Book List

<h2 style="text-align: center;">အပိုင်း - ( ၁၃၆၇ )</h2> <h2 style="text-align: center;">*</h2> <p style="text-align:justify"> </p> <p style="text-align:justify">" ခင်းဗျားသာ ဂိုဏ်းရဲ့ စည်းမျည်း ဥပဒေတွေကို တကယ်သိတယ်ဆိုရင် .. ခင်ဗျား တူဆိုတဲ့ကောင် ဂိုဏ်းက အတွင်းစည်းတပည့် အမျိုးသမီးကို မုဒိမ်းကျင့်ခဲ့တာ ဘာလို့ အလုပ်ကြမ်းနဲ့ အချုပ်တစ်နှစ်ပဲ ချမှတ်ခဲ့တာလဲဆိုတာ ပြောပြပေးနိုင်မလား "</p> <p style="text-align:justify">" ခင်ဗျားကြီးက ဂိုဏ်းရဲ့ စည်းမျည်း ဥပဒေတွေကို သိရင် ခင်ဗျားရဲ့ နောက်ထပ်တူတစ်ယောက် တရားဥပဒေခန်းမထဲကို ဝင်လိုက်တာနဲ့ ဘာလို့ လက်ထောက်တန်းဖြစ်လာနိုင်တာလဲ၊ ကျောက်စိမ်းအင်မော်တယ် အဆင့် ( 12 ) မှာရှိတဲ့ သူ့ရဲ့ အားကိုးလောက်စရာ မဟာကျင့်ကြံဆင့်ကြီးကြောင့်လား "</p> <p style="text-align:justify">ကျန်းစန်းဖုန်း၏ အသံက အားမာန်အပြည့်ဖြင့် အရပ်မျက်နှာအနှံ့ ပဲ့တင်ထပ်သွားလေ၏။</p> <p style="text-align:justify">ကျန်းဆန်းဖုန်းသည် တိတ်တဆိတ် ကျင့်ကြံနေခြင်းပင်။ သူသည် မဟာအကြီးအကဲချင် ဂိုဏ်း၏ ရှေးဟောင်းခေါင်းလောင်းကို တီးခတ်လိုက်သည့် အချိန်၌ နိုးထလာခြင်းဖြစ်သည်။</p> <p style="text-align:justify">ထို့နောက် ဂိုဏ်းမှအကြီးအကဲများနှင့် ခေါင်းဆောင်များ၏လုပ်ရပ်ကို ကြားသောအခါ ကျန်းဆန်းဖုန်း ဒေါသတကြီးဖြင့် ဤနေရာသို့ ချက်ချင်းပြေးလာခြင်းပင်။</p> <p style="text-align:justify">အိုးရန်ဟု၏ မျက်နှာက မဲသဲသွား၏။</p> <p style="text-align:justify">" မင်းဘာတွေပြောနေလဲဆိုတာ ငါနားမလည်ဘူး "</p> <p style="text-align:justify">" ငါပြောတာကို မင်းနားမလည်တာလား .. မကြားချင်တာလား "</p> <p style="text-align:justify">ကျန်းဆန်းဖုန်း အိုးရန်ဟုကို အေးစက်စက်စိုက်ကြည့်လိုက်ပြီး...</p> <p style="text-align:justify">" မင်း ရဲ့ဟိုင်ပြောတဲ့ တိုက်ပွဲကို ဘာလို့စစ်တပ်ကို မစေလွှတ်ခဲ့တာလဲ၊ အကြောင်းပြချက်က ဘယ်သူ့ထက်မဆို မင်းက ပိုသိမယ်လို့ထင်တယ်၊ ရဲ့ဟိုင်က တရားဥပဒေခန်းမကို အကြိမ်ကြိမ်စော်ကားခဲ့လို့ မင်းဒီအခွင့်အရေး ရတဲ့အချိန်မှာ ဘယ်လိုလုပ် ထိုင်ကြည့်နေနိုင်မှာလဲ "</p> <p style="text-align:justify">" ကျန်းဆန်းဖုန်း မင်းငါ့ကို ဒီလိုမျိုးလာပြီး စွပ်စွဲနေတာ မင်းကိုအပြစ်ပေးမှ ရက်စက်တယ်ဆိုပြီး အပြစ်မတင်နဲ့ "</p> <p style="text-align:justify">အိုးရန်ဟွ ဒေါသတကြီး ပြန်ပြောလိုက်သည်။</p> <p style="text-align:justify">ကျန်းဆန်းဖုန်း၏ အဆင့်အတန်းကြောင့်သာမဟုတ်လျှင် အိုးရန်ဟွ ယခုနကတည်းက ထိုကောင့်ကို အပြစ်ပေးပြီး ဖမ်းဆီးလိုက်ပြီဖြစ်၏။</p> <p style="text-align:justify">သို့သော် ကျန်းဆန်းဖုန်းဆိုသည်မှာ မည်သူဖြစ်သနည်း။</p> <p style="text-align:justify">လက်ရှိအချိန်တွင် ကျောက်စိမ်းအင်မော်တယ်အဆင့် ( 30 ) သို့ ရောက်ရှိနေသောသူဖြစ်သည်။</p> <p style="text-align:justify">အိုးရန်ဟွသည် တရားဥပဒေခန်းမ၏ သခင်ဆိုရင်တောင်မှ ကျန်းဆန်းဖုန်းကိုတော့ ဘာမှမလုပ်ရဲချေ။ </p> <p style="text-align:justify">ကျန်းဆန်းဖုန်းက အနာဂါတ်တွင် အင်မော်တယ်အရှင်အဆင့်ကိုရောက်ရန် ( 100 ) ရာခိုင်နှုန်းသေချာသော ပုဂ္ဂိုလ်ဖြစ်၏။</p> <p style="text-align:justify">ထိုကဲ့သို့သော ပါရမီရှင်တစ်ယောက်အား အငြိုးအတေးများဖွဲ့ရန်အတွက် မသင့်တော်ချေ။</p> <p style="text-align:justify">ထို့အပြင် ကျန်းဆန်းဖုန်းသည် ဆက်တိုက်မြင့်တက်လာနေသော ပါရမီရှင်တစ်ဦးလည်းဖြစ်ပြီး လက်ရှိအချိန်တွင်လည်း ရွှေအင်မော်တယ်အဆင့် ( 25 ) သို့ ရောက်ရှိနေပြီဖြစ်သည်။ နှစ်အနည်းငယ်အတွင်း ကျန်းဆန်းဖုန်းက အင်မော်တယ်သခင်အဆင့်ကို ရောက်မည်ဟု လူတိုင်းယုံကြည်ထားကြလေ၏။</p> <p style="text-align:justify">" မင်းဘယ်လို သူတို့ကို အပြစ်ပေးမယ်ဆိုတာကို ငါကြည့်ချင်သေးတယ် "</p> <p style="text-align:justify">ထိုအချိန်တွင် ဩဇာအာဏာပြည့်ဝသော အသံတစ်ခုက လေထုထဲတွင် ပဲ့တင်ထပ်သွားပြီး ဟင်းလင်းပြင်ကိုဆုတ်ဖြဲ၍ လူအိုကြီးတစ်ယောက်က ထွက်ပေါ်လာသည်။ သူ၏ဘေးနားတွင် အမျိုးသမီးတစ်ယောက်က ရှိနေ၏။</p> <p style="text-align:justify">" ဘိုးဘေး "</p> <p style="text-align:justify">အိုးရန်ဟွ ဘိုးဘေးကူယန်ကို တွေ့သောအခါ အလန့်တကြားဖြစ်သွားသည်။</p> <p style="text-align:justify">" ငါတိတ်တဆိတ်ကျင့်ကြံနေတဲ့အချိန်မှာ ဒီလိုအဖြစ်အပျက်မျိုးတွေ ရှိလာမယ်လို့ လုံးဝမမျှော်လင့်ထားဘူး "</p> <p style="text-align:justify">ဘိုးဘေးကူယန်၏ မျက်နှာတွင် ဒေါသတရားများနှင့် စိတ်ပျက်မှုများ ပြည့်နှက်နေပြီး...</p> <p style="text-align:justify">" အိုးရန်ဟွ မင်းက လက်စားချေဖို့အတွက် ဂိုဏ်းရဲ့အာဏာကို အသုံးချရဲတယ်ပေါ့ .. အခုကစပြီး မင်းတရားဥပဒေခန်းမရဲ့ ခန်းမသခင်မဟုတ်တော့ဘူး "</p> <p style="text-align:justify">" ဘိုးဘေး မင်းကငါ့ကို ရာထူးချပိုင်ခွင့်မရှိဘူး "</p> <p style="text-align:justify">အိုးရန်ဟွ မျက်မှောင်ကုပ်ကာ ပြန်ပြောလိုက်၏။</p> <p style="text-align:justify">" ဒီနေ့ငါမင်းကို ရာထူးဖြုတ်ချရုံတင်မကဘူး မင်းရဲ့အတိတ်ကလုပ်ရပ်တွေကိုလည်း သေချာစုံစမ်းစစ်ဆေးဦးမှာ "</p> <p style="text-align:justify">ထိုသို့ပြောပြီးသည်နှင့် ဘိုးဘေးကူယန် လူတစ်ယောက်ကိုကြည့်လိုက်ပြီး...</p> <p style="text-align:justify">" လျူကျင်းဖန် အိုးရန်ဟွလုပ်ခဲ့တဲ့ အပြစ်တွေကို စုံစမ်းဖို့အတွက် မင်းကိုငါ အချိန်တစ်ရက်ပေးမယ် "<br />  <br /> " ဘိုးဘေးအချိန်တစ်ရက်မဟုတ်ပါဘူး နေ့တစ်ဝက်ဆိုရပါပြီ "</p> <p style="text-align:justify">လျူကျင်းဖန်၏ ပြန်ပြောစကားက လူတိုင်းကို အံ့အားသင့်သွားစေသည်။</p> <p style="text-align:justify">" လျူ .. ကျင်း .. ဖန် "</p> <p style="text-align:justify">တစ်ဖက်တွင် အိုးရန်ဟွက လျူကျင်းဖန်နာမည်ကို အံကြိတ်ကာ တစ်လုံးချင်းစီခေါ်ပြီး ဒေါသတကြီး စိုက်ကြည့်လိုက်၏။</p> <p style="text-align:justify">ထိုလျူကျင်းဖန်ဆိုသောကောင်မှာ သူအိုးရန်ဟွကိုယ်တိုင်က ရာထူးတိုးပေးခဲ့သောသူဖြစ်သည်။ လက်ရှိအချိန်တွင် လျူကျင်းဖန်က သူ့ကိုနောက်ကျောကနေ ဓားဖြင့်ထိုးလာမည်ဟု မမျှော်လင့်ထားချေ။</p> <p style="text-align:justify">လျူကျင်းဖန်သည် အိုးရန်ဟွကို တစ်ချက်လေးပင် လှည့်မကြည့်ဘဲ လူအုပ်ကြီးထဲမှ လူငယ်လေးတစ်ယောက်ကို စိုက်ကြည့်လိုက်ကာ...</p> <p style="text-align:justify">" ဂွန်ဂျီယန် မင်းဖြစ်ပျက်ခဲ့တဲ့ အဖြစ်အပျက်ကို အားလုံးသိအောင် ပြောပြလိုက် "</p> <p style="text-align:justify">တစ်ဖက်တွင် ဂွန်ဂျီယန်သည် ဘီးတပ်ကုလားထိုင်ပေါ်တွင် ထိုင်နေပြီး လူအုပ်ထဲတွင် အလွန်ထင်ရှားစွာ ရှိနေ၏။</p> <p style="text-align:justify">လူတိုင်းသိကြသည့်အတိုင်းပင် ကျင့်ကြံသူများဆိုသည်မှာ မသန်မစွမ်းတစ်ဦးဖြစ်ဖို့ တော်တော်လေးခက်ခဲသည်။ ယနေ့ခေတ်တွင်ရှိသော မှော်ဆေးလုံးအမျိုးမျိုးက မည်သည့်ရောဂါမျိုးကိုမဆို ပျောက်ကင်းစေနိုင်စွမ်းရှိလေ၏။</p> <p style="text-align:justify">တစ်ဖက်တွင် ဂွန်ဂျီယန်က လူတိုင်းက သူ့ကို ဝိုင်း၍ကြည့်နေသည်ကို မြင်သောအခါ တုန်လှုပ်ကြောက်ရွံ့လာသည်။ ထို့နောက် ဂွန်ဂျီယန် စိုးရိမ်ပူပန်သောမျက်လုံးများဖြင့် အိုးရန်ဟွကို လှမ်းကာကြည့်လိုက်၏။</p> <p style="text-align:justify">ဘိုးဘေးကူယန်က ဂွန်ဂျီယန်၏ ထိုအမူအရာကိုမြင်လျှင် မျက်မှောင်ကြုတ်သွားပြီး...</p> <p style="text-align:justify">" ဂွန်ဂျီယန် မင်းနစ်နာခဲ့တဲ့ အရာအားလုံးကို ပွင့်ပွင့်လင်းလင်း ပြောပြနိုင်တယ် စိတ်မပူနဲ့ ငါကိုယ်တိုင် မင်းကို လုံခြုံအောင်ထားပေးမှာ "</p> <p style="text-align:justify">ဘိုးဘေးကူယန်၏ ထိုကတိပေးစကားကို ကြားသောအခါ ဂွန်ဂျီယန်အံကြိတ်ပြီး လက်သီးကိုကျစ်ကျစ်ပါအောင် ဆုပ်လိုက်သည်။</p> <p style="text-align:justify">" အကုန်လုံးပဲ လွန်ခဲ့တဲ့ ( 10 ) နှစ်လောက်က ငါ အိုးရန်ဟွရဲ့ အစေခံတစ်ယောက်ကို လမ်းမှာဝင်တိုက်မိတယ်၊ အဲ့ဒီကိစ္စကြောင့် အိုးရန်ဟွက ငါ့ကိုချက်ချင်းဖမ်းဆီးခဲ့ပြီး သူ့အစေခံကိုယ်တိုင် တရားဥပဒေခန်းမမှာ ငါ့ကို လူမဆန်တဲ့နှိပ်စက်မှုတွေ ပြုလုပ်ခဲ့တယ်လေ "</p> <p style="text-align:justify">ထိုသို့ပြောပြီးသည်နှင့် ဂွန်ဂျီယန်၏မျက်လုံးက ရဲရဲတောက်နီရဲလာပြီး...</p> <p style="text-align:justify">" နောက်ပိုင်းမှာ အကြီးအကဲလျူကျင်းဖန်ကသာ ဝင်ရောက်မတားဆီးခဲ့ဘူးဆိုရင် ငါက အဲ့အစေခံရဲ့ မီးရှိူ့သတ်ဖြတ်ခြင်းကို ခံနေရလောက်ပြီ "</p> <p style="text-align:justify">" ဒါပေမဲ့ အကြီးအကဲလျူ ဝင်တားခဲ့တာတောင်မှ ငါ့ရဲ့ခြေလက်တွေ ရိုက်ချိုးခံရပြီး ကုသဆေးတွေ မသုံးဖို့အတွက် အမိန့်ပေးခံထားရတယ်၊ မဟုတ်ရင် ငါ့ကိုချက်ချင်းသတ်မှာတဲ့ "</p> <p style="text-align:justify">ထိုစကားက ရှိနေသောလူများအားလုံးကို ရုတ်ရုတ်သဲသဲ ဖြစ်သွားစေ၏။</p> <p style="text-align:justify">" သောက်ချီး အစေခံတစ်ယောက်မှာ ဒီလိုအခွင့်အရေးမျိုး ဘယ်လိုလုပ်ရှိနေတာလဲ .. ဂွန်ဂျီယန်က အတွင်းစည်းတပည့်တစ်ယောက်ဖြစ်နေပြီလေ "</p> <p style="text-align:justify">" အတွင်းစည်းတပည့်တစ်ယောက်က အစေခံတစ်ယောက်ရဲ့ ဒီလိုလုပ်ခြင်းကို ခံခဲ့ရတာလား "</p> <p style="text-align:justify">" အစေခံတစ်ယောက်က ဒီလိုမျိုးအခွင့်အရေး မရှိဘူးဆိုတာ လုံးဝအသေအချာပဲ၊ ဒါပေမဲ့ သူ့ရဲ့သခင်က ဘယ်သူလဲဆိုတာကိုတော့ ကြည့်ရမယ်လေ "</p> <p style="text-align:justify">လူအုပ်ကြီးက ထိုသို့ဆွေးနွေးနေသည့်အချိန်တွင် လျူကျင်းဖန် အိုးရန်ဟွကိုကြည့်လိုက်ပြီး...</p> <p style="text-align:justify">" ဂွန်ဂျီယန် ကိစ္စကို မင်းဝန်မခံဘူးဆိုတာ ငါသိတယ်၊ အဲ့တာကြောင့် ငါနောက်ထပ် သက်သေအနည်းငယ်ကို ရှာဖွေထားဆဲပဲ၊ ကျူဇီ၊ ဝမ်ချန် ငါမှတ်မိသလောက်ဆိုရင် ဂွန်ဂျီယန်ကို ဖမ်းဆီးခဲ့တာ မင်းတို့နှစ်ယောက်မဟုတ်လား "</p> <p style="text-align:justify">ထိုစကားကြားသောအခါ ကျူဇီနှင့်ဝမ်ချန် ဆိုသော တပည့်နှစ်ယောက်၏ မျက်နှာက အကြီးအကျယ် ပျက်ယွင်းသွားကြလေသည်။</p> <p style="text-align:justify"> </p> <p style="text-align: center;">***</p>


Save