Book List

<h2 style="text-align: center;">အခန်း (၁၃၅၈)</h2> <h2 style="text-align: center;">ဘေးဒုက္ခဖြတ်ကျော်ခြင်း နိမိတ်လက္ခဏာ</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>​ယခင်က ထိုက်ရွှီမသေမျိုး နှင့်အတူ ဝေဝါးသော တောင်ကြီးအနီးတွင် ဖြတ်သန်းသွားခဲ့သည့် အမျိုးသမီးမှာ ယခုနေရာတွင် ရှိမနေသည်ကို ဖန့်ချန် သတိပြုမိပြီးသား ဖြစ်သည်။</p> <p> </p> <p>​သူမ ထိုနေရာသို့ ပေါ်လာခြင်းမှာ အထက်သုံးနယ်မြေသို့ ခုလေးတင် ပြန်ရောက်လာပြီး ထိုက်ရွှီမသေမျိုးအား အခြေအနေများ လာရောက်တင်ပြခြင်း ဖြစ်နိုင်သည်။</p> <p>သူမ ရှိမနေခြင်းက အလုပ်လုပ်ရသည်ကို ပို၍ လွယ်ကူစေသည်။</p> <p> </p> <p>​ထိုစဉ်က နန်ချင်းကြယ်တာရာနယ်မြေ တွင် ဖန့်ချန်၏ အစစ်အမှန်ကိုယ်ထည်မှာ တစ်ကြိမ်တစ်ခါမျှ လူလုံးထွက်ပြခဲ့ခြင်း မရှိချေ။</p> <p> </p> <p>ဟွမ်ချင်းကျွဲ တို့နှင့် သွားရောက်တွေ့ဆုံရာတွင်ပင် သူ၏ကိုယ်ပွားဖြစ်သော ဖန့်ထျန်းဇွန် ကိုသာ စေလွှတ်ခဲ့ခြင်း ဖြစ်သည်။</p> <p> </p> <p>ထို့ကြောင့် ထိုက်ရွှီမသေမျိုးသည် သူ့ကို တစ်ခါမျှ မြင်ဖူးစရာ အကြောင်းမရှိသလို၊ သူ၏ အစစ်အမှန် မည်သူမည်ဝါဖြစ်ကြောင်းကိုလည်း သဘာဝကျစွာပင် သိရှိနိုင်မည် မဟုတ်ချေ။</p> <p> </p> <p>​ဖန့်ချန်၏ ကိုယ်ပေါ်တွင် ကြေးနီရောင်သန်းနေသော ကျောက်စိမ်းပြားကြောင့် စင်မြင့်ထက်ရှိ မသေမျိုးများ၏ အကြည့်မှာ တစ်ပြိုင်နက်တည်း ကျရောက်လာတော့သည်။</p> <p> </p> <p>​ယွီဝူရှီး နှင့် အခြားသူများမှာ ပြင်းထန်သော ဖိအားများကို ရုတ်တရက် ခံစားလိုက်ရသည်။</p> <p> ထိုအကြည့်များ၏ ပိုင်ရှင်များမှာ အနိမ့်ဆုံး အဆင့် ၃ မသေမျိုးနှင့် အဆင့် ၄ မသေမျိုးများ ဖြစ်ကြသည်။</p> <p>အချို့မှာ အဆင့် ၅၊ အဆင့် ၆ နှင့် အဆင့် ၇ ရှေးဟောင်းမသေမျိုးများပင် ပါဝင်နေသည်။</p> <p>အကြည့်တစ်ချက်စီတိုင်းသည် ပေါင်းစပ်ခြင်းအဆင့်  ကျင့်ကြံသူများအတွက် တောင်ကြီးတစ်လုံး ရင်ဘတ်ပေါ်သို့ ဖိချလိုက်သကဲ့သို့ အသက်ရှူရပင် ခက်ခဲစေသည်။</p> <p> </p> <p>​ယခု ထွက်လာသော လူ ၅၀ ကျော်မှာ မိမိကိုယ်မိမိ အောင်မြင်နိုင်ခြေရှိသည်ဟု ယူဆထားကြသူများ ဖြစ်သည်။</p> <p> </p> <p>သို့သော် ကျွယ်မင်နန်းတော် သည် လင်းကွေ့ကြယ်တာရာနယ်မြေမှ လူ ၂၀ သာ လက်ခံမည်ဖြစ်ပြီး၊ ထိုအထဲတွင် ဘေးဒုက္ခဖြတ်ကျော်ခြင်းအဆင့် ၂ ဦးနှင့် တာအိုပေါင်းစပ်ခြင်းအဆင့် ၁၈ ဦးတို့ ပါဝင်သည်။</p> <p> </p> <p>​လူအများစုမှာ အရွေးမခံရဘဲ ဖယ်ထုတ်ခြင်း ခံကြရမည်ဖြစ်ရာ၊ သူတို့သည် တိတ်တဆိတ်ပင် တစ်ဦးနှင့်တစ်ဦး၏ ကျောက်စိမ်းပြားရှိ အရှိန်အဝါ အတိမ်အနက်ကို နှိုင်းယှဉ်နေကြတော့သည်။</p> <p> </p> <p>အချို့မှာ စင်မြင့်ထက်မှ ရလဒ်ကို မကြေညာမီကပင် မျက်ဝန်းများ အရောင်မှိန်သွားကြပြီး မျှော်လင့်ချက် မရှိတော့ဟု ခံစားနေကြရသည်။</p> <p> </p> <p>​ထိုစဉ် စင်မြင့်ထက်မှ လူရိပ်တစ်ခု ပျံသန်းထွက်ပေါ်လာသည်။</p> <p> ၎င်းမှာ ထိုက်ရွှီမသေမျိုး၏ တပည့်ဖြစ်သူ          ကျိကန်း ပင် ဖြစ်သည်။</p> <p> ထို အဆင့် ၅ မသေမျိုးသည် သူ၏ အရှိန်အဝါ အတော်များများကို ရုပ်သိမ်းထားသော်လည်း      တာအိုပေါင်းစပ်ခြင်းအဆင့် ကျင့်ကြံသူများအတွက်မူ အသက်ရှူရပ်မတတ် ထိတ်လန့်စရာ ကောင်းနေဆဲ ဖြစ်သည်။</p> <p> </p> <p>ကံကောင်းသည်မှာ ကျိကန်းသည် လူတိုင်း၏ ကျောက်စိမ်းပြားများကို လိုက်လံသိမ်းဆည်းရန်သာ တာဝန်ရှိသဖြင့် စင်မြင့်ထက်သို့ အမြန်ပြန်သွားရာ အားလုံးမှာ သက်ပြင်းအရှည်ကြီး ချနိုင်တော့သည်။</p> <p> </p> <p>​"ချင်းယွီနတ်ဘုရားဂိုဏ်း  ဖန့်ချန်"</p> <p> </p> <p>"ကြာနီနတ်ဘုရားဂိုဏ်း  ဟုန်ကျစ် (ကြာနီနတ်မိမယ်ငယ်)"</p> <p> </p> <p>"ယန့်ကွမ်းတာအိုဂိုဏ်း  ယွီဝူရှီး"</p> <p> </p> <p>"..."</p> <p> </p> <p>​အမည်များကို တစ်ဦးပြီးတစ်ဦး ကြေညာနေစဉ်တွင် အချို့မှာ ဝမ်းသာအားရ ပြုံးပျော်သွားကြပြီး၊ အချို့မှာ စိတ်အေးသွားကာ၊ အချို့မှာမူ အလွန်အမင်း စိတ်ပျက်သွားကြသည်။</p> <p> </p> <p>ထူးဆန်းသည်မှာ ရွေးချယ်ခံရသော အမည် ၂၀ ထဲတွင် ဘေးဒုက္ခဖြတ်ကျော်ခြင်းအဆင့် ကျင့်ကြံသူ တစ်ဦးတစ်ယောက်မျှ ပါဝင်မနေခြင်းပင်။</p> <p> </p> <p>​"ဒီနှစ် စစ်ဆေးပွဲမှာ ဘေးဒုက္ခဖြတ်ကျော်ခြင်းအဆင့်တွေရဲ့ စွမ်းဆောင်ရည်က အနည်းငယ် စိတ်ပျက်စရာ ကောင်းနေတယ်။ နောက်တစ်ခါမှပဲ ပြန်ကြိုးစားကြတာပေါ့"</p> <p> </p> <p> ကျိကန်းက အေးစက်စွာ ပြောလိုက်သည်။</p> <p> </p> <p>​ထိုနေရာရှိ ဘေးဒုက္ခဖြတ်ကျော်ခြင်းအဆင့် ကျင့်ကြံသူများမှာ တစ်ဦးကိုတစ်ဦး ကြည့်လိုက်ကြပြီး ခါးသီးစွာ ပြုံးလိုက်ကြတော့သည်။</p> <p> </p> <p>သူတို့ထဲမှ တစ်ဦးတစ်ယောက်မျှ စစ်ဆေးပွဲ သတ်မှတ်ချက်ကို မပြည့်မီခဲ့သည်မှာ ထင်ရှားလှသည်။</p> <p> </p> <p>​"ဒီကျွယ်မင်နန်းတော်က အပြင်စည်းကျင့်ကြံသူတွေကို ရွေးချယ်တာတောင် ဒီလောက် တင်းကျပ်နေတာကြည့်ရင် သူတို့က ထူးချွန်တဲ့ လူရည်ချွန်တွေကိုပဲ ရွေးတဲ့လမ်းစဉ်ကို သုံးတာပဲ။ နှစ်တွေ ကြာလာတဲ့အခါမှာတော့ ကျွယ်မင် ဆိုတဲ့ ဘွဲ့တံဆိပ်ကို ရရှိထားတဲ့ ကျင့်ကြံသူတွေဟာ တစ်ယောက်ချင်းစီတိုင်းက ပါရမီရှင်တွေပဲ ဖြစ်နေလိမ့်မယ်"</p> <p> </p> <p>ဟု ဖန့်ချန် စိတ်ထဲမှ ရေရွတ်မိသည်။</p> <p> </p> <p>​ဤကဲ့သို့သော အင်အားစုနှင့် နှိုင်းယှဉ်လျှင် ဖူထူလောက ဖြစ်စေ၊ ယင်လောငယ် ဖြစ်စေ ယခုအချိန်တွင် သူတို့၏ တစ်သောင်းပုံတစ်ပုံကိုပင် မမီနိုင်ချေ။</p> <p> </p> <p>ထို့ပြင် မှတ်ဥာဏ်အတားအဆီးများကြောင့် လူသားများ သေဆုံးပြီးနောက် ဝင်စား၍ မရတော့သည့် အမှန်တရားကို မသိရှိနိုင်ကြသဖြင့်၊ ထိုအင်အားကြီး အဖွဲ့အစည်းများသည် ယင်လောကအပေါ် စိတ်ဝင်စားမှု အလွန်ပင် နည်းပါးလှသည်။</p> <p> </p> <p>​ဝိညာဥ်နတ်ဘုရားဂိုဏ်း တစ်ခုတည်းသာလျှင် ယင်လောငယ်အတွင်း၌ အစီအစဉ်အချို့ကို ပြုလုပ်ထားခြင်း ဖြစ်သည်။</p> <p>ကျွယ်မင်နန်းတော်၊ ထိုက်ယီမသေမျိုးဂိုဏ်း နှင့်   ဝမ်ရှင်းနန်းတော် တို့ကဲ့သို့သော အင်အားစုများသည် သူတို့၏ အကြည့်များကို အလွန်ဆုံး ဖူထူလောက ပေါ်တွင်သာ ထားရှိကြပေလိမ့်မည်။</p> <p> </p> <p>​"ငရဲမင်းနန်းတော်က လောကနှစ်ခုကြားက အတားအဆီး နောက်ကွယ်က တည်ရှိမှုတွေဟာ ဒီအင်အားစုတွေဆီက မဟုတ်ဘူးလား  သူတို့က ယင်လောငယ်ထဲကို ဘာကြောင့် ဝင်ချင်ရတာလဲ အဲဒီကောင်တွေက မိစ္ဆာတွေ ဖြစ်နေနိုင်မလား..."</p> <p> </p> <p>​ဖန့်ချန် စဉ်းစားနေစဉ်မှာပင် ပတ်ဝန်းကျင်ရှိ ကျင့်ကြံသူများမှာ စတင်ထွက်ခွာနေကြပြီ ဖြစ်သည်။</p> <p> </p> <p>​"မင်းတို့ ၂၀ ထဲမှာ မင်းတစ်ယောက်တည်းပဲ ကြေးနီရောင် ကျောက်စိမ်းပြားကို ရခဲ့တာ။ ဒါဟာ လွန်ခဲ့တဲ့ နှစ် ၃၀၀၊ ၄၀၀ အတွင်းမှာ လင်းကွေ့ကြယ်တာရာနယ်မြေရဲ့ အကောင်းဆုံးရလဒ်ပဲ။ အခုကစပြီး မင်းတို့က အဖွဲ့ငယ်တစ်ဖွဲ့ ဖြစ်သွားပြီ၊ မင်းက ဒီအဖွဲ့ရဲ့ အဖွဲ့ခေါင်းဆောင်ပဲ"</p> <p> </p> <p>​သန်မာထွားကျိုင်းသော ခန္ဓာကိုယ်ရှိသည့် လူလတ်ပိုင်းအရွယ် အမျိုးသားတစ်ဦးသည် ဖန့်ချန်တို့ရှေ့သို့ ရောက်လာပြီး ပြုံး၍ ပြောလိုက်သည်။</p> <p> </p> <p>​"တကယ်ပဲ..."</p> <p> </p> <p>​ယွီဝူရှီးနှင့် အခြားသူများမှာ တစ်ဦးကိုတစ်ဦး ကြည့်လိုက်ကြသည်။</p> <p> </p> <p>စိတ်ထဲတွင် အနည်းငယ် မကျေနပ်သော်လည်း၊ ဤအဖွဲ့ခေါင်းဆောင်မှာ ကြေးနီရောင် ကျောက်စိမ်းပြားကို ရရှိထားသူဖြစ်သဖြင့် ထိုကဲ့သို့သော စွမ်းအားမျိုးမှာ သူတို့ကို ဦးဆောင်ရန် အရည်အချင်း ပြည့်မီကြောင်း သူတို့ ဝန်ခံကြရမည်ဖြစ်သည်။</p> <p> </p> <p>​ထိုက်ရွှီမသေမျိုးတို့သည် လှေကြီးဖြင့် အဝေးသို့ ပျံသန်းသွားကြသည်ကို သတိပြုမိသဖြင့် ဖန့်ချန်က မေးလိုက်သည်</p> <p> </p> <p>"စီနီယာ... ကျုပ်တို့ နောက်ထပ် ဘာဆက်လုပ်ရမလဲ"</p> <p> </p> <p>​ထိုအမျိုးသားက လှေငယ်တစ်စင်းကို ထုတ်ယူကာ လူတိုင်းကို တင်ဆောင်၍ ထိုက်ရွှီမသေမျိုးတို့ နောက်သို့ လိုက်ပါသွားရင်း</p> <p> </p> <p>"ဘာလုပ်ရမလဲ လောလောဆယ်တော့ ဘာမှလုပ်ဖို့ မလိုသေးပါဘူး။ မင်းတို့က အခုမှ တာအိုပေါပ်စပ်ခြင်းအဆင့်ပဲ ရှိသေးတယ်၊ ကျွယ်မင်နန်းတော်အတွက် လုပ်ပေးနိုင်တာ သိပ်မရှိသေးဘူး။ မင်းတို့ မသေမျိုးအဆင့်ကို တက်လှမ်းပြီးမှသာ ကျွယ်မင်နန်းတော်ရဲ့ အလုပ်တွေကို လုပ်ဖို့ အရည်အချင်း ပြည့်မီလိမ့်မယ်"</p> <p> </p> <p>​လူတိုင်း အံ့အားသင့်သွားကြသည်။</p> <p> မသေမျိုးအဆင့် ရောက်မှလား စဉ်းစားကြည့်လျှင်လည်း သဘာဝကျလှသည်။</p> <p> </p> <p>ကျွယ်မင်နန်းတော်၏ အရှိန်အဝါမှာ စိတ်ဝိညာဥ်နယ်မြေအတွင်း၌ အလွန်ပင် ကျယ်ပြန့်လှပြီး ကြယ်တာရာစု ၈ ခုကို ထိန်းချုပ်ထားသည်။</p> <p>လက်အောက်ခံ ကျင့်ကြံသူများမှာ မရေမတွက်နိုင်အောင် ရှိရာ၊ တာအိုပေါင်းစပ်ခြင်းအဆင့် ကျင့်ကြံသူ လုပ်နိုင်သော အလုပ်များကို ကျွယ်မင်နန်းတော်အတွက် လုပ်ပေးချင်သည့်သူများမှာ တန်းစီနေကြမည် ဖြစ်သည်။</p> <p> </p> <p>​သူတို့မှာမူ စစ်ဆေးပွဲမှတစ်ဆင့် ရွေးချယ်ခံရသည့် အပြင်စည်းကျင့်ကြံသူများ ဖြစ်သဖြင့် ဂုဏ်သိက္ခာနှင့် အဆင့်အတန်းမှာ ပို၍ မြင့်မားကာ၊ လုပ်ဆောင်ရမည့် အလုပ်များမှာလည်း ပို၍ အရေးကြီးပေလိမ့်မည်။</p> <p> </p> <p>​"မင်းတို့ သဘောပေါက်သင့်တာက ကျွယ်မင်နန်းတော်က မင်းတို့ရဲ့ ပါရမီကို တန်ဖိုးထားတာပဲ။ မင်းတို့ဟာ နောင်တစ်ချိန်မှာ မသေမျိုး ဖြစ်လာဖို့၊ အဆင့် ၂၊ အဆင့် ၃ ဒါမှမဟုတ် အဆင့် ၄ အထိ တက်လှမ်းနိုင်ဖို့ မျှော်လင့်ချက် ရှိကြတယ်။ ဒါကြောင့်ပဲ မင်းတို့ ဒီလှေပေါ်ကို ရောက်လာတာ "</p> <p> </p> <p>​ထိုလူက ဆက်လက် ပြုံးရယ်ကာ</p> <p> </p> <p> "မသေမျိုး မဖြစ်ခင်အထိ မင်းတို့ လုပ်ရမယ့် အလုပ်ကတော့ ကိုယ့်ကိုယ်ကိုယ် သက်သေပြဖို့ပဲ။ ကျွယ်မင်နန်းတော်က မင်းတို့ရဲ့ အစွမ်းအစကို မြင်အောင်ပြပြီး အရင်းအမြစ်တွေ ပိုရအောင် ကြိုးစားရမယ်။ လွန်ခဲ့တဲ့ အကြာကြီးက ကျုပ်လည်း မင်းတို့လိုပဲ စစ်ဆေးပွဲကနေ တက်လာတဲ့ ကျွယ်မင်ကျင့်ကြံသူပဲ၊ လင်းကွေ့ကြယ်တာရာနယ်မြေကပဲ ဆင်းသက်လာတာ"</p> <p> </p> <p>"မရေမတွက်နိုင်တဲ့ ပြိုင်ဆိုင်မှုတွေကို ဖြတ်ကျော်ပြီးမှ အခု ကျုပ်က အဆင့် ၃ မသေမျိုး ဖြစ်လာပြီး ချင်းမင် ရှေ့ပြေးအဖွဲ့  တစ်ဖွဲ့ကို အုပ်ချုပ်နေရတာ။ မင်းတို့ မသေမျိုး မဖြစ်ခင်အထိ ကျုပ်နဲ့ပဲ အတူတူ နေကြရဦးမှာပဲ"</p> <p> </p> <p>​"စီနီယာ... ကျမတို့ အခု ကျွယ်မင်နန်းတော်ကို သွားကြမှာလား"</p> <p> </p> <p> မုံချင့်လင်က စပ်စုကာ မေးလိုက်သည်။</p> <p> </p> <p>​ထိုလူက သူမကို ကြည့်ကာ</p> <p> </p> <p> "မင်းတို့ ဟိုမှာ မရေမတွက်နိုင်တဲ့ လှေကြီးတွေကို မြင်လား "</p> <p> </p> <p>​ထိုက်ရွှီမသေမျိုး၏ လှေနောက်တွင် ရာနှင့်ချီသော လှေများ လိုက်ပါနေကြသည်။</p> <p> သူတို့ အခု စီးနေသော လှေမှာလည်း ထိုအထဲမှ တစ်စင်းသာ ဖြစ်သည်။</p> <p> </p> <p>​"ဒီလူတွေ အားလုံးဟာ စစ်ဆေးပွဲ အောင်မြင်ထားတဲ့ သူတွေပဲ။ မင်းတို့က ထိုက်ရွှီမသေမျိုးနဲ့အတူ ကျန်ရှိနေတဲ့ တခြား စစ်ဆေးရေး နယ်မြေတွေကို ဆက်ပြီး သွားကြရဦးမယ်"</p> <p> </p> <p>​သူက စကားကို ခဏရပ်ကာ ဖန့်ချန်ကို အဓိပ္ပာယ်ပါပါ ကြည့်လိုက်ပြီး</p> <p> </p> <p>"ဒီလှေတွေထဲမှာ ကြေးနီရောင် ကျောက်စိမ်းပြား ရထားတဲ့သူ အနည်းငယ် ရှိသလို၊ ငွေရောင် ရထားတဲ့သူတွေတောင် ရှိတယ်။ မင်းတို့အသုတ်ကတော့ ပါရမီရှင်တွေ အတော်လေး ပေါများတယ်လို့ ပြောရမယ်"</p> <p> </p> <p>​"ဘာ ငွေရောင်တောင် ရှိသေးတာလား "</p> <p> </p> <p>​လူတိုင်း အံ့သြတုန်လှုပ်စွာဖြင့် ဖန့်ချန်ကို ကြည့်လိုက်ကြသည်။</p> <p> </p> <p> သူတို့အမြင်တွင် ဖန့်ချန်၏ အစွမ်းများမှာ သူတို့ကို စိတ်ပျက်အားလျော့စေလောက်အောင် အစွမ်းထက်လှပြီး ဖြစ်သည်။</p> <p>သို့သော် ဖန့်ချန်ပင်လျှင် ကြေးနီရောင်သာ ရရှိခဲ့ရာ၊ ငွေရောင်ကျောက်စိမ်းပြားကို ရရှိထားသူမှာ မည်မျှအထိ အစွမ်းထက်နေမည်နည်း။</p> <p> </p> <p>​"ဒါနဲ့... ကျုပ်နဲ့ ချင်းယွီမသေမျိုးက သူငယ်ချင်းတွေပါ။ အရင်က သူ အောက်ခြေ ၆ နယ်မြေက ကျင့်ကြံသူတွေကို လက်ခံစောင့်ကြပ်ခွင့် ရခဲ့တာဟာ ကျုပ်ရဲ့ အဆက်အသွယ်ကြောင့်ပဲ "</p> <p> </p> <p>​အမျိုးသားက ဖန့်ချန်ကို ပြုံးပြကာ</p> <p> </p> <p>"မင်းရဲ့ နောက်ခံကိုလည်း ကျုပ် သိပြီးပြီ။ ကျုပ်ရဲ့ တပည့်အဖြစ် ခံယူဖို့ စိတ်ဝင်စားလား "</p> <p> </p> <p>​"တပည့်က ဆရာ့ကို ဂါရဝပြုပါတယ်"</p> <p> </p> <p>ဖန့်ချန်က လက်အုပ်ချီ ဦးညွှတ်လိုက်သည်။</p> <p> </p> <p>​ထိုအမျိုးသားသည် ဖန့်ချန် ဒူးထောက် အလေးမပြုသည်ကို မြင်သည့်အခါ မျက်လုံးထဲတွင် အနည်းငယ်မျှ မကျေနပ်မှု ဖြတ်ပြေးသွားသော်လည်း အလေးအနက်တော့ မထားချေ။</p> <p> </p> <p>လူငယ်တွေရဲ့ မာနပေါ့၊ သူလည်း တစ်ချိန်က လူငယ်ဖြစ်ခဲ့ဖူးတာပဲ။</p> <p>အခက်အခဲလေးတွေနဲ့ ကြုံတွေ့ပြီး အချောသတ်ခံရရင်တော့ တာအိုပေါင်းစပ်ခြင်းအဆင့် ကျင့်ကြံသူဆိုတာ မသေမျိုးတွေရဲ့ ရှေ့မှာ ဘာမှမဟုတ်ဘူးဆိုတာ သိသွားမှာပါ။</p> <p> </p> <p>​ငွေရောင်၊ ရွှေရောင် သို့မဟုတ် ခရမ်းရောင် ကျောက်စိမ်းပြား ရထားတဲ့သူတွေတောင်မှ လုံလောက်တဲ့ အချိန်မပေးရင် ကြီးထွားမလာနိုင်သရွေ့ အဆင့် ၃ မသေမျိုးတွေကတော့ သိပ်ပြီး ဂရုစိုက်နေမှာ မဟုတ်ပါဘူး။</p> <p> </p> <p>​ယွီဝူရှီးနှင့် အခြားသူများမှာမူ အလွန်ပင် မနာလိုဖြစ်သွားကြသည်။</p> <p>ဤသည်မှာ အဆင့် ၃ မသေမျိုး ဖြစ်သည်။</p> <p> </p> <p>သူတို့၏ ဂိုဏ်းများမှာ လင်းကွေ့ကြယ်တာရာနယ်မြေတွင် ထိပ်တန်းဖြစ်ပြီး အဆင့် ၃ မသေမျိုးများ ရှိသော်လည်း၊ တာအိုပေါင်းစပ်ခြင်းအဆင့်သာ ရှိသေးသော သူတို့အတွက် အဆင့် ၃ မသေမျိုး၏ တိုက်ရိုက်တပည့် ဖြစ်ရန်မှာ လုံးဝ အခွင့်အရေး မရှိချေ။</p> <p>တက်လှမ်းခြင်းအဆင့် ရောက်မှသာ အဆင့် ၃ မသေမျိုး၏ အရေးတယူ ရှိခြင်းကို ခံရမည် ဖြစ်သည်။</p> <p> </p> <p>​"ကျုပ်နာမည်က လင်းတုန်း  ပါ။ လင်းကွေ့ကြယ်တာရာနယ်မြေက အညတရ ဂိုဏ်းငယ်လေးတစ်ခုကနေ ဆင်းသက်လာတာ။ မင်းက အောက်ခြေ ၆ နယ်မြေက လာတယ်ဆိုပေမဲ့ မင်းရဲ့ အခု လက်ရှိ အခြေအနေနဲ့ဆိုရင်..."</p> <p> </p> <p>​လင်းတုန်း၏ စကားမဆုံးမီမှာပင် ဖန့်ချန်၏ ကိုယ်ပေါ်ရှိ အရှိန်အဝါများမှာ ရုတ်တရက် အဟုန်အရှိန်ဖြင့် တိုးတက်လာသည်ကို မြင်လိုက်ရသည်။</p> <p> </p> <p>ပတ်ဝန်းကျင်ရှိ ဝိညာဉ်စွမ်းအားများမှာ သူ့ဆီသို့ အရူးအမူး စီးဝင်လာတော့သည်။</p> <p> </p> <p>​ဤသည်မှာ... ဘေးဒုက္ခဖြတ်ကျော်ခြင်းအဆင့် သို့ တက်လှမ်းတော့မည့် နိမိတ်လက္ခဏာပင် ဖြစ်သည်။</p> <p> </p> <p>***</p> <p> </p>


Save