Book List

<h2 style="text-align: center;">အခန်း ၃၂၃</h2> <h2 style="text-align: center;">ချန်ချန်ရွှယ်က လူတွေကို ထပ်ပြီး အကျပ်ကိုင်နေပြန်ပြီ။ (၁)</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>​နတ်တောင်ပံမင်းဆက်နှင့် မဟာယွီမင်းဆက်တို့ကြားရှိ ပွတ်တိုက်မှုများကြောင့် သဘာဝဘေးအန္တရာယ်များ၏ ဒဏ်ကို ခံစားနေရပြီဖြစ်သော မဟာယွီမင်းဆက်ကို ပို၍ဆိုးရွားစွာ ဒုက္ခရောက်စေ၏။</p> <p> </p> <p>​မဟာယွီမင်းဆက်မှ ပြည်သူအများအပြားသည် စစ်ဘေးစစ်ဒဏ်ကို ခံစားကြရသည်။ ထို့ကြောင့် သူတို့သည် ပစ္စည်းများကို သိမ်းဆည်းကာ နေရပ်စွန့်ခွာရုံမှလွဲ၍ အခြားရွေးချယ်စရာ မရှိတော့ပေ။</p> <p> </p> <p>​မဟာယွီပြည်သူများ နေရပ်စွန့်ခွာရသည့် ကာလအတွင်း သူတို့သည် အခက်အခဲနှင့်ဆင်းရဲဒုက္ခမျိုးစုံကို တွေ့ကြုံကြရ၏။ ထိုအကြောင်းကြောင့် လူအများအပြား အိုးမဲ့အိမ်မဲ့ဖြစ်ကာ ဒုက္ခသည်များ ဖြစ်လာခဲ့ကြသည်။</p> <p> </p> <p>​ထို့အပြင် မဟာယွီမင်းဆက်၏အဓိက အာရုံစိုက်မှုမှာ နတ်တောင်ပံမင်းဆက်၏ ဝင်ရောက်စွက်ဖက်မှုကို မည်သို့ ရင်ဆိုင်ဖြေရှင်းရမည်ဆိုသည့် အချက်အပေါ်၌သာ ရှိနေဆပသည်။</p> <p> </p> <p>​ထို့ကြောင့် မင်းဆက်အတွင်း တိုးပွားလာသော ဒုက္ခသည်အရေအတွက်ကို သူတို့ ဂရုစိုက်ဖို့ အချိန်မရကြချေ။</p> <p> </p> <p>​ထိုကဲ့သို့သော အခြေအနေမျိုးတွင် ဖူရွှမ်နီသည် မဟာယွီမင်းဆက်၏ ဒုက္ခသည်များပြားလွန်းသည့် ပြဿနာကို ဖြေရှင်းပေးရသည့်အတွက် ဝမ်းသာနေ၏။</p> <p> </p> <p>​ဖူရွှမ်နီသည် ဤအခွင့်အရေးကောင်းကို အသုံးချကာ မဟာယွီမင်းဆက်မှ ဒုက္ခသည်များကို ရူးသွပ်စွာ လက်ခံခေါ်ယူလိုက်သည်။</p> <p> </p> <p>​နှစ်လပင် မပြည့်သေးသည့် အချိန်အတွင်း တောင်တန်းရှိ မြို့များသည်...</p> <p> </p> <p>​လူဦးရေ ငါးသိန်းမှ ခြောက်သိန်းအထိ တိုးလာလေသည်။</p> <p> </p> <p>​လူဦးရေ တိုးပွားလာမှု အမြန်နှုန်းသည် မြို့တည်ဆောက်သည့် အမြန်နှုန်းထက်ပင် ပို၍ မြန်ဆန်နေခဲ့သည်။</p> <p> </p> <p>​ဤအခြေအနေက ဖူရွှမ်နီအား လူများကို ထပ်မံစေလွှတ်ရန် အတင်းအကျပ် ဖိအားပေးသလို ဖြစ်စေခဲ့သည်။</p> <p> </p> <p>​သူတို့သည် မြို့သစ်များ တည်ဆောက်ရေးကိုသာ အာရုံစိုက်လိုက်ကြသည်။</p> <p> </p> <p>​တောင်တန်းအတွင်း၌ အရွယ်အစား အမျိုးမျိုးရှိသော မြို့ပေါင်း ၂၀ နီးပါးခန့် ရှိနေပြီဖြစ်သည်။ ၎င်းသည် နိုင်ငံတစ်ခုအတွင်းမှ နိုင်ငံတစ်ခုနှင့်ပင် တူနေချေပြီ။</p> <p> </p> <p>​အကယ်၍ အခြားမင်းဆက်သာဆိုလျှင် ဤလူသူကင်းမဲ့သော တောင်တန်းများကို  အလုံးစုံ ရှင်းလင်းပစ်ချင်ကြမည်မှာ သေချာလေသည်။</p> <p> </p> <p>​မည်သို့ပင်ဆိုစေကာမူ...</p> <p> </p> <p>​မင်းဆက်တစ်ခုအတွင်း၌ ဧကရာဇ်နန်းတော်၏ စကားကို နားမထောင်ဘဲ မိစ္ဆာသားရဲတစ်ကောင်၏ အမိန့်ကိုသာ နာခံမည့် မြို့များ တည်ဆောက်ခြင်းသည် အင်ပါယာ၏ အာဏာကို ပြင်းထန်စွာ စိန်ခေါ်လိုက်ခြင်းပင် ဖြစ်သည်။</p> <p> </p> <p>​အမှန်တကယ်တွင် ပို၍ဆိုးရွားစွာပြောရလျှင် ၎င်းသည် ဗြောင်ကျကျ ပုန်ကန်ခြင်းပင်ဖြစ်သည်။</p> <p> </p> <p>​ကံကောင်းစွာဖြင့် ဖူရွှမ်နီကို ချန်ချန်ရွှယ်က ကာကွယ်ပေးထားသောကြောင့် သူမ၏လုပ်ရပ်များကို မရေမတွက်နိုင်သော လူများက လျစ်လျူရှုထားခဲ့ကြသည်။</p> <p> </p> <p>​မည်သူကမျှ သူမ၏ လုပ်ရပ်များကို အပြစ်မတင်ကြသလို မည်သူကမျှလည်း သူမကို စွပ်စွဲပြစ်တင်မည် မဟုတ်ပေ။</p> <p> </p> <p>​မဟာဝေမင်းဆက်ကပင် သူမကို မြို့သစ်တည်ဆောက်ရာတွင် ကူညီပေးဦးမည်ဖြစ်သည်။</p> <p> </p> <p>​ဤအချက်က အထူးတလည်ပင် အံ့ဖွယ်ကောင်းနေ၏။</p> <p> </p> <p>​"မြို့တော်ဝန်"</p> <p> </p> <p>​ထိုနေ့တွင် သားရဲတစ်ကောင်သည် မဟာယန်မြို့သို့ ပျံသန်းပြန်လာသည်။ ၎င်းသည် ဖူရွှမ်းနီကို ချက်ချင်းရှာဖွေကာ မဟာယွီမင်းဆက်ထံမှ သတင်းအချက်အလက်များကို တင်ပြလေသည်။ "မဟာယွီမင်းဆက်က နတ်တောင်ပံမင်းဆက်ဆီက ဖိအားတွေကို မခံနိုင်တော့တဲ့ပုံပဲ။ နှစ်ဖက်တိုက်ပွဲတွေမှာ မဟာယွီမင်းဆက်က အကြိမ်ကြိမ် ရှုံးနိမ့်နေတယ်။"</p> <p> </p> <p>​"ဒီအခြေအနေသာ ဆက်သွားမယ်ဆိုရင် မဟာယွီမင်းဆက်က တစ်နှစ်တောင် ခံနိုင်မှာမဟုတ်ဘဲ နတ်တောင်ပံမင်းဆက်ရဲ့ စစ်တပ် ကျူးကျော်တာကို ခံရနိုင်တယ်။"</p> <p> </p> <p>​"အဲဒီအချိန်ရောက်ရင် မဟာယွီမင်းဆက်က မီးရှို့၊ သတ်ဖြတ်၊ လုယက်ဖို့လောက်ပဲ သိတဲ့ လူတစ်စုနဲ့ ရင်ဆိုင်ရလိမ့်မယ်။"</p> <p> </p> <p>​မိစ္ဆာသားရဲက ခေတ္တရပ်သွားပြီး ဆက်လက်တင်ပြလိုက်သည်။ "မဟာယွီမင်းဆက်ရဲ့ လက်ရှိဧကရာဇ်က မင်းဆက်အတွင်းမှာရှိတဲ့ ကျင့်ကြံခြင်းဂိုဏ်းတွေဆီကနေ အကူအညီ တောင်းခံနေပါတယ်။ မဟာယွီဧကရာဇ်က အဲဒီဂိုဏ်းတွေကို ကောင်းမွန်တဲ့ အခြေအနေများစွာ ပေးမယ်လို့ ကတိပြုပြီး နတ်တောင်ပံမင်းဆက်ရဲ့ ကျူးကျော်မှုကို ကာကွယ်ပေးဖို့ တောင်းဆိုနေတာပါ။"</p> <p> </p> <p>​ဖူရွှမ်နီ အံ့အားသင့်သွားပြီး သူမ၏မျက်လုံးများထဲတွင် ထူးဆန်းသော အကြည့်တစ်ခု ဖြတ်ပြေးသွားသည်။ "မင်းဆက်တစ်ခုရဲ့ ဧကရာဇ်က ကိုယ့်မင်းဆက်ထဲက ကျင့်ကြံခြင်းဂိုဏ်းတွေဆီကနေ အကူအညီတောင်းတယ်ပေါ့။"</p> <p> </p> <p>​"ကျွန်တော်သိရသလောက်တော့ ဟုတ်ပါတယ်။" မိစ္ဆာသားရဲက ခေါင်းညိတ်ပြ၏။</p> <p> </p> <p>​ထိုအရာက ဖူရွှမ်းနီကို အနည်းငယ် အံ့သြသွားစေခဲ့သည်။</p> <p> </p> <p>​မဟာယွီမင်းဆက်သည် အင်အားမကြီးကြောင်း သူမသိထားသော်လည်း ၎င်းသည် ပတ်ဝန်းကျင်ရှိ မင်းဆက်များနှင့် နှိုင်းယှဉ်ပါက အတော်လေး အားနည်းသော တည်ရှိမှုတစ်ခုဟု သတ်မှတ်ခံထားရသည်။</p> <p> </p> <p>​သို့သော် ၎င်းတို့သည် မိမိမင်းဆက်အတွင်းရှိ ကျင့်ကြံခြင်းဂိုဏ်းများကိုပင် မထိန်းချုပ်နိုင်လောက်အောင် အားနည်းနေလိမ့်မည်ဟု သူမ မမျှော်လင့်ထားခဲ့ပေ။</p> <p> </p> <p>​မဟာဝေမင်းဆက် အနိမ့်ဆုံးအခြေအနေသို့ ကျဆင်းနေချိန်၌ပင် ဧကရာဇ် ချန်ဖုန်းယင်၏အမိန့်ကို မနာခံရဲသည့် ကျင့်ကြံခြင်းဂိုဏ်းများစွာ မရှိခဲ့ကြောင်း သိထားရမည်ဖြစ်သည်။</p> <p> </p> <p>​အခြားတစ်ဖက်တွင်မူ မဟာယွီမင်းဆက်၏ ဧကရာဇ်၌ ထိုကဲ့သို့သော စီစဉ်နိုင်စွမ်း ရှိပုံမပေါ်ချေ။</p> <p> </p> <p>​"ခြယ်လှယ်လို့ရနိုင်မယ့် အခြေအနေရှိနေတဲ့ပုံပဲ။" ဖူရွှမ်နီက သူမ၏မျက်လုံးများကို ကျဉ်းမြောင်းလိုက်ကာ ရေရွတ်လိုက်သည်။ "မဟာယွီရဲ့ ဧကရာဇ်က မဟာဝေမင်းဆက်ဆီက အကူအညီကို လက်ခံမလားဆိုတာ သိချင်စမ်းပါဘိ။"</p> <p> </p> <p>​ထိုအတွေး သူမ၏စိတ်ထဲ ဖြတ်ပြေးသွားပြီးနောက် သူမသည် ဆက်သွယ်ရေး အဆောင်လက်ဖွဲ့တစ်ခုကို ချက်ချင်း ထုတ်ယူလိုက်သည်။</p> <p> </p> <p>​သူမသည် သူမ၏ အတွေးများအားလုံးကို ဆက်သွယ်ရေး အဆောင်လက်ဖွဲ့ထဲသို့ မှတ်တမ်းတင်လိုက်ပြီး ၎င်းထဲသို့ ဝိညာဉ်စွမ်းအင် အနည်းငယ်ကို ထည့်သွင်းလိုက်သည်။</p> <p> </p> <p>​ဆက်သွယ်ရေး အဆောင်လက်ဖွဲ့သည် ရွှေရောင်အလင်းတန်းတစ်ခု တောက်ပသွားကာ မျက်စိတစ်မှိတ်အတွင်း အလင်းတန်းတစ်ခုအဖြစ် ပြောင်းလဲပြီး ပျံသန်းထွက်ခွာသွားလေသည်။</p> <p> </p> <p>​၎င်းသည် သူမ၏ မြင်ကွင်းမှ ပျောက်ကွယ်သွား၏။</p> <p> </p> <p>​...</p> <p> </p> <p>​မဟာဝေ ဧကရာဇ်မြို့တော်။</p> <p> </p> <p>​မဟာယန်မြို့မှ ဆက်သွယ်ရေး အဆောင်လက်ဖွဲ့တစ်ခုသည် ချန်ချန်ရွှယ်၏ စားပွဲပေါ်တွင် တိတ်ဆိတ်စွာ ရှိနေခဲ့၏။ ကောင်းကျိုးနှင့် ဆိုးကျိုးများကို ချိန်ဆနေသည့်အလား သူမ၏ မျက်လုံးများထဲတွင် စဉ်းစားတွေးတောနေသော အကြည့်တစ်ခု ရှိနေလေသည်။</p> <p> </p> <p>​ယခုအချိန်တွင် ချင်းကျောက်သည် တံခါးပိတ်ကျင့်ကြံနေဆဲဖြစ်ရာ နန်းတွင်းအစေခံများနှင့် သက်တော်စောင့်များမှလွဲ၍ ချန်ချန်ရွှယ် တစ်ယောက်တည်းသာ ရှိနေပေသည်။</p> <p> </p> <p>​"မင်းဆက်နှစ်ခုကြားက ပွတ်တိုက်မှုတွေမှာ ဝင်စွက်ဖက်ဖို့ဆိုတာက..." ဟု သူမ တီးတိုးရေရွတ်လိုက်သည်။</p> <p> </p> <p>​ဤသည်ကား ဆက်သွယ်ရေး အဆောင်လက်ဖွဲ့မှတစ်ဆင့် ဖူရွှမ်နီ သူမကို ပေးခဲ့သော အကြံပြုချက်ပင် ဖြစ်သည်။</p> <p> </p> <p>​'ဒီကိစ္စက ဖြစ်နိုင်ချေရှိတာပဲ' ဟု ချန်ချန်ရွှယ် ခေတ္တမျှ စဉ်းစားလိုက်ပြီးနောက် သဘောပေါက်သွားရသည်။</p> <p> </p> <p>​ယခုအခါ မဟာယွီမင်းဆက်သည် မကြုံစဖူးသော အကျပ်အတည်းနှင့် ရင်ဆိုင်နေခဲ့ရရာ တစ်ဖက်မှ ဧကရာဇ်သည် အလွန်အမင်း စိုးရိမ်ပူပန်နေမည်မှာ သေချာလှပေသည်။ သူတို့သည် မဟာယွီမင်းဆက်ကို ကူညီဖေးမပေးမည့်သူအား မျှော်လင့်နေကြမည်ဖြစ်သည်။</p> <p> </p> <p>​ဤအကူအညီနှင့်အတူ လှုပ်ရှားကစားရန် အခွင့်အရေးများစွာ ရှိလာပေမည်။</p> <p> </p> <p>​မဟာဝေမင်းဆက်သည် ဤအခွင့်အရေးကို အသုံးချကာ အကျိုးအမြတ်အချို့ကို ရယူနိုင်ပေသည်။</p> <p> </p> <p>​ထို့အပြင် ၎င်းသည် မဟာဝေမင်းဆက်အတွက် ရန်သူတစ်ဦး တိုးလာစေမည်မဟုတ်ပေ။</p> <p> </p> <p>​ယင်းအစား မဟာဝေမင်းဆက်အတွက် မဟာမိတ်တစ်ဦးသာ တိုးလာစေမည်ဖြစ်သည်။</p> <p> </p> <p>​နတ်တောင်ပံမင်းဆက်ကို စော်ကားသလို ဖြစ်မဖြစ်ဆိုရသော်...</p> <p> </p> <p>​ယခင်က မဟာဝေမင်းဆက်၏ တန်ပြန်တိုက်ခိုက်မှု နှစ်ကြိမ်က နတ်တောင်ပံမင်းဆက်ကို မစော်ကားခဲ့ဘူးလား။ မင်းဆက်နှစ်ခုကြားရှိ ဆက်တိုက်ဖြစ်ပေါ်နေသော ပဋိပက္ခများသည် အခြေခံအားဖြင့် ပြန်လည်သင့်မြတ်ရန် မဖြစ်နိုင်တော့ပေ။ လက်ရှိအချိန်တွင် သူတို့သည် တစ်ဦးနှင့်တစ်ဦး သတိထားနေကြသောကြောင့်သာ ကြီးမားသော လှုပ်ရှားမှုများ မလုပ်ကြခြင်းဖြစ်သည်။</p> <p>***</p> <p> </p>


Save