု ဘယ်သူမှ မမျှော်လင့်ထားကြပေ။</p> <p style="text-align:justify">" ဆက်ပြော "</p> <p style="text-align:justify">" နန်းတော်သခင် .. သိပ်မကြာခင်မှာပဲ အထွတ်အထိပ် အင်မော်တယ် သခင်အဆင့်ရှိတဲ လူငါးယောက် ပေါ်လာခဲ့ပြီး ရဲ့ဟိုင်ကို တလေးတစား သခင်လို့ ဉီးညွှတ်ခဲ့ပါတယ်"</p> <p style="text-align:justify">" အထွတ်အထိပ် အင်မော်တယ် သခင်အဆင့် ငါးယောက် " </p> <p style="text-align:justify">ဟောင်ဖုဂျန် မတ်တပ်ထရပ်လိုက်ပြီး ...</p> <p style="text-align:justify"> " မင်းပြောတာ သေချာလား "</p> <p style="text-align:justify">" ဘူယွီမြို့မှာ အင်မော်တယ် သခင်အဆင့် အများအပြား ရှိနေပြီး .. သူတို့ကျင့်ကြံဆင့်တွေကိုလဲ သူလျိုတွေကနေ အထပ်ထပ် အခါခါ စစ်ဆေး အတည်ပြုပြီးပါပြီ၊ သတင်းက သေချာပါတယ် .. နန်းတော်သခင် " </p> <p style="text-align:justify">ထောက်လှမ်းရေး လူငယ် ပင့်သက်ရှိုက်လိုက်ပြီး ... </p> <p style="text-align:justify">" ဒါ့အပြင် ရဲ့ဟိုင်မှာ အင်မော်တယ်သခင်အဆင့် စစ်သင်္ဘောခြောက်စင်းလဲ ရှိနေပါသေးတယ်"</p> <p style="text-align:justify">" အင်မော်တယ်သခင်အဆင့် စစ်သင်္ဘောခြောက်စင်း "</p> <p style="text-align:justify">" ရဲ့ဟိုင်မှာ အဲ့ဒီအဆင့် စစ်သင်္ဘောတွေ ဘယ်လိုလုပ် ရှိနေတာလဲ "</p> <p style="text-align:justify">" အဓိက အရေးကြီးဆုံးက အင်မော်တယ်သခင် အဆင့် စစ်သင်္ဘောတွေရဲ့ တည်ဆောက်မှု နည်းပညာဆိုတာ ရှေးခေတ်မှာထဲက ပျောက်ကွယ်နေခဲ့တာ မဟုတ်ဘူးလား "</p> <p style="text-align:justify">" ရဲ့ဟိုင် ဒီ စစ်သင်္ဘောတွေ ဘယ်ကရလာတာလဲ " </p> <p style="text-align:justify">အရှေ့နတ် နန်းတော်မှ အကြီးကဲများ အားလုံး စိတ်ရှုပ်ထွေးသွားကြသည်။</p> <p style="text-align:justify">" ဒါ့အပြင် ရဲ့ဟိုင် နဲ့ သူ့ရဲ့ တပ်သား 60,000 နဲ့ ထွက်ခွာပြီးပြီးချင်းမှာပဲ .. အထွတ်ထိပ်အဆင့် အင်မော်တယ်သခင် နှစ်ယောက်က အဓိကမြို့ကြီးနှစ်ခုကို ကင်းလှည့် စောင့်ရှောက်နေခဲ့ပါတယ် "</p> <p style="text-align:justify">ဟောင်ဖုဂျန်၏ မျက်နှာက သိသိသာသာ ပျက်ယွင်းသွားသည်။</p> <p style="text-align:justify">အထွတ်ထိပ်အဆင့် အင်မော်တယ်သခင် ခုနစ်ပါး ...</p> <p style="text-align:justify">အရှေ့နတ်နန်းတော်၏ များပြားလှသော အရင်းအမြစ်များနှင့်ပင် သူတို့သည် ထိုကဲ့သို့သော အင်အားကို မစုဆောင်းနိုင်ခဲ့ချေ။</p> <p style="text-align:justify">အထူးသဖြင့် ဤလူအင်အားက ရဲ့ဟိုင် ပိုင်ဆိုင်ထားသမျှအကုန်ဟု ဘယ်သူ အာမခံနိုင်မည်နည်း။</p> <p style="text-align:justify">ထိုချိန်တွင် လူအများအပြား ခန်းမဝင်ပေါက်သို့ ရောက်ရှိလာကြပြီး ၎င်းတို့ထဲမှ အကြီးကဲတစ်ဦးမှာ မျက်နှာတွင် မချိပြုံးများနှင့်အတူ အကုန်လုံးကို လက်ညိုးထိုးလိုက်ပြီး ...</p> <p style="text-align:justify">" ရဲ့ဟိုင်ဆိုတာ အမြဲတမ်း အိပ်နေတဲ့ ခြင်္သေ့တစ်ကောင်ပဲ .. အဲ့ဒါကို မင်းတို့လို အရူးတွေက အိပ်ယာကနေ နှိုးလိုက်တဲ့ အပြင် သူ့ရဲ့ အစွယ်တွေကိုပါ ထုတ်ဖော်ခိုင်းခဲ့တယ် "</p> <p style="text-align:justify">" မဟာအကြီးကဲ ကျန်း ... မင်း ဘာကိုဆိုလိုချင်နေတာလဲ " </p> <p style="text-align:justify">ဝမ်မင်ယန် မျက်မှောင်ကုတ်ကာ ပြန်မေးလိုက်သည်။</p> <p style="text-align:justify">" နှင်းတောင်တန်း ဒေသကို ရွှီ မိသားစုက အုပ်ချုပ်နေတာ ... ရဲ့ဟိုင် ရွှီ မိသားစုကို ဖျက်ဆီးပြီးတာနဲ့ နှင်းတောင်တန်း ဒေသတစ်ခုလုံး သူ့ အပိုင်ဖြစ်သွားမှာပဲ " </p> <p style="text-align:justify">မဟာအကြီးကဲကျန်း ဝမ်မင်ယန်ကို လှောင်ပြုံးနှင့်အတူ ကြည့်လိုက်ပြီး ..</p> <p style="text-align:justify">" ရဲ့ဟိုင်က အဲ့အခွင့်ရေးကို အသုံးချပြီး သူ့အင်အားကို ပိုမတိုးချဲ့ဘူးလို့တော့ မင်းတို့ တွေးမနေဘူးမှလား "</p> <p style="text-align:justify">" သေချာတာပေါ့ .. ခွန်ယင်းအာရဲ့ အရည်အချင်းတွေနဲ့ဆိုရင် နှင်းတောင်တန်းဒေသ  တစ်ခုလုံးရဲ့ လူအင်အားနဲ့ အရင်းအမြစ်တွေကို ရရှိပြီးချိန်မှာ ငါတို့ရဲ့ အရှေ့နတ်နန်းတော်နဲ့ တန်းတူ ဖြစ်လာဖို့ သိပ်ကြာမှာမဟုတ်ဘူး" </p> <p style="text-align:justify">မဟာအကြီးကဲ ကောင်း ... စိတ်ပျက်လက်ပျက် အမူယာဖြင့် ဝင်ပြောလိုက်လေ၏။</p> <p style="text-align:justify">" ဟား .. ဟား .. အရှေ့နတ်နန်းတော်က အရှေ့ပိုင်း ကုန်းမြေတိုက်ကြီးရဲ့ ဒေသတိုင်းကို ပေါင်းစည်းပြီး အယင်က ဂုဏ်ကျက်သရေကို ပြန်လည်တည်ဆောက်မယ်ဆိုတာက အခုတော့ အိပ်မက်တစ်ခုဖြစ်သွားပြီပေါ့ " </p> <p style="text-align:justify">မဟာအကြီးကဲချင် ရယ်မောကာ ပြောလိုက်သည်။ သို့သော် သူ၏ အသံထဲတွင် ဝမ်းနည်းနာကျင် မုန်းတီးမှုများ ပါဝင်နေလေ၏။</p> <p style="text-align:justify">သူတို့ သုံးယောက်လုံး ဂိုဏ်းခေါင်းဆောင်နှင့် ကျန်လူတွေ ဘာကြောင့် ဒီလောက် အမြင်မရှိကန်းနေကြတာလဲ ဆိုတာ တွေးမရချေ။</p> <p style="text-align:justify"> </p> <p style="text-align: center;">***</p>


Save