Book List

<h2 style="text-align: center;">အခန်း ၃၂၄</h2> <h2 style="text-align: center;">ချန်ချန်းရွှယ်က လူတွေကို ထပ်ပြီး အကျပ်ကိုင်နေပြန်ပြီ။ (၂)</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>​ထို့ကြောင့် နတ်တောင်ပံမင်းဆက်ကို ထပ်ပြီးစော်ကားမိလျှင်တောင်မှ မဟာဝေမင်းဆက်အတွက်တော့ ကြီးမားသည့် ကိစ္စရပ်တစ်ခု မဟုတ်တော့ချေ။</p> <p> </p> <p>​အတွေးများစွာ သူမ၏စိတ်ထဲ ဖြတ်ပြေးသွားပြီးနောက် ချန်ချန်ရွှယ်သည် စိတ်ထဲ၌ ဆုံးဖြတ်ချက်တစ်ခု ချလိုက်လေသည်။</p> <p> </p> <p>​နောက်တစ်နေ့ နန်းရင်ပြင်သို့ တက်လာသောအခါ ချန်ချန်ရွှယ်သည် အရပ်ဘက်နှင့် စစ်ဘက်ဆိုင်ရာအရာရှိများအားလုံးရှေ့တွင် မဟာယွီမင်းဆက်နှင့် နတ်တောင်ပံမင်းဆက်တို့ကြားရှိ ပဋိပက္ခအကြောင်းကို အထူးတလည် ထုတ်ဖော်ပြောဆိုခဲ့သည်။</p> <p> </p> <p>​အရာရှိအားလုံး အံ့သြသွားကြ၏။ အိမ်ရှေ့မင်းသမီးက ဤကိစ္စကို ထုတ်ဖော်ပြောဆိုလာချိန်တွင် ပါးစပ်ကပြောလိုက်ရုံသက်သက်လောက် ရိုးရှင်းမည်မဟုတ်ကြောင်းကို သူတို့ ကောင်းကောင်း သိထားကြပေသည်။</p> <p> </p> <p>​မျှော်လင့်ထားသည့်အတိုင်းပင် ချန်ချန်ရွှယ်က သူမ၏ အတွေးများကို ထုတ်ဖော်ပြောဆိုလိုက်သောအခါ နန်းတော်အတွင်းရှိ အရပ်ဘက်နှင့် စစ်ဘက်ဆိုင်ရာ အရာရှိအားလုံး တုန်လှုပ်သွားကြရသည်။</p> <p> </p> <p>​တိုင်းပြည်ကို တာဝန်ယူအုပ်ချုပ်နေသော ဤအိမ်ရှေ့မင်းသမီးသည် ကိစ္စတစ်ခုကို အကြောင်းမဲ့သက်သက် ထုတ်ဖော်ပြောဆိုမည် မဟုတ်ပေ။</p> <p> </p> <p>​အိမ်ရှေ့မင်းသမီးသည် နတ်တောင်ပံမင်းဆက်ကို နောက်တစ်ကြိမ် ထပ်မံဆန့်ကျင်ရန် စဉ်းစားနေခြင်း ဖြစ်သည်။</p> <p> </p> <p>​"အရှင်မင်းသမီး၊ ဒီကိစ္စက နည်းနည်း မသင့်တော်ဘူးမဟုတ်လား။" ဝန်ကြီးတစ်ဦးက ခေတ္တမျှ တုံ့ဆိုင်းနေပြီးမှ ပြောလာသည်။ "မဟာယွီမင်းဆက်က ဘာပဲဖြစ်ဖြစ် မင်းဆက်ကြီးတစ်ခုပဲလေ။ နတ်တောင်ပံမင်းဆက်ကို တိုက်ခိုက်ဖို့ သူတို့ကို ကူညီရမယ့် တာဝန် မဟာဝေမင်းဆက်မှာ မရှိပါဘူး။"</p> <p> </p> <p>​"ဒါ့အပြင် ကျွန်တော်တို့နဲ့ နတ်တောင်ပံမင်းဆက်ကြားက ပဋိပက္ခက ပြေလည်နိုင်စွမ်း မရှိတော့ပါဘူး... အကယ်၍ ပဋိပက္ခတွေ ဆက်ပြီးကြီးထွားလာမယ်ဆိုရင် နိုင်ငံအချင်းချင်း စစ်ပွဲတွေ ဖြစ်ပွားလာဖို့ ရာခိုင်နှုန်း အရမ်းများပါတယ်။"</p> <p> </p> <p>​သူ၏စကားကို ကြားပြီးနောက် ချန်ချန်ရွှယ် စကားမပြောနိုင်မီ အခြားအရာရှိတစ်ဦး ထွက်လာခဲ့သည်။</p> <p> </p> <p>​ဒုတိယအရာရှိက ထွက်လာပြီး မှန်ကန်သည့်ဟန်ဖြင့် ပြောဆိုလေသည်။ "အရှင်မင်းသမီး၊ သခင်ကြီးယွီက အရမ်းကို ရှေးရိုးဆန်လွန်းတယ်လို့ ထင်ပါတယ်။ ကျွန်တော် မြင်သလောက်တော့ မဟာယွီမင်းဆက်နဲ့ နတ်တောင်ပံမင်းဆက်တို့ကြားက ပဋိပက္ခမှာ ကျွန်တော်တို့ ဝင်စွက်ဖက်လို့ရသလို မဟာယွီမင်းဆက်ကိုလည်း ကူညီပေးလို့ရပါတယ်။"</p> <p> </p> <p>​"ဒါပေမဲ့ ကျွန်တော်တို့က အလကားသက်သက် ကူညီပေးမှာတော့ မဟုတ်ပါဘူး။ မဟာယွီမင်းဆက်ရဲ့ ဧကရာဇ်ဆီ သံတမန်တစ်ယောက် စေလွှတ်ပြီး ကူညီပေးဖို့အတွက် အခြေအနေတစ်ရပ်ကို အဆိုပြုလို့ရပါတယ်။ တစ်ဖက်က သဘောတူတယ်ဆိုရင်တော့ ကျွန်တော်တို့ ကူညီပေးပါ့မယ်။"</p> <p> </p> <p>​"အကယ်၍ တစ်ဖက်ကသာ သဘောမတူဘူးဆိုရင်တော့ ကျွန်တော်တို့က ဘေးကနေ ထိုင်ပြီး ကျားနှစ်ကောင် သတ်ပုတ်နေတာကို ဆက်ကြည့်နေရုံပါပဲ။"</p> <p> </p> <p>​သူစကားပြောပြီးသည်နှင့် တစ်ပြိုင်နက် တတိယမြောက် အရာရှိက ခပ်တိုးတိုး ပြောလိုက်သည်။ "နတ်တောင်ပံမင်းဆက်နဲ့ ပူးပေါင်းပြီး တစ်ခုလုံးဖြစ်နေတဲ့ မဟာယွီမင်းဆက်ကို ခွဲဝေယူလိုက်ရင်ရော မကောင်းဘူးလား။"</p> <p> </p> <p>​ဧကရာဇ်နန်းတော်ရှိ လူတိုင်းတွင် ကိုယ်ပိုင်အမြင်များ အသီးသီး ရှိကြ၏။ အချို့ကမူ ဤကဲ့သို့သော အငြင်းပွားမှုမျိုးတွင် မပါဝင်ဘဲ ရှေးရိုးဆန်ဆန် နေခြင်းက ပိုကောင်းသည်ဟု ခံစားကြသည်။</p> <p> </p> <p>​အချို့ကမူ မဟာဝေမင်းဆက်သည် အိမ်နီးချင်းနိုင်ငံများကြားရှိ အငြင်းပွားမှုကို အခွင့်ကောင်းမယူလျှင် ဤသည်မှာ အခွင့်အရေးကို ဖြုန်းတီးပစ်ရာ ကျလွန်းသည်ဟု တွေးကြသည်။</p> <p> </p> <p>​ပို၍ အစွန်းရောက်သော အချို့လူများကမူ အကျိုးအမြတ်အတွက် တိုက်ခိုက်ချင်ပါက သူတို့ထဲမှ တစ်ဦးကို တစ်ချက်တည်းနှင့် သတ်ပစ်ခြင်းက အကောင်းဆုံးဖြစ်သည်ဟု ယူဆကြလေသည်။</p> <p> </p> <p>​ထိုသို့ဆိုလျှင် သူတို့ရရှိနိုင်မည့် အကျိုးအမြတ်များသည် စိတ်ကူးကြည့်၍ပင် ရနိုင်မည်မဟုတ်ပေ။</p> <p> </p> <p>​သေချာပေါက် နောက်ဆုံးတစ်ချက်မှာမူ လုံးဝ လျစ်လျူရှုခံလိုက်ရသည်။</p> <p> </p> <p>​၎င်းသည် အစွန်းရောက်လွန်းလှ၏။ အရာရာ မှားယွင်းသွားရန် အလွန်လွယ်ကူပေသည်။</p> <p> </p> <p>​အဆုံးတွင် အငြင်းပွားမှုအချို့ ဖြစ်ပေါ်ပြီးနောက် အရာရှိအများစုက မဟာဝေမင်းဆက်အနေဖြင့် ဤအခွင့်အရေးကို လက်လွှတ်မခံသင့်ဟု ဆုံးဖြတ်လိုက်ကြသည်။ သူတို့သည် မဟာယွီမင်းဆက်ကို ကူညီပေးနိုင်သော်လည်း မဟာယွီမင်းဆက်အနေဖြင့် တန်ကြေးတစ်ခု ပြန်လည်ပေးဆပ်ရမည် ဖြစ်သည်။</p> <p> </p> <p>​အဓိက အကြောင်းရင်းမှာ နတ်တောင်ပံမင်းဆက်ထံမှ ရရှိသော လျော်ကြေးများက အရာရှိအားလုံးကို အံ့အားသင့်သွားစေခဲ့သောကြောင့် ဖြစ်သည်။</p> <p> </p> <p>​'ဒါဆို အခြားနိုင်ငံတွေဆီကနေ ကောင်းမွန်တဲ့အရာတွေ အများကြီးကို အကျပ်ကိုင် တောင်းယူလို့ရတာပေါ့'</p> <p> </p> <p>​ဤအချက်က လူများစွာကို ကမ္ဘာသစ်တစ်ခုဆီသို့ တံခါးဖွင့်ပေးလိုက်ခြင်းပင် ဖြစ်လေသည်။</p> <p> </p> <p>​"ဒီလိုအခြေအနေမျိုး ဖြစ်နေမှတော့..." ချန်ချန်ရွှယ်က ပြောလိုက်သည်။ "မဟာယွီမင်းဆက်ရဲ့ နယ်မြေထဲဝင်ပြီး သူတို့ရဲ့ဧကရာဇ်နဲ့ တွေ့ဆုံဖို့ သံတမန်တစ်ယောက် စေလွှတ်လိုက်ပါ။"</p> <p> </p> <p>​"..."</p> <p> </p> <p>​[နှစ်ဝက်ကြာပြီးနောက် နတ်တောင်ပံမင်းဆက်၏ တိုက်ခိုက်မှုများက ပိုမိုပြင်းထန်လာခဲ့သည်။ မဟာယွီမင်းဆက်၏ စစ်တပ်သည် အသေအပျောက်များစွာ ကြုံတွေ့ခဲ့ရပြီး ကန့်သတ်ချက်သို့ရောက်ရန် နီးကပ်လာခဲ့သည်။ မဟာယွီမင်းဆက်၏ ဧကရာဇ်သည် အံကြိတ်ကာ မင်းဆက်၏ လျှို့ဝှက်လက်နက်ကို အသုံးပြုရန် သင့်မသင့် စဉ်းစားနေပြီဖြစ်သည်။]</p> <p> </p> <p>​[မင်းဆက်တစ်ခု၏ လျှို့ဝှက်လက်နက်ကို တစ်ကြိမ်အသုံးပြုပြီးပါက နောက်တစ်ကြိမ် မဟာယွီမင်းဆက် ဤကဲ့သို့ အကျပ်အတည်းနှင့် ကြုံတွေ့ရချိန်တွင် ခုခံနိုင်စွမ်းရှိတော့မည် မဟုတ်ပေ။]</p> <p> </p> <p>​[ဤအရေးကြီးသော အချိန်တွင် မဟာဝေမင်းဆက်၏ သံတမန်ဟုဆိုသူတစ်ဦး ရုတ်တရက် ပေါ်လာပြီး မဟာယွီဧကရာဇ်၏ အာရုံစိုက်မှုကို ရရှိသွားခဲ့သည်။]</p> <p> </p> <p>​"မဟာဝေမင်းဆက်ရဲ့ သံတမန်ဟုတ်လား။" မဟာယွီမင်းဆက်၏ လက်ရှိဧကရာဇ်သည် အလွန်နုပျိုပုံပေါ်ပြီး သူ၏ ကျင့်ကြံမှုမှာလည်း အထူးတလည် သန်မာခြင်း မရှိပေ။</p> <p> </p> <p>​သူ၏ ကျင့်ကြံမှုသည် နတ်တောင်ပံမင်းဆက်၏ ဧကရာဇ်နှင့်ပင် နှိုင်းယှဉ်၍ မရနိုင်ချေ။</p> <p> </p> <p>​သူ၏မျက်နှာတွင် စိုးရိမ်ပူပန်မှုများ အပြည့်ရှိနေပြီး တစ်ချိန်တည်းမှာပင် အနည်းငယ် သတိထားနေမိသည်။ "မဟာဝေမင်းဆက်ရဲ့ သံတမန်က ဘာလို့ ဒီအချိန်မှ ပေါ်လာရတာလဲ။ ငါ့မင်းဆက်ကို နတ်တောင်ပံမင်းဆက်က ကျူးကျော်နေတာကိုမြင်လို့ ငါ့ကို ကိုင်တွယ်ဖို့ ဝင်စွက်ဖက်ချင်တာများလား။"</p> <p> </p> <p>​ဤဖြစ်နိုင်ချေကို တွေးမိပြီးနောက် မဟာယွီဧကရာဇ်၏ မျက်နှာအမူအရာမှာ အကျည်းတန်သွားလေသည်။</p> <p> </p> <p>​သေချာပေါက် ဤသည်မှာ ဖြစ်နိုင်ချေတစ်ခုသာ ဖြစ်၏။</p> <p> </p> <p>​မဟာဝေမင်းဆက် ဘာလုပ်ချင်သည်ကို မဟာဝေမင်းဆက်၏ သံတမန်နှင့် တွေ့ဆုံပြီးမှသာ သူ သိနိုင်မည်ဖြစ်သည်။</p> <p> </p> <p>​မဟာယွီမင်းဆက်၏ ဧကရာဇ်သည် စဉ်းစားတွေးတောပြီးနောက် သံတမန်နှင့် တွေ့ဆုံရန် ဆုံးဖြတ်လိုက်သည်။</p> <p> </p> <p>​သူသည် ညစာစားပွဲတစ်ခုကိုပင် ပြင်ဆင်ပေးခဲ့သည်။ ၎င်းကို အတော်လေး ရင်းနှီးဖော်ရွေသည်ဟု ယူဆနိုင်ပေသည်။</p> <p> </p> <p>​ညစာစားပွဲတွင် မဟာယွီဧကရာဇ်သည် မဟာဝေမင်းဆက် သံတမန်၏ အမှန်တကယ် ရည်ရွယ်ချက်များကို သိရှိသွားခဲ့သည်။</p> <p> </p> <p>​သူသည် ဗီဇအရ ငြင်းဆန်ချင်သွား၏။</p> <p> </p> <p>​'ဘာပဲဖြစ်ဖြစ် ငါက မင်းဆက်တစ်ခုရဲ့ ကျူးကျော်တာကို ခံနေရပေမဲ့ မတားဆီးနိုင်ဘူးလေ။ အကယ်၍ နောက်ထပ် မင်းဆက်တစ်ခုရဲ့ အကူအညီကို ယူမယ်ဆိုရင်တောင် အသုံးဝင်မှာမှ မဟုတ်တာ။'</p> <p> </p> <p>​သို့သော် အမှန်တရားမှာ မဟာယွီမင်းဆက်သည် နတ်တောင်ပံမင်းဆက်ကို ၎င်းကိုယ်တိုင် မတားဆီးနိုင်ခြင်းပင် ဖြစ်သည်။</p> <p> </p> <p>​ဘေးအိမ်မှ မဟာဝေမင်းဆက်သည် ကျယ်ဝန်းသော နယ်မြေရှိရုံသာမက ကျွမ်းကျင်သူများစွာလည်း ရှိနေပေသည်။</p> <p> </p> <p>​သူ တုံ့ဆိုင်းသွားသည်။</p> <p> </p> <p>​သူ ပြောထွက်ချင်နေခဲ့သော ငြင်းပယ်မှုသည် အကြောင်းအမျိုးမျိုးကြောင့် လည်ချောင်းတွင် တစ်ဆို့နေခဲ့လေသည်။</p> <p> </p> <p>​သူ၏ ဂုဏ်သိက္ခာနှင့် မဟာယွီမင်းဆက်အကြား သူ ရွေးချယ်ရမည်ဖြစ်သည်။</p> <p> </p> <p>​ဤမဟာယွီဧကရာဇ်သည်... တုံ့ဆိုင်းနေခဲ့၏။</p> <p> </p> <p>​ထို့အပြင် အကယ်၍ မဟာဝေမင်းဆက်ကို ဝင်စွက်ဖက်ခွင့်ပြုရန် သဘောတူလိုက်ပါက သူ၏ ဂုဏ်သိက္ခာသာမက နောင်တွင် မဟာဝေမင်းဆက်ရှေ့၌ မဟာယွီမင်းဆက်၏ ရပ်တည်ချက်ကိုပါ ဆုံးရှုံးရမည်ဖြစ်ကြောင်း သူ ကောင်းကောင်း သိထားသည်။</p> <p> </p> <p>​မဟာဝေမင်းဆက်ထံမှ အကူအညီတောင်းလိုက်သည်နှင့် တစ်ပြိုင်နက် သူ၏မင်းဆက်သည် မဟာဝေမင်းဆက်ရှေ့တွင် ခေါင်းမော့နိုင်ပါဦးမည်လား။</p> <p>***</p> <p> </p>


Save