Book List

<h2 style="text-align: center;">အခန်း (၁၅၈)</h2> <h2 style="text-align: center;">သွေးနီလှိုင်းအဖွဲ့အစည်း</h2> <h2 style="text-align: center;">*</h2> <p> </p> <p>“စီနီယာကို... ဂါရဝပြုပါတယ်...”</p> <p> </p> <p> လင်မယားနှစ်ယောက်လုံးက ခါးကိုင်း၍ တာအိုအရိုအသေ ပေးလိုက်ကြသည်။</p> <p> </p> <p>ထိုဇနီးမောင်နှံ၏ တုံ့ပြန်မှုကြောင့် ကျိုးရီမှာ အံ့အားသင့်သွားရသည်။ သူတို့က ယန်ချင်းကို အလွန်ကြောက်ရွံ့နေပုံရသည်။</p> <p> </p> <p>ယန်ချင်းသာ သူတို့ရှေ့မှ ရုတ်တရက်ပျောက်ကွယ်မသွားခဲ့လျှင် သူ၏ ကျင့်ကြံခြင်းအဆင့်ကို ဘယ်တော့မှ ခန့်မှန်းမိမည် မဟုတ်သောကြောင့် ၎င်းမှာ ထူးဆန်းနေသည်။</p> <p> </p> <p> မျိုးနွယ်စု၏ မှတ်တမ်းများအရ ကျင့်ကြံခြင်းအဆင့် ကွာဟချက် ကြီးမားလေလေ၊ ပိုမိုအားနည်းသောသူက အားကြီးသူထံမှ ထူးခြားမှုတစ်ခုခုကို အာရုံခံနိုင်ရန် ပိုမိုခက်ခဲလေလေ ဖြစ်ကြောင်း သိထားသည်။</p> <p> </p> <p>အဆင့်တူ သို့မဟုတ် အဆင့်ချင်းသိပ်မကွာဟသူများသာ တစ်ယောက်၏ ကျင့်ကြံခြင်းအဆင့်ကို နောက်တစ်ယောက်က သိရှိနိုင်မည် ဖြစ်သည်။</p> <p> </p> <p> သို့သော် ထိုဇနီးမောင်နှံ၏ တုံ့ပြန်မှုအရ သူတို့သည် အခြေတည်အဆင့်၏ အလယ်အလတ်အဆင့်လောက်တွင်သာ ရှိသော်လည်း၊ ယန်ချင်း၏ ကျင့်ကြံခြင်းအဆင့်ကို သိရှိနေပုံရသည်။</p> <p> </p> <p>ယန်ချင်းက မမြင်ရသော အင်အားတစ်ခုဖြင့် သူတို့ကို ပြန်လည် မတ်မတ်ရပ်စေရင်း ပြောလိုက်သည်။</p> <p> </p> <p>“အဲဒီလိုတွေ လုပ်နေစရာ မလိုပါဘူး... ယန်ချင်းလို့ပဲ ခေါ်ပါ၊ အသက်အရွယ်အရဆို ခင်ဗျားတို့ကို ကျွန်တော့်ရဲ့ စီနီယာတွေလို့တောင် သတ်မှတ်လို့ ရသေးတယ်...”</p> <p> </p> <p>ထိုဇနီးမောင်နှံက နားမလည်နိုင်စွာ မော့ကြည့်လိုက်ကြသည်။</p> <p> </p> <p>အဘယ်ကြောင့်ဆိုသော် ယန်ချင်းက ငယ်ရွယ်ပုံပေါက်သော်လည်း၊ ပုံမှန် တွေးလေ့တွေးထရှိသည့်အတိုင်း သူ့ကို ငယ်ရွယ်သော အသွင်အပြင်ဖြင့် ဟန်ဆောင်ထားသည့် အဘိုးကြီးတစ်ယောက်ဟု သူတို့က မှတ်ယူထားသောကြောင့်ပင်။</p> <p> </p> <p>၎င်းမှာ ပုံမှန်ဖြစ်လေ့ဖြစ်ထရှိသော အရာဖြစ်ပြီး၊ နန်းတော်အဆင့် ကျွမ်းကျင်သူအများစုမှာ အများအားဖြင့် အသက် ၁၀၀၀ ကျော်လေ့ရှိကာ၊ ငယ်ရွယ်သူများ ဆိုလျှင်လည်း လူလုံးထွက်ပြလေ့ သိပ်မရှိသော အဆင့် ၁ အဖွဲ့အစည်းများနှင့် မြင့်မြတ်နယ်မြေများမှ ပါရမီရှင်များသာ ဖြစ်ကြသည်။</p> <p> </p> <p>ယန်ချင်း၏ နောက်ထပ်စကားများက သူတို့၏  ခန့်မှန်းမှုများကို ပြတ်တောက်သွားစေသည်။</p> <p> </p> <p>ကျိုးမောင်နှမနှင့် ဒူးထောက်နေသော လူဘက်သို့  လက်ညှိုးထိုးပြရင်း ယန်ချင်းက ပြောလိုက်သည်။</p> <p> </p> <p>“စောစောက ပြောခဲ့သလိုပဲ... ခင်ဗျားတို့ကို ခေါ်ရတဲ့ အကြောင်းရင်းက သူတို့ရယ်၊ ပြီးတော့ ဒီကငါတို့ရဲ့ မိတ်ဆွေလေးရယ်ကြောင့်ပါ...”</p> <p> </p> <p>ယန်ချင်းက သူတို့ကိုပါ တစ်ပါတည်း ခေါ်ဆောင်သွားရန် အကြံပြုတော့မည်ဟု ထင်မှတ်လိုက်သဖြင့် ကျိုးလီချင်၏ မျက်နှာပေါ်တွင် ပျော်ရွှင်သော အမူအရာတစ်ခု ပေါ်လာသည်။</p> <p> </p> <p> အဘိုးကြီးအဘွားကြီး စုံတွဲမှာမူ နန်းတော်အဆင့်ကဲ့သို့ သြဇာကြီးမားသူ တစ်ဦးက ထိုကိစ္စကို အလွယ်တကူ ဖြေရှင်းနိုင်လျက်နှင့် သူတို့၏ အကူအညီကို ဘာကြောင့် လိုအပ်သနည်းဟု အံ့အားသင့်နေကြသည်။</p> <p> </p> <p>ဒူးထောက်နေသော လူကို သေချာမြင်လိုက်ရချိန်တွင် အဘိုးဝမ်က အံ့အားသင့်စွာ ရေရွတ်လိုက်သည်။</p> <p> </p> <p> “သွေးမိစ္ဆာကျင့်ကြံသူလား..”</p> <p> </p> <p>အဘိုးဝမ်၏ ရုတ်တရက် အသံကြောင့် အဘွားဝမ်ကလည်း စက္ကန့်အနည်းငယ် အကြာတွင် သတိပြုမိသွားသည်။</p> <p> </p> <p> အထဲသို့ ဝင်လာစဉ်က ယန်ချင်းမှလွဲ၍ ကျန်အရာအားလုံးကို သူတို့ ဂရုမစိုက်နိုင်ခဲ့ကြပေ။</p> <p> </p> <p>ယန်ချင်းက ဒူးထောက်နေသူကို လက်ညှိုးထိုးပြလိုက်မှသာ ထိုလူ့ထံမှ ခန္ဓာကိုယ်တစ်ခုလုံး ကြောက်ရွံ့မှုလှိုင်းများ ရိုက်ခတ်သွားစေသည့် ထူးခြားသော လက္ခဏာအချို့ကို သတိထားမိရန် အချိန်ရလိုက်ခြင်း ဖြစ်သည်။</p> <p> </p> <p>ဒူးထောက်နေသူ၌ ဖြူရော်သော အသားအရေ၊ အရေပြားပေါ်ရှိ ပါးလွှာသော အနီရောင် သွေးကြောမျှင် ပုံစံများ၊ အရိုးကဲ့သို့ လက်သည်းများ၊ ခရမ်းနီရောင်သူငယ်အိမ်များနှင့် သတ္တုနံ့လို သွေးနံ့များနှင့် ရောယှက်နေသော ကြောက်မက်ဖွယ် အရှိန်အဝါတစ်ခုဖြင့် လွှမ်းခြုံထားသည်။</p> <p> </p> <p>၎င်းတို့မှာ သွေးမိစ္ဆာကျင့်ကြံသူတစ်ဦး၏ လက္ခဏာများပင် ဖြစ်သည်။ သူတို့သည် အခြား ကျင့်ကြံသူများ၏ သွေးအဆီအနှစ်များကို စုပ်ယူခြင်းဖြင့် ကျင့်ကြံသူများ ဖြစ်ကြသည်။</p> <p> </p> <p> ရိုးရိုးရှင်းရှင်း ပြောရလျှင် ကျင့်ကြံခြင်းအဆင့်ကို  ဝါးမျိုပစ်ခြင်းပင် ဖြစ်သည်။</p> <p> </p> <p>တစ်ယောက်ယောက်၏ သွေးအဆီအနှစ်ကို အောင်မြင်စွာ ဝါးမျိုနိုင်သရွေ့ ကျင့်ကြံခြင်းအဆင့်ကို အလျင်အမြန် မြှင့်တင်နိုင်သော်လည်း၊ မြန်ဆန်သော တိုးတက်မှုနှင့်အတူ ၎င်း၏ ဘေးထွက်ဆိုးကျိုးအန္တရာယ်များလည်း ပါရှိလာသည်။</p> <p> </p> <p> ၎င်းတို့အနက် တစ်ခုမှာ စိတ်ပိုင်းဆိုင်ရာ တိုက်စားခံရမှု ဖြစ်ပြီး၊ သွေးမိစ္ဆာကျင့်စဉ် အသုံးပြုသူများကို ကိုယ့်ကိုယ်ကိုယ် မထိန်းချုပ်နိုင်သော သွေးဆာနေသည့် လူသတ်သားရဲများအဖြစ်သာ ပြောင်းလဲသွားစေသည်။</p> <p> </p> <p>ဤသည်မှာ ကျင့်စဉ်ကို စတင်အသုံးပြုသူများတွင် အများဆုံး တွေ့ရလေ့ရှိသည်။</p> <p> </p> <p>သူတို့သည် ခွန်အားအလျင်အမြန် တိုးတက်လာမှု၏ စိတ်လှုပ်ရှားမှုထဲတွင် နစ်မွန်းသွားကြပြီး၊ ထိုမှတစ်ဆင့် သတ်ဖြတ်ခြင်းနှင့် သွေးသောက်ခြင်းကို စွဲလမ်းလာကြကာ မကြာမီမှာပင် မိမိကိုယ်ပိုင်သိစိတ်နှင့် အသိတရားများ ပျောက်ကွယ်သွားပြီး သူတို့၏ တပ်မက်မှုများကိုသာ ဖြည့်ဆည်းပေးရသော ရုပ်သေးရုပ်များအဖြစ်သာ ကျန်ရစ်တော့သည်။</p> <p> </p> <p>ကိုယ့်ကိုကိုယ် မထိန်းချုပ်နိုင်သော သွေးမိစ္ဆာကျင့်ကြံသူ တစ်ဦးကြောင့် ကျေးရွာများ၊ မြို့များ၊ မြို့တော်များနှင့် အချို့သော အားနည်းသည့် တိုင်းပြည်များပင်လျှင် အစုလိုက်အပြုံလိုက် သတ်ဖြတ်ခံခဲ့ရဖူးသည်။</p> <p> </p> <p>တစ်ကိုယ်တော်ကျင့်ကြံသူများ၊ ဂိုဏ်းများ၊ အင်ပါယာများ၊ မျိုးနွယ်စုများ၊ အခြားအဖွဲ့အစည်းများ သို့မဟုတ် လွတ်လပ်သော ကျင့်ကြံသူများ အားလုံးသည် မိမိတို့ကိုယ်တိုင် သွေးမိစ္ဆာကျင့်ကြံသူများ မဟုတ်သရွေ့၊ တွေ့ရှိရသော သွေးမိစ္ဆာကျင့်ကြံသူ သို့မဟုတ် ဂိုဏ်းကို ချေမှုန်းရန်အတွက် ရန်ငြိုးများအားလုံးကို ဘေးဖယ်ထားကြမည် ဖြစ်သည်။</p> <p> </p> <p>သူတို့ ဖြစ်ပေါ်စေသော ပျက်စီးဆုံးရှုံးမှုများကြောင့် တိုက်ကြီးတစ်ခုလုံးက သူတို့ကို စက်ဆုပ်ရွံရှာကြသည်။</p> <p> </p> <p>ထိုသို့ တုံ့ပြန်ခြင်းမှာ အကြောင်းမဲ့ သက်သက်တော့ မဟုတ်ပေ။ လွန်ခဲ့သော နှစ်ပေါင်း တစ်သောင်းခန့်က သွေးမိစ္ဆာကျင့်ကြံသူများဖြင့် သီးသန့် ဖွဲ့စည်းထားသော သွေးနီလှိုင်းဟုခေါ်သည့် အဖွဲ့အစည်းတစ်ခု ရှိခဲ့ဖူးသည်။</p> <p> </p> <p>သွေးနီလှိုင်းအဖွဲ့၏ တည်ထောင်သူမှာ အဆင့် ၁ ဂိုဏ်းတစ်ခုမှ ပါရမီရှင်ဟောင်းတစ်ဦးဖြစ်ပြီး၊ အခြားဂိုဏ်းသားများအပေါ် တားမြစ်ကျင့်စဉ်များ အသုံးပြုခဲ့သည်ကို ရှာဖွေတွေ့ရှိသွားချိန်တွင် ဂိုဏ်းမှ နှင်ထုတ်ခံခဲ့ရသူ ဖြစ်သည်။</p> <p> </p> <p>ထိုအဖွဲ့အစည်းကို ဖြည်းဖြည်းချင်းဖွဲ့စည်းရင်း ဂိုဏ်း၏ လိုက်လံဖမ်းဆီးမှုမှ အမြဲတမ်းပုန်းရှောင် နေထိုင်ခဲ့ရသည်။</p> <p> </p> <p>အဓိကအားနည်းချက်ဖြစ်သော စိတ်ပိုင်းဆိုင်ရာ တိုက်စားခံရမှုကို အလေးပေးဖြေရှင်းရင်း သွေးမိစ္ဆာကျင့်စဉ်များကို အဆက်မပြတ် အဆင့်မြှင့်တင်ခဲ့သည်။</p> <p> </p> <p> နှစ်ထောင်ချီ ကြာပြီးနောက်တွင် ခရမ်းရောင်အဆင့်သို့ ရောက်ရန် လက်တစ်ကမ်းသာ လိုတော့သည့် သွေးနိဗ္ဗာနဟုခေါ်သော ကျင့်စဉ်တစ်ခုကို နောက်ဆုံးတွင် ဖန်တီးနိုင်ခဲ့သည်။</p> <p> </p> <p>၎င်းမှာ ထိပ်တန်းရွှေရောင်အဆင့် ကျင့်စဉ်တစ်ခု ဖြစ်သည်။</p> <p> </p> <p>ထိုကျင့်စဉ်ဖြင့် သွေးနီလှိုင်းကို ထွက်ပြေးပုန်းရှောင်နေသူများဖြင့် ဖွဲ့စည်းထားသော အခြေအမြစ်မရှိသည့် အဖွဲ့အစည်းတစ်ခုအဖြစ်မှ တိုက်ကြီးတစ်ခုလုံးကို တုန်လှုပ်သွားစေသည့် ဧရာမအင်အားစုကြီး တစ်ခုအဖြစ်သို့ ပြောင်းလဲပစ်ခဲ့သည်။</p> <p> </p> <p>ခွန်အားအလျင်အမြန် တိုးတက်လာမှုနှင့်အတူ စိတ်ပိုင်းဆိုင်ရာ တိုက်စားခံရမှု ပြဿနာ လျော့ကျသွားသဖြင့် သူတို့၏ အင်အားမှာ ရုတ်တရက်ခုန်ပျံ တိုးတက်လာခဲ့သည်။</p> <p> </p> <p>ထိုကျင့်စဉ်ကို ဖန်တီးပြီး ရာစုနှစ်အနည်းငယ်အတွင်းမှာပင် သူတို့ထံတွင် နယ်မြေအဆင့်ကျွမ်းကျင်သူ အယောက်နှစ်ဆယ်ကျော်ထိ ရှိလာခဲ့ပြီး၊ တည်ထောင်သူမှာလည်း ဝိညာဉ်ဖွဲ့စည်းခြင်းအဆင့်သို့ ခြေလှမ်းနိုင်ခဲ့သည်။</p> <p> </p> <p>နောက်ထပ် ရာစုနှစ်အနည်းငယ်ခန့် အချိန်ဆွဲ စောင့်ဆိုင်းနေခဲ့ပြီးနောက် နောက်ဆုံးတွင် ယခင်သူ၏ ဂိုဏ်းဟောင်းကို အစွယ်ထုတ်ပြခဲ့ပြီး တစ်ပတ်အတွင်း အမြစ်ပြတ်ချေမှုန်းပစ်ခဲ့သည်။</p> <p> </p> <p>ထိုဂိုဏ်းတွင် ဝိညာဉ်ဖွဲ့စည်းခြင်းအဆင့် ကျွမ်းကျင်သူ နှစ်ဦးနှင့် နယ်မြေအဆင့်ကျွမ်းကျင်သူ ဆယ်ဂဏန်းကျော် ရှိခဲ့သော်လည်း သွေးနီလှိုင်းအဖွဲ့၏ အပြင်းအထန် တိုက်ခိုက်မှုကို မခံနိုင်ခဲ့ပေ။</p> <p> </p> <p>ထိုဂိုဏ်းကို ဖျက်ဆီးပြီးနောက် အဖွဲ့အစည်းအတွင်းသို့ နောက်ထပ်ဝိညာဉ်ဖွဲ့စည်းခြင်းအဆင့် ကျွမ်းကျင်သူသုံးဦး ထပ်မံတိုးလာခဲ့ပြီး၊ နယ်မြေအဆင့်နှင့် အောက်ရှိ သူများ၏ အရေအတွက်မှာလည်း ပိုမိုများပြားလာခဲ့သည်။</p> <p> </p> <p> တိုးပွားလာသော လူအင်အားနှင့်အတူ တိုက်ကြီး တစ်ခုလုံးကို အဆုံးမရှိသော သွေးချောင်းစီးတိုက်ပွဲကြီးထဲသို့ ဆွဲချခဲ့ပြီး၊ တိုက်ပွဲ တစ်ကြိမ်ပြီးတိုင်း အဖွဲ့အစည်းမှာ ပိုမိုအင်အားကြီးမားလာခဲ့သည်။</p> <p> </p> <p>မည်သည့်ဆိုးကျိုးမျှမရှိဘဲ ခွန်အားအလျင်အမြန် တိုးတက်လာနိုင်သည်ဟူသော နာမည်ဂုဏ်သတင်းကြောင့် တရားဝင်ဂိုဏ်းများနှင့် အဖွဲ့အစည်းအချို့ပင်လျှင် သွေးနီလှိုင်းအဖွဲ့နှင့် ပူးပေါင်းလာခဲ့ကြသည်။</p> <p> </p> <p> သူတို့၏ အရေအတွက်မှာ အလွန်များပြားလာခဲ့သဖြင့် တိုက်ကြီး၏ နေရာအနှံ့အပြားတွင် သွေးနီလှိုင်းအဖွဲ့ဝင်များကို တွေ့မြင်နိုင်ပြီး၊ သူတို့ မရှိသော နေရာဟူ၍ တစ်နေရာမှ မရှိတော့သည့်အပြင် မြင့်မြတ်နယ်မြေများ၏ ပိုင်နက်များကိုပင် ကျူးကျော် ဝင်ရောက်လာခဲ့ကြသည်။</p> <p> </p> <p>ထိုအချိန်က မြင့်မြတ်နယ်မြေများမှာ ဤကိစ္စတစ်ခုလုံးကို ဘေးမှစောင့်ကြည့်နေသူများသာ ဖြစ်ခဲ့ကြသည်။</p> <p> </p> <p>အလင်းဖြာဓားဂိုဏ်းမှ တပည့်တစ်ဦး သွေးနီလှိုင်းအဖွဲ့ဝင်တစ်ဦး၏ သားကောင် ဖြစ်သွားချိန်တွင်မှ စတင်လှုပ်ရှားလာခဲ့ကြသည်။</p> <p> </p> <p> </p> <p>မြင့်မြတ်နယ်မြေဆိုသည်မှာ အဘယ်နည်းဆိုသည်ကို တိုက်ကြီး တစ်ခုလုံးက နောက်ဆုံးတွင် အကဲခတ်ခွင့် ရရှိသွားခဲ့ကြသည်။</p> <p> </p> <p>ယန်ချင်း ဖတ်ခဲ့ဖူးသော မှတ်တမ်းများအရ အလင်းဖြာဓားဂိုဏ်းက သွေးနီလှိုင်းအဖွဲ့ကို ရင်ဆိုင်ရန် အတွင်းစည်းအကြီးအကဲလေးဦးနှင့် ပင်မတပည့် တစ်ရာတို့ကို စေလွှတ်ခဲ့သည်။</p> <p> </p> <p>အတွင်းစည်းအကြီးအကဲများ အားလုံးမှာ ဝိညာဉ်ဖွဲ့စည်းခြင်းအဆင့်တွင် ရှိကြပြီး၊ ပင်မတပည့် တစ်ရာတွင် သုံးပုံတစ်ပုံမှာ နယ်မြေအဆင့်တွင်ရှိကာ ကျန်သူများမှာ နန်းတော်အဆင့်တွင် ရှိကြသဖြင့် အလွန်အထင်ကြီးစရာကောင်းသော အင်အားစုတစ်ခုပင် ဖြစ်သည်။</p> <p> </p> <p>အလင်းဖြာဓားဂိုဏ်း၏ အတွင်းပိုင်းဖွဲ့စည်းပုံအရ အတွင်းစည်းအကြီးအကဲများ၏ အထက်တွင် ပင်မအကြီးအကဲများ ရှိပြီး၊ ထိုအထက်တွင် ဂိုဏ်းချုပ်ထက်ပင် အဆင့်အတန်း ပိုမိုမြင့်မားသော အဓိပတိအကြီးအကဲများ ရှိသေးကြောင်း သိထားသဖြင့် ထိုအကြောင်းကို ဖတ်ရချိန်တွင် မည်မျှ အံ့အားသင့်ခဲ့ရကြောင်းကို ယန်ချင်း မှတ်မိနေသေးသည်။</p> <p> </p> <p>တပည့်များ၏ အဆင့်သတ်မှတ်ချက်နှင့် ပတ်သက်၍လည်း ပင်မတပည့်များ၏ အထက်တွင် အကောင်းဆုံးထဲမှ အကောင်းဆုံးများအတွက် သီးသန့် ချန်ထားသော အဆင့်တစ်ခု ရှိသေးကြောင်း ကြားဖူးသည်။</p> <p> </p> <p>အရေအတွက် နည်းပါးသော်လည်း ထိုအဆင့်သို့ ရောက်ရှိသူတိုင်းကို ပါရမီရှင်များဟုပင် ခေါ်ဆို၍ မရနိုင်တော့ပေ။ ထိုအဆင့်သို့ ရောက်ရှိသူများကို ဓားနှလုံးသားတပည့်များဟု ခေါ်ဆိုကြသည်။</p> <p> </p> <p>အတွင်းစည်းအကြီးအကဲ လေးဦးနှင့် ပင်မတပည့် တစ်ရာတို့သည် မည်သည့်စံနှုန်းနှင့် တိုင်းတာသည်ဖြစ်စေ အားနည်းသူများ မဟုတ်ကြသော်လည်း၊ သူတို့၏ ရှိနေမှုက လူအများအပြားကို ပိုမိုကြောက်ရွံ့ အံ့အားသင့်သွားစေခဲ့ပြီး၊ အထူးသဖြင့် ၎င်းတို့၏ အတွင်းပိုင်း ဖွဲ့စည်းပုံအကြောင်းကို သိရှိထားသော ရှေးဟောင်း အဖွဲ့အစည်းများကို ပိုမိုတုန်လှုပ်သွားစေခဲ့သည်။</p> <p> </p> <p>အလင်းဖြာဓားဂိုဏ်းအဖွဲ့က သူတို့ တွေ့သမျှ သွေးနီလှိုင်းအဖွဲ့ဝင်တိုင်းကို လိုက်လံနှိမ်နင်းပြီး ဌာနချုပ် တစ်ခုပြီးတစ်ခု ဖျက်ဆီးပစ်ရင်း ကြီးမားလှသော သတ်ဖြတ်ပွဲကြီးတစ်ခု ဖြစ်ပေါ်လာခဲ့သည်။</p> <p> </p> <p> သွေးနီလှိုင်းအဖွဲ့နှင့် မပူးပေါင်းရသေးသော အခြားအဖွဲ့အစည်းများလည်း ထိုတိုက်ပွဲတွင် ပါဝင်လာကြပြီး အလင်းဖြာဓားဂိုဏ်း၏ အလံအောက်တွင် တိုက်ကြီးတစ်ခုလုံး အတိုင်းအတာဖြင့် တိုက်ပွဲဝင် တပ်မကြီးတစ်ခုအဖြစ် ပေါင်းစည်းသွားခဲ့ကြသည်။</p> <p> </p> <p>သန့်စင်ရေးနှင့် လိုက်လံနှိမ်နင်းမှုများမှာ ရာစုနှစ်တစ်ခုနီးပါး ကြာမြင့်ခဲ့ပြီး သွေးနီလှိုင်းအဖွဲ့၏ ဌာနချုပ်အများစုမှာ ဖျက်ဆီးခံခဲ့ရသည်။</p> <p> </p> <p>သူတို့နှင့် ပူးပေါင်းခဲ့သော မျိုးနွယ်စုများနှင့် အခြားအဖွဲ့အစည်းများက ဘက်ပြောင်းရန် ကြိုးစားခဲ့ကြသော်လည်း သူတို့နှင့်အတူ ဖျက်ဆီးခံခဲ့ရသဖြင့် ရှည်လျားသော သမိုင်းကြောင်းရှိသည့် အမွေအနှစ်အများအပြား ဆုံးရှုံးသွားခဲ့ရသည်။</p> <p> </p> <p> သို့သော် ထိုတိုက်ပွဲအတွင်း ရန်ငြိုးဖွဲ့မှုများကြောင့် မတရားစွပ်စွဲခံရသော အပြစ်မဲ့သားကောင်များစွာလည်း ရှိခဲ့သည်။</p> <p> </p> <p>တစ်စုံတစ်ယောက်သည် အစစ်အမှန် ပူးပေါင်းသူ ဟုတ်မဟုတ် အမှန်တရားကို စိစစ် အတည်ပြုပေးမည့် စိတ်နေစိတ်ထားမျိုး မည်သူ့ထံတွင်မှ မရှိခဲ့ကြပေ။</p> <p> </p> <p>သံသယ အဝင်ခံရသည်နှင့် တစ်ပြိုင်နက် မကြာမီမှာပင် အုပ်စုလိုက် ဝင်ရောက်တိုက်ခိုက်ခြင်း ခံရမည် ဖြစ်သည်။</p> <p> </p> <p>ထိုအစုလိုက်အပြုံလိုက် သတ်ဖြတ်မှုများမှာ သွေးနီလှိုင်းအဖွဲ့ အင်အားကြီးမားစဉ်ကထက်ပင် ပိုမို ဆိုးရွားခဲ့သည်။</p> <p> </p> <p>နှစ်ပေါင်းနှစ်ရာခန့်အကြာတွင် သွေးနီလှိုင်း၏ အထက်ပိုင်းခေါင်းဆောင်များနှင့် တည်ထောင်သူတို့သည် အလင်းဖြာဓားဂိုဏ်း၏ အတွင်းစည်းအကြီးအကဲများ၊ နယ်မြေအဆင့် ပင်မတပည့် အချို့နှင့် အတူလိုက်ပါလာသော အခြားအဖွဲ့အစည်းများမှ နယ်မြေအဆင့်နှင့် ဝိညာဉ်ဖွဲ့စည်းခြင်းအဆင့် ကျွမ်းကျင်သူ အချို့၏ ဝိုင်းရံပိတ်ဆို့ခြင်းကို ခံခဲ့ရသည်။</p> <p> </p> <p>အုပ်စုနှစ်ခုကြားတွင် ကြောက်မက်ဖွယ်ကောင်းသော တိုက်ပွဲကြီး ဖြစ်ပွားခဲ့ပြီး သွေးနီလှိုင်းအဖွဲ့ဝင်များကို အမြစ်ပြတ်ချေမှုန်းနိုင်ခဲ့သော်လည်း၊ ကိစ္စများက သူတို့ မျှော်လင့်ထားသလို လွယ်ကူချောမွေ့ မနေခဲ့ပေ။</p> <p> </p> <p> သွေးနီလှိုင်းအဖွဲ့က ကောင်းကောင်း ပုန်းအောင်းနေနိုင်ခဲ့ပြီး တည်ထောင်သူကို မပါဘဲနှင့်ပင် သူတို့ အဖွဲ့အတွင်း ဝိညာဉ်ဖွဲ့စည်းခြင်းအဆင့် ကျွမ်းကျင်သူ ကိုးဦးအထိ လျှို့ဝှက် ပိုင်ဆိုင်ထားခဲ့ကြသည်။</p> <p> </p> <p>အလင်းဖြာဓားဂိုဏ်း၏ အတွင်းစည်းအကြီးအကဲ နှစ်ဦးမှာ ဝိုင်းရံပိတ်ဆို့မှုအတွင်း သေဆုံးသွားခဲ့သော်လည်း၊ မသေဆုံးမီ အလင်းဖြာဓားဂိုဏ်းမှ အဓိပတိအကြီးအကဲတစ်ဦးကို ခေါ်ယူနိုင်မည့် လျှို့ဝှက်ကျင့်စဉ်တစ်ခုကို အသက်သွင်းသွားနိုင်ခဲ့သည်။</p> <p> </p> <p>သို့သော် ထိုအချိန်ရောက်သောအခါ အဖွဲ့မှာ ကြီးမားလှသော ဆုံးရှုံးမှုများကို ခံစားခဲ့ရပြီး ဖြစ်သည်။</p> <p> </p> <p>အဓိပတိအကြီးအကဲက ကျန်ရှိနေသော ရန်သူများကို တစ်ယောက်တည်း အမြစ်ပြတ် ချေမှုန်းပစ်ခဲ့ပြီး၊ သွေးနီလှိုင်းအဖွဲ့၏ တည်ထောင်သူမှာမူ သွေးမိုးများအဖြစ် ပေါက်ကွဲထွက်သွားသည့် နောက်ဆုံးမိနစ်အထိ တောင့်ခံနိုင်ခဲ့သည်။</p> <p> </p> <p>သူ၏သွေးများက ရေကန်ကြီးတစ်ခုအဖြစ် ပြောင်းလဲသွားပြီး တိုက်ပွဲဖြစ်ပွားခဲ့သော မြေနေရာကို အဆက်မပြတ်တိုက်စားနေခဲ့ကာ၊ တိုက်ပွဲမြေပြင်မှာ နန်းတော်အဆင့်ကျင့်ကြံသူ တစ်ဦးကို တစ်စစီအပိုင်းပိုင်းဖြတ်ပစ်နိုင်မည့် ဓားချီစွမ်းအင်များနှင့် သူတို့၏ စိတ်ကို အလွယ်တကူ တိုက်စားပစ်နိုင်မည့် သွေးမြူခိုးများဖြင့် ပြည့်နှက်နေသော အန္တရာယ်များသည့် တားမြစ်နေရာတစ်ခုအဖြစ် ပြောင်းလဲသွားခဲ့သည်။</p> <p> </p> <p>သို့သော် တိုက်ပွဲ ပြီးဆုံးသွားသည်မှာ နှစ်ပေါင်း ၁၀,၀၀၀ ကျော် ကြာမြင့်ခဲ့ပြီ ဖြစ်သော်လည်း၊ ထိုခေတ်ကာလ၏ ပဲ့တင်သံများမှာ ကျန်ရှိနေဆဲပင်။</p> <p> </p> <p>တောင်ပိုင်းတိုက်ကြီးကဲ့သို့ စစ်မက်ဖြစ်ပွားလေ့ရှိသော ဒေသတစ်ခု၏ စံနှုန်းများအရပင် ၎င်းမှာ အလွန်မှောင်မိုက်သော ခေတ်ကာလတစ်ခု ဖြစ်ခဲ့သည်။</p> <p> </p> <p> သွေးနီလှိုင်းဟူသော အမည်နှင့် မကောင်းဆိုးဝါး တစ်ကောင်က တိုက်ကြီး၏ အသက်ရှင် သန်စွမ်းမှုကို အစာအဖြစ် စားသုံးရန် ပေါ်ထွက်လာခဲ့ပြီး ၎င်း၏ ရှင်သန်ရပ်တည်မှုကိုပင် ခြိမ်းခြောက်လာခဲ့သည်။</p> <p> </p> <p>ယနေ့တိုင်အောင် သွေးမိစ္ဆာကျင့်ကြံသူများကို အဆက်မပြတ် လိုက်လံနှိမ်နင်း ဖမ်းဆီးနေဆဲဖြစ်ပြီး၊ အဖွဲ့အစည်းကဲ့သို့သော တိုက်ကြီးတစ်ဝိုက်ရှိ အဓိကအဖွဲ့အစည်းများက ဖမ်းဆီးရမိသော အတည်ပြုပြီး သွေးမိစ္ဆာကျင့်ကြံသူ တိုင်းအတွက် သို့မဟုတ် သူတို့၏ ပုန်းအောင်းရာ နေရာသို့ လမ်းညွှန်ပေးနိုင်မည့် သတင်းအချက်အလက်များအတွက် ကြီးမားလှသော ဆုငွေများကိုပင် ပေးအပ်ထားသည်။</p> <p> </p> <p>အလင်းဖြာဓားဂိုဏ်းကပင် သွေးမိစ္ဆာကျင့်ကြံသူများကို နှိမ်နင်းရန် လေ့ကျင့်ရေး မစ်ရှင်များအဖြစ် ပြင်ပစည်း တပည့်များကို ရံဖန်ရံခါ စေလွှတ်လေ့ ရှိသည်။</p> <p> </p> <p>သို့သော် အဆက်မပြတ်တိုက်ခိုက် နှိမ်နင်းနေသည့်တိုင် သွေးမိစ္ဆာကျင့်ကြံသူများက ပေါ်ထွက်လာမြဲပင်။</p> <p> </p> <p> ပိုဆိုးသည်မှာ သွေးနီလှိုင်းတည်ထောင်သူ ဖန်တီးခဲ့သော သွေးနိဗ္ဗာနကျင့်စဉ်သည် သူတို့၏ ပင်မဌာနချုပ်ကို တိုက်ခိုက်စဉ်အတွင်း ပျောက်ဆုံးသွားခဲ့ခြင်း ဖြစ်သည်။</p> <p> </p> <p>အလင်းဖြာဓားဂိုဏ်း၏ အဓိပတိအကြီးအကဲ၏ တိုက်ခိုက်မှုတွင် တကယ်တမ်းမသေဆုံးခဲ့ဘဲ ဒုတိယလှိုင်းတစ်ခုအတွက် အချိန်ဆွဲစောင့်ဆိုင်းနေသော တည်ထောင်သူ၏ လက်ထဲတွင် ရှိနေသည်ဟု ကောလာဟလများ ထွက်ပေါ်နေသည်။</p> <p> </p> <p>ထိုစကားများတွင် အမှန်တရား မည်မျှပါဝင်သနည်း ဆိုသည်ကို မသိရသော်လည်း၊ ကျင့်စဉ်မှာ အမှန်တကယ်ပျောက်ဆုံးနေပြီး ဖမ်းဆီးရမိသော သွေးမိစ္ဆာကျင့်ကြံသူများအနက် သွေးနိဗ္ဗာနကျင့်စဉ်၏ ထင်ရှားသော လက္ခဏာများကို ပြသသူများ မကြာခဏ ပါဝင်နေလေ့ရှိသည်။</p> <p> </p> <p> ဥပမာအားဖြင့် ယန်ချင်း၏ ခြေရင်းရှိ အဖွဲ့ဝင်ဆိုလျှင် အမြုတေဖွဲ့စည်းခြင်း အစောပိုင်းအဆင့်တွင်သာ ရှိသေးသော်လည်း အသိတရား အချို့ ကျန်ရှိနေသေးသည်။</p> <p> </p> <p>၎င်းကပင် သွေးနီလှိုင်း၏ သွန်သင်ချက်များကို နှစ်ပေါင်း ၁၀,၀၀၀ အကြာတွင်ပင် လက်ဆင့်ကမ်း သင်ကြားနေဆဲ ဖြစ်ကြောင်း သက်သေပြနေသည်။</p> <p> </p> <p style="text-align: center;">***</p> <p> </p>


Save