Book List

<h2 style="text-align:center">အခန်း ၂၁၅</h2> <h2 style="text-align:center">ပုန်ကန်သူအစစ် (၁)</h2> <h2 style="text-align:center">*</h2> <p> </p> <p> </p> <p> </p> <p>ထိုခဏတွင် ကျနော် အနည်းငယ် စကားလွန်သွားပြီဟု တွေးမိလိုက်သည်။ ကျနော်က ဆင်တူယိုးမှား စကားမျိုးကိုသာ ပြောရန် ရည်ရွယ်ခဲ့သော်လည်း သူ့ကို ဤမျှအထိ ရန်စရန် ရည်ရွယ်ချက် မရှိခဲ့ပေ။</p> <p> </p> <p>ဖြစ်နိုင်သည်မှာ ကျနော်သည် နက္ခတ်တစ်ပါးချင်းစီကို ကျေနပ်အားရမှု ပေးသည့် အလေ့အကျင့်တွင် အသားကျလွန်းနေ၍ ဖြစ်ပေလိမ့်မည်။ ရယ်စရာပင် ကောင်းလှသည်။ ကျနော်သည် ယူဂျွန်ဟော့ မဟုတ်သလို ယခုအချိန်တွင် ကျနော့်ကို ဒင်္ဂါးများ ပေးမည့်သူလည်း တစ်ဦးမျှ မရှိပေ။</p> <p> </p> <p>"ခင်ဗျား ကြားလိုက်လား။ ကယ်တင်ခြင်း၏ မိစ္ဆာဘုရင် တဲ့"</p> <p>ဂျန်ဟာယောင်းက ကျနော့်အနားသို့ ပြေးလာရင်း အာမေဍိတ်သံဖြင့် ပြောလိုက်သည်။</p> <p> </p> <p>"ကျုပ်တို့ ရုပ်သံလိုင်းကို ဝင်လာတဲ့ နက္ခတ်ကို ကြည့်လိုက်ဦး။ ကမ္ဘာမြေက လူတဲ့"</p> <p> </p> <p>ကျနော်က ကိုယ်တိုင်ပင် 'ကယ်တင်ခြင်း၏ မိစ္ဆာဘုရင်' ဖြစ်ကြောင်း သူ့ကို ပြောပြတော့မည့် ဆဲဆဲမှာပင် သူ အရင်က ပြောခဲ့ဖူးသော စကားတစ်ခွန်းကို သတိရသွားသည်။</p> <p> </p> <p>—အာ၊ သူ့မှာ ရည်းစားရှိပြီးသားပဲ</p> <p> </p> <p>...မပြောတော့တာက ပိုကောင်းမယ်ထင်တယ်</p> <p> </p> <p>ထိုအစား ကျနော်သည် အလင်းရောင်များ လင်းလက်နေသော ကောင်းကင်ယံကိုသာ မော့ကြည့်လိုက်သည်။</p> <p> </p> <p>[နုဗာရစ်ချ် ဆရာမြွေကြီး နက္ခတ်သည် အလွန်အမင်း မြင့်မားစွာ ခုန်တက်သွားပါသည်။]</p> <p> </p> <p>ဤကောင်ဒေါသထွက်နေမည်မှာ အသေအချာပင် ဖြစ်သော်လည်း သူသည် ရမ်းကားသောင်းကျန်းနိုင်စွမ်း မရှိပေ။ 'နုဗာရစ်ချ် ဆရာမြွေကြီး' ကဲ့သို့သော အဆင့်နိမ့် နက္ခတ်တစ်ပါးသည် မိစ္ဆာနယ်မြေအတွင်း ပြဿနာရှာရန် သတ္တိလည်းမရှိသလို လုံလောက်သော ဖြစ်နိုင်စွမ်းလည်း မရှိဟု ပြော၍ရ၏။</p> <p> </p> <p>[ကိုယ်စားလှယ်အဆင့်မျှသာ ရှိသူတစ်ဦးက မိမိကို စော်ကားခဲ့ခြင်းအပေါ် နုဗာရစ်ချ် ဆရာမြွေကြီး နက္ခတ်သည် အလွန်အမင်း ဒေါသထွက်နေပါသည်။]</p> <p>...ဘယ်ကိုယ်စားလှယ်ပါလိမ့်။ မူရင်းဝတ္ထုထဲမှာ ဒီကောင့်ကို ဘယ်သူက သတ်ခဲ့တာပါလိမ့်။ ယူဂျွန်ဟော့တော့ မဖြစ်နိုင်ဘူး...</p> <p> </p> <p>[မိမိတစ်ခါမျှ မကြားဖူးသော နက္ခတ်တစ်ပါးက မိမိ၏ အလိုဆန္ဒကို ဆန့်ကျင်နေခြင်းအပေါ် နုဗာရစ်ချ် ဆရာမြွေကြီး နက္ခတ်သည် မကျေမနပ် ဖြစ်နေပါသည်။]</p> <p> </p> <p>[နုဗာရစ်ချ် ဆရာမြွေကြီး နက္ခတ်သည် ကယ်တင်ခြင်း၏ မိစ္ဆာဘုရင်ကို လိုက်လံ ရှာဖွေနေပါသည်။]</p> <p> </p> <p>ဤမြွေကောင်သည် ကျနော်ကိုယ်တိုင် ကယ်တင်ခြင်း၏ မိစ္ဆာဘုရင် ဖြစ်သည်ကို မသိသေးပေ။</p> <p> </p> <p>ကောင်းပြီလေ။ ဒီကောင့်ကိစ္စက အရေးမကြီးဘူး။</p> <p>သူက ကယ်တင်ခြင်း၏ မိစ္ဆာဘုရင်ကို အာရုံစိုက်နေသရွေ့ ကျနော့်ရည်ရွယ်ချက်၏ ထက်ဝက်မှာ အောင်မြင်ပြီးသား ဖြစ်သည်။</p> <p> </p> <p>「 ကင်ဒေါ့ဂျာက တွေးလိုက်သည် - ဒီရုပ်သံလိုင်းဆီကို နက္ခတ်တွေ စုမိအောင် လုပ်ရမယ်။ ဒါမှသာ ပုန်ကန်မှု ဇာတ်ဝင်ခန်းအပြီးမှာ ဆက်လာမယ့် 'မိစ္ဆာဘုရင် ရွေးချယ်ပွဲ' မှာ အသာစီး ရနိုင်မှာ 」</p> <p> </p> <p>ဤသို့ ဖြစ်လာစေရန်အတွက် ဤရုပ်သံလိုင်းအကြောင်း သတင်းများ ပြန့်နှံ့သွားရန် လိုအပ်သည်။ သို့သော်လည်း နက္ခတ်များကို စည်းကမ်းမဲ့ စုဆောင်းခြင်းမှာ အန္တရာယ်ရှိပေသည်။ အစကတည်းက အင်အားကြီးလွန်းသူများစွာ ဝင်ရောက်လာပါက ဘီယူအတွက် ထိန်းချုပ်ရန် ခက်ခဲသွားမည်ဖြစ်သလို ကျနော့်အတွက်လည်း ပြဿနာ တက်နိုင်ပေသည်။</p> <p> </p> <p>ထိုအချိန်တွင် ရုပ်သံလိုင်းအတွင်း၌ 'နုဗာရစ်ချ် ဆရာမြွေကြီး' မှာ ပေါက်ကွဲနေတော့သည်။</p> <p>[နုဗာရစ်ချ် ဆရာမြွေကြီး နက္ခတ်သည် အနီးနားရှိ နက္ခတ်များကို ကယ်တင်ခြင်း၏ မိစ္ဆာဘုရင် အကြောင်း စတင် မေးမြန်းနေပါသည်။]</p> <p> </p> <p>[ကယ်တင်ခြင်း၏ မိစ္ဆာဘုရင် နှင့် ပတ်သက်သော ကောလဟာလများကို ကြားလိုက်ရသဖြင့် နုဗာရစ်ချ် ဆရာမြွေကြီး နက္ခတ်သည် အံ့အားသင့်သွားပါသည်။]</p> <p> </p> <p>သူသည် ဤလောက၏ ထိပ်တန်းပုဂ္ဂိုလ်များကြားတွင် အဆင့်နိမ့်သူတစ်ဦးသာ ဖြစ်သည်။</p> <p> </p> <p>[နုဗာရစ်ချ် ဆရာမြွေကြီး နက္ခတ်က ကယ်တင်ခြင်း၏ မိစ္ဆာဘုရင် ကို တွေ့ဖူးသည်ဟု ပြောဆိုနေပါသည်။]</p> <p> </p> <p>[မိမိအပေါ် ကျရောက်လာသော နက္ခတ်များ၏ စွပ်စွဲချက်များကို နုဗာရစ်ချ် ဆရာမြွေကြီး နက္ခတ်က ပြန်လည် တုံ့ပြန်နေပါသည်။]</p> <p>[နုဗာရစ်ချ် ဆရာမြွေကြီး နက္ခတ်က ကယ်တင်ခြင်း၏ မိစ္ဆာဘုရင် ကို တကယ် တွေ့ဖူးသည်ဟု အခိုင်အမာ ပြောဆိုနေပါသည်။]</p> <p> </p> <p>ဒဏ္ဍာရီလာအဆင့် နက္ခတ်များက သူ၏ စကားကို မယုံကြည်ကြပေ။ တစ်နည်းအားဖြင့် ပြောရလျှင် တွေ့ဖူးသည်ဆိုသော သတင်းမှာ မာနထောင်လွှားသော အဆင့်နိမ့် နက္ခတ်များဆီသို့သာ ရောက်ရှိသွားခြင်း ဖြစ်သည်။ ဆိုလိုသည်မှာ 'နုဗာရစ်ချ် ဆရာမြွေကြီး' သည် ထိုကဲ့သို့သော နက္ခတ်များကို စုဆောင်းရန်အတွက် အသင့်တော်ဆုံးသူပင် ဖြစ်သည်။</p> <p> </p> <p>[နုဗာရစ်ချ် ဆရာမြွေကြီး နက္ခတ်သည် သူ၏ အုပ်စုကို စုစည်းနေပါသည်။]</p> <p> </p> <p>ကျနော် မျှော်လင့်ထားသည့်အတိုင်းပင် ဖြစ်သည်။</p> <p> </p> <p>[နက္ခတ်အသစ်များ #BI-90594 ရုပ်သံလိုင်းသို့ ဝင်ရောက်လာပါပြီ။]</p> <p> </p> <p>အကယ်၍ 'လျှို့ဝှက်ကြံစည်သူ' သာ ဤရုပ်သံလိုင်းထဲတွင် ရှိနေခဲ့လျှင် ကျနော့်၏ ပရိယာယ်အပေါ် ချီးကျူးဂုဏ်ပြုသည့် မက်ဆေ့ချ်တစ်ခုကို သေချာပေါက် ပို့လာပေလိမ့်မည်။ ယင်းမှာ အနည်းငယ် လွမ်းဆွတ်ဖွယ်ပင် ကောင်းလှသည်။</p> <p> </p> <p>[အသစ်ဝင်ရောက်လာသော နက္ခတ်များသည် ၎င်းတို့၏ ဘွဲ့အမည်များကို ထုတ်ဖော်နေပါသည်။]</p> <p> </p> <p>['လက်သည်းစား ကြွက်' နက္ခတ်သည် ကျရှုံးသွားသော ကိုယ်စားလှယ်များ၏ လက်သည်းများကို ရှာဖွေနေပါသည်။]</p> <p> </p> <p>['မီးလျှံထဲသို့ ခုန်ဆင်းခဲ့သော ခွေး' နက္ခတ်သည် ရုပ်သံလိုင်းရှိ ကိုယ်စားလှယ်များအပေါ် စိတ်ဝင်စားနေပါသည်။]</p> <p>တိရစ္ဆာန် ဘွဲ့အမည်များ ဆက်တိုက် ပါဝင်နေသည်ကို ကြည့်ခြင်းအားဖြင့် သူသည် သူ၏ သူငယ်ချင်းများကို တကယ်ပင် ခေါ်လာခဲ့ခြင်း ဖြစ်သည်။ 'လက်သည်းစား ကြွက်' နှင့် 'မီးလျှံထဲသို့ ခုန်ဆင်းခဲ့သော ခွေး'... Ways of Survival ကို လှန်ကြည့်စရာပင် မလိုဘဲ ၎င်းတို့မှာ လူသိမများသော ဘွဲ့အမည်များ ဖြစ်ကြောင်း ကျနော် သိနေပေသည်။ ဤအယုတ်တမာများသည်လည်း နက္ခတ်များပင် ဖြစ်ကြသည်။</p> <p> </p> <p>[နုဗာရစ်ချ် ဆရာမြွေကြီး နက္ခတ်သည် ကယ်တင်ခြင်း၏ မိစ္ဆာဘုရင်ကို သတိပေးနေပါသည်။]</p> <p> </p> <p>[ဤရုပ်သံလိုင်းကို 'ဆယ့်နှစ်ရာသီခွင်' နက်ဗျူလာ က သိမ်းပိုက်လိုက်ပြီဖြစ်ကြောင်း နုဗာရစ်ချ် ဆရာမြွေကြီး နက္ခတ်က ကြေညာလိုက်ပါသည်။]</p> <p> </p> <p>...ဒါက ဘာပါလိမ့်။</p> <p>Ways of Survival ထဲတွင် 'ဆယ့်နှစ်ရာသီခွင်' အကြောင်းကို တစ်စွန်းတစ်စ တွေ့ဖူးသည်။ သူတို့သည် နက်ဗျူလာ တစ်ခု ဖြစ်သော်လည်း အချင်းချင်း စည်းလုံးမှု မရှိကြပေ။ ထို့အပြင် အဖွဲ့ဝင် အများစုမှာ အဆင့်နိမ့် နက္ခတ်များသာ ဖြစ်ကြသည်။ သူတို့က ကျနော့်အပေါ် ရန်လိုလာလျှင်ပင် ပြဿနာရှိမည် မဟုတ်ပေ။</p> <p> </p> <p>「 ကင်ဒေါ့ဂျာက တွေးလိုက်သည် - ပထမဆုံး အချက်အနေနဲ့ စာရင်းသွင်းသူ အရေအတွက် တိုးလာပြီ။ နောက်တစ်ဆင့်ကတော့ သူတို့ကို ခွဲခြားသတ်မှတ်ဖို့ပဲ 」</p> <p> </p> <p>ရုပ်သံလိုင်း ကြီးမားလာလေလေ၊ ရေနောက်အောင် လုပ်မည့် ငါးခုံးမတွေ ပိုများလာလေလေ ဖြစ်သည်။ ယခု ကျနော်သည် ကျနော့်၏ အဆင့်အတန်းကို စိတ်ကြိုက် အသုံးမပြုနိုင်သေးသဖြင့် အရည်အသွေး ထိန်းချုပ်မှုကို တာဝန်ယူပေးမည့် နက္ခတ်တစ်ပါး လိုအပ်၏။ ထိုနက္ခတ်မှာ အင်အားကြီးမားပြီး အတော်အသင့် စိတ်သဘောထား ကောင်းမွန်သူ ဖြစ်ရန် လိုသည်။ အခြားသော နက္ခတ်များကို နှိမ်နင်းနိုင်စွမ်းလည်း ရှိရမည်... ထိုကဲ့သို့သောသူမျိုးကို ကျနော် ဘယ်မှာ ရှာရမည်နည်း။</p> <p> </p> <p>အမှန်စင်စစ် ကျနော့်တွင် အဖြေရှိပြီးသား ဖြစ်သည်။</p> <p> </p> <p>"ဂျန်ဟာယောင်း။ မင်း ဘာလုပ်နေတာလဲ"</p> <p> </p> <p>လေထဲတွင် တစ်စုံတစ်ခုကို ရိုက်နှိပ်နေသော ဂျန်ဟာယောင်းသည် အံ့အားသင့်စွာဖြင့် ကျနော့်ကို လှည့်ကြည့်လာသည်။</p> <p> </p> <p>['အမည်မသိတံတိုင်း' သည် အံ့အားသင့်သွားပါသည်။]</p> <p> </p> <p>သူသည်လည်း ကျနော်နှင့် ဆင်တူသောအရာကို လုပ်ဆောင်နေပုံ ရသည်။ ကျနော်က မျက်မှောင်ကြုတ်ကာ ပြောလိုက်သည်။</p> <p>" တခြား နက္ခတ်တွေကို ကယ်တင်ခြင်း၏ မိစ္ဆာဘုရင် အကြောင်း သွားပြောရင် မင်း သေလိမ့်မယ်"</p> <p> </p> <p>"ကျုပ်က မက်ဆေ့ချ်ကို ကြားလိုက်ရတယ်လို့ပဲ ကြွားချင်ရုံတင်ပါ..."</p> <p> </p> <p>"ဒါဆိုရင် မင်း အပြစ်ပေးခံရလိမ့်မယ်။ ကယ်တင်ခြင်း၏ မိစ္ဆာဘုရင် ဆိုတာက အင်မတန်မှ ကြောက်စရာကောင်းတဲ့ နက္ခတ်တစ်ပါးပဲ"</p> <p> </p> <p>ဂျန်ဟာယောင်းမှာ တုန်လှုပ်သွားကာ ကောင်းကင်ယံကို မော့ကြည့်လိုက်သည်။ ကယ်တင်ခြင်း၏ မိစ္ဆာဘုရင် က တစ်နေရာရာမှ သူ့ကို စောင့်ကြည့်နေမည်ဟု သူ ထင်မှတ်သွားပုံရသည်။ ကံကောင်းထောက်မစွာပင် ရုပ်သံလိုင်းအတွင်း၌ ထူးခြားသော လှုပ်ရှားမှုများ မရှိသေးပေ။ ဂျန်ဟာယောင်းသည် သူ၏ အဓိပ္ပာယ်မရှိသော စကားများကို မဖြန့်ဝေရသေးပေ။ ဂျန်ဟာယောင်းက ကျနော့်၏ အကြည့်ကို သတိပြုမိသွားကာ မေးလာသည်။</p> <p>"ခင်ဗျားက ကယ်တင်ခြင်း၏ မိစ္ဆာဘုရင် ကို သိလို့လား"</p> <p> </p> <p>"နည်းနည်းပါးပါးပေါ့"</p> <p> </p> <p>"ခင်ဗျားတို့က သူငယ်ချင်းတွေလား"</p> <p> </p> <p>ကျနော်တို့က သူငယ်ချင်းတွေလား၊ မဟုတ်ဘူးလား ဆိုသည်ကိုတော့ ကျနော် မသိပေ...</p> <p> </p> <p>"သူက မင်းကို ပြောပြဖို့ ငါ့ဆီ မက်ဆေ့ချ် ပို့လာတဲ့အထိတော့ ခင်ပါတယ်"</p> <p> </p> <p>"...ဘာတဲ့လဲ"</p> <p> </p> <p>"သူက မင်းကို စောင့်ကြည့်နေတယ်တဲ့"</p> <p>ဤသို့ ပြောလိုက်ခြင်းမှာ ပို၍ ကောင်းလိမ့်မည်ဟု ကျနော် တွေးလိုက်သည်။ မည်သို့ပင်ဆိုစေ၊ ယခုအချိန်မှစ၍ ကျနော်သည် သူ၏ စွမ်းအားကို အသုံးချရတော့မည်ပင်။</p> <div> </div> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p>['နုဗာရစ်ချ် ဆရာမြွေကြီး' နက္ခတ်က သူ၏ဒေါသကို ဖြေဖျောက်ရန် နေရာရှာနေပါသည်။]</p> <p> </p> <p>['လက်သည်းစားသော ကြွက်' နက္ခတ်က သင့်ကို စိတ်ဝင်စားနေပါသည်။]</p> <p> </p> <p>လေထုထဲတွင် သွယ်ဝိုက်မက်ဆေ့ချ်များ တစ်ခုပြီးတစ်ခု ပေါ်လာသည်။ စော်ဘွား စစ်ဝစ်ဇ်သည် ထိုမက်ဆေ့ချ်များကို ခေတ္တမျှ နားထောင်နေပြီးနောက် မျက်မှောင်ကြုတ်ကာ စကား ပြောလိုက်သည်။</p> <p> </p> <p>"ညကျရင် အရာအားလုံးကို စုဝေးလိုက်"</p> <p> </p> <p>"ဗျာ... ဒါပေမဲ့... ဟုတ်... ဟုတ်ကဲ့။ နားလည်ပါပြီ"</p> <p>လက်အောက်ငယ်သားသည် ရုံးခန်းထဲမှ အလန်တကြား ထွက်ပြေးသွားပြီးနောက် စော်ဘွား စစ်ဝစ်ဇ်က စီးကရက်အသစ်တစ်လိပ်ကို ပါးစပ်တွင် ခဲလိုက်သည်။ နက္ခတ်များ၏ သွယ်ဝိုက်မက်ဆေ့ချ်များကြောင့် စစ်ဝစ်ဇ်သည် အနည်းငယ် ပျာယာခတ်နေပုံရသည်။</p> <p> </p> <p>'ဒီချန်နယ်ကို ဘယ်သူဖွင့်လိုက်တာလဲ ငါမသိပေမဲ့ ဒီအခွင့်အရေးကိုတော့ ငါအလွတ်မခံနိုင်ဘူး'</p> <p> </p> <p>ချန်နယ်မှာ တရားဝင် ချန်နယ်တစ်ခု မဟုတ်သော်လည်း မိစ္ဆာနယ်မြေအတွင်း အသာစီးရဆုံး အနေအထားမှနေ၍ ပြိုင်ပွဲကို စတင်ရန် ဤချန်နယ်ကို စစ်ဝစ်ဇ် အသုံးချနိုင်လေသည်။</p> <p> </p> <p>'တခြား စော်ဘွားတွေကတော့ အခုထိ ထုတ်လွှင့်ဖို့ ချန်နယ် မရသေးဘူး'</p> <p>'မြွေ' နှင့် 'ကြွက်' ဆိုသည့် ဘွဲ့အမည်များမှာ တစ်မျိုးကြီး ဖြစ်နေသော်လည်း ၎င်းတို့မှာ နက္ခတ်များပင် ဖြစ်နေသေးသည်။ အသေးစိတ်ကို စစ်ဝစ်ဇ် မသိသော်လည်း ဤအခြေအနေမှာ စစ်ဝစ်ဇ် မိစ္ဆာဘုရင် ဖြစ်လာရန်အတွက် အခွင့်ကောင်းကြီး တစ်ခုပင် ဖြစ်၏။</p> <p> </p> <p>အမတ် အုမ်ဘရော့စ်က အခြေအနေကို စောင့်ကြည့်နေပြီး မေးလိုက်သည်။</p> <p> </p> <p>"စက်ရုံက မလည်ပတ်နိုင်တဲ့ အခြေအနေမှာ ပုန်ကန်သူကို ရင်ဆိုင်ဖို့ စော်ဘွားကြီးက စီစဉ်နေတာလား"</p> <p> </p> <p>"…"</p> <p> </p> <p>"ကျန်နေတဲ့ ကွပ်မျက်သူတွေအားလုံး သေသွားတာနဲ့ ပုန်ကန်သူက စော်ဘွားကို သတ်နိုင်တဲ့ စွမ်းအားကို ရသွားလိမ့်မယ်"</p> <p> </p> <p>မိမိ၏ လက်အောက်ခံအားလုံး ဆုံးရှုံးသွားသော အုပ်စိုးသူသည် ပုန်ကန်မှု၏ ဒဏ်ကို ခံရပေလိမ့်မည်။ ၎င်းမှာ ဤဇာတ်ဝင်ခန်း၏ သတ်မှတ်ထားသော ဖြစ်စဉ်ပင် ဖြစ်သည်။ သို့သော် စော်ဘွား စစ်ဝစ်ဇ်သည် မျက်တောင်တစ်ချက်ပင် မခတ်ပေ။</p> <p> </p> <p>"ဒါပေါ့၊ အခုပေါ်လာတဲ့သူက တကယ့် ပုန်ကန်သူ အစစ်ဆိုရင်ပေါ့"</p> <p> </p> <p>"ဘာ..."</p> <p> </p> <p>"ဒါနဲ့... မင်းကော ဘယ်ဘက်က ရပ်တည်မလဲဆိုတာ ဆုံးဖြတ်ပြီးပြီလား"</p> <p> </p> <p>"ဗျာ"</p> <p> </p> <p>အုမ်ဘရော့စ် အံ့အားသင့်သွားသည်။</p> <p> </p> <p>"ကျုပ်က ဂီလိုဘတ်ရဲ့ အမတ်တစ်ယောက်ပဲလေ..."</p> <p> </p> <p>စော်ဘွား စစ်ဝစ်ဇ်က ပြုံးလိုက်သောအခါမှ ‘ဘယ်ဘက်တွင်ရပ်တည်မလဲ’ ဆိုသည့် အဓိပ္ပာယ်ကို အုမ်ဘရော့စ် နားလည်သွားသည်။</p> <p> </p> <p>"ဟုတ်လို့လား"</p> <p>အုမ်ဘရော့စ်၏ ကျောပြင်တွင် ချွေးများ စိုရွှဲလာပြီး ဦးနှောက်ထဲတွင်လည်း အချိန်တိုအတွင်းမှာပင် ဝေခွဲမရဖြစ်မှုများ ပေါ်ပေါက်လာသည်။ ပထမဆုံး ‘ချန်နယ်’ ကို ရရှိထားသည့် စော်ဘွားသည် ရွေးချယ်မှု ပြိုင်ပွဲတွင် အပြတ်အသတ် အသာစီး ရရှိပေလိမ့်မည်။ မကြာမီ နက္ခတ်များစွာသည် ဤချန်နယ်သို့ စုပြုံလာကြတော့မည် ဖြစ်သည်။ ထို့ပြင် စော်ဘွား စစ်ဝစ်ဇ်သည် ၇၃ ခုမြောက် မိစ္ဆာနယ်မြေတွင် အစွမ်းထက်ဆုံး ဇာတ်လမ်းကို ပိုင်ဆိုင်ထားသူလည်း ဖြစ်သည်။</p> <p> </p> <p>အုမ်ဘရော့စ်၏ ဝေခွဲမရဖြစ်မှုမှာ ကြာရှည်မခံခဲ့ပေ။</p> <p> </p> <p>"မိစ္ဆာနယ်မြေရဲ့ မိစ္ဆာဘုရင်အသစ်ကို ဂါရဝပြုပါတယ်"</p> <div> <p> </p> <p>မိစ္ဆာသည် ဆုံးဖြတ်ချက် တစ်ခုကို ချလိုက်ပြီ ဖြစ်သည်။ အုမ်ဘရော့စ်က အသာအယာ ဒူးထောက်လိုက်သောအခါ စော်ဘွား စစ်ဝစ်ဇ်က ခေါင်းညိတ်ပြလိုက်သည်။</p> </div> <p>ဖယ်ရှားရေး ကျွန်များကို အိုင်လင်းနှင့် မာ့ခ်တို့ထံ အပ်နှံခဲ့ပြီးနောက် ဘီယူကို ရုပ်သံထုတ်လွှင့်မှု ချန်နယ်အား ခေတ္တခဏ အနှောင့်အယှက်ပေးရန် ကျနော် တောင်းဆိုလိုက်သည်။ ထိုသို့ ပြုလုပ်ခိုင်းခြင်းမှာ ဖြစ်လာနိုင်သည့် ပြဿနာများအတွက် ကြိုတင်ပြင်ဆင်ရန်ပင် ဖြစ်သည်။ ယခုအချိန်မှစ၍ ဖြစ်ပျက်လာမည့် အကြောင်းအရာများကို တိရစ္ဆာန်သူငယ်ချင်းများအား မကြားစေလိုပေ။</p> <p> </p> <p>"ဂျန်ဟာယောင်း၊ အခု မင်း ဘယ်နှစ်ယောက်နဲ့ စကားပြောနေတာလဲ"</p> <p> </p> <p>ဂျန်ဟာယောင်းသည် ကျနော့်ကို စိုက်ကြည့်ရင်း ပြန်ဖြေသည်။</p> <p> </p> <p>"သုံးယောက်လား"</p> <p> </p> <p>"တစ်ယောက်က မဟူရာမီးလျှံ အသူတစ်ရာနဂါးပဲ။ ကျန်တဲ့ နှစ်ယောက်က ဘယ်သူတွေလဲ"</p> <p> </p> <p>"အင်း... အမှန်တော့ ငါးယောက်လို့ပြောလို့ရတယ်"</p> <p> </p> <p>"ငါးယောက်ဟုတ်လား"</p> <p> </p> <p>"တိတိကျကျ ပြောရရင် ကိုးယောက်၊ ဒါပေမဲ့..."</p> <p> </p> <p>"…ကိုးယောက်ဟုတ်လား"</p> <p> </p> <p>"အကြောင်းပြန်ဖို့ အချိန်နည်းနည်း ကြာတဲ့သူတွေကိုပါ ပေါင်းလိုက်ရင် ၁၅ ယောက်လောက် ရှိမလားပဲ..."</p> <p> </p> <p>အမည်မသိတံတိုင်းတွင် ထူးခြားသော ဝိသေသလက္ခဏာများစွာ ရှိသည်။ ၎င်းတို့အနက် တစ်ခုမှာ ဂျန်ဟာယောင်း မကြာသေးမီကမှ ဖွင့်လှစ်နိုင်ခဲ့သည့် စကားပြောဆိုနိုင်သော စွမ်းရည်ပင် ဖြစ်သည်။ ထိုစွမ်းရည်မှာ ကြယ်တာရာ ရုပ်သံထုတ်လွှင့်မှုအတွင်း ဘွဲ့အမည်ရှိသူ မည်သူ့ကိုမဆို မက်ဆေ့ချ် ပေးပို့နိုင်သည့် စွမ်းရည် ဖြစ်သည်။</p> <p> </p> <p>သို့သော် ဤစွမ်းရည်ကို ပိုင်ဆိုင်ထားရုံဖြင့် လူတိုင်းက ဂျန်ဟာယောင်းကဲ့သို့ အသုံးချနိုင်သည်ဟု မဆိုလိုပေ။</p> <p> </p> <p>" ဒီအချိန်တိုလေးအတွင်းမှာ ၁၅ ယောက်နဲ့ မင်းက စကားပြောလိုက်တာလား"</p> <p> </p> <p>"အဲဒါက သိပ်မခက်ပါဘူး"</p> <p> </p> <p>ကျနော့်အတွက်မူ လူတစ်ယောက်နှင့် စကားပြောရန်ပင် ခက်ခဲလှသည်။ ဂျန်ဟာယောင်းမှာ အလုပ်များစွာကို တစ်ပြိုင်နက် လုပ်ဆောင်နိုင်သူ ဖြစ်သည်။ အတိုချုပ်ပြောရလျှင် နက္ခတ်များနှင့် အဆင့်ကျော်လွန်သူ ၁၅ ယောက်မှာ ဂျန်ဟာယောင်းနှင့် စကားပြောနေကြခြင်းပင်။ ထိုသို့သော မာနကြီးလွန်းသည့် သူများကပင် သူနှင့် စကားပြောနေကြခြင်းဖြစ်၏။</p> <p> </p> <p>ဤသည်မှာ မည်သို့ဖြစ်နိုင်သနည်းဟု ကျနော် တွေးတောနေမိသော်လည်း ၎င်းမှာ ဂျန်ဟာယောင်း၏ တကယ့် စွမ်းအားပင် ဖြစ်သည်။ ဤစွမ်းအားကြောင့်ပင် ဂျန်ဟာယောင်းသည် အဆင့်ကျော်လွန်သူများ၏ အင်အားစုကို တည်ထောင်နိုင်ခဲ့ခြင်း ဖြစ်သည်။</p> <p> </p> <p>ဂျန်ဟာယောင်းသည် ကျနော့်မျက်နှာကို ကြည့်ရင်း မေးလိုက်သည်။</p> <p> </p> <p>"ဒါနဲ့ ခင်ဗျား ဘာလို့ မေးရတာလဲ"</p> <p>ကျနော် ခေတ္တမျှ ဝေခွဲမရ ဖြစ်သွားသည်။ ဤရွေးချယ်မှုမှာ အလွန် အရေးကြီးသည်။ ကျနော်သာ ရွေးချယ်မှု မှားယွင်းသွားပါက ခက်ခက်ခဲခဲ ရရှိထားသည့် ချန်နယ်မှာ ခဏချင်းအတွင်း ပျက်စီးသွားနိုင်သည်။ ကျနော် ခေတ္တခဏမျှ စဉ်းစားပြီးနောက် ဖြည်းဖြည်းချင်း ပါးစပ်ဟကာ ပြောလိုက်သည်။</p> <p> </p> <p>"ငါ တစ်စုံတစ်ယောက်ကို ခေါ်ချင်လို့"</p> <p> </p> <p>"ဟင်…. ဘယ်သူ့ကိုခေါ်ချင်တာလဲ"</p> <p> </p> <p>ကျနော် ပြန်ဖြေရန် တွန့်ဆုတ်နေမိသည်။ ကျနော့် ရွေးချယ်မှု မှန်၊ မမှန် ကျနော် မသေချာပေ။</p> <p> </p> <p>「 ကင်ဒေါ့ဂျာက တွေးနေမိသည် - အခု ငါခေါ်မည့်သူက ငါ့ ထိန်းချုပ်မှုအပြင်ဘက်က တစ်စုံတစ်ယောက်ပဲ 」</p> <p>ဤနေရာသို့ ရောက်ရှိရန် တကယ့်ကို ခက်ခဲခဲ့သည်။ ကျိန်စာသင့် ဇာတ်ဝင်ခန်းမှာ ဇာတ်ဝင်ခန်း တစ်ခု ဖြစ်သော်လည်း ကျနော့်ကို တကယ် နှောင့်ယှက်ခဲ့သူများမှာ နက္ခတ်များပင် ဖြစ်သည်။ ဆုလာဘ် ဇာတ်ဝင်ခန်းကို လိုချင်ကြသူများမှာ ကိုင်တွယ်ရ လွယ်ကူသည်။ ပြန်စဉ်းစားကြည့်လျှင် ကျနော် မိစ္ဆာနယ်မြေသို့ ရောက်လာခဲ့ခြင်းမှာ ကျနော့် ကံကြမ္မာကြောင့်ပင် ဖြစ်၏။</p> <p> </p> <p>ယခုအချိန်အထိ ထိုအချိန်ကို ပြန်စဉ်းစားမိတိုင်း ကျနော် အိပ်မပျော်နိုင်သေးပေ။ ဤမျှ ကြိုးစားအားထုတ်ခဲ့ပြီးနောက် ကျနော်သည် ဤဝေးကွာသော စင်မြင့်ထက်သို့ ရောက်ရှိလာပြီး ချန်နယ်အသစ် တစ်ခုကို ဖွင့်လှစ်နိုင်ခဲ့သည်။ ယခု ကျနော်သည် ထိုသူများအနက် တစ်ယောက်ကို ဤနေရာသို့ ခေါ်သင့်သလား...</p> <p> </p> <p> </p> <p style="text-align:center">***</p>


Save