Book List

<h2 style="text-align: center;">အခန်း(၂၄၇၀)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ကျန်းချန်က အကြည့်လွှဲလိုက်ပြီး တခြားသော နေရာများဆီ အကဲခတ် ကြည့်လိုက်သည်။</p> <p> </p> <p> </p> <p>မင်ယွဲ့ရှင်းနှင့် မဟာယာနအဆင့် ကျင့်ကြံသူဖြစ်သည့် သွေးနတ်ဆိုး တို့သည်  ကြယ်တာရာကောင်းကင်ယံ၏ မိုင်ပေါင်းသောင်းချီ အကွာအဝေးသို့ ရောက်ရှိသွားကြပြီး ထိုနေရာရှိ ပတ်ဝန်းကျင် တစ်ခုလုံးကို အဆုံးမဲ့ ကြယ်တာရာမုန်တိုင်း တစ်ခု ဖြစ်ပေါ်စေခဲ့၍ အတွင်းမှ အခြေအနေကို မြင်တွေ့နိုင်ရန် မဖြစ်နိုင်တော့ပေ။</p> <p> </p> <p> </p> <p>ဆရာသခင်စန်းမင်နှင့် အခြားသော မဟာယာနတစ်ပိုင်းအဆင့် ကျင့်ကြံသူတစ်ဦးလတို့သည်လည်း ခွန်အားချင်း တူညီနေကြပြီး မည်သည့်ဘက်ကမှ အသာမရသေးပေ။</p> <p> </p> <p> </p> <p>ကျန်းချန်တို့ တည်ဆောက်ထားသည့် ကြယ်ကောင်းကင် မြို့တော်၏ ကာကွယ်ရေး အစီအရင်သည် အလွန်တရာပင် အစွမ်းထက်သည်။</p> <p> </p> <p> </p> <p>အင်မော်တယ် ကျင့်ကြံခြင်း စကြဝဠာ၏ အင်အားသည် နတ်ဘုရားနယ်မြေထက် များစွာ ပို၍ သန်မာသော်လည်း မဟာယာနအဆင့် ကျင့်ကြံသူ၏ အကူအညီမပါလျှင် ၎င်းတို့အနေဖြင့် ကြယ်ကောင်းကင်မြို့တော်ကို တစ်ခဏအတွင်း ထိုးဖောက်ရန် ခက်ခဲလိမ့်မည် ဖြစ်၏။</p> <p> </p> <p> </p> <p>ရှင်းလင်းစွာဆိုရလျှင် လက်ရှိ တိုက်ပွဲအခြေအနေသည် နတ်ဘုရားနယ်မြေ အတွက် အလွန်တရာ ဆိုးရွားမနေသေးပေ။</p> <p> </p> <p> </p> <p>မင်ယွဲ့ရှင်း အနေဖြင့် မဟာယာနအဆင့် ကျင့်ကြံသူကို ထိန်းထားနိုင်သရွေ့ အင်မော်တယ် ကျင့်ကြံခြင်း စကြဝဠာ၏ စစ်တပ်သည် သူတို့ကို အနိုင်ယူရန်မှာ အလွန်တရာ ခက်ခဲပေလိမ့်မည်။</p> <p> </p> <p> </p> <p>“ကောင်လေး.. မင်းက နတ်ဘုရင်အဆင့်လောက်နဲ့ ငါ့ကို ဒီလောက်အထိ ဖိအားပေးနိုင်တယ် ဆိုတော့ ဘယ်ဆိုးလို့လဲ”</p> <p> </p> <p> </p> <p>အခြားသော မဟာယာန တစ်ပိုင်းအဆင့် ကျင့်ကြံသူ တစ်ဦးက တိုက်ပွဲတွင် ရှုံးနိမ့်တော့မည့် အခြေအနေအား မြင်လိုက်ရလျှင် အနက်ရောင်ဝတ်စုံဝတ် အဘိုးအို၏ မျက်ဝန်းများသည် ပိုမို၍ အေးစက်လာခဲ့သည်။</p> <p> </p> <p> </p> <p>ထိုအဘိုးအို စကားပြောဆိုနေစဥ်မှာပင် ဆန်းကြယ်သော သွေးအလင်းတန်းများသည် အဘိုးအို၏ မျက်ခုံးနှစ်ခု ကြားတွင် ရုတ်တရက် စုစည်းလာခဲ့ပြီး တတိယမျက်လုံး တစ်လုံး အဖြစ်သို့ ပြောင်းလဲသွားခဲ့သည်။</p> <p> </p> <p> </p> <p>“ကောင်လေး.. ဒီနေ့ ငါတို့ သွေးနတ်ဆိုးဂိုဏ်းရဲ့ အထွတ်အမြတ် စွမ်းအားကို မင်းအမြင်ကျယ်အောင် ပြသပေးမယ်.. သွေးဆာနေတဲ့ နတ်ဆိုးမျက်လုံး.. ဖွင့်စမ်း”</p> <p> </p> <p> </p> <p>“ဝုန်း..”</p> <p> </p> <p> </p> <p>အနက်ရောင်ဝတ်စုံဝတ် အဘိုးအို၏ နဖူးအလယ်ရှိ တတိယမျက်လုံးသည် ပွင့်လာခဲ့ပြီး အတွင်းရှိ သွေးနီရောင်မျက်စိသူငယ်အိမ်သည် သွေးရောင်လွှမ်းသော နေမင်းကြီးကဲ့သို့ ဆန်းကြယ်သော သွေးအလင်းတန်းများကို ထုတ်လွှတ်လိုက်သည်။</p> <p> </p> <p> </p> <p>ကြယ်တာရာ ကောင်းကင်ယံ တစ်ခုလုံးသည် မှောင်မိုက်သွားခဲ့ပြီး ကြောက်မက်ဖွယ် သွေးရောင်များသည် ကောင်းကင်ယံတွင် ပြည့်နှက်သွားခဲ့ကာ ကြယ်တာရာ ကောင်းကင်ယံရှိ အရာအားလုံးသည် ထိုမျက်လုံး၏ ဆွဲဆောင်ခြင်းကို ခံနေရသကဲ့သို့ ဖြစ်နေခဲ့သည်။</p> <p> </p> <p> </p> <p>တဖြည်းဖြည်းနှင့် အနက်ရောင်ဝတ်စုံဝတ် အဘိုးအို၏ ကျောဘက်ရှိ ကြယ်တာရာ ကောင်းကင်ယံသည် အတောမသတ်နိုင်အောင် လှုပ်ခတ်လာခဲ့ပြီး နှိုင်းယှဥ်၍ မရလောက်အောင် ကြီးမားလှသည့် ဧရာမမျက်လုံး တစ်လုံး ထွက်ပေါ်လာခဲ့သည်။</p> <p> </p> <p> </p> <p>ထိုမျက်လုံးသည် သွေးနီရောင် ရှိပြီး ပြင်းထန်သော သွေးနံ့များ ထွက်ပေါ်နေကာ သွေးရောင်လွှမ်းသော နေမင်းကြီး တစ်စင်း ကဲ့သို့ အနက်ရောင်ဝတ်စုံဝတ် အဘိုးအို၏ ကျောဘက်တွင် တည်ရှိနေခဲ့သည်။</p> <p> </p> <p> </p> <p>၎င်းက ကြယ်တာရာ ကောင်းကင်ယံ၏ မိုင်ပေါင်းထောင်ချီ ဧရိယာကို သွေးနီရောင် ကမ္ဘာကြီး အဖြစ် ပြောင်းလဲပစ်လိုက်၏။</p> <p> </p> <p> </p> <p>အနက်ရောင် ဝတ်စုံဝတ် အဘိုးအို၏ ကျောဘက်ရှိ ဧရာမမျက်လုံးမှ ထွက်ပေါ်လာသည့် သွေးဆာနေသော အရှိန်အဝါကို ခံစားမိလျှင် ကျန်းချန်သည် ရုတ်တရက် မျက်မှောင်ကြုတ်သွားခဲ့သည်။</p> <p> </p> <p> </p> <p>စွမ်းအားများကို အစွမ်းကုန် ထုတ်ဖော်လိုက်သော မဟာယာန တစ်ပိုင်းအဆင့် ကျင့်ကြံသူသည် အလွန်တရာ ကြောက်မက်ဖွယ်ရာ ကောင်းသော အဆင့်သို့ ရောက်ရှိသွားပြီ ဖြစ်သည်။</p> <p> </p> <p> </p> <p>ကျန်းချန်၏ လက်ရှိခွန်အားဖြင့်ပင် ထိုသွေးရောင်မျက်လုံးကြီး ဆီမှ အန္တရာယ်ရှိသော အရိပ်အငွေ့ကို ပင်ကိုသိစိတ် အရ ခံစားမိနေခဲ့၏။</p> <p> </p> <p> </p> <p>ကျန်းချန်က အသက်ကို ခပ်ပြင်းပြင်း ရှူရှိုက်လိုက်ပြီး သူသေကိုယ်သေ တိုက်ခိုက်ရန် ပြင်နေစဥ်မှာပင် အနက်ရောင်ပုံရိပ် တစ်ခုသည် ကျန်းချန်၏ နံဘေးတွင် တ‌စ္ဆေတစ်ကောင်နှယ်  ရိပ်ခနဲ ပေါ်လာခဲ့သည်။</p> <p> </p> <p> </p> <p>“ဝူရှင်း”</p> <p> </p> <p> </p> <p>သူ့နံဘေးတွင် ပေါ်လာသည့် ရင်းနှီးသည့် ပုံရိပ်ကို မြင်လျှင် ကျန်းချန်သည် အနည်းငယ် မှင်တက်သွားခဲ့သည်။</p> <p> </p> <p> </p> <p>ဝူရှင်းက သွေးနီရောင် မျက်လုံးကြီးကို ကြည့်ကာ လေးနက်သော လေသံဖြင့် ပြောလိုက်သည်။</p> <p> </p> <p> </p> <p>“ကြယ်ကောင်းကင်မြို့တော်က လောလောဆယ် အန္တရာယ်မရှိသေးဘူး.. ဒီအဘိုးကြီးရဲ့ သွေးဆာနေတဲ့မျက်လုံးကို မင်းတစ်ယောက်တည်းနဲ့ ကိုင်တွယ်နိုင်မှာ မဟုတ်ဘူး.. ငါမင်းကို ကူညီပေးမယ်”</p> <p> </p> <p> </p> <p>“ကောင်းပြီ”</p> <p> </p> <p> </p> <p>ကျန်းချန်က ခေါင်းညိတ်လိုက်ပြီး သူ၏ ခွန်အားများကို အထွတ်အထိပ်အဆင့် အထိ မြှင့်တင်လိုက်ကာ အပြာရောင်ဧကရာဇ် ဓားကွက်ကို တိုက်ရိုက်ပင် အသုံးပြုလိုက်သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>ကျယ်‌လောင်သော အသံကြီး ထွက်ပေါ်လာခဲ့ပြီး အင်မော်တယ်စွမ်းအားများ လွှမ်းခြုံနေသည့် အပြာရောင် ပုံရိပ်ယောင် တစ်ခုသည် အလင်းတံခါးကနေ ထွက်လာခဲ့ကာ ဓားကွက် တစ်ကွက်ကို ထုတ်ဖော်၍ အနက်ရောင်ဝတ်စုံဝတ် အဘိုးအိုကို တိုက်ခိုက်လိုက်သည်။</p> <p> </p> <p> </p> <p>“ဖျက်ဆီးခြင်း နတ်လက်ဝါးသိုင်း”</p> <p> </p> <p> </p> <p>ကျန်းချန် တိုက်ခိုက်လိုက်သည့် တစ်ချိန်တည်းမှာပင် ဝူရှင်း၏ ခန္ဓာကိုယ်ကနေ ဖျက်ဆီးခြင်း နတ်အလင်းများ ပေါက်ကွဲထွက်လာခဲ့ပြီး ကောင်းကင်နှင့် မြေကြီးကိုပင် ဖျက်ဆီးပစ်နိုင်လောက်သော စွမ်းအားများ ကိန်းအောင်းနေသည့် အနက်ရောင် လက်ဝါးကြီး အဖြစ်သို့ ပြောင်းလဲကာ အနက်ရောင်ဝတ်စုံဝတ် အဘိုးအိုဆီ သက်ရောက်လာခဲ့၏။</p> <p> </p> <p> </p> <p>ရှေးခေတ်ကာလမှ ဖျက်ဆီးခြင်း လမ်းစဥ်ကို အထူးပြုသည့် အုပ်စိုးသူအဆင့် ကျင့်ကြံသူ ပြန်လည် မွေးဖွားလာသူ ဖြစ်သည့် အလျောက် ဝူရှင်းသည် သူ၏ ဘဝဟောင်းမှ အထွတ်အထိပ် အခြေအနေကို ပြန်လည် မရောက်ရှိသေးသော်လည်း ဖျက်ဆီးခြင်းစွမ်းအား အပေါ် ထိန်းချုပ်မှုတွင် အလွန်တရာ ကြောက်မက်ဖွယ်ရာကောင်းသော အဆင့်သို့  ရောက်ရှိနေခဲ့ပြီ ဖြစ်သည်။</p> <p> </p> <p> </p> <p>သူ၏ တိုက်ခိုက်ရေးစွမ်းရည်သည် သာမန် နတ်ဘုရင် နဝမအဆင့် ကျင့်ကြံသူများထက် များစွာ သာလွန်ပြီး ကျန်းချန်ထက် အနည်းငယ်မျှပင် မနိမ့်ကျပေ။</p> <p> </p> <p> </p> <p>ဤကဲ့သို့ ပြိုင်ဘက်ကင်း ပါရမီရှင် နှစ်ဦး ပူးပေါင်းလိုက်သော အခါတွင် မဟာယာနတစ်ပိုင်း အဆင့် ကျင့်ကြံသူ ဖြစ်သည့် အနက်ရောင်ဝတ်စုံဝတ် အဘိုးအိုပင်လျှင် ယင်းအချိန်၌ ဖော်မပြနိုင်သော အေးစက်မှုကို ခံစားလိုက်ရသည်။</p> <p> </p> <p> </p> <p>“သွေးဆာနေသောမျက်လုံး.. ဝါးမျိုစမ်း”</p> <p> </p> <p> </p> <p>အနက်ရောင်ဝတ်စုံဝတ် အဘိုးအိုက စူးရှစွာ အော်ဟစ်လိုက်သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>သူ၏ ကျောဘက်တွင် တည်တံ့နေသည့် ကြီးမားလှသော သွေးမျက်လုံးထံကနေ ရုတ်တရက် သွေးမုန်တိုင်း တစ်ခု ပေါက်ကွဲထွက်လာခဲ့၏။</p> <p> </p> <p> </p> <p>အရာအားလုံးကို ဝါးမျိုနိုင်သော စွမ်းအားများ ကိန်းအောင်းနေသည့် ကြောက်မက်ဖွယ် သွေးမုန်တိုင်းသည် ကျန်းချန်နှင့် ဝူရှင်း ဆီသို့ တစ်ခဏအတွင်း တိုးဝင်လာခဲ့သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>ကြောက်မက်ဖွယ်ရာကောင်းသော ဆန်းကြယ်သည့် စွမ်းအားသုံးခုသည် မျက်စိတစ်မှိတ် အတွင်းမှာပင် ကြယ်တာရာကောင်းကင်ယံတွင် ထိပ်တိုက် ဆုံတွေ့သွားခဲ့ကြသည်။</p> <p> </p> <p> </p> <p>ချက်ချင်းဆိုသလိုပင် ကြယ်တာရာကောင်းကင်ယံ တစ်ခုလုံးသည် ပရမ်းပတာ ဖြစ်သွားခဲ့သည်။</p> <p> </p> <p> </p> <p>အနက်ရောင်ဝတ်စုံဝတ် အဘိုးအို၏ ကျောဘက်မှ ကြီးမားသော သွေးမျက်လုံးကနေ ထုတ်ဖော်လိုက်သည့် သွေးမုန်တိုင်းသည် ကျန်းချန်တို့ နှစ်ဦး၏ ပူးပေါင်းတိုက်ခိုက်မှုကို မတားဆီးနိုင်ခဲ့ဘဲ အပြာရောင် ဧကရာဇ်ဓားချက်နှင့် ဖျက်ဆီးခြင်း လက်ဝါးတို့၏ အားကောင်းသော ဖိနှိပ်မှုအောက်တွင် ချေမှုန်းခံလိုက်ရသည်။</p> <p> </p> <p> </p> <p>မျက်စိတစ်မှိတ်အတွင်းမှာပင် မိုင်ပေါင်း‌ထောင်ချီ ဧရိယာကို လွှမ်းမိုးထားသော သွေးမုန်တိုင်းကြီးသည် ကြယ်တာရာ ကောင်းကင်ယံတွင် ပျောက်ကွယ်သွားခဲ့သည်။</p> <p> </p> <p> </p> <p>အနက်ရောင်ဝတ်စုံဝတ် အဘိုးအို၏ ကျောဘက်မှ သွေးမျက်လုံးကြီးသည်ပင် ကျန်းချန်တို့ နှစ်ယောက် ထုတ်ဖော်လိုက်သော စွမ်းအား၏ သက်ရောက်မှုကြောင့် အဝေးသို့ လွင့်စင်သွားပြီး ပေါက်ကွဲထွက်သွားခဲ့သည်။</p> <p> </p> <p> </p> <p>အနက်ရောင်ဝတ်စုံဝတ် အဘိုးအို ကိုယ်တိုင်သည်လည်း ခန္ဓာကိုယ်တစ်ခုလုံး တုန်ယင်သွားခဲ့ပြီး ပေပေါင်း ထောင်ချီ အကွာအဝေးအထိ နောက်ပြန် လွင့်စင်သွားခဲ့ကာ သွေးများကို အန်ထုတ်လိုက်ရသည်။</p> <p> </p> <p> </p> <p>သူက ဖြူဖျော့သော မျက်နှာဖြင့် ဆန့်ကျင်ဘက်ရှိ ကျန်းချန်တို့နှစ်ယောက်ကို ကြည့်နေခဲ့သည်။</p> <p> </p> <p> </p> <p>သူ၏ မျက်ဝန်းထဲတွင် မယုံကြည်နိုင်လောက်အောင် အံ့ဩထိတ်လန့်သော အမူအရာများ ဖြစ်ပေါ်နေခဲ့၏။</p> <p> </p> <p> </p> <p>“ဒီနတ်ဘုရားနယ်မြေမှာ ဘယ်လိုလုပ်ပြီး ဒီလောက်အထိ ထူးချွန်တဲ့ ပါရမီရှင်တွေ အများကြီး မွေးဖွားလာရတာလဲ”</p> <p> </p> <p> </p> <p>သူ့ရှေ့မှ လူနှစ်ဦးသည် နတ်ဘုရင် နဝမအဆင့်တွင်သာ ရှိသေးသော်လည်း ထူးချွန်သော ပါရမီရှင်များ ဖြစ်ပြီး မဟာယာန တစ်ပိုင်းအဆင့် ကျင့်ကြံသူများကိုပင် ယှဥ်ပြိုင်နိုင်သည့် ကြောက်မက်ဖွယ်ရာကောင်းသော စွမ်းရည်ကို ပိုင်ဆိုင်ထားကြသည်။</p> <p> </p> <p> </p> <p>ထိုနှစ်ဦး ပူးပေါင်းလိုက်သောအခါတွင် သူပင်လျှင် အနည်းငယ်မျှ တောင့်မခံနိုင်တော့ပေ။</p> <p> </p> <p> </p> <p>ဤကဲ့သို့ ပြိုင်ဘက်ကင်း ပါရမီရှင်မျိုးသည် သူတို့ အင်မော်တယ် ကျင့်ကြံခြင်း စကြဝဠာတွင်ပင်  မွေးဖွားလာရန် မလွယ်ကူပေ။</p> <p> </p> <p> </p> <p>သို့သော်လည်း သူတို့ အင်မော်တယ် ကျင့်ကြံခြင်း စကြဝဠာ၏ လက်ချက်ဖြင့် ပျက်စီးလုနီးပါး ဖြစ်ခဲ့ရသည့် နတ်ဘုရားနယ်မြေတွင်မူ ထိုကဲ့သို့ ပါရမီရှင်နှစ်ဦးသည် မမျှော်လင့်ဘဲ ပေါ်ထွက်လာခဲ့သည်။</p> <p> </p> <p> </p> <p>ဤသည်မှာ အမှန်တကယ်ပင် မယုံကြည်နိုင်စရာ ကောင်းလွန်းလှ၏။</p> <p> </p> <p> </p> <p>ကျန်းချန်နှင့်အတူ အနက်ရောင်ဝတ်စုံဝတ် အဘိုးအိုကို နောက်ဆုတ်အောင် တိုက်ခိုက်ပြီးနောက်တွင် ဝူရှင်းသည် အဘိုးအိုကို အသက်ရှူဖို့ပင် အခွင့်အရေးပေးရန် အစီအစဥ် မရှိခဲ့ပေ။</p> <p> </p> <p> </p> <p>သူက ခန္ဓာကိုယ်အတွင်းမှ ဖျက်ဆီးခြင်း စွမ်းအားများကို ထုတ်ဖော်ကာ ဖျက်ဆီးခြင်း ဓားတစ်လက် အဖြစ် တိုက်ရိုက်ပင် စုစည်းလိုက်သည်။</p> <p> </p> <p> </p> <p>“ဖျက်ဆီးခြင်းဓား.. သွားစမ်း”</p> <p> </p> <p> </p> <p>ဝူရှင်း၏ အကြည့်က ဓားတစ်စင်းကဲ့သို့ ထက်ရှနေခဲ့သည်။</p> <p> </p> <p> </p> <p>သူက ဖျက်ဆီးခြင်းဓားကို တိုက်ရိုက်ပင် ထိန်းချုပ်ကာ ပြင်းထန်စွာ ခုတ်ပိုင်းချလိုက်၏။</p> <p> </p> <p> </p> <p>“ဝုန်း..”</p> <p> </p> <p> </p> <p>ကြယ်တာရာ ကောင်းကင်ယံ တစ်ခုလုံး လှုပ်ခတ်သွားခဲ့သည်။</p> <p> </p> <p> </p> <p>ဝူရှင်း၏ ဖျက်ဆီးခြင်းဓားသည် ကြောက်မက်ဖွယ်ရာကောင်းသော ဖျက်ဆီးခြင်း စွမ်းအားကို သယ်ဆောင်ကာ အနက်ရောင်ဝတ်စုံဝတ် အဘိုးအိုဆီသို့ သက်ရောက်လာခဲ့၏။</p> <p> </p> <p> </p> <p>“လူသားဧကရာဇ်ဓားပိုင်းဖြတ်စမ်း”</p> <p> </p> <p> </p> <p>ထိုမြင်ကွင်းကိုမြင်လျှင် ကျန်းချန်သည်လည်း တွေဝေမနေတော့ဘဲ ရှေးဟောင်းရွှေရောင်ဓားနှင့် နတ်ခန္ဓာပုံရိပ် ဖြစ်သည့် လူသားဧကရာဇ်ဓားကို ပေါင်းစည်းကာ အနက်ရောင် ဝတ်စုံဝတ် အဘိုးအိုကို တိုက်ခိုက်လိုက်သည်။</p> <p> </p> <p> </p> <p>နောက်ထပ် တစ်ကြိမ် ပူးပေါင်း တိုက်ခိုက်လာသော ကျန်းချန်တို့နှစ်ဦးကို ကြည့်ရင်း အနက်ရောင်ဝတ်စုံဝတ် အဘိုးအို၏ စိတ်ထဲတွင် ဖော်မပြနိုင်သော အေးစက်မှုများကို ခံစားနေရ၏။</p> <p> </p> <p> </p> <p>သူ့ရှေ့မှ လူငယ်နှစ်ယောက်၏ တိုက်ခိုက်ရေးစွမ်းရည်သည် အမှန်တကယ်ပင် ကြောက်မက်ဖွယ်ရာ ကောင်းလွန်းနေခဲ့သည်။</p> <p> </p> <p> </p> <p>အနည်းငယ် ပေါ့ဆလိုက်သည်နှင့် သူက ထိုနှစ်ဦး၏ လက်ထဲတွင် အမှန်တကယ် ကျဆုံးသွားပေလိမ့်မည်။</p> <p> </p> <p> </p> <p>အနက်ရောင်ဝတ်စုံဝတ် အဘိုးအိုက တုံ့ဆိုင်းမနေရဲဘဲ ကျယ်‌လောင်စွာ ကြုံးဝါးလိုက်ပြီး သူ၏ ကျောဘက်တွင် ကြီးမားသော သွေးမျက်လုံးကို နောက်တစ်ကြိမ် ပြန်လည် စုစည်းလိုက်သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>သွေးမျက်လုံး စုစည်းလာပြီးနောက်တွင် ကြောက်မက်ဖွယ် သွေးမုန်တိုင်းသည် သွေးမျက်လုံးထံကနေ နောက်တစ်ကြိမ် ထွက်ပေါ်လာခဲ့ပြီး လူသားဧကရာဇ်ဓားနှင့် ဖျက်ဆီးခြင်းဓား တို့ကို ထိပ်တိုက် ရင်ဆိုင်လိုက်၏။</p> <p> </p> <p> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">အခန်း(၂၄၇၀)ပြီး၏။</p> <p style="text-align: center;">***</p> <p> </p>


Save