Book List

<h2 style="text-align:center">အပိုင်း - ( ၁၃၆၅ )</h2> <h2 style="text-align:center">*</h2> <p style="text-align:justify"><br /> ရွှီလိန်ကျန်း အုန်းခနဲလွင့်ထွက်သွားပြီး သူ၏ နောက်ကျောတွင်ရှိနေသော လေဟာနယ်ကလဲ ပျက်စီးကာ ပြိုကျသွားသည်။ ရဲ့ဟိုင်၏ လက်သီးချက်တွင် ပါဝင်သောစွမ်းအားက အလွန်သန်မာလွန်းလှသဖြင့် ပတ်ပတ်လည်ရှိ လေဟာနယ်များပင် တောင့်ခံနိုင်စွမ်းမရှိပေ။</p> <p style="text-align:justify">ထို့နောက် ရဲ့ဟိုင်၏ ခန္ဓာကိုယ်က ရိပ်ခနဲ ပျောက်ကွယ်သွား၏။</p> <p style="text-align:justify">သူပြန်လာသည့်အချိန်တွင် လက်ထဲ၌ ရွှီလိန်ကျန်း၏ ပြတ်တောက်နေသော ဦးခေါင်းကြီးကို ကိုင်ဆောင်ထားသည်။ ထိုဦးခေါင်းမှ တစ်ဆင့် သွေးများကတစက်စက် အောက်သို့စီးကျနေလေ၏။</p> <p style="text-align:justify">ခေါင်းပြတ်နေသော ရွှီလိန်ကျန်း၏ မျက်လုံးများက ထိတ်လန့်မှုများ ပြည့်နှက်နေ၏။</p> <p style="text-align:justify">သူသည် သေဆုံးသည့်အချိန်အထိ ရဲ့ဟိုင်ကဲ့သို့သော လူငယ်မျိုးဆက်သစ်တစ်ယောက်၏ လက်ထဲတွင် ကျဆုံးသွားမည်ဟု လုံးဝ မမျှော်လင့်ထားခဲ့ပုံပင်။</p> <p style="text-align:justify">ရွှီမိသားစုဝင်များ အကုန်လုံးကလည်း ရွှီလိန်ကျန်း၏ ဦးခေါင်းပြတ်ကြီးကို မြင်သောအခါ တုန်လှုပ်ခြောက်ခြားသွားကြသည်။</p> <p style="text-align:justify">ရွှီလိန်ကျန်းဆိုသည်မှာ သူတို့ရွှီမိသားစု၏ အဓိကဒေါက်တိုင်ကြီးဖြစ်၏။</p> <p style="text-align:justify">ယခုတော့ ၎င်းဒေါက်တိုင်က သေဆုံးသွားချေပြီ။</p> <p style="text-align:justify">" ရွှီဟိုင်နဲ့ ရွှီဖန် မင်းနဲ့ မင်းရဲ့ သားနှစ်ယောက်လုံး သေသွားရင်တောင် ငြိမ်းချမ်းစွာနဲ့ မနေနိုင်စေရဘူး "</p> <p style="text-align:justify">ရွှီမိသားစု၏ ထောက်လှမ်းရေးဌာနအကြီးအကဲမှာ မသေဆုံးမီ ဝမ်းနည်းပူဆွေးစွာဖြင့် အော်ဟစ်ငိုကြွေးသွားသည်။</p> <p style="text-align:justify">" မင်းတို့နှစ်ယောက်က ငါတို့ရွှီမိသားစုရဲ့ အနှစ် ( 8000 ) ကျော် တည်ဆောက်ခဲ့တဲ့ အခြေခံအုတ်မြစ်ကို ဖျက်ဆီးလိုက်တာပဲ "</p> <p style="text-align:justify">" မင်းတို့နှစ်ယောက်လုံးက ငါတို့ရွှီမိသားစုရဲ့ အပြစ်သားတွေပဲ "</p> <p style="text-align:justify">တစ်ဖက်တွင် ရွှီဟိုင်ကလဲ လေထုထဲတွင် ခန္ဓာကိုယ်က တဆတ်ဆတ်တုန်ယင်ကာ မတ်တပ်ရပ်နေ၏။</p> <p style="text-align:justify">သူ၏မျိုးနွယ်ဝင်များ တစ်ယောက်ပြီးတစ်ယောက် သေဆုံးနေသည်ကိုကြည့်ပြီး ရွှီဟိုင်၏ နှလုံးသားထဲတွင် ဖျောက်ဖျက်မရနိုင်သော နာကျင်မှုများ ပြည့်နှက်လာသည်။</p> <p style="text-align:justify">" သတ် "</p> <p style="text-align:justify">ရဲ့ဟိုင် သူ၏လက်ကို ဝှေ့ယမ်းလိုက်သည်နှင့် အချိန်အတော်ကြာတည်းက လှုပ်ရှားရန် အဆင်သင့်ဖြစ်နေသည့် အင်အား ( 6 ) သောင်းရှိသော စစ်သားများက ရွှီမိသားစုထဲသို့ ကျိုင်းကောင်များလို ဝေါခနဲဝင်ရောက်လာ၏။</p> <p style="text-align:justify">တိမ်ကျားသစ်၏ သတ်ဖြတ်မှုအောက်တွင် ရွှီမိသားစု၏ အင်မော်တယ်သခင်များနှင့် ရွှေအင်မော်တယ်အဆင့် ကျင့်ကြံသူတော်တော်များများက သေဆုံးသွားပြီဖြစ်သည်။ ထို့ကြောင့် တပ်သား ( 6 ) သောင်းသည် ဘာနည်းဗျုဟာကိုမှ အားကိုးခြင်းမရှိဘဲ တိုက်ရိုက်ပင် သိုးအုပ်ထဲဝင်မွှေ့သော ကျားများကဲ့သို့ ရွှီမိသားစုဝင်များအား သတ်ဖြတ်တော့၏။</p> <p style="text-align:justify">ရွှီမိသားစု၏ အဖွဲ့ဝင်များမှာ နဂိုတည်းက တိုက်ပွဲဝင်စိတ်ဓာတ် ဆုံးရှုံးနေပြီဖြစ်သည်။ ထို့အပြင် တစ်ဖက်မှ စစ်သား ( 6 ) သောင်းကို အထွတ်အထိပ်အင်မော်တယ်အဆင့် ကျင့်ကြံသူ ( 5 ) ယောက်ကလဲ ဦးဆောင်လာခြင်းဖြစ်၏။ ထို့ကြောင့် တိုက်ပွဲက တစ်ဖက်သတ်လူသတ်ပွဲအဖြစ် ပြောင်းလဲသွားခဲ့လေသည်။</p> <p style="text-align:justify">ရဲ့ဟိုင် ရွှီလိန်ကျန်း၏ ဦးခေါင်းကို လွှတ်ပစ်လိုက်ပြီး ရွှီဖန်ရှေ့တွင် ထွက်ပေါ်လာ၏။</p> <p style="text-align:justify">" ဘယ်လိုလဲ မင်းမိသားစုက မင်းပြောတဲ့အတိုင်းလဲ မဟုတ်ပါလား "</p> <p style="text-align:justify">" ရဲ့ဟိုင် မင်းရဲ့အစေခံကို ငါမက်မောမိတာနဲ့ပဲ ငါ့မိသားစုကို သတ်ပစ်စရာလိုလို့လား "</p> <p style="text-align:justify">ရွှီဖန်၏မျက်လုံးက နီရဲတောက်နေပြီး ဒေါသ၊ အမုန်းတရားနှင့် နောင်တများက ပြည့်နှက်နေသည်။ ထိုနတ်ဆိုးကောင်ကို သူအဘယ့်ကြောင့်သွားပြီးတော့ ရန်စမိခဲ့သနည်း။</p> <p style="text-align:justify">" မဟုတ်ဘူး "</p> <p style="text-align:justify">ရဲ့ဟိုင် ခေါင်းခါယမ်းလိုက်ပြီး...</p> <p style="text-align:justify">" မင်းရဲ့ ရွှီမိသားစုက နှင်းတောင်တန်းဒေသမှာ နှစ်တော်တော်ကြာ ရက်စက်ကြမ်းကြုတ်စွာ ပြုမူခဲ့ပြီး ဒီဒေသခံ ကျင့်ကြံသူတွေကို ကျွန်အဖြစ်ဆက်ဆံခဲ့တယ်၊ ပွင့်ပွင့်လင်းလင်း ရိုးရိုးသားသားပြောရရင် ငါမင်းတို့ကို တိုက်ခိုက်ချင်နေတာကြာပြီ၊ ငါ့ရဲ့အစေခံကို မင်းလာမက်မောတာက အကြောင်းပြချက်တစ်ခုသာသာပဲ "</p> <p style="text-align:justify">ထိုစကားကြားလျှင် ရွှီဖန် ရဲ့ဟိုင်ကို အမုန်းတရားများ ပြည့်နှက်နေသော နီရဲသည့် မျက်လုံးဖြင့်ကြည့်လိုက်ပြီး...</p> <p style="text-align:justify">" ဘယ်ဂိုဏ်းကကော ငါတို့လို မလုပ်တာရှိလို့လဲ "</p> <p style="text-align:justify">ထိုအမေးက ရဲ့ဟိုင်၏မျက်လုံးထဲ၌ အရောင်တချို့ ဖြတ်ပြေးသွားစေ၏။ သို့သော်လည်း သူခေါင်းခါယမ်းလိုက်ပြီး...</p> <p style="text-align:justify">" ဒါပေမဲ့ မင်းတို့ရွှီမိသားစုလောက်တော့ ဘယ်သူမှမဆိုးရွားသေးဘူး "</p> <p style="text-align:justify">တစ်ဖက်တွင် ရွှီဖန်၏ နီရဲနေသောမျက်လုံးက တဖြည်းဖြည်းပြန်လည်၍ တည်ငြိမ်သွားခဲ့ပြီး သက်ပြင်းချလိုက်သည်။ ဤကပ်ဘေးတွင် သေခြင်းကို သူလုံးဝ လွတ်မြောက်နိုင်တော့မည်မဟုတ်ချေ။</p> <p style="text-align:justify">ရွှီဖန် ရဲ့ဟိုင်ကို အလေးအနက်ကြည့်လိုက်ပြီး...</p> <p style="text-align:justify">" မင်းငါ့ကို ဂုဏ်သိက္ခာရှိရှိနဲ့ သေခြင်း ပေးနိုင်မလား "</p> <p style="text-align:justify">" ကောင်းပြီ "</p> <p style="text-align:justify">" ကျေးဇူးတင်ပါတယ် "</p> <p style="text-align:justify">ထိုစကားပြောပြီးသည်နှင့် ရွှီဖန်၏ ပါးစပ်ထောင့်မှ သွေးများက စီးကျလာပြီး လဲကြသွား၏။ သူက မိမိနှလုံးသားကို ကိုယ်တိုင်ဓားဖြင့်ထိုးစိုက်ကာ သတ်သေသွားခြင်းပင်။</p> <p style="text-align:justify">" သူ့ကို သေချာသဂြိုလ်ပေးလိုက် "</p> <p style="text-align:justify">ရဲ့ဟိုင် စစ်သင်္ဘောတွင်ကျန်ခဲ့သော တပ်သားတစ်ယောက်ကိုကြည့်ကာ ပြောလိုက်သည်။</p> <p style="text-align:justify">ထိုတပ်သားက ချက်ချင်းပင် ရွှီဖန်၏အလောင်းကိုသယ်ဆောင်ပြီး ထွက်ခွာသွားလေ၏။</p> <p style="text-align:justify">ထိုအချိန်တွင် စစ်သင်္ဘောပေါ်၌ လူငယ်အမျိုးသား၊ အမျိုးသမီး တစ်ဒါဇင်ခန့်က ရှိနေသေးပြီး သူတို့အကုန်လုံး ရဲ့ဟိုင်ကိုကြောက်လန့်စွာ ကြည့်နေကြသည်။</p> <p style="text-align:justify">သူတို့အကုန်လုံးမှာ ဘူရီမြို့တွင် ရွှီဖန်က လက်ဖက်ရည်သောက်ရန် ဖိတ်ကြားခံခဲ့ရသော ပါရမီရှင်များပင်။</p> <p style="text-align:justify">" မင်းတို့အားလုံးသွားနိုင်ပြီ "</p> <p style="text-align:justify">ရဲ့ဟိုင် လက်ကိုဝှေ့ယမ်းကာ တည်ငြိမ်စွာဖြင့် ပြောလိုက်သည်။</p> <p style="text-align:justify">" အခုချိန်ကစပြီး ရွှီမိသားစုနယ်မြေက ရဲ့မိသားစုနယ်မြေ ဖြစ်လာပြီဆိုတဲ့စကားကို သတင်းဖြန့်လိုက်၊ နှင်းတောင်တန်းဒေသကို တပ်မက်သူတိုင်းက ရွှီမိသားစုရဲ့ကံကြမ္မာလိုပဲ ရင်ဆိုင်ရမယ် " </p> <p style="text-align:justify">လူငယ်ယောကျ်ားလေးနှင့်မိန်းကလေး တစ်ဒါဇင်ကျော်က ချက်ချင်းပင် အစားကောက်နေသောကြက်များလို ခေါင်းကိုတဆတ်ဆတ်ညိတ်ကာ သဘောတူလိုက်၏။ ထို့နောက် သူတို့အားလုံးထွက်သွားရန် ကြံရွယ်သည့်အချိန်တွင် တောက်ပစွာဝတ်ဆင်ထားပြီး အလွန်လှပသော အမျိုးသမီးသည် ရဲ့ဟိုင်အနားသို့ ချဥ်းကပ်လာလေသည်။</p> <p style="text-align:justify">" သခင်လေးရဲ့ .. ရှင့်ရဲ့ အိပ်ရာကို နွေးထွေးဖို့အတွက် တစ်စုံတစ်ယောက်လိုသေးလား "</p> <p style="text-align:justify">" ထွက်သွားစမ်း "</p> <p style="text-align:justify">ထိုအမျိုးသမီး စကားဆုံးသည်နှင့် ဓားအလင်းတန်းတစ်ခုက သူမဆီသို့ ဝင်ရောက်လာပြီး ဆံပင်များကို ပိုင်းဖြတ်သွား၏။</p> <p style="text-align:justify">ဓားကိုင်ထားပြီး သတ်ဖြတ်လိုစိတ်များဖြင့် စိုက်ကြည့်နေသည့် ခွန်ယင်းအာကို မြင်သောအခါ ထိုတောက်ပသောအဝတ်အစားနှင့် အမျိုးသမီး အလန့်တကြားဖြစ်သွားသည်။</p> <p style="text-align:justify">အမျိုးသမီးသည် ပါးစပ်ကိုဟလိုက်သော်လည်း ဘာမှထပ်မပြောရဲတော့ချေ။ အဘယ့်ကြောင့်ဆိုသော် ရဲ့ဟိုင်၏ မျက်နှာတွင် သူမကို လုံးဝစိတ်မဝင်စားကြောင်း သတိပြုမိနေသောကြောင့်ဖြစ်၏။</p> <p style="text-align:justify">သူမ ကူကယ်ရာမဲ့စွာဖြင့် သက်ပြင်းချလိုက်ပြီး ထွက်ခွာသွားသည်။</p> <p style="text-align:justify">" တကယ်တော့ အဲ့ဒီမိန်းမက တော်တော်လှတယ်ပြောရမယ် .. ဒါပေမဲ့ သူမရဲ့အလှက မှေးမှိန်နေတဲ့အလှ ဖြစ်နေတာလေး တစ်ခုပဲ "</p> <p style="text-align:justify">ခွန်ယင်းအာ ရေရွတ်လိုက်ပြီးနောက် ရဲ့ဟိုင်ကို အလေးအနက် မော့ကြည့်ကာ ...</p> <p style="text-align:justify">" သခင် .. သခင်သာစိတ်ဝင်စားမယ်ဆိုရင် ကျွန်မက သခင့်ရဲ့ အိပ်ရာကို နွေးထွေးအောင် လုပ်ပေးနိုင်ပါတယ် "</p> <p style="text-align:justify">" ကောင်းပြီ .. ဒါဆိုရင် ဒီညမင်း ငါနဲ့ လာပြီးအိပ်ရမယ် "</p> <p style="text-align:justify">ရဲ့ဟိုင် ခေါင်းညိတ်လိုက်၏။</p> <p style="text-align:justify">" အာ "</p> <p style="text-align:justify">တစ်ဖက်တွင် ခွန်ယင်းအာမှာ အလန့်တကြားဖြစ်သွားသည်။</p> <p style="text-align:justify">ရဲ့ဟိုင်က သူမကို တကယ်အိပ်ခိုင်းမည်ဟု လုံးဝမမျှော်လင့်ထားချေ။ ထို့အပြင် ပေါ့ပေါ့ပါးပါးပင် ခေါင်းညိတ်ကာ လက်ခံခဲ့ခြင်းဖြစ်၏။</p> <p style="text-align:justify">ရဲ့ဟိုင်ပြုံးလိုက်ပြီး ခွန်ယင်းအာ၏ မျက်နှာအနားကို ချဥ်းကပ်သွားသည်။</p> <p style="text-align:justify">ချက်ချင်းပင် ခွန်ယင်းအာ၏ အသက်ရှူသံက မြန်ဆန်လာပြီး မျက်လုံးထဲတွင် မျှော်လင့်ချက်နှင့် ထိတ်လန့်မှုများက ပြည့်နှက်လာ၏။</p> <p style="text-align:justify">ရဲ့ဟိုင် ဘာမှမပြောပဲ ခွန်ယင်းအာ၏ မေးစေ့လေးကို မြှောက်လိုက်ပြီး နှုတ်ခမ်းကို ညှင်သာစွာ နမ်းရှိုက်လိုက်လေသည်။ </p> <p style="text-align:justify">ထို့နောက် ပြန်ခွာလိုက်ပြီး သူ၏မျက်နှာတွင် အပြုံးတစ်ခု ဖြစ်ပေါ်လာကာ...</p> <p style="text-align:justify">" အနံ့အရမ်းကောင်းတယ် "</p> <p style="text-align:justify">တစ်ဖက်တွင် ခွန်ယင်းအာက ဆွံ့အပြီး ကျောက်ရုပ်လိုဖြစ်ကျန်ခဲ့လေ၏။</p> <p style="text-align:justify">သူမ၏ ပထမဆုံးအနမ်းက ဤကဲ့သို့ပင် ပျောက်ကွယ်သွားသည်လား။</p> <p style="text-align:justify">ထိုအရသာ...</p> <p style="text-align:justify">၎င်း အရသာဆိုသည်မှာ ကြာရှည်ခံရသော အရသာဖြစ်သည်။</p> <p style="text-align:justify"> </p> <p style="text-align:center">***</p>


Save