Book List

<h2 style="text-align: center;">​အပိုင်း ၃၅၈၆</h2> <h2 style="text-align: center;">*</h2> <p> </p> <p> </p> <p> </p> <p>​မဟာ အကြီးအကဲရှုံက စီနီယာ မိစ္ဆာသစ်ခွကို မှတ်မိသည့်အကြောင်း ပြောနေတုန်းမှာပဲ ဂျင်ချန်ဟာ မဟာအကြီးအကဲရှုံကို ကြည့်လိုက်မိသည်။ ဤသို့သော မဟာ အကြီးအကဲရှုံက တစ်ခဏချင်း တိတ်ဆိတ်သွားလိမ့်မည်ဟု သူ မထင်ထားခဲ့မိပါဘူး။</p> <p> </p> <p>​အတိတ်က ဖြစ်ပျက်ခဲ့သည့် အဖြစ်အပျက်ပေါင်းများစွာကို ပြန်လည်သတိရသွားသလိုမျိုး သက်ပြင်းချလိုက်ပြီး သူက တဖြည်းဖြည်း ရှင်းပြ၏။</p> <p> </p> <p>​" အတိတ်မှာ ငါက ခရမ်းကောင်းကင် ဓားဂိုဏ်းရဲ့ တပည့်ဂိုဏ်းသားတစ်ယောက် ဖြစ်ခဲ့တာလေ။ ခရမ်းကောင်းကင် ဓားဂိုဏ်းက ထာဝရ ရှင်သန်ခြင်းလောကမှာ အရမ်းကို အင်အားကြီးခဲ့တာပေါ့။ ဘယ်အဖွဲ့အစည်းကမှ တို့ကို ရန်မစရဲခဲ့ဖူးဘူး။ ထာဝရရှင်သန်ခြင်းလောကမှာ အင်အားအကြီးဆုံး အဖွဲ့အစည်းလို့ ပြောရင်လည်း အပိုပြောတာ မဟုတ်တော့ဘူး။ ခရမ်းကောင်းကင် ဓားဂိုဏ်းက အဲ့ဒီလောက် အင်အားကြီးမားနေပြီး အဆင့်အတန်း အမြင့်ဆုံး ခေတ်ကာလကို ပိုင်ဆိုင်ခဲ့တဲ့ အချိန်လို့ ပြောရမှာပဲ။ လူတိုင်းက ခရမ်းကောင်းကင် ဓားဂိုဏ်းရဲ့ တပည့်ဖြစ်ရတာကို အရမ်း ဂုဏ်ယူကြတယ်။ "</p> <p> </p> <p>​" ဓားနယ်မြေ ဆိုတာက ကြယ်စင်တောက်ပမှု ဘိုးဘေးက ဖန်တီးထားတဲ့ အသေးစား လောကလေးပေါ့။ အန္တရာယ်လည်း ရှိသလို အခွင့်အရေးတွေလည်း ရှိတယ်။ အဲ့ဒီ အသေးစားလောကတွေထဲက တစ်ခုက ခရမ်းကောင်းကင်ဓားဂိုဏ်းက တပည့်ဂိုဏ်းသားတွေကို လေ့ကျင့်ဖို့အတွက် အထူးတလည် ဖန်တီးပေးဆပ်ထားတာလေ။ ငါ အဲ့ဒီ ဓားနယ်မြေထဲမှာ စီနီယာ မိစ္ဆာသစ်ခွပန်းနဲ့ တွေ့တာ။ စီနီယာ မိစ္ဆာသစ်ခွပန်းက ငါ့ရဲ့အသက်ကို ကယ်တင်ခဲ့တယ်။ ငါ့ကို အခွင့်အရေးတစ်ခု ချီးမြှင့်ခဲ့တယ်။ ဒါကြောင့် ငါက စီနီယာ မိစ္ဆာသစ်ခွပန်းအပေါ် အရမ်းကို နက်ရှိုင်းတဲ့ ထင်မြင်ချက်မျိုး ရှိနေခဲ့တာပေါ့။ ဒါပေမဲ့ စီနီယာ မိစ္ဆာသစ်ခွပန်းက ငါ့ကိုတော့ မမှတ်မိလောက်ပါဘူး။ အဲ့ဒီတုန်းက ငါက ဒီတိုင်း ကောင်းကင်ဘုံ ကိုးဆင့် ရွှမ် အမတ အများအပြားထဲကမှ တစ်ယောက်ပဲလေ။ စီနီယာ မိစ္ဆာသစ်ခွပန်းက ထာဝရ ရှင်သန်ခြင်း ဧကရာဇ် ဖြစ်နေပြီ။ "</p> <p> </p> <p>​ဂျင်ချန်၊ အကြီးအကဲနုန်နဲ့ ချန်ရှုကျစ်တို့ဟာ အကြည့်ချင်း ဖလှယ်လိုက်ကြသည်။ အားလုံးက အံ့ဩသွားကြသည်။ မဟာအကြီးအကဲရှုံက ထပ်ပြီး သက်ပြင်းချသည်။</p> <p> </p> <p>​" အဲ့ဒီနောက် ငါက ဂိုဏ်းရဲ့ စည်းမျဉ်းကို ဖောက်ဖျက်လို့ မောင်းထုတ်ခံခဲ့ရတယ်။ ရလဒ်အနေနဲ့ အဲ့ဒီအချိန်က စပြီး ငါက ခရမ်းကောင်းကင် ဓားဂိုဏ်းက ထွက်သွားခဲ့ရတယ်။ အဲ့ဒီနောက်ပိုင်းမှာပဲ မျှော်လင့်မထားတဲ့ ကိစ္စပေါင်းများစွာ ဖြစ်ပျက်ခဲ့ပြီး ငါက ဒဏ္ဍာရီ ဓား အမတ ဂိုဏ်းကို ဝင်သွားခဲ့တာ။ ရလဒ်အနေနဲ့ ငါ အဲ့ဒီနောက်ပိုင်း စီနီယာ မိစ္ဆာသစ်ခွပန်းကို မတွေ့ရတော့ဘူး။ ခရမ်းကောင်းကင်ဓားဂိုဏ်းကလည်း ကြောက်စရာကောင်းတဲ့ ဖြစ်ရပ်ကြီးတွေကို ကြုံတွေ့ခဲ့ရတယ်။ ငါကလည်း စီနီယာ မိစ္ဆာသစ်ခွပန်း သေသွားတဲ့အကြောင်းကို ကြားလိုက်ရပါတယ်။ ဒါပေမဲ့ ဒီနေ့မှာပဲ စီနီယာ မိစ္ဆာသစ်ခွပန်းက အမှန်တကယ် အသက်ရှင်နေသေးကြောင်း သိရတာ။ "</p> <p> </p> <p>​အကြီးအကဲရှုံသည် မိမိကိုယ်ကိုယ် စိတ်လှုပ်ရှားပြီး ခံစားချက် ပြင်းထန်နေကြောင်း မြင်တော့ အကြီးအကဲနုန်နှင့် ချန်ရှုကျစ်တို့က တုန်လှုပ်သွားကြသည်။ သူတို့၏ ခံစားချက်များအားလုံး အလွန်အမင်း ချောက်ချားလာသည်။</p> <p> </p> <p>​ဂျင်ချန် ပြီးလျှင် ထိုနှစ်ယောက်သည်လည်း ထာဝရ ရှင်သန်ခြင်း သစ်ခွပန်းဟာ ကြယ်စင်တောက်ပမှု ဘိုးဘေးရဲ့ ထာဝရ ရှင်သန်ခြင်း သစ်ခွပန်း မဟုတ်မှန်း သိနေကြပြီ ဖြစ်သည်။ မဟာအကြီးအကဲရှုံကမူ ကွာခြားချက်ကို ရှင်းလင်းစွာဖြင့် မပြောနိုင်သေးချေ။ ထိုအခါ သူသည်လည်း ဂျင်ချန်မွေးထားသော ထာဝရရှင်သန်ခြင်းသစ်ခွပန်းအား အတိတ်က တစ်ခုနှင့် တူညီသည်ဟု ထင်သွားသည်။ သူတို့နှစ်ယောက်သည်လည်း အမှန်တရားကို ပြောချင်နေပြီး တစ်ဖက်လူကိုလည်း နားလည်မှု မလွဲလိုပေ။</p> <p> </p> <p>​သို့ရာတွင် တစ်ဖက်လူက မိမိကိုယ်တိုင် စိတ်လှုပ်ရှားနေကြောင်း မြင်ပြီး အမှန်တရားကို ပြောလိုက်ပါက တစ်ဖက်လူ စိတ်ပျက်သွားကာ ခရမ်းကောင်းကင် ဓားဂိုဏ်းပေါ် ထင်မြင်ချက် ဆိုးရွားသွားမည်ကိုလည်း ကြောက်ရွံ့မိသည်။ ရလဒ်အနေဖြင့် သူတို့ဟာ အသေအချာ စဉ်းစားပြီးနောက်တွင် နှုတ်ဆိတ်နေရန် ဆုံးဖြတ်လိုက်ကြသည်။ သူတို့သည် ဘာကိုမှ မပြောတော့ပါချေ။ ဂျင်ချန်က အကြီးအကဲရှုံကို တိတ်ဆိတ်စွာ ကြည့်နေသည်။</p> <p> </p> <p>​အကြီးအကဲရှုံဟာ ထာဝရ ရှင်သန်ခြင်း သစ်ခွပန်း၏ နောက်ခံကို သံသယ မရှိမှန်းလည်း သိလိုက်ရသည်။ သို့ရာတွင် ဒါကလည်း အဓိပ္ပာယ်ရှိသည်။ ကြယ်စင်တောက်ပမှု ဘိုးဘေးက မွေးမြူထားသော ထာဝရ ရှင်သန်ခြင်း သစ်ခွပန်းသည် အဆုံးသတ်တွင် ထာဝရ ရှင်သန်ခြင်း ဧကရာဇ်အဆင့်သို့ ရောက်ရှိသွားခဲ့ပြီး သူတို့၏ရှေ့မှ ထာဝရရှင်သန်ခြင်းသစ်ခွပန်းကလည်း ထာဝရ ရှင်သန်ခြင်း ဧကရာဇ် ဖြစ်နေသည်။ ပို၍ အရေးကြီးဆုံးကိစ္စကမူ သူ၏ ထာဝရ ရှင်သန်ခြင်းသစ်ခွပန်းဟာ ကြယ်စင်တောက်ပမှု ဘိုးဘေး ဖန်တီးသည့် အသေးစားလောကထဲမှ ထွက်လာခဲ့ခြင်းဖြစ်ပြီး တပည့်ဂိုဏ်းသားတိုင်းကလည်း မြင်ဖူးပြီးသားဖြစ်သည်။</p> <p> </p> <p>​ထို့ကြောင့် အရာအားလုံးကို ဆက်စပ်ကာ တွေးတောကြည့်လိုက်သောအခါ ခရမ်းကောင်းကင်ဓားဂိုဏ်းမှ ထာဝရ ရှင်သန်ခြင်း သစ်ခွပန်းသည် ယခင်တစ်ခုနှင့် တူညီသည်ဟု ထင်ကြသည်။ ထာဝရ ရှင်သန်ခြင်းသစ်ခွပန်းက အတိတ်ကထက် အနည်းငယ် ခြားနားသွားခဲ့လျှင်ပင် ဗီဇပြောင်းလဲမှု၊ အသွင်ပြောင်းလဲမှု စသည်ဖြင့် အမျိုးမျိုးသော ခေါင်းစဉ်များအောက်တွင် အဓိပ္ပာယ်ရှိသွားလေသည်။ ရလဒ်အနေဖြင့် ဂျင်ချန်၏ ထာဝရ ရှင်သန်ခြင်း သစ်ခွပန်းသည် နောက်ခံအသစ်နှင့် လိုက်ဖက်လွန်းနေသည်။</p> <p> </p> <p>​ထာဝရ ရှင်သန်ခြင်း သစ်ခွပန်းကို ဂါရဝပြုပြီးသည့်နောက်တွင် အကြီးအကဲရှုံက ခရမ်းကောင်းကင် ဓားဂိုဏ်း၏ ဧည့်ခန်းမဆောင်သို့ ရောက်ရှိလာသည်။ ဂျင်ချန်ကလည်း ဂိုဏ်းချုပ်ဆိုသည့် ပလ္လင်ပေါ် သွားမထိုင်ဘဲ ထိုအစား သူသည်လည်း ဖျာများအလယ်တွင် လုံးဝန်းသော စားပွဲလေးတစ်ခုကို ချခင်း၍ အားလုံးကို အတူထိုင်စေသည်။ ယခုအခါ မဟာအကြီးအကဲရှုံက တည်ငြိမ်သွားပြီ ဖြစ်သည်။ သူဟာ ထာဝရ ရှင်သန်ခြင်း ဧကရာဇ် အဆင့်မှာပင် ရှိနေသော ဂျင်ချန်ကို အတန်ငယ် ထူးဆန်းသော အမူအရာမျိုးဖြင့် ကြည့်သည်။</p> <p> </p> <p>​" ဂျင်ချန်၊ မင်းရဲ့ နောက်က အဖွဲ့အစည်းက ထာဝရရှင်သန်ခြင်းဘုရင် ၈၁ ယောက်နဲ့ ထာဝရရှင်သန်ခြင်း ဧကရာဇ် ၁၀ ယောက်ကို သေဆုံးသွားအောင် လုပ်လိုက်တာ မဟုတ်လား။ "</p> <p> </p> <p>ဂျင်ချန်က ထိုမေးခွန်းကို ရှောင်ရှားရင်း ရှင်းလင်းသော အဖြေမပေးလိုက်ပေ။</p> <p> </p> <p>" ကျွမ်းကျင်ပညာရှင်ပေါင်းများစွာ သေဆုံးသွားခြင်းကြောင့် ထွားကြိုင်း ဆင် အမတ ဂိုဏ်းက ငါတို့၏ ခရမ်းကောင်းကင်ဓားဂိုဏ်းကို အဆုံးအစမရှိအောင် အပြစ်တင်နေတော့မှာပဲ။ ထွားကြိုင်း ဆင် အမတ ဂိုဏ်း အင်အားမျိုးနှင့်ဆိုရင် ခရမ်းကောင်းကင်ဓားဂိုဏ်းလို နည်းပါးတဲ့ အင်အားမျိုးနှင့် တားဆီးဖို့က မဖြစ်နိုင်လောက်ဘူး။ အနှေးနဲ့အမြန်ဆို သူတို့က ဒီဂိုဏ်းကို ရောက်လာမှာပဲ။ "</p> <p> </p> <p>​" မင်း ထင်တာ အမှန်ပဲ။ ထွားကြိုင်း ဆင် အမတ ဂိုဏ်းရဲ့ ကျွမ်းကျင်ပညာရှင်တွေက ဒီတစ်ခေါက်မှာ သူတို့ရဲ့ အင်အား သုံးပုံနှစ်ပုံနီးပါးကို ဆုံးရှုံးသွားတာ။ ထွားကြိုင်း ဆင် အမတ ဂိုဏ်းက ဒီကိစ္စကို ဒီအတိုင်း အရှုံးခံမှာ မဟုတ်ဘူး။ နောက်ပြီး အရေးကြီးဆုံးအချက်က ထွားကြိုင်း ဆင် အမတ ဂိုဏ်းကိုလည်း အရမ်းကောင်းတဲ့ အကြောင်းပြချက်တစ်ခု ပေးသလို ဖြစ်သွားတယ်။ ဒါကြောင့် အချိန်ရောက်လာတဲ့အခါမှာ ထွားကြိုင်း ဆင် အမတ ဂိုဏ်းက ဆမ်ဆာရ ထာဝရရှင်သန်ခြင်း မဟာအဆင့်မြင့် ဘုရင်ရဲ့ သတိပေးချက် ရှိနေရင်တောင်မှ ဂရုမစိုက်ဘဲ ဖြေရှင်းလို့ ရလာတယ်။ အနည်းဆုံးတော့ ခရမ်းကောင်းကင်ဓားဂိုဏ်းကို အတန်အသင့်တစ်ခုထိ တန်ဖိုးပေးဆပ်ရအောင် လုပ်နိုင်မှာပဲ။ "</p> <p> </p> <p>အကြီးအကဲ ရှုံက ခေါင်းညိတ်သည်။</p> <p> </p> <p>​" မဟာအကြီးအကဲရှုံ၊ ဒဏ္ဍာရီ ဓား အမတ ဂိုဏ်းရဲ့ ခရမ်းကောင်းကင်ဓားဂိုဏ်းအပေါ် လက်ရှိအပြုအမူကို နားလည်ချင်တယ်။ ခရမ်းကောင်းကင်ဓားဂိုဏ်းက ဒီလောက် အန္တရာယ်ကြီးကို ရင်ဆိုင်နေရတဲ့အချိန်မှာ ဒဏ္ဍာရီ ဓား အမတ ဓားဂိုဏ်းက လာပြီး ကူညီနိုင်ခြေ ရှိလား။ "</p> <p> </p> <p>ဂျင်ချန်က မေးလာသည်။ မဟာအကြီးအကဲရှုံက ခေါင်းခါပြီး ဂျင်ချန်ကို တုံ့ဆိုင်းလွန်းသော အမူအရာမျိုးဖြင့် ကြည့်သည်။</p> <p> </p> <p>​" မင်းရဲ့ အတွေးက အရမ်းရိုးရှင်းတယ်။ ခရမ်းကောင်းကင်ဓားဂိုဏ်းကလည်း ငါတို့ရဲ့ ဒဏ္ဍာရီ ဓား အမတ ဂိုဏ်းက လွန်ခဲ့တဲ့နှစ်တွေအတွင်းမှာ မင်းတို့ကို ဘယ်လိုမျိုး ပြုမူတုံ့ပြန်ခဲ့သလဲဆိုတာ သိနေမှာပဲလေ။ ဒါကို တခြား ပြန်စဉ်းစားကြည့်။ ငါတို့ရဲ့ ဒဏ္ဍာရီ ဓား အမတ ဂိုဏ်းကသာ ခရမ်းကောင်းကင်ဓားဂိုဏ်းကို ကူညီချင်ရင် ခရမ်းကောင်းကင်ဓားဂိုဏ်းက ဒီအခြေအနေထိ ရောက်သွားမလား။ ဘာပဲဖြစ်ဖြစ် ဒဏ္ဍာရီ ဓား အမတဂိုဏ်းက ကောင်းကင်ဘုံ ၁၂ ခုထဲက တစ်ခု ဖြစ်နေတုန်းပဲလေ။ ဆိုလိုတာက ကောင်းကင်ဘုံ ၁၂ ခုထဲမှာ ငါတို့ရဲ့ ဒဏ္ဍာရီ ဓား အမတ ဂိုဏ်းက တောင်ဝင်ကလန်က ကျွမ်းကျင်ပညာရှင်တွေပြီးရင် အင်အားအကြီးဆုံးပဲ။ "</p> <p> </p> <p>မဟာ အကြီးအကဲ ရှုံ၏ အသံက ဂုဏ်ယူမှုများ ပဲ့တင်ထပ်နေသည်။</p> <p> </p> <p>​" ဒီလိုဆိုရင် ချန်ဖုန်းကို ဘာကြောင့် ခရမ်းကောင်းကင်ဓားဂိုဏ်းထဲကို ထည့်ထားတာလဲ။ "</p> <p> </p> <p>ဂျင်ချန်က မေးသည်။ မဟာ အကြီးအကဲရှုံက သက်ပြင်းချသည်။</p> <p> </p> <p>" ငါ အပါအဝင် ဒဏ္ဍာရီ ဓား အမတ ဂိုဏ်းထဲမှာ ခရမ်းကောင်းကင် ဓားဂိုဏ်းအကြောင်း တွေးနေတဲ့သူတွေ အများကြီး ရှိသေးတာ အမှန်ပဲ။ ငါတို့က ချန်ဖုန်းကို ဒီနေရာကို လွှတ်ထားတယ်ဆိုတာက သူ့ရဲ့ ကောင်းကင်နဲ့မြေပြင် အမွှာဝိညာဉ်ကို သုံးပြီး ခရမ်းကောင်းကင် ဓားဂိုဏ်းရဲ့ အခြေအနေကို ကောင်းကောင်း နားလည်ချင်လို့ပဲ။ ခရမ်းကောင်းကင် ဓားဂိုဏ်းရဲ့ အတိတ်က သစ္စာဖောက်တဲ့ကိစ္စက ငါတို့ကို အများကြီး စိတ်ပျက်စေခဲ့တာ။ ဒါပေမဲ့ ခရမ်းကောင်းကင် ဓားဂိုဏ်းကလည်း လွန်ခဲ့တဲ့ နှစ် ၃၅ ခု စစ်ပွဲအတွင်းမှာ အများကြီး အကျိုးပြုခဲ့တာကို လက်ခံပါတယ်။ ဒီနေ့အချိန်ထိ အချို့အဖွဲ့အစည်းတွေက မမေ့နိုင်ကြသေးဘူး။ ဒါပေမဲ့ ဒီလောက်ပါပဲ။ ငါတို့ရဲ့ ခရမ်းကောင်းကင်ဓားဂိုဏ်းအပေါ် အပြုအမူက စောင့်ကြည့်လေ့လာမှုဆိုတဲ့ အခြေအနေမျိုးလောက်ပဲ ရှိတာ။ ကူညီဖို့ဆိုတာကတော့...။ "</p> <p> </p> <p>​ထိုအထိ ရောက်ပြီးနောက် မဟာ အကြီးအကဲရှုံက ခေါင်းကို ဖြည်းညင်းစွာ ခါသည်။ သူက ဆက်ပြောလိုက်ပြန်သည်။ သိပ်မကြာခင်မှာပဲ မဟာအကြီးအကဲရှုံ၏ အကြည့်က အေးစက်စူးရှသွားသည်။ သူက ဂျင်ချန်ကို စိုက်ကြည့်သည်။</p> <p> </p> <p>" ငါ သိချင်တာ ရှိလို့။ မင်းက တကယ်ပဲ ဘယ်က လာတာလဲ။ မင်းရဲ့ အဖွဲ့အစည်းက ဘာလဲ။ ဘယ်လိုလုပ် ခရမ်းကောင်းကင် ဓားဂိုဏ်းကို လာတာလဲ။ "</p> <p> </p> <p>​ဂျင်ချန်က ပြုံးသည်။ သူကလည်း တည်ငြိမ်အေးဆေးသည်။</p> <p> </p> <p>" မဟာ အကြီးအကဲ ရှုံ၊ ငါ အခု ငါ့ရဲ့ ဇစ်မြစ်ကိုတော့ မပြောပြနိုင်သေးဘူး။ သိပ်မကြာခင်မှာပဲ ငါ ဘယ်သူလဲဆိုတာ အကြီးအကဲ သိရမှာပါ။ ငါ ခရမ်းကောင်းကင်ဓားဂိုဏ်းကို လာတဲ့ကိစ္စကတော့ ခရမ်းကောင်းကင် ဓားဂိုဏ်းက အမှန်တကယ် ဒုက္ခရောက်သွားခဲ့ရင် ခရမ်းကောင်းကင် ဓားဂိုဏ်းကို ဆုံးရှုံးသင့်တာမျိုး မရှိဘဲ ဆက်လက်ပြီး လွတ်မြောက်အောင် ဦးဆောင် ထွက်ပြေးသွားဖို့ပဲ။ "</p> <p> </p> <p>​" ဒါပေမဲ့ မင်းက ခရမ်းကောင်းကင် ဓားဂိုဏ်းကို အင်အားကြီးအောင် လုပ်နေတာ မဟုတ်ဘူး။ ငါ့ရဲ့ ထင်မြင်ချက်အရ မင်းက ခရမ်းကောင်းကင်ဓားဂိုဏ်းကို ပြဿနာရှာနေတာပဲ။ မင်း အခု ခရမ်းကောင်းကင် ဓားဂိုဏ်းအတွက် ပြဿနာအသစ်ကို ရှာလိုက်ပြီ။ နောက်ထပ် ပိုကြီးတဲ့ ပြဿနာတွေလည်း ရောက်လာတော့မယ်။ "</p> <p> </p> <p>မဟာ အကြီးအကဲ ရှုံ၏ အကြည့်ကမူ ပို၍သာ အေးစက်နေသည်။</p> <p> </p> <p>​အပိုင်း ၃၅၈၆ ပြီး၏။</p> <p>***</p> <p> </p>


Save