Book List

<h2 style="text-align: center;">အခန်း (၁၆၄)</h2> <h2 style="text-align: center;">ရေပြာကြေးခွံအစောင့်အရှောက်များ အသွင်ပြောင်းခြင်း</h2> <h2 style="text-align: center;">ရေကန်နက်ကိုဖြတ်မကူးမီ နောက်ဆုံးပြင်ဆင်မှုများ (၁)</h2> <h2 style="text-align: center;">*</h2> <h2 style="text-align: center;"> </h2> <p>ခြေထောက်အောက်ရှိ ရေခဲပြင်သည် တဖြည်းဖြည်း ပါးလွှာလာကာ လေထုထဲရှိ ရေခိုးရေငွေ့များက ရေပေါက်လေးများအဖြစ် ပြောင်းလဲသွားမတတ် ထူထပ်လာလေသည်။</p> <p> </p> <p>အေးစက်စိုစွတ်သော လေများ တိုက်ခတ်လာပြီး အဝေးမှနေ၍ ရေစီးသံ တိုးတိုးလေး ထွက်ပေါ်လာသည်။ ပတ်ဝန်းကျင် ရှုခင်းများမှာလည်း ပိုမိုထူးဆန်းလာခဲ့သည်။</p> <p> </p> <p>ဧရာမရေခဲတိုင်များပေါ်တွင် တစ္ဆေပြာမီးစုန်းများ လင်းလက်နေသော ရေညှိထူထူများဖြင့် ဖုံးလွှမ်းနေပြီး လမ်းကြောင်းကို ရေပြာရောင်များ လင်းထိန်နေစေခဲ့သသည်။</p> <p> </p> <p>နေရာအနှံ့ တွေ့ရသော တိရစ္ဆာန် အရိုးရုပ်ကြွင်းများပေါ်တွင် ထူးဆန်းသော မှိုများ တွယ်ကပ်နေပြီး ဆွေးမြည့်နေသောဆွေးမြည့်နေကာ  အနံ့သင်းသင်းလေး ထုတ်လွှတ်နေလေးသည်။</p> <p> </p> <p>ယင်းဖုန်းသည် သဘာ၀အာရုံ ခြေရာခံခြင်းကို အကန့်အသတ်အထိ အသုံးပြုထားသဖြင့် သူ၏ အရှိန်မှာ သိသိသာသာ နှေးကွေးသွားသည်။</p> <p> </p> <p>ယင်းဖုန်း၏ နှာခေါင်းလေးက အပြင်းအထန် လှုပ်ရှားနေပြီး သေးငယ်သော အသံလေးများကို ဖမ်းယူရန်အတွက် နားရွက်များ တစ်ခါတစ်လေ လှုပ်ရှားသွားတတ်လေသည်။</p> <p> </p> <p>“ဘုရင်မင်းမြတ်၊ သဲလွန်စတွေက အခု အရမ်းထင်ရှားနေပြီ။ အဲဒီ ‘အညှီနံ့’က ပြင်းထန်တဲ့ ရေညှီနံ့နဲ့... ပုပ်သိုးနေတဲ့ အမြစ်တွေရဲ့ အနံ့နဲ့ ရောနေတယ်၊ အရမ်းနံတယ်၊ ရှေ့နားလေးတင်ပဲ၊ နေရာက အရမ်းကျယ်ပြီး... အရမ်းနက်ပြီး မည်းမှောင်နေတဲ့ ကန်ကြီးတစ်ခု ရှိတယ်...”</p> <p> </p> <p>လင်းထျန်းလုံက လူတိုင်းကို သတိအနေအထား မြှင့်တင်ရန်နှင့် အုပ်စုကို ချက်ချင်း အချက်ပြလိုက်သည်။</p> <p> </p> <p>ရှေ့မှလာသော အေးစက်စိုစွတ်ပြီး ဆွေးမြည့်နေကာ မှုန်ဝါးဝါးအန္တရာယ် အငွေ့အသက်များ ရောနှောနေသည့် စွမ်းအင်လှိုင်းတစ်ခုကို သူကိုယ်တိုင်လည်း ရှင်းလင်းစွာ ခံစားမိသည်။</p> <p> </p> <p>နောက်ဆုံးတွင် ဝင်္ကပါတစ်ခုအလား လင်းလက်နေသော ရေညှိများနှင့် တွဲလောင်းကျနေသည့် သိပ်သည်းသော ရေခဲကျောက်စက်အမိုးကို ဖြတ်သန်းသွားပြီးနောက် မြင်ကွင်းက ရုတ်တရက် လင်းထိန်သွားလေသည်။</p> <p> </p> <p>သူတို့‌သည် ဧရာမမြေအောက် နေရာလွတ်ကြီးတစ်ခုကို မြင်လိုက်ကြရပြီး ကွင်းပြင်၏အလယ်တွင် အလွန်ကြီးမားသော ရေခဲနက်ကန်ကြီး တစ်ခု ရှိနေသည်။</p> <p> </p> <p>ကန်ရေများသည် မင်ရည်များအလား မည်းမှောင်နေပြီး ကန်အောက်ခြေကိုပင် မမြင်ရပေ။</p> <p> </p> <p>ရေခဲကြာပန်းများနှင့် တူသော ပျက်စီးနေသည့် အပင်အကြွင်းအကျန် အချို့က ရေမျက်နှာပြင်ပေါ်တွင် လွင့်မျောနေပြီး ဆွေးမြည့်နေသော အနံ့များကို ဖြည်းညင်းစွာ ထုတ်လွှတ်နေသည်။</p> <p> </p> <p>အထူးသဖြင့် ရေခကန်၏ တစ်ဖက်ကမ်းရှိ မာကျောသော ရေခဲနံရံပေါ်တွင် စနစ်တကျ ဖောက်လုပ်ထားသော အပေါက်အနည်းငယ် ရှိနေပြီး ရှင်းလင်းသော ပေါက်ပြားရာများနှင့် အစွန်းများတွင် ကျန်ရစ်နေသည့် ရင်းနှီးနေသော “ထူးဆန်းသည့် အနံ့” တို့ ကို ခံစားမိလိုက်ရလေသည်။</p> <p> </p> <p>ကြမ်းတမ်းသော ရေခဲလှေကား အနည်းငယ်သည် အပေါက်များမှတစ်ဆင့် ကန်အစွန်းဆီသို့ သွယ်တန်းနေသည်။</p> <p> </p> <p>“အဲဒါပဲ...” ယင်းဖုန်း၏ အတွေးတွင် သေချာမှုများ ပါဝင်နေသည်။ “ဒီအနံ့က အဲဒီဂူတွေထဲကို ဝင်သွားပြီး နောက်ဆုံးမှာ ပျောက်သွားတယ်၊ သူတို့ အဲ့ထဲကို ဝင်သွားတာ သေချာတယ်...”</p> <p> </p> <p>လင်းထျန်းလုံ၏ မိုးပြာနက်နဲဘုရင်မျက်ဝန်းများသည် ပြင်းထန်သော အပြာရောင် အလင်းတန်းများ လင်းလက်လာပြီး မှောင်မည်းနေသော ကန်ရေကို ဖောက်ထွင်းကြည့်ရန် ကြိုးစားလိုက်သည်။</p> <p> </p> <p>သူ၏ အမြင်အာရုံသည် ဆယ်မီတာခန့်သာ ဖောက်ထွင်းနိုင်ပြီး အဆုံးမဲ့ အမှောင်ထုထဲတွင် မျိုချခံလိုက်ရလေသည်။</p> <p> </p> <p>ထိုအခိုက်အတန့်တွင် နက်ရှိုင်းသော အမှောင်ထုထဲတွင် ဖြည်းညင်းစွာ ရွေ့လျားနေသော ဧရာမပုံရိပ်း အချို့ကို သူ ခပ်ရေးရေး ဖမ်းမိလိုက်သည်။</p> <p> </p> <p>၎င်းတို့၏ ပုံပန်းသဏ္ဌာန်များကို ခွဲခြားရန် ခက်ခဲသော်လည်း ရင်တုန်ဖွယ်ကောင်းသော အထီးကျန်ဆန်သည့် ခံစားချက်တစ်ခုကို ထုတ်လွှတ်နေကြသည်။</p> <p> </p> <p>ဤရေခဲကန်မှာ လုံခြုံသော နေရာတစ်ခု လုံးဝ မဟုတ်ပေ။</p> <p> </p> <p> “အမည်မသိသက်ရှိတွေက ဘယ်လို ဖြတ်ကူးသွားကြတာလဲ။ သူတို့ ပျံသွားတာလား။ ရေကူးသွားတာလား။ ဒါမှမဟုတ် တခြား လမ်းကြောင်းတစ်ခု ရှိနေတာလား”</p> <p> </p> <p>မိုးပြာနက်နဲဝံပုလွေဘုရင်တစ်ပါးဖြစ်သည့် လင်းထျန်းလုံသည် ကန်အစွန်းတွင် ရပ်ကာ မှင်ရောင်ရေမျက်နှာပြင်ကို စူးစိုက်ကြည့်နေလေသည်။</p> <p> </p> <p>အနောက်ဘက်ဧရိယာ စူးစမ်းရှာဖွေမှု၏ နောက်ဆုံး ပစ်မှတ်က လက်တစ်ကမ်းတွင် ရှိနေပုံရသော်လည်း လမ်းကို ပိတ်ဆို့ထားသည့် ရေမည်းများရှိ‌နေကာ ယခင် နှင်းခဲအရိုးစုမိစ္ဆာဝံပုလွေထက်ပင် ပိုမိုကြောက်မက်ဖွယ်ကောင်းသော အရှိန်အဝါကို ထုတ်လွှတ်နေသည်။</p> <p> </p> <p>နောက်တစ်ဆင့်အတွက် အလွန်အမင်း သတိထားရန် လိုအပ်လာလေတော့သည်။</p> <p> </p> <p>မြေအောက်နေရာလွတ်ကြီးအတွင်းတွင် ဝံပုလွေအုပ်စု၏ အသားဝါးမြိုသံ၊ ဒဏ်ရာများကိုလျက်နေသံနှင့် ရေခဲကန်နက်ကြီးဆီမှ ထွက်ပေါ်လာသော ခြောက်ခြားဖွယ် ရေစီးသံတို့မှလွဲ၍ အရာအားလုံး တိတ်ဆိတ်နေသည်။</p> <p> </p> <p> လေထုထဲတွင် သွေးနံ့များ၊ နှင်းခဲအရိုးစုမိစ္ဆာဝံပုလွေ၏ သီးသန့် သေခြင်းစွမ်းအင်များနှင့် ဝံပုလွေအုပ်စု၏ အင်အားတိုးတက်လာမှုကြောင့် ထွက်ပေါ်လာသော စွမ်းအင်လှိုင်းများဖြင့် ပြည့်နှက်နေ‌လေသည်။</p> <p> </p> <p>လင်းထျန်းလုံသည် ရေကန်စွန်းတွင် ကျောက်ဆောင်တစ်ခုအလား မားမားမတ်မတ်ရပ်နေခဲ့သည်။</p> <p> </p> <p> သူ၏မိုးပြာနက်နဲဘုရင်မျက်ဝန်းများထဲရှိ ရေခဲပြာရောင်အလင်းတန်းများက ဓားတစ်လက်အလား စူးရှနေပြီး မင်ရည်ကဲ့သို့မည်းမှောင်နေကာ ရေအောက်မှ ဖြည်းညင်းစွာရွေ့လျားနေသော ဧရာမအရိပ်ကြီးများဆီသို့ စူးစိုက်ကြည့်လိုက်လေသည်။</p> <p> </p> <p>ဤအမည်မသိ အန္တရာယ်များ ရှိသောနေရာတွင် သူသည် အနည်းငယ်မျှပင် ပေါ့ဆရဲခြင်းမရှိပေ။</p> <p> </p> <p> </p> <p>ဝံပုလွေအုပ်စု၏ ဝါးမြိုမှုက လျင်မြန်ထိရောက်လှသည်၊ အဆင့် ၃၃ ဘုရင်အဆင့် ရှေးဟောင်းသားရဲဖြစ်သော မိစ္ဆာဝံပုလွေ၏ အသားနှင့် အရိုးများက ၎င်းတို့အတွက် အကောင်းဆုံးရတနာပင်ဖြစ်သည်။</p> <p> </p> <p>အထူးသဖြင့် ပြင်းထန်သောတိုက်ပွဲကို ဆင်နွှဲထားပြီး အင်အားတိုးတက်ရန် လိုအပ်နေသော အဓိကစစ်သူကြီးများနှင့် ရေပြာကြေးခွံအစောင့်အရှောက်များအတွက် အကျိုးသက်ရောက်မှုမှာ ချက်ချင်းပင် ထင်ရှားလွန်းလှသည်။</p> <p> </p> <p> </p> <p>ရန့်မြဲ့သည် မာကျောသော ကျောက်စိမ်းဖြူရောင် အရိုးအပိုင်းအစများကို အာရုံစိုက်ဝါးမြိုနေခဲ့သည်။</p> <p> </p> <p> မိစ္ဆာဝံပုလွေ၏ အရိုးစွမ်းအင်များနှင့် ပဲ့တင်ထပ်မှုကြောင့် သူ၏ ရေခဲကြေးခွံချပ်ဝတ်တန်ဆာအရောင်က ပိုမိုနက်မှောင်လာပြီး ကျောက်စိမ်းကဲ့သို့ ရောင်အဝါများ ခပ်ရေးရေးထွက်ပေါ်လာကာ ခုခံနိုင်စွမ်းလည်း သိသိသာသာ မြင့်တက်လာလေသည်။</p> <p> </p> <p>ထျန်းပင်းသည် သေခြင်းနှင်းခဲစွမ်းအားများပါဝင်သော အသားများကို ကိုက်ဖြတ်ကာ ထာဝရဗာဂျရာခန္ဓာနှင့် နှင်းမုန်တိုင်းတိုက်ပွဲဝိညာဉ်တို့ဖြင့် အတင်းအဓမ္မ သန့်စင်နေသည်။</p> <p> </p> <p>သူ၏ခန္ဓာကိုယ်ပေါ်ရှိ နက်မှောင်နေသောရွှေရောင်ပုံစံများက ရေခဲနှင့်မီးတို့၏ ပဋိပက္ခကြားတွင် လင်းလက်နေပြီး အရှိန်အဝါးမှာလည်း ပိုမိုရိုင်းစိုင်းကြမ်းတမ်းခဲ့လာသည်။</p> <p> </p> <p> ယင်းဖုန်းသည် မိစ္ဆာဝံပုလွေ၏အရွတ်များကို စားသုံးပြီးနောက် သူ၏ပုံရိပ်က ပိုမိုမှုန်ဝါးလာကာ အရိပ်များထဲသို့ အပြည့်အ၀ ပေါင်းစပ်နိုင်လုနီးပါး ဖြစ်သွားတော့သည်။</p> <p> </p> <p>သဘာဝအာရုံ ခြေရာခံခြင်းစွမ်းရည်သည်လည်း ပတ်ဝန်းကျင်ရှိ အနံ့များကို ဖမ်းယူရာတွင် အထွတ်အထိပ်သို့ ရောက်ရှိသွားသည်။</p> <p> </p> <p>ဝံပုလွေအုပ်စုတစ်ခုလုံး၏ အဆင့်များမှာလည်း ကြီးမားသော အပြောင်းအလဲများ ဖြစ်ပေါ်လာသည်။</p> <p> </p> <p>ဘုရင်အဆင့် သားရဲကြီး၏ အသားစွမ်းအင်များနှင့် ဝိညာဉ်နယ်မြေ၏ သိပ်သည်းသန့်စင်သော ဝိညာဥ်စွမ်းအင်များ ပေါင်းစပ်သွားမှုကြောင့် ဝံပုလွေအုပ်စုထံမှ စိတ်လှုပ်ရှားဖွယ် တိုးညှင်းသော ဟိန်းဟောက်သံများနှင့်အတူ စွမ်းအင်အဆင့်တက်သွားသည့် အသံများ ဆက်တိုက်ထွက်ပေါ်လာသည်။</p> <p> </p> <p>[စနစ်အသိပေးချက်]။  ။ပိုင်ရှင်၏လက်အောက်ခံ ရန့်မြဲ့သည် အဆင့် ၂၂ (ပါရမီရှင်အဆင့်) သို့ တက်လှမ်းသွားပါသည်။ ပင်ကိုယ်စွမ်းရည် နှင်းခဲဝိညာဉ်မသေမျိုး (ခရမ်းရောင် အဆင့်မြင့်) ၏ အကျိုးသက်ရောက်မှုများ တိုးတက်လာပါသည်။</p> <p> </p> <p>[စနစ်အသိပေးချက်]။  ။ပိုင်ရှင်၏လက်အောက်ခံ ထျန်းပင်းသည် အဆင့် ၂၂ (ထူးကဲအဆင့်) သို့ တက်လှမ်းသွားပါသည်၊ ပင်ကိုယ်စွမ်းရည် နှင်းမုန်တိုင်းတိုက်ပွဲဝိညာဉ် (ခရမ်းရောင် ထူးကဲအဆင့်) ၏ အကျိုးသက်ရောက်မှုများ တိုးတက်လာပါသည်။</p> <p> </p> <p>[စနစ်အသိပေးချက်]။  ။ ပိုင်ရှင်၏ လက်အောက်ခံ ယင်းဖုန်းသည် အဆင့် ၂၁ (ပါရမီရှင်အဆင့်) သို့ တက်လှမ်းသွားပါသည်၊ ပင်ကိုယ်စွမ်းရည် သဘာဝအာရုံခြေရာခံခြင်း (ခရမ်းရောင် ခြေလှမ်းဝက် ထူးကဲအဆင့်) ၏ အကျိုးသက်ရောက်မှုများ တိုးတက်လာပြီး အသေးစိတ်အချက်အလက်များကို ပိုမိုတွေ့မြင်နိုင်လာပါသည်</p> <p> </p> <p> </p> <p>ပို၍အရေးကြီးသည်မှာ အဆင့် ၁၈၊ ၁၉ ဝန်းကျင်တွင်သာ ရှိနေခဲ့သော သာမန်နှင်းဝံပုလွေများမှာလည်း ဘုရင်အဆင့် အသားနှစ်မျိုး၏ ပံ့ပိုးမှုဖြင့် အဆင့် ၂၀ (ပါရမီရှင်အဆင့်) သို့ အောင်မြင်စွာ တက်လှမ်းသွားကြခြင်းပင်ဖြစ်သည်။</p> <p> </p> <p>လင်းထျန်းလုံ၏ လက်အောက်ရှိ နှင်းဝံပုလွေတပ်သားများမှာ တိုက်ခိုက်ရေးစွမ်းအားတွင် ကြီးမားသော ခြေလှမ်းတစ်လှမ်း လှမ်းနိုင်ခဲ့ပြီး အစစ်အမှန် ပါရမီရှင်အဆင့် မျိုးနွယ်စုတစ်ခု ဖြစ်လာခဲ့ပြီဖြစ်သည်။</p> <p> </p> <p>စွတ်ဖားလှည်းပေါ်တွင် ရှောင်လန်နှင့် ရှောင်ယင်းတို့လည်း မိစ္ဆာဝံပုလွေအသားကို စုပ်ယူ၍ ပြီးသွားကြပြီဖြစ်သည်။</p> <p> </p> <p> ရှောင်ယင်းက သူမ၏ ဖောင်းကားနေသော ဗိုက်လေးကိုပုတ်ကာ အေးစက်စက်အငွေ့များကို ကျေနပ်စွာ မှုတ်ထုတ်လိုက်သည်။</p> <p>သို့သော် ၀ံပုလွေဖေဖေက ရေကန်နက်ကြီးကို လေးနက်စွာ စူးစိုက်ကြည့်နေသည်ကို မြင်သောအခါ သူမလည်း နောက်ပြောင်နေခြင်းကို ရပ်တန့်လိုက်ပြီး ရှောင်လန်ကို တိုးတိုးလေးပြောလိုက်သည်။</p> <p> </p> <p>“ရှောင်လန်၊ ဝံပုလွေဖေဖေက အဲဒီရေကန်နက်ကြီးကို အရမ်းစိတ်ပူနေပုံပဲ...”</p> <p> </p> <p>ရှောင်လန်သည် ခေါင်းညိတ်ပြလိုက်ပြီး အောက်ခြေထိမမြင်ရသော ရေကန်ကြီးဆီသို့ အကြည့်ရောက်သွားကာ စိတ်ထဲမှ တွေးလိုက်မိသည်။</p> <p> </p> <p>“ဝံပုလွေအုပ်စုက အများကြီး သန်မာလာပေမယ့် ရေကန်ထဲက အရာတွေက... ဟိုအရိုးဝံပုလွေထက် ပိုအန္တရာယ်များတဲ့ ခံစားချက်မျိုး ပေးနေတယ်၊ အဲဒီ တိတ်ဆိတ်မှုက... နှစ်ပေါင်းမရေမတွက်နိုင်အောင် အနည်ထိုင်နေခဲ့သလိုပဲ...”</p> <p> </p> <p>ထိုအချိန်မှာပင် စွမ်းအင်များကို ကြေညက်အောင်လုပ်နေသော အနီးနားရှိ ရေပြာကြေးခွံအစောင့်အရှောက် ခြောက်ကောင်မှာ ရုတ်တရက် အသွင်ပြောင်းသွားကြလေသည်။</p> <p> </p> <p>၎င်းတို့၏ခန္ဓာကိုယ်ပေါ်ရှိ ရေပြာရောင်အကြေးခွံများက ပြင်းထန်စွာတုန်ခါလာပြီး တိုးညှင်းသောအသံများ ထွက်ပေါ်လာသည်။</p> <p> </p> <p>အဓိကနေရာများကို ဖုံးလွှမ်းထားသော အကြေးခွံများက ခန္ဓာကိုယ်တစ်ခုလုံးသို့ ပြန့်နှံ့ကာ ထူထပ်လာခဲ့သည်။</p> <p> </p> <p>ကြေးခွံများ၏ အရောင်မှလည်း ရေပြာရောင်မှ သတ္တုဆန်ဆန် အစိမ်းရင့်ရောင်အဖြစ်သို့ ပြောင်းလဲသွားပြီး အစွန်းများတွင် လင်းထျန်းလုံ၏ အသိစိတ်နေရာလွတ်ထဲရှိ ချီနဂါးဝိညာဉ်အနှစ်သာရနှင့် ဆင်တူသော နဂါးအရှိန်အဝါများ ခပ်ရေးရေး စီးဆင်းနေလေသည်။</p> <p> </p> <p>၎င်းတို့စားသုံးခဲ့သော အဆင့်မြင့်စွမ်းအင်များ ပေါင်းစပ်သွားကာ သွေးမျိုးဆက်ကို ထပ်မံသန့်စင်ပေးလိုက်ခြင်းပင်ဖြစ်သည်။</p> <p> </p> <p>[စနစ်အသိပေးချက်]။  ။ပိုင်ရှင်၏ အထူးလက်အောက်ခံအဖွဲ့ဖြစ်သော ရေပြာကြေးခွံအစောင့်အရှောက်များသည် နဂါးစွမ်းအင်များနှင့် ဘုရင်အဆင့်အသားများကို အများအပြားဝါးမြိုလိုက်သဖြင့် ၎င်းတို့၏သွေးမျိုးဆက်မှာ ထပ်မံသန့်စင်သွားပြီဖြစ်သည်။</p> <p> </p> <p>ပင်ကိုယ်စွမ်းရည် ဝိညာဉ်ရေပြာချပ်ဝတ် (အဖြူရောင် ငွေအဆင့်) သည် နဂါးကြေးခွံချပ်ဝတ် (ခရမ်းရောင် အလယ်အလတ်) သို့ ဆင့်ကဲပြောင်းလဲသွားပါသည်။</p> <p> </p> <p>ရုပ်ပိုင်းဆိုင်ရာနှင့် စွမ်းအင်ခုခံမှုများ ကြီးမားစွာမြင့်တက်လာပြီး ဒြပ်စင်တိုက်ခိုက်မှုများကို ခုခံနိုင်စွမ်း သိသိသာသာ တိုးတက်လာပါသည်။</p> <p> </p> <p>လင်းထျန်းလုံသည် နောက်ကွယ်ရှိ ဝံပုလွေအုပ်စုနှင့် ရေပြာကြေးခွံအစောင့်အရှောက်များ အဆင့်တက်မှုကြောင့် ဖြစ်ပေါ်လာသော အရှိန်အဝါများကို ခံစားလိုက်ရပြီး သူ၏စိတ်ထဲတွင် အနည်းငယ် တည်ငြိမ်သွားလေသည်။</p> <p> </p> <p>အဖွဲ့အင်အားတိုးတက်လာခြင်းသည် အမည်မသိအန္တရာယ်များကို ရင်ဆိုင်ရန် အကြီးမားဆုံး ယုံကြည်ချက်ပင်ဖြစ်သည်။</p> <p> </p> <p style="text-align: center;">***</p> <p> </p>


Save