Book List

<h2 style="text-align: center;">အခန်း(၂၄၆၁)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>“ဟင်းလင်းပြင်သားရဲတွေ လာနေပြီ.. ငါ တားထားပေးမယ်.. မင်းတို့က ကျင့်ကြံသူတွေကို ဦးဆောင်ပြီး အလယ်ပိုင်းဒေသကို ချက်ချင်းဆုတ်ခွာကြတော့”</p> <p> </p> <p> </p> <p>ဝူကျန့်ထျန်းက အသက်ကို ခပ်ပြင်းပြင်း ရှူရှိုက်လိုက်ပြီး အဆုံးသတ်တွင် ဆုတ်ခွာရန် အမိန့်ပေးလိုက်သည်။</p> <p> </p> <p> </p> <p>ဟင်းလင်းပြင် သားရဲများ၏ အင်အားက အလွန်တရာအားကောင်းသောကြောင့် အတင်းအကျပ် ခုခံနေခြင်းသည် သေလမ်းကို ရှာဖွေနေသည်နှင့် အတူတူပင် ဖြစ်သည်။</p> <p> </p> <p> </p> <p>အကယ်၍ သူတို့သာ အလယ်ပိုင်းဒေသကို ဆုတ်ခွာမည်ဆိုလျှင် အင်မော်တယ်မြစ်၏ အကူအညီဖြင့် ဟင်းလင်းပြင်သားရဲများကို ပိတ်ဆို့ထားနိုင်မည် ဖြစ်ပြီး အသက်ရှူပေါက် ရလာနိုင်ပေလိမ့်မည်။</p> <p> </p> <p> </p> <p>ထိုစကားကို ပြောပြီးနောက်တွင် ဝူကျန့်ထျန်းသည် နတ်ဘုရားနယ်မြေမှ ကျင့်ကြံသူများကို စကားပြောခွင့် ထပ်မံ မပေးတော့ပေ။</p> <p> </p> <p> </p> <p>သူ၏ ပုံရိပ်သည် ချင်းလွမ် မျိုးနွယ်စု၏ အထက်ကောင်းကင်ယံတွင် တစ်ခဏအတွင်း ပေါ်လာခဲ့၏။</p> <p> </p> <p> </p> <p>သူက အဝေးကို လှမ်းကြည့်လိုက်ရာ မိုင်ပေါင်း ထောင်ချီ ဝေးကွာသော နေရာတွင် ချင်းလွမ်မျိုးနွယ်စု ဆီသို့ ဦးတည်၍ ချီတက်လာနေသည့် ဟင်းလင်းပြင် သားရဲများကို မြင်လိုက်ရသည်။</p> <p> </p> <p> </p> <p>“ဝူကျန့်ထျန်း.. မင်းက ဒီဘုရင်ကို တားဆီးနိုင်မှာ မဟုတ်ဘူး.. လိမ်လိမ်မာမာ အညံ့ခံလိုက်ပါ”</p> <p> </p> <p> </p> <p>‌ခေါင်းဆောင်ဖြစ်သည့် အနက်ရောင်ဖန်းငှက်ကြီး၏ အေးစက်စက် စကားသံသည် လေထုထဲတွင် ပဲ့တင်ထပ်သွားခဲ့သည်။</p> <p> </p> <p> </p> <p>ဝူကျန့်ထျန်းက အပိုစကားများ ပြောမနေတော့ဘဲ ဓားနှင့်တစ်သားတည်း ပေါင်းစပ်ကာ ကောင်းကင်နှင့်မြေကြီးကိုပင် ဖောက်ထွင်းနိုင်သည့် ဓားအလင်းတန်း အဖြစ်သို့ ပြောင်းလဲပြီး ဟင်းလင်းပြင် သားရဲများ ဆီသို့ ပျံသန်းသွားခဲ့သည်။</p> <p> </p> <p> </p> <p>ဓားအလင်းတန်းသည် မိုင်ပေါင်းထောင်ချီ အကွာအဝေးကို မျက်စိတစ်မှိတ်အတွင်း ဖြတ်ကျော်သွားခဲ့၏။</p> <p> </p> <p> </p> <p>နောက်ထပ် တစ်စက္ကန့်မှာပင် ဝူကျန့်ထျန်း၏ ပုံရိပ်သည်  ဟင်းလင်းပြင်သားရဲ အုပ်စုထဲတွင် ပေါ်လာခဲ့သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>ဝူကျန့်ထျန်းက ချက်ချင်းဆိုသလို ရွှေရောင်ဓားရှည်ဖြင့် တိုက်ခိုက်လိုက်ရာ ထိုနေရာရှိ ထောင်နှင့်ချီသော ဟင်းလင်းပြင် သားရဲများသည် ဝူကျန့်ထျန်း၏ ဓားချက်ဖြင့် သေဆုံးသွားခဲ့သည်။</p> <p> </p> <p> </p> <p>“ဝူကျန့်ထျန်း.. မင်းသေချင်နေပြီလား”</p> <p> </p> <p> </p> <p>အနက်ရောင်ဖန်းငှက်ကြီးက ဒေါသတကြီး အော်ဟစ်လိုက်သည်။</p> <p> </p> <p> </p> <p>သူ၏ မျက်ဝန်းထဲတွင် သတ်ဖြတ်လိုသော အငွေ့အသက်များ ပြင်းထန်နေခဲ့၏။</p> <p> </p> <p> </p> <p>ဝူကျန့်ထျန်းက အနက်ရောင်ဖန်းငှက်ကြီးကို လုံးဝ ဂရုစိုက်မနေဘဲ သူ၏လက်ထဲမှ ဓားရှည်ကို ဝှေ့ယမ်းကာ တုန်လှုပ်ချောက်ချားဖွယ် ဓားကွက်တစ်ကွက်ကို ထုတ်ဖော်လိုက်သည်။</p> <p> </p> <p> </p> <p>ထိုခဏဝယ် စိတ်ကူးပင် မယဥ်နိုင်လောက်အောင် တောက်ပသော ရွှေရောင် ဓားအလင်းသည် ဟင်းလင်းပြင်သားရဲများကြားတွင် လျင်မြန်စွာ ပျံ့နှံ့သွားခဲ့ပြီး ဟင်းလင်းပြင် သားရဲများကို ပိုင်းဖြတ်ပစ်လိုက်သည်။</p> <p> </p> <p> </p> <p>ဤတိုက်ခိုက်မှုအောက်တွင် အနည်းဆုံး ထောင်ချီသည့် ဟင်းလင်းပြင် သားရဲများသည် ဝူကျန့်ထျန်း၏ လက်ချက်ဖြင့် ထပ်မံ ကျဆုံးသွားခဲ့သည်။</p> <p> </p> <p> </p> <p>“ဝူကျန့်ထျန်း...ဒီနေ့တော့ ဒီဘုရင်က မင်းရဲ့ခန္ဓာကိုယ်ကို အစိတ်စိတ်အမြွှာမြွှာ ပိုင်းဖြတ်ပစ်မယ်”</p> <p> </p> <p> </p> <p>အနက်ရောင်ဖန်းငှက်ကြီးက ကောင်းကင်ယံကို မော့ကြည့်ကာ ဒေါသတကြီး ကြုံးဝါးလိုက်သည်။</p> <p> </p> <p> </p> <p>ထို့နောက်တွင် သူ၏ ကြီးမားသော တောင်ပံများကို ခတ်လိုက်ရာ ကြောက်မက်ဖွယ်ရာကောင်းသော ဝါးမျိုခြင်း စွမ်းအား ထွက်ပေါ်လာခဲ့ပြီး ပတ်ဝန်းကျင်ရှိ လေထုကိုပင် တွင်းနက်ကြီးအဖြစ် ပြောင်းလဲသွားစေခဲ့သည်။</p> <p> </p> <p> </p> <p>ထိုဝါးမျိုခြင်းစွမ်းအားသည် ဝူကျန့်ထျန်း ရှိရာဆီသို့ ပေါက်ကွဲထွက်လာခဲ့၏။</p> <p> </p> <p> </p> <p>အနက်ရောင်ဖန်းငှက်ကြီး၏ နံဘေးရှိ နတ်ဘုရင် နဝမအဆင့်နှင့် အဆင့်တူသည့် တခြားသော ဟင်းလင်းပြင် သားရဲဘုရင်သုံးကောင်သည်လည်း တစ်ချိန်တည်းမှာပင် ကြောက်မက်ဖွယ် စွမ်းအားများကို ထုတ်ဖော်ကာ ဝူကျန့်ထျန်းဆီ ပြေးဝင်တိုက်ခိုက်လိုက်ကြသည်။</p> <p> </p> <p> </p> <p>အနက်ရောင်ဖန်းငှက်ကြီး အပါအဝင် ဟင်းလင်းပြင်သားရဲဘုရင် လေးကောင်၏ ဝိုင်းရံ တိုက်ခိုက်မှုကို ရင်ဆိုင်ရသော်လည်း ဝူကျန့်ထျန်းသည် အနည်းငယ်မျှပင် နောက်ဆုတ်သွားခြင်း မရှိခဲ့ပေ။</p> <p> </p> <p> </p> <p>သူက လျှို့ဝှက်နည်းစနစ်ကို အသုံးပြုလိုက်ပြီး သူ၏ ခွန်အားကို အစွမ်းကုန် မြှင့်တင်ကာ ဟင်းလင်းပြင် သားရဲဘုရင် လေးကောင်နှင့် တိုက်ခိုက်လိုက်၏။</p> <p> </p> <p> </p> <p>“ဝုန်း..”</p> <p> </p> <p> </p> <p>“ဝုန်း..”</p> <p> </p> <p> </p> <p>“ဝုန်း..”</p> <p> </p> <p> </p> <p>လူတစ်ယောက်နှင့် သားရဲလေးကောင်သည် လေထုထဲတွင် အဆက်မပြတ် တိုက်ခိုက်နေခဲ့ကြပြီး ကောင်းကင်ယံ တစ်ခုလုံးကို တစ်ခဏအတွင်းမှာပင် ပရမ်းပတာ ဖြစ်သွားစေခဲ့သည်။</p> <p> </p> <p> </p> <p>နတ်ဘုရင် နဝမအဆင့်ထက် မနိမ့်ကျသည့် ဟင်းလင်းပြင် သားရဲဘုရင် လေးကောင်၏ တိုက်ခိုက်မှုအောက်တွင် ဝူကျန့်ထျန်းလို သန်မာသော ကျင့်ကြံသူ ပင်လျှင် အင်အားချင်း မမျှတ၍ အရေးနိမ့်မလို ဖြစ်နေခဲ့၏။</p> <p> </p> <p> </p> <p>အလွန်လျင်မြန်စွာပင် ဝူကျန့်ထျန်းသည် အနက်ရောင်ဖန်းငှက်ကြီး အပါအဝင် ဟင်းလင်းပြင် သားရဲဘုရင်လေးကောင်၏ ဝိုင်းရံတိုက်ခိုက်မှုအောက်တွင် အရေးနိမ့်လာခဲ့ပြီး အန္တရာယ်ရှိသော အခြေအနေသို့ ရောက်ရှိသွားခဲ့သည်။</p> <p> </p> <p> </p> <p>“စီနီယာဝူက အချိန်အကြာကြီး မတောင့်ခံနိုင်လောက်တော့ဘူး.. ငါတို့ သွားကူညီကြစို့”</p> <p> </p> <p> </p> <p>ရှေးဟောင်းနတ်ဖီးနစ် မျိုးနွယ်စုမှ နတ်ဘုရင် နဝမအဆင့် ကျင့်ကြံသူက မိုင်ပေါင်း‌ထောင်ချီ အကွာအဝေးရှိ တိုက်ပွဲကို လေးနက်သော အမူအရာဖြင့် ကြည့်ရင်း ပြောလိုက်သည်။</p> <p> </p> <p> </p> <p>ထိုစကားကိုကြားလျှင် ဓားတစ်သောင်း သူတော်စင်ဂိုဏ်းမှ တခြားသော နတ်ဘုရင် နဝမအဆင့် ကျင့်ကြံသူက အနည်းငယ် တုံ့ဆိုင်းသော အမူအရာဖြင့် ပြောလိုက်သည်။</p> <p> </p> <p> </p> <p>“စီနီယာဝူက ငါတို့ကို ဆုတ်ခွာဖို့ အမိန့်ပေးထားတယ်.. ငါတို့သာ အခုနေ ထွက်မသွားဘူးဆိုရင် ထွက်သွားဖို့ အခွင့်အရေး ရှိတော့မှာ မဟုတ်ဘူး”</p> <p> </p> <p> </p> <p>“စီနီယာဝူက နတ်ဘုရားနယ်မြေရဲ့ အင်အားအကြီးဆုံး နတ်ဘုရင်တွေထဲက တစ်ယောက်ပဲ.. တကယ်လို့ သူသာ ကျဆုံးသွားခဲ့ရင် ငါတို့ အလယ်ပိုင်းဒေသကို ဆုတ်ခွာသွားလည်း ဘာမှထူးမှာ မဟုတ်ဘူး”</p> <p> </p> <p> </p> <p>ရှေးဟောင်းနတ်ဖီးနစ် မျိုးနွယ်စုမှ နတ်ဘုရင် နဝမအဆင့်ကျင့်ကြံသူက နှာခေါင်းရှုံကာ အေးစက်စက် ပြောလိုက်သည်။</p> <p> </p> <p> </p> <p>“ဒါဆို မင်းက ကျင့်ကြံသူတွေကို ဦးဆောင်ပြီး အလယ်ပိုင်းဒေသဆီ ဆုတ်ခွာပါ.. ငါကတော့ စီနီယာဝူကို ကူညီဖို့ နေခဲ့မယ်”</p> <p> </p> <p> </p> <p>ထိုစကားကို ပြောပြီးသည်နှင့် ရှေးဟောင်းနတ်ဖီးနစ် မျိုးနွယ်စုမှ ကျင့်ကြံသူသည် တိုက်ပွဲထဲသို့ ဝင်ရောက်ရန် ပြင်လိုက်သည်။</p> <p> </p> <p> </p> <p>သို့သော်လည်း ရှေးဟောင်း နတ်ဖီးနစ် မျိုးနွယ်စုမှ ကျင့်ကြံသူ မလှုပ်ရှားရသေးခင်မှာပင် ကောင်းကင်နှင့် မြေကြီးကိုပင် ဖောက်ထွင်းနိုင်လောက်သည့် တောက်ပသော ဓားအလင်းတန်း တစ်ခုသည် ကောင်းကင်ယံကနေ ပေါက်ကွဲထွက်လာခဲ့ပြီး အနက်ရောင်ဖန်းငှက်ကြီးက ဝူကျန့်ထျန်းကို တိုက်ခိုက်လိုက်သည့် ဖျက်ဆီးခြင်း စွမ်းအားများကို ချေမှုန်းပစ်လိုက်သည်။</p> <p> </p> <p> </p> <p>အနက်ရောင်ဖန်းငှက်ကြီး၏ ကြီးမားသော မျက်ဝန်းများသည် ရုတ်တရက် ကျုံ့သွားခဲ့ပြီး ရွှေရောင်ဓားအလင်း ထွက်ပေါ်လာသော နေရာဆီသို့ အကြည့် ရောက်သွားခဲ့၏။</p> <p> </p> <p> </p> <p>ထိုအခါ ပုံရိပ်နှစ်ခုကို သူမြင်လိုက်ရသည်။</p> <p> </p> <p> </p> <p>ယင်းမှာ လူတစ်ယောက်နှင့် သားရဲတစ်ကောင် ဖြစ်သည်။</p> <p> </p> <p> </p> <p>“ကျန်းချန်က ဘယ်လိုဖြစ်ပြီး ဒီကိုရောက်လာတာလဲ”</p> <p> </p> <p> </p> <p>ရုတ်တရက် ပေါ်လာသော ကျန်းချန်ကို မြင်လျှင် ဝူကျန့်ထျန်းသည် အနည်းငယ် မှင်တက်သွားခဲ့သည်။</p> <p> </p> <p> </p> <p>‌ရှေးဟောင်းနတ်ဖီးနစ်မျိုးနွယ်စုမှ ကျင့်ကြံသူ၏ အိုမင်းသောမျက်ဝန်းထဲတွင်လည်း ဝမ်းသာသော အရိပ်အယောင်များ ဖြစ်ပေါ်လာခဲ့၏။</p> <p> </p> <p> </p> <p>လူသားဧကရာဇ်နန်းတော်မှ လူသားဧကရာဇ် ကျန်းချန်သည် ခေတ်တစ်ခေတ်ကို လွှမ်းမိုးနိုင်သည့် အနှိုင်းမဲ့ပါရမီရှင် တစ်ယောက် ဖြစ်သည်။</p> <p> </p> <p> </p> <p>လူသားဧကရာဇ်၏ ကျင့်ကြံခြင်း အဆင့်သည် မမြင့်မားသေးသော်လည်း တိုက်ခိုက်‌‌ရေးစွမ်းရည်ကမူ နတ်ဘုရင်နဝမအဆင့်နှင့်ပင် ယှဥ်နိုင်စွမ်းရှိ၏။</p> <p> </p> <p> </p> <p>ထို့အပြင် လူသားဧကရာဇ်သည် နတ်ဘုရင် နဝမအဆင့်ထက် အင်အား မနိမ့်ကျသည့် ဟင်းလင်းပြင်သားရဲဘုရင် တစ်ကောင်ကို အညံ့ခံစေခဲ့ပုံရသည်။</p> <p> </p> <p> </p> <p>လူသားဧကရာဇ် ကျန်းချန်နှင့် ဟင်းလင်းပြင် သားရဲဘုရင်တို့၏ အင်အားဖြင့် ပူးပေါင်းလိုက်လျှင် သူတို့ ရှေ့မှ ဟင်းလင်းပြင် သားရဲများကို ယှဥ်နိုင်လိမ့်မည် မဟုတ်ပါလား။</p> <p> </p> <p> </p> <p>“စီနီယာဝူ အဆင်ပြေရဲ့လား”</p> <p> </p> <p> </p> <p>ကျန်းချန်က ခပ်ယဲ့ယဲ့ပြုံးကာ မေးလိုက်သည်။</p> <p> </p> <p> </p> <p>“စိတ်မပူပါနဲ့ ငါမသေသေးပါဘူး.. မင်းရောက်လာပြီ ဆိုမှတော့ မြန်မြန်ဆန်ဆန်ပဲ လက်စဖြတ်လိုက်ကြစို့”</p> <p> </p> <p> </p> <p>ထိုစကားကို ပြောလိုက်ပြီးနောက်တွင် ဝူကျန့်ထျန်း၏ အကြည့်သည် ဟင်းလင်းပြင်သားရဲဘုရင် တစ်ကောင်ဆီသို့ ရောက်ရှိသွားခဲ့ပြီး ချက်ချင်းဆိုသလိုပင် ထို ဟင်းလင်းပြင်သားရဲဘုရင်ကို တိုက်ခိုက်လိုက်သည်။</p> <p> </p> <p> </p> <p>ဤတစ်ကြိမ် ထွက်သွားပြီးနောက်တွင် ကျန်းချန်၏ ခွန်အားက များစွာတိုးတက်လာသည်ဟု သူခံစားမိခဲ့၏။</p> <p> </p> <p> </p> <p>ကျန်းချန်၏ ကျင့်ကြံခြင်း အဆင့်သည် နတ်ဘုရင်သတ္တမအဆင့် အထိပင် ရောက်ရှိနေခဲ့ပြီ ဖြစ်သည်။</p> <p> </p> <p> </p> <p>ကျန်းချန်၏ ပါရမီအရ ဆိုလျှင် လက်ရှိ တိုက်ခိုက်ရေးစွမ်းအားသည် သူ့ထက်ပင် မနိမ့်ကျလောက်တော့ပေ။</p> <p> </p> <p> </p> <p>ထို့အပြင် ကျန်းချန်ကို အညံ့ခံထားသည့် ဟင်းလင်းပြင်သားရဲဘုရင်ဖြင့် ပေါင်းစပ်လိုက်လျှင် သူတို့တွင် တိုက်ပွဲဝင်နိုင်သည့် စွမ်းအား ရှိနေခဲ့ပြီ မဟုတ်ပါလား။</p> <p> </p> <p> </p> <p>သို့သော်လည်း သူ အသုံးပြုထားသည့် လျှို့ဝှက်နည်းစနစ်သည် အချိန်ကြာမြင့်စွာ ခံနိုင်မည် မဟုတ်သောကြောင့် ထိုလျှို့ဝှက်နည်းစနစ်၏ စွမ်းအားမကုန်ဆုံးခင် ဟင်းလင်းပြင် သားရဲဘုရင် လေးကောင်ကို အလျင်အမြန် အနိုင်ယူရပေလိမ့်မည်။</p> <p> </p> <p> </p> <p>“စီနီယာဝူနဲ့ လူသားဧကရာဇ်.. ဟင်းလင်းပြင် သားရဲဘုရင် တစ်ကောင်ကို ငါတာဝန်ယူလိုက်မယ်”</p> <p> </p> <p> </p> <p>ထိုအချိန်မှာပင် ရှေးဟောင်းနတ်ဖီးနစ် မျိုးနွယ်စုမှ နတ်ဘုရင်နဝမအဆင့် ကျင့်ကြံသူသည် ချင်းလွမ် မျိုးနွယ်စုထဲကနေ တစ်ခဏအတွင်း ထွက်ပေါ်လာခဲ့ပြီး ဟင်းလင်းပြင် သားရဲဘုရင် တစ်ကောင်ကို တိုက်ရိုက်ပင် သွားရောက်တိုက်ခိုက်လိုက်၏။</p> <p> </p> <p> </p> <p>“နဂါးနက်.. မင်းက အဲဒီ အနက်ရောင်ဖန်းငှက်ကို သွားထိန်းထားလိုက်”</p> <p> </p> <p> </p> <p>ကျန်းချန်က သူ့နံဘေးမှ ဟင်းလင်းပြင် သားရဲဘုရင်ကို အမိန့်ပေးလိုက်ပြီး သူကမူ ဟင်းလင်းပြင် သားရဲဘုရင် တစ်ကောင်ကို ချက်ချင်းဆိုသလို သွားရောက် တိုက်ခိုက်လိုက်သည်။</p> <p> </p> <p> </p> <p>သူ့ရှေ့မှ ဟင်းလင်းပြင်သားရဲဘုရင် လေးကောင်ထဲတွင် အင်အားအကြီးဆုံးမှာ သံသယဖြစ်စရာမရှိ အနက်ရောင်ဖန်းငှက်ကြီးပင် ဖြစ်သည်။</p> <p> </p> <p> </p> <p>ကျန်းချန်က နဂါးနက်ကို အနက်ရောင် ဖန်းငှက်ကြီးအား  ထိန်းထားခိုင်းပြီး ကျန် ဟင်းလင်းပြင် သားရဲဘုရင် သုံးကောင်ကို အရင်ရှင်းပစ်ရန် ရည်ရွယ်ထားခဲ့သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>“ဝုန်း..”</p> <p> </p> <p> </p> <p>“ဝုန်း..”</p> <p> </p> <p> </p> <p>ကျန်းချန်တို့ လူသားသုံးယောက်နှင့် ဟင်းလင်းပြင် သားရဲဘုရင် ငါးကောင်သည် လေထုထဲတွင် အပြင်းအထန်တိုက်ခိုက်နေကြရာ ကြောက်မက်ဖွယ်ရာ ကောင်းသော စွမ်းအင်လှိုင်း ရိုက်ခတ်မှုများသည် ကောင်းကင်ယံရှိ မိုင်ပေါင်းထောင်ချီ ဧရိယာကို တစ်ခဏအတွင်းမှာပင် ပရမ်းပတာ ဖြစ်သွားစေခဲ့သည်။</p> <p> </p> <p> </p> <p>ကျန်းချန်က အင်မော်တယ်ဖျက်ဆီးခြင်း ဓားသိုင်းကို အစွမ်းကုန် အသုံးပြုလိုက်ပြီး ဓားချက် တစ်ချက်တည်းဖြင့်ပင် ဝံပုလွေ အသွင်အပြင်ရှိသည့် ဟင်းလင်းပြင်သားရဲဘုရင်ကို ပိုင်းဖြတ်လိုက်သည်။</p> <p> </p> <p> </p> <p>ထိုဝံပုလွေ အသွင်အပြင်နှင့် ဟင်းလင်းပြင်သားရဲသည် နတ်ဘုရင်အဆင့်နှင့် ယှဥ်နိုင်သည့် ခွန်အားရှိသော်လည်း နတ်ဘုရင် အစောပိုင်းအဆင့်နှင့်သာ ညီမျှသည်။</p> <p> </p> <p> </p> <p>ကျန်းချန်၏ လက်ရှိ ကျင့်ကြံခြင်းအဆင့်ဖြင့် အင်မော်တယ်ဖျက်ဆီးခြင်း ဓားသိုင်းကို အစွမ်းကုန် အသုံးပြုလိုက်သောအခါတွင် ထို ဟင်းလင်းပြင် သားရဲဘုရင်သည် လုံးဝ ခုခံနိုင်စွမ်းမရှိဘဲ မျက်စိတစ်မှိတ် အတွင်း ပေပေါင်းထောင်ချီ အကွာအဝေး အထိ လွင့်ထွက်သွားခဲ့သည်။</p> <p> </p> <p> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">အခန်း(၂၄၆၁)ပြီး၏။</p> <p style="text-align: center;">***</p> <p> </p>


Save