Book List

<h2 style="text-align: center;">အခန်း (၁၃၅၉)</h2> <h2 style="text-align: center;">ဘေးဒုက္ခဖြတ်ကျော်ခြင်းအဆင့် အစောပိုင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>​ကြာနီနတ်မိမယ်ငယ်နှင့် အခြားသူများမှာ ကြောင်အမ်းအမ်း ဖြစ်သွားကြသည်။</p> <p> </p> <p> ဖန့်ချန်သည် စစ်ဆေးပွဲ အောင်မြင်ပြီး မကြာမီမှာပင် ဘေးဒုက္ခဖြတ်ကျော်ခြင်းအဆင့်သို့ စတင်တက်လှမ်းလိမ့်မည်ဟု သူတို့ ထင်မထားခဲ့ကြချေ။</p> <p> </p> <p>​ဤသည်မှာ စစ်ဆေးပွဲ ကာလအတွင်း၌ တစ်ဖက်လူသည် တာအိုပေါင်းစပ်ခြင်းအဆင့်၏ အထွတ်အထိပ် ပြည့်စုံခြင်းအဆင့် သို့ ရောက်ရှိနေပြီဖြစ်ကြောင်း သက်သေပြနေသည်။</p> <p> </p> <p>​ထိုသို့သော အခြေအနေမျိုးတွင် သူသည် တစ်ဖက်၌ တိုက်ခိုက်ရင်း ကြေးနီရောင် ကျောက်စိမ်းပြားရသည်အထိ ကောင်းမွန်သော ရလဒ်များကို မည်သို့ ဖော်ဆောင်နိုင်ခဲ့ပြီး၊ အခြားတစ်ဖက်၌ မိမိ၏ ကျင့်ကြံခြင်းအဆင့်ကို မည်သို့ ဖိနှိပ်ထားနိုင်ခဲ့သနည်း။</p> <p> </p> <p>​"ကောင်းတယ်... ငါတောင် မျက်စိမှောက်သွားတော့မလို့ပဲ"</p> <p> </p> <p>​လင်းတုန်း၏ မျက်နှာထက်တွင် အပြုံးတစ်ခု ပေါ်လာပြီး ခုနက ဖြစ်ပေါ်ခဲ့သော မကျေနပ်မှု အနည်းငယ်မှာလည်း လွင့်စင်ပျောက်ကွယ်သွားတော့သည်။</p> <p> </p> <p>​ကျင့်ကြံခြင်းအဆင့်ကို ဖိနှိပ်ပြီး စစ်ဆေးပွဲတွင် ပါဝင်ခြင်းမှာ ကျွယ်မင်နန်းတော်၏ အပြင်စည်းကျင့်ကြံသူ ရွေးချယ်ပွဲများတွင် မကြာခဏ မြင်တွေ့ရတတ်သည့် အရာဖြစ်သည်။</p> <p> </p> <p>သို့သော် အချို့မှာ ဖိနှိပ်မထားနိုင်ဘဲ စစ်ဆေးပွဲအတွင်းမှာပင် ဘေးဒုက္ခဖြတ်ကျော်ခြင်းအဆင့်သို့ တက်လှမ်းသွားတတ်ကြသည်။</p> <p>အချို့မှာမူ ဖိနှိပ်ထားနိုင်သော်လည်း ကောင်းမွန်သော ရလဒ်များကို မရရှိကြချေ။</p> <p> </p> <p>​ကျင့်ကြံခြင်းကိုလည်း ထိန်းချုပ်နိုင်ကာ ရလဒ်ကောင်းကိုလည်း ရယူနိုင်ပြီး၊ အပြင်စည်းကျင့်ကြံသူ ဖြစ်လာပြီးနောက် ချက်ချင်းပင် ဘေးဒုက္ခဖြတ်ကျော်ခြင်းအဆင့်သို့ တက်လှမ်းနိုင်သူမှာ အလွန်ပင် ရှားပါးလှသည်။</p> <p> </p> <p>ဤကဲ့သို့သော သူတစ်ဦး ပေါ်လာတိုင်း ရတနာတစ်ခု ကောက်ရသကဲ့သို့ပင် မှတ်ယူနိုင်သည်။</p> <p> </p> <p>အကြောင်းမှာ တစ်သုတ်တည်း တက်လာသူများထဲတွင် ဘေးဒုက္ခဖြတ်ကျော်ခြင်းအဆင့် ကျင့်ကြံသူတစ်ဦး ပါဝင်နေခြင်းသည် အခြားအဖွဲ့များနှင့် ရင်ဆိုင်ရချိန်တွင် အပြတ်အသတ် အသာစီးရရန် လုံလောက်သော အခြေအနေ ဖြစ်နေသောကြောင့်ပင်။</p> <p> </p> <p>​ဝိညာဉ်စွမ်းအားများမှာ ဖန့်ချန်၏ ခန္ဓာကိုယ်အတွင်းသို့ အရူးအမူး စီးဝင်နေပြီး သူ၏ ကျင့်ကြံခြင်းမှာလည်း အဆက်မပြတ် အသွင်ပြောင်းလဲနေသည်။</p> <p> </p> <p>တာအိုပေါင်းစပ်ခြင်းအဆင့်၏ ဘေးဒုက္ခကိုးခု ကို ဖြတ်ကျော်ပြီးသား ဖြစ်သဖြင့် ယခု ဘေးဒုက္ခဖြတ်ကျော်ခြင်းအဆင့်သို့ တက်လှမ်းခြင်းမှာ ဖန့်ချန်အတွက် ရေစီးကြောင်းအတိုင်း လှေစီးရသကဲ့သို့ပင် ချောမွေ့နေပြီး မည်သည့် အခက်အခဲမျှ မရှိချေ။</p> <p> </p> <p>​ထိုလှေကြီးပေါ်မှ ထူးခြားသော ပြောင်းလဲမှုကြောင့် ဘက်ပေါင်းစုံမှ သတိပြုမိသွားကြပုံရပြီး မကြာမီမှာပင် အခြားသော လှေအချို့ထံမှလည်း အလားတူ အရှိန်အဝါများ ထွက်ပေါ်လာတော့သည်။</p> <p> </p> <p>​"တစ်၊ နှစ်၊ သုံး... အခု ဒီအချိန်မှာ ဘေးဒုက္ခဖြတ်ကျော်ခြင်းအဆင့်ကို တက်လှမ်းမယ့်သူ ၄၃ ယောက် ရှိတယ်။ ဒီထဲမှာ ကြေးနီရောင် ကျောက်စိမ်းပြား ရထားတဲ့သူတွေ ဒါမှမဟုတ် ငွေရောင်ရထားတဲ့ ပါရမီရှင်တွေလည်း ပါဝင်နေမှာပဲ"</p> <p> </p> <p>​လင်းတုန်းက ခပ်အေးအေး ပြုံးလျက် ပြောလိုက်သည်။</p> <p> </p> <p>​သူ ခုလေးတင် လက်ခံလိုက်သော ဤတပည့်သည်လည်း တစ်ပြိုင်တည်း တက်လှမ်းနေသဖြင့် တော်သေးသည်ဟု သူ တွေးမိသည်။</p> <p> </p> <p> မဟုတ်လျှင် စစ်ဆေးပွဲ အပြီးသတ်သွားသည့်အခါ ထိုအုပ်စု၏ အရှိန်အဝါအောက်တွင် မျက်နှာငယ်ရပေလိမ့်မည်။</p> <p> </p> <p>​"ဒီလောကမှာ ပါရမီရှင်တွေက ဒီလောက်တောင် များနေတာလား..."</p> <p> </p> <p> ယွီဝူရှီးက တိုးတိုးလေး ရေရွတ်လိုက်မိသည်။</p> <p> </p> <p>​တောက်ပသော နတ်ဘုရားမျက်လုံး ကို ပိုင်ဆိုင်ထားကာ တာအိုပေါင်းစပ်ခြင်းအဆင့် အထွတ်အထိပ်သို့ ရောက်နေသော သူသည် မိမိကဲ့သို့ တည်ရှိမှုမျိုးမှာ လက်ချိုးရေတွက်၍ ရနိုင်လိမ့်မည်ဟု ထင်မှတ်ထားခဲ့သည်။</p> <p> </p> <p>သို့သော် ယနေ့တွင်မှ ကျွယ်မင်နန်းတော်ကဲ့သို့သော ထိပ်တန်းအင်အားစုကြီး၏ လက်အောက်တွင် သူ့ကဲ့သို့သော သူများမှာ မရေမတွက်နိုင်အောင် ရှိနေသည်ကို သိလိုက်ရတော့သည်။</p> <p>သူသည်ပင် ထိုအထဲတွင် အထူးခြားဆုံး မဟုတ်ခဲ့ချေ။</p> <p> </p> <p>​"လောကမှာ ပါရမီရှင်တွေ အများကြီး ရှိတာတော့ အမှန်ပဲ၊ ဒါပေမဲ့ ပါရမီရှင်ချင်းလည်း အဆင့်အတန်း ကွာခြားချက် ရှိတယ်"</p> <p> </p> <p>​လင်းတုန်းက ခပ်ပြုံးပြုံးဖြင့် ရှင်းပြသည်</p> <p> </p> <p>"မင်းတို့က ကျွယ်မင်နန်းတော်ရဲ့ တိုက်ရိုက်တပည့်တွေ မဟုတ်ဘဲ အပြင်စည်းကျင့်ကြံသူတွေပဲ ဖြစ်ဦးတော့၊ တခြားသူတွေရဲ့ မျက်လုံးထဲမှာတော့ ဒီအဆင့်အထိ ရောက်လာတာကိုက အထူးချွန်ဆုံး ပါရမီရှင်တွေပဲ။ ဒါပေမဲ့ အခု မင်းတို့ မြင်တဲ့အတိုင်းပဲ၊ ဒီစစ်ဆေးပွဲမှာ ကြေးနီရောင် ကျောက်စိမ်းပြား ရနိုင်တဲ့သူက လက်ချိုးရေလို့ ရသလို၊ ငွေရောင် ကျောက်စိမ်းပြား ရတဲ့သူဆိုရင် လင်းကွေ့ကြယ်တာရာနယ်မြေမှာ တစ်ယောက်မှတောင် မရှိဘူး "</p> <p> </p> <p>​"မင်းတို့နဲ့ သူတို့ကြားက ကွာဟချက်က အထင်အရှားပဲ။ ကျွယ်မင်နန်းတော်ရဲ့ တိုက်ရိုက်တပည့်တွေ ဆိုရင်တော့ ဒီလိုစစ်ဆေးပွဲမျိုးမှာ အနည်းဆုံး ကြေးနီရောင် ရကြတာပဲ။ ငွေရောင်တို့၊ ရွှေရောင်တို့ ဆိုတာကလည်း သူတို့အတွက် အေးဆေးပဲပေါ့"</p> <p> </p> <p>​"ရှူးးး"</p> <p> </p> <p>​လူတိုင်း စိတ်ထဲမှ အသက်ရှူမှားသွားကြသည်။</p> <p>ဤသည်မှာ တာအိုပေါင်းစပ်ခြင်းအဆင့် ကျင့်ကြံသူများ ဖြစ်နိုင်ပါဦးမလား အစွမ်းထက်လွန်းနေသည် မဟုတ်ပါလား</p> <p> </p> <p>​"ဒါလေးနဲ့ပဲ အံ့သြနေကြတာလား "</p> <p> </p> <p>​လင်းတုန်းက ခပ်နောက်နောက် အကြည့်ဖြင့် သူ၏ ခါးမှ ငွေရောင်သန်းနေသော ကျောက်စိမ်းပြားကို ထုတ်ပြလိုက်သည်</p> <p> </p> <p> "ကျုပ်တုန်းက စစ်ဆေးပွဲ ဝင်ခဲ့စဉ်ကလည်း ငွေရောင်ကျောက်စိမ်းပြား ရခဲ့တာပဲ။ ဒါကြောင့်လည်း ဒီနေ့မှာ အဆင့် ၃ မသေမျိုးအဆင့်အထိ ရောက်လာပြီး မသေမျိုးအရှင်သခင်  အဆင့်ကို တက်လှမ်းဖို့ ကြိုးစားနိုင်တာပေါ့"</p> <p> </p> <p>​လူတိုင်း၏ စိတ်ထဲတွင် ထိတ်လန့်တုန်လှုပ်သွားကြသည်။</p> <p>လင်းတုန်းသည် ငယ်စဉ်က ငွေရောင်ကျောက်စိမ်းပြား ရရှိခဲ့သူဖြစ်လိမ့်မည်ဟု သူတို့ ထင်မထားခဲ့ကြချေ။</p> <p>စစ်ဆေးပွဲကို ကိုယ်တိုင် ဝင်ရောက်ခဲ့ဖူးမှသာ ငွေရောင်ကျောက်စိမ်းပြား ရရှိရန် မည်မျှ ခဲယဉ်းကြောင်း သူတို့ သိကြရသည်။</p> <p> </p> <p>ထိုကျောက်စိမ်းပြားသည် လင်းတုန်း၏ လက်ရှိ အဆင့် ၃ မသေမျိုး ကျင့်ကြံခြင်းထက်ပင် သူတို့ကို ပို၍ အံ့သြရိုသေစေတော့သည်။</p> <p> </p> <p>​လင်းတုန်းသည် ကျောက်စိမ်းပြားကို ပြန်သိမ်းလိုက်ပြီး ဖန့်ချန်၏ အဆင့်တက်ခြင်းကို ပြင်ပမှ မနှောင့်ယှက်နိုင်စေရန် တားမြစ်ချက်တစ်ခု  ကို လက်တစ်ချက် ဝေ့ယမ်းကာ ခင်းကျင်းလိုက်ပြီးနောက် ဆက်လက် ပြောပြသည်</p> <p> </p> <p>​"အရင်က လင်းကွေ့ကြယ်တာရာနယ်မြေမှာ         တကယ့် ပါရမီရှင်တစ်ယောက် ပေါ်ဖူးတယ်။ သူ့ကို အထက်သုံးနယ်မြေက ဘယ်လို ထိပ်တန်းအင်အားစုမှာပဲ ထားထား၊ ဘယ်သူနဲ့မှ မနှိုင်းယှဉ်နိုင်လောက်အောင် ထူးချွန်တဲ့သူပဲ"</p> <p> </p> <p>​"ဒါဆိုရင်... အဲဒါက..."</p> <p> </p> <p>​ယွီဝူရှီးနှင့် အခြားသူများ၏ အမူအရာမှာ လှုပ်ရှားသွားပြီး စိတ်လှုပ်ရှားစွာဖြင့်</p> <p> </p> <p>"အဲဒါ စီနီယာ ဝမ်ချုံးစန်း လားခင်ဗျာ "</p> <p> </p> <p>​ကြာနီနတ်မိမယ်ငယ်သည် ယွီဝူရှီးကို တစ်ချက်ကြည့်လိုက်ပြီး လင်းတုန်းထံသို့ အကြည့်လွှဲလိုက်သည်။</p> <p> </p> <p>​လင်းတုန်းက ပြုံးလျက် ခေါင်းညိတ်ပြသည်</p> <p> </p> <p> "မင်းတို့ မှတ်မိနေကြသားပဲ။ ဒါဟာ မင်းတို့ မှတ်မိနေသင့်တဲ့ အရာပဲလေ။ သူဟာ လင်းကွေ့ကြယ်တာရာနယ်မြေရဲ့ သန်းပေါင်းများစွာသော နှစ်တွေအတွင်းမှာ စစ်ဆေးပွဲကနေ ခရမ်းရောင် ကျောက်စိမ်းပြားကို တစ်ဦးတည်းသော ရရှိခဲ့တဲ့သူပဲ "</p> <p> </p> <p>​"သူ့ရဲ့ ပါရမီ၊ သူ့ရဲ့ အစွမ်းတွေနဲ့ ယှဉ်ရင် ကျန်တဲ့ တူညီတဲ့အဆင့်က ကျင့်ကြံသူတွေဟာ သူ့ရှေ့မှာ ပေတစ်သောင်းမြင့်တဲ့ နှင်းတောင်ကြီးကို မော့ကြည့်နေရတဲ့ ခြပုဒ်တွေလိုပဲ။ အမှန်တကယ်လည်း စီနီယာဝမ်ဟာ နောင်တစ်ချိန်မှာ ဒီမသေမျိုးလမ်းစဉ်ပေါ်မှာ ငါတို့အားလုံးထက် ပိုပြီး အဝေးကြီးကို ရောက်သွားခဲ့တယ်။ သူ့မတိုင်ခင်က လင်းကွေ့ကြယ်တာရာနယ်မြေကနေ တက်သွားတဲ့ ကျွယ်မင်ကျင့်ကြံသူတွေထဲမှာ အမြင့်ဆုံးဟာ အဆင့် ၆ မသေမျိုးအဆင့်အထိပဲ ရောက်ခဲ့ကြတာ "</p> <p> </p> <p>​"ဒါပေမဲ့ စီနီယာဝမ်ကတော့ မတူဘူး၊ သူဟာ ရှေးဟောင်းမသေမျိုးအဆင့်ကို ခြေတစ်လှမ်းအလို အထိ ရောက်ခဲ့တာ။ မသေမျိုးစားရင်းဝင်ခွင့် မရှိလို့သာ အဆင့်တက်မသွားနိုင်ခဲ့တာ။ တကယ်လို့သာ မသေမျိုးစားရင်းဝင်ခွင့် ရှိခဲ့ရင် သူဟာ အခုဆိုရင် အဆင့် ၇ ရှေးဟောင်းမသေမျိုးကြီး ဖြစ်နေလောက်ပြီ "</p> <p> </p> <p>​အဆင့် ၇ ရှေးဟောင်းမသေမျိုး...</p> <p> </p> <p>​လူတိုင်းမှာ ထိုနယ်ပယ်ကို ခဏတာမျှ စိတ်ကူးကြည့်ရုံဖြင့်ပင် မိမိတို့နှင့် မည်မျှ အလှမ်းဝေးကွာနေသည်ကို ခံစားလိုက်ရသည်။</p> <p> </p> <p> သူတို့သည် လင်းကွေ့ကြယ်တာရာနယ်မြေ၏ ပါရမီရှင်များအဖြစ် မိမိကိုယ်မိမိ အထင်ကြီးထားကြသော်လည်း၊ ဤအဆင့်သို့ ရောက်နိုင်မည်ဟု တစ်ခါမျှ မတွေးဖူးကြချေ။</p> <p> </p> <p>အဆင့် ၁ မသေမျိုးအဆင့်သည်သာ သူတို့၏ ပန်းတိုင် ဖြစ်သည်။</p> <p> </p> <p>​"အခု ကျွယ်မင်နန်းတော်က ထိန်းချုပ်ထားတဲ့ ရှေးဟောင်းတားမြစ်နယ်မြေ ၂၃ ခုထဲက ၅ ခုကို စီနီယာဝမ်က လူတွေကို ဦးဆောင်ပြီး တိုက်ခိုက်သိမ်းပိုက်ပေးခဲ့တာ"</p> <p> </p> <p>လင်းတုန်းက ပြုံးလျက်</p> <p> </p> <p> "သူကမှ တကယ့် ပါရမီရှင်စစ်စစ်ပဲ။ မင်းတို့ပဲဖြစ်ဖြစ်၊ ဖန့်ချန်ပဲဖြစ်ဖြစ်၊ ကျုပ်တောင်မှ ပါရမီရှင်လို့ ခေါ်လို့မရဘူး။ သာမန်ကျင့်ကြံသူတွေထက် နည်းနည်းလေး ပိုတော်တဲ့သူတွေလို့ပဲ ပြောလို့ရမယ်"</p> <p> </p> <p>​"..."</p> <p> </p> <p>​လူတိုင်း ငြိမ်သက်သွားကြသည်။</p> <p> </p> <p>မည်သူမျှ ပြန်လည် မချေပကြသလို လင်းတုန်း၏ စကားကိုလည်း ထောက်ခံနေကြပုံရသည်။</p> <p> </p> <p>​"ဒါပေမဲ့ စီနီယာဝမ်က နောက်ပိုင်းမှာ အဆင့် ၇ ရှေးဟောင်းမသေမျိုး ဖြစ်မလာခဲ့ဘူးလေ"</p> <p> </p> <p>ကြာနီနတ်မိမယ်ငယ်က အေးစက်စွာ ပြောလိုက်သည်</p> <p> </p> <p> "သူ့လို ပါရမီရှင်မျိုးတောင် ကျွယ်မင်နန်းတော်တို့လို ထိပ်တန်းအင်အားစုတွေရဲ့ ရှေ့မှာတော့ ဘာမှမဟုတ်သလို ဖျက်ဆီးခံလိုက်ရတာပဲ မဟုတ်လား"</p> <p> </p> <p>​"..."</p> <p> </p> <p>​ဝမ်ချုံးစန်း၏ ထိတ်လန့်စရာကောင်းသော ပါရမီတွင် နစ်မျောနေသော လူတိုင်းမှာ ကြာနီနတ်မိမယ်ငယ်၏ စကားကြောင့် လက်တွေ့လောကထဲသို့ ရုတ်တရက် ပြန်ရောက်လာကြသည်။</p> <p> </p> <p>ဟုတ်ပေသည်။</p> <p>ထိုစီနီယာဝမ်၏ အဆုံးသတ်မှာ သိပ်မလှခဲ့ပုံရချေ။</p> <p> ထိုမျှ အစွမ်းထက်သော်လည်း မသေမျိုးစားရင်း ဝင်ခွင့် မရှိသဖြင့် ရှေးဟောင်းမသေမျိုး ဖြစ်မလာခဲ့သလို၊ နောက်ဆုံးတွင်လည်း သတင်းအစအန ပျောက်ကွယ်သွားခဲ့ရသည်။</p> <p> </p> <p>​"မင်းက စီနီယာဝမ်အကြောင်း အတော်လေး သိသားပဲ။ ဒါပေမဲ့ သူ့ရဲ့ အခြေအနေက နည်းနည်း ထူးခြားတယ်။ သူဟာ ကျွယ်မင်နန်းတော်ရဲ့ အဖိုးတန် ရတနာတစ်ခုကို ခိုးယူသွားခဲ့တယ်လို့ ကြားရတယ်။ ပြီးတော့ အဲဒီရတနာကို သုံးပြီး ထိုက်ယီမသေမျိုး ရဲ့ လမ်းစဉ်ကို ရယူဖို့ ကြိုးစားခဲ့လို့ အင်အားစု အသီးသီးရဲ့ နှိမ်နင်းခြင်းကို ခံလိုက်ရတာ"</p> <p> </p> <p>​လင်းတုန်းက ပြုံးလျက်</p> <p> </p> <p>"ကျုပ်တို့ ကျင့်ကြံသူတွေဟာ လုပ်သင့်တာကို လုပ်ရမယ်၊ မလုပ်သင့်တာကိုတော့ အစွန်းလေးတောင် မထိသင့်ဘူး။ စည်းကျော်မိရင်တော့ အကျိုးဆက်ကို ပြန်ခံရမှာပဲ"</p> <p> </p> <p>​အဖိုးတန်ရတနာ...</p> <p> </p> <p>​ဤအချက်မှာ အဓိကပင် ဖြစ်သဖြင့် ဖန့်ချန် စိတ်ထဲတွင် မှတ်သားထားလိုက်သည်။</p> <p> </p> <p> လင်းတုန်း ပြောနေသော ရတနာမှာ မိစ္ဆာသန္ဓေသား နှင့် ပတ်သက်နေနိုင်ပေသည်။</p> <p> </p> <p>​ဝမ်ချုံးစန်းနှင့် ချင်းရှမိစ္ဆာသခင် တို့၏ တူညီသော နည်းလမ်းများကို ဆက်စပ်ကြည့်လျှင် ဝမ်ချုံးစန်းသည် မိမိ၏ ခန္ဓာကိုယ်ထဲတွင်  မိစ္ဆာသန္ဓေသား ကို ထည့်သွင်းထားခဲ့ပုံရသည်။</p> <p> </p> <p>​"ဒါဆိုရင် သူက ဘာလို့ နေရာအနှံ့ ပုန်းအောင်းနေပြီး  မိစ္ဆာသန္ဓေသား ကို အတိုင်းအတာ သေးသေးလေးနဲ့ပဲ စမ်းသပ်နေရတာလဲ "</p> <p> </p> <p>​" မိစ္ဆာသန္ဓေသားမှာ ဘယ်လို ချို့ယွင်းချက်တွေ ရှိနေလို့ သူ ဒီလောက်အထိ သတိကြီးနေရတာလဲ "</p> <p> </p> <p>​မေးခွန်းများ စိတ်ထဲတွင် ပေါ်လာသော်လည်း ဖန့်ချန် အသေးစိတ် မစဉ်းစားအားတော့ချေ။</p> <p> </p> <p>ယခုအချိန်တွင် သူ၏ အဆင့်တက်ခြင်းမှာ ပြီးဆုံးလုနီးပါး ဖြစ်နေပြီဖြစ်သည်။</p> <p> </p> <p> တစ်ကိုယ်လုံးရှိ ဝိညာဉ်စွမ်းအားများမှာ ဆယ်ဆကျော် တိုးပွားလာသလို ပိုမို သန့်စင်သွားကာ ကိုယ်ပေါ်တွင်လည်း လွတ်လပ်ပေါ့ပါးသော အငွေ့အသက်များ ဖုံးလွှမ်းလာသည်။</p> <p> </p> <p>​"ဘေးဒုက္ခဖြတ်ကျော်ခြင်းအဆင့် အစောပိုင်း"</p> <p> </p> <p>​ဖန့်ချန်သည် မိမိခန္ဓာကိုယ်အတွင်းရှိ ပြောင်းလဲမှုများကို ငြိမ်သက်စွာ ခံစားနေလိုက်သည်။</p> <p> </p> <p>​ဘေးဒုက္ခဖြတ်ကျော်ခြင်းအဆင့်...</p> <p> </p> <p>​ယခင် ကျုံးကျိုး  နယ်မြေတွင်မူ ထိုအဆင့်ရှိ ကျင့်ကြံသူများကို မသေမျိုး  ဟု ခေါ်ဝေါ်ကြပြီး ကျုံးကျိုး၏ အထက်တန်းလွှာ ကျင့်ကြံသူများစာရင်းထဲတွင် ပါဝင်နေပြီ ဖြစ်သည်။</p> <p>***</p> <p> </p>


Save