Book List

<h2 style="text-align:center">အပိုင်း - ( ၁၃၆၃ )</h2> <h2 style="text-align:center">*</h2> <p style="text-align:justify"><br /> " ဘာတွေ ဖြစ်နေတာလဲ "</p> <p style="text-align:justify"> ရွှီလိန်ကျန်း အပြင်ဘက်ကို စိုက်ကြည့်ပြီး မျက်မှောင်ကုတ်ကာ မေးလိုက်သည်။</p> <p style="text-align:justify">ရွှီဟိုင် တုန့်ဆိုင်းနေသည်အားမြင်လျှင် အကြီးအကဲတစ်ယောက်က ချက်ချင်းပင် ဝင်ပြောလိုက်၏။<br />  <br /> " ဘိုးဘေး ရဲ့ဟိုင် သေသွားပြီထင်ပြီး ရွှီဖန်က ရဲ့ဟိုင် အစေခံကို သိမ်းပိုက်ဖို့ ကြိုးစားခဲ့ပါတယ်၊ ဒါကို ရဲ့ဟိုင်က ဒေါသတကြီးနဲ့ သူ့စစ်တပ်ကိုခေါ် ပြီး ရွှီမိသားစုကို လာတိုက်ခိုက်တာပါ၊ ရွှီဖန်ကိုလဲ သူဖမ်းထားပါတယ် "</p> <p style="text-align:justify">" ရဲ့ဟိုင် … " </p> <p style="text-align:justify">ရွှီလိန်ကျန်းသည် တစ်ခဏစဉ်းစားပြီးနောက် ရဲ့ဟိုင် မည်သူလဲ ဆိုတာကို ပြန်မှတ်မိသွား၏။ </p> <p style="text-align:justify">အရှေ့တိုင်း၏ လူငယ်မျိုးဆက် နံပတ်တစ် ပါရမီရှင် …</p> <p style="text-align:justify">သို့သော် သူ အေးစက်စက်ဖြင့် …</p> <p style="text-align:justify">" ရွှီဖန်က သူ့အစေခံကို လိုချင်တော့ကော ဘာဖြစ်လဲ " </p> <p style="text-align:justify">ရွှီလိန်ကျန်း စစ်သင်္ဘောတစ်စင်းပေါ်ရှိ လူငယ်တစ်ယောက်ကို ကြည့်လိုက်ပြီး …</p> <p style="text-align:justify"> " မင်းက ရဲ့ဟိုင်လား"</p> <p style="text-align:justify"> " ဟုတ်တယ် "</p> <p style="text-align:justify">" ရွှီဖန်ကို လွှတ်ပြီး တောင်းပန်လိုက် .. ပြီးရင် စစ်သင်္ဘောခြောက်စင်းကို ဒီမှာထားခဲ့၊ အဲ့ဒါဆို မင်းအသက်ကို ငါချမ်းသာပေးမယ် " </p> <p style="text-align:justify"> ရွှီလိန်ကျန်း ရဲ့ဟိုင်ကို စိုက်ကြည့်ရင်း ပြောလိုက်သည်။</p> <p style="text-align:justify">" ဟား .. ဟား .. တော်တော် ရယ်ရတဲ့ ကောင်တွေပဲ၊ ငါက တောင်းပန်ဖို့ အတွက် စစ်တပ်ကို ဦးဆောင်ပြီး လာတယ်လို့ ထင်နေတာလား "</p> <p style="text-align:justify"> ရဲ့ဟိုင် ရယ်မောကာပြောလိုက်၏။ ထိုကောင်တွေ၏ စဉ်းစားတွေးခေါ်နိုင်စွမ်းနှင့် မောက်မာမှုက တော်တော်လေး ထူးခြားလှလေသည်။</p> <p style="text-align:justify">" ကောင်လေး အင်မော်တယ်အရှင် တစ်ယောက်ရဲ့ တိုက်ခိုက်ရေး စွမ်းအားက မင်းစိတ်ကူးယှဉ်နိုင်တာထက် အများကြီးကျော်လွန်တယ် " </p> <p style="text-align:justify">ရွှီလိန်ကျန်း ယုံကြည်ချက် အပြည့်ဖြင့် လက်နောက်ပစ်လိုက်ပြီး …</p> <p style="text-align:justify"> " မင်းခေါ်လာတဲ့ အင်အားက တော်တော်လေး သန်မာပေမဲ့ သူတို့ကို ရှင်းပစ်ဖို့က ငါ့ အတွက် သိပ်ကြာမှာ မဟုတ်ဘူး။"</p> <p style="text-align:justify">ထိုစကားကြားလျှင် ရဲ့ဟိုင် ပြုံးလိုက်မိသည်။</p> <p style="text-align:justify">" အင်မော်တယ်အရှင် တစ်ယောက်ရဲ့ တိုက်ခိုက်ရေး စွမ်းအားက ငါ စိတ်ကူးယဉ်နိုင်တာထက် ကျော်လွန်နေတယ်ဆိုရင် ငါ့ရဲ့ တိုက်ခိုက်ရေးစွမ်းအားကကော မင်းတို့ စိတ်ကူးယဉ်နိုင်တာထက် ကျော်နေမလား " </p> <p style="text-align:justify">ရဲ့ဟိုင် စကားဆုံးသည်နှင့် စစ်သင်္ဘောပေါ်မှ ရိပ်ခနဲ ပျောက်ကွယ်သွားပြီး ရွှီလိန်ကျန်း ရှေ့တွင် ချက်ချင်း ပြန်ပေါ်လာသည်။</p> <p style="text-align:justify">ရွှီလိန်ကျန်း၏ မျက်နှာသည် ထိတ်လန့်မှုဖြင့် ပြည့်နှက်သွား၏။ </p> <p style="text-align:justify">ရဲ့ဟိုင် သူ့ရှေ့ဘယ်လိုရောက်လာလဲ လုံးဝမသိလိုက်ချေ။ </p> <p style="text-align:justify">အထူးသဖြင့် သူတို့ နှစ်ဦးကြားတွင် အကာကွယ်အစီရင် ရှိနေသေးသည်။ ဒါကို ရဲ့ဟိုင်က ဘယ်လိုလုပ် သူ့အရှေ့ရောက်လာရသနည်း။</p> <p style="text-align:justify">ထိုအချိန်တွင် ရွှီ မိသားစုတစ်ခုလုံးကို ကာကွယ်ပေးထားသည့် အကာကွယ်အစီရင်မှ ‘ ခရက် ‘ ဆိုသောမည်သံနှင့်အတူ အက်ကွဲကြောင်းများ ပြည့်နှက်လာပြီး ဝုန်းခနဲ ပြိုကြသွားလေ၏။</p> <p style="text-align:justify">ထိုမြင်ကွင်းက တကယ့်ကို ထိတ်လန့်စရာ မြင်ကွင်းတစ်ခုပင်။</p> <p style="text-align:justify">ရွှီ မိသားစု၏ အကာကွယ်အစီရင်သည် နှစ်ပေါင်းများစွာ အရင်းမြစ်များ၏ အားဖြည့်ပေးမှုအောက်တွင် အင်မော်တယ် အရှင်အဆင့် မဟုတ်သော်လဲ ထိုအဆင့်ကို နီးကပ်နေပြီဖြစ်၏။ ရွှီလိန်ကျန်း ကိုယ်တိုင်တောင်မှ အစီရင်ကို အစွမ်းကုန် အသက်သွင်းထားလျှင် မချိုးဖြတ်နိုင်ချေ။</p> <p style="text-align:justify">လူတိုင်းထိုသို့ ကြောင်အနေချိန်တွင် …</p> <p style="text-align:justify">ရဲ့ဟိုင်က ရွှီလိန်ကျန်းရှေ့တွင် ပေါ်လာသည်ကို မြင်သောအခါ တိမ်ကျားသစ်သည် သခင်ကို ကာကွယ်ရန်အတွက် လက်ကိုမြောက်ပြီး ရဲ့ဟိုင်အားရိုက်ချလိုက်သည်။</p> <p style="text-align:justify">“ ဝုန်း “</p> <p style="text-align:justify"> အင်မော်တယ် အရှင်အဆင့် သားရဲတစ်ကောင် ဖြစ်သဖြင့် ထိုရိုက်ချက်အောက်တွင် မိုးနှင့်မြေကို ဖြိုခွဲနိုင်သော စွမ်းအားများပါဝင်နေ၏။</p> <p style="text-align:justify">သို့သော် မည်သူမျှ မမျှော်လင့်ထားသည်မှာ ရဲ့ဟိုင်သည် လက်သီးဖြင့် တိုက်ရိုက် တိမ်တိုက်ကျားသစ်၏ လက်ကို  ပြန်ထိုးချလိုက်ခြင်းပင်။ </p> <p style="text-align:justify">ဝုန်းခနဲ ပေါက်ကွဲသံနှင့်အတူ လေဟာနယ်ပြိုကျ၍ မြေပြင်က အလွှာတစ်ခုလောက် ကြေမွသွား၏။ ထို့နောက် နာကျင်နေသော သားရဲအော်သံကြီးက ထွက်ပေါ်လာပြီး တိမ်ကျားသစ် အဝေးတစ်နေရာသို့ အမြောက်စံတစ်ခုလို လွင့်ထွက်သွားသည်။ သူကျဆင်းသွားသော နေရာ၏ မြေပြင်ကလဲ တွင်းနက်ကြီးအဖြစ် ပြောင်းလဲသွားလေ၏။</p> <p style="text-align:justify">အကုန်လုံး တွင်းထဲရှိ တိမ်ကျားသစ်ကို အပြူးပြဲကြည့်လိုက်ကြလျှင် တိမ်ကျားသစ်မှာ လက်သည်းများ ကျိုးပဲသွားရုံသာမက လက်ချောင်းများကလဲ လိမ်ကွေးသွားသည်ကို တွေ့လိုက်ကြရသည်။ သူ၏ နှာခေါင်းနှင့် ပါးစပ်တို့မှ သွေးများ စီးကျလာလေ၏။</p> <p style="text-align:justify">ထိုမြင်ကွင်းက အကုန်လုံးကို တုန်လှုပ်သွားစေသည်။</p> <p style="text-align:justify">အင်မော်တယ်အရှင်ဆင့် တိမ်တိုက်ကျားသစ်က တစ်ချက်ထဲဖြင့် ထိုအနေထားရောက်သွားသည်လား။</p> <p style="text-align:justify">ရဲ့ဟိုင်တွင် ဘယ်လို တိုက်ခိုက်ရေးစွမ်းအားကို ပိုင်ဆိုင်ထားသနည်း။</p> <p style="text-align:justify">" ရဲ့ဟိုင်က ကျိန်စာမိပြီး အဆင့်မတက်နိုင်တော့ဘူးလို့ ဘယ်ခွေးကောင် သတင်းဖြန့်ခဲ့တာလဲကွ “ </p> <p style="text-align:justify">" မင်းတို့ ပထွေးက ဆယ်နှစ်ကြာပြီးတဲ့အချိန်မှာ သူ့ကို အင်မောတယ်အရှင်ဆင့် တိမ်ကျားသစ်တောင် မယှဉ်နိုင်တော့ဘူး "</p> <p style="text-align:justify">" သောက်ချီးကွာ .. လွန်ခဲ့တဲ့ ဆယ်နှစ်အတွင်း ရဲ့ဟိုင်က ဘယ်လို ကံကြမ္မာတွေများ ရခဲ့တာလဲ "</p> <p style="text-align:justify">" အရှေ့ပိုင်း ကုန်းမြေတိုက်ကြီးရဲ့ နံပတ်တစ်ဘွဲ့နဲ့ တကယ် ထိုက်တန်တယ် "</p> <p style="text-align:justify">ရဲ့ဟိုင်၏ စစ်တပ် နှင်းတောင်တန်းဒေသကို မရောက်ခင်ထဲက နှင်းတောင်တန်းဒေသ တွင်ရှိသော ဂိုဏ်းအဖွဲ့စည်းများစွာ၏ ထောက်လှမ်းရေး သူလျိုများက ကြိုတင်ရောက်ရှိနေကာ ပွဲကြည့်ဖို့ ဖျာခင်းစောင့်နေကြခြင်းပင်။ </p> <p style="text-align:justify">ယခု ရဲ့ဟိုင်ထုတ်ပြလာသော အင်အားက သူတို့ အကုန်လုံးကို တကယ်တုန်လှုပ် ကျောချမ်းစေလေ၏။</p> <p style="text-align:justify">" ဟား .. ဟား ကံကောင်းလိုက်တာ အဲ့ဒီမြင်ကွင်းကို ငါက မှတ်တမ်းတင်ကျောက်တုံးနဲ့ မှတ်တမ်းတင်ထားနိုင်ခဲ့တယ် "</p> <p style="text-align:justify">လူငယ်တစ်ဦးက ရယ်မောကာ ပြောလိုက်သည်။</p> <p style="text-align:justify">" ဟုတ်လား အဲ့တာဆိုရင် ငါ့ကို မိတ္တူတစ်ခုလောက် ပွားပေးစမ်းပါ "</p> <p style="text-align:justify">" ဟုတ်တယ် ငါ့ကိုလဲ မိတ္တူတစ်ခုလောက်ပွားပေး "</p> <p style="text-align:justify">" ငါလဲပွားပေးတာလိုချင်တယ် "</p> <p style="text-align:justify">" မရတာတော့မဟုတ်ဘူး ဒါပေမဲ့ မိတ္တူတစ်ခုအတွက် အလယ်အလတ်အဆင့် တာအိုကျောက်တုံးတစ်ထောင်ပဲ "</p> <p style="text-align:justify">ပတ်ပတ်လည်မှ ထောက်လှမ်းရေးသူလျှိုများ အနားကိုဝိုင်းဖွဲ့လာသည်ကို တွေ့သောအခါ လူငယ် အပြုံးနှင့်အတူ ပြောလိုက်၏။</p> <p style="text-align:justify">" မင်းက ဓားပြတိုက်နေတာလား "</p> <p style="text-align:justify">" ဟုတ်တယ် ဘာလို့အဲ့လောက်တောင်ဈေးကြီးတာလဲ၊ ဒါက ပုံရိပ်ယောင်ကျောက်တုံးရဲ့ မိတ္တူလေးတစ်ခုပဲလေ "</p> <p style="text-align:justify">" ဈေးကြီးတယ် .. ဟုတ်လား "</p> <p style="text-align:justify">" မင်းတို့အားလုံး လက်ရှိ ကိုယ်ဘာလာလုပ်နေရလဲဆိုတာကို မေ့နေပုံပဲ၊ ဒီလိုမျိုးဖြစ်ရပ်ကို မှတ်တမ်းတင်ထားနိုင်တဲ့ သူက ရာထူးတိုးနိုင်တယ်နော် .. မလိုချင်ရင်လဲ မယူနဲ့ပေါ့ "</p> <p style="text-align:justify">လူငယ်က တည်ငြိမ်စွာဖြင့် ပြောလိုက်သည်။</p> <p style="text-align:justify">" ဒီသတင်းက အရှေ့တိုင်းကုန်းမြေတိုက်ကြီးတစ်ခုလုံးမဟုတ်ဘူး အင်မော်တယ်ကမ္ဘာတစ်ခုလုံးကိုတောင်မှ သက်ရောက်သွားမှုရှိစေမှာအမှန်ပဲ၊ ရဲ့ဟိုင်က လွန်ခဲ့တဲ့ ( 10 ) နှစ်ကထက်တောင်မှ ပိုပြီးအားကောင်းလာခဲ့တယ်၊ ဒါတောင်မှ သူက ရွှေအင်မော်တယ်အဆင့်ကို မတက်သေးဘူး ကျောက်စိမ်းအင်မော်တယ်အဆင့်နဲ့ အင်မော်တယ်အရှင်အဆင့်စွမ်းအားကို ပိုင်ဆိုင်နိုင်နေတာ "</p> <p style="text-align:justify">" ကောင်းပြီ ဒီမှာအလယ်အလတ်အဆင့် တာအိုကျောက်တုံးတစ်ထောင် ငါ့အတွက်မိတ္တူတစ်ခုပွားပေး "</p> <p style="text-align:justify">သက်လတ်ပိုင်းအရွယ် အမျိုးသားတစ်ဦးက ထိုလူငယ်အား သိုလှောင်အိတ်တစ်အိတ်ကိုပစ်ပေး၏။</p> <p style="text-align:justify">လူငယ်တစ်ချက်ကြည့်ကာ ပြုံးလိုက်ပြီး...</p> <p style="text-align:justify">" ကောင်းပြီ နောက်ထပ် ဘယ်သူလိုချင်သေးလဲ "</p> <p style="text-align:justify">သူအကုန်လုံးကိုပတ်ကြည့်ကာ ဆက်ပြောလိုက်သည်။</p> <p style="text-align:justify">ထိုလူငယ်သည် ဉာဏ်နည်းသောသူတစ်ယောက်မဟုတ်ချေ။</p> <p style="text-align:justify">သက်လတ်ပိုင်းအရွယ်လူကိုသူ မိတ္တူတစ်ခု ပွားပေးလိုက်သည်နှင့် ထိုလူက သူ၏လုပ်ငန်းကို ခိုးယူလိုက်လျှင် မည်ကဲ့သို့ဖြစ်သွားမည်နည်း။ ထို့ကြောင့် အကုန်လုံးဆီကနေ အရေအတွက်ကိုကောက်ပြီး ရသလောက်ညှိယူပြီးမှ မိတ္တူပွားပေးသည်က သူ့အတွက်ပို၍အဆင်ပြေလေ၏။</p> <p style="text-align:justify">" ငါကောပဲ "</p> <p style="text-align:justify">" ငါ့ကိုပေး "</p> <p style="text-align:justify">" ငါလဲယူမယ် "</p> <p style="text-align:justify">ထောက်လှမ်းရေးသူလျှိုများအကုန်လုံးက လူငယ်၏ရည်ရွယ်ချက်ကို သတိပြုမိကြသော်လည်း သူတို့တွင် အလယ်အလတ်အဆင့် တာအိုကျောက်တုံးတစ်ထောင်ကို လွှဲပေးရုံမှလွဲ၍ အခြားရွေးချယ်စရာမရှိပေ။</p> <p style="text-align:justify">လူငယ်သည် သိုလှောင်အိတ်ပေါင်း မြောက်များစွာကို သိမ်းပြီးနောက် ထိုလူများအတွက် မှတ်တမ်းတင်ကျောက်တုံးအာဒ မိတ္တူပွားပေးလိုက်သည်။</p> <p style="text-align:justify">တစ်ဖက်တွင် ရဲ့ဟိုင်နှင့် အနီးကပ်ရှိနေသော ရွှီလိန်ကျန်း၏ နဖူးတွင် ချွေးစေးများက ဖြစ်ပေါ်လာ၏။</p> <p style="text-align:justify">" ကြည့်ရတာ အင်မော်တယ်အရှင်အဆင့် ရောက်တည်းကိုက မင်း တော်တော်လေး မောက်မာပြီး ကိုယ့်ကိုယ်ကိုယ် ယုံကြည်ချက် မြင့်မားလာတဲ့ပုံပဲ "</p> <p style="text-align:justify">ရဲ့ဟိုင် ရွှီလိန်ကျန်းကိုကြည့်ကာ တည်ငြိမ်စွာဖြင့် ပြောလိုက်လေ၏။</p> <p style="text-align:justify"> </p> <p style="text-align:justify"> </p> <p style="text-align:center">***</p>


Save