Book List

<h2 style="text-align: center;">အခန်း ၄၂၇</h2> <h2 style="text-align: center;">ကြယ်တာရာမင်းဆက်(၂)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"နောက်ထပ် အရေးကြီးတဲ့ အချက်တစ်ခုကိုလည်း မမေ့ပါနဲ့ဦး။ ငါတို့ တာအိုနန်းတော်နယ်ပယ် အမွေအနှစ်ကို ရရှိထားတယ်ဆိုပေမဲ့ ဒီအဆင့်ကို အမှန်တကယ် တက်လှမ်းနိုင်ဖို့ လိုအပ်တဲ့ အရင်းအမြစ်တွေက အများကြီးပဲ။"</p> <p> </p> <p>"ကျင်ယွန်းခရိုင်တစ်ခုတည်းအပေါ်မှာပဲ မှီခိုနေရင်တော့ တာအိုနန်းတော်နယ်ပယ် ကျွမ်းကျင်သူတွေ အများကြီး ပေါ်ထွက်လာဖို့ ခက်ခဲလိမ့်မယ်။"</p> <p> </p> <p>"အကယ်၍ ငါတို့ဘက်က နယ်မြေမချဲ့ထွင်ဘူးဆိုရင် ဒီမှာရှိတဲ့သူတွေထဲက ဘယ်နှစ်ယောက်ကများ ဒီအဆင့်ကို ချိုးဖျက်နိုင်မှာလဲ"</p> <p> </p> <p>စကားဆုံးသွားသည်နှင့် ခန်းမတစ်ခုလုံး တိတ်ဆိတ်သွားခဲ့သည်။</p> <p> </p> <p>ကျင်ယွန်းခရိုင်ကိုပဲ ထိန်းချုပ်ထားခြင်းနှင့် အပြင်ဘက်သို့ ထပ်မံချဲ့ထွင်ခြင်းတို့တွင် ၎င်းတို့၏ ကိုယ်ပိုင် အကျိုးကျေးဇူးများ ရှိကြသည်။</p> <p> </p> <p>ပထမတစ်ခုမှာ တည်ငြိမ်သော်လည်း၊ ဒုတိယတစ်ခုမှာမူ ကြီးမားသော စွန့်စားမှုများ ရှိနေသည်။</p> <p> </p> <p>သို့သော် ဤကြီးမားသော စွန့်စားမှုနောက်ကွယ်တွင် အံ့သြဖွယ်ကောင်းသော အမြတ်အစွန်းများလည်း ရှိနေသည်။</p> <p> </p> <p>ထို့အပြင် ကျင်ယွန်းခရိုင်သည် သိပ်မကျယ်ပြန့်ဘဲ အရင်းအမြစ်များမှာလည်း အလွန်အမင်း အကန့်အသတ်ရှိကြောင်း ကုဝူ ပြောသည်မှာ မှန်ကန်လှသည်။ အမွေအနှစ်ကို ရရှိထားလျှင်ပင် အမှန်တကယ် အောင်မြင်စွာ တက်လှမ်းရန်မှာ မလွယ်ကူပေ။</p> <p> </p> <p>အကယ်၍ ကျင်ယွန်းမဟာမိတ်သာ ထပ်မံချဲ့ထွင်နိုင်မည်ဆိုလျှင် အရင်းအမြစ်များ ပိုမိုရရှိလာမည်ဖြစ်ရာ ကျင့်စဉ်အဆင့် တက်လှမ်းရန်မှာ ပိုမိုလွယ်ကူသွားပေလိမ့်မည်။</p> <p> </p> <p>အရေးကြီးဆုံးအချက်မှာ ကုဝူ ပြသခဲ့သည့် စွမ်းအားက သူတို့ကို ကွေ့ယွမ်မင်းဆက်ကို ရင်ဆိုင်ရန် ယုံကြည်ချက် ပေးစွမ်းနိုင်ခြင်းပင် ဖြစ်သည်။</p> <p> </p> <p>အကယ်၍ ကုဝူသည် သာမန် တာအိုနန်းတော်နယ်ပယ် ကျွမ်းကျင်သူသာ ဖြစ်ခဲ့မည်ဆိုလျှင် သူတို့ ဤစွန့်စားမှုကို လုပ်ရဲကြမည် မဟုတ်ပေ။ သို့သော် ကုဝူသည် ကျင်ယွန်းမြို့စားကြီးကို ဓားချက် သုံးချက်တည်းဖြင့် သတ်ဖြတ်နိုင်ခဲ့သူဖြစ်ရာ သူ၏ခွန်အားမှာ တာအိုနန်းတော်နယ်ပယ် ကိုးဆင့်၏ အထွတ်အထိပ်သို့ နီးကပ်နေပြီဖြစ်သည်။</p> <p> </p> <p>ဤမျှလောက်သော စွမ်းဆောင်ရည်မျိုးမှာ လက်ရှိ ဓမ္မဆုတ်ယုတ်သောခေတ်တွင် ထိပ်တန်း တည်ရှိမှုတစ်ခုဖြစ်ပြီးသူတော်စင်တစ်ပိုင်းများသာလျှင် သူ့ထက် သာလွန်ပေလိမ့်မည်။</p> <p> </p> <p>၎င်းကို တွေးမိသောအခါ များစွာသော သူတို့က ဆုံးဖြတ်ချက် ချလိုက်ကြသည်။</p> <p> </p> <p>ရှယွန်းချွမ်း က လေးနက်သော အသံဖြင့် ပြောလိုက်သည် "ငါတို့ရဲ့ မဟာမိတ်ခေါင်းဆောင်က ကျင်ယွန်းမဟာမိတ်ကို လမ်းပြပေးနေတာဟာ ငါတို့ရဲ့ ကံကြမ္မာပဲ။ ကျင်ယွန်းခရိုင် ကျဆုံးသွားပြီး ကွေ့ယွမ်မင်းဆက် ရှုပ်ထွေးနေတဲ့ အချိန်ဟာ ကျင်ယွန်းမဟာမိတ်အတွက် အခွင့်အရေးပါပဲ။"</p> <p> </p> <p>"နယ်မြေချဲ့ထွင်သင့်တယ်လို့ ငါယုံကြည်တယ်"</p> <p> </p> <p>"နေမင်းသုံးပါးဂိုဏ်းကလည်း ဒီအမြင်အတိုင်းပါပဲ"</p> <p> </p> <p>"ချင်းဖုန်းဂိုဏ်းကလည်း ကန့်ကွက်စရာ မရှိပါဘူး"</p> <p> </p> <p>"မြစ်နီဂိုဏ်းကလည်း ကန့်ကွက်စရာ မရှိပါဘူး"</p> <p> </p> <p>အင်အားစု အသီးသီးမှ ခေါင်းဆောင်များက သူတို့၏ ရပ်တည်ချက်များကို တစ်ယောက်ပြီးတစ်ယောက် ထုတ်ဖော်လာကြရာ ကုဝူသည် အလွန်ပင် ကျေနပ်သွားခဲ့သည်။</p> <p> </p> <p>ကျန်ရှိနေသော လူအနည်းငယ်မှာမူ အတွေးကိုယ်စီ ရှိနေကြသော်လည်း အများစု၏ သဘောထားကြောင့် သဘောတူညီစွာ ခေါင်းညိတ်လိုက်ကြရတော့သည်။</p> <p> </p> <p>နှစ်ရက်အကြာတွင်။</p> <p> </p> <p> </p> <p>ကျင်ယွန်းခရိုင်၏ တိုက်ပွဲသတင်းမှာ ကွေ့ယွမ်မင်းဆက်ထံသို့ ရောက်ရှိသွားခဲ့ရာ ဧကရာဇ်ဟန်မှာ အလွန်အမင်း ဒေါသထွက်သွားခဲ့ပြီး ကျင်ယွန်းမဟာမိတ်ကို ချက်ချင်း စစ်တပ်လွှတ်ကာ အမြစ်ပြတ်ချေမှုန်းပစ်ချင်နေတော့သည်။</p> <p> </p> <p>သို့သော် ဧကရာဇ်ဟန် မလှုပ်ရှားနိုင်မီမှာပင် သိုင်းနတ်ဘုရားမင်းဆက် က စစ်ကူများကို အလုံးအရင်းဖြင့် စေလွှတ်လိုက်ရာ၊ ထိုက်ယန်ခရိုင်သည် နှစ်ရက်အတွင်းမှာပင် သိုင်းနတ်ဘုရားမင်းဆက်၏ ထိန်းချုပ်မှုအောက်သို့ လုံးဝ ရောက်ရှိသွားခဲ့သည်။</p> <p> </p> <p>ထို့နောက်တွင် သိုင်းနတ်ဘုရားမင်းဆက်ဘက်မှ ရှီကျင်းသည် ဗဟိုစစ်တပ်ကို ကွပ်ကဲကာ လမ်းကြောင်း သုံးခုခွဲ၍ ကွေ့ယွမ်မင်းဆက်၏ ခရိုင်သုံးခုကို တစ်ပြိုင်နက် တိုက်ခိုက်ခဲ့ရာ ကွေ့ယွမ်မင်းဆက်မှာ ရုတ်ရုတ်သဲသဲ ဖြစ်သွားခဲ့သည်။</p> <p> </p> <p>ယင်းကို တုံ့ပြန်ရန်အတွက် ဧကရာဇ်ဟန်မှာ ကျင်ယွန်းမဟာမိတ်ကို တိုက်ခိုက်မည့် အကြံကို လက်လျှော့လိုက်ရပြီး သိုင်းနတ်ဘုရားမင်းဆက်၏ ကျူးကျော်မှုကို ခုခံရန်အတွက် ရှေ့တန်းသို့ စစ်သည်များ စေလွှတ်လိုက်ရတော့သည်။</p> <p> </p> <p>တစ်ချိန်တည်းမှာပင်  နယ်မြေကိုးခုတွင် နန်းတော်ကို ကြီးကြပ်နေသော ကုယန်သည် သိုင်းနတ်ဘုရားမင်းဆက်၏ ကံကြမ္မာအပြောင်းအလဲကို ခံစားမိကာ ပြုံးလိုက်သည်။</p> <p> </p> <p>"ထိုက်ယန်ခရိုင် ကျဆုံးသွားတာက ငါတို့ သိုင်းနတ်ဘုရားမင်းဆက်ရဲ့ ကံကြမ္မာကို အများကြီး တိုးတက်စေတယ်။ အကယ်၍ ငါတို့ ကွေ့ယွမ်မင်းဆက် တစ်ခုလုံးကို သိမ်းပိုက်နိုင်မယ်ဆိုရင် သိုင်းနတ်ဘုရားမင်းဆက်ဟာ မဟာမင်းဆက် အဖြစ် မတက်လှမ်းနိုင်သေးရင်တောင် ချီကံကြမ္မာမှာ ကြီးမားတဲ့ ခြေလှမ်းတစ်လှမ်း လှမ်းနိုင်မှာပဲ။"</p> <p> </p> <p>"ဒီလိုဆိုရင် မဟာမင်းဆက်အဖြစ် တက်လှမ်းဖို့ အချိန်ကို အများကြီး တိုတောင်းသွားစေလိမ့်မယ်"</p> <p> </p> <p> </p> <p>ဘာပဲဖြစ်ဖြစ် မင်းဆက်တစ်ခု တက်လှမ်းရန် အမြန်ဆုံးနည်းလမ်းမှာ စစ်ပွဲပင် ဖြစ်သည်။</p> <p> </p> <p>ယခုကဲ့သို့ပင် ထိုက်ယန်ခရိုင်တစ်ခုသည် သိုင်းနတ်ဘုရားမင်းဆက်အတွက် ဆယ်နှစ်စာ စုဆောင်းထားသော ကံကြမ္မာနှင့် ညီမျှပေသည်။</p> <p> </p> <p>သို့သော် ကုယန်သည် စစ်ပွဲကို စစ်ပွဲဖြင့် အမြဲတမ်း မထိန်းကျောင်းနိုင်ကြောင်းကိုလည်း နားလည်ထားသည်။</p> <p> </p> <p>လက်ရှိတွင် သိုင်းနတ်ဘုရားမင်းဆက်သည် ကွေ့ယွမ်မင်းဆက်ကို လုံးဝ အသာစီးဖြင့် ဖိနှိပ်ထားသောကြောင့် မင်းဆက်၏ ကံကြမ္မာ သိသိသာသာ မြင့်တက်လာခြင်း ဖြစ်သည်။</p> <p> </p> <p>အကယ်၍ အင်အားချင်း တူညီနေပြီး တိုက်ပွဲမှာ ကြာရှည်ကာ ပြင်းထန်နေမည်ဆိုပါက ထိုက်ယန်ခရိုင်ကို နောက်ဆုံးတွင် သိမ်းပိုက်နိုင်ခဲ့လျှင်ပင် မင်းဆက်အတွက် ကံကြမ္မာ များများစားစား ရရှိရန် ခဲယဉ်းပေလိမ့်မည်။</p> <p> </p> <p>ဘာပဲဖြစ်ဖြစ် စစ်သည်များစွာ ဆုံးရှုံးခြင်းက ကံကြမ္မာကို ထိခိုက်စေသလို၊ စစ်ပွဲရှည်ကြာခြင်းက ပြည်သူတို့၏ မကျေနပ်မှုကို ဖြစ်ပေါ်စေနိုင်ရာ ၎င်းမှာ တည်ငြိမ်သော ဖွံ့ဖြိုးတိုးတက်မှုအတွက် အထောက်အကူ မပြုပေ။</p> <p> </p> <p>ယခုကဲ့သို့ သိုင်းနတ်ဘုရားမင်းဆက်က အောင်ပွဲခံကာ ချီတက်နေသည့် အခြေအနေမျိုးတွင်မှသာ စစ်ပွဲဖြင့် စစ်ပွဲကို အစားထိုးသည့် ဗျူဟာက အမှန်တကယ် ထိရောက်ပေလိမ့်မည်။</p> <p> </p> <p>"အရှင်မင်းကြီး... ရှေ့တန်းက သတင်းအရ ကွေ့ယွမ်မင်းဆက်ဟာ ကြယ်တာရာမင်းဆက်နဲ့ ဆက်သွယ်နေပုံ ရပါတယ်။ အကယ်၍ ကြယ်တာရာမင်းဆက်သာ ဒီစစ်ပွဲထဲ ပါဝင်လာမယ်ဆိုရင် အခြေအနေတွေက ရှုပ်ထွေးသွားနိုင်ပါတယ်"</p> <p> </p> <p>အမတ်တစ်ဦးက ရုတ်တရက် ရှေ့သို့တိုးကာ လေးနက်သောအသံဖြင့် လျှောက်တင်လိုက်သည်။</p> <p> </p> <p> </p> <p>ကြယ်တာရာမင်းဆက် ဟု အမည်ဖော်ပြလိုက်သည်နှင့် နန်းတော်အတွင်းရှိ လေထုမှာ အေးခဲသွားခဲ့သည်။</p> <p> </p> <p>မဟာမင်းဆက်တစ်ခု။</p> <p> </p> <p>၎င်းမှာ အမြင့်မြတ်ဆုံးသော အခြေခံအင်အားကို ကိုယ်စားပြုသည်။</p> <p> </p> <p>အကယ်၍ ကွေ့ယွမ်မင်းဆက်သည် ကြယ်တာရာမင်းဆက်နှင့် အမှန်တကယ် ဆက်သွယ်ထားမည်ဆိုလျှင် အခြေအနေများမှာ ပိုမို ရှုပ်ထွေးသွားပေလိမ့်မည်။</p> <p> </p> <p>"ကုယီ"</p> <p> </p> <p>"ကျွန်တော်မျိုး ရှိပါတယ်"</p> <p> </p> <p>"ကျင်ယီအစောင့်တပ်ဆီမှာ ကြယ်တာရာမင်းဆက်နဲ့ ပတ်သက်တဲ့ သတင်းတွေ ရှိလား"</p> <p>ကုယန်က မေးလိုက်သည်။</p> <p> </p> <p>ကျင်ယီအစောင့်တပ်၏ မူလအထောက်အထားမှာ လျှို့ဝှက်အစောင့်တပ်ဖြစ်ပြီး၊ ကုယီသည် အမှောင်ထဲမှ အလင်းထဲသို့ ထွက်လာကာ လက်ရှိ ကျင်ယီအစောင့်တပ်၏ တပ်မှူး ဖြစ်လာခဲ့သည်။</p> <p> </p> <p>ကျင်ယီအစောင့်တပ်၏ တာဝန်မှာ အရာရှိများကို စောင့်ကြည့်ရန်သာမက နေရာအနှံ့မှ သတင်းအချက်အလက်များကို စုဆောင်းရန်လည်း ဖြစ်သည်။</p> <p> </p> <p>ကုယီက လက်အုပ်ချီကာ "အရှင်မင်းကြီး... ကွေ့ယွမ်မင်းဆက်ဟာ မကြာသေးခင်ကမှ ကြယ်တာရာမင်းဆက်ဆီကို လူစေလွှတ်ခဲ့ပါတယ်။ ကျင်ယီအစောင့်တပ်ရဲ့ စုံစမ်းမှုအရ သူတို့ဟာ လျှို့ဝှက်မဟာမိတ် ဖွဲ့ထားဖို့ အလားအလာ အလွန်များပါတယ်" ဟု လျှောက်တင်သည်။</p> <p> </p> <p>"မဟာမိတ်..."</p> <p> </p> <p>ကုယန်သည် သူ၏မျက်လုံးများကို မှေးလိုက်ကာ တစ်ခုခုကို စဉ်းစားနေပုံရသည်။</p> <p> </p> <p>ခေတ္တအကြာတွင် ကုယန်က "မဟာမင်းဆက်တစ်ခု ဆိုတာ ဒီလောက်ပါပဲ။ အကယ်၍ ကြယ်တာရာမင်းဆက်က ပညာရှိရှိ ရွေးချယ်မယ်ဆိုရင်တော့ ထားလိုက်ပါ။ ဒါပေမဲ့ သူတို့က ဒီစစ်ပွဲထဲမှာ ပါဝင်ဖို့ အမှန်တကယ် ဆန္ဒရှိတယ်ဆိုရင်တော့ ငါ့ရဲ့ သိုင်းနတ်ဘုရားမင်းဆက်က သူတို့ကို ကြောက်နေမှာ မဟုတ်ဘူး။"</p> <p> </p> <p>"ရှီကျင်းကို ကွေ့ယွမ်မင်းဆက်ကို အစွမ်းကုန် တိုက်ခိုက်ဖို့ အမိန့်ပေးလိုက်ပါ။ အကယ်၍ ကြယ်တာရာမင်းဆက်ဘက်က ကြားဝင်နှောင့်ယှက်မှု တစ်ခုခု တွေ့တာနဲ့ ဘာမှတွေဝေမနေဘဲ အရေးယူလိုက်"</p> <p> </p> <p>"ဟုတ်ကဲ့ပါ"</p> <p> </p> <p>ကုယီက ချက်ချင်းပင် အမိန့်ကို နာခံလိုက်သည်။</p> <p> </p> <p>နန်းတွင်းအစည်းအဝေး ပြီးဆုံးသွားပြီးနောက် ဘုရင့်စာကြည့်ခန်းအတွင်း၌ ကုယန်သည် ချိပ်ပိတ်ထားသော သံသေတ္တာအမည်းတစ်ခုကို ကုယီထံသို့ ကမ်းပေးလိုက်သည်။</p> <p> </p> <p>ကုယီ ၎င်းကို ယူလိုက်သောအခါ လေးလံမှုကို ခံစားလိုက်ရသည်။</p> <p> </p> <p>ကုယန်က "ဒီသေတ္တာထဲမှာ မဟာသူတော်စင်လက်နက်တစ်ခု ရှိတယ်။ ဒါကို ရှီကျင်းဆီ ချက်ချင်းသွားပေးလိုက်။ အကယ်၍ ကြယ်တာရာမင်းဆက်က အစွမ်းထက်တဲ့ ရန်သူတစ်ယောက်ယောက် ကျူးကျော်လာရင် ဒီမဟာသူတော်စင်လက်နက်နဲ့ သူတို့ကို နှိမ်နင်းလိုက်"</p> <p> </p> <p>"ကျွန်တော်မျိုး အမိန့်ကို နာခံပါတယ်"</p> <p> </p> <p>"သွားတော့။"</p> <p> </p> <p>ကုယန်က လက်ကို ဝှေ့ယမ်းလိုက်ရာ ကုယီမှာ ဦးညွှတ်နှုတ်ဆက်ပြီး ထွက်ခွာသွားခဲ့သည်။</p> <p> </p> <p>ထွက်ခွာသွားသော ပုံရိပ်ကို ကြည့်ရင်း ကုယန်သည် စိတ်သက်သာရာ ရသွားခဲ့သည်။</p> <p> </p> <p>ရှီကျင်း၏ ခွန်အားဖြင့်ဆိုလျှင် ကြယ်တာရာမင်းဆက်ကို ယှဉ်ပြိုင်ရန်မှာ မဖြစ်နိုင်ပေ။</p> <p> </p> <p>ဘာပဲဖြစ်ဖြစ် ကြယ်တာရာမင်းဆက်မှာ နက်နဲသော အခြေခံရှိပြီး ကျွမ်းကျင်သူများစွာ ရှိသည်။ သူတော်စင်တစ်ပိုင်းအရေအတွက်မှာပင် တစ်ဦးထက်မက ရှိနိုင်သလို အတိတ်ကာလကလည်း သူတော်စင်  တစ်ဦးထက်မက ထွက်ပေါ်ခဲ့ဖူးသည်။</p> <p> </p> <p>ရှီကျင်းသည် တာအိုနန်းတော်နယ်ပယ် ကိုးဆင့်မှာ ရှိနေသော်လည်း ကြယ်တာရာမင်းဆက်အတွက်တော့ ပြိုင်ဘက် မဟုတ်သည်မှာ သေချာသည်။</p> <p> </p> <p>ထို့ကြောင့် ကုယန်သည် ကုယီအား မဟာသူတော်စင်လက်နက်ကို သွားရောက်ပေးအပ်ခိုင်းခြင်း ဖြစ်သည်။</p> <p> </p> <p>သေတ္တာထဲရှိ မဟာသူတော်စင်လက်နက်မှာ "နတ်ဘုရားသတ်လှံ"  ဖြစ်ပြီး ကုယန်သည် ကုမိသားစုစံအိမ်သို့ သွားရောက်လည်ပတ်စဉ် ကုချင်းဖန်ထံမှ ရရှိခဲ့ခြင်း ဖြစ်သည်။</p> <p> </p> <p>ရှေးဟောင်းမြင့်မြတ်သောနယ်မြေမှ ဆင်းသက်လာသော ဤအဖိုးတန်လက်နက်မှာ ကုချင်းဖန်အတွက်တော့ သိပ်ပြီး အသုံးမဝင်လှပေ။ ထို့ကြောင့် ကုယန်က လိုအပ်ကြောင်း သိသောအခါ သူသည် နတ်ဘုရားသတ်လှံကို အလွယ်တကူပင် ပေးအပ်ခဲ့သည်။</p> <p> </p> <p>"နတ်ဘုရားသတ်လှံဟာ ရှေးဟောင်းမြင့်မြတ်သောနယ်မြေရဲ့ နတ်ဘုရားလက်နက်တစ်ခုဖြစ်ပြီး တကယ့်ကို သတ်ဖြတ်နိုင်စွမ်းရှိတဲ့ အဖိုးတန်ရတနာပဲ။ ရှီကျင်းရဲ့ တာအိုနန်းတော်နယ်ပယ် ကိုးဆင့် ကျင့်စဉ်နဲ့ ဒီလှံကို ကိုင်ဆောင်ထားမယ်ဆိုရင် သူတော်စင်တစ်ဦးကိုတောင် သတ်ဖြတ်နိုင်ဖို့ မျှော်လင့်ချက် ရှိနိုင်တယ်"</p> <p> </p> <p>"ကြယ်တာရာမင်းဆက်က သူတော်စင်တစ်ပိုင်းတစ်ဦး စေလွှတ်လိုက်ရင်တောင် ဘာမှ ထူးခြားလာမှာ မဟုတ်ဘူး"</p> <p> </p> <p>ကုယန်က ယုံကြည်မှုအပြည့်ဖြင့် ပြုံးလိုက်သည်။</p> <p> </p> <p>ကြယ်တာရာမင်းဆက်ဘက်က မဟာသူတော်စင်လက်နက်ကို အသုံးပြုမလား ဆိုသည့်အချက်ကိုမူ ကုယန်က မဖြစ်နိုင်ဟု ယူဆထားသည်။</p> <p> </p> <p>ဘာပဲဖြစ်ဖြစ် မဟာသူတော်စင်လက်နက်ဆိုသည်မှာ ဂေါ်ဖီထုပ်ကဲ့သို့ အနှံ့အပြား ရှိနေသည်မဟုတ်ပေ။ ကြယ်တာရာမင်းဆက်တွင် ထိုကဲ့သို့သော အဖိုးတန်ရတနာ ရှိနေလျှင်ပင် ၎င်းကို အလွယ်တကူ အသုံးပြုမည်မဟုတ်ပေ၊ အဘယ်ကြောင့်ဆိုသော် မဟာသူတော်စင်လက်နက် တစ်စုံတစ်ရာ ထိခိုက်မှုရှိသွားပါက ၎င်းမှာ ကြယ်တာရာမင်းဆက်အတွက် အကြီးအကျယ် ဆုံးရှုံးမှု ဖြစ်သွားနိုင်သောကြောင့် ဖြစ်သည်။</p> <p> </p> <p>အကယ်၍ သိုင်းနတ်ဘုရားမင်းဆက်က ကြယ်တာရာမင်းဆက်ကို ကျူးကျော်နေခြင်းသာ ဖြစ်ခဲ့လျှင် ကြယ်တာရာမင်းဆက်သည် သူတို့၏ အစွမ်းထက်သော အခြေခံအင်အားအားလုံးကို သုံးလိမ့်မည်ကို ကုယန် မသံသယဖြစ်မိပေ။</p> <p> </p> <p> </p> <p>သို့သော် ယခု သိုင်းနတ်ဘုရားမင်းဆက်၏ ပစ်မှတ်မှာ ကွေ့ယွမ်မင်းဆက်သာ ဖြစ်ရာ ကြယ်တာရာမင်းဆက်သည် ကွေ့ယွမ်မင်းဆက်နှင့် မဟာမိတ်ဖွဲ့ထားလျှင်ပင် မည်သည့်အဖိုးအခကိုမဆို ပေးဆပ်ပြီး လှုပ်ရှားလိမ့်မည် မဟုတ်ပေ။</p> <p> </p> <p>၎င်းကို နားလည်ထားသဖြင့် ကုယန်သည် မဟာသူတော်စင်လက်နက် တစ်ခုတည်းဖြင့်ပင် အနှောင့်အယှက်အားလုံးကို နှိမ်နင်းရန် လုံလောက်သည်ဟု ယုံကြည်ထားသည်။ ကြယ်တာရာမင်းဆက်က ကြားဝင်ခဲ့လျှင်ပင် ဘာမှ ပြောင်းလဲသွားလိမ့်မည် မဟုတ်ပေ။</p> <p> </p> <p>ဘာပဲဖြစ်ဖြစ် မဟာမင်းဆက်တစ်ခုသည် မည်မျှပင် အစွမ်းထက်ပါစေ၊ လက်ရှိ ဓမ္မဆုတ်ယုတ်သောခေတ်တွင် ၎င်း၏အင်အားမှာ အကန့်အသတ် ရှိနေမည်သာဖြစ်သည်။</p> <p> </p> <p>ထို့အပြင် ချီကံကြမ္မာမင်းဆက် ၏ အစွမ်းမှာ အမျိုးသားကံကြမ္မာပေါ်တွင် မူတည်သည်။</p> <p> </p> <p>မိမိ၏ ကိုယ်ပိုင်နယ်မြေနှင့် ဝေးကွာသွားသည်နှင့် ကံကြမ္မာ၏ ကောင်းချီးပေးမှု မရှိတော့ဘဲ ကြယ်တာရာမင်းဆက်၏ ခြိမ်းခြောက်မှုမှာ ထင်ထားသလောက် ကြီးမားလိမ့်မည် မဟုတ်ပေ။</p> <p> </p> <p>"ကြယ်တာရာမင်းဆက်အနေနဲ့ ဒီကိစ္စထဲမှာ မပါဝင်ဘဲ နေတာက အကောင်းဆုံးပဲ။ တကယ်လို့ သူတို့ ကြားဝင်ခဲ့မယ်ဆိုရင် တစ်ယောက် ဒါမှမဟုတ် နှစ်ယောက်လောက် သေရုံနဲ့ ပြီးမှာ မဟုတ်ဘူး"</p> <p> </p> <p>ကုယန်၏ မျက်လုံးများမှာ အေးစက်နေပြီး ဘုရင့်စာကြည့်ခန်းအတွင်းရှိ သတ်ဖြတ်လိုသော အရှိန်အဝါမှာ ထင်ရှားစွာ ပေါ်ပေါက်နေတော့သည်။</p> <p>***</p> <p> </p>


Save