Book List

<h2 style="text-align:center">အခန်း(၂၄၆၉)</h2> <h2 style="text-align:center">*</h2> <p> </p> <p> </p> <p> </p> <p> </p> <p> </p> <p> </p> <p>“ကောင်လေး သေစမ်း”</p> <p> </p> <p> </p> <p>အနက်ရောင်ဝတ်စုံဝတ် အဘိုးအိုက အေးစက်စက် ကြုံးဝါးလိုက်ပြီးနောက်တွင် လေးလံသော တောင်ကြီးတစ်တောင်ကဲ့သို့ ဖိအားမျိုးသည် ကျန်းချန် အပေါ်သို့ ချက်ချင်းဆိုသလို သက်ရောက်လာခဲ့သည်။</p> <p> </p> <p> </p> <p>အဘိုးအိုက သူ၏ လက်ဖဝါးကို လှုပ်ရှားလိုက်ရာ ကြောက်မက်ဖွယ် သွေးစွမ်းအားများသည် ကြီးမားသော သွေးပုံရိပ်ယောင် အဖြစ်သို့ စုစည်းသွားခဲ့သည်။</p> <p> </p> <p> </p> <p>ဤအချိန်တွင် ကောင်းကင်နှင့်မြေကြီးသည် အရောင်အဆင်းကင်းမဲ့သွားခဲ့ပြီး နေနှင့်လသည်ပင် မှေးမှိန်သွားခဲ့၏။</p> <p> </p> <p> </p> <p>သွေးပုံရိပ်ယောင်သည် ဟင်းလင်းပြင်ကို ဖောက်ထွင်းလာခဲ့ပြီး ကြောက်မက်ဖွယ်ရာကောင်းသော မျက်နှာပေါက်နှင့် ဆန်းကြယ်သော အပြုံးတစ်ခုကို ဖန်တီးကာ ကျန်းချန်ကို ဝါးမျိုတော့မည့်အလား ဖြစ်နေခဲ့၏။</p> <p> </p> <p> </p> <p>ကျန်းချန်က ချက်ချင်းဆိုသလိုပင် ရှေးဟောင်း ရွှေရောင်ဓားဖြင့် အင်‌မော်တယ် ဖျက်ဆီးခြင်း ဓားသိုင်းကို ထုတ်ဖော်ကာ သွေးပုံရိပ်ယောင်ကို ခုတ်ပိုင်းလိုက်သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>ကျယ်လောင်သော ပေါက်ကွဲသံကြီး ထွက်ပေါ်လာခဲ့ပြီး ကြယ်တာရာကောင်းကင်ယံ ပင်လျှင် တုန်ခါသွားခဲ့သည်။</p> <p> </p> <p> </p> <p>တောက်ပသော ဓားအလင်းနှင့် သွေးပုံရိပ်ယောင် တို့သည် တစ်ချိန်တည်းမှာပင် ပေါက်ကွဲသွားခဲ့ပြီး ကြောက်မက်ဖွယ်ရာကောင်းသော အဖျက်စွမ်းအင်လှိုင်းများသည် ပတ်ဝန်းကျင်ရှိ ကြယ်တာရာ ကောင်းကင်ယံတွင် တိုက်ခတ်သွားခဲ့သည်။</p> <p> </p> <p> </p> <p>“ကောင်လေး ငါမင်းကို အထင်သေးမိပြီထင်တယ်.. မင်းက ဒီလို ဓားသိုင်းမျိုး တတ်မြောက်ထားလိမ့်မယ်လို့ ငါမထင်ထားခဲ့ဘူး”</p> <p> </p> <p> </p> <p>ကျန်းချန်က သူ၏ တိုက်ခိုက်မှုကို ဆန်းကြယ်သော ဓားချက်ဖြင့် တားဆီးလိုက်သည်အားမြင်လျှင် အနက်ရောင်ဝတ်စုံဝတ် အဘိုးအို၏ အိုမင်းသော မျက်ဝန်းထဲတွင် အံ့အားသင့်သော အရိပ်အယောင်များ ဖြစ်ပေါ်လာခဲ့သည်။</p> <p> </p> <p> </p> <p>သူ၏ ရှေ့မှ နတ်ဘုရင် နဝမအဆင့် ကောင်လေးသည် မဟာယာန တစ်ပိုင်းအဆင့် ကျင့်ကြံသူ ဖြစ်သည့် သူ့ကိုပင် ထိပ်တိုက် ရင်ဆိုင်နိုင်စွမ်း ရှိနေလိမ့်မည်ဟု သူ မမျှော်လင့်ထားခဲ့ပေ။</p> <p> </p> <p> </p> <p>အထူးသဖြင့် ထိုကောင်လေး အစောပိုင်းက ထုတ်ဖော်လိုက်သည့် ဓားသိုင်းသည် မယုံကြည်နိုင်လောက်အောင် အစွမ်းထက်ပြီး သူယခင်က မြင်ဖူးခဲ့သည့် အင်မော်တယ်ဓားသိုင်း တချို့နှင့် ယှဥ်လျှင်ပင် အနည်းငယ်မျှ နိမ့်ကျမည်မဟုတ်ပေ။</p> <p> </p> <p> </p> <p>ကျန်းချန်က မထီမဲ့မြင် အမူအရာဖြင့် လှောင်ပြုံး ပြုံးကာ ပြောလိုက်သည်။</p> <p> </p> <p> </p> <p>“အဘိုးကြီး.. ခင်ဗျားက မဟာယာန တစ်ပိုင်းအဆင့် ကျင့်ကြံသူဖြစ်ပေမဲ့ ထင်သလောက်လည်း မဟုတ်ပါလား”</p> <p> </p> <p> </p> <p>“ကောင်လေး.. ငါ့ရှေ့မှာ မောက်မာလို့ရမယ်လို့ ထင်မနေနဲ့.. ဒီနေ့ ငါမင်းကို မဟာယာန တစ်ပိုင်းအဆင့် ကျင့်ကြံသူရဲ့ စွမ်းအားကို ပြသပေးမယ်”</p> <p> </p> <p> </p> <p>“ဝုန်း..”</p> <p> </p> <p> </p> <p>စကားဆုံးသည်နှင့် အနက်ရောင်ဝတ်စုံဝတ် အဘိုးအိုသည် ကောင်းကင်ယံ ဆီသို့ ပျံတက်သွားခဲ့သည်။</p> <p> </p> <p> </p> <p>ပြင်းထန်သော စွမ်းအင် လှုပ်ခတ်မှုများသည် ကြယ်တာရာကောင်းကင်ယံတွင် ကြောက်မက်ဖွယ်ရာကောင်းသော မုန်တိုင်းတစ်ခုကို ဖြစ်ပေါ်စေကာ ပတ်ဝန်းကျင် ဟင်းလင်းပြင်ကိုပင် ပုံပျက်သွားစေခဲ့သည်။</p> <p> </p> <p> </p> <p>“အင်မော်တယ်ဖျက်ဆီးခြင်းဓားသိုင်း.. အင်မော်တယ်များကို သတ်ဖြတ်ခြင်း”</p> <p> </p> <p> </p> <p>ကျန်းချန်က ဓားကွက် တစ်ကွက်ကို လျင်မြန်စွာ ထုတ်ဖော်လိုက်ရာ သူ၏ လက်ထဲရှိ ရှေးဟောင်း ရွှေရောင်ဓားသည် အနည်းငယ် တုန်ခါသွားခဲ့သည်။</p> <p> </p> <p> </p> <p>ခန့်ညားထည်ဝါသော အင်မော်တယ် အရှိန်အဝါနှင့် ဓားဆန္ဒသည် တစ်ခဏအတွင်း ပျံ့နှံ့သွားခဲ့ပြီး ကြောက်မက်ဖွယ်ရာကောင်းသော သတ်ဖြတ်လိုသော စိတ်ဆန္ဒများ ကိန်းအောင်းနေသည့် ဓားပုံရိပ်ယောင် အဖြစ်သို့ ပြောင်းလဲသွားခဲ့သည်။</p> <p> </p> <p> </p> <p>ထိုဓားပုံရိပ်သည် မီတာတစ်ရာခန့် အထိ မြင့်မား၏။</p> <p> </p> <p> </p> <p>၎င်း၏ ခန္ဓာကိုယ်မှ ကြောက်မက်ဖွယ်ရာကောင်းသည့် သတ်ဖြတ်လိုသော စိတ်ဆန္ဒများသည် ကြယ်တာရာကောင်းကင်ယံတွင် အနက်ရောင် အက်ကွဲကြောင်းကြီးများကို ဖြစ်ပေါ်စေခဲ့သည်။</p> <p> </p> <p> </p> <p>ကျန်းချန်၏ ဓားပုံရိပ်ယောင်သည် လောကထဲကို ဆင်းသက်လာသည့် ဓားအင်မော်တယ်တစ်ပါး ကဲ့သိုပင်။</p> <p> </p> <p> </p> <p>“ဓားသိုင်းကတော့ မဆိုးပါဘူး.. နှမြောဖို့ကောင်းတာက မင်းရဲ့ ကျင့်ကြံခြင်း အဆင့်က နိမ့်ကျနေတာပဲ.. မင်းရဲ့ လက်ရှိခွန်အားနဲ့တော့ ငါနဲ့ ယှဥ်ဖို့ အရည်အချင်း မရှိသေးဘူး”</p> <p> </p> <p> </p> <p>စကားဆုံးသည်နှင့် အနက်ရောင်ဝတ်စုံဝတ် အဘိုးအိုသည် သူ၏ လက်တစ်ဖက်ကို ဝှေ့ယမ်းလိုက်ရာ ကြောက်မက်ဖွယ်ရာကောင်းသော သွေးစွမ်းအားသည် သွေးရေတံခွန်ကြီးတစ်ခုနှယ် ကောင်းကင်ယံကနေ ကျဆင်းလာခဲ့သည်။</p> <p> </p> <p> </p> <p>ထိုသွေးစွမ်းအားများသည် ပတ်ဝန်းကျင်တစ်ခုလုံးကို ပျံ့နှံ့သွားခဲ့ပြီး ကောင်းကင်ယံ တစ်ဝက်လောက်ကို လွှမ်းခြုံသွားခဲ့ကာ သူတို့နှစ်ယောက် တိုက်ခိုက်နေသည့် ကြယ်တာရာကောင်းကင်ယံကို သွေးနီရောင်ကမ္ဘာကြီး အဖြစ် အရောင်ပြောင်းသွားစေခဲ့သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>“ဝုန်း..”</p> <p> </p> <p> </p> <p>“ဝုန်း..”</p> <p> </p> <p> </p> <p>ကြယ်တာရာကောင်းကင်ယံသည် သွေးစွမ်းအား၏ ကြောက်မက်ဖွယ်ရာကောင်းသော ဖိနှိပ်မှုကြောင့် အဆက်မပြတ် ပေါက်ကွဲနေခဲ့သည်။</p> <p> </p> <p> </p> <p>ယင်းအချိန်တွင် နတ်ဘုရားများကိုပင် သတ်ဖြတ်နိုင်စွမ်း ရှိသည့် ဓားပုံရိပ်ယောင်သည် ဓားချက် တစ်ချက်ကို ထုတ်ဖော်ကာ သွေးနီရောင်ကမ္ဘာကြီးကို ဖြိုခွင်းပစ်လိုက်သည်။</p> <p> </p> <p> </p> <p>ထိုမြင်ကွင်းကို မြင်လျှင် အဘိုးအိုသည် ရုတ်တရက် မျက်မှောင်ကြုတ်သွားခဲ့သည်။</p> <p> </p> <p> </p> <p>ထိုကောင်လေး တတ်မြောက်ထားသည့် အင်မော်တယ်ဓားသိုင်းသည် အမှန်တကယ်ပင် သာမန် မဟုတ်ပေ။</p> <p> </p> <p> </p> <p>သူက လက်တစ်ဖက်ကို မြှောက်လိုက်ပြီး လက်ညှိုးမှ သွေးစွမ်းအားကို ထုတ်ဖော်ကာ ကျန်းချန်၏ ဓားပုံရိပ်ယောင်ကို တိုက်ရိုက်ပင် ချေမှုန်းပစ်လိုက်သည်။</p> <p> </p> <p> </p> <p>“တကယ့်ကို ကြောက်မက်ဖွယ်ရာကောင်းတဲ့ ဓားသိုင်းပဲ.. ဒီဓားသိုင်းနဲ့သာဆိုရင် ကပ်ဘေးအထွတ်အထိပ် အဆင့် ရောက်နေတဲ့ ကျင့်ကြံသူတောင် ရင်ဆိုင်ဖို့ ခက်ခဲလိမ့်မယ်.. ဒါပေမဲ့ နှမြောဖို့ကောင်းတာက မင်းဒီနေ့ ရင်ဆိုင်နေရတာက ငါဖြစ်နေတာပဲ.. မင်းဘယ်လောက်ပဲ ရုန်းကန်နေပါစေ.. ဒီနေ့ မင်း ငါ့လက်ကနေ လွတ်မှာမဟုတ်ဘူး သေဖို့သာ ပြင်ထားလိုက်တော့”</p> <p> </p> <p> </p> <p>အနက်ရောင်ဝတ်စုံဝတ် အဘိုးအိုက ကျန်းချန်ကို စူးရှစွာ စိုက်ကြည့်လိုက်သည်။</p> <p> </p> <p> </p> <p>သူ၏ မျက်ဝန်းထဲတွင် သတ်ဖြတ်လိုသော စိတ်ဆန္ဒများ ပို၍ ပြင်းထန်လာခဲ့၏။</p> <p> </p> <p> </p> <p>ထိုကောင်လေး၏ ပါရမီနှင့် ခွန်အားသည် အမှန်တကယ်ပင် ကြောက်မက်ဖွယ်ရာ ကောင်းနေခဲ့သည်။</p> <p> </p> <p> </p> <p>နတ်ဘုရင် နဝမအဆင့်ဖြင့်ပင် မဟာယာန တစ်ပိုင်းအဆင့် ကျင့်ကြံသူကို တောင့်ခံနိုင်ခဲ့သည်။</p> <p> </p> <p> </p> <p>သူတို့ အင်မော်တယ် ကျင့်ကြံခြင်း စကြဝဠာမှာပင် ထိုကဲ့သို့ပါရမီရှင်မျိုးကို ယှဥ်နိုင်သူ အတော်လေး ရှားပါးလိမ့်မည်ဟု သူ ထင်မြင်မိသည်။</p> <p> </p> <p> </p> <p>ထိုကောင်လေးသာ အုပ်စိုးသူအဆင့်ကို ထိုးဖောက်သွားလျှင် သာမန် မဟာယာနအဆင့် ကျင့်ကြံသူများပင် ယှဥ်နိုင်တော့မည် မဟုတ်လောက်ပေ။</p> <p> </p> <p> </p> <p>“သွေးမြစ်ငရဲဘုံ”</p> <p> </p> <p> </p> <p>အနက်ရောင်ဝတ်စုံဝတ် အဘိုးအိုက အေးစက်စက် ကြုံးဝါးလိုက်သည်။</p> <p> </p> <p> </p> <p>သူ၏ စွမ်းအားများသည် တစ်ခဏအတွင်း အထွတ်အထိပ်အထိ ပေါက်ကွဲထွက်လာခဲ့၏။</p> <p> </p> <p> </p> <p>သူက လက်ညှိုးကို ဆန့်ထုတ်လိုက်ရာ လက်ထိပ်ကနေ သွေးရောင် အလင်းတန်း တစ်ခု ထွက်ပေါ်လာခဲ့သည်။</p> <p> </p> <p> </p> <p>ထိုသွေးရောင်အလင်းတန်းသည် အစတွင် သာမန်အရွယ်အစားမျှသာ ရှိသော်လည်း မျက်စိတစ်မှိတ် အတွင်းမှာပင် ပေပေါင်းထောင်ချီ ကျယ်ပြန့်သွားခဲ့ပြီး ကြယ်တာရာကောင်းကင်ယံထက်တွင် သွေးမြစ်ကြီးတစ်ခု ဖြစ်ပေါ်လာခဲ့သည်။</p> <p> </p> <p> </p> <p>သွေးမြစ်ထဲတွင် သွေးအခိုးအငွေ့များ ထွက်ပေါ်နေခဲ့ပြီး ရံဖန်ရံခါတွင် ကြောက်မက်ဖွယ်ရာကောင်းသော မျက်နှာကြီးများ ပေါ်လာခဲ့သည်။</p> <p> </p> <p> </p> <p>သွေးမြစ်ထဲမှ ယုတ်ညံ့သော အရှိန်အဝါများသည် နေရာအနှံ့သို့ ပျံ့နှံ့သွားခဲ့ပြီး ကျန်းချန်ကို ဝါးမျိုတော့မည့်အလား ဖြစ်နေခဲ့၏။</p> <p> </p> <p> </p> <p>ဤအချိန်တွင် ကျန်းချန်၏ မျက်နှာ အမူအရာသည် တည်ငြိမ်နေခဲ့သည်။</p> <p> </p> <p> </p> <p>သူက ရှေးဟောင်းရွှေရောင်ဓားဖြင့် ဓားကွက် တစ်ကွက်ကို ထပ်မံ ထုတ်ဖော်လိုက်သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>ကြယ်တာရာ ကောင်းကင်ယံ တစ်ခုလုံးက တုန်ယင်သွားခဲ့ပြီး ရှေးဟောင်း ရွှေရောင်ဓားမှ ထွက်ပေါ်လာသည့် ဓားအလင်းသည် ကောင်းကင်ယံတွင် ဓားပုံရိပ်ယောင် အဖြစ် နောက်တစ်ကြိမ် စုစည်းသွားခဲ့သည်။</p> <p> </p> <p> </p> <p>ယင်းနောက်တွင် နတ်ဘုရားများကိုပင် သတ်ဖြတ်နိုင်လောက်သည့် ကြောက်မက်ဖွယ် စွမ်းအားများ ကိန်းအောင်းနေသည့် ဓားပုံရိပ်ယောင်သည် ကြယ်တာရာ ကောင်းကင်ယံတွင် ရင်သပ်ရှုမောဖွယ် တည်ရှိနေသည့် သွေးမြစ်ကြီးကို ဓားချက်တစ်ချက် ထုတ်ဖော်၍ ခုတ်ပိုင်းချလိုက်သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>ကောင်းကင် တုန်ဟည်းမတတ် ကျယ်လောင်သော ပေါက်ကွဲသံကြီးသည် ကြယ်တာရာ ကောင်းကင်ယံတွင် ပဲ့တင်ထပ်သွားခဲ့သည်။</p> <p> </p> <p> </p> <p>သူတို့ နှစ်ယောက် ရှိနေသည့် ကြယ်တာရာ ကောင်းကင်ယံသည် ကမ္ဘာနှစ်ခု ဖြစ်သွားသကဲ့သို့ပင်။</p> <p> </p> <p> </p> <p>တစ်ဖက်တွင် တောက်ပသော ဓားပုံရိပ်ယောင်၏ စွမ်းအားများ ပြည့်နှက်နေခဲ့ပြီး တစ်ဖက်တွင်မူ သွေးမြစ်၏ စွမ်းအားများ ရှိနေခဲ့ကာ တစ်ဖက်နှင့် တစ်ဖက် ပြတ်ပြတ်သားသားပင်  ကွဲပြားနေခဲ့သည်။</p> <p> </p> <p> </p> <p>ကြောက်မက်ဖွယ်ရာကောင်းသော စွမ်းအား နှစ်ခုသည် ကြယ်တာရာ ကောင်းကင်ယံတွင် ခဏတာ ထိပ်တိုက် ရင်ဆိုင်ပြီးနောက် အဆုံးသတ်၌ ကျယ်လောင်သော အသံနှင့်အတူ  ပေါက်ကွဲထွက်သွားခဲ့သည်။</p> <p> </p> <p> </p> <p>တစ်ချိန်တည်းမှာပင် ကျန်းချန်၏ ခန္ဓာကိုယ်သည် ပေပေါင်းထောင်ချီ အကွာအဝေး အထိ နောက်ပြန် လွင့်စင်သွားခဲ့သည်။</p> <p> </p> <p> </p> <p>သူ၏ အရှိန်အဝါက အားနည်းသွားခဲ့ပြီး သူ၏ မျက်နှာကလည်း ယခင်ထက် ပို၍ ဖြူဖျော့သွားခဲ့သည်။</p> <p> </p> <p> </p> <p>ကျန်းချန်၏ ဆန့်ကျင်ဘက်ရှိ အနက်ရောင်ဝတ်စုံဝတ် အဘိုးအို၏ အခြေအနေကမူ သိသိသာသာပင် ပိုကောင်းနေခဲ့သည်။</p> <p> </p> <p> </p> <p>အဘိုးအိုက ကြယ်တာရာ ကောင်းကင်ယံတွင် ခြေဆယ်လှမ်းကျော်မျှသာ နောက်ဆုတ်သွားခဲ့ရပြီး သူ၏ ခန္ဓာကိုယ်ဟန်ချက်ကို အေးအေးဆေးဆေးပင် ပြန်လည် ထိန်းချုပ်နိုင်ခဲ့သည်။</p> <p> </p> <p> </p> <p>“မဟာယာန တစ်ပိုင်းအဆင့် ကျင့်ကြံသူက တကယ်ကို  ကိုင်တွယ်ရ မလွယ်ပါလား”</p> <p> </p> <p> </p> <p>ကျန်းချန်က အသက်ကို ခပ်ပြင်းပြင်း ရှူရှိုက်လိုက်ပြီး သူ၏ခန္ဓာကိုယ်ထဲတွင် မတည်မငြိမ် ဖြစ်နေသည့် စွမ်းအားများကို ဖိနှိပ်ရန် အတင်းအကျပ် ကြိုးစားလိုက်သည်။</p> <p> </p> <p> </p> <p>သူ နတ်ဘုရင် အဆင့်တွင် ရှိစဥ်က ပုံမှန်အားဖြင့် အဆင့်ငယ် နှစ်ဆင့် သုံးဆင့်လောက်ကို အဆင့်ကျော်၍ တိုက်ခိုက်နိုင်ခဲ့သည်။</p> <p> </p> <p> </p> <p>ယခုအခါ သူ၏ ကျင့်ကြံမှုသည် နတ်ဘုရင် နဝမအဆင့် အထိ ရောက်ရှိနေပြီ ဖြစ်သော်လည်း ခြေလှမ်းတစ်ဝက် အုပ်စိုးသူ အဆင့်နှင့် ညီမျှသည့် မဟာယာန တစ်ပိုင်းအဆင့် ကျင့်ကြံသူနှင့် ရင်ဆိုင်ရသောအခါတွင် အလွန်တရာ ရုန်းကန်နေခဲ့ရသည်။</p> <p> </p> <p> </p> <p>ဤသည်ကို ကြည့်ခြင်းအားဖြင့် နတ်ဘုရင်အဆင့်နှင့် အုပ်စိုးသူ အဆင့်ကြား သို့မဟုတ် ကပ်ဘေးအဆင့်နှင့် မဟာယာနအဆင့်ကြားတွင် ကျော်ဖြတ်၍ မရနိုင်သည့် ချောက်ကမ်းပါးကြီး တစ်ခု ရှိနေမှန်း သိနိုင်ပေသည်။</p> <p> </p> <p> </p> <p>“ရွှယ်ဝူ မင်းဘာတွေလုပ်နေတာလဲ.. နတ်ဘုရင် နဝမအဆင့် ကောင်လေးတစ်ယောက်ကို ရှင်းလင်းဖို့ ဒီလောက်တောင် ကြာနေရလား.. အဲဒီကောင်ကို မြန်မြန်ရှင်းပြီး ငါ့ကို လာကူဦးဟ”</p> <p> </p> <p> </p> <p>ထိုအချိန်မှာပင် မိုင်ပေါင်းထောင်ချီ အကွာအဝေးရှိ ကြယ်တာရာ ကောင်းကင်ယံကနေ ထိတ်လန့်တကြား ရေရွတ်လိုက်သည့် အသံတစ်သံ ချက်ချင်းဆိုသလို ထွက်ပေါ်လာခဲ့သည်။</p> <p> </p> <p> </p> <p>ကျန်းချန်က အသံလာရာ ဆီသို့ လှမ်းကြည့်လိုက်ရာ မိုင်ပေါင်းထောင်ချီ နေရာတွင် ဝူကျန့်ထျန်းသည် အလွန်တရာ အားကောင်းသော တိုက်ကွက်များဖြင့် တစ်ဖက်မှ မဟာယာန တစ်ပိုင်းအဆင့် ကျင့်ကြံသူအား ဖိနှိပ်ထားသည်ကို မြင်လိုက်ရသည်။</p> <p> </p> <p> </p> <p>ဝူကျန့်ထျန်းသည် နတ်ဘုရားနယ်မြေ ပြန်လည် နာလန်မထူခင်ကတည်းကပင် နတ်ဘုရင် နဝမအဆင့် အထွတ်အထိပ်ကို ရောက်ရှိနေသည့် ကျင့်ကြံသူ ဖြစ်ပြီး ပါရမီ အလွန်တရာ ထူးခြားသည်။</p> <p> </p> <p> </p> <p>ဝူကျန့်ထျန်းသည် နတ်ဘုရင် နဝမအဆင့်တွင် ရှိနေစဥ်ကပင် မဟာယာနအဆင့် ကျင့်ကြံသူ၏ ခန္ဓာကိုယ်နှင့် ပေါင်းစပ်ထားသော ထိုက်ချင်းဘိုးဘေးကို တိုက်ခိုက်နိုင်ခဲ့သည်။</p> <p> </p> <p> </p> <p>ယခုအခါတွင် သူက ခြေလှမ်းတစ်ဝက် အုပ်စိုးသူအဆင့်ကို ရောက်ရှိနေပြီ ဖြစ်ရာ သူ၏ တိုက်ခိုက်ရေးစွမ်းရည်သည် သဘာဝကျစွာပင် အလွန်တရာ ကြောက်မက်ဖွယ်ရာကောင်းသော အဆင့်သို့ ရောက်ရှိနေခဲ့ချေပြီ။</p> <p> </p> <p> </p> <p>ထို့ကြောင့် သာမန် မဟာယာန တစ်ပိုင်းအဆင့် ကျင့်ကြံသူများသည် သူ့ကို ယှဥ်ပြိုင်ရန်မှာ အလွန်တရာ ခက်ခဲပေလိမ့်မည်။</p> <p> </p> <p> </p> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center">အခန်း(၂၄၆၉)ပြီး၏။</p> <p style="text-align:center">***</p>


Save