Book List

<h2 style="text-align: center;">​အပိုင်း ၃၅၉၀</h2> <h2 style="text-align: center;">*</h2> <h2 style="text-align: center;"> </h2> <p> </p> <p>​ကျိရင် နှင့် ချင်စုံ တို့ နှစ်ယောက်လုံးက ဂျင်ချန်အား ရိုသေလေးစား လိုက်နာခြင်း ကောင်းကင်ဘုံမြို့ (လျန်ကျန်းယုံ)သို့ မသွားရန် အစွမ်းကုန် ဖြောင်းဖျကြသည်။ သူတို့သည် တစ်ချိန်က အရှင်သခင် နတ်ဘုရားအဆင့် လက်နက်များအကြားတွင် အမြင့်ဆုံး အင်အားအကြီးဆုံး အဆင့်တွင် ရှိခဲ့ကြသည်။</p> <p> </p> <p>ထို့အပြင် သူတို့ ပေါင်းစပ်ပြီးနောက် ထွက်ပေါ်လာသော အရှိန်အဝါမှာ မင်သက်လောက်စရာ ဖြစ်သည်။ သို့သော် ယခုအခါ သူတို့သည် ရိုသေလေးစား လိုက်နာခြင်း ကောင်းကင်ဘုံမြို့ ၏ လက်နက်ဝိညာဉ်ထံတွင် လက်အောက်ငယ်သား သွားလုပ်ရန် ဖိအားပေးခံနေရသည်။</p> <p> </p> <p>ထိုအတွေးမှာ သူတို့အတွက် လက်ခံရန် အလွန်အမင်း ခက်ခဲစေသည်။ ရိုသေလေးစားလိုက်နာခြင်း ကောင်းကင်ဘုံမြို့ တွင် ထိုမြို့၏ လက်နက်ဝိညာဉ်မှာ အာဏာအမြင့်ဆုံး ဖြစ်သည်။ အတိတ်က ဆက်ဆံရေးမှာ မည်မျှပင် မြင့်မားနေစေကာမူ လက်ရှိတွင်မူ လက်အောက်ငယ်သား ဖြစ်သွားပေလိမ့်မည်။</p> <p> </p> <p>​သူတို့၏ သခင်အနေဖြင့် ဂျင်ချန်ကသာ ထိုလက်နက်ဝိညာဉ်၏ လက်အောက်သို့ ရောက်သွားခဲ့လျှင် သူတို့နှစ်ယောက်သည်လည်း အလားတူ ချည်နှောင်ခံလိုက်ရပေလိမ့်မည်။ ထို့ကြောင့် အချို့သော အခြေအနေမျိုးတွင် သူတို့ကပင် နာခံရန် တောင်းဆိုခံရလောက်သည်။ ဂျင်ချန်သည်လည်း ဓားဝိညာဉ်များ၏ ခံစားချက်ကို နားလည်သည်။</p> <p> </p> <p>သို့သော် ရှေးမူလ နတ်ဘုရားခန်းမ ၏ လက်နက်ဝိညာဉ်ကို နှိုးထရန် အချိန်နှောင်းနေပြီ ဖြစ်သည်။ လက်နက်ဝိညာဉ် နိုးထမှသာ ထိုပုဂ္ဂိုလ်များကို နှိုးနိုင်မည်ဖြစ်သည်။ ယခုအခါ သူသည် လက်နက်ဝိညာဉ်ကို နှိုးနိုင်မည့် နည်းလမ်းတစ်ခုကို ခက်ခက်ခဲခဲ ရှာတွေ့ထားလေရာ အခွင့်အရေးကို လက်လွတ်မခံချင်တော့ပေ။</p> <p> </p> <p>သို့မဟုတ်ပါက သူသာ ယခုအတိုင်း စောင့်နေမည်ဆိုလျှင် မည်မျှကြာအောင် စောင့်ရမည်မှန်း မသိနိုင်ပေ။ နှစ်တစ်သောင်းကျော်ပင် ဖြစ်သွားနိုင်သလို နှစ်တစ်သိန်းကျော် သို့မဟုတ် ထို့ထက်ပို၍ ကြာသွားနိုင်သည်။</p> <p> </p> <p>​ထို့ကြောင့် ဂျင်ချန်က ဓားဝိညာဉ်များကို အတတ်နိုင်ဆုံး ဖြောင်းဖျ သွေးဆောင်ကာ အယုံသွင်းရန် ကြိုးစားသည်။ သူသည် ဓားဝိညာဉ်များကို အကျိုးအကြောင်းပြကာ ဖြစ်လာနိုင်သော ကောင်းကျိုး၊ ဆိုးကျိုး၊ အားသာချက်၊ အားနည်းချက် စသည်ဖြင့် အရာအားလုံးကို ပြောပြပြီး သူ၏ စွမ်းရည်ရှိသမျှ သုံးကာ ဖြောင်းဖျ၏။</p> <p> </p> <p>သူတို့ကို စိတ်ပြောင်းအောင် လုပ်သည်။ အဆုံးသတ်တွင် အလွန်အမင်း ကြိုးစားအားထုတ်ပြီးနောက် အယုံသွင်းနိုင်ခဲ့သည်။ သူတို့သည် မငြင်းဆန်တော့သည့် အနေအထားမျိုးသို့ ရောက်ရှိလာခဲ့သည်။</p> <p> </p> <p>​" သခင်...။ သခင်က ရိုသေလေးစားလိုက်နာခြင်း ကောင်းကင်ဘုံမြို့ မှာ နေရာတစ်ခု လိုချင်တယ်ဆိုရင်တောင်မှ ယူနိုင်ချင်မှ ယူနိုင်ဦးမှာ။ ဘာပဲဖြစ်ဖြစ် အဲ့ဒီနေရာတွေက နှစ်တစ်သောင်းမှာ တစ်ကြိမ်ပဲ လွတ်တာလေ။ ဆိုတော့ နေရာအသစ်ရဖို့အတွက် မရေမတွက်နိုင်တဲ့ ထာဝရ ရှင်သန်ခြင်း ဘုရင်တွေက အပြေးအလွှားသွားပြီး လုယက်ကြတာ။ ယှဉ်ပြိုင်မှုက တော်တော်လေး ပြင်းထန်တယ်။ ရလဒ်အနေနဲ့ ရိုသေလေးစား လိုက်နာခြင်း ကောင်းကင်ဘုံမြို့ က ရာထူးတစ်ခုချင်းစီတိုင်းက မြို့စောင့်တိုင်းကို ဖိတ်ခေါ်ပေးသလိုမျိုး ဖြစ်နေတာ။ နောက်ပြီး နေရာတစ်ခုမှလည်း မလွတ်ဖူးဘူး။ နေရာတစ်ခုကို အတည်ပြုပြီးသွားပြီဆိုတာနဲ့ အခြားသူတွေ မရနိုင်တော့ဘူး။ "</p> <p>ကျိရင် က ပြောသည်။</p> <p> </p> <p>​ဂျင်ချန်က မျက်မှောင်ကြုတ်သွားပြန်သည်။ ဒါဟာ သူ မမျှော်လင့်ထားသည့် အခြေအနေတစ်ခုဖြစ်သည်။ သို့သော် သူဟာ အလွယ်တကူ လက်လျှော့မည် မဟုတ်ပေ။</p> <p> </p> <p>" တကယ်လို့ ငါကသာ ရိုသေလေးစား လိုက်နာခြင်း ကောင်းကင်ဘုံမြို့က နေရာတစ်ခုကို လိုချင်တယ်ဆိုရင် နောက်မျိုးဆက်အထိ ဆက်စောင့်ရမှာလား။ "</p> <p> </p> <p>​" ယေဘူယျအားဖြင့်တော့ ဟုတ်တယ်၊ ဒါပေမဲ့ အခြားနည်းလမ်းတစ်ခု ရှိသေးတယ်။ ရိုသေလေးစား လိုက်နာခြင်း ကောင်းကင်ဘုံမြို့ ရဲ့ အထွတ်အမြတ်မြေက အစွန်းအထင်းမဲ့ ချီ ကို ထုတ်ပေးပေမဲ့လည်း အဲ့ဒီ အစွန်းအထင်းမဲ့ ချီ က အလွယ်တကူ ရနိုင်တာ မဟုတ်ဘူး။ ဒီအခက်အခဲရဲ့ နောက်ကွယ်မှာ ငါတို့ မသိတဲ့ အကြောင်းပြချက်တစ်ခု ရှိသေးတယ်။ ဘာပဲဖြစ်ဖြစ် ငါတို့ အခြေခံအားဖြင့် အရင်က ဒီလို အရေးမပါတဲ့ ကိစ္စတွေကို ဂရုမစိုက်ခဲ့ဖူးဘူးလေ။ "</p> <p>ချင်စုံ က ပြောသည်။</p> <p> </p> <p>​ထို စကားကြောင့် ဂျင်ချန်၏ မျက်ဝန်းများ တောက်ပသွားပြီးနောက် မျက်မှောင်ပြန်ကြုတ်လိုက်သည်။ နောက်ထပ် ရာထူး အပြောင်းအလဲလုပ်ဖို့ နှစ်ခြောက်ထောင် လိုသေးသည်။ ရိုသေလေးစားလိုက်နာခြင်း ကောင်းကင်ဘုံမြို့ ၏ ရာထူးများ အပြောင်းအလဲ လုပ်ခြင်းမှာ လွယ်ကူသော အရာမဟုတ်ကြောင်း အများသိပြီးဖြစ်သည်။</p> <p> </p> <p>​ထို့ကြောင့် ဂျင်ချန်ကလည်း ထိုအရာများကို သိရှိထားသည်။ ခဏမျှ စဉ်းစားပြီးနောက် ဂျင်ချန်ဟာ ကောင်းကင်ဘုံ ပြောင်းလဲခြင်း နတ်ဘုရား သံချပ်ကာကို အသုံးပြုကာ ခရမ်းကောင်းကင် ဓားဂိုဏ်းမှ ပျောက်ကွယ်သွားသည်။</p> <p> </p> <p>သိပ်မကြာခင်မှာပင် ဂျင်ချန်သည် ရိုသေလေးစားလိုက်နာခြင်း ကောင်းကင်ဘုံမြို့ အပြင်ဘက်တွင် ပေါ်လာသည်။ သူဟာ သူ့ကိုယ်သူ ဖုံးကွယ်ရန် မိစ္ဆာမျိုးနွယ် မျက်နှာဖုံးနှင့် ရုပ်ဖျက်ထားပြီးမှ ဝင်ရောက်သည်။ သူ ရရှိခဲ့သော ကျောက်သား အမှတ်အသားပြားလေးကို ထုတ်ပြကာ အထဲသို့ အောင်မြင်စွာ ဝင်ရောက်နိုင်ခဲ့သည်။</p> <p> </p> <p>​သူသည် ဝင်ရောက်ပြီးသည်နှင့် ကောင်းကင်ဘုံလျှို့ဝှက်ချက် ကျောင်းဆောင် ဆီသို့ တိုက်ရိုက်သွားသည်။</p> <p> </p> <p>" မိတ်ဆွေ... ငါတို့က ဘယ်လိုများ ဝန်ဆောင်မှု ပေးရပါ့မလဲ။ "</p> <p> </p> <p>ရွှမ် အမတ အဆင့် အမျိုးသမီး ကျင့်ကြံသူတစ်ဦးက သူ့ကို စိတ်အားထက်သန်စွာ ကြိုဆိုသည်။</p> <p> </p> <p>​" ငါ မင်းတို့ရဲ့ ကျောင်းဆောင်သခင်နဲ့ တွေ့ချင်တယ်။ "</p> <p> </p> <p>ဂျင်ချန်က တည်ငြိမ်စွာ ပြောလိုက်သည်။ ထိုစကားကြားပြီးနောက် အမျိုးသမီး ကျင့်ကြံသူက ခြောက်ကပ်စွာ ပြုံးသည်။</p> <p> </p> <p>" စီနီယာ... ဒါက ငါ ဆုံးဖြတ်လို့ရတာ မဟုတ်ဘူး။ ဧည့်ခန်းထဲမှာ ခဏလောက် စောင့်ပေးပါ၊ ငါ အကြီးအကဲကို ချက်ချင်း အကြောင်းကြားပေးပါ့မယ်။ "</p> <p> </p> <p>​သူမ ထိုသို့ပြောသည်နှင့် ပြင်းထန်သော စွမ်းအားတစ်ရပ်က အချိန်နှင့် အာကာသကို ကျော်ဖြတ်ပြီး ဂျင်ချန်ကို လွှမ်းခြုံကာ ချက်ချင်း ပျောက်ကွယ်သွားစေသည်။ ထို ရုတ်တရက် အပြောင်းအလဲကြောင့် အမျိုးသမီးမှာ မှင်သက်သွားသည်။</p> <p> </p> <p>ထိုအချိန်တွင် အိုမင်းနေသော လူအိုကြီးတစ်ယောက် အပေါ်ထပ်မှ ဆင်းလာပြီး ဘေးဘီကို မသေချာသလို ကြည့်ကာ သက်ပြင်းချလိုက်သည်။ လူအိုကြီး၏ အမူအရာမှာ ရှုပ်ထွေးသွားပြီး ရေရွတ်လိုက်သည်။</p> <p> </p> <p>​" ကျောင်းဆောင်သခင်ပဲ...။ ထူးဆန်းလိုက်တာ။ သူက ဘယ်သူလဲ။ ဘာကြောင့် ကျောင်းဆောင်သခင်ကို လာတွေ့တာလဲ။ ကျောင်းဆောင်သခင်နဲ့ တွေ့ခွင့်ရဖို့ဆိုတာ ကျွမ်းကျင်ပညာရှင်တွေ အားလုံးက ကောင်းကင်ဘုံ လျှို့ဝှက်ချက်တွေကို မေးမြန်းချင်နေကြတာ မဟုတ်ဘူးလား။ ဟုတ်တယ်။ သူက ကျောင်းဆောင်သခင်ရဲ့ အာရုံကို ချက်ချင်း ရသွားပြီး ခပ်မြန်မြန် ခေါ်ဆောင်သွားခြင်း ခံရတယ်။ "</p> <p> </p> <p>လူအိုကြီးက ပို၍ အံ့ဩမှင်သက်သွားကာ တွေးနေမိသည်။</p> <p> </p> <p>" ဒီလူက ဘယ်လို နောက်ခံမျိုး ရှိနေလို့လဲ။ "</p> <p> </p> <p>​အသေးစားလောကတစ်ခုအတွင်းတွင် ကောင်းကင်ဘုံ လျှို့ဝှက်ချက် ကျောင်းဆောင် သခင်က ကျောက်ဆောင်တစ်ခုပေါ်တွင် ထိုင်နေပြီး လက်ထဲတွင် စာအုပ်တစ်အုပ်ကို ကိုင်ထားသည်။ ဂျင်ချန်က ထို ကျောင်းဆောင်သခင်၏ အရှေ့တွင် သတိထားရပ်နေပြီး ရိုသေစွာ ဦးညွှတ်လိုက်သည်။ ကျောင်းဆောင်သခင်နှင့် ထပ်တွေ့ပြီးနောက် ကျောင်းဆောင်သခင်မှာ ပိုမို၍ လျှို့ဝှက်ဆန်းကြယ်လာသည်ဟု သူ ခံစားရသည်။</p> <p> </p> <p>သူသည် ကျောင်းဆောင်သခင်၏ ကျင့်ကြံခြင်းအဆင့်ကို အတိအကျ မသိသော်လည်း ကျောင်းဆောင်သခင်၏ မျက်လုံးထဲတွင် သူဟာ ပို၍ စိတ်ဝင်စားဖွယ်ကောင်းလာသည်ဟု ထင်မြင်မိသည်။</p> <p> </p> <p>​တစ်ကြိမ်ကကဲ့သို့ပင် ယခုတစ်ကြိမ်တွင်လည်း ကျောင်းဆောင်သခင်က သူ့ကို ခေါ်ဆောင်လာခြင်းကို မတွန်းလှန်နိုင်ခဲ့ပေ။</p> <p> </p> <p>" ဂျင်ချန်...။ မင်း ဒီတစ်ခေါက် ဘာကြောင့် အထူးတလည် ငါ့ဆီ လာရှာတာလဲ။ မင်းကသာ ငါ့ကို ရှေးမူလ နတ်ဘုရားခန်းမ ကို ကူညီပေးစေချင်တာဆိုရင်တော့ မေးမနေနဲ့တော့။ ငါတို့ ကောင်းကင်ဘုံ လျှို့ဝှက်ချက် ကျောင်းဆောင်ရဲ့ သင်ကြားမှုတွေက အခြားသူတွေဘက်ကို လိုက်လို့ မရဘူး။ အမျိုးမျိုးသော ရန်ပွဲတွေကြားမှာ ဝင်ပါဖို့ မဖြစ်နိုင်ဘူး။ "</p> <p> </p> <p>ကောင်းကင်ဘုံ လျှို့ဝှက်ချက် ကျောင်းဆောင် သခင်က ပြောသည်။</p> <p> </p> <p>​" ကျေးဇူးပြုပြီး မစိုးရိမ်ပါနဲ့ ကျောင်းဆောင်သခင်။ ငါက ဒီစစ်ပွဲတွေကို နားလည်ပါတယ်။ "</p> <p> </p> <p>ဂျင်ချန်က ထိုသို့ ပြောပြီးမှ ဆက်ပြောသည်။</p> <p> </p> <p>" ငါက ရိုသေလေးစား လိုက်နာခြင်း ကောင်းကင်ဘုံမြို့ မှာ ရာထူးတစ်ခုလောက် လိုချင်တာ။ ကျောင်းဆောင်သခင်မှာ အကြံအစည် ရှိမလားလို့ပါ။ နောက်ထပ် မျိုးဆက်သစ်အထိတောင် ငါ မစောင့်နိုင်တော့လို့ပါ။ "</p> <p> </p> <p>​" မင်းက ရိုသေလေးစား လိုက်နာခြင်း ကောင်းကင်ဘုံမြို့ မှာ ရာထူး လိုချင်တာလား။ ဆိုတော့ မင်းက အစွန်းအထင်းမဲ့ ချီ ကို လိုချင်တာပေါ့။ "</p> <p> </p> <p>ကျောင်းဆောင်သခင်က ဂျင်ချန်၏ ရည်ရွယ်ချက်ကို ချက်ချင်း သိလိုက်သည်။</p> <p> </p> <p>" အစွန်းအထင်းမဲ့ ချီ က ရိုသေလေးစားလိုက်နာခြင်း ကောင်းကင်ဘုံမြို့ ကပဲ ထွက်တာ။ အစွန်းအထင်းမဲ့ ချီ တည်ရှိမှုကြောင့်ပဲ ဒီမြို့က ကျော်ကြားလာတာလို့ ပြောလို့ ရတယ်။ မရေမတွက်နိုင်တဲ့ ထာဝရ ရှင်သန်ခြင်းလောကက လူပေါင်းများစွာကလည်း အဲ့ဒါကြောင့်ပဲ လာကြတာ။ ဘာလို့လဲဆိုတော့ ဒီမြို့ထဲမှာ ရာထူးတစ်ခု ရှိတဲ့သူကပဲ အစွန်းအထင်းမဲ့ ချီ ကို ရဖို့ အခွင့်အရေး ရကြတယ်။ အဲ့ဒီစွမ်းအားက အရမ်း ထူးခြားတယ်။ ထွက်လာတာနဲ့ ထာဝရ ရှင်သန်ခြင်း ဧကရာဇ် တွေက ကိုယ်တိုင်ကိုယ်ကျ မလှုပ်ရှားသမျှ သုံးနှစ်တောင် မခံဘူး။ နောက်ပြီး ဒီမြို့ထဲကနေလည်း အပြင်ကို သယ်သွားလို့ မရဘူး။ ရလဒ်အနေနဲ့ အပြင်လောကမှာ အစွန်းအထင်းမဲ့ ချီ ကို ရှာဖို့ လုံးဝကို မဖြစ်နိုင်ဘူး။ "</p> <p> </p> <p>​အပိုင်း ၃၅၉၀ ပြီး၏။</p> <p> </p> <p> </p> <p>​***</p> <p> </p>


Save