Book List

<h2 style="text-align: center;">အခန်း (၁၃၅၆)</h2> <h2 style="text-align: center;">စစ်ဆေးပွဲ ပြီးဆုံးခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>​"ဒီနားက သတ်ဖြတ်ခြင်း နတ်ဆိုးတွေရဲ့ အရှိန်အဝါက အဆင့် ၁ ယင်မိစ္ဆာကြီး၊ ဒါမှမဟုတ် အဆင့် ၂ ယင်မိစ္ဆာကြီးတွေရဲ့ အဆင့်အတန်းကိုတောင် ရောက်နေပြီပဲ "</p> <p> </p> <p>​ဖန့်ချန်သည် သူ့ရှေ့မှ တံလျှပ်ကဲ့သို့ ဝေဝါးနေသော တောင်ကြီးကို အကဲခတ်ရင်း ပတ်ဝန်းကျင်မှ နတ်ဆိုးများ၏ အရှိန်အဝါကို ခံစားနေမိသည်။</p> <p> </p> <p>​ထိုတောင်ကြီးကို ဗဟိုပြု၍ အရပ်ရှစ်မျက်နှာလုံးသို့ ပျံ့နှံ့နေသော သတ်ဖြတ်ခြင်း နတ်ဆိုးများ၏ အရှိန်အဝါမှာ အားနည်းလှသည်မဟုတ်။</p> <p> </p> <p>၎င်းတို့သည် ထိုနေရာတွင်ပင် အမြဲတမ်း အောင်းကျင့်ကြံနေပုံရပြီး သတ်ဖြတ်ခြင်း နတ်ဆိုးတောင်တန်းအတွင်း ဖြစ်ပျက်နေသော စစ်ဆေးပွဲကိစ္စရပ်များကိုမူ အနည်းငယ်မျှပင် ဝင်ရောက်စွက်ဖက်မည့် အရိပ်အယောင်မရှိချေ။</p> <p> </p> <p>​"ဒီတောင်က... တကယ်နဲ့ အတုအယောင်ကြားမှာ ရှိနေသလိုပဲ "</p> <p> </p> <p>​ဖန့်ချန်သည် ရှေ့မှ တောင်ကြီးကို သေချာကြည့်လိုက်သည်။</p> <p>တောင်၏ ကိုယ်ထည်မှာ ဝေဝါးနေရုံသာမက ၎င်းအပေါ်တွင် ရှေးဟောင်းဆန်သော အနက်ရောင် အစင်းကြောင်းများ ရစ်ပတ်နေသည်ကို မြင်တွေ့ရသည်။</p> <p>၎င်းတို့မှာ စာလုံးများ သို့မဟုတ် မှော်စာလုံး  များနှင့် တူညီနေသည်။</p> <p> </p> <p>​သူသည် ယင်လောက အကြောင်းကို အလွန်ပင် နှံ့နှံ့စပ်စပ် သိရှိထားသူဖြစ်ရာ ထိုနေရာသည် ယင်လောကကြီး  ဖြစ်စေ၊ ယင်လောငယ် ဖြစ်စေ ကောင်းစွာ သိသည်။</p> <p> </p> <p> တောင်၏ ကိုယ်ထည်မှာ အတုအယောင် ဖြစ်နေချိန်တွင် ၎င်းထံမှ ယင်လောက၏ အငွေ့အသက်များ သိသိသာသာ ထွက်ပေါ်နေသည်။</p> <p> </p> <p>​"လူ့လောကနဲ့ ယင်လောကကြားမှာ ရှိနေတဲ့ တောင်တစ်လုံး... ဒီတောင်ဟာ သတ်ဖြတ်ခြင်း နတ်ဆိုးတောင်တန်းရဲ့ အဓိကသော့ချက် ဖြစ်နိုင်တယ်။ ဒါပေမဲ့ ဒီတောင်ကြောင့်လား၊ ဒါမှမဟုတ် တောင်ပေါ်က ထူးခြားတဲ့ အစင်းကြောင်းတွေကြောင့်လားဆိုတာတော့ မသေချာဘူး။ ဒါတွေကြောင့်ပဲ ဒီနေရာက မရဏလမ်း  ဟာ ပိတ်ဆို့ခံထားရတာ ဖြစ်နိုင်တယ် "</p> <p> </p> <p>​ဖန့်ချန်၏ မျက်လုံးများထဲတွင် ထူးခြားသော အရိပ်အယောင်တစ်ခု ဖြတ်ပြေးသွားသည်။</p> <p> </p> <p>ဤကဲ့သို့သော တောင်မျိုးကို ထိုက်ရွှီမသေမျိုး တို့ကဲ့သို့ ပုဂ္ဂိုလ်များက ဘာကြောင့် ရှာမတွေ့နိုင်ရသနည်း</p> <p>​လင်းကွေ့ကြယ်တာရာနယ်မြေဆိုသည်မှာ မြေဝက်ဝံဂြိုလ်  ကဲ့သို့ သေးငယ်သော နေရာမျိုး မဟုတ်ပေ။</p> <p> အစွမ်းထက်သော မသေမျိုးများစွာ အခြေစိုက် စောင့်ကြပ်နေသည့် နေရာဖြစ်သည်။</p> <p>အဆင့် ၇ ရှေးဟောင်းမသေမျိုးကို ထားလိုက်ပါဦး၊ အဆင့် ၆ သို့မဟုတ် အဆင့် ၅ မသေမျိုးများပင်လျှင် သတ်ဖြတ်ခြင်း နတ်ဆိုးတောင်တန်း၏ အခြေအနေကို စိတ်ဝင်တစား လေ့လာရင်း ဤတောင်၏ တည်ရှိမှုကို ရှာတွေ့သင့်သည် မဟုတ်ပါလား။</p> <p> </p> <p>​"ဆရာ... ဒီနှစ် စစ်ဆေးပွဲကို သတ်ဖြတ်ခြင်း နတ်ဆိုးတောင်တန်းမှာ သတ်မှတ်လိုက်တာက ရှေးဦးမိစ္ဆာဂိုဏ်း  ကြောင့်လား ဒီနေရာနဲ့ အဲဒီဂိုဏ်းကြားမှာ ပတ်သက်မှုရှိတယ်လို့ ဆရာ ထင်လို့လား "</p> <p> </p> <p>​"ဒီနေရာက အမြဲတမ်း ထူးခြားနေခဲ့တာ။ မင်းလည်း ယင်လောကထဲကို ကူးပြောင်း ဖူးတာပဲ၊ သတိထားမိလား  ဒီက သတ်ဖြတ်ခြင်း နတ်ဆိုးတွေက ယင်လောကထဲက ယင်မိစ္ဆာကြီးတွေနဲ့ အတော်လေး ဆင်တူနေတာ "</p> <p> </p> <p>​ဖန့်ချန်၏ အကြည့်များ လှုပ်ရှားသွားသည်။</p> <p>မနီးမဝေးတွင် လူရိပ်နှစ်ခု ပေါ်လာသည်။</p> <p>ထိုသူနှစ်ဦး၏ မျက်နှာကို မြင်လိုက်ရသည့်အခါ သူ အံ့အားသင့်သွားရသည်။</p> <p>တစ်ဦးမှာ ယခင်က ချင်းရှမိစ္ဆာအရှင် ကို လိုက်လံသတ်ဖြတ်ခဲ့သည့် အမျိုးသမီးဖြစ်ပြီး၊ အခြားတစ်ဦးမှာ ထိုက်ရွှီမသေမျိုး ဖြစ်နေသောကြောင့်ပင်။</p> <p> </p> <p>​သို့သော် ယခု ထိုအမျိုးသမီးက ထိုက်ရွှီမသေမျိုးကို ဆရာ ဟု ခေါ်နေသည်လား သူတို့နှစ်ဦးက ဆရာတပည့်တွေလား  ထိုအမျိုးသမီးက ကြယ်မိုးမသေမျိုး ရဲ့ တပည့်မလေးလား။</p> <p> </p> <p>​"ယင်မိစ္ဆာကြီးတွေလား"</p> <p> </p> <p>အမျိုးသမီးက စဉ်းစားဟန်ဖြင့် မေးလိုက်သည်။</p> <p> </p> <p>​"ဆရာ ဒီနှစ်တွေအတွင်း ဒီနေရာကို အကြိမ်ကြိမ် လာခဲ့ဖူးပေမဲ့ ဘာမှ ရှာမတွေ့ခဲ့ဘူး။ အခု စစ်ဆေးပွဲ တာဝန်ခံလာလုပ်ရင်းနဲ့ပဲ လက်စသတ် ဒီဘက်ကို တစ်ခေါက် ထပ်လာကြည့်တာ "</p> <p> </p> <p>​ထိုက်ရွှီမသေမျိုး၏ အကြည့်မှာ ထိုဝေဝါးနေသော တောင်ကြီးပေါ်သို့ ဖြတ်သန်းသွားသော်လည်း အနည်းငယ်မျှပင် ရပ်တန့်ခြင်း မရှိချေ။</p> <p>ဖန့်ချန်သည် ဤထူးခြားမှုကို သတိပြုမိသွားသည်။</p> <p> </p> <p>​"သူ ဒီတောင်ကို မမြင်ရဘူးလား "</p> <p> </p> <p>ဖန့်ချန်၏ စိတ်အာရုံ လှုပ်ရှားသွားသည်။</p> <p> </p> <p>​ထိုအချက်ကို သက်သေပြရန်အတွက် သူသည် ထိုက်ရွှီမသေမျိုးနှင့် ထိုအမျိုးသမီးကို တိတ်တဆိတ် စောင့်ကြည့်နေလိုက်သည်။</p> <p> </p> <p>မှန်ပေသည်၊ သူတို့နှစ်ဦး စကားပြောနေကြစဉ် ထိုဝေဝါးသော တောင်ကြီးမှာ လုံးဝ တည်ရှိမနေသကဲ့သို့ ပြုမူနေကြသည်။</p> <p> </p> <p>သူတို့ သွားလာနေသည့် လမ်းကြောင်းမှာလည်း တောင်ကြီးကို ရှောင်ကွင်းသွားသော်လည်း တမင်တကာ ရှောင်ခြင်းမျိုး မဟုတ်ဘဲ အစကတည်းက ထိုနေရာတွင် တောင်မရှိသကဲ့သို့ပင်။</p> <p> </p> <p>​"ဒါနဲ့... ပြီးခဲ့တဲ့တစ်ခေါက် ချင်းရှမိစ္ဆာအရှင်ကို လိုက်သတ်တာ ဘာထူးခြားမှု ရှိလဲ "</p> <p> </p> <p>ထိုက်ရွှီမသေမျိုးက အမှတ်မထင် မေးလိုက်သည်။</p> <p> </p> <p>​ဖန့်ချန်၏ အာရုံများ စူးစိုက်သွားသည်။</p> <p> </p> <p>အမျိုးသမီးက သက်ပြင်းချကာ</p> <p> </p> <p> "ချင်းရှမိစ္ဆာအရှင်က အသတ်ခံလိုက်ရပြီ၊ ဒါပေမဲ့ တပည့် လက်ချက်တော့ မဟုတ်ဘူး။ သူနဲ့ ပတ်သက်တဲ့ သဲလွန်စကတော့ ပြတ်သွားပြီ။ ဒီရှေးဦးမိစ္ဆာဂိုဏ်းက မိစ္ဆာအိုကြီးတွေက ပုံမှန်ဆို ခြေရာဖျောက်နေကြတာဆိုတော့ နောက်တစ်ကြိမ် ဘယ်တော့မှ ပြန်တွေ့မလဲ မသိနိုင်တော့ဘူး "</p> <p> </p> <p>​"သူ့ကို သတ်တဲ့လူကရော... သံသယရှိစရာ ရှိလား "</p> <p> </p> <p>​"အောက်ခြေ ၆ နယ်မြေ က ကျင့်ကြံသူတစ်ယောက်ပါပဲ၊ သံသယရှိစရာတော့ မရှိပါဘူး "</p> <p> </p> <p>အမျိုးသမီးက ခဏမျှ စဉ်းစားပြီးနောက် မျက်လုံးထဲတွင် ရှုပ်ထွေးသော အရိပ်အယောင်များ ပေါ်လာကာ ခေါင်းခါပြလိုက်သည်။</p> <p> </p> <p>​"ကိစ္စမရှိပါဘူး၊ ငါတို့ဂိုဏ်းနဲ့ ရှေးဦးမိစ္ဆာဂိုဏ်းကြားက တိုက်ပွဲက တစ်ရက်နှစ်ရက်တည်း ဖြစ်နေတာမှ မဟုတ်တာ။ ချင်းရှမိစ္ဆာအရှင် သေသွားပြီဆိုတော့ မင်းရဲ့ တပည့်မလေးအတွက်လည်း လက်စားချေပြီးသား ဖြစ်သွားတာပေါ့။ အခုတော့ ဒီမှာပဲ စိတ်အေးလက်အေး ကျင့်ကြံနေလိုက်တော့။ ဒါနဲ့... မင်း အိမ်ပြန်တဲ့အခါ မင်းရဲ့အစ်ကိုကို တစ်ချက် ပြောပေးဦး၊ ဒီတစ်ခေါက် မသေမျိုးစာရင်း ကိစ္စမှာ လူအင်အားရော အကူအညီပါ ပေးခဲ့တဲ့အတွက် ကျေးဇူးတင်ပါတယ်လို့ "</p> <p> </p> <p>ထိုက်ရွှီမသေမျိုးက ပြုံး၍ ဆိုသည်။</p> <p> </p> <p>​အမျိုးသမီးက ပြုံးလိုက်ကာ</p> <p> </p> <p> "ဘာပြောစရာ လိုလို့လဲ ဆရာ၊ ဆရာက ကျမရဲ့ ဆရာပဲလေ။ ကျမ အစ်ကိုက ကျွယ်မင်နန်းတော်ရဲ့ တိုက်ရိုက်မျိုးဆက်ဖြစ်ပြီး၊ ဆရာကလည်း ဒီက ဧည့်သည်တော် အကြီးအကဲ ဖြစ်နေတာပဲ၊ ဆရာ့ကို မကူညီဘဲ ဘယ်သူ့ကို ကူညီမှာလဲ"</p> <p> </p> <p>​သူမရဲ့အစ်ကို  လီရှမ်းဇီ လား  ဖန့်ချန် စဉ်းစားနေမိသည်။</p> <p> </p> <p>​သူတို့နှစ်ဦး၏ ပုံရိပ်မှာ တဖြည်းဖြည်း ဝေးကွာသွားတော့သည်။</p> <p>ထိုသူနှစ်ဦး၏ စကားဝိုင်းမှ အလွန်အသုံးဝင်သော သတင်းအချက်အလက်များစွာကို သိလိုက်ရသည်။</p> <p> </p> <p>​ထိုက်ရွှီမသေမျိုးတွင် ကိုယ်ပိုင်ဂိုဏ်းရှိသည်။</p> <p>သူသည် လူအများ ထင်မှတ်ထားသကဲ့သို့ လေလွင့်ကျင့်ကြံသူ  မဟုတ်ပေ။</p> <p> သူ၏ဂိုဏ်းမှာ ရှေးဦးမိစ္ဆာဂိုဏ်းနှင့် အမြဲတမ်း ရန်ဘက်ဖြစ်နေသော အဖွဲ့အစည်းတစ်ခု ဖြစ်သည်။</p> <p> </p> <p>အကယ်၍ ရှေးဦးမိစ္ဆာဂိုဏ်းသည် မိစ္ဆာ အနွယ်များနှင့် ပတ်သက်မှုရှိလျှင် ထိုက်ရွှီမသေမျိုးမှာ ကိုယ့်လူ ဖြစ်နိုင်သလော။</p> <p> </p> <p>​"လွယ်လွယ်နဲ့တော့ ကောက်ချက်ချလို့ မရဘူး။ ဟွမ်ချင်းကျွဲ ကလည်း သူ့ကို သံသယရှိတယ်၊ ဝိညာဥ်သုတ်သင်ခြင်းဌာန  အဆင့်မြင့်အရာရှိတွေကလည်း သူ့ကို သံသယရှိကြတယ်။တန့်ဌာနမှူး ကလည်း သူ့လက်ချက်နဲ့ သေခဲ့ရတာပဲ"</p> <p> </p> <p>" ရှေးဟောင်းနယ်မြေ  ရဲ့ အဆင့် ၇ ရှေးဟောင်းမသေမျိုးတွေလည်း အကြောင်းမဲ့ ပျောက်ကွယ်ကုန်ကြတယ်။ သူသင်ပေးထားတဲ့ ကြယ်မိုးမသေမျိုးကလည်း လူ့အသက်ကို မြက်ပင်တစ်ပင်လို သဘောထားတဲ့သူပဲ။ ဒီလိုနည်းလမ်းတွေက           ဝိညာဥ်နတ်ဘုရားဂိုဏ်း ရဲ့ လုပ်ရပ်တွေနဲ့ ပိုတူနေတယ် "</p> <p> </p> <p>​"ဒါပေမဲ့ သူက ဝိညာဥ်နတ်ဘုရားဂိုဏ်း ရဲ့ ကျင့်ကြံသူဆိုရင် ကြယ်မိုးမသေမျိုးကတော့ ဖြစ်နိုင်ခြေ နည်းတယ်။ မဟုတ်ရင် သူမနဲ့ မဟာမြေ မသေမျိုး  တို့ဟာ ဒီလောက်အသေးအဖွဲလေးနဲ့ ရန်ဖြစ်ပြီး ဆက်ဆံရေး ပျက်ပြားသွားမှာ မဟုတ်ဘူး "</p> <p> </p> <p>​"ရှုပ်ထွေးလွန်းလှချေလား။ ထိုက်ရွှီမသေမျိုးက အခုတော့ ရှေးဟောင်းမသေမျိုး ဖြစ်နေပြီ။ သူ့မှာ လျှို့ဝှက်ချက်တွေ ရှိနေရင်တောင် ငါ့ရဲ့ ကျင့်စဉ်အဆင့်နဲ့ဆိုရင် ကျောက်ခဲနဲ့ ကြက်ဥ ရိုက်သလိုပဲ ဖြစ်နေလိမ့်မယ်။ အရေးကြီးတာက ဝမ်ချုံစန်း ရဲ့ သတင်းကို အမြန်ဆုံး စုံစမ်းဖို့ပဲ "</p> <p> </p> <p>​စိတ်ထဲရှိ အတွေးများကို သိမ်းဆည်းကာ ဖန့်ချန်၏ အကြည့်မှာ ထိုဝေဝါးနေသော တောင်ကြီးဆီသို့ ပြန်လည် ရောက်ရှိသွားသည်။</p> <p> </p> <p>ထိုက်ရွှီမသေမျိုးသည် အဆင့် ၇ ရှေးဟောင်းမသေမျိုးပင် ဖြစ်သော်လည်း ထိုကဲ့သို့သော အစွမ်းထက်ပုဂ္ဂိုလ်ကြီးက သတ်ဖြတ်ခြင်း နတ်ဆိုးတောင်တန်းတွင် ရှိနေသော ထိုတောင်ကြီးကို မမြင်နိုင်ရသနည်း ဤသည်မှာ အသိဉာဏ်ကို ဝေဝါးစေခြင်း နှင့် အလွန်တူညီလှသည်။</p> <p> </p> <p>​"ငါ မြင်နိုင်တာက ငါ့ရဲ့ ဝိညာဉ်က ထူးခြားလို့လား ဒါမှမဟုတ် ငါက အဲဒီ မှတ်ဥာဏ်အတားအဆီးကို ချိုးဖျက်ပြီးသားမို့လို့ နောက်နောင် ဒီလိုနည်းလမ်းတွေက ငါ့အပေါ် သက်ရောက်မှု မရှိတော့တာလား "</p> <p> </p> <p>​ခဏမျှ စဉ်းစားပြီးနောက် ဖန့်ချန်သည် ထိုနေရာမှ ထွက်ခွာရန် ဆုံးဖြတ်လိုက်သည်။</p> <p> </p> <p>ယခု သူ၏ ဝိညာဉ်မှာ ယင်လောက သို့ ကူးပြောင်းထားသည့် အခြေအနေ မဟုတ်သဖြင့် ဤတောင်ကြီး၏ အတိမ်အနက်ကို စမ်းသပ်ရန် ခက်ခဲပေလိမ့်မည်။</p> <p> </p> <p>စစ်ဆေးပွဲပြီးမှ ဟွမ်ဝူကျိ ကို ခေါ်ပြီး တစ်ခေါက် ပြန်လာကာ သာမန်ကျင့်ကြံသူများ ဤတောင်ကို မမြင်နိုင်သည်မှာ ဟုတ်မဟုတ် စမ်းသပ်ကြည့်ရမည်။</p> <p>​...</p> <p>​ခွဲဝေချိန် (၁၅ ရက်) ခန့် ကြာပြီးနောက်။</p> <p> </p> <p>​ကြာနီနတ်မိမယ်ငယ်သည် အနည်းငယ် ဖရိုဖရဲဖြစ်နေသော အသွင်ဖြင့် ဖန့်ချန်၏ ကျင့်ကြံရာနေရာသို့ ရောက်လာသည်။</p> <p> </p> <p>ဖန့်ချန် တံခါးပိတ်ကျင့်ကြံရာမှ ထွက်လာသည်ကို မြင်သည့်အခါ သူမ၏ မျက်နှာတွင် စိတ်အေးသွားသည့် အပြုံးတစ်ခု ပေါ်လာသည်။</p> <p> </p> <p>​"ဟုန်မိတ်ဆွေ... မင်း ဒဏ်ရာရထားပုံပဲ "</p> <p> </p> <p>ဖန့်ချန်က သူမကို အကဲခတ်ရင်း မေးလိုက်သည်။</p> <p> </p> <p>​"ကိစ္စမရှိပါဘူး၊ အခြေခံကို ထိခိုက်တဲ့ ဒဏ်ရာမဟုတ်ပါဘူး။ ဒီတစ်ခေါက် အားတုန်း မုံချင့်လင်နဲ့ တစ်ပွဲ တိုက်ခဲ့သေးတယ်။ ကျမ နိုင်ခဲ့တယ်လေ "</p> <p> </p> <p>ကြာနီနတ်မိမယ်ငယ်က ဂုဏ်ယူဟန်ဖြင့် ပြုံး၍ ဆိုသည်။</p> <p> </p> <p>​"မုံမိတ်ဆွေက မိုးကြိုးမီးတောက် စစ်သည်တော် ခုနစ်ပါး သတ်ဖြတ်ခြင်း အစီရင် ကို မသုံးဘူးလား "</p> <p> </p> <p> ဖန့်ချန် အနည်းငယ် အံ့အားသင့်သွားသည်။</p> <p> </p> <p>အကယ်၍ မုံချင့်လင်က ထိုအစီရင်ကို သုံးလျှင် ကြာနီနတ်မိမယ်ငယ်အတွက် အနိုင်ရရန် အလွန်ပင် ခက်ခဲလိမ့်မည် ဖြစ်သည်။</p> <p> </p> <p>​"သူမ အချိန်မမီလိုက်ဘူး။ ဒါပေမဲ့ နှမြောစရာပဲ၊ သူမဆီက ကျောက်စိမ်းပြားကိုတော့ ကျမ မယူနိုင်ခဲ့ဘူး။ မုံချင့်လင်က တကယ်ပဲ အရည်အချင်းရှိတဲ့သူပါ "</p> <p> </p> <p>ကြာနီနတ်မိမယ်ငယ်က ဆက်လက်ပြောသည်</p> <p> </p> <p> "သူမရဲ့ ကျောက်စိမ်းပြား အရှိန်အဝါအရ ဆိုရင်တော့ ဒီတစ်ခေါက် သူမလည်း ကျွယ်မင်ကျင့်ကြံသူ ဖြစ်လာလိမ့်မယ်။ နောင်ဆိုရင် ကျုပ်တို့တွေ တူတူ အလုပ်လုပ်ကြရတော့မှာပေါ့ "</p> <p> </p> <p>​"အဲဒီအစီရင်ရဲ့ စွမ်းအားနဲ့ဆိုရင်တော့ သူမ ကျွယ်မင်ကျင့်ကြံသူ ဖြစ်လာဖို့က သေချာပါတယ် "</p> <p> </p> <p>ဖန့်ချန် ခေါင်းညိတ်လိုက်သည်။</p> <p> </p> <p>​ထိုစဉ် ကောင်းကင်ယံရှိ အတားအဆီး မှာ ရေလှိုင်းများကဲ့သို့ တုန်ခါသွားပြန်သည်။</p> <p> </p> <p>​"စစ်ဆေးပွဲ ပြီးဆုံးပြီ။ လူတိုင်း သတ်ဖြတ်ခြင်း နတ်ဆိုးတောင်တန်းမှ ချက်ချင်း ထွက်ခွာကြလော့"</p> <p> </p> <p>​"စစ်ဆေးပွဲ ပြီးသွားပြီပဲ "</p> <p> </p> <p>သူတို့နှစ်ဦး တစ်ဦးကိုတစ်ဦး ကြည့်လိုက်ကြပြီး ကောင်းကင်ပြင်ဆီသို့ ဦးတည်ကာ ပျံသန်းထွက်ခွာသွားကြတော့သည်။</p> <p> </p> <p>***</p> <p> </p>


Save