Book List

<h2 style="text-align: center;">အခန်း(၂၄၆၅)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>“နတ်ဆိုးဧကရာဇ် မင်းတို့ ဟင်းလင်းပြင် နတ်ဆိုးမျိုးနွယ်စုကို လူစုခွဲပြီး နတ်ဘုရားနယ်မြေထဲမှာ ပုန်းအောင်းနေဖို့ ငါအကြံပေးချင်တယ်.. ဒါဆို အချိန်အနည်းငယ် ဆွဲထားနိုင်လိမ့်မယ်.. ဒီလိုမှမဟုတ်ရင် နတ်ဘုရားနယ်မြေ စတင် တိုက်ခိုက်လာတာနဲ့ ဟင်းလင်းပြင် နတ်ဆိုး မျိုးနွယ်စု အတွက် တစ်ခုတည်းသောရလဒ်က အမြစ်ပြတ် ချေမှုန်းခံရဖို့ပဲ”</p> <p> </p> <p> </p> <p>သွေးနေမင်းဘိုးဘေးက နတ်ဆိုးဧကရာဇ်ကို အကြံပေးလိုက်သည်။</p> <p> </p> <p> </p> <p>ယခုအခါတွင် အင်မော်တယ် ကျင့်ကြံခြင်းစကြဝဠာ၏ စစ်တပ် ရောက်မလာသေးသောကြောင့် သွေးနေမင်းဘိုးဘေးသည် ဟင်းလင်းပြင် နတ်ဆိုး မျိုးနွယ်စုက နတ်ဘုရားနယ်မြေကို အချိန်ဆွဲထားနိုင်ရန် မျှော်လင့်နေခဲ့သည်။</p> <p> </p> <p> </p> <p>သို့မှသာ နတ်ဘုရားနယ်မြေထဲမှ ထိပ်တန်း ကျင့်ကြံသူများ၏ ကြီးထွားမှုကို နှောင့်နှေးစေလိမ့်မည် မဟုတ်ပါလော။</p> <p> </p> <p> </p> <p>သူ အင်မော်တယ် ကျင့်ကြံခြင်းစကြဝဠာနှင့် အဆက်အသွယ်ရစဥ်က ပေးပို့ခဲ့သော သတင်းအချက်အလက်သည် ထိုစဥ်က နတ်ဘုရားနယ်မြေ၏ အခြေအနေသာ ဖြစ်သည်။</p> <p> </p> <p> </p> <p>ထို့ကြောင့် ဤတစ်ခေါက်တွင် အင်မော်တယ် ကျင့်ကြံခြင်းစကြဝဠာမှ စေလွှတ်လိုက်သည့် စစ်တပ်သည် အလွန်အမင်း အားမကောင်းနိုင်မှန်း သွေးနေမင်းဘိုးဘေး ခန့်မှန်းထားခဲ့သည်။</p> <p> </p> <p> </p> <p>အကယ်၍ ဟင်းလင်းပြင် နတ်ဆိုးမျိုးနွယ်စုသာ နတ်ဘုရားနယ်မြေ၏ လက်ထဲတွင် အမြစ်ပြတ် ချေမှုန်းခံလိုက်ရမည်ဆိုလျှင် မည်သည့် စိုးရိမ်မှုမှ မရှိတော့သည့်အတွက် နတ်ဘုရားနယ်မြေသည် မကြာခင် အချိန်အတွင်း ရှေးခေတ်ကာလကလို ခမ်းနားထည်ဝါမှုများကို ပြန်လည် ပိုင်ဆိုင်လာပေလိမ့်မည်။</p> <p> </p> <p> </p> <p>ထိုအချိန်သို့ ရောက်လျှင် အင်မော်တယ် ကျင့်ကြံခြင်း စကြဝဠာ၏ စစ်တပ် ရောက်လာခဲ့လျှင်ပင် နတ်ဘုရားနယ်မြေကို အနိုင်ယူရန် ဖြစ်ချင်မှ ဖြစ်နိုင်ပေလိမ့်မည်။</p> <p> </p> <p> </p> <p>“ကောင်းပြီ”</p> <p> </p> <p> </p> <p>နတ်ဆိုးဧကရာဇ်က‌ ခေါင်းညိတ်လိုက်ပြီး သွေးနေမင်းဘိုးဘေး၏ အကြံပြုချက်ကို သဘောတူလိုက်သည်။</p> <p> </p> <p> </p> <p>သူတို့ ဟင်းလင်းပြင် နတ်ဆိုးမျိုးနွယ်စုသည် ဟင်းလင်းပြင်လမ်းစဥ်တွင် အလွန်တရာ ကျွမ်းကျင်ကြ၏။</p> <p> </p> <p> </p> <p>အကယ်၍ သူတို့သာ လူစုခွဲပြီး နတ်ဘုရားနယ်မြေတွင် ပုန်းအောင်းနေကြမည် ဆိုလျှင် နတ်ဘုရားနယ်မြေမှ ကျင့်ကြံသူများသည် သူတို့ကို တစ်ယောက်ချင်းစီ လိုက်ရှာရန် အလွန်တရာ ခက်ခဲလိမ့်မည် မဟုတ်ပါလား။</p> <p> </p> <p> </p> <p>ဤနည်းလမ်းဖြင့်သာ နတ်ဘုရားနယ်မြေကို ရင်ဆိုင်နိုင်မည်ဖြစ်ပြီး အင်‌မော်တယ် ကျင့်ကြံခြင်း စကြဝဠာမှ ကျင့်ကြံသူများ ရောက်ရှိလာသည် အထိ အချိန်ဆွဲထားနိုင်မည်ဖြစ်သည်။</p> <p> </p> <p> </p> <p>နတ်ဆိုးဧကရာဇ်က အသက်ကို ခပ်ပြင်းပြင်း ရှူရှိုက်လိုက်ပြီး ဟင်းလင်းပြင် နတ်ဆိုး မျိုးနွယ်စုကို လူစုခွဲပြီး ထွက်ခွာရန် အမိန့်ပေးတော့မည့် အချိန်မှာပင် ဟင်းလင်းပြင် နတ်ဆိုးမျိုးနွယ်စုဝင် တစ်ယောက်သည် အစည်းအဝေးခန်းထဲသို့ အလောတကြီး ပြေးဝင်လာခဲ့သည်။</p> <p> </p> <p> </p> <p>“အရှင်နတ်ဆိုးဧကရာဇ်.. အခြေအနေမကောင်းတော့ဘူး.. နတ်ဘုရားနယ်မြေက ကျင့်ကြံသူ အများအပြားက ကျွန်တော်တို့ ဟင်းလင်းပြင် နတ်ဆိုးမျိုးနွယ်စု ရှိတဲ့ နေရာဆီ ချဥ်းကပ်လာနေပြီ ဆိုတဲ့ သတင်းကို အခုလေးတင် ရလိုက်တယ်”</p> <p> </p> <p> </p> <p>ထို ဟင်းလင်းပြင် နတ်ဆိုးမျိုးနွယ်စုဝင်၏ စကားအဆုံးသတ်သည်နှင့် နတ်ဆိုးဧကရာဇ်နှင့် အခြားသူများ၏ မျက်နှာအမူအရာသည် သိသိသာသာပင် ပြောင်းလဲသွားခဲ့သည်။</p> <p> </p> <p> </p> <p>နတ်ဘုရားနယ်မြေ၏ လှုပ်ရှားမှုသည် သူတို့ ထင်ထားသည်ထက်ပင် များစွာ ပို၍ မြန်ဆန်နေခဲ့သည်။</p> <p> </p> <p> </p> <p>ဤတစ်ကြိမ်တွင် နတ်ဘုရားနယ်မြေသည် သူတို့ ဟင်းလင်းပြင် နတ်ဆိုးမျိုးနွယ်စုကို အမြစ်ပြတ် ချေမှုန်းရန် ဆုံးဖြတ်ထားပုံ ရ၏။</p> <p> </p> <p> </p> <p>နတ်ဆိုးဧကရာဇ်က သူ၏ စိတ်နှလုံးထဲမှ ထိတ်လန့်မှုကို ဖိနှိပ်လိုက်ပြီး အသက်ကို ခပ်ပြင်းပြင်းရှုရှိုက်ကာ ပြောလိုက်သည်။</p> <p> </p> <p> </p> <p>“အားလုံးကို ကိုယ့်အစီအစဥ်နဲ့ကိုယ် လူစုခွဲပြီး ထွက်ပြေးဖို့ ချက်ချင်း အမိန့်ပေးလိုက်”</p> <p> </p> <p> </p> <p>“မဖြစ်နိုင်တော့ဘူး.. နောက်ကျသွားပြီ”</p> <p> </p> <p> </p> <p>ထိုစကားကို ပြောလိုက်ပြီးနောက်တွင် သွေးနေမင်းဘိုးဘေးသည် သူ၏ တောက်ပသော သွေးရောင်မျက်ဝန်းများဖြင့် အတားအဆီးများကို ဖောက်ထွင်းကာ လေထုတစ်နေရာ ဆီသို့ လှမ်းကြည့်လိုက်သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>သွေးနေမင်းဘိုးဘေး၏ စကားအဆုံးမှာပင် ဟင်းလင်းပြင်နတ်ဆိုး မျိုးနွယ်စုဝင် အားလုံးကို ရင်တုန်သွား‌စေလောက်သည့် ကြောက်မက်ဖွယ်ရာကောင်းသော အရှိန်အဝါသည် တစ်ခဏအတွင်း ပျံ့နှံ့လာခဲ့သည်။</p> <p> </p> <p> </p> <p>“အုပ်စိုးသူအဆင့် ကျင့်ကြံသူရဲ့အရှိန်အဝါပါလား”</p> <p> </p> <p> </p> <p>သူနှင့် အလွန် ရင်းနှီးနေသော အရှိန်အဝါကို ခံစားမိလျှင် သွေးနေမင်းဘိုးဘေးသည် မသိစိတ်ကနေ ရုတ်တရက် မျက်မှောင်ကြုတ်သွားခဲ့၏။</p> <p> </p> <p> </p> <p>ထိုအချိန်က နတ်ဘုရားနယ်မြေကို ကျူးကျော်ခဲ့သည့် မဟာယာနအဆင့် ကျင့်ကြံသူ တစ်ယောက် အနေဖြင့် သွေးနေမင်းဘိုးဘေးသည် နတ်ဘုရားနယ်မြေ၏ အုပ်စိုးသူအဆင့် ကျင့်ကြံသူနှင့် တစ်ကြိမ်ထက်မက တိုက်ခိုက်ခဲ့ဖူးသည်။</p> <p> </p> <p> </p> <p>ထို့ကြောင့် အုပ်စိုးသူအဆင့်၏ အရှိန်အဝါသည် သူ၏ မှတ်ဥာဏ်ထဲတွင် လတ်လတ်ဆတ်ဆတ် ရှိနေဆဲပင်။</p> <p> </p> <p> </p> <p>သူ၏ရှေ့မှ ကောင်းကင်နှင့် မြေကြီးထဲတွင် ပျံ့နှံ့နေသည့် အရှိန်အဝါသည် အုပ်စိုးသူအဆင့် ကျင့်ကြံသူများသာ ပိုင်ဆိုင်နိုင်သည့် အရှိန်အဝါ ဖြစ်သည်မှာ သေချာသလောက်ပင်။</p> <p> </p> <p> </p> <p>သွေးနေမင်းဘိုးဘေး၏ စကားကိုကြားလျှင် နတ်ဆိုးဧကရာဇ်နှင့် မဟာနတ်ဆိုးဘုရင်များသည် ချက်ချင်းပင် ထိတ်လန့်တုန်လှုပ်သွားခဲ့သည်။</p> <p> </p> <p> </p> <p>နတ်ဘုရားနယ်မြေ တစ်သားတည်း ပြန်လည် ပေါင်းစည်းသွားပြီးနောက်တွင် ရှေးခေတ်ကာလက ကဲ့သို့ အခြေအနေမျိုးကို ပြန်လည်‌ ရောက်ရှိသွားသောကြောင့် နတ်ဘုရားနယ်မြေမှ ကျင့်ကြံသူများသည် အလွန်တရာ ကြောက်မက်ဖွယ်ရာကောင်းသော အရှိန်အဟုန်ဖြင့် အဆင့်တက်လာကြသည်ကို သူတို့ သိထားသော်လည်း သုံးနှစ်အတွင်းမှာပင် နတ်ဘုရားနယ်မြေတွင် အုပ်စိုးသူအဆင့် ကျင့်ကြံသူ တစ်ယောက် မွေးဖွားလာလိမ့်မည်ဟု မထင်ထားခဲ့ကြပေ။</p> <p> </p> <p> </p> <p>အုပ်စိုးသူအဆင့် ကျင့်ကြံသူ ဆိုသည်မှာ မဟာယာနအဆင့်ကျင့်ကြံသူနှင့်ပင် ယှဥ်နိုင်သည့် အထွတ်အထိပ် ပုဂ္ဂိုလ် ဖြစ်သည်။</p> <p> </p> <p> </p> <p>ထိုစဥ်က နတ်ဘုရားနယ်မြေ၏ ကပ်ဘေးကြီးအပြီးတင် သူတို့ ဟင်းလင်းပြင် နတ်ဆိုး မျိုးနွယ်စုသည် နတ်ဘုရားနယ်မြေကို လုံးဝ သိမ်းပိုက်ရန် ခြေတစ်လှမ်းမျှသာ လိုအပ်တော့သည်။</p> <p> </p> <p> </p> <p>သို့သော် ထိုသို့အရေးကြီးသည့် အချိန်တွင် လူသားဧကရာဇ်ကျန်းချင်းထျန်း ကဲ့သို့ အုပ်စိုးသူအဆင့် ကျင့်ကြံသူ တစ်ယောက် ထွက်ပေါ်လာခဲ့ပြီး အခြေအနေကို ပြောင်းပြန်လှန်ပစ်ကာ ဟင်းလင်းပြင်နတ်ဆိုး မျိုးနွယ်စုကို အနိုင်ယူပြီး ထာဝရဟင်းလင်းပြင်ဆီ ပြန်လည်မောင်းထုတ်ခဲ့သည်။</p> <p> </p> <p> </p> <p>ယခုအခါ နတ်ဘုရားနယ်မြေတွင် အုပ်စိုးသူအဆင့် ကျင့်ကြံသူ တစ်ယောက် ထပ်မံ ပေါ်ထွက်လာပြီ ဖြစ်ရာ သူတို့ ဟင်းလင်းပြင် နတ်ဆိုးမျိုးနွယ်စု၏ လက်ရှိ ခွန်အားဖြင့်ဆိုလျှင် ခုခံနိုင်စွမ်း လုံးဝ မရှိတော့ပေ။</p> <p> </p> <p> </p> <p>နတ်ဆိုးဧကရာဇ်တို့ ထိတ်လန့်နေစဥ်မှာပင် ဟင်းလင်းပြင် နတ်ဆိုး မျိုးနွယ်စု၏ အထက်ကောင်းကင်ယံတွင် ကြောက်မက်ဖွယ်ရာကောင်းသော အရှိန်အဝါများ ပျံ့လွင့်လာခဲ့သည်။</p> <p> </p> <p> </p> <p>တစ်ချိန်တည်းမှာပင် အေးစက်စက် အသံတစ်သံသည် ကောင်းကင်နှင့်မြေကြီး ကြားတွင် ပဲ့တင်ထပ်သွားခဲ့၏။</p> <p> </p> <p> </p> <p>‘နတ်ဆိုးဧကရာဇ်.. မြန်မြန်ထွက်လာပြီး အသေလာခံစမ်း”</p> <p> </p> <p> </p> <p>နတ်ဆိုးဧကရာဇ်က သူ၏ စိတ်နှလုံးထဲမှ ထိတ်လန့်မှုကို ဖိနှိပ်လိုက်ပြီး ဟင်းလင်းပြင် နတ်ဆိုး မျိုးနွယ်စု၏ အထက်ကောင်းကင်ယံတွင် လျှပ်တစ်ပြက် ပေါ်လာခဲ့သည်။</p> <p> </p> <p> </p> <p>ထိုအခါ သူနှင့် ပေထောင်ချီဝေးသော နေရာတွင် လူတစ်ဒါဇင်ကျော်ခန့်ကို မြင်လိုက်ရ၏။</p> <p> </p> <p> </p> <p>ခေါင်းဆောင်လာသူမှာ အုပ်စိုးသူအဆင့် ကျင့်ကြံသူ ဖြစ်သည့် လနတ်နန်းတော်၏ နန်းတော်သခင်မ မင်ယွဲ့ရှင်းဖြစ်သည်။</p> <p> </p> <p> </p> <p>သူမ၏ ခန္ဓာကိုယ်ကနေ ထွက်ပေါ်နေသော အရှိန်အဝါသည် ယခင်က သူနှင့် တိုက်ခိုက်ခဲ့သည့် အချိန်ကထက် အဆပေါင်းများစွာ ပို၍ အားကောင်းနေခဲ့သည်။</p> <p> </p> <p> </p> <p>သူ၏ ကျင့်ကြံခြင်း အဆင့်ဖြင်ပင် မင်ယွဲ့ရှင်း ထုတ်လွှတ်လိုက်သည့် အရှိန်အဝါနှင့် ရင်ဆိုင်ရလျှင် အသက်ရှူရခက်ခဲနေသလိုမျိုး ခံစားနေရ၏။</p> <p> </p> <p> </p> <p>မင်ယွဲ့ရှင်း၏ နောက်တွင်မူ ဆရာသခင်စန်းမင် နှင့် ဝူကျန့်ထျန်းတို့ ရှိနေကြသည်။</p> <p> </p> <p> </p> <p>ယခင်က သူ၏ တိုက်ခိုက်မှုအောက်တွင် ပြန်လည် တိုက်ခိုက်နိုင်စွမ်းပင် မရှိသည့် ဤနတ်ဘုရင်နဝမအဆင့်  အထွတ်အထိပ် ပုဂ္ဂိုလ်နှစ်ယောက်သည် ယခုအခါတွင် ခြေလှမ်းတစ်ဝက် အုပ်စိုးသူအဆင့်ကို ရောက်ရှိနေပြီ ဖြစ်ပြီး ၎င်းတို့ခွန်အားသည်ပင် သူ့အောက်တွင် မရှိတော့ပေ။</p> <p> </p> <p> </p> <p>ထိုသုံးယောက်၏ နောက်တွင်လည်း နတ်ဘုရင် နဝမအဆင့် ကျင့်ကြံသူ ဆယ်ယောက်ထက် မနည်း ရှိနေခဲ့၏။</p> <p> </p> <p> </p> <p>နတ်ဘုရားနယ်မြေ၏ ပြိုင်ဘက်ကင်း အင်အားစုကို မြင်လိုက်ရလျှင် နတ်ဆိုးဧကရာဇ် ပင်လျှင် ထိုအချိန်တွင် မထိတ်လန့်ဘဲ မနေနိုင်တော့ပေ။</p> <p> </p> <p> </p> <p>ယနေ့ခေတ် နတ်ဘုရားနယ်မြေ၏ ခွန်အားသည် အမှန်တကယ်ပင် သန်မာလွန်းနေခဲ့ချေပြီ။</p> <p> </p> <p> </p> <p>ဤမျှအားကောင်းသည့် အင်အားစုမျိုးကို ဟင်းလင်းပြင် နတ်ဆိုး မျိုးနွယ်စု၏ အထွတ်အထိပ် အချိန်မှာပင် ယှဥ်နိုင်ရန် မလွယ်ကူပေ။</p> <p> </p> <p> </p> <p>နတ်ဆိုးဧကရာဇ်က သူ၏စိတ်နှလုံးထဲမှ ထိတ်လန့်မှုကို ဖိနှိပ်လိုက်ပြီး မင်ယွဲ့ရှင်းကို ဒေါသတကြီး အော်ဟစ်လိုက်သည်။</p> <p> </p> <p> </p> <p>“မင်ယွဲ့ရှင်း.. ငါတို့ ဟင်းလင်းပြင် နတ်ဆိုးမျိုးနွယ်စုက မင်းတို့နဲ့ အဝေးကြီးမှာ နေနေတာတောင် ဘာလို့ အမြစ်ပြတ် သုတ်သင်ဖို့အထိ ကြိုးစားနေရတာလဲ”</p> <p> </p> <p> </p> <p>“ဟင်းလင်းပြင် နတ်ဆိုး မျိုးနွယ်စု ဆိုတာက အင်မော်တယ် ကျင့်ကြံခြင်း စကြဝဠာရဲ့  အစေခံတွေပဲ.. ဒါကြောင့် မင်းတို့တွေက နတ်ဘုရားနယ်မြေမှာ မရှိသင့်ဘူး.. သေဖို့သာ ပြင်ထားပေတော့”</p> <p> </p> <p> </p> <p>မင်ယွဲ့ရှင်းက အေးစက်စက် ကြုံးဝါးလိုက်ပြီး လက်ညှိုးတစ်ချောင်းကို အသာအယာ ဆန့်ထုတ်ကာ နတ်ဆိုးဧကရာဇ်ကို ချိန်ရွယ်လိုက်သည်။</p> <p> </p> <p> </p> <p>ထိုလက်ညှိုးတွင် မည်သည့် စွမ်းအင် လှုပ်ခတ်မှုမှ ရှိမနေခဲ့ပေ။</p> <p> </p> <p> </p> <p>သို့သော် ထိုလက်ညှိုး၏ အောက်တွင် နတ်ဆိုးဧကရာဇ်သည် ပတ်ဝန်းကျင် တစ်ခုလုံး အေးခဲသွားသလို ခံစားလိုက်ရသည်။</p> <p> </p> <p> </p> <p>သူ၏ ခန္ဓာကိုယ် တစ်ခုလုံးကိုလည်း သေခြင်းတရား၏ အရိပ်အငွေ့များက လွှမ်းခြုံသွားခဲ့သည်။</p> <p> </p> <p> </p> <p>နတ်ဆိုးဧကရာဇ်က ထိတ်လန့်သွားခဲ့ပြီး  ကောင်းကင်တုန်ဟည်းမတတ် ကျယ်လောင်စွာ ကြုံးဝါးလိုက်ရာ သူ၏ ကျောဘက်တွင် ကောင်းကင်နတ်ဆိုးပုံရိပ်ယောင်သည် တစ်ခဏအတွင်း ထွက်ပေါ်လာခဲ့သည်။</p> <p> </p> <p> </p> <p>သို့ရာတွင် နတ်ဆိုးဧကရာဇ်က သူ၏စွမ်းရည်များကို အစွမ်းကုန် ထုတ်ဖော်ခဲ့သော်လည်း မင်ယွဲ့ရှင်း၏ စွမ်းအားကို လုံးဝ မတွန်းလှန်နိုင်ခဲ့ပေ။</p> <p> </p> <p> </p> <p>မင်ယွဲ့ရှင်း၏ လက်ညှိုးမှ မမြင်နိုင်သော စွမ်းအားအောက်တွင် ကောင်းကင်နတ်ဆိုး ပုံရိပ်ယောင်သည် ရုတ်တရက် ပြိုကွဲသွားခဲ့သည်။</p> <p> </p> <p> </p> <p>နတ်ဆိုးဧကရာဇ်၏ ပုံရိပ်သည်လည်း ထိုလက်ညှိုးမှ စွမ်းအားကြောင့် မိုင်ပေါင်းထောင်ချီ အကွာအဝေးအထိ နောက်ပြန်လွင့်စင်သွားခဲ့ကာ ကောင်းကင်ယံတွင် အဆုံးမဲ့ ရှုပ်ထွေးနေသည့် အနက်ရောင် တွင်းနက်ကြီး တစ်ခုကိုပင် ဖြစ်ပေါ်သွားစေခဲ့သည်။</p> <p> </p> <p> </p> <p>“ဝေ့ါ..”</p> <p> </p> <p> </p> <p>နတ်ဆိုးဧကရာဇ်က ပါးစပ်ကနေ သွေးတစ်ပွက်ကို အန်ထုတ်လိုက်ရပြီး သူ၏ ခန္ဓာကိုယ်တစ်ခုလုံးတွင် သာမန်မျက်စိဖြင့် မြင်နိုင်လောက်သည့် အက်ကွဲကြောင်းများ ဖြစ်ပေါ်လာခဲ့သည်။</p> <p> </p> <p> </p> <p>ဟင်းလင်းပြင် နတ်ဆိုး မျိုးနွယ်စု၏ ခေါင်းဆောင် ဖြစ်သည့် နတ်ဆိုးဧကရာဇ်သည် မင်ယွဲ့ရှင်း၏ စွမ်းအားကို ခက်ခက်ခဲခဲ တောင့်ခံနေရသည်မှာ ထင်ရှားနေခဲ့၏။</p> <p> </p> <p> </p> <p>အုပ်စိုးသူအဆင့် ဆိုသည်မှာ နတ်ဘုရားနယ်မြေ၏ ကျင့်ကြံခြင်းစနစ်တွင် အင်‌မော်တယ် အဆင့်ကို ဖယ်ထုတ်လိုက်လျှင် အမြင့်ဆုံးအဆင့် ဖြစ်သည်။</p> <p> </p> <p> </p> <p>အုပ်စိုးသူအဆင့်၏ စွမ်းအားသည် အုပ်စိုးသူ အဆင့်အောက်တွင် ရှိသည့် စွမ်းအားများကို လွှမ်းမိုးနိုင်စွမ်း ရှိ၏။</p> <p> </p> <p> </p> <p>ဆိုရလျှင် အင်အားကြီးမားသည့် နတ်ဆိုးဧကရာဇ် ပင်လျှင် အုပ်စိုးသူအဆင့် ကျင့်ကြံသူ၏ ရှေ့တွင် ပုရွက်ဆိတ်များနှင့် ဘာမှမကွာခြားပေ။</p> <p> </p> <p> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">အခန်း(၂၄၆၅)ပြီး၏။</p> <p style="text-align: center;">***</p> <p> </p> <p> </p>


Save