Book List

<h2 style="text-align: center;">အခန်း (၁၄၄)</h2> <h2 style="text-align: center;">ဂိုဏ်းချုပ်…. ကျွန်တော့်ကို မြေအောက်မီးလေး ရှာပေးပါဦး</h2> <h2 style="text-align: center;">*</h2> <p> </p> <p> </p> <p> </p> <p> </p> <p>လော့ချန်သည် ဝမ်ယွမ်ထံ သွားရန် အလျင်မလိုပေ။</p> <p> </p> <p>အစောင့်အရှောက်များ ခြံရံလျက် သူ တစ်ဦးတည်း သွားရောက်တွေ့ဆုံခြင်းမှာ မလိုအပ်ဘဲ အာရုံစိုက်မှုကို ခံရစေနိုင်သည်။ ခိုင်လုံသော အကြောင်းပြချက်မရှိဘဲ သွားရောက်ပါက သံသယဖြစ်ဖွယ် ကောင်းလှသည်။</p> <p> </p> <p>ဖိုရှန်းဂိုဏ်းရှိ လူအများစုက လော့ချန်သည် ဝမ်ယွမ်၏ ညီသဖွယ်ဖြစ်မှန်း သိကြသည်။ ဝမ်ယွမ်၏ အေးစက်ခက်ထန်သော အကျင့်ကြောင့် သူသည် မည်သူနှင့်မျှ သိပ်ဆက်ဆံလေ့မရှိပေ။ လော့ချန်နှင့်ပင် ဂိုဏ်းအတွင်း၌ ထိတွေ့ဆက်ဆံမှု အလွန်နည်းပါးလှသည်။</p> <p> </p> <p>အကယ်၍ အကြောင်းထူးမရှိဘဲ ရုတ်တရက် သွားရောက်တွေ့ဆုံပါက တစ်စုံတစ်ရာ ထူးခြားနေပြီဟု အချက်ပြလိုက်သလို ဖြစ်သွားမည်ဖြစ်ပြီး၊ မီရှုဟွာတစ်ယောက် သေချာပေါက် စုံစမ်းဖော်ထုတ်ပေလိမ့်မည်။</p> <p> </p> <p>ထို့ကြောင့် လော့ချန်သည် လာမည့်လဆန်းတွင် ပြုလုပ်မည့် ဂိုဏ်း၏ လစဉ်အစည်းအဝေးကို စောင့်ရန် ဆုံးဖြတ်လိုက်သည်။ ထိုအချိန်တွင် ဌာနချုပ်၌ တွေ့ဆုံခြင်းမှာ ပို၍ သဘာဝကျပြီး သံသယဖြစ်စရာ မရှိပေ။</p> <p> </p> <p>….</p> <p> </p> <p>အချိန်များမှာ မျက်စိတစ်မှိတ်အတွင်း ကုန်ဆုံးသွားခဲ့သည်။</p> <p> </p> <p>သွေးအဆီအနှစ်ဆေးလုံးအတွက် ပစ္စည်းများ စုဆောင်းခြင်း၊ ဖော်စပ်ခြင်းနှင့် ပထမအကြိမ် စမ်းသပ်ခြင်းတို့ ပြုလုပ်နေစဉ်မှာပင် တစ်လနီးပါး ကုန်လွန်သွားခဲ့ပြီ ဖြစ်သည်။</p> <p> </p> <p>နှစ်ရက်အကြာတွင် လော့ချန်သည် ကျင့်ကြံရာမှ ဖြည်းညှင်းစွာ မျက်လုံးဖွင့်လာခဲ့သည်။ သူ၏ အသက်ရှူသံမှာ တည်ငြိမ်နေပြီး ခန္ဓာကိုယ်မှာလည်း လန်းဆန်းနေသည်။</p> <p> </p> <p>သူ အမြဲလုပ်လေ့ရှိသည့်အတိုင်း သူ၏ အခြေအနေပြကြေးမုံပြင်ကို ဖွင့်ကြည့်လိုက်သည်။</p> <p> </p> <p>[အခြေအနေပြကြေးမုံပြင်]</p> <p> </p> <p>အမည် - လော့ချန်</p> <p> </p> <p>သက်တမ်း - ၂၈/၇၅</p> <p> </p> <p>ဝိညာဉ်အမြစ် - သတ္တု၊ သစ်သား၊ ရေ၊ မီး၊ မြေ (ငါးမျိုးစုံ)</p> <p> </p> <p>အဆင့် - ချီသန့်စင်အဆင့် (၇) (၆၇/၁၀၀)</p> <p> </p> <p>အောင်မြင်မှုအမှတ် - ၂၃</p> <p> </p> <p>[ကျင့်စဉ်များ]</p> <p> </p> <p>နွေဦးကျင့်စဉ် - ပါရမီရှင်အဆင့် (၉၂၇/၁၀၀၀)</p> <p> </p> <p>[မှော်အတတ်များ]</p> <p> </p> <p>မီးလုံးမှော်အတတ် - အထွတ်အထိပ်အဆင့်</p> <p> </p> <p>လေခွင်းမှော်အတတ် - ပါရမီရှင်အဆင့် (၈၇၀/၁၀၀၀)</p> <p> </p> <p>ဆွဲငင်ခြင်းမှော်အတတ် - ပါရမီရှင်အဆင့် (၉၀၀/၁၀၀၀)</p> <p> </p> <p>နွယ်ရှင်နှောင်ကြိုး - ပါရမီရှင်အဆင့် (၆၁၀/၁၀၀၀)</p> <p> </p> <p>နတ်မျက်စိ မှော်အတတ် - ပါရမီရှင်အဆင့် (၇၈၀/၁၀၀၀)</p> <p> </p> <p>သန့်စင်ခြင်းမှော်အတတ် - ပါရမီရှင်အဆင့် (၅၁၂/၁၀၀၀)</p> <p> </p> <p>ချီဖုံးကွယ်မှော်အတတ် - ပါရမီရှင်အဆင့် (၅၇၀/၁၀၀၀)</p> <p> </p> <p>ကုသခြင်းမှော်အတတ် - ကျွမ်းကျင်အဆင့် (၂၃၀/၃၀၀)</p> <p> </p> <p>[ဆေးဖော်စပ်ခြင်း]</p> <p> </p> <p>ကျောက်စိမ်းကွဲခြင်း - ကျွမ်းကျင်အဆင့် (၂၇၅/၃၀၀)</p> <p> </p> <p>သစ္စာနှလုံးသား - တတ်မြောက်အဆင့် (၁၈၀/၂၀၀)</p> <p> </p> <p>[ကိုယ်ခံပညာ]</p> <p> </p> <p>လေလွင့်ခြေလှမ်း - အထွတ်အထိပ်အဆင့်</p> <p> </p> <p>တောင်ဖြိုကျောက်တိုင်ခွဲ လက်ဝါးသိုင်း - ပါရမီရှင်အဆင့် (၅၈၀/၁၀၀၀)</p> <p> </p> <p>ကောင်းကင်နတ်သမီးပန်းကြဲခြင်း - တတ်မြောက်အဆင့် (၁၂၅/၂၀၀)</p> <p> </p> <p>[အတတ်ပညာများ]</p> <p> </p> <p>ပထမအဆင့် ဆေးဖော်ဆရာ</p> <p> </p> <p>မှော်အာဟာရဆေးလုံး - အထွတ်အထိပ်အဆင့်</p> <p> </p> <p>အံ့ဖွယ်တစ်သောင်းဆေးလုံး - ပါရမီရှင်အဆင့် (၇၀၀/၁၀၀၀)</p> <p> </p> <p>ကျောက်စိမ်းအမြုတေ ဆေးလုံး - ပါရမီရှင်အဆင့် (၆၀၀/၁၀၀၀)</p> <p> </p> <p>သွေးအဆီအနှစ်ဆေးလုံး - အခြေခံအဆင့် (၆/၁၀၀)</p> <p> </p> <p>လော့ချန်သည် သူ၏ တိုးတက်မှုများကို ကြည့်ကာ ကျေနပ်စွာ ပြုံးလိုက်မိသည်။</p> <p> </p> <p>အထူးသဖြင့် သန့်စင်ခြင်းမှော်အတတ်၊ ပါရမီရှင်အဆင့် ရောက်သွားခြင်းနှင့် သွေးအဆီအနှစ်ဆေးလုံး၊ အခြေခံအဆင့်သို့ ရောက်ရှိသွားခြင်းမှာ သူ့အတွက် အားရစရာပင်။</p> <p> </p> <p>သူ၏ သက်တမ်းမှာမူ ပြောင်းလဲခြင်း မရှိသေးပေ။</p> <p> </p> <p>သူသည် ကမ္ဘာကူးပြောင်းလာသူ ဖြစ်သဖြင့် ကျင့်ကြံမှု တိုးတက်သော်လည်း သက်တမ်းမှာ လိုက်ပါတိုးတက်ခြင်း မရှိသေးဟု သူ ယူဆထားသည်။ သို့သော် လော့ချန်မှာ ယခင်ကကဲ့သို့ စိုးရိမ်ပူပန်ခြင်း မရှိတော့ပေ။</p> <p> </p> <p>ဤလောကကြီး တည်ငြိမ်နေသရွေ့ သူသည် ချီသန့်စင်အဆင့်၏ ထိပ်ဆုံးသို့ ရောက်ရှိနိုင်မည်ဟု ယုံကြည်နေသည်။ ထိုအချိန်ရောက်မှသာ သက်တမ်းကိစ္စကို သူ စိတ်ပူတော့မည် ဖြစ်သည်။</p> <p> </p> <p>သူ့အတွက် ပို၍ ဝမ်းသာစရာမှာ ကျင့်ကြံမှုအဆင့် တိုးတက်လာခြင်း ဖြစ်သည်။</p> <p> </p> <p>နောက်တစ်လခန့်ဆိုလျှင် သူသည် အဆင့် ၈ သို့ ရောက်ရှိတော့မည် ဖြစ်သည်။ ထို့အပြင် နွေဦးကျင့်စဉ်မှာလည်း အထွတ်အထိပ်အဆင့် ရောက်ရန် ၁၀ ရက်ခန့်သာ လိုတော့သည်။ ကျင့်စဉ်တစ်ခု အထွတ်အထိပ်အဆင့် ရောက်လျှင် မည်သို့သော ထူးခြားသည့် ပြောင်းလဲမှုများ ဖြစ်လာမည်ကို သူ အလွန် သိချင်နေမိသည်။</p> <p> </p> <p>အခြေအနေပြကြေးမုံပြင်ကို ကြည့်ပြီးနောက် လော့ချန် ဝိညာဉ်ကြောဂူထဲမှ ထွက်လာခဲ့သည်။</p> <p> </p> <p>ဆေးဖော်ဆောင်သို့ ရောက်သောအခါ အေးအေးလူလူပင် ထိုင်ရင်း ချင်ယွမ်ဇီ ကျမ်းစာကို ဖတ်နေလိုက်သည်။ ဆေးဖော်စပ်ခြင်းဆိုင်ရာ စာအုပ်များသည် ဘယ်နှစ်ခါဖတ်ဖတ် သူ့အတွက် အမြဲ အသစ်အဆန်း ဖြစ်နေဆဲပင်။</p> <p> </p> <p>ယနေ့မှာ လဆန်းရက် ဖြစ်သဖြင့် အားလပ်ရက် ဖြစ်သည်။</p> <p> </p> <p>ဆေးဖော်ဆောင်၏ ယနေ့ အလုပ်မှာ ကုန်ကြမ်းပစ္စည်းများ ပြန်လည် ဖြည့်တင်းခြင်းနှင့် ပြီးခဲ့သည့်လ၏ ထုတ်လုပ်မှုများကို စာရင်းတွက်ချက်ခြင်းသာ ဖြစ်သည်။</p> <p> </p> <p>ပုံမှန်အားဖြင့် မီကျွင်းဖျင်သည် လူလွှတ်၍ လော့ချန်၏ အမြတ်ဝေစုများနှင့် လစာဆေးလုံးများကို ပေးပို့လေ့ရှိသော်လည်း ယနေ့တွင်မူ သူကိုယ်တိုင် သွားယူရန် ဆုံးဖြတ်လိုက်သည်။</p> <p> </p> <p>လော့ချန်သည် ကူချိုင်ယီ၊ စီကုန်ရှို့ကျားတို့နှင့် အတူ ဂိုဏ်းဌာနချုပ်သို့ ထွက်လာခဲ့သည်။</p> <p> </p> <p>ကျောက်စိမ်းအမြုတေဆေးလုံး၏ အောင်မြင်မှုနှုန်း မြင့်တက်လာသည်နှင့်အမျှ လော့ချန်၏ ဂုဏ်သိက္ခာမှာလည်း ဂိုဏ်းအတွင်း မြင့်တက်လာခဲ့သည်။ သူ အစည်းအဝေးခန်းမအတွင်း ဝင်ထိုင်လိုက်သောအခါ လူတိုင်းက သူ့အား စိတ်ဝင်တစား ကြည့်နေကြသည်။</p> <p> </p> <p>အကြောင်းမှာ ပြီးခဲ့သည့်လ ဆေးလုံးရောင်းရငွေမှာ ဝိညာဉ်ကျောက် ၈၀၀၀ ကျော် ရှိခဲ့သောကြောင့် ဖြစ်သည်။ ဂိုဏ်းခေါင်းဆောင်များမှာ ဘာမှမလုပ်ဘဲ တစ်ဦးလျှင် ဝိညာဉ်ကျောက် ၁၀၀ မှ ၂၀၀ ခန့်အထိ ဝေစုရရှိကြရာ လော့ချန်အပေါ် အလွန် အမြင်ကြည်လင်နေကြခြင်း ဖြစ်သည်။</p> <p> </p> <p>အစည်းအဝေးအပြီးတွင် လော့ချန်သည် မီကျွင်းဖျင်ထံမှ သူ၏ ဝေစုများကို သွားယူလိုက်သည်။</p> <p> </p> <p>မြူသန့်စင်ဆေးလုံး ၄ ပုလင်း၊ စိတ်ငြိမ်အမွှေးတိုင်တစ်ဗူးနှင့် ဝိညာဉ်ကျောက် ၁၂၀၀ ရရှိခဲ့သည်။</p> <p> </p> <p>ယခုအခါ သူ၏ စုဆောင်းငွေမှာ ဝိညာဉ်ကျောက် ၄၀၀၀ ခန့်အထိ ရှိလာပြီဖြစ်သည်။ ထိုပမာဏမှာ လော့ချန် တစ်ခါမျှ မပိုင်ဆိုင်ဖူးသော ကြွယ်ဝမှုပင်။</p> <p> </p> <p>သို့သော် လော့ချန်မှာ မကျေနပ်သေးပေ။ လေလံပွဲများတွင် ပစ္စည်းကောင်းများမှာ ထောင်ချီ၍ ဈေးပေါက်တတ်ပြီး အခြေတည်ဆေးလုံးဆိုလျှင် ဝိညာဉ်ကျောက် ၆၀၀၀ အထက်တွင် ရှိနေသောကြောင့် ဝိညာဉ်ကျောက်များ များများ စုဆောင်းရန် လိုအပ်နေသေးကြောင်း သူ သိထားသည်။</p> <p> </p> <p>လော့ချန် ပြန်ရန် ပြင်လိုက်စဉ် မီရှုဟွာက လှမ်းတားလိုက်သည်။</p> <p> </p> <p>“လော့လေးရေ၊ မင်း ချီသန့်စင်ဆိုင်ရာ သိမြင်ချက်များ ကျောက်စိမ်းလိပ်ကို ဖတ်ပြီးပြီလား”</p> <p> </p> <p>လော့ချန် ခေါင်းညိတ်ကာ ကျောက်စိမ်း‌စာလိပ်ကို ပြန်ထုတ်ပေးရင်း ပြောလိုက်သည်။</p> <p> </p> <p>“ဒါပေါ့ဗျ အကုန် အလွတ်ရနေပါပြီ၊ ဂိုဏ်းချုပ်…. ဒီစာလိပ်က ကျွန်တော့်ရဲ့ သံသယတွေကို အများကြီး ရှင်းလင်းပေးနိုင်ခဲ့တာ အမှန်ပဲ”</p> <p> </p> <p>မီရှုဟွာက ကျောက်စိမ်းလိပ်ကို ပြန်ယူရင်း ပြုံးကာ ဆိုသည်။</p> <p> </p> <p>“အသုံးဝင်တယ်ဆိုရင် ဝမ်းသာပါတယ်ကွာ၊ ဒါက တစ်စောင်တည်းရှိတာ၊ ငါ့မိသားစုထဲက တခြားတစ်ယောက် သုံးဖို့ စောင့်နေလို့”</p> <p> </p> <p>မိသားစုဟူသော စကားကြောင့် လော့ချန်သည် မီရှူဟွာကို ကြည့်ရင်း မိသားစုအရေး ကိစ္စများသည် အလွန်ပင် ခေါင်းရှုပ်စရာ ကောင်းလှသည်ဟု တွေးမိသွားသည်။</p> <p> </p> <p>မီရှုဟွာတွင် သားသမီး သုံးဦးရှိသော်လည်း ပါရမီထူးခြားသူ သိပ်မရှိလှပေ။ သူသည် သားသမီးများနှင့် မြေးမြစ်များ၏ ရှေ့ရေးအတွက် အမြဲ ပူပန်နေပုံရသည်။ ဤစာအုပ်မှာ မီရှုဟွာ၏ မြေးများ သို့မဟုတ် သူ့သမီးနှင့် လက်ထပ်မည့် စီကုန်းရှို့ကျား၏ သားအတွက် ဖြစ်နိုင်သည်ဟု လော့ချန် တွေးလိုက်မိသည်။</p> <p> </p> <p>“ဒါနဲ့ မင်း မီးသားရဲချီတချို့ လိုက်ဝယ်ထားတယ်လို့ ကြားတယ်၊ ဟုတ်လား” ဟု မီရှုဟွာက မေးလိုက်သည်။</p> <p> </p> <p>လော့ချန်က သူ့အမေးကို မထူးခြားသလိုပင် ခေါင်းညိတ်ပြလိုက်သည်။</p> <p> </p> <p>“ဟုတ်ကဲ့၊ ၁၀ မျှင် ဝယ်ထားပါတယ်”</p> <p> </p> <p>“ဘာလုပ်ဖို့လဲ”</p> <p> </p> <p>လော့ချန်က ပုခုံးတွန့်ပြလိုက်သည်။</p> <p> </p> <p>“ဘာလုပ်ရမှာလဲဗျ…. ချင်ယွမ်ဇီရဲ့ ကျမ်းထဲမှာ မြေအောက်မီးနဲ့ ဆေးဖော်တာ၊ မိစ္ဆာချီ သုံးတာတွေ ဖတ်ရလို့ စမ်းကြည့်ချင်လို့ ဝယ်လိုက်တာပါ”</p> <p> </p> <p>မီရှုဟွာ ခေါင်းညိတ်လိုက်သည်။ သူလည်း ထိုကျမ်းစာအုပ်ကို ဖတ်ဖူးသဖြင့် လော့ချန်၏ စကားကို ယုံကြည်ဟန် ရှိသည်။</p> <p> </p> <p>လော့ချန် ဆက်ပြောလိုက်သည်။</p> <p> </p> <p>“ကျွန်တော် ကျောက်စိမ်းအမြုတေဆေးလုံးကို အဆင့်မြင့် မရနိုင်တာက ကျွန်တော့်ရဲ့ ပညာကြောင့် မဟုတ်ဘဲ ဆေးဖော်တဲ့ မီးကြောင့်လို့ သံသယရှိနေတယ်၊ မြေအောက်မီးကို ရှာလို့မရပေမဲ့ မိစ္ဆာချီကို သေချာသုံးပြီး မီးထဲ ထည့်လိုက်ရင် အလားတူ အာနိသင် ရနိုင်မလားလို့ စမ်းကြည့်တာပါ"</p> <p> </p> <p>အဆင့်မြင့် ကျောက်စိမ်းအမြုတေဆေးလုံးနှင့် ပတ်သက်နေသည်ဟု ကြားသောအခါ မီရှုဟွာ စိတ်ဝင်စားသွားသည်။</p> <p> </p> <p>"ရလဒ်က ဘာဖြစ်သွားလဲ"</p> <p> </p> <p>“ဘာဖြစ်ရမှာလဲ.... မိစ္ဆာချီ မီးထဲဝင်သွားတာနဲ့ ထင်းမီးက ချက်ချင်း ထိန်းမရဘဲ ပေါက်ကွဲထွက်သွားတာပေါ့" ဟု လော့ချန် စိတ်ပျက်ဟန်ဖြင့် ဟန်ဆောင်ကာ ခါးခါးသီးသီး ပြုံးပြလိုက်သည်။</p> <p> </p> <p>မီရှုဟွာ သက်ပြင်းချလိုက်သည်။</p> <p> </p> <p>“မီးသားရဲချီက သာမန်မြေအောက်မီးထက်တောင် အစွမ်းထက်ပြီး ကြမ်းတမ်းတယ်၊ သာမန်မီးလောက်နဲ့ သွားရှုပ်လို့မရဘူးကွ”</p> <p> </p> <p>လော့ချန် စိတ်ထဲတွင် သက်ပြင်းချလိုက်မိသည်။ အဘိုးကြီးမီသည် မိမိ ဘာဝယ်သည်ကအစ  စောင့်ကြည့်နေကြောင်းလည်း သိလိုက်ရပြီ ဖြစ်သည်။</p> <p> </p> <p>“ဂိုဏ်းချုပ်ရယ်…. မြေအောက်မီးသာရှိရင် ဆေးဖော်တာ တော်တော်အဆင်ပြေသွားမှာဗျာ၊ ဂိုဏ်းချုပ်လို သမ္ဘာရင့် ဝါရင့်ပုဂ္ဂိုလ် မျိုးဆို အဲ့ဒီမြေအောက်မီး ရှိနိုင်တဲ့ မြေကြောလောက်တော့ အသာလေးသိမ်းလို့ရမှာပဲ၊ ကျွန်တော့်ကို သနားတဲ့အနေနဲ့  မြေအောက်မီးကြောလေးရှာပြီး ကူညီပါလားဗျာ၊ ကျွန်တော်သာ မြေအောက်မီးနဲ့ ဆေးဖော်ရရင်လေ….”</p> <p> </p> <p>အစရှိသဖြင့် လော့ချန် မျက်နှာငယ်လေးနှင့် ပြောလိုက်လေရာ မီရှုဟွာတယောက် ခေါင်းနပန်းကြီးသွားတော့သည်။</p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p>***</p> <p> </p>


Save