Book List

<h2 style="text-align: center;">အခန်း ၄၂၈</h2> <h2 style="text-align: center;">ဘုရင်စစ်သူကြီး ၃၆ ဦး</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>"ဗိုလ်ချုပ်"</p> <p> </p> <p>"ကင်းထောက်တွေရဲ့ အစီရင်ခံချက်အရ သိုင်းနတ်ဘုရားမင်းဆက် ရဲ့ စစ်တပ်ဟာ ချင်းယွန်းမြို့ရဲ့ အပြင်ဘက် မိုင်ငါးရာအကွာမှာ ပေါ်လာပါပြီ၊ သူတို့ မကြာခင် ရောက်လာတော့မှာပါ"</p> <p> </p> <p>ယွန်းရှန်းခရိုင် ရှိ ချင်းယွန်းမြို့တော်ဝန်စံအိမ်အတွင်း၌ ကင်းထောက်တစ်ဦးက ရိုသေစွာ အစီရင်ခံနေသည်။ ချပ်ဝတ်တန်ဆာ ဝတ်ဆင်ထားသော သက်လတ်ပိုင်းအရွယ် ဗိုလ်ချုပ်တစ်ဦးမှာ ၎င်းကို ကြားလိုက်ရသည့်အခါ သူ၏မျက်နှာထားမှာ အလွန်ပင် လေးနက်သွားခဲ့သည်။</p> <p> </p> <p>"သိုင်းနတ်ဘုရားမင်းဆက်ရဲ့ လှုပ်ရှားမှုတွေက တကယ်ကို လျင်မြန်တာပဲ"</p> <p> </p> <p>လုကျိုး ၏ စိတ်ထဲတွင် လေးလံသွားခဲ့သည်။</p> <p> </p> <p>ထိုက်ယန်ခရိုင်ကျဆုံးသွားသည့်အကြောင်းကို သူ သိထားပြီးဖြစ်သည်။</p> <p> </p> <p>ထိုက်ယန်နှင့် အိမ်နီးချင်းခရိုင်ဖြစ်သော ယွန်းရှန်းခရိုင်သည် သိုင်းနတ်ဘုရားမင်းဆက်၏ နောက်ထပ်ပစ်မှတ် ဖြစ်လာမည်မှာ သေချာလှသည်။</p> <p> </p> <p>လုကျိုး၏ အမြင်အရ သိုင်းနတ်ဘုရားမင်းဆက်သည် ထိုက်ယန်ခရိုင်ကို သိမ်းပိုက်နိုင်ခဲ့သော်လည်း ကျူးကျော်မှုကို ဆက်လက်မဆင်နွှဲမီ အခြေအနေကို တည်ငြိမ်အောင်လုပ်ရန် အချိန်အတန်ကြာ ယူလိမ့်မည်ဟု ထင်ထားခဲ့သည်။</p> <p> </p> <p>သို့သော် ယခုမူ ထိုက်ယန်ခရိုင် ကျဆုံးချိန်မှ သိုင်းနတ်ဘုရားမင်းဆက်၏ စစ်တပ် စတင်လှုပ်ရှားချိန်အထိမှာ နှစ်ရက်ပင် မပြည့်သေးပေ။</p> <p> </p> <p>ဤကဲ့သို့ လျင်မြန်သော စစ်ဆင်ရေးက လုကျိုးကို များစွာ အံ့အားသင့်စေခဲ့သည်။</p> <p> </p> <p> </p> <p>ရှင်းရှင်းလင်းလင်းပင် သိုင်းနတ်ဘုရားမင်းဆက် ဗိုလ်ချုပ်၏ နည်းဗျူဟာများမှာ သူထင်ထားသည်ထက် ပိုမို အစွမ်းထက်လှသည်။</p> <p> </p> <p>"ကင်းထောက်တာကို ဆက်လုပ်ပါ၊ သိုင်းနတ်ဘုရားမင်းဆက် စစ်တပ်ရဲ့ အရေအတွက်နဲ့ ဘယ်သူက ဦးဆောင်လာတာလဲဆိုတာကို ငါ သိချင်တယ်"</p> <p> </p> <p>"ဟုတ်ကဲ့ပါ"</p> <p> </p> <p>ကင်းထောက်မှာ ချက်ချင်းပင် ထွက်ခွာသွားခဲ့သည်။</p> <p> </p> <p>ထို့နောက်တွင် လုကျိုးသည် ခန်းမထဲရှိ အခြားလူတစ်ဦးကို ကြည့်လိုက်သည်။ အပြာရောင်ဝတ်စုံနှင့် ထိုသူမှာ ကြည့်ရသည်မှာ ကြက်တစ်ကောင်ကိုပင် ဖမ်းရန် အင်အားမရှိသည့် ပညာရှိတစ်ဦးနှင့် တူလှသည်။</p> <p> </p> <p>သို့သော်လည်း ဤသူနှင့် ရင်ဆိုင်ရသည့်အခါ လုကျိုး၏ မျက်နှာထားမှာ အတော်လေး ရိုသေလေးစားမှု ရှိနေသည်။</p> <p> </p> <p>"သိုင်းနတ်ဘုရားမင်းဆက်က ပြင်းထန်တဲ့ အရှိန်အဝါနဲ့ လာနေတာ။ ထိုက်ယန်ခရိုင်လည်း ကျဆုံးသွားပြီ၊ ယွန်းရှန်းခရိုင်ရဲ့ လက်ရှိ ကာကွယ်ရေးအင်အားနဲ့ဆိုရင် သူတို့ကို ယှဉ်နိုင်မှာ မဟုတ်ဘူးလို့ စိုးရိမ်မိတယ်"</p> <p> </p> <p>"လာမယ့်ရက်တွေမှာ အရှင်နန် ရဲ့ အကူအညီကို ကျွန်တော်မျိုးတို့ တောင်းခံရပါလိမ့်မယ်"</p> <p> </p> <p>၎င်းကို ကြားသောအခါ အပြာရောင်ဝတ်စုံနှင့် ပညာရှိက အသာအယာ ပြုံးလိုက်သည် "ဗိုလ်ချုပ်လုကလည်း အားနာစရာတွေ ပြောနေပြန်ပြီ။ ကြယ်တာရာမင်းဆက်နဲ့ ကွေ့ယွမ်မင်းဆက်ဆိုတာ အမြဲတမ်း တစ်သားတည်း ရှိနေကြတာပါ။ အခု သိုင်းနတ်ဘုရားမင်းဆက်က ကျူးကျော်လာတဲ့အချိန်မှာ ကျွန်တော်မျိုးအနေနဲ့ လက်ပိုက်ကြည့်နေမှာ မဟုတ်ပါဘူး။"</p> <p> </p> <p>"ဒီတစ်ခေါက် သိုင်းနတ်ဘုရားမင်းဆက် စစ်တပ်ကို ဦးဆောင်လာတဲ့သူက အတော်လေး ထူးခြားတယ်လို့ ကြားမိတယ်။ ကျွန်တော်မျိုးလည်း ကိုယ်တိုင်ကိုယ်ကျ တွေ့ချင်မိသား"</p> <p> </p> <p>"အရှင်နန် ဒီမှာ ရှိနေမှတော့ သိုင်းနတ်ဘုရားမင်းဆက်က ပြဿနာဖြစ်မှာ မဟုတ်ဘူးလို့ ကျွန်တော်မျိုး ယုံကြည်ပါတယ်"</p> <p> </p> <p>လုကျိုး၏ မျက်နှာမှာ ပြေလျော့သွားပြီး ပြုံးလိုက်သည်။</p> <p> </p> <p>သူ့ရှေ့ရှိ သိမ်မွေ့သော ပညာရှိအပေါ် ဤမျှ ယုံကြည်မှု ရှိနေခြင်းမှာ အံ့သြစရာ မဟုတ်ပေ။ ၎င်းမှာ ပုံစံအားဖြင့် နူးညံ့နေသော်လည်း အမှန်စင်စစ် သူသည် ကြယ်တာရာမင်းဆက်၏ ဘုရင်စစ်သူကြီး ၃၆ ဦး ထဲတွင် နံပါတ်ကိုးနေရာ၌ ရှိနေသူ ဖြစ်သည်။</p> <p> </p> <p>သူသာ ရှိနေလျှင် သိုင်းနတ်ဘုရားမင်းဆက်အနေဖြင့် ဆူညံဆူညံ လုပ်နိုင်မည် မဟုတ်ပေ။</p> <p> </p> <p>အကယ်၍ သိုင်းနတ်ဘုရားမင်းဆက်၏ အထွတ်အထိပ်ဧကရာဇ်ကိုယ်တိုင် ကိုယ်စီ လှုပ်ရှားလာလျှင်တော့ တစ်မျိုးပေါ့။</p> <p> </p> <p>သို့သော် လုကျိုး၏ အသိအရ ထိုဧကရာဇ်သည် လောကီရေးရာများတွင် ဝင်ရောက်စွက်ဖက်လေ့မရှိဘဲ အချိန်အများစုကို တံခါးပိတ်ကျင့်ကြံရင်းသာ ကုန်ဆုံးစေသူ ဖြစ်သည်။ ထို့ကြောင့် လုကျိုးမှာ သိပ်ပြီး စိုးရိမ်မနေပေ။</p> <p> </p> <p>ယွန်းရှန်းခရိုင်အတွင်း၌</p> <p> </p> <p>စစ်တပ်မှာ အနားယူရန်နှင့် ပြန်လည်ဖွဲ့စည်းရန် ခေတ္တ တပ်စွဲထားသည်။</p> <p> </p> <p> </p> <p>ရှီကျင်းသည် သူ၏ လက်အောက်ငယ်သားများ၏ အစီရင်ခံချက်ကို နားထောင်ရင်း သူ၏ မျက်နှာထားမှာ ပိုမို လေးနက်လာခဲ့သည်။</p> <p> </p> <p>"ဘုရင်စစ်သူကြီး ၃၆ ဦး"</p> <p> </p> <p>"နန်မို"</p> <p> </p> <p>ရှီကျင်း၏ စိတ်ထဲတွင် ပြိုင်ဘက်နှင့် ပတ်သက်သော သတင်းအချက်အလက်များ ပေါ်လာသည်။</p> <p> </p> <p>ကြယ်တာရာမင်းဆက်၏ ဘုရင်စစ်သူကြီး ၃၆ ဦးမှာ မဟာမင်းဆက်တစ်ခု၏ အဓိက အင်အားစုဖြစ်သည်။ နန်မိုသည် အဆင့်ကိုးတွင် ရှိနေပြီး သူ၏ ကျင့်စဉ်မှာ သူတော်စင်တစ်ပိုင်းသို့ ရောက်ရှိနေပြီဖြစ်သည်။</p> <p> </p> <p>ပို၍ အရေးကြီးသည်မှာ သူ စတင်ထွက်ပေါ်လာချိန်မှစ၍ ကြယ်တာရာမင်းဆက်အတွက် တိုက်ပွဲပေါင်းများစွာ တိုက်ခိုက်ခဲ့ပြီး ရှုံးနိမ့်ခြင်း အလွန်နည်းပါးခဲ့သည်။</p> <p> </p> <p>၎င်းအပြင် အဆင့်ကိုးရှိ ဤဘုရင်စစ်သူကြီး၏ စွမ်းအားမှာ လွှမ်းမိုးနိုင်စွမ်းရှိပြီး ကျင့်ကြံသူ အမြောက်အမြားမှာ သူ၏လက်ထဲတွင် အသက်ပျောက်ခဲ့ရသည်။</p> <p> </p> <p>ရှီကျင်းအနေဖြင့် ဤမျှ အစွမ်းထက်သော ပြိုင်ဘက်ကို အလေးအနက်ထားရန်မှတစ်ပါး အခြားမရှိပေ။</p> <p> </p> <p>"သူတော်စင်တစ်ပိုင်း တစ်ယောက်လား... တကယ်ကို အခက်အခဲကြီးတစ်ခုပဲ"</p> <p> </p> <p>စစ်တပ်တဲအတွင်းရှိ အခြားဗိုလ်ချုပ်များမှာလည်း လေးနက်သော မျက်နှာထားများ ရှိနေကြပြီး လေထုမှာ အသက်ရှူကျပ်မတတ် ဖိအားများ ရှိနေသည်။</p> <p> </p> <p>ဘာပဲဖြစ်ဖြစ် သူတော်စင်တစ်ပိုင်း အဆင့်ရှိသူတစ်ဦးက သူတို့အပေါ် ကြီးမားသော ဖိအားကို ပေးစွမ်းနိုင်သည်။</p> <p> </p> <p>ထို့အပြင် နာမည်ကျော်ကြားမှုကလည်း အခန်းကဏ္ဍတစ်ခုတွင် ပါဝင်နေသည်။</p> <p> </p> <p>နန်မိုသည် ကြယ်တာရာမင်းဆက်၏ စစ်သူကြီးတစ်ဦး ဖြစ်သည်။ သူ၏ စစ်တပ်ကွပ်ကဲမှု စွမ်းရည်နှင့် ကိုယ်ပိုင်ခွန်အား နှစ်ခုစလုံးကို လျှော့တွက်၍ မရပေ။</p> <p> </p> <p>ထိုအချိန်တွင် လက်အောက်ခံ ဗိုလ်ချုပ်တစ်ဦးက ပြောလိုက်သည် "တကယ်လို့ ချင်းယွန်းမြို့ကို ဒီလူက ကာကွယ်ထားမယ်ဆိုရင် မြို့ကို သိမ်းဖို့အတွက် ကျွန်တော်တို့ဘက်က အကြီးအကျယ် ပေးဆပ်ရလိမ့်မယ်။"</p> <p> </p> <p>"ဒါပေမဲ့ ချင်းယွန်းမြို့ကို ကျော်သွားမယ်ဆိုရင်လည်း ရှေ့နောက် ညှပ်တိုက်ခံရဖို့ လွယ်ကူသွားလိမ့်မယ်။"</p> <p> </p> <p>"ဒီကိစ္စက တကယ်ကို ခက်ခဲပါတယ်"</p> <p> </p> <p>"မှန်တယ်... ကျွန်တော့်အမြင်အရတော့ ဒီကိစ္စကို သေချာ စဉ်းစားပြီး အကွက်ချဖို့ လိုမယ်"</p> <p> </p> <p>အခြားသူများကလည်း သဘောတူညီစွာ ခေါင်းညိတ်လိုက်ကြသည်။</p> <p> </p> <p>သူတော်စင်တစ်ပိုင်းတစ်ဦး၏ ဖိအားက သူတို့အပေါ် သက်ရောက်နေပြီး ထိုက်ယန်ခရိုင်တွင် ရရှိခဲ့သော အောင်ပွဲကြောင့် တက်ကြွနေသည့် စိတ်ဓာတ်များကိုပင် အနည်းငယ် လျော့ပါးသွားစေသည်။</p> <p> </p> <p>ရှီကျင်း၏ မျက်နှာထားမှာ တင်းမာသွားပြီး တဲအတွင်းရှိ လူအားလုံးကို ကြည့်ကာ လေးနက်သောအသံဖြင့် ပြောလိုက်သည် "သူတော်စင်တစ်ပိုင်း တစ်ယောက်တည်းနဲ့တော့ ငါတို့ စစ်တပ်ကို နောက်ဆုတ်အောင် လုပ်ဖို့ မလုံလောက်သေးဘူး။"</p> <p> </p> <p>"သူတော်စင်တစ်ပိုင်းဆိုတာလည်း လူသားပါပဲ၊ သေရမှာပဲ"</p> <p> </p> <p>"အခု ငါတို့ သိုင်းနတ်ဘုရားမင်းဆက်ရဲ့ ထိပ်တန်းစစ်သည်တွေ ဒီမှာ ရှိနေတာပဲ၊ အဆင့်ကိုးရှိတဲ့ ဘုရင်စစ်သူကြီးက ဘာလဲ ဘုရင်စစ်သူကြီး ၃၆ ဦးလုံး ရှိနေရင်တောင် ငါတို့ရဲ့ စစ်သည် တစ်သန်းကျော်အောက်မှာ ပြာဖြစ်သွားရမှာပဲ"</p> <p> </p> <p>ထိုအချိန်တွင် စစ်သည်တစ်ဦး ဝင်လာပြီး ဦးညွှတ်ဂါရဝပြုလိုက်သည် "ဗိုလ်ချုပ်ကြီး... တပ်မှူးကုက တွေ့ဆုံခွင့် တောင်းနေပါတယ်"</p> <p> </p> <p>"ချက်ချင်း လာခိုင်းလိုက်"</p> <p> </p> <p>ရှီကျင်း၏ စိတ်ဓာတ်မှာ ပြန်လည် နိုးကြားလာပြီး ပြုံးလိုက်သည်။</p> <p> </p> <p>အမိန့်ရသည်နှင့် စစ်သည်မှာ ဦးညွှတ်ထွက်ခွာသွားသည်။ ခေတ္တအကြာတွင် ကုယီသည် ကျောတွင် သံသေတ္တာအမည်းကို လွယ်လျက် ဝင်လာခဲ့သည်။</p> <p> </p> <p>"ဗိုလ်ချုပ်ကြီး ရှီကို နှုတ်ခွန်းဆက်ပါတယ်"</p> <p> </p> <p>"တပ်မှူးကု... အားနာစရာတွေ မလုပ်ပါနဲ့"</p> <p> </p> <p>ရှီကျင်းက ချက်ချင်းပင် ပြန်လည် နှုတ်ဆက်လိုက်ပြီး ကုယီကို အလွန်ပင် ရိုသေစွာ ဆက်ဆံလိုက်သည်။</p> <p> </p> <p>ရာထူးအဆင့်အရ ရှီကျင်းက ကုယီထက် ပိုမြင့်သော်လည်း ကျင်ယီအစောင့်တပ်ကို ရာထူးတစ်ခုတည်းဖြင့် တိုင်းတာ၍ မရကြောင်း သူ ကောင်းကောင်း သိသည်။</p> <p> </p> <p>ဤအဖွဲ့အစည်းမှာ အလွန်ထူးခြားသော အနေအထားတွင် ရှိနေသဖြင့် ရှီကျင်းအနေဖြင့် အလေးအနက်ထား ဆက်ဆံရန် လိုအပ်သည်။</p> <p> </p> <p>အမှန်စင်စစ် အခြား အဓိက အကြောင်းရင်းတစ်ခုလည်း ရှိသေးသည်။</p> <p> </p> <p>၎င်းမှာ ကုယီသည်လည်း တာအိုနန်းတော်နယ်ပယ်၏ ထိပ်တန်းကျွမ်းကျင်သူတစ်ဦး ဖြစ်နေခြင်းပင်။</p> <p> </p> <p>တာအိုနန်းတော်နယ်ပယ် ကိုးဆင့်သို့ တက်လှမ်းနိုင်ခြင်းက ဘာကို ဆိုလိုသလဲဆိုတာ ရှီကျင်း ကောင်းကောင်း သိသည်။ ယခု ကုယီပါ ထိုအဆင့်သို့ ရောက်ရှိသွားပြီဖြစ်ရာ အချို့သောအရာများကို စကားဖြင့် ပြောစရာမလိုဘဲ နားလည်ထားကြသည်။</p> <p> </p> <p>သိထားရမည်မှာ ကောင်းကင်ကင်းလှည့်အစောင့်တပ်နှင့် နတ်ဆိုးနှိမ်နင်းရေးဗျူရို မှ ကျွမ်းကျင်သူများပင်လျှင် ထိုကဲ့သို့သော ဂုဏ်ပုဒ်မျိုးကို မရရှိခဲ့ကြပေ။</p> <p> </p> <p>ကုယီ၏ တိုးတက်မှုက ကုယန် သူ၏အပေါ် မည်မျှ တန်ဖိုးထားကြောင်းကို ရှင်းလင်းစွာ ပြသနေသည်။</p> <p> </p> <p>ထို့နောက်တွင် ရှီကျင်းက မေးလိုက်သည် "တပ်မှူးကု... ဧကရာဇ်မင်းမြတ်ဆီက ဘယ်လို အမိန့်ညွှန်ကြားချက်များ ပါလာသလဲဆိုတာ သိခွင့်ရှိမလား"</p> <p>***</p> <p> </p>


Save