Book List

<h2 style="text-align: center;">အခန်း (၁၆၁)</h2> <h2 style="text-align: center;">ရှေးဟောင်းအရိုးဝံပုလွေနှင့်တွေ့ဆုံခြင်း</h2> <h2 style="text-align: center;">ရှေးဟောင်းဝံပုလွေနှင့် စစ်သူကြီးသုံးယောက်၏တိုက်ပွဲ (၂)</h2> <h2 style="text-align: center;">*</h2> <p> </p> <p>“ဟုတ်တယ်၊ အေးစက်ရုံတင်မကဘူး... အရမ်းကို လေးလံတဲ့ ခံစားချက်မျိုးလည်း ရှိတယ်၊ ဘာမှန်းမသိတဲ့ အရာတော်တော်များများက ဒီနေရာမှာ အချိန်အကြာကြီး အိပ်မောကျနေခဲ့သလိုပဲ...”</p> <p> </p> <p>သူမ၏ ဗလာဟင်းလင်းပြင်နယ်ပယ် ပင်ကိုယ်စွမ်းရည်က စွမ်းအင်များ၏ အနှစ်သာရအပေါ် အထူးတလည် အာရုံခံနိုင်စွမ်း ရှိပေသည်။</p> <p> </p> <p>လင်းထျန်းလုံလည်း ထိုနည်းတူ ခံစားရသည်။ ဤဧရိယာရှိ စွမ်းအင်လှိုင်းများမှာ အလွန် ထူးဆန်းလှသည်။</p> <p> </p> <p>ချီနဂါးနေထိုင်ခဲ့သော ရေခဲချိုင့်ဝှမ်းနှင့် နှိုင်းယှဉ်ရလျှင် ‘ကြွယ်၀သော’ အဆုံးစွန် အအေးဓာတ်မျိုး မဟုတ်ဘဲ အချိန်ကာလ၏ မေ့လျော့ခြင်း ခံထားရသော သင်္ချိုင်းကုန်းတစ်ခုနှင့် ပိုတူပြီး တိတ်ဆိတ်မှုအောက်တွင် အမည်မသိ အရာများ ပုန်းအောင်းနေသည်။  </p> <p> </p> <p>ဤသည်မှာ အစောပိုင်းက ယင်းဖုန်း တွေ့ရှိခဲ့သော ခြေရာများနှင့် အနောက်ဘက်သို့ ညွှန်ပြနေသော ချီနဂါး၏ မှတ်ဉာဏ်အပိုင်းအစများထဲရှိ အချက်အလက်များမှာ အကြောင်းမဲ့ မဟုတ်ကြောင်း ပိုမိုသေချာသွားစေခဲ့သည်။</p> <p> </p> <p>“ဘုရင်မင်းမြတ်၊ ဒီခြေရာတွေက... ပိုများလာပြီး ပိုရှင်းလာတယ်...” ယင်းဖုန်း၏ ပုံရိပ်က တိတ်ဆိတ်စွာ ပြန်ရောက်လာပြီး သူ၏ အတွေးများထဲတွင် စိတ်လှုပ်ရှားမှု အရိပ်အယောင်တစ်ခု ပါဝင်နေလေသည်။</p> <p> </p> <p>“အဲဒီ ညှီနံ့က ပိုပိုပြီး သိသာလာတယ်၊ သူတို့က ဒီဧရိယာမှာ မကြာခဏ လှုပ်ရှားခဲ့ပုံရတယ်၊ ပြီးတော့ တခြား အနံ့တစ်ခုကိုလည်း ကျွန်တော် ရတယ်...”</p> <p> </p> <p>“အရမ်းကို ရှေးကျပြီး အရမ်းအစွမ်းထက်တဲ့ ဝံပုလွေမျိုးနွယ်စုရဲ့ အရှိန်အဝါမျိုးပဲ၊ ပါးလျပေမယ့် အဆင့်က အရမ်းမြင့်တယ်၊ သေခြင်းအငွေ့အသတ်တွေနဲ့ နှင်းအနံ့တွေ ပြည့်နှက်နေပြီး ဒီဧရိယာတစ်ဝိုက် ခံစားနေရတဲ့ ခံစားချက်နဲ့ အရင်းအမြစ်ချင်းတူတယ်...”</p> <p> </p> <p>ယင်းဖုန်း၏ အသစ်နိုးထလာသော သဘာ၀အာရုံ ခြေရာခံခြင်းစွမ်းရည်က ကြီးမားသော အခန်းကဏ္ဍမှ ပါဝင်နေသည်။</p> <p> </p> <p>“ရှေးဟောင်း ဝံပုလွေမျိုးနွယ်စုရဲ့ အရှိန်အဝါလား”</p> <p> </p> <p>လင်းထျန်းလုံ ရင်ထဲတွင် လှုပ်ရှားသွားသည်။ ဤသည်က ချီနဂါး၏ ခပ်၀ါး၀ါး မှတ်ဉာဏ်ထဲတွင် အနှောင့်အယှက်ပေးခံခဲ့ရပြီး ၎င်း စောင့်ကြပ်နေသည့် အရာများ ဖြစ်နေမည်လော။</p> <p> </p> <p>“ဆက်ပြီး ကင်းထောက်ပါ၊ ကိုယ်ယောင်ဖျောက်ထားပြီး အဓိက ဧရိယာကို ခွဲခြားသတ်မှတ်ထား...” လင်းထျန်းလုံ အမိန့်ပေးလိုက်သည်။</p> <p> </p> <p>“ဟုတ်ကဲ့ပါ...” ယင်းဖုန်း ထပ်မံ ပျောက်ကွယ်သွားပြန်သည်။</p> <p> </p> <p>အဖွဲ့မှာ သတိကြီးစွာဖြင့် ရှေ့ဆက်သွားနေကြပြီး ဧရာမသားရဲအရိုးရုပ်ကြွင်းများနှင့် ရေခဲလွှာများ ရောနှောနေသော ထူးဆန်းသည့် တောအုပ်တစ်ခုကို ဖြတ်သန်းသွားကြသည်။  </p> <p>ဤအရိုးများမှာ အရွယ်အစားကြီးမားပြီး နံရိုးအချို့မှာ မုခ်ဦးများအလားကြီးမားနေကာ ရှေးဟောင်း ဧရာမသတ္တဝါကြီး တစ်ကောင်၏ အရိုးများဖြစ်ကြောင်း ထင်ရှားလှသည်။ </p> <p>ပင်ထိုအချိန်မှာပင် ယင်းဖုန်းထံမှ အရေးပေါ် သတိပေးချက်တစ်ခု ရောက်လာလေသည်။</p> <p> </p> <p>“ဘုရင်မင်းမြတ်။ ပစ်မှတ်ကို တွေ့ပါပြီ။ အရင်ကလို ခြေရာ‌တွေ မဟုတ်ပါဘူး၊ ဝံပုလွေတစ်ကောင်ပါ။ အရမ်းသန်မာတဲ့ ဝံပုလွေတစ်ကောင်။ ရှေ့တည့်တည့်က အရိုးတောအုပ် ကွင်းပြင်မှာ... ကျွန်တော့်ကို မြင်သွားပြီ...”</p> <p> </p> <p>ယင်းဖုန်း၏ သတင်းစကား ရောက်လာချိန်နှင့် တစ်ပြိုင်နက်တည်းနီးပါး သေခြင်းအနံ့အသက်များ အပြည့်အဝပါဝင်နေသော ကြမ်းတမ်းအေးစက်သည့် ဖိအားတစ်ရပ်က အရိုးတောအုပ် အနက်ထဲမှ ဒီရေအလား ပေါက်ကွဲထွက်လာသည်။ </p> <p> </p> <p>ဤဖိအားက အလွန်ပြင်းထန်ပြီး အဆင့် ၃၃ (ပထမဘုရင်အဆင့် ကနဦး) သို့ ရောက်ရှိနေပြီဖြစ်သည်။  </p> <p>ထို့ပြင် ၎င်းအတွင်း ပါဝင်နေသော ရှေးဆန်သော အရှိန်အဝါက လင်းထျန်းလုံ၏ ခန္ဓာကိုယ်ထဲရှိ မိုးပြာနက်နဲရေခဲ ဝံပုလွေသွေးမျိုးဆက်ကို အနည်းငယ် လှုပ်ရှားသွားစေသည်။</p> <p> </p> <p>သူသည် ထိပ်တန်းသွေးမျိုးဆက် သားရဲတစ်ကောင်ဖြစ်သော်ငြား လုံးဝ ကွဲပြားသော လမ်းစဉ်ကို လိုက်နာသည့် ရှေးဟောင်းသက်ရှိတစ်ခုနှင့် ရင်ဆိုင်ရချိန်တွင် ဖြစ်ပေါ်လာသော အလိုအလျောက် တုံ့ပြန်မှုပင် ဖြစ်သည်။</p> <p> </p> <p>“အာဝူး...”</p> <p> </p> <p>တိုးညင်းသော်လည်း အလွန်အမင်း ထိုးဖောက်နိုင်စွမ်းရှိသော ဝံပုလွေဟိန်းဟောက်သံကြီးတစ်ခု ထွက်ပေါ်လာလေသည်။</p> <p> </p> <p>ခေတ်သစ် ဝံပုလွေမျိုးနွယ်စုများ၏ အသံနှင့် မတူဘဲ နှစ်သောင်းချီသက်တမ်းရှိသော ရေခဲများအောက်မှ ထွက်ပေါ်လာသည့် ကျောက်ဖြစ်ရုပ်ကြွင်း ဟိန်းဟောက်သံတစ်ခုနှင့် ပိုတူနေသည်။</p> <p> </p> <p>လင်းထျန်းလုံ၏ မျက်၀န်းများ ကျုံ့ဝင်သွားပြီး ရှေ့ခြေတစ်ဖက်ကို မြှောက်လိုက်သည်။ ဝံပုလွေအုပ်စု တစ်ခုလုံးမှာလည်း ချက်ချင်း ရပ်တန့်သွားပြီး ခံစစ်ပုံစံ ဖွဲ့စည်းလိုက်ကြသည်။</p> <p> </p> <p>မိုးပြာနက်နဲဘုရင်မျက်ဝန်းများဖြင့် ကြည့်လိုက်သောအခါ အရိုးတောအုပ်ကွင်းပြင်၏ အလယ်ဗဟိုတွင် သူ၏ အရွယ်အစားထက် အနည်းငယ်မျှပင် မလျော့သော ဧရာမဝံပုလွေကြီးတစ်ကောင် ရပ်နေသည်ကို မြင်လိုက်ရသည်။</p> <p> </p> <p>ထိုဝံပုလွေကြီးမှာ ရာသီဥတုဒဏ်ခံထားရသော ကျောက်ဆောင်ကြီးအလား မီးခိုးဖြူရောင် အမွေးအမျှင်များဖြင့် ဖုံးလွှမ်းနေပြီး အမွေးများကြားရှိ နေရာလွတ်များတွင် ကြောက်မက်ဖွယ် အပြာရင့်ရောင် ပုံစံများ ထင်ရှားနေသည်။</p> <p> </p> <p>၎င်း၏ မျက်လုံးများထဲတွင် တစ္ဆေပြာရောင် ဝိညာဉ်မီးတောက်များ တောက်လောင်နေလေသည်။</p> <p> </p> <p>အထူးဆန်းဆုံးမှာ ထို၀ံပုလွေကြီး၏ အရိုးအချို့ (ပခုံးရိုးနှင့် ကျောရိုးများကဲ့သို့) မှာ တိုက်ရိုက် ထွက်ပေါ်နေပြီး ကြည်လင်သော ကျောက်စိမ်းဖြူရောင်ရှိကာ ချမ်းစိမ့်စိမ့်အရှိန်အဝါများနှင့် ရှေးဟောင်းလှိုင်းများကို ထုတ်လွှတ်နေခြင်း ဖြစ်သည်။</p> <p> </p> <p>ထက်ရှသော လက်သည်းများဖြင့် ရေခဲပြင်ကို နင်းလိုက်ရာ တိုက်စားခံလိုက်ရသော ရေခဲအရာများ ကျန်ရစ်ခဲ့လေသည်။</p> <p> </p> <p>[စနစ်အသိပေးချက်]။  ။ရှေးဟောင်း ဝံပုလွေမျိုးစိတ်တစ်ခုနှင့် ရင်ဆိုင်နေရပါပြီ။</p> <p> </p> <p>မျိုးနွယ် - နှင်းခဲအရိုးစု မိစ္ဆာဝံပုလွေ (ရှေးဟောင်းရုပ်ကြွင်း)၊</p> <p> </p> <p>အဆင့် - ၃၃ (ပထမဘုရင်အဆင့် ကနဦး)၊ </p> <p> </p> <p>ပင်ကိုယ်စွမ်းရည်များ - ရှေးဟောင်းအရိုးခန္ဓာ (ရွှေရောင်·အဆင့်မြင့်)၊ နှင်းခဲဝိညာဉ် သေမင်းတိတ်ဆိတ်ခြင်း (ရွှေရောင်·အဆင့်မြင့်)၊ ရှေးဟောင်းဝံပုလွေအရှိန်အဝါ (ခရမ်းရောင် အဆင့်မြင့်)၊  </p> <p> </p> <p>စွမ်းရည်များ - မဟာခြောက်သွေ့သက်ပြင်း (ရွှေရောင်·အဆင့်မြင့်)၊ အရိုးလက်နက် (ခရမ်းရောင် ထူးကဲအဆင့်)၊ သေမင်းအားလှိုင်း (ခရမ်းရောင် ထူးကဲအဆင့်)</p> <p> </p> <p>နှင်းခဲအရိုးစု မိစ္ဆာဝံပုလွေ။ ရှေးဟောင်း ရုပ်ကြွင်း။</p> <p> </p> <p>ဤမိစ္ဆာဝံပုလွေ၏ အင်အားမှာ အလွန်မြင့်မားကြောင်း လင်းထျန်းလုံ ချက်ချင်း နားလည်လိုက်သည်</p> <p> </p> <p>အထူးသဖြင့် ရှေးဟောင်းအရိုးခန္ဓာနှင့် နှင်းခဲဝိညာဉ် သေမင်းတိတ်ဆိတ်ခြင်းတို့မှာ အံ့မခန်း ခုခံနိုင်စွမ်းနှင့် အသက်စွမ်းအင်ကို တိုက်စားနိုင်သော တိုက်ခိုက်မှုများ ပါဝင်သဖြင့် တိုက်ပွဲအတွင်း ရန်သူကို အတော်လေး ဒုက္ခပေးနိုင်သော အမျိုးအစားများ ဖြစ်သည်။</p> <p> </p> <p>တိုက်ရိုက် ထိပ်တိုက်ရင်ဆိုင်ပါက သူ သေချာပေါက် အနိုင်ရနိုင်သော်လည်း အားကုန်သုံးရမည် ဖြစ်သည်။</p> <p> </p> <p>ထို့ပြင် ဤမိစ္ဆာဝံပုလွေ၏ စွမ်းအား ဂုဏ်သတ္တိများက သေခြင်းနှင့် နှင်းခဲဘက်သို့ အလေးသာနေသော်ငြား....</p> <p> </p> <p>၎င်း၏ အဓိက ‘ရှေးဟောင်းဝံပုလွေသဘာဝ’ နှင့် ‘ခုခံနိုင်စွမ်း’ တို့မှာ ရုပ်ပိုင်းဆိုင်ရာ ခုခံမှု၊ ရူးသွပ်ကြမ်းတမ်းသော တိုက်ခိုက်မှု (ထျန်းပင်း) နှင့် အစွန်းရောက် အမြန်နှုန်းတို့ကို အထူးပြုသော သူ၏ စစ်သူကြီးသုံးဦးအတွက် အလွန်ကောင်းမွန်သည့် လေ့ကျင့်ရေး ပစ်မှတ်များ ဖြစ်ကြောင်း သူ ခံစားမိလိုက်သည်။</p> <p> </p> <p>၎င်းက သူတို့ကို မတူညီသော စွမ်းအားပုံစံများကို ပိုမိုနားလည်သဘောပေါက်စေပြီး သူတို့၏ အားနည်းချက်များကို ဖြည့်ဆည်းပေးနိုင်မည် ဖြစ်သည်။</p> <p> </p> <p>မျက်တောင်တစ်ခတ်အတွင်းမှာပင် လင်းထျန်းလုံ ဆုံးဖြတ်ချက်တစ်ခု ချလိုက်သည်။</p> <p> </p> <p>“ရန့်မြဲ့၊ ထျန်းပင်း၊ ယင်းဖုန်း...” သူ၏ အတွေးများက စစ်သူကြီးသုံးဦး၏ စိတ်ထဲတွင် စစ်စည်သံကြီးအလား မြည်ဟည်းသွားသည်။ “</p> <p> </p> <p>ဒီသားရဲကို မင်းတို့သုံးကောင် ကိုင်တွယ်ရမယ်၊ ဒါက ရှားပါးတဲ့ လက်ရည်စမ်းပွဲ တစ်ခုပဲ၊ မင်းတို့ အသစ်ရထားတဲ့ စွမ်းအားတွေကို လက်‌တွေ့တိုက်ပွဲတစ်ခုမှာ ပေါင်းစပ်လိုက်နိုင်တာကို ငါမြင်ချင်တယ်၊”</p> <p> </p> <p>“ငါ နောက်ကနေပံ့ပိုးပေးမယ်၊ ဒါပေမယ့် သေရေးရှင်ရေး အခြေအနေ မဟုတ်ရင် ငါ ၀င်ပါမှာမဟုတ်ဘူး...”</p> <p> </p> <p>ဤစကားကို ကြားသောအခါ စစ်သူကြီးသုံးဦးမှာ ကြောက်ရွံ့ခြင်းမရှိဘဲ သူတို့၏ မျက်လုံးများထဲတွင် တောက်လောင်နေသော တိုက်ခိုက်လိုစိတ်များ ပေါက်ကွဲထွက်လာသည်။</p> <p> </p> <p>သူတို့၏ အင်အားများ ကြီးမားစွာ တိုးတက်လာခါစဖြစ်သဖြင့် သူတို့ကို စမ်းသပ်ကာ ကျင့်ကြံခြင်းအဆင့် ခိုင်မာစေရန် အစစ်အမှန် တိုက်ပွဲတစ်ခု တိုက်ခိုက်ခိုင်းသည်ကို လိုလားနေကြပေသည်။</p> <p> </p> <p>“အမိန့်အတိုင်းပါ ဘုရင်မင်းမြတ်...” ရန့်မြဲ့က ဟိန်းဟောက်လိုက်သည်။  </p> <p> </p> <p>ရေခဲကြေးခွံချပ်ဝတ်တန်ဆာက သူ၏ ခန္ဓာကိုယ်တစ်ခုလုံးကို ချက်ချင်း ဖုံးလွှမ်းသွားပြီး ရွေ့လျားနေသည့် ခံတပ်ကြီးတစ်ခုအလား ရှေ့သို့ ထွက်လာကာ သေခြင်းအရှိန်အဝါများ ထုတ်လွှတ်နေသော မိစ္ဆာဝံပုလွေကို ရင်ဆိုင်လိုက်သည်။  </p> <p> </p> <p>ထျန်းပင်းသည် ဟိန်းဟောက်လိုက်ပြီး သူ၏ နက်မှောင်သော ခန္ဓာကိုယ်တွင် ရွှေရောင် ပုံသဏ္ဍာန်များ တောက်ပလာကာ ထာ၀ရဗာဂျရာခန္ဓာနှင့် နှင်းမုန်တိုင်းတိုက်ပွဲဝိညာဉ်ကို တစ်ပြိုင်နက်တည်း အသက်သွင်းလျက် ရန့်မြဲ့နောက်မှ လိုက်ပါလာလေသည်။  </p> <p> </p> <p>ယင်းဖုန်းကမူ အသံတိတ် ကိုယ်ယောင်ဖျောက်သွားပြီး အလစ်ငိုက်တိုက်ခိုက်ရန် အကောင်းဆုံးအချိန်ကို ရှာဖွေနေခဲ့သည်။</p> <p> </p> <p>‘ဝံပုလွေပေါက်စ’ သုံးကောင်က သူ့အား ရန်စဝံ့သည်ကို မြင်သောအခါ နှင်းခဲအရိုးစုမိစ္ဆာဝံပုလွေ၏ တစ္ဆေပြာဝိညာဉ်မီးတောက်များမှာ ပြင်းထန်စွာ တဖျတ်ဖျတ် လင်းလက်လာခဲ့သည်။</p> <p> </p> <p>၎င်းက ဒေါသတကြီး ဟိန်းဟောက်လိုက်ပြီး ပါးစပ်ကိုဟကာ မီးခိုးဖြူရောင် မဟာခြောက်သွေ့သက်ပြင်းကို မှုတ်ထုတ်လိုက်တော့သည်။</p> <p> </p> <p>စွမ်းရည်ဖြတ်သန်းသွားရာ နေရာတိုင်းရှိ ရေခဲလွှာများ ချက်ချင်း အလင်းရောင် ကင်းမဲ့သွားပြီး အလွန်အမင်း ကျိုးပဲ့လွယ်လာလေသည်။</p> <p> </p> <p>“ငါလုပ်မယ်...”</p> <p> </p> <p>ရန့်မြဲ့က ဟိန်းဟောက်လိုက်ပြီး သူ၏ ခံတပ် ဂုဏ်သတ္တိကို အသက်သွင်းလိုက်သည်။</p> <p> </p> <p>ရန်မြဲ့၏ ဧရာမခန္ဓာကိုယ်ကြီးသည် နောက်ဆုတ်မသွားဘဲ မဟာ‌ခြောက်သွေ့သက်ပြင်းကို တိုက်ရိုက် ဝင်တိုက်လိုက်သည်။</p> <p> </p> <p>မီးခိုးဖြူရောင် လေစီးကြောင်းများက သူ၏ ရေခဲကြေးခွံချပ်ဝတ်တန်ဆာနှင့် တိုက်မိသွားပြီး တရှဲရှဲ အသံများ သွားကျိန်းမတတ် ထွက်ပေါ်လာ‌တော့သည်။</p> <p> </p> <p>ကြေးခွံများ၏ မျက်နှာပြင်ပေါ်တွင် သေးငယ်သော တိုက်စားခံရသည့် အရာများ အမှန်တကယ် ပေါ်လာသော်ငြား ရန့်မြဲ့သည် အစွမ်းထက်သော ခုခံနိုင်စွမ်းဖြင့် နောက်ဆုံးအထိ ခံနိုင်ရည်ရှိခဲ့သည်။</p> <p> </p> <p>ဤအခွင့်အရေးကို အရယူကာ ထျန်းပင်းက ရွှေရောင် လျှပ်စီးတန်းတစ်ခုအလား ဘေးဘက်မှနေ၍ တိုက်ခိုက်လိုက်သည်။</p> <p> </p> <p>သူ၏ အကြမ်းပတမ်း ပြေးဝင်တိုက်ခိုက်မှုက မိစ္ဆာဝံပုလွေ၏ ခါးနှင့် ဝမ်းဗိုက်ဆီသို့ ခပ်ပြင်းပြင်း တိုး၀င်သွားတော့သည်။</p> <p> </p> <p>သို့သော် မိစ္ဆာဝံပုလွေ၏ အပြင်သို့ငေါထွက်နေသော ကျောက်စိမ်းဖြူရောင် အရိုးများပေါ်တွင် အလင်းတန်းတစ်ခု လင်းလက်သွားပြီး အရိုးလက်နက်ကို အသက်သွင်းလိုက်လေသည်။</p> <p> </p> <p>တောင်ကုန်းများကိုပင် ပြိုကျစေနိုင်သော ထျန်းပင်း၏ တိုက်ခိုက်မှုက မိစ္ဆာဝံပုလွေ၏ ခန္ဓာကိုယ်ကို အနည်းငယ်သာ ယိမ်းယိုင်သွားစေနိုင်ပြီး သူကိုယ်တိုင်မှာမူ တန်ပြန်ရိုက်ခတ်မှုကြောင့် လက်သည်းများ ထုံကျဉ်သွားသည်အထိ တုန်ခါသွားရသည်။</p> <p> </p> <p>“အရမ်းမာတဲ့ အရိုးတွေပဲ...” ထျန်းပင်း စိတ်ထဲမှ အံ့အားသင့်သွားသည်။</p> <p> </p> <p>နာကျင်မှုကို ခံစားလိုက်ရသော မိစ္ဆာဝံပုလွေက သူ၏လက်သည်းများကို ထျန်းပင်းဆီသို့ ဝှေ့ယမ်းလိုက်သည်။</p> <p> </p> <p>ရန့်မြဲ့က ကူညီရန် ချက်ချင်း ရှေ့သို့ တက်လာခဲ့သည်။</p> <p> </p> <p> သူ၏ မိစ္ဆာဝိညာဉ်ခွဲလက်သည်းနှင့် မိစ္ဆာဝံပုလွေ၏ ထက်မြက်သော လက်သည်းများက ပြင်းထန်စွာ ရိုက်ခတ်မိသွားကာ မီးပွားများ လွင့်စဉ်သွားသည်။ သူတို့နှစ်ဦး၏ အင်အားမှာ အမှန်တကယ်ပင် တူညီနေခဲ့လေသည်။</p> <p> </p> <p>ထိုအချိန်မှာပင် မှုန်ဝါးဝါး အရိပ်တစ်ခုက မိစ္ဆာဝံပုလွေ မမြင်‌ရသော နေရာတွင် တစ္ဆေတစ်ကောင်အလား ပေါ်လာခဲ့လေသည်။  ဤပုံရိပ်မှာ ယင်းဖုန်းပင် ဖြစ်သည်။</p> <p> </p> <p>အစွန်းရောက်အရိပ်လေဓားသွား စွမ်းရည်ထွက်ပေါ်လာပြိး စူးရှသော လေချွန်သံနှင့်အတူ မိစ္ဆာဝံပုလွေ၏ ခန္ဓာကိုယ်ရှိ ခံစစ်အားနည်းသော အားနည်းသော မျက်လုံးဆီသို့ တည့်တည့် ဦးတည်သွားလေတော့သည်။</p> <p> </p> <p> </p> <p style="text-align: center;">***</p> <p> </p>


Save