Book List

<h2 style="text-align: center;">အခန်း(၂၄၆၃)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>ဟင်းလင်းပြင်ဝေလငါးဘုရင်၏ ဦးဆောင်မှုအောက်တွင် ရှိသည့် ဟင်းလင်းပြင် သားရဲများသည် လိမ္မာပါးနပ်စွာဖြင့် အညံ့ခံရန် ရွေးချယ်ခဲ့ကြသည်။</p> <p> </p> <p> </p> <p>ဟင်းလင်းပြင် ဝေလငါးဘုရင်က တုံ့ဆိုင်းမနေတော့ဘဲ ပတ်ဝန်းကျင်မှ ဟင်းလင်းပြင် သားရဲများကို တိုက်ရိုက်ပင် အမိန့်ပေးလိုက်သည်။</p> <p> </p> <p> </p> <p>တစ်ခဏအတွင်းမှာပင် မရေမတွက်နိုင်သည့် ဟင်းလင်းပြင်သားရဲများသည် သေသူသေ၊ ပြေးသူပြေး နှင့် အညံ့ခံသူ အညံ့ခံ ဖြစ်ကုန်ကြသည်။</p> <p> </p> <p> </p> <p>အရှေ့ဘက်ဒေသကို အလွန်စိုးရိမ်ရသည့် အခြေအနေအထိရောက်အောင် ဒုက္ခပေးခဲ့သည့် ဟင်းလင်းပြင်သားရဲ ပြဿနာသည် ကျန်းချန်၏ အကူအညီဖြင့် အလွယ်တကူပင် ပြေလည်သွားခဲ့သည်။</p> <p> </p> <p> </p> <p>အရှေ့ဘက်ဒေသ၏ အကျပ်အတည်းကို ဖြေရှင်းပြီးနောက်တွင် ကျန်းချန်သည် တစ်ခြား နယ်မြေနှစ်ခု၏ အခြေအနေကို သိရှိရန် သူ့ဖခင်ကျန်းဝူရဆီ ဆက်သွယ်လိုက်သည်။</p> <p> </p> <p> </p> <p>အနောက်ဘက်ဒေသကမူ အုပ်စိုးသူ အဆင့်အောက်တွင် ပြိုင်ဘက်ကင်း ဖြစ်သည့် မင်ယွဲ့ရှင်း ရှိနေသောကြောင့် ဟင်းလင်းပြင် သားရဲများကို အနိုင်ယူနိုင်ခဲ့ပြီး ၎င်းတို့ကို နောက်ဆုတ်သွားအောင် လုပ်ရန် မည်သည့် ပြဿနာမှ မရှိခဲ့ပေ။</p> <p> </p> <p> </p> <p>တောင်ဘက်ဒေသရှိ ဆရာသခင်စန်းမင် ဦးဆောင်သော အဖွဲ့ကမူ ဟင်းလင်းပြင် သားရဲများ၏ တိုက်ခိုက်မှုအောက်တွင် အန္တရာယ် ရှိနေခဲ့၏။</p> <p> </p> <p> </p> <p>သို့သော်လည်း သေရေးရှင်ရေး အချိန်တွင် လျှို့ဝှက်ဆန်းကြယ်သည့် လူငယ်တစ်ယောက် ပေါ်ထွက်လာခဲ့ပြီး နတ်ဘုရင် နဝမအဆင့်နှင့် ယှဥ်နိုင်သည့် ဟင်းလင်းပြင်သားရဲဘုရင် နှစ်ကောင်ကို သတ်ဖြတ်ကာ ဆရာသခင်စန်းမင် တို့ကို အရှုံးကနေ ပြန်လည် နာလန်ထူလာနိုင်သည် အထိ အကူအညီပေးခဲ့သည်။</p> <p> </p> <p> </p> <p>နယ်မြေနှစ်ခု၏ အခြေအနေကို ကြားပြီးနောက်တွင် ကျန်းချန်သည် သက်ပြင်းတစ်ချက် ချလိုက်သည်။</p> <p> </p> <p> </p> <p>နတ်ကုန်းမြေတိုက်တွင် ရှိသည့် ဟင်းလင်းပြင်သားရဲ ပြဿနာသည် ပြေလည်သွားခဲ့ပြီ ဖြစ်သည်။</p> <p> </p> <p> </p> <p>နတ်ကုန်းမြေတိုက်၏ အပြင်ဘက်ရှိ နယ်မြေများ ပေါင်းစပ်ပြီးနောက် ပေါ်ပေါက်လာသည့် ဟင်းလင်းပြင် သားရဲများကို ကျန်းချန်သည် လောလောဆယ်တွင် ဂရုစိုက်ရန် အချိန်မရှိသေးပေ။</p> <p> </p> <p> </p> <p>ရှေးခေတ်ကာလက ကပ်ဘေးကြောင့် နတ်ဘုရားနယ်မြေ ပျက်စီးသွားပြီးနောက်တွင် ထာဝရ ဟင်းလင်းပြင်ထဲတွင် ဖြစ်ပေါ်လာသည့် နယ်မြေများသည် သန်းပေါင်းများစွာ ရှိ၏။</p> <p> </p> <p> </p> <p>သူ့အနေဖြင့် အကူအညီပေးချင်လျှင်ပင် တစ်ခဏအတွင်း ဖြစ်နိုင်လိမ့်မည် မဟုတ်ပေ။</p> <p> </p> <p> </p> <p>နောက်ထပ် ရက်အနည်းငယ်အတွင်း ကျန်းချန်တို့သည် အရှေ့ဘက်ဒေသ၏ အခြေအနေကို တည်ငြိမ်အောင် လုပ်ဆောင်ပေးခဲ့ပြီး အနောက်ဘက်ဒေသနှင့် တောင်ဘက်ဒေသကို တိုက်ရိုက်ပင် သွားရောက်ခဲ့ကာ နယ်မြေ နှစ်ခုလုံးရှိ ဟင်းလင်းပြင် သားရဲများကို လျှပ်စီးကဲ့သို့ အရှိန်အဟုန်ဖြင့် အလျင်အမြန် သုတ်သင်ပစ်လိုက်သည်။</p> <p> </p> <p> </p> <p>ကျန်းချန်တို့လူစု ဟင်းလင်းပြင် သားရဲများကို နှိမ်နင်းနေသည့်အချိန်မှာပင် နတ်ဘုရားနယ်မြေသည် ကြီးမားသော အပြောင်းအလဲကို နောက်တစ်ကြိမ် ကြုံတွေ့ခဲ့ရသည်။</p> <p> </p> <p> </p> <p>အဆက်မပြတ် ပေါင်းစည်းနေသည့် ထောင်ချီသော နယ်မြေများသည် အဆုံးသတ်တွင် တစ်ခုတည်း အဖြစ်သို့ ပေါင်းစည်းသွားခဲ့သည်။</p> <p> </p> <p> </p> <p>ထိုအချိန်တွင် နှိုင်းယှဥ်၍ မရလောက်အောင် ဆန်းကြယ်သော စွမ်းအားတစ်ခုသည် နတ်ဘုရားနယ်မြေ တစ်ခုလုံးကို ပျံ့နှံ့သွားခဲ့၏။</p> <p> </p> <p> </p> <p>ထိုစွမ်းအား၏ လွှမ်းမိုးမှုအောက်တွင် ကျန်းချန်သည် သူ၏  ကျင့်ကြံခြင်း အရှိန်အဟုန်က တစ်ခဏအတွင်းမှာပင် ဆယ်ဆခန့် မြင့်တက်လာသည်ဟု ခံစားလိုက်ရသည်။</p> <p> </p> <p> </p> <p>ကျင့်ကြံမှုတွင် အဆင့်မတက်နိုင်ဘဲ ပိတ်မိနေကြသည့် ကျင့်ကြံသူတချို့ပင်လျှင် အဆင့်တက်သွားကြသည်။</p> <p> </p> <p> </p> <p>နတ်ဘုရားနယ်မြေ တစ်ခုလုံးတွင် နတ်ဘုရင်ကပ်ဘေးများသည် အဆက်မပြတ် ပေါ်ပေါက်လာခဲ့၏။</p> <p> </p> <p> </p> <p>ရက်အနည်းငယ် အတွင်းမှာပင် နတ်ဘုရားနယ်မြေရှိ နတ်ဘုရင် အရေအတွက်သည် များစွာ တိုးတက်လာခဲ့သည်။</p> <p> </p> <p> </p> <p>ဆရာသခင်စန်းမင်နှင့် ဝူကျန့်ထျန်း တို့ကဲ့သို့ နတ်ဘုရင်နဝမအဆင့် အထွတ်အထိပ် ကျင့်ကြံသူများသည် တိမ်တိုက်ကြားမှ ကောင်းကင်ပြာကို မြင်လိုက်ရသကဲ့သို့ အုပ်စိုးသူ အဆင့်၏ စွမ်းအားကို မရေမရာ ထိတွေ့နိုင်ခဲ့သည်။</p> <p> </p> <p> </p> <p>ဆိုရလျှင် ၎င်းတို့သည် ခြေလှမ်းတစ်ဝက် အုပ်စိုးသူအဆင့်ကို ရောက်ရှိသွားခဲ့ပြီ ဖြစ်သည်။</p> <p> </p> <p> </p> <p>ခြေလှမ်းတစ်ဝက် အုပ်စိုးသူအဆင့်ကို ရောက်ရှိနေသည့် မင်ယွဲ့ရှင်းကမူ အုပ်စိုးသူအဆင့်ကို တက်လှမ်းရန် အတွက် တံခါးပိတ် ကျင့်ကြံမှုကို စတင်ခဲ့သည်။</p> <p> </p> <p> </p> <p>ကောင်းကင်လမ်းစဥ် ပြန်လည် နာလန်ထူလာသည်နှင့် အမျှ အကွဲကွဲအပြားပြား ဖြစ်နေသော နတ်ဘုရားနယ်မြေမှ နယ်မြေများသည် တစ်ခုတည်းအဖြစ် ပေါင်းစပ်သွားခဲ့သည်။</p> <p> </p> <p> </p> <p>နတ်ဘုရားနယ်မြေ၏ သိုင်းပညာ ယဥ်ကျေးမှုသည်လည်း ရှေးခေတ်ကာလကို ပြန်ရောက်သွားသကဲ့သို့ပင် လျင်မြန်စွာ ထွန်းကားလာခဲ့၏။</p> <p> </p> <p> </p> <p>နတ်ဘုရားနယ်မြေ၏ ခွန်အားများ လျင်မြန်စွာ တိုးတက်လာသည်နှင့်အမျှ ဟင်းလင်းပြင် သားရဲများကြောင့် ရှုပ်ထွေးနေသော နေရာများသည် တဖြည်းဖြည်း တည်ငြိမ်လာခဲ့ပြီး နတ်ဘုရားနယ်မြေ တစ်ခုလုံး၏ အခြေအနေသည်လည်း အလွန်တရာ ကောင်းမွန်လာခဲ့သည်။</p> <p> </p> <p> </p> <p>နတ်ဘုရားနယ်မြေ၏ အခြေအနေ တည်ငြိမ်သွားပြီးနောက်တွင် ကျန်းချန်သည် ထာဝရရှင်သန်ခြင်း နန်းတော် ဆီသို့ ပြန်လာခဲ့ပြီး တံခါးပိတ် ကျင့်ကြံမှုကို စတင်ခဲ့သည်။</p> <p> </p> <p> </p> <p>မည်သို့ပင်ဖြစ်စေကာမူ နတ်ဘုရားနယ်မြေ၏ လက်ရှိအခြေအနေသည် အလွန်တရာ ကောင်းမွန်သည်ဟု ဆို၍ရသော်လည်း တစ်ချိန်က နတ်ဘုရားနယ်မြေကို ကျူးကျော်ခဲ့သည့် အင်မော်တယ် ကျင့်ကြံခြင်း စကြဝဠာသည် အချိန်မရွေး ပြန်လည် တိုက်ခိုက်လာနိုင်ခြေ ရှိသည်။</p> <p> </p> <p> </p> <p>ထို့အပြင် အင်မော်တယ်လောကမှ ပုဂ္ဂိုလ်ကြီးများသည် ထာဝရရှင်သန်ခြင်း အင်မော်တယ်ဘုရင်၏ တည်ရှိမှုကြောင့် နတ်ဘုရားနယ်မြေဆီ နောက်တစ်ကြိမ် လူလွှတ်ရန်လည်း အလွန်တရာ ဖြစ်နိုင်ခြေ ရှိ၏။</p> <p> </p> <p> </p> <p>အင်မော်တယ် ကျင့်ကြံခြင်း စကြဝဠာဖြစ်စေ၊ အင်မော်တယ်လောက ဖြစ်စေ နတ်ဘုရားနယ်မြေကို ရောက်လာသည်နှင့် သူတို့ နတ်ဘုရားနယ်မြေ အတွက် သေစေနိုင်လောက်သော ခြိမ်းခြောက်မှု ဖြစ်လာပေလိမ့်မည် မဟုတ်ပါလား။</p> <p> </p> <p> </p> <p>ထို့ကြောင့် ကျန်းချန်သည် နောက်ထပ် ဖြစ်လာနိုင်သည့် ဘေးအန္တရာယ်ကို ရင်ဆိုင်ရန်အတွက် အချိန်တိုအတွင်း ခွန်အားကို အလျင်အမြန် မြှင့်တင်ရန် ဆုံးဖြတ်ခဲ့သည်။</p> <p> </p> <p> </p> <p>ခွန်အားကို လျင်မြန်စွာ မြှင့်တင်ဖို့အတွက် ဆိုလျှင် ထာဝရရှင်သန်ခြင်း နန်းတော်သည် အလွန်တရာကောင်းမွန်သော  နေရာတစ်ခု ဖြစ်သည်မှာ သံသယဖြစ်စရာမရှိပေ။</p> <p> </p> <p> </p> <p>နတ်ဘုရားနယ်မြေ၏ ကောင်းကင်လမ်းစဥ် ပြန်လည် နာလန်ထူလာပြီးနောက်တွင် နတ်ဘုရားနယ်မြေမှ ကောင်းကင်နှင့်မြေကြီး၏ စွမ်းအားများသည် ကျင့်ကြံသူများ ကျင့်ကြံရန်အတွက် ဆယ်ဆမက တိုးတက်လာသော်လည်း ထာဝရရှင်သန်ခြင်း အင်မော်တယ်ဘုရင်၏ ထာဝရရှင်သန်ခြင်းနန်းတော်နှင့်မူ နှိုင်းယှဥ်၍ မရသေးပေ။</p> <p> </p> <p> </p> <p>ကျန်းချန်သာ ထာဝရရှင်သန်ခြင်း နန်း‌တော်တွင် အဆ ၁၀၀ စနစ်၏ အကူအညီဖြင့် ကျင့်ကြံမည် ဆိုလျှင် သူ၏ ကျင့်ကြံခြင်း အဆင့် တိုးတက်မှုနှုန်းသည် အလွန်တရာ ကြောက်မက်ဖွယ်ရာ ကောင်းသော အရှိန်အဟုန်သို့ ရောက်ရှိသွားမည်မှာ  သေချာသလောက်ပင်။</p> <p> </p> <p> </p> <p>တစ်နှစ်အကြာတွင် ကျန်းချန်သည် နတ်ဘုရင် သတ္တမအဆင့်ကနေ အဋ္ဌမအဆင့် အထိ ထိုးဖောက်သွားခဲ့သည်။</p> <p> </p> <p> </p> <p>သုံးနှစ်အကြာတွင်မူ ကျန်းချန်သည် နောက်ထပ်တစ်ကြိမ် အဆင့်တက်နိုင်ခဲ့ပြီး နတ်ဘုရင် နဝမအဆင့်ကို ချောမွေ့စွာ ထိုးဖောက်နိုင်ခဲ့၏။</p> <p> </p> <p> </p> <p>နတ်ဘုရင် နဝမအဆင့်ကို ထိုးဖောက်ပြီးနောက်တွင် ကျန်းချန်၏ တိုက်ခိုက်ရေးစွမ်းရည်သည် အလွန်တရာ ကြောက်မက်ဖွယ်ရာကောင်းသော အဆင့်ကို ရောက်ရှိသွားခဲ့သည်။</p> <p> </p> <p> </p> <p>ဆိုရလျှင် ခြေလှမ်းတစ်ဝက် အုပ်စိုးသူအဆင့် ဖြစ်သည့် မင်ယွဲ့ရှင်း ကဲ့သို့ အနှိုင်းမဲ့ပုဂ္ဂိုလ်က လွဲလျှင် နတ်ဘုရားနယ်မြေတွင် သူ့ကို ယှဥ်နိုင်သူမှာ မရှိသလောက်ပင်။</p> <p> </p> <p> </p> <p>နတ်ဘုရင် နဝမအဆင့်ကို ထိုးဖောက်ပြီး သိပ်မကြာခင်မှာပင် ကျန်းချန်သည် သူ့ဖခင်ကျန်းဝူရ ဆီကနေ သတင်းပေးပို့မှု တစ်ခုကို လက်ခံရရှိခဲ့သည်။</p> <p> </p> <p> </p> <p>ထိုသတင်းမှာ လနတ်နန်းတော်၏ နန်းတော်သခင်မ ဖြစ်သည့် မင်ယွဲ့ရှင်းသည် အုပ်စိုးသူအဆင့်ကို အောင်မြင်စွာ တက်လှမ်းနိုင်ခဲ့သော သတင်း ဖြစ်၏။</p> <p> </p> <p> </p> <p>ဤသည်မှာ လူသားဧကရာဇ် ကျန်းချင်းထျန်း ပြီးလျှင် နတ်ဘုရားနယ်မြေ၏ မဟာကပ်ဘေးကြီး ပြီးနောက်တွင် ပထမဆုံး ပေါ်ထွက်လာသည့် အုပ်စိုးသူအဆင့် ကျင့်ကြံသူလည်း ဖြစ်သည်။</p> <p> </p> <p> </p> <p>ထိုသတင်းကို ရရှိပြီးနောက်တွင် ကျန်းချန်သည် တံခါးပိတ်ကျင့်ကြံမှုကို အဆုံးသတ်လိုက်ပြီး လနတ်နန်းတော် ဆီသို့ ဂုဏ်ပြုရန် သွားရောက်ခဲ့သည်။</p> <p> </p> <p> </p> <p>ယနေ့တွင် နတ်ဘုရားနယ်မြေရှိ ထိပ်တန်း အင်အားစုများမှ အစွမ်းထက် ကျင့်ကြံသူများသည် အုပ်စိုးသူအဆင့်ကို တက်လှမ်းနိုင်ခဲ့သည့် မင်ယွဲ့ရှင်းကို ဂုဏ်ပြုရန် လနတ်နန်းတော်သို့ ရောက်ရှိနေခဲ့ကြသည်။</p> <p> </p> <p> </p> <p>“စီနီယာမင်ယွဲ့.. နတ်ဘုရားနယ်မြေရဲ့ တစ်ဦးတည်းသော အုပ်စိုးသူအဆင့် ကျင့်ကြံသူ ဖြစ်လာတဲ့ အတွက် ဂုဏ်ပြုပါတယ်”</p> <p> </p> <p> </p> <p>လူသားဧကရာဇ်တစ်ယောက် အနေဖြင့် ကျန်းချန်သည် လနတ်နန်းတော်၏ နွေးထွေးသော ဧည့်ခံမှုကို ရရှိခဲ့ပြီး မင်ယွဲ့ရှင်းနှင့် တစ်ယောက်ချင်း တွေ့ဆုံခွင့်ရခဲ့သည်။</p> <p> </p> <p> </p> <p>“နတ်ဘုရားနယ်မြေက ‌‌ရှေးခေတ်ကာလက အခြေအနေကို ပြန်ရောက်သွားတာကြောင့် အုပ်စိုးသူအဆင့် ကျင့်ကြံသူ တစ်ယောက် မွေးဖွားပေးဖို့ မခက်ခဲတော့ပါဘူး.. ‌နောက်ထပ် အုပ်စိုးသူအဆင့် ကျင့်ကြံသူတွေ ထွက်ပေါ်လာဖို့က သိပ်မလိုတော့ဘူးလို့ ငါထင်တယ်”</p> <p> </p> <p> </p> <p>မင်ယွဲ့ရှင်းက လှပသော မျက်ဝန်းလေးများဖြင့် ကျန်းချန်၏ ခန္ဓာကိုယ်ကို ဝေ့ကြည့်လိုက်ပြီးနောက်တွင် တည်ငြိမ်စွာ ပြောလိုက်သည်။</p> <p> </p> <p> </p> <p>“မင်းအပါအဝင် စန်းမင်နဲ့ ဝူကျန့်ထျန်းတို့က အုပ်စိုးသူအဆင့်ကို ထိုးဖောက်ဖို့ဆိုတာ အချိန်တစ်ခုပဲ လိုပါတော့တယ်”</p> <p> </p> <p> </p> <p>“စီနီယာမင်ယွဲ့.. နတ်ဘုရားနယ်မြေမှာ ကျင့်ကြံခြင်းလမ်းစဥ်သုံးထောင် ရှိပြီး လမ်းစဥ်တစ်ခုချင်းစီမှာ အုပ်စိုးသူအဆင့် တစ်ယောက်ပဲ ပေါ်ထွက်နိုင်တယ်လို့ ကျွန်တော် သိထားတယ်.. အဲဒါ တကယ်ပဲလား”</p> <p> </p> <p> </p> <p>ကျန်းချန်က အနည်းငယ် စဥ်းစားလိုက်ပြီး အလွန်တရာအရေးကြီးသည့် မေးခွန်း တစ်ခုကို တိုက်ရိုက်ပင် မေးလိုက်သည်။</p> <p> </p> <p> </p> <p>အကယ်၍ ထိုအတိုင်းသာဆိုလျှင် နတ်ဘုရားနယ်မြေတွင် ဓားလမ်းစဥ် အထူးပြုသည့် အုပ်စိုးသူအဆင့် ကျင့်ကြံသူသာ ပေါ်ထွက်လာခဲ့လျှင် ထိုဓားလမ်းစဥ် အုပ်စိုးသူ ကျဆုံး မသွားမချင်း သူ့အနေဖြင့် အုပ်စိုးသူ အဆင့်ကို ထိုးဖောက်ရန် ခက်ခဲပေလိမ့်မည် မဟုတ်ပါလော။</p> <p> </p> <p> </p> <p>“နတ်ဘုရားနယ်မြေရဲ့ ရှေးခေတ်ကာလတုန်းက ဆိုရင်တော့ ဒါက အမှန်ပဲ.. ဘာလို့လဲဆိုတော့ အဲဒီအချိန်က နတ်ဘုရားနယ်မြေရဲ့ ကောင်းကင်လမ်းစဥ်မှာ ချို့ယွင်းချက်တွေ ရှိနေတဲ့အတွက် အုပ်စိုးသူအဆင့်ရဲ့ စွမ်းအားတွေ အများကြီးကို သယ်ဆောင်ထားဖို့ ခက်ခဲခဲ့တယ်”</p> <p> </p> <p> </p> <p>မင်ယွဲ့ရှင်းက ခပ်ယဲ့ယဲ့ပြုံးကာ ပြောလိုက်သည်။</p> <p> </p> <p> </p> <p>“ဒါပေမဲ့ အခုတော့ အဲဒီ ပြဿနာအတွက် မင်း စိတ်ပူစရာမလိုတော့ဘူး”</p> <p> </p> <p> </p> <p>ထိုစကားကိုကြားလျှင် ကျန်းချန်၏ မျက်နှာထက်တွင် အံ့ဩထိတ်လန့်သော အမူအရာတစ်ခု ရုတ်တရက် ပေါ်လာခဲ့သည်။</p> <p> </p> <p> </p> <p>“နတ်ဘုရားနယ်မြေက ရှေးခေတ်ကာလထက် ပြီးပြည့်စုံသွားခဲ့ပြီး လမ်းစဥ်တူညီတဲ့ အုပ်စိုးသူအဆင့် ကျင့်ကြံသူ အများအပြားကို တစ်ချိန်တည်းမှာ မွေးဖွားပေးနိုင်ပြီလို့ စီနီယာ ဆိုလိုချင်တာလား”</p> <p> </p> <p> </p> <p>“အမှန်ပဲ.. ငါအုပ်စိုးသူအဆင့်ကို ထိုးဖောက်ပြီးနောက်မှာ နတ်ဘုရားနယ်မြေရဲ့ ကောင်းကင်လမ်းစဥ်က တစ်စုံတစ်ရာရဲ့ စွမ်းအားနဲ့ မြှင့်တင်ခံထားရသလိုမျိုး အရင်က မရှိခဲ့ဘူးတဲ့ အဆင့်ကို ရောက်ရှိနေပြီး ရှေးခေတ်ကာလကထက်တောင် ကျော်လွန်နေတယ်လို့ မရေမရာ ခံစားမိခဲ့တယ်.. ပြောရရင် ယနေ့ခေတ် နတ်ဘုရားနယ်မြေရဲ့ ကောင်းကင်လမ်းစဥ်က အုပ်စိုးသူအဆင့် ကျင့်ကြံသူ အများအပြားကို အပြည့်အဝ ထောက်ပံ့ပေးနိုင်ပါတယ်.. ဒဏ္ဍာရီလာ အင်မော်တယ်အဆင့်ကို ထိုးဖောက်ဖို့တောင်မှ မဖြစ်နိုင်ဘူးလို့ ပြောလို့မရဘူး”</p> <p> </p> <p> </p> <p>မင်ယွဲ့ရှင်းက ခေါင်းမော့ပြီး အဆုံးမဲ့ ဟင်းလင်းပြင်ကို လှမ်းကြည့်ကာ ပြောလိုက်သည်။</p> <p> </p> <p> </p> <p>မင်ယွဲ့ရှင်း၏ စကားကိုကြားလျှင် ကျန်းချန်သည် အံ့ဩတုန်လှုပ်သွားခဲ့၏။</p> <p> </p> <p> </p> <p>နတ်ဘုရားနယ်မြေ၏ ကောင်းကင်လမ်းစဥ်သည် ထာဝရရှင်သန်ခြင်း အင်မော်တယ်ဘုရင်၏ ထာဝရရှင်သန်ခြင်းနန်းတော်တွင် အကျိုးကျေးဇူး အများအပြား ရရှိခဲ့ပုံရ၏။</p> <p> </p> <p> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">အခန်း(၂၄၆၃)ပြီး၏။</p> <p style="text-align: center;"> </p> <p style="text-align: center;">***</p>


Save