Book List

<h2 style="text-align: center;">အခန်း ၁၃ - ဂလက်ဆီတောင်ထိပ်</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">"လာခဲ့... မင်း ဂိုဏ်းဝင်တဲ့ လုပ်ငန်းစဉ်တွေလုပ်ဖို့ ငါ ခေါ်သွားပေးမယ်"</p> <p style="text-align:justify">အကြီးအကဲလုက ပြောပြီးနောက် သူ၏ ဝတ်စုံလက်အင်္ကျီကို ဝှေ့ယမ်းလိုက်ရာ ကျန်းယွီဟယ်နှင့်အတူ ဧည့်ကြိုဌာနမှ ချက်ချင်း ပျောက်ကွယ်သွားတော့သည်။ ကျန်ရစ်ခဲ့သော ကျောက်ချင်းချင်းမှာတော့ မနာလိုအားကျသည့် အမူအရာဖြင့် ငေးကြည့်နေဆဲပင်။</p> <p style="text-align:justify">"ဟင်း... ငါလည်းဘယ်တော့မှ အတွင်းစည်းတပည့် ဖြစ်လာပါ့မလဲ"</p> <p style="text-align:justify">"ငါ ပိုပြီး ကြိုးစားမှ ဖြစ်မယ်။ ငါသာ နတ်ဘုရားသန္ဓေအဆင့်ကို ရောက်သွားရင် အတွင်းစည်းထဲဝင်ဖို့ လျှောက်ထားလို့ ရပြီပဲ"</p> <p style="text-align:justify">ကျောက်ချင်းချင်းက မိမိကိုယ်ကို တိတ်တဆိတ် အားပေးလိုက်ပြီးနောက် ဧည့်ကြိုဌာနတွင် တင်ပျဉ်ခွေထိုင်ကာ ကျင့်ကြံခြင်းကို ပြန်လည် စတင်လိုက်တော့သည်။ တစ်ဖက်တွင်မူ အကြီးအကဲလုက ကျန်းယွီဟယ်ကို ခေါ်ဆောင်လာပြီးနောက် မကြာမီတွင် ခမ်းနားသော ခန်းမကြီးတစ်ခု၏ ရှေ့သို့ ရောက်ရှိလာသည်။ အပြာရောင်ဝတ်စုံနှင့် ကျင့်ကြံသူတစ်ဦးက ခန်းမထဲမှ အလျင်အမြန် ထွက်လာပြီး ရိုသေစွာ နှုတ်ဆက်လိုက်သည်။</p> <p style="text-align:justify">"တပည့် ချန်ရွှီကျင့်က အကြီးအကဲလုကို ဂါရဝပြုပါတယ်ခင်ဗျာ"</p> <p style="text-align:justify">အဖြူရောင်ဝတ်စုံနှင့် အဘိုးအိုက ခေါင်းညိတ်ပြလိုက်ပြီးနောက် ဘေးရှိ ကျန်းယွီဟယ်ကို လက်ညှိုးညွှန်ပြကာ ပြောလိုက်သည်။</p> <p style="text-align:justify">"သူ့ကို အတွင်းစည်းတပည့် အဆင့်အတန်း သတ်မှတ်ပေးလိုက်"</p> <p style="text-align:justify">"အတွင်းစည်း... ဟုတ်လားခင်ဗျာ"</p> <p style="text-align:justify">ချန်ရွှီကျင့်က သေချာစေရန် တိုးတိုးလေး ပြန်မေးလိုက်မိသည်။ အကယ်၍ သူ့ရှေ့တွင် ရှိနေသူမှာ ဂိုဏ်း၏ အကြီးအကဲတစ်ဦး မဟုတ်ပါက သူက ထိုသူ၏ ပါးကို ရိုက်မိလောက်ပေသည်။</p> <p style="text-align:justify">ကျန်းယွီဟယ်၏ အငွေ့အသက်ကို ကြည့်ရုံဖြင့် သူက ချီကျင့်ကြံခြင်းအဆင့်မျှသာ ရှိသေးကြောင်း ရှင်းလင်းလှသည်။ တာအိုသန့်စင်ဂိုဏ်းမှာ ချီကျင့်ကြံခြင်းအဆင့်နဲ့ အတွင်းစည်းတပည့် ဆိုတာမျိုး မရှိဖူးပေ။ ထို့အပြင် ကျန်းယွီဟယ်မှာ အပြင်စည်းတပည့်တောင် မဟုတ်သေးဘဲ ရောက်ရောက်ချင်း အတွင်းစည်းထဲ တန်းဝင်မည်ဆိုသည်မှာ ကလေးကစားစရာ ဆန်လွန်းလှသည်။ ဂိုဏ်းချုပ်ကြီး၏ မျိုးဆက်ဖြစ်နေဦးတော့ ဤမျှအထိ မျက်နှာသာပေးစရာ အကြောင်းမရှိပေ။ </p> <p style="text-align:justify">"ဟုတ်တယ်... အခုကစပြီး သူက တာအိုသန့်စင်ဂိုဏ်းရဲ့ အတွင်းစည်းတပည့်ပဲ... ငါ ဒီကိစ္စကို ဂိုဏ်းချုပ်ဆီ တင်ပြလိုက်မယ်။ မင်း ငါခိုင်းတဲ့အတိုင်းသာ လုပ်လိုက်"</p> <p style="text-align:justify">အဖြူရောင်ဝတ်စုံနှင့် အဘိုးအိုက ရှင်းပြနေရန် အစီအစဉ် မရှိသည်မှာ ထင်ရှားလှသည်။ ချန်ရွှီကျင့်မှာ အနည်းငယ် အနေရခက်သွားရသည်။ ထိုသည်ကို မြင်သောအခါ ကျန်းယွီဟယ်က အခြေအနေကို ထိန်းသိမ်းသည့်အနေဖြင့် ချန်ရွှီကျင့်ကို ဦးညွှတ်နှုတ်ဆက်လိုက်သည်။</p> <p style="text-align:justify">"စီနီယာအစ်ကိုကြီးချန်..."</p> <p style="text-align:justify">"မဟုတ်တာ... မလုပ်ပါနဲ့။ ကျွန်တော့်ကို ချန်ရွှီကျင့် ဒါမှမဟုတ် ဂျူနီယာညီလေးချန်လို့ပဲ ခေါ်ပါ"</p> <p style="text-align:justify">ချန်ရွှီကျင့်က အမြန်ပင် လက်ခါယမ်း၍ တားမြစ်လိုက်ရသည်။ သူက တာအိုသန့်စင်ဂိုဏ်း၏ စီမံရေးရာဌာနတွင် တာဝန်ထမ်းဆောင်နေသော အပြင်စည်းတပည့်တစ်ဦးသာ ဖြစ်ကြောင်း ရှင်းပြလိုက်သည်။ </p> <p style="text-align:justify">တာအိုသန့်စင်ဂိုဏ်းတွင် အပြင်စည်းတပည့်များက အမျိုးမျိုးသော အသေးအဖွဲအလုပ်များကို လုပ်ကိုင်ကြရသည်။ ဥပမာအားဖြင့် သူက စီမံရေးရာဌာနတွင် အလုပ်လုပ်ရသလို ကျောက်ချင်းချင်းမှာလည်း ဂိုဏ်းဝင်ပေါက် ဧည့်ကြိုဌာနတွင် အလုပ်လုပ်ရသည်။ အတွင်းစည်းတပည့်များမှာမူ ဤကဲ့သို့သော အလုပ်များကို လုပ်စရာမလိုဘဲ ဂိုဏ်းထဲတွင် ကျင့်ကြံနေထိုင်ခြင်း သို့မဟုတ် အပြင်ဘက်တွင် နယ်မြေစောင့်ကြပ်ခြင်း စသည့် လွတ်လပ်ပေါ့ပါးသော အလုပ်များကိုသာ လုပ်ကိုင်ကြရသည်။</p> <p style="text-align:justify">ကျန်းယွီဟယ်မှာ မကြာမီ တရားဝင် အတွင်းစည်းတပည့် ဖြစ်လာတော့မည် ဖြစ်ရာ ချန်ရွှီကျင့်မှာ မောက်မာရန် မဝံ့ပေ။ သူက ရွှေအမြုတေအဆင့်သို့ ရောက်ရှိနေပြီဖြစ်ရာ ကျန်းယွီဟယ်ထက် အစွမ်းထက်သော်လည်း ကျင့်ကြံခြင်းလောကတွင် ခွန်အားအပြင် ရာထူးအဆင့်အတန်းကလည်း အလွန်အရေးကြီးလှသည် မဟုတ်ပါလား။ ချန်ရွှီကျင့်က ကျန်းယွီဟယ်ကို ရိုသေစွာ မေးမြန်းလိုက်သည်။</p> <p style="text-align:justify">"စီနီယာအစ်ကိုကြီးကို ဘယ်လိုခေါ်ရမလဲဆိုတာ သိပါရစေ"</p> <p style="text-align:justify">သူက အချက်အလက်များ မှတ်တမ်းတင်ရန် စာအုပ်ပုံသဏ္ဌာန် မှော်ပစ္စည်းတစ်ခုကို ထုတ်လိုက်သည်။</p> <p style="text-align:justify">"ကျန်းယွီဟယ် ပါ"</p> <p style="text-align:justify">"အသက်..."</p> <p style="text-align:justify">အချက်အလက်များ မှတ်တမ်းတင်ပြီးနောက် ချန်ရွှီကျင့်က ကျောက်စိမ်းပေလွှာတစ်ခုကို ကမ်းပေးလိုက်သည်။</p> <p style="text-align:justify">"စီနီယာအစ်ကိုကြီးကျန်း... အတွင်းစည်းတပည့်တွေက ကိုယ်ပိုင်ကျင့်ကြံဖို့အတွက် သီးသန့်တောင်ထိပ်တစ်ခုကို ရွေးချယ်ခွင့်ရှိပါတယ်။ ဒီထဲမှာ စီနီယာ စိတ်ကြိုက် တောင်ထိပ်တစ်ခုကို ရွေးချယ်နိုင်ပါတယ်"</p> <p style="text-align:justify">ကျန်းယွီဟယ်မှာ ဝမ်းသာသွားရသည်။ ဤမျှအထိ ကောင်းမွန်သော အခွင့်အရေးမျိုး ရှိသည်လား။ ကိုယ်ပိုင်တောင်ထိပ်တစ်ခုမှာ သီးသန့်ကျင့်ကြံရမည်ဆိုသည်မှာ အတော်လေးကို ဟိတ်ဟန်ကြီးလှသည်။</p> <p style="text-align:justify">သူက ကျောက်စိမ်းပေလွှာကို စစ်ဆေးကြည့်လိုက်ရာ ကျယ်ပြောလှသော မြေပုံကြီးတစ်ခုက သူ့မျက်စိရှေ့တွင် ပေါ်လာသည်။ ထိုအရာမှာ တာအိုသန့်စင်ဂိုဏ်း၏ မြေပုံဖြစ်ပြီး တောင်တန်းများသာမက မြစ်ချောင်းအင်းအိုင်များစွာကိုပါ ဖော်ပြထားသည်။ ဂိုဏ်း၏ ကြီးမားကျယ်ပြန့်မှုမှာ သူထင်ထားသည်ထက် ပို၍ ကြီးမားလှသည်။</p> <p style="text-align:justify">သို့သော် မြေပုံပေါ်တွင် အရောင်အမျိုးမျိုးဖြင့် မှတ်သားထားပြီး အချို့နေရာများမှာ ကွက်လပ်ဖြစ်နေသဖြင့် သူက ခေါင်းကုတ်ကာ မေးလိုက်သည်။</p> <p style="text-align:justify">"ဂျူနီယာညီလေးချန်... ဒီမြေပုံကို ဘယ်လိုကြည့်ရမလဲဆိုတာ ရှင်းပြပေးပါဦး"</p> <p style="text-align:justify">မသိလျှင် နှိမ့်ချစွာ မေးမြန်းခြင်းမှာ ရှက်စရာ မဟုတ်ပေ။</p> <p style="text-align:justify">"အပြာရောင်ဧရိယာက အပြင်စည်းတပည့်တွေ နေတဲ့နေရာပါ ခရမ်းရောင်ကတော့ အတွင်းစည်းတပည့်တွေ နေရာဖြစ်ပြီး အနီရောင်ကတော့ အကြီးအကဲတွေ ကျင့်ကြံတဲ့နေရာပါ"</p> <p style="text-align:justify">"ဒါဆို အမည်းရောင်နေရာတွေကရော"</p> <p style="text-align:justify">"အဲဒါတော့ ကျွန်တော်လည်း မသိဘူး။ ဂိုဏ်းရဲ့ စည်းကမ်းအရ ဘယ်တပည့်မှ အမည်းရောင်နယ်မြေထဲကို ဝင်ခွင့်မရှိဘူးလို့ပဲ သိထားတယ်"</p> <p style="text-align:justify">ကျန်းယွီဟယ်မှာ စူးစမ်းလိုစိတ် သိပ်မရှိဘဲ ထိုနေရာများကို မသွားရန်သာ ဆုံးဖြတ်လိုက်သည်။ ထို့နောက် သူက ထပ်မေးလိုက်သည်။</p> <p style="text-align:justify">"ဒါဆို တောင်ထိပ်ကို ဘယ်လို ရွေးရမလဲ"</p> <p style="text-align:justify">"ခရမ်းရောင်နယ်မြေထဲက ကွက်လပ်ဖြစ်နေတဲ့ နေရာတွေက လူမရှိသေးတဲ့ နေရာတွေပါပဲ။ စီနီယာ ကြိုက်တဲ့ တောင်ထိပ်တစ်ခုကို ရွေးနိုင်ပါတယ်"</p> <p style="text-align:justify">ကျန်းယွီဟယ်က မြေပုံကို ပြန်ကြည့်လိုက်ရာ လူမရှိသော တောင်ထိပ်ပေါင်း ရာနှင့်ချီ ရှိနေသည်ကို တွေ့လိုက်ရသည်။ </p> <p style="text-align:justify">"ဘယ်နေရာ ရွေးရင် ကောင်းမလဲ... အင်း ဒီနေရာပဲ"</p> <p style="text-align:justify">ကျန်းယွီဟယ်က အမြန်ဆုံး ဆုံးဖြတ်လိုက်သည်။ သူ ရွေးလိုက်သည်မှာ အတော်လေး သီးသန့်ဖြစ်ပြီး တောင်ခြေတွင် ကန်သာယာလေးတစ်ခု ရှိသော တောင်ထိပ်တစ်ခုပင်။ တောင်နှင့်ရေ ရှိနေသဖြင့် ကြည့်ရသည်မှာ အလွန် သက်တောင့်သက်သာ ရှိလှသည်။ ချန်ရွှီကျင့်က မြေပုံကို ပြန်ယူကာ မှတ်သားလိုက်ပြီးနောက် မေးလိုက်သည်။</p> <p style="text-align:justify">"စီနီယာရဲ့ တောင်ထိပ်ကို ဘယ်လို နာမည်ပေးချင်လဲခင်ဗျာ"</p> <p style="text-align:justify">"ဂလက်ဆီတောင်ထိပ်"</p> <p style="text-align:justify">ကျန်းယွီဟယ်က မစဉ်းစားဘဲ ချက်ချင်း ဖြေလိုက်သည်။ သူသည် ကမ္ဘာမြေမှ ကစားသမားတစ်ဦး ဖြစ်ရာ ကြယ်စင်များဆီသို့ ရောက်ဖူးရန်မှာ ကမ္ဘာသားတိုင်း၏ အိပ်မက် မဟုတ်ပါလား။</p> <p style="text-align:justify">"ဟုတ်ကဲ့ပါ"</p> <p style="text-align:justify">ချန်ရွှီကျင့်က ခန်းမထဲသို့ ခဏဝင်သွားပြီးနောက် လက်စွပ်တစ်ကွင်းနှင့်အတူ ပြန်ထွက်လာသည်။</p> <p style="text-align:justify">"စီနီယာအစ်ကိုကြီးကျန်း... ဒါက စီနီယာရဲ့ ပစ္စည်းတွေပါ သေသေချာချာ သိမ်းထားပါဦး"</p> <p style="text-align:justify">ကျန်းယွီဟယ်က သိုလှောင်လက်စွပ်ကို ယူကာ နတ်ဘုရားအာရုံဖြင့် စစ်ဆေးကြည့်လိုက်ရာ ထိုထဲတွင် ကျောက်စိမ်းပေလွှာတစ်ခု၊ ဝတ်စုံအချို့နှင့် ကျောက်စိမ်းဆွဲပြားတစ်ခုကို မြင်လိုက်ရသည်။ ကိစ္စများ ပြီးသွားသောအခါ အကြီးအကဲလုက စကားပြောလာသည်။</p> <p style="text-align:justify">"ငါ သွားတော့မယ်။ မင်းရဲ့ ကျင့်ကြံခြင်းကိုပဲ အာရုံစိုက်ပါ။ တာအိုသန့်စင်ဂိုဏ်းရဲ့ အတွင်းစည်းတပည့် ဖြစ်ရတာက လွယ်ကူတဲ့ အလုပ်မဟုတ်ဘူး တာဝန်တစ်ခုပဲ"</p> <p style="text-align:justify">ပြောပြီးသည်နှင့် သူက အလင်းတန်းတစ်ခုအဖြစ် ပြောင်းလဲကာ ဝေးရာသို့ ပျံသန်းကွယ်ပျောက်သွားတော့သည်။ အကြီးအကဲလု ထွက်သွားတော့မှ ချန်ရွှီကျင့်က သက်ပြင်းချနိုင်တော့သည်။ အကြီးအကဲ၏ အငွေ့အသက်မှာ ပြင်းထန်လွန်းသဖြင့် သူ အတော်လေး စိတ်လှုပ်ရှားနေခဲ့ရသည် မဟုတ်ပါလား။ သူက ကျန်းယွီဟယ်ကို ပြုံးလျက် ပြောလိုက်သည်။</p> <p style="text-align:justify">"စီနီယာ... ဂလက်ဆီတောင်ထိပ်က ဒီကနေဆိုရင် တော်တော်လေး ဝေးပါတယ်။ ကျွန်တော် လိုက်ပို့ပေးပါရစေ"</p> <p style="text-align:justify">"ဒါဆိုရင်တော့ ညီလေးကို ဒုက္ခပေးရတော့မှာပဲ"</p> <p style="text-align:justify">ကျန်းယွီဟယ်က အမြန်ပင် လက်အုပ်ချီ ကျေးဇူးတင်လိုက်သည်။ အမှန်အတိုင်း ပြောရလျှင် ဤဂိုဏ်းကြီးမှာ အလွန်ကျယ်ပြောလှရာ သူ၏ ချီကျင့်ကြံခြင်းအဆင့်ဖြင့် ပျံသန်းပါက သူ့နယ်မြေသို့ ရောက်ရန် တစ်နေ့ကုန်လုနီးပါး ကြာပေလိမ့်မည်။ အစွမ်းနည်းနေသည်မှာ ရှက်စရာပင်။ သူ အမြန်ဆုံး ကျင့်ကြံမှ ဖြစ်တော့မည်။ ဂိုဏ်းထဲ သွားလာရာတွင်ပင် သူများဆီက လိုက်စီးနေရသည်မှာ သိက္ခာကျစရာပင်။</p> <p style="text-align:justify">ချန်ရွှီကျင့်က လက်ကို ဝှေ့ယမ်းလိုက်ရာ လှပခမ်းနားသော ပျံသန်းလှေတစ်စင်း ပေါ်လာတော့သည်။ သူတို့နှစ်ဦး ပျံသန်းလှေပေါ်သို့ တက်လိုက်ကြပြီးနောက် ဝေးကွာသော အရပ်ဆီသို့ အရှိန်အဟုန်ဖြင့် ပျံသန်းသွားကြတော့သည်။</p> <p style="text-align:justify">"စီနီယာ... မေးပါရစေဦး စီနီယာ ဂိုဏ်းထဲကို ဘယ်လိုဝင်ခဲ့တာလဲဟင်"</p> <p style="text-align:justify">ပျံသန်းလှေပေါ်တွင် ရပ်နေရင်း ချန်ရွှီကျင့်က သူ၏ စူးစမ်းလိုစိတ်ကို မအောင့်နိုင်တော့ဘဲ မေးလိုက်ခြင်း ဖြစ်သည်။</p> <p style="text-align:justify">"ငါက ကံကောင်းလို့ တံဆိပ်ပြားတစ်ခု ရခဲ့တာပါ... အဲဒီတံဆိပ်ပြားကြောင့် တာအိုသန့်စင်ဂိုဏ်းကို ဝင်ခွင့်ရခဲ့တာ"</p> <p style="text-align:justify">ကျန်းယွီဟယ်က ဘာမှ ဖုံးကွယ်မထားပေ။ ဤကိစ္စမှာ မကြာမီ ဂိုဏ်းတစ်ခုလုံးတွင် ပြန့်နှံ့သွားမည်မှာ သေချာလှသည်။ ဘာမှမဟုတ်သည့် လူတစ်ယောက်က အတွင်းစည်းတပည့် ဖြစ်လာသည်ဆိုလျှင် အခြားသူများက အတင်းအဖျင်း ပြောကြမည်မှာ ဓမ္မတာပင်။</p> <p style="text-align:justify">"စီနီယာကတော့ တကယ့်ကို ကံထူးသူပါပဲ"</p> <p style="text-align:justify">ချန်ရွှီကျင့်က သက်ပြင်းချရင်း ဆိုလိုက်သည်။ သူသည်လည်း တာအိုသန့်စင်ဂိုဏ်း၏ တံဆိပ်ပြားအကြောင်းကို ကြားဖူးသော်လည်း နှစ်ပေါင်း တစ်သိန်းနီးပါး ကြာပြီးမှ ပြင်ပမှာ ကျန်နေသေးလိမ့်မည်ဟု မထင်ထားခဲ့ပေ။ ကျန်းယွီဟယ်က ကောက်ရခဲ့သည်မှာ အမှန်ပင် မနာလိုစရာ ကံကောင်းမှုမျိုး ဖြစ်သည်။</p> <p style="text-align:justify">ဘေးတွင် ရပ်နေသော ကျန်းယွီဟယ်ကတော့ ချန်ရွှီကျင့် ဘာတွေးနေသည်ကို မသိပေ။ အကယ်၍ သူသာ သိခဲ့လျှင် "ဒါက ကျားနတ်ဆိုးကို သတ်လိုက်ရုံပဲလေ... ဒါက ကစားသမားတွေအတွက် အကျိုးခံစားခွင့်ပဲ မင်းတို့ ဒေသခံတွေ နားမလည်ပါဘူး" ဟု ပြန်ပြောမိပေလိမ့်မည်။</p> <p style="text-align:justify">***</p>


Save