Book List

<h2 style="text-align: center;">အခန်း (၁၆၁)</h2> <h2 style="text-align: center;">ပေါင့်ဝေကျင်းနှင့် နုပျိုခြင်းစွမ်းအင်ဆေးပြား</h2> <h2 style="text-align: center;">*</h2> <p> </p> <p>ပေါင့်အိမ်တော်…</p> <p> </p> <p>“တစ်ချက်တည်းနဲ့ အသေသတ်သွားတာပဲ။ တစ်ဖက်လူက ပေါင့်ရှင်းရွှမ်ထက် အများကြီး ပိုသန်မာတယ်”</p> <p> </p> <p>ပေါင့်ချုံးဟွားသည် ပေါင့်ရှင်းရွှမ်၏ အလောင်းကို စစ်ဆေးပြီးနောက် မျက်နှာမှာ ဖြူရော်သွားလေသည်။</p> <p> </p> <p>ပေါင့်ရှင်းရွှမ်တစ်ယောက် အပြင်ထွက်သွားရာမှ အသတ်ခံရလိမ့်မည်ဟု သူမ ထင်မှတ်မထားခဲ့ပေ။</p> <p> </p> <p>“တစ်ဖက်လူက အရည်အသွေးပြောင်းလဲခြင်းနယ်ပယ်က သိုင်းပညာရှင် ဖြစ်ရမယ်” ပေါင့်ချုံးဟွားက ကောက်ချက်ချလိုက်သည်။</p> <p> </p> <p>“မဟုတ်ဘူး”</p> <p>ဖန်းကျဲ့ကလည်း ထိုနေရာ၌ ရှိနေလေသည်။</p> <p> </p> <p>သူကလည်း ဝင်ရောက်စစ်ဆေးပြီးနောက် မှတ်ချက်ပေးလိုက်သည်။ “သူ့ကို သတ်သွားတဲ့သူက အရည်အသွေးပြောင်းလဲခြင်းနယ်ပယ် သိုင်းပညာရှင်ထက် အများကြီး ပိုသန်မာတယ်။ အနည်းဆုံး ဂုဏ်သတ္တိနယ်ပယ် ဒါမှမဟုတ်... တံဆိပ်တော်နယ်ပယ်မှာတောင် ရှိနိုင်တယ်”</p> <p> </p> <p>“ဒါ...”</p> <p>ထိုစကားကို ကြားသောအခါ ပေါင့်ချုံးဟွား၏ မျက်နှာအမူအရာမှာ အလွန်ဆိုးရွားသွားချေပြီ။</p> <p> </p> <p>“ပေါင့်ရှင်းရွှမ်က အရင်တုန်းက ပြဿနာတွေရှာပြီး နေရာတကာမှာ ရန်သူတွေ ဖန်တီးခဲ့ပေမဲ့ ဒီလိုအဆင့်ရှိတဲ့ ကျွမ်းကျင်သူတစ်ယောက်ကို ရန်စမိလိမ့်မယ်လို့ မထင်ထားခဲ့ဘူး...”</p> <p> </p> <p>အကယ်၍ တစ်ဖက်လူသာ တံဆိပ်တော်နယ်ပယ်မှ သိုင်းပညာရှင်တစ်ဦး ဖြစ်နေပါက ယွဲ့လန်ဂိုဏ်းက သူတို့နောက်ကွယ်တွင် ရှိနေလျှင်တောင် ကြီးမားသော ခြိမ်းခြောက်မှုကြီးကို ရင်ဆိုင်ရမည်သာ ဖြစ်ပေသည်။</p> <p> </p> <p>ပေါင့်ချုံးဟွားမှာ ကူကယ်ရာမဲ့သွားသလို ခံစားလိုက်ရသည်။</p> <p> </p> <p>ယွဲ့လန်ဂိုဏ်းကို အားကိုးနေရသောကြောင့် မိသားစုအတွင်းရှိ လူအတော်များများမှာ အတော်လေး မောက်မာနေခဲ့ကြသည်။</p> <p> </p> <p>ပေါင့်ရူရွမ်းသည်လည်း ထိုနည်းတူပင်။ သူ ယွဲ့လန်ဂိုဏ်းသို့ ဝင်ရောက်ပြီးနောက် သူ့ကို သတိပေးသည့်အနေဖြင့် အကြီးအကဲကူကျွမ့်က သူ၏နာမည်ကိုပင် ပြောင်းလဲပေးခဲ့လေသည်။</p> <p> </p> <p>ပေါင့်ရူရွမ်းအနေဖြင့် အပြောအဆို၊ အပြုအမူများကို ဆင်ခြင်သတိထားနိုင်မည်ဟု သူ မျှော်လင့်ခဲ့ခြင်း ဖြစ်သည်။</p> <p> </p> <p>သို့သော် ထင်မှတ်မထားဘဲ ပေါင့်ရူရွမ်းနှင့် ပေါင့်ရှင်းရွှမ်တို့ သေဆုံးသွားခဲ့ကြသည်။</p> <p> </p> <p>သူတို့နှစ်ဦးစလုံးမှာ မိသားစု၏ အရေးပါသော ပုဂ္ဂိုလ်များ ဖြစ်ကြသည်။ သူတို့နှစ်ဦးအပေါ် မတော်တဆမှုများ ဖြစ်ပွားခြင်းသည် မိသားစုတစ်စုလုံးအတွက် ကြီးမားသော ထိုးနှက်ချက်ကြီး ဖြစ်ပေသည်။</p> <p> </p> <p>“တံဆိပ်တော်နယ်ပယ်...” ပေါင့်ချုံးဟွားတစ်ယောက် ခါးသီးစွာ ခံစားနေရချိန်တွင် ဖန်းကျဲ့က မျက်မှောင်ကြုတ်လိုက်လေသည်။</p> <p> </p> <p>“တူတော်မောင်ဖန်းကျဲ့... မင်း ဘာတွေ...”</p> <p> </p> <p>ဖန်းကျဲ့၏ မျက်လုံးများထဲမှ တွေးတောနေသော အကြည့်ကို ပေါင့်ချုံးဟွား သတိပြုမိသွားသည်။</p> <p> </p> <p>“ပေါင့်မိသားစု အိမ်တော်အနီးမှာ ပေါ်လာတဲ့ တံဆိပ်တော်နယ်ပယ် သိုင်းပညာရှင်အကြောင်း တွေးနေတာပါ”</p> <p> </p> <p>ဖန်းကျဲ့၏ လေသံမှာ သံသယဝင်နေပုံရသည်။</p> <p> </p> <p>“ဒီကိစ္စကို လုပ်သွားတာ အဲဒီ တံဆိပ်တော်နယ်ပယ် သိုင်းပညာရှင်လို့ မင်း ပြောချင်တာလား”</p> <p> </p> <p>ပေါင့်ချုံးဟွား၏ ရင်ထဲ ထိတ်ခနဲ ဖြစ်သွားရသည်။</p> <p> </p> <p>ထိုစဉ်က တံဆိပ်တော်နယ်ပယ် သိုင်းပညာရှင်မှာ ဖြတ်သွားဖြတ်လာသာ ဖြစ်မည်ဟု သူမ ထင်မှတ်ခဲ့သော်လည်း ယခုကြည့်ရသည်မှာ ထိုသူသည် မိမိတို့မိသားစုအား ကြိုတင်ကင်းထောက်ရန် ကြိုးစားနေခဲ့ခြင်း ဖြစ်ပုံရလေသည်။</p> <p> </p> <p>ထို့အပြင် သူသည် ပေါင့်မိသားစုတစ်စုလုံးကို ပြဿနာရှာရန် ရည်ရွယ်ထားပုံရသည်။</p> <p> </p> <p>“ဒါက ဖြစ်နိုင်ခြေတစ်ခုပါပဲ”</p> <p>ဖန်းကျဲ့က ပြန်ဖြေလိုက်သည်။</p> <p>သူကမူ အတော်လေး တည်ငြိမ်နေသည်။ မည်သို့ပင်ဆိုစေကာမူ ဤကိစ္စသည် သူနှင့် မသက်ဆိုင်ပေ။</p> <p> </p> <p>ဖန်းကျဲ့သည် ပေါင့်မိသားစုမှ ထွက်ခွာရန် အဆင်သင့်ဖြစ်နေပြီ ဖြစ်သည်။ ပေါင့်ချုံးဟွား၏ ရင်ထဲတွင်မူ လေးလံနေတော့သည်။</p> <p> </p> <p>အကယ်၍ ဖန်းကျဲ့သာ ပေါင့်မိသားစုမှ ထွက်ခွာသွားပါက သူမသည် မိသားစုတွင် အသန်မာဆုံးသူ ဖြစ်လာမည်ကို သူမ ကောင်းစွာ သိထားသည်။</p> <p> </p> <p>သို့သော် ဂုဏ်သတ္တိနယ်ပယ် သိုင်းပညာရှင်တစ်ယောက်အနေဖြင့် သူမသည် တံဆိပ်တော်နယ်ပယ်မှ သိုင်းပညာရှင်တစ်ယောက်ကို ယှဉ်နိုင်မည် မဟုတ်သည်မှာ သေချာလှပေသည်။</p> <p> </p> <p>ပေါင့်ရှင်းရွှမ်က ရန်စခဲ့သည်ဖြစ်စေ၊ ပေါင့်မိသားစုက ရည်ရွယ်ချက်မရှိဘဲ ရန်စမိခဲ့သည်ဖြစ်စေ ထိုသူသည် ယခုအခါ ပေါင့်မိသားစုအတွက် ကြီးမားသော ခြိမ်းခြောက်မှုကြီး ဖြစ်နေပြီဖြစ်သည်။</p> <p>ထိုသူ မည်သူဖြစ်ကြောင်းကိုသာ မရှာဖွေနိုင်ပါက ပေါင့်မိသားစုမှာ ကြီးမားသော အန္တရာယ်နှင့် ရင်ဆိုင်ရပေလိမ့်မည်။</p> <p> </p> <p>ပေါင့်ချုံးဟွားသည် ပြင်းထန်သော စိုးရိမ်ပူပန်မှုကို ခံစားလိုက်ရလေသည်။</p> <p> </p> <p>“တူတော်မောင်ဖန်းကျဲ့... ပေါင့်မိသားစုက အကျပ်အတည်းနဲ့ ရင်ဆိုင်နေရလို့ မင်း ခဏလောက် နေပေးဖို့ ငါ မျှော်လင့်တယ်”</p> <p>ပေါင့်ချုံးဟွားက ပြောလိုက်သည်။</p> <p> </p> <p>“ဒေါ်လေးပေါင့်... ကျွန်တော် မနေချင်လို့ မဟုတ်ပါဘူး။ ကျွန်တော့်မှာ အရေးကြီးတဲ့ ကိစ္စတွေ လုပ်စရာရှိနေသေးလို့ပါ။ ကျွန်တော် ဒီမှာနေတာလည်း အတော်လေး ကြာနေပြီလေ”</p> <p>ဖန်းကျဲ့က သူတို့ကို ကူညီရန် တက်ကြွမှုမရှိပေ။</p> <p> </p> <p>ဖန်းကျဲ့၏ ဂရုမစိုက်သော အမူအရာကို မြင်ပြီးနောက် ပေါင့်ချုံးဟွားက အံကြိတ်ကာ ပြောလိုက်သည်။</p> <p> </p> <p>“တကယ်လို့ တူတော်မောင်ဖန်းကျဲ့သာ ပေါင့်မိသားစုကို လုပ်ကြံတဲ့သူကို ဖမ်းဖို့ ကူညီပေးမယ်ဆိုရင် ငါ မင်းကို လက်ဆောင်ကြီးတစ်ခု ပေးပါ့မယ်”</p> <p> </p> <p>“ဒေါ်လေးပေါင့်... ကျွန်တော် မကူညီချင်လို့ မဟုတ်ပါဘူး၊ ဒါပေမဲ့...” ဖန်းကျဲ့က ဂရုမစိုက်ပေ။</p> <p> </p> <p>သူ၏အမြင်တွင် ပေါင့်မိသားစု ပေးနိုင်သည့်အရာသည် သူ့ကို သေချာပေါက် ဆွဲဆောင်နိုင်မည် မဟုတ်ပေ။</p> <p> </p> <p>သို့သော် ဖန်းကျဲ့ စကားမဆုံးမီမှာပင် ပေါင့်ချုံးဟွားက ဖြတ်ပြောလိုက်လေသည်။</p> <p> </p> <p>“တာအိုတံဆိပ်ကျောက်စာတိုင်လေ”</p> <p> </p> <p>ပေါင့်ချုံးဟွား၏ စကားကြောင့် ဖန်းကျဲ့ စကားရပ်သွားတော့သည်။</p> <p> </p> <p>“တာအိုတံဆိပ်ကျောက်စာတိုင် ဟုတ်လား”</p> <p>ဖန်းကျဲ့ပင် အံ့အားသင့်သွားသည်။</p> <p> </p> <p>“ဒေါ်လေးပေါင့်... ကျွန်တော့်ကို မလိမ်နဲ့နော်။ ဒေါ်လေးတို့ဆီမှာ တကယ်ပဲ တာအိုတံဆိပ် ရှိနေတာလား”</p> <p> </p> <p>ဖန်းကျဲ့သည် အကြီးအကဲကူကျွမ့်၏ တာအိုတံဆိပ်ကို မြင်ဖူးသော်လည်း ၎င်းမှာ သူနှင့် မသက်ဆိုင်ပေ။</p> <p>တာအိုတံဆိပ်ကျောက်စာတိုင်ဆိုသည်မှာ ဖန်းကျဲ့အတွက်ပင် ရှားပါးလှသော ရတနာတစ်ခု ဖြစ်လေသည်။</p> <p> </p> <p>“ဟုတ်တယ်”</p> <p>ပေါင့်ချုံးဟွားမှာ ရင်နာနေသော်လည်း ဆက်ပြောလိုက်သည်။</p> <p> </p> <p>“ဒါပေမဲ့ အဲဒီတာအိုတံဆိပ်ကျောက်စာတိုင်မှာ သွေးဆက်ခြားစည်းတံဆိပ် ခတ်နှိပ်ထားတယ်။ အခုလောလောဆယ်တော့ တံဆိပ်က စည်းခတ်ထားတဲ့ အခြေအနေမှာ ရှိနေသေးတယ်။ ဒါပေမဲ့ အလွန်ဆုံး နောက်တစ်လဆိုရင်တော့ ကျောက်စာတိုင်ရဲ့ စည်းတံဆိပ် ပွင့်သွားလိမ့်မယ်”</p> <p> </p> <p>“ဒီတာအိုတံဆိပ်ကျောက်စာတိုင်က မင်းနဲ့ ငါနဲ့တူတူပဲ လေစွမ်းရည်ဂုဏ်သတ္တိ ရှိတယ်။ ကျောက်စာတိုင်ရဲ့ စည်းတံဆိပ်ပွင့်သွားပြီးရင် ငါ သုံးလလောက် လေ့လာချင်တယ်။ ပြီးရင် မင်းကို ပေးပါ့မယ်။ ဒါပေမဲ့ ကန်းလှမ်းချက်ကတော့ အဲဒီတံဆိပ်တော်နယ်ပယ် သိုင်းပညာရှင်ကို မင်း ဖမ်းပေးရမယ်”</p> <p> </p> <p>ပေါင့်ချုံးဟွားက သူမ၏ အကြံအစည်ကို ဆက်လက်အကောင်အထည်ဖော်လိုက်သည်။</p> <p> </p> <p>ဖန်းကျဲ့မှာ စိတ်ဝင်စားသွားလေပြီ။</p> <p> </p> <p>ပေါင့်ချုံးဟွားနှင့် အကြီးအကဲကူကျွမ့်တို့မှာ ဂိုဏ်းတူမောင်နှမဖြစ်ပြီး မိတ်ဆွေဟောင်းများ မဟုတ်ခဲ့လျှင် ဖန်းကျဲ့တစ်ယောက် လူသတ်ပြီး တာအိုတံဆိပ်ကျောက်စာတိုင်ကို လုယူချင်နေမိမည်သာ ဖြစ်သည်။</p> <p> </p> <p>“ကောင်းပြီ၊ ကျွန်တော် လက်ခံတယ်”</p> <p> </p> <p>ဖန်းကျဲ့သည်လည်း လောဘကြီးသူပင် ဖြစ်သည်။</p> <p> </p> <p>“ဒီလိုဆိုမှတော့ လူဆိုးကို နှိမ်နင်းဖို့ အသေးစိတ် ဆွေးနွေးကြတာပေါ့”</p> <p>ဖန်းကျဲ့က သဘောတူလိုက်သည်ကို မြင်သောအခါ ပေါင့်ချုံးဟွားမှာ စိတ်အေးသွားရတော့သည်။</p> <p> </p> <p>ပေါင့်မိသားစု အိမ်တော်အတွင်း၌…</p> <p> </p> <p>ပေါင့်ဝေကျင်း၏ ဖခင်ဖြစ်သူ ပေါင့်ရှင်းရှန်သည် ပြည့်တန်ဆာအိမ်တွင် အရက်သောက်ပြီးနောက် အိမ်သို့ မူးယစ်စွာ ပြန်ရောက်လာလေသည်။</p> <p> </p> <p>“ကျွန်မယောက်ျား အရက်တွေ အများကြီး သောက်လာပြန်ပြီပဲ”</p> <p>ချွမ်းကတော်သည် ပေါင့်ရှင်းရှန် ပြန်လာသည်ကို မြင်သောအခါ ဟင်းရည်ကြည်တစ်ပန်းကန်ကို အမြန်ချပေးလိုက်သည်။</p> <p> </p> <p>ချွမ်းကတော်မှာ စိတ်ကြည်လင် ကောင်းမွန်နေသည်။ သူမအထင်၌ ပေါင့်ဝေကျင်းမှာ အသတ်ခံရပြီးလောက်ပြီ ဖြစ်သည်။</p> <p> </p> <p>ရင်းမြစ်သန့်စင်ဆေးပြား ဆယ်ပြား ပေးလိုက်ရသော်လည်း အနာဂတ်တွင် စိတ်အေးချမ်းစွာ နေထိုင်ခွင့်ရမည်ဖြစ်၍ တန်သည်ဟု သူမ ယူဆထားလေသည်။</p> <p> </p> <p>“အိုး...”</p> <p>ပေါင့်ရှင်းရှန်က ဟင်းရည်ကြည်ပန်းကန်ကို ယူ၍ တစ်ကျိုက်တည်း မော့သောက်လိုက်သည်။ မကြာမီတွင် သူ၏ အသိစိတ်မှာ အတော်လေး ကြည်လင်လာတော့သည်။</p> <p> </p> <p>“မိန်းမရေ... မင်း ဝေကျင်းကို ပိုပြီး ဂရုစိုက်ပေးရမယ်နော်။ မင်းက သူ့ရဲ့ အရင်းခေါက်ခေါက် မိခင်မဟုတ်ပေမဲ့ နာမည်ခံ မိခင်တစ်ယောက်တော့ ဖြစ်နေတုန်းပဲလေ။ သိပ်ပြီး ရက်စက်မနေပါနဲ့...”</p> <p>ပေါင့်ရှင်းရှန်သည် ပေါင့်ဝေကျင်းနှင့် သူ၏ ဆက်ဆံရေးကို ပြန်လည်တည်ဆောက်ရန် ကြိုးစားနေခဲ့ခြင်း ဖြစ်သည်။</p> <p> </p> <p>“ဟုတ်ကဲ့ပါ ရှင်”</p> <p>ချွမ်းကတော်က ပြုံးလိုက်သည်။</p> <p> </p> <p>“သူ စမ်းသပ်မှုကနေ ပြန်လာတဲ့အခါ ကျွန်မ သွားကြည့်ပေးပါ့မယ်”</p> <p> </p> <p>“သူ ပြန်ရောက်နေပြီ”</p> <p>ပေါင့်ရှင်းရှန်က ပြောလိုက်သည်။</p> <p> </p> <p>“စောစောက အိမ်ထဲဝင်လာတော့ အဖွဲ့ပြန်ရောက်လာပြီလို့ ကြားတယ်။ ဒါပေမဲ့ အကြီးအကဲပေါင့်ရှင်းရွှမ်ကတော့ ရန်သူတွေလက်ချက်နဲ့ အသတ်ခံလိုက်ရပုံပဲ”</p> <p> </p> <p>ဒေါက်…</p> <p> </p> <p>ချွမ်းကတော် ထိုစကားကို ကြားသောအခါ သူမလက်ထဲမှ ပန်းကန်လုံးအလွတ်မှာ မြေပြင်ပေါ်သို့ ပြုတ်ကျသွားလေသည်။</p> <p> </p> <p>“မိန်းမ... မိန်းမ”</p> <p>ချွမ်းကတော် မှင်တက်သွားသည်ကို မြင်သောအခါ ပေါင့်ရှင်းရှန်က အလျင်အမြန် ခေါ်လိုက်သည်။</p> <p> </p> <p>သို့သော် ချွမ်ကတော်မှာ ကျောက်ရုပ်တစ်ရုပ်ပမာ မလှုပ်မယှက် ဖြစ်နေတော့သည်။</p> <p> </p> <p>…</p> <p> </p> <p>နောက်ထပ် လဝက်ခန့် ကုန်လွန်သွားခဲ့ပြီးနောက်…</p> <p> </p> <p>ပေါင့်ဝေကျင်းသည် ခြံဝင်းထဲတွင် စိတ်နှစ်၍ လေ့ကျင့်နေလေသည်။</p> <p> </p> <p>ယခုအခါ ပေါင့်ဝေကျင်းသည် ခြံဝင်းငယ်လေးထဲမှ ပြောင်းရွှေ့သွားပြီဖြစ်ကာ ကိုယ်ပိုင်အိမ်တော်နှင့် အစေခံများပင် ရှိနေပြီဖြစ်သည်။</p> <p>ဤသည်မှာ ပေါင့်ရှင်းရှန်၏ အကူအညီကြောင့် တစ်စိတ်တစ်ပိုင်း ပါဝင်သလို မိသားစုက ပေါင့်ဝေကျင်းကို တန်ဖိုးထားလာခြင်းကြောင့်လည်း ဖြစ်ပေသည်။</p> <p> </p> <p>ပေါင့်ဝေကျင်းသည် သာမန်လူသားနယ်ပယ် အဋ္ဌမအဆင့်သို့ တက်လှမ်းသွားခဲ့ပြီ ဖြစ်သည်။</p> <p> </p> <p>ပေါင့်ဝေကျင်း၏ လျင်မြန်သော တိုးတက်မှုသည် မိသားစုခေါင်းဆောင် ပေါင့်ရှစ်ဟွေး၏ အာရုံစိုက်မှုကိုပင် ရရှိခဲ့လေသည်။</p> <p> </p> <p>ပေါင့်ရှစ်ဟွေးသည် ပေါင့်ဝေကျင်းတစ်ယောက် မိသားစုလူကြီးများ၏ အာရုံစိုက်မှုကို ရရှိရန်အတွက် လှုံ့ဆော်ဆေးပြားကို သုံးစွဲကာ သူ၏ အလားအလာများကို အလွန်အကျွံ ထုတ်ယူသုံးစွဲခဲ့ခြင်းများ ဖြစ်နေမည်လားဟုပင် သံသယဝင်မိခဲ့သည်။</p> <p> </p> <p>သို့သော် ပေါင့်ဝေကျင်းကို စစ်ဆေးပြီးနောက် ပေါင့်ဝေကျင်း၏ ခန္ဓာကိုယ်တွင် အလွန်အကျွံ အားအင်ကုန်ခမ်းနေသည့် လက္ခဏာများ မရှိသည်ကို ပေါင့်ရှစ်ဟွေး တွေ့ရှိသွားခဲ့သည်။</p> <p> </p> <p> </p> <p>ဤတွေ့ရှိမှုကြောင့် ပေါင့်ရှစ်ဟွေးမှာ အလွန်ပင် ဝမ်းသာသွားရသည်။ သူ၏အမြင်တွင် ပေါင့်ဝေကျင်းသည် ရုတ်တရက် ဉာဏ်အလင်းပွင့်သွားခြင်း ဖြစ်ရမည်ဟု ယူဆလိုက်သည်။</p> <p> </p> <p>ပေါင့်မိသားစု၏ သမိုင်းတစ်လျှောက်တွင်လည်း အစပိုင်း၌ သာမန်မျှသာ ဖြစ်သော်လည်း နောက်ပိုင်းတွင် ရုတ်တရက် ပေါက်ကွဲထွက်ကာ လျင်မြန်စွာ တိုးတက်လာခဲ့ကြသည့် မိသားစု၏ အကြီးအကဲအချို့ ရှိခဲ့ဖူးလေသည်။</p> <p> </p> <p>ပေါင့်ရှစ်ဟွေး၏ အမြင်တွင် မြေးဖြစ်သူ ပေါင့်ဝေကျင်းမှာလည်း ထိုကဲ့သို့ပင် ဖြစ်ပေသည်။</p> <p> </p> <p>ထို့ကြောင့် ပေါင့်ရှစ်ဟွေးသည် ပေါင့်ဝေကျင်း၏ အဆင့်အတန်းကို ကိုယ်တိုင် မြှင့်တင်ပေးခဲ့ပြီး သူ့အား အထက်တန်းလွှာ မျိုးဆက်တစ်ဦးအနေဖြင့် မိသားစုအစည်းအဝေးတွင် ပါဝင်ခွင့်ပြုခဲ့လေသည်။</p> <p> </p> <p>မြေးများထဲတွင် လူသုံးယောက်မှ ငါးယောက်ခန့်သာ ဤကဲ့သို့သော ဆက်ဆံမှုကို ရရှိခဲ့ကြသည်။</p> <p> </p> <p>အမှန်တကယ်တွင်မူ ပေါင့်ဝေကျင်းသည် နောက်ပိုင်းမှ အရည်အချင်းပြလာသူ မဟုတ်ပေ။ ပေါင့်ဝေကျင်း၏ လျင်မြန်သော တိုးတက်မှုများသည် ရွှီနင်၏ ဆေးပြားများကြောင့်သာ ဖြစ်လေသည်။</p> <p> </p> <p>သို့သော် ရွှီနင်၏ ဆေးဖော်စပ်နည်းစနစ်မှာ အလွန်အဆင့်မြင့်မားလွန်းသဖြင့် သူဖော်စပ်ထားသော ဆေးပြားများတွင် ဘေးထွက်ဆိုးကျိုး လုံးဝနီးပါး မရှိပေ။</p> <p>ထို့ကြောင့် ပေါင့်ရှစ်ဟွေးမှာ ပေါင့်ဝေကျင်းအား နောက်ကျမှ အရည်အချင်းပြလာသူဟု ထင်ယောင်ထင်မှား ဖြစ်သွားခြင်းပင်။</p> <p> </p> <p>“ဟူး...”</p> <p>ပေါင့်ဝေကျင်း သက်ပြင်းတစ်ချက်ချလိုက်ပြီး ရပ်တန့်လိုက်သည်။</p> <p> </p> <p>ပေါင့်ဝေကျင်းသည် ခွန်အားများ ပြည့်ဝနေပြီး သူ၏ မျက်လုံးများမှာလည်း တောက်ပနေသည်။</p> <p> </p> <p>“စီနီယာထောင်ရဲ့ အကူအညီနဲ့ ငါ့ရဲ့ ခွန်အားတွေက လျင်မြန်စွာ တိုးတက်လာသလို မိသားစုတွင်း အဆင့်အတန်းကလည်း တည်တည်ငြိမ်ငြိမ်နဲ့ မြင့်တက်လာခဲ့ပြီ။ အခုဆိုရင် မိသားစုထဲက တချို့လူတွေက ငါ့ဆီ ကိုယ်တိုင်လာပြီး မိသားစုခေါင်းဆောင် ဆက်ခံသူနေရာကို ယှဉ်ပြိုင်ဖို့ ကူညီပေးချင်ကြကြောင်း ပြောလာကြပြီ”</p> <p> </p> <p>မိသားစုခေါင်းဆောင်နေရာသည် နောက်မျိုးဆက်တွင် ပေါ်ထွက်လာမည် မဟုတ်ဘဲ နောက်ထပ်မျိုးဆက်တစ်ခုတွင်လည်း ပေါ်ထွက်လာနိုင်ကြောင်း ပေါင့်ရှစ်ဟွေးက ယခင်က ပြောခဲ့ဖူးလေသည်။</p> <p> </p> <p>ပေါင့်ဝေကျင်း၏ စဉ်ဆက်မပြတ် တိုးတက်မှုများနှင့် ထူးချွန်သော စွမ်းဆောင်ရည်များကြောင့် အချို့လူများက သူ့အပေါ် မျှော်လင့်တကြီး ကြည့်လာကြခြင်း ဖြစ်သည်။</p> <p> </p> <p>“တကယ်လို့ ငါသာ မိသားစုခေါင်းဆောင် ဖြစ်လာခဲ့ရင် ချွမ်ကတော်ကို ရှင်းရတာ လွယ်သွားပြီပေါ့” ပေါင့်ဝေကျင်းမှာ ဂုဏ်ယူဝင့်ကြွားနေလေသည်။</p> <p> </p> <p>“သခင်လေး... မိသားစုထဲက သခင်လေးတွေနဲ့ သခင်မလေးတွေက သခင်လေးကို နေ့လယ်စာစားပွဲ ဖိတ်ချင်နေကြပါတယ်” အစေခံတစ်ဦး ရောက်လာပြီး ပေါင့်ဝေကျင်းကို ရိုသေစွာ သတင်းပို့လိုက်သည်။</p> <p> </p> <p>“ငြင်းလိုက်ပါ”</p> <p>ပေါင့်ဝေကျင်းက ငြင်းဆန်လိုက်သည်။</p> <p> </p> <p>ထိုလူများအားလုံးက မိသားစုအတွင်း သူ၏ အဆင့်အတန်း မြင့်တက်လာသည်ကို မြင်ပြီး ကြိုးဆွဲချင်နေကြခြင်း ဖြစ်သည်။ ပုံမှန်ဆိုလျှင်တော့ ပေါင့်ဝေကျင်းက လက်ခံကောင်း လက်ခံပေလိမ့်မည်။</p> <p> </p> <p>သို့သော် ယနေ့မူ မဖြစ်နိုင်ပေ။ သူသည် စီနီယာထောင်ကို တွေ့ရန် ယစ်မူးနွေဦးစားသောက်ဆောင်သို့ သွားရန် စီစဉ်ထားလေသည်။</p> <p> </p> <p>မနေ့က မိသားစုအစည်းအဝေးသို့ တက်ရောက်စဉ် ပေါင့်ဝေကျင်းသည် ယခင်က မသိခဲ့ရသော အဆင့်မြင့် သတင်းအချက်အလက်အချို့ကို သိရှိခဲ့ရသည်။</p> <p> </p> <p>ဤသတင်းအချက်အလက်များကို စီနီယာထောင် စိတ်ဝင်စားလိမ့်မည်ဟု ပေါင့်ဝေကျင်း ခံစားမိသည်။</p> <p> </p> <p>ထို့နောက် ပေါင့်ဝေကျင်းသည် အိမ်တော်မှ ထွက်ခွာလာခဲ့လေသည်။</p> <p> </p> <p>သူ့နောက်သို့ မည်သူမျှ လိုက်မလာကြောင်း သေချာအောင် စစ်ဆေးပြီးနောက် ပေါင့်ဝေကျင်းသည် ယစ်မူးနွေဦး‌အဆောင်ဆီသို့ အလျင်အမြန် သွားရောက်လိုက်သည်။</p> <p> </p> <p>ယစ်မူးနွေဦး‌အဆောင်ရှိ အခန်းတစ်ခန်းအတွင်း၌…</p> <p> </p> <p>ဗိုင်း… ဗိုင်း… ဗိုင်း…</p> <p> </p> <p>ရွှီနင်၏ ရှေ့ရှိ ဆေးဖိုအတွင်းမှ အစိမ်းနုရောင် ဆေးပြားခြောက်ပြား ခုန်ထွက်လာလေသည်။</p> <p> </p> <p>“နုပျိုခြင်းစွမ်းအင်ဆေးပြား ပြီးပြီပဲ”</p> <p>ရွှီနင် ပြုံးလိုက်ပြီး ဆေးပြားခြောက်ပြားကို သိမ်းဆည်းလိုက်သည်။</p> <p> </p> <p>လွန်ခဲ့သော ရက်အနည်းငယ်အတွင်း ရွှီနင်သည် အလုပ်ကြိုးစားနေခဲ့သည်။</p> <p> </p> <p>သူသည် ကျင်းလိစီရင်စုအနီးရှိ အရင်းအမြစ်အချို့ကို လုယူခဲ့ပြီးနောက် ကုန်ကြမ်းပစ္စည်းများစွာနှင့် လဲလှယ်ကာ ဆေးပြားများစွာ ဖော်စပ်ခဲ့လေသည်။</p> <p> </p> <p>ပြီးခဲ့သည့် တစ်လအတွင်း ရွှီနင်သည် သူ၏ စွမ်းအင်အမှတ် ယူနစ် ၁,၀၀၀ အား ယူနစ် ၁၀,၀၀၀ နီးပါးအထိ ဖြည့်ဆည်းနိုင်ခဲ့ပြီ ဖြစ်သည်။</p> <p> </p> <p>ထို့အပြင် ရွှီနင်သည် အသုံးဝင်မည့် ဆေးပြားအချို့ကိုလည်း ဖော်စပ်ခဲ့သည်။ ယခုပင်လျှင် သူသည် နုပျိုခြင်းစွမ်းအင်ဆေးပြားကို ဖော်စပ်ခဲ့ခြင်း ဖြစ်သည်။</p> <p> </p> <p>ဤနုပျိုခြင်းစွမ်းအင်ဆေးပြားမှာ ယောက်ဖဖြစ်သူ ထောင်ယွင်ချွမ်းအတွက် အထူးရည်ရွယ်၍ ဖော်စပ်ထားခြင်း ဖြစ်ပေသည်။</p> <p> </p> <p>ထောင်ယွင်ချွမ်းသည် သိုင်းပညာရှင်တစ်ယောက် မဟုတ်သလို သူ၏ ဒဏ်ရာဟောင်းများမှာလည်း အချိန်ကြာမြင့်နေပြီဖြစ်ရာ ထိုဒဏ်ရာဟောင်းများကို ကုသရန်အတွက် လိုအပ်သော ဆေးပြား၏ အရည်အသွေးမှာ အလွန်မြင့်မားရပေမည်။</p> <p> </p> <p>ရွှီနင်သည် မကြာသေးမီကမှ နုပျိုခြင်းစွမ်းအင်ဆေးပြားအတွက် ကုန်ကြမ်းပစ္စည်းများကို ရှာဖွေတွေ့ရှိခဲ့ပြီး ဖော်စပ်ခဲ့ခြင်း ဖြစ်သည်။</p> <p> </p> <p>ဝေ့မိသားစုဝင်များကို ကယ်တင်ပြီးနောက် ထောင်ရွာသို့ ပြန်ရောက်သည့်အခါ သူသည် ဤဆေးပြားကို ယောက်ဖဖြစ်သူအား သောက်သုံးရန် ပေးအပ်မည် ဖြစ်လေသည်။</p> <p> </p> <p> </p> <p style="text-align: center;">***</p> <p> </p>


Save