Book List

<h2 style="text-align: center;">အခန်း (၁၃၅၁)</h2> <h2 style="text-align: center;">မိတ်ဆွေနှစ်ဦး ခဏလောက် ရပ်တန့် ကြပါဦး</h2> <h2 style="text-align: center;">*</h2> <p> </p> <p> </p> <p> </p> <p> </p> <p>​မိုးကြိုးဆိုသည်မှာ လောကတွင် တိုက်ခိုက်ရေးစွမ်းအား အမြင့်မားဆုံးသော အင်အားစုများထဲမှ တစ်ခုအဖြစ် လူသိများသည်။</p> <p> </p> <p>​ထိုစွမ်းအားကို ပိုင်ဆိုင်ထားသူသည် တိုက်ပွဲများတွင် သဘာဝအတိုင်း အသာစီးရရှိထားစမြဲပင်။</p> <p> </p> <p>​လင်းယွမ်သည် ပြာလဲ့သော မိုးကြိုး  တစ်ချက်၏ အထုခံလိုက်ရသဖြင့် မြေပြင်ပေါ်သို့ လွင့်စင်ကျသွားကာ တစ်ကိုယ်လုံးမှ မီးခိုးမည်းများ ထွက်ပေါ်နေတော့သည်။</p> <p> </p> <p>​မုံချင့်လင်သည် ထိုမြင်ကွင်းကို မြင်လိုက်ရသည့်အခါ ထွက်ပြေးရန် မရွေးချယ်တော့ဘဲ သူမ၏ ကျောက်စိမ်းပြားကို ဖန့်ချန်ထံသို့ ကမ်းပေးလိုက်သည်။</p> <p> </p> <p>​"ကျောက်စိမ်းပြားကိုတော့ ကျမအတွက် ချန်ပေးခဲ့ဖို့ မမေ့ပါနဲ့ဦး"</p> <p> </p> <p>သူမက ဆိုသည်။</p> <p> </p> <p>​ကျန်ရှိနေသောသူများလည်း ထိုအခြေအနေကို မြင်သည့်အခါ တစ်ဦးပြီးတစ်ဦး သူတို့၏ ကျောက်စိမ်းပြားများကို အပ်နှံကြတော့သည်။</p> <p> </p> <p>​ဖန့်ချန်သည် ကျောက်စိမ်းပြားများထဲမှ ထူးခြားသော ဝိညာဉ်စွမ်းအားများကို ထုတ်ယူပြီးနောက် ကြာနီနတ်မိမယ်ငယ်နှင့်အတူ ထိုနေရာမှ ထွက်ခွာသွားခဲ့သည်။</p> <p> </p> <p>​"ဒါက အစပဲရှိသေးလို့ တော်သေးတာပေါ့၊ တကယ်လို့  ကျမတို့ ဝိညာဉ်စွမ်းအားတွေ အများကြီး စုဆောင်းပြီးမှ အလုခံရမယ်ဆိုရင် ဆုံးရှုံးမှုက တကယ်ကြီးမှာပဲ"</p> <p> </p> <p>​မုံချင့်လင်က ကျန်ရှိနေသူများကို ကြည့်ကာ ပြောလိုက်သည်</p> <p> </p> <p> "အားလုံးပဲ... ကျမတို့ လက်တွဲကြရအောင်။ ဒီလူ့ရဲ့ နောက်ခံက နည်းနည်းတော့ ထူးဆန်းနေတယ်။    ကျွယ်မင်နတ်ဘုရားနန်းတော်နဲ့တောင် ပတ်သက်မှုရှိနိုင်တယ်။ အကယ်၍ ကျမတို့ လက်မတွဲဘူးဆိုရင် နောင်တစ်ချိန် သူ့နဲ့ ထပ်တွေ့ရင် ပြန်တိုက်နိုင်စွမ်း ရှိမှာမဟုတ်ဘူး"</p> <p> </p> <p>​လူတိုင်းသည် လင်းယွမ်၏ သနားစဖွယ် အခြေအနေကို ကြည့်ပြီးနောက် ခေါင်းညိတ် သဘောတူလိုက်ကြသည်။</p> <p> </p> <p>​လင်းယွမ်သည် နာရီဝက်ခန့် အနားယူပြီးနောက် ကိုယ်ပေါ်ရှိ ဒဏ်ရာများမှာ နောက်ဆုံးတွင် ပြန်လည်ပျောက်ကွယ်သွားခဲ့သည်။</p> <p> </p> <p>မိစ္ဆာဂူမသေမျိုးဂိုဏ်း၏ ပါရမီရှင်တစ်ဦးဖြစ်ပါလျက်နှင့် အမည်မသိလူတစ်ယောက်၏ တစ်ကွက်တည်းနှင့် ထိုသို့ အရှက်ကွဲခဲ့ရသည်ကို တွေးမိတိုင်း လင်းယွမ်မှာ ဒေါသထွက်၍ မဆုံးနိုင်ချေ။</p> <p> </p> <p>​"မင်း စောင့်နေလိုက်ဦး... တကယ်လို့ သတ်ဖြတ်ခြင်းမိစ္ဆာတောင်တန်းထဲမှာ မင်း ငါ့ကို ထပ်ရှာတွေ့နိုင်မယ်ဆိုရင် ငါ့မျိုးရိုးကို လင်း လို့ မခေါ်တော့ဘူး"</p> <p> </p> <p>လင်းယွမ်က ကြုံးဝါးလိုက်ပြီး ဖန့်ချန် ထွက်ခွာသွားသော လမ်းကြောင်းနှင့် ဆန့်ကျင်ဘက်သို့ အမြန်ဆုံး လွတ်မြောက်သွားတော့သည်။</p> <p>​...</p> <p>​...</p> <p>​"ဖန့်မိတ်ဆွေ... ခုနက မိုးကြိုးက တာအိုဂိုဏ်းရဲ့ အပြာရောင်မိုးကြိုးအတတ်  နဲ့ နည်းနည်းတူသလိုပဲ။ ဖန့်မိတ်ဆွေက တာအိုဂိုဏ်းဝင် တစ်ယောက်လား "</p> <p> </p> <p>ကြာနီနတ်မိမယ်ငယ်က ဖန့်ချန်နှင့် ဘေးချင်းယှဉ်ပျံသန်းရင်း စပ်စုချင်စိတ်ဖြင့် မေးမြန်းလိုက်သည်။</p> <p> </p> <p>​ဖန့်ချန်က ပြုံး၍ ခေါင်းညိတ်ပြသည်</p> <p> </p> <p> "ပြောရရင်တော့ ကျုပ်ရဲ့ နောက်ခံက ယွီဝူရှီးနဲ့ နည်းနည်းတော့ ပတ်သက်မှုရှိတယ်"</p> <p> </p> <p>​ကြာနီနတ်မိမယ်ငယ်က စိတ်ဝင်စားသွားကာ</p> <p> </p> <p> "အရင်က ကြားဖူးတာတော့ ရှေးဟောင်းနယ်မြေ  ထဲမှာ ထျန်းရှန့်ဂိုဏ်း ဆိုတဲ့ ဂိုဏ်းတစ်ခုရှိတယ်၊ အဲဒီက လူတွေလည်း အပြာရောင်မိုးကြိုးအတတ်ကို တတ်ကြတယ်တဲ့"</p> <p> </p> <p>​လာပြီ...</p> <p> </p> <p>​ဖန့်ချန်၏ ပိတ်ထားသော မျက်လုံးအစုံထဲတွင် အောင်နိုင်သူ၏ အပြုံးတစ်ခု ဝင်းလက်သွားသည်။</p> <p> </p> <p>ကြာနီနတ်မိမယ်ငယ်ရှေ့တွင် အပြာရောင်မိုးကြိုးအတတ်ကို တမင်တကာ ထုတ်သုံးလိုက်ခြင်းမှာ သူမ ထိုအတတ်အပေါ် မည်မျှ သိထားသည်ကို စမ်းသပ်လို၍ ဖြစ်သည်။</p> <p> </p> <p>​ယခု သူရရှိလိုက်သော အဖြေမှာ သူ တွေးထားသည်ထက်ပင် သာလွန်နေပေသည်။</p> <p>အကယ်၍ ကြာနီနတ်မိမယ်ငယ်သာ ဝမ်ချုံစန်းနှင့် မထိတွေ့ခဲ့ဖူးပါက ထျန်းရှန့်ဂိုဏ်းအကြောင်းကို မည်သို့ သိနိုင်ပါမည်နည်း</p> <p>​အထက်နယ်မြေသုံးခုတွင် နာမည်အနည်းငယ်ရှိသည်မှာ ဝမ်ချုံစန်းသာဖြစ်ပြီး ထျန်းရှန့်ဂိုဏ်း မဟုတ်ချေ။</p> <p> </p> <p> ဝမ်ချုံစန်းကို သိခြင်းမှာ မဆန်းသော်လည်း ထျန်းရှန့်ဂိုဏ်းကို သိနေခြင်း၊ ထို့အပြင် ထိုဂိုဏ်းတွင် အပြာရောင်မိုးကြိုးစွမ်းအားကို တတ်ကျွမ်းသူများ ရှိသည်ကို သိနေခြင်းမှာ ပြဿနာကြီးလှသည်။</p> <p> </p> <p>​"ကျုပ်လည်း ထျန်းရှန့်ဂိုဏ်းအကြောင်း ကြားဖူးသလိုပဲ၊ တာအိုဂိုဏ်းခွဲတစ်ခုပဲ မဟုတ်လား"</p> <p> </p> <p>ဖန့်ချန်က အလိုက်သင့် ပြန်ပြောလိုက်သည်။</p> <p> </p> <p>​ကြာနီနတ်မိမယ်ငယ်က စဉ်းစားခန်းဖွင့်သလို ခေါင်းညိတ်ပြသော်လည်း ထိုအကြောင်းအရာကို ထပ်မံမဆွေးနွေးတော့ဘဲ ဖန့်ချန်နှင့်အတူ ရှေ့ဆက်ရမည့် အစီအစဉ်များကိုသာ တိုင်ပင်တော့သည်။</p> <p> </p> <p>​ကျင့်ကြံသူ သန်းပေါင်းများစွာထဲမှ တာအိုပေါင်းစပ်ခြင်းအဆင့် ၁၈ ဦးထဲတွင် ပါဝင်ရန်အတွက် သူမနှင့် ဖန့်ချန်သည် အနည်းဆုံး လူပေါင်း တစ်သိန်းကျော်ထံမှ လုယူနိုင်မှသာ စိတ်ချရမည်ဖြစ်သည်။</p> <p> </p> <p>​ထိုအရေအတွက်မှာ အတော်လေး များပြားသော်လည်း ယေဘုယျအားဖြင့် ဤအရေအတွက်၏ ထက်ဝက်ခန့်ကို လုယူနိုင်လျှင်ပင် ကျွယ်မင်နတ်ဘုရားနန်းတော်၏ ရွေးချယ်ခြင်းကို ခံရနိုင်ပေသည်။</p> <p> </p> <p>အဘယ်ကြောင့်ဆိုသော် လူသန်းချီသော ကျင့်ကြံသူများထဲတွင် လူအနည်းငယ်မှလွဲ၍ ကျန်ရှိသူများ၏ ကျင့်ကြံမှုမှာ များစွာ ကွာခြားမှု မရှိသောကြောင့် ဖြစ်သည်။</p> <p> </p> <p>​နောက်ဆုံးတွင် ဖြစ်လာမည့် အခြေအနေမှာ လူအများစု၏ လက်ထဲတွင် ဝိညာဉ်စွမ်းအား အနည်းနှင့်အများ စုဆောင်းမိနေကြမည် ဖြစ်သည်။</p> <p> </p> <p>​"အရင်နှစ်တွေက အောင်မြင်ခဲ့တဲ့ ကျင့်ကြံသူတွေဟာ သူတို့လက်ထဲမှာ အနည်းဆုံး ဝိညာဉ်စွမ်းအား ရှစ်ထောင် ၈၀၀၀ စုဆောင်းနိုင်ခဲ့ကြတယ်"</p> <p> </p> <p>ကြာနီနတ်မိမယ်ငယ်က ဆိုသည်။</p> <p> </p> <p>​"ရှစ်ထောင်ဆိုတာ မခက်ပါဘူး၊ ဒါပေမဲ့ ဘယ်လောက်ဆိုရင် ကျောက်စိမ်းပြားက အရောင်ပြောင်းမှာလဲ "</p> <p> </p> <p>ဖန့်ချန်က မေးလိုက်သည်။</p> <p> </p> <p>​ကြာနီနတ်မိမယ်ငယ်က ခဏမျှ စဉ်းစားကာ</p> <p> </p> <p>"ကြားဖူးတာတော့ ဝိညာဉ်စွမ်းအား နှစ်သောင်း ရရင် ကျောက်စိမ်းပြားက ကြေးညိုရောင် ပြောင်းသွားတယ်၊ ငါးသောင်း  ရရင်တော့ ငွေဖြူရောင် ဖြစ်သွားတယ်တဲ့ "</p> <p> </p> <p>​"ဒါပေမဲ့ အရင်နှစ်တွေက ငွေဖြူရောင်ကျောက်စိမ်းပြား ထွက်ပေါ်လာတာ သိပ်မရှိဘူး။ ကြေးညိုရောင် ဖြစ်သွားတာနဲ့တင် ကျွယ်မင်နတ်ဘုရားနန်းတော်က အထူးဦးစားပေး ခံရလိမ့်မယ်၊ ကျမ တို့နောက်ကွယ်က ဂိုဏ်းတွေလည်း ပိုကောင်းတဲ့ အခွင့်အရေးတွေ ရနိုင်တယ်"</p> <p> </p> <p>​ခဏရပ်ပြီးနောက် သူမက စမ်းသပ်ကြည့်သလို ပြောသည်</p> <p> </p> <p> "ဖန့်မိတ်ဆွေ... ရှင့်အတွက်တော့ ငွေဖြူရောင်ရဖို့ အခွင့်အရေး ရှိမယ်လို့ ကျမ ထင်တယ်"</p> <p> </p> <p>​"ခက်ခဲပါလိမ့်မယ်၊ ကျုပ်ရဲ့ နည်းစနစ်တွေက ထူးခြားတယ်ဆိုပေမဲ့ ဝိညာဉ်စွမ်းအားကတော့ ကုန်ခမ်းသွားမှာပဲ၊ တခြားသူတွေနဲ့ အမြဲတမ်း တိုက်ခိုက်နေလို့ မရဘူးလေ။ ဒါကြောင့် ကြေးညိုရောင်ရဖို့ပဲ ကြိုးစားကြည့်ပါ့မယ်"</p> <p> </p> <p>ဖန့်ချန်က ပြုံး၍ ဆိုလိုက်သည်။</p> <p> </p> <p>​ကြာနီနတ်မိမယ်ငယ်က ခေါင်းညိတ်လိုက်သည်။</p> <p>ဤသည်မှာ ပုံမှန်အခြေအနေသာ ဖြစ်သည်။</p> <p>အောက်ခြေနယ်မြေခြောက်ခုမှ လာသော ကျင့်ကြံသူများထဲတွင် ငွေဖြူရောင် ကျောက်စိမ်းပြား ရရှိသူမှာ အရင်နှစ်များက အလွန်ပင် နည်းပါးခဲ့သည်။</p> <p> </p> <p>​"ဒါနဲ့... ငွေဖြူရောင်အပြင် ရွှေရောင်နဲ့ ခရမ်းရောင်လည်း ရှိသေးတယ် မဟုတ်လား  တကယ်လို့ ငွေဖြူရောင်တောင် ဒီလောက်ခက်ခဲနေရင် ရွှေရောင်နဲ့ ခရမ်းရောင်က ဘယ်တော့မှ ပေါ်မလာဖူးတာလား "</p> <p> </p> <p>ဖန့်ချန်က မေးမြန်းသည်။</p> <p> </p> <p>​ကြာနီနတ်မိမယ်ငယ်က ရယ်မောလိုက်ပြီး</p> <p> </p> <p> "တကယ်တော့ ပေါ်ဖူးပါတယ်၊ ဒါပေမဲ့ သိပ်ကို ကြာခဲ့ပါပြီ။ အဲဒီတုန်းက ပေါ်ခဲ့တာက ရွှေရောင်တောင် မဟုတ်ဘူး၊ ခရမ်းရောင်ပဲ။ ခရမ်းရောင်ရဖို့ဆိုရင် အနည်းဆုံး ဝိညာဉ်စွမ်းအား နှစ်သိန်း ရယူနိုင်ရမယ်"</p> <p> </p> <p>​"တစ်ယောက်တည်းက ဝိညာဉ်စွမ်းအား နှစ်သိန်းကို ရယူဖို့ဆိုတာ ဘယ်လောက်တောင် ခက်ခဲမလဲ ကျမတောင် စိတ်မကူးရဲဘူး"</p> <p> </p> <p>​"ဒါက လူတစ်ယောက် လုပ်နိုင်တဲ့ အရာလား"</p> <p> </p> <p>ဖန့်ချန်က အံ့အားသင့်သော အမူအရာဖြင့်</p> <p> </p> <p> "အဲဒီလူ နောက်ပိုင်း ဘယ်လိုဖြစ်သွားလဲ သိလား ရှေးဟောင်းမသေမျိုး ဖြစ်သွားပြီလား "</p> <p> </p> <p>​"တစ်ဝက်ပဲ လိုတော့တယ်လို့ ပြောလို့ရတယ်၊ ရှင်လည်း ကြားဖူးမှာပါ။ အဲဒီကျင့်ကြံသူက မျိုးရိုး ဝမ် လို့ ခေါ်တယ်၊ သူလည်း အောက်ခြေနယ်မြေခြောက်ခုက လာတာပဲ၊ တာအိုဂိုဏ်းဝင် တစ်ယောက်ပေါ့။ သူ ခရမ်းရောင်ကျောက်စိမ်းပြားကို ရပြီးတဲ့နောက် ကျွယ်မင်နတ်ဘုရားနန်းတော်က သူ့ကို အထူးစည်းမျဉ်းနဲ့ လက်ခံပြီး အဓိကတပည့်  အဖြစ် သတ်မှတ်လိုက်တယ်၊ ကျမတို့ရဲ့ ပန်းတိုင်နဲ့ မတူဘူးပေါ့"</p> <p> </p> <p>​ကြာနီနတ်မိမယ်ငယ်က သက်ပြင်းချရင်း ဆက်ပြောသည်</p> <p> </p> <p>"နောက်ပိုင်း သူ့ရဲ့ ကျင့်ကြံမှုက တကယ်ပဲ အရှိန်အဟုန်နဲ့ တိုးတက်လာပြီး ကျွယ်မင်နတ်ဘုရားနန်းတော်အတွက် စစ်မြေပြင်မှာ ထူးချွန်တဲ့ စွမ်းဆောင်ရည်တွေ ပြသနိုင်ခဲ့တယ်။ ဒါပေမဲ့ ကံမကောင်းစွာနဲ့ပဲ အကြောင်းအမျိုးမျိုးကြောင့် နောက်ပိုင်းမှာ ဖိနှိပ်ခြင်း ခံလိုက်ရပြီး သူ့ရဲ့သတင်းက ပျောက်ချက်သား ကောင်းသွားတော့တာပဲ။ အခုထိ အသက်ရှင်နေဦးမယ်ဆိုရင်တော့ အောက်ခြေနယ်မြေခြောက်ခုမှာပဲ ရှိနေလိမ့်မယ်"</p> <p> </p> <p>​သူမ ပြောနေသည်မှာ ဝမ်ချုံစန်း  ဖြစ်ကြောင်း      ဖန့်ချန် သိလိုက်သည်။</p> <p> </p> <p>​ကြာနီနတ်မိမယ်ငယ်၏ သံသယကို မဖြစ်ပေါ်စေရန်အတွက် သူက စကားလမ်းကြောင်းကို အမြန်ပင် ပြောင်းလဲလိုက်သည်။</p> <p> </p> <p>​နောက်တစ်လအတွင်းတွင် နှစ်ဦးသားသည် အစီအစဉ်ဆွဲပြီးနောက် နာမည်ကြီးသော တာအိုပေါင်းစပ်ခြင်းအဆင့် ကျင့်ကြံသူများကိုသာ ရွေးချယ်၍ ဝိညာဉ်စွမ်းအားများကို လိုက်လံလုယူကြတော့သည်။</p> <p> </p> <p>​သူတို့နှစ်ဦး၏ ကျောက်စိမ်းပြားများထဲရှိ ဝိညာဉ်စွမ်းအား အရေအတွက်မှာလည်း တဖြည်းဖြည်း မြင့်တက်လာသည်။</p> <p> </p> <p>​တစ်လအတွင်းမှာပင် ကြာနီနတ်မိမယ်ငယ်သည် ဝိညာဉ်စွမ်းအား နှစ်ထောင် ၂၀၀၀ ရရှိခဲ့ပြီး၊ ဖန့်ချန်ကမူ ငါးထောင် ၅၀၀၀ ရရှိထားပြီဖြစ်သည်။</p> <p> </p> <p>​ထိုအခြေအနေအတိုင်းသာ ဆက်သွားမည်ဆိုလျှင် အခက်အခဲမရှိဘဲ ကြာနီနတ်မိမယ်ငယ်မှာ ကျွယ်မင်ကျင့်ကြံသူ ဖြစ်လာမည်မှာ သေချာသလောက် ရှိနေပြီဖြစ်သည်။</p> <p> </p> <p>​ဖန့်ချန်အတွက်လည်း ကြေးညိုရောင်ကျောက်စိမ်းပြား ရရှိရန် အခွင့်အရေး အလွန်ကြီးမားနေသည်။</p> <p> </p> <p>​ယနေ့တွင် နှစ်ဦးသားသည် သတင်းတစ်ပုဒ်ကို ရရှိခဲ့သည်။</p> <p> မုံချင့်လင်၏ အဖွဲ့သည် ဝိညာဉ်စွမ်းအား သုံးထောင် ၃၀၀၀ ထက်မနည်း စုဆောင်းထားနိုင်ပြီဟု ကြားသိရသဖြင့် ထိုဘက်သို့ တမင်တကာ ဦးတည်လာခဲ့ကြသည်။</p> <p> </p> <p>​သို့သော် သူတို့နှစ်ဦးမှာ တစ်လှမ်း နောက်ကျသွားပုံရသည်။</p> <p>မုံချင့်လင်တို့ အဖွဲ့သည် လုယူခြင်းများ ပြုလုပ်ပြီးနောက် ထိုနေရာမှ ထွက်ခွာသွားကြပြီ ဖြစ်သည်။</p> <p> </p> <p>​မျက်နှာပျက်နေသော တာအိုပေါင်းစပ်ခြင်းအဆင့် ကျင့်ကြံသူ ရာပေါင်းများစွာနှင့် တိုက်ပွဲဒဏ်ကြောင့် ပျက်စီးနေသော အပျက်အစီးများသာ ကျန်ရစ်ခဲ့တော့သည်။</p> <p> </p> <p>​တောင်တန်းများစွာမှာပင် ဤတိုက်ပွဲကြောင့် မြေပြင်နှင့် တန်းသွားခဲ့ပုံရသည်။</p> <p> </p> <p>​"နောက်ကျသွားပြီ၊ ဒီလူတွေရဲ့ ကျောက်စိမ်းပြားတွေ အလုခံလိုက်ရပြီးပြီပဲ"</p> <p> </p> <p>​ကြာနီနတ်မိမယ်ငယ်သည် စိတ်ဓာတ်ကျနေသော ကျင့်ကြံသူများကို တစ်ချက်ကြည့်ကာ ဖန့်ချန်နှင့်အတူ ထွက်ခွာရန် ပြင်လိုက်သည်။</p> <p> </p> <p>​ထိုစဉ် လူအုပ်ထဲမှ အတော်လေး ရင်းနှီးသော အသံတစ်ခု ထွက်ပေါ်လာသည်။</p> <p> </p> <p>​"မိတ်ဆွေနှစ်ဦး... ခဏလောက် ရပ်တန့်ကြပါဦး"</p> <p> </p> <p>​နှစ်ဦးသား လှည့်ကြည့်လိုက်သည့်အခါ ချင်းကျန်းနှင့် အဖွဲ့မှာ ထိုကျင့်ကြံသူများထဲမှ ထွက်လာသည်ကို မြင်လိုက်ရသည်။</p> <p> </p> <p>​သူတို့၏ ပုံစံမှာ မောပန်းနွမ်းနယ်နေပြီး သူတို့ဝတ်ဆင်ထားသော တာအိုဝတ်စုံများမှာလည်း စုတ်ပြဲနေကာ အတော်လေး သနားစဖွယ် ဖြစ်နေသည်။</p> <p> </p> <p>​"မိတ်ဆွေနှစ်ဦး... အစတုန်းကတော့ ကျုပ်တို့နဲ့ မဟာမိတ်မဖွဲ့ချင်ခဲ့ဘူး၊ ဒါကြောင့် ဒီနေ့ ဒီမှာဆုံကြတဲ့အခါ ကျုပ်တို့က ရန်သူပဲ ဖြစ်လိမ့်မယ်"</p> <p> </p> <p>​ချင်းကျန်းက လက်အုပ်ချီကာ</p> <p> </p> <p> "ကိုယ်လက်နာကျင်မှုတွေ မဖြစ်ချင်ဘူးဆိုရင် မင်းတို့ကိုယ်ပေါ်က ကျောက်စိမ်းပြားတွေကို အပ်နှံလိုက်ကြပါ"</p> <p> </p> <p>​ထိုနေရာရှိ ကျင့်ကြံသူ ရာပေါင်းများစွာသည်လည်း ဖန့်ချန်နှင့် ကြာနီနတ်မိမယ်ငယ်ကို ရက်စက်သော အကြည့်များဖြင့် ဝိုင်းရံကြည့်ရှုလာကြတော့သည်။</p> <p> </p> <p>***</p> <p> </p>


Save