Book List

<h2 style="text-align: center;">အခန်း (၂၄)</h2> <h2 style="text-align: center;">အဆင့်E တိုက်ခိုက်ရေးစွမ်းရည်</h2> <h2 style="text-align: center;">*</h2> <p> </p> <p style="text-align:justify">တရားဝင် ဓားသိုင်းပညာရပ်ကို အော်ဒါမှာယူပြီးနောက် လုချန်က ချက်ချင်းပင် စတင်လေ့လာရန် မူလက မျှော်လင့်ထားခဲ့သည်။ သို့သော်လည်း တရားဝင် တိုက်ခိုက်ရေးပညာရပ်များ ပါဝင်သော ကျင့်စဥ်များကို ကူးပြောင်းပေးပို့ခြင်းကို အွန်လိုင်း ဈေးဝယ်ပလက်ဖောင်းများက တင်းကျပ်စွာ တားမြစ်ထားသည်။ ဤတရားဝင် တိုက်ခိုက်ရေးပညာရပ်ကို မဟာမိတ်အဖွဲ့မှ ဝန်ထမ်းများက သူ၏လက်ထဲသို့ ကိုယ်တိုင်ကိုယ်ကျ လာရောက်ပေးအပ်မည် ဖြစ်သည်။ </p> <p style="text-align:justify">ထိုအချက်ကို သူက သဘောပေါက်သွားသည်။ တရားဝင် ဓားသိုင်းပညာရပ်များက မည်သူမဆို လေ့လာနိုင်သော အများသုံး တိုက်ခိုက်ရေးပညာရပ်များဖြစ်သည့် အခြေခံ ဓားသိုင်းပညာရပ်များနှင့် မတူညီပေ။ ဤတရားဝင် တိုက်ခိုက်ရေးပညာရပ်များကို ဖြန့်ဝေရန်အတွက် မဟာမိတ်အဖွဲ့၏ အသိအမှတ်ပြု လက်မှတ်နှင့် လိုင်စင်များ လိုအပ်လေသည်။ </p> <p style="text-align:justify">လောလောဆယ်တော့ အခြားလုပ်စရာ ဘာမှမရှိပေ။ လုချန်က အခန်းထဲမှ သစ်သားဓားတစ်လက်ကို ထုတ်ယူလိုက်သည်။ ၎င်းတို့မှာ ခန္ဓာကိုယ်၏ မူလပိုင်ရှင် စုဆောင်းထားခဲ့သော ကစားစရာများ ဖြစ်ကြသည်။ ထို့နောက် အခန်းထဲမှထွက်ကာ ခြံဝင်းထဲသို့ ရောက်လာခဲ့သည်။</p> <p style="text-align:justify">ကောင်းကင်ခွဲ နတ်ဓားသိုင်းကို သူက စတင်လေ့ကျင့်လေတော့သည်။ တစ်ချိန်တည်းမှာပင် အမြင့်ဆုံးအဆင့် နားလည်သဘောပေါက်နိုင်စွမ်းကိုလည်း ဖွင့်ထားလိုက်သည်။ ဤတစ်ကြိမ်တွင်တော့ သူ၏ လှုပ်ရှားမှုများက သပ်ရပ်ပြီး ထိရောက်မှုရှိသော်လည်း သူ၏ ဓားရည်ရွယ်ချက်ကိုတော့ ထုတ်ဖော်မပြသခဲ့ပေ။ အတွင်းပိုင်းရှိ စွမ်းအားများကို မည်သို့ ကိုင်တွယ်အသုံးချရမည်ဆိုသည့် အခြေခံသဘောတရားများကို သူ နားလည်သဘောပေါက်ထားပြီး ဖြစ်သည်။</p> <p style="text-align:justify">တစ်နာရီက ကုန်လွန်သွားသည်။</p> <p style="text-align:justify">[ဓားရည်ရွယ်ချက် အဆင့်-၂ ကို ရောက်ရှိသွားပါပြီ]<br /> [ဓားရည်ရွယ်ချက် အဆင့်-၃ ကို ရောက်ရှိသွားပါပြီ]</p> <p style="text-align:justify">တစ်နာရီတည်းနှင့်ပင် ဓားရည်ရွယ်ချက်က အဆင့်နှစ်ဆင့် တက်သွားခဲ့သည်။</p> <p style="text-align:justify">အဆင့်-၃ ဓားရည်ရွယ်ချက်။<br /> ၎င်းက စွမ်းအားကို ၄ ဆ အထိ မြှင့်တင်ပေးနိုင်သည်။</p> <p style="text-align:justify">တစ်နည်းအားဖြင့် သူ၏ လက်ရှိ အခြေခံခွန်အားမှာ တန် ၄၀ နီးပါး ရှိနေသည်။ ကောင်းကင်ခွဲ နတ်ဓားသိုင်းကို အသုံးပြုလိုက်ပါက တန်ချိန် ၁၆၀ နီးပါးရှိသော တိုက်ခိုက်ရေးစွမ်းအားကို ထုတ်လွှတ်နိုင်မည် ဖြစ်သည်။ ဤသည်က အဆင့်E ၏ တံခါးဝကို ဖြတ်ကျော်သွားခဲ့ပြီ ဖြစ်သည်။ အဆင့်E စစ်သည်တော်များကြားတွင်ပင် အားနည်းသူများ မဟုတ်တော့ပေ။ </p> <p style="text-align:justify">ထို့အပြင် အမြင့်ဆုံးအဆင့် နားလည်သဘောပေါက်နိုင်စွမ်း၏ လုပ်ဆောင်ချက်မှာ သူ၏ ကိုယ်ပိုင်စွမ်းရည်များ၏ ကန့်သတ်ချက်များအောက်တွင် ရှိနေသောကြောင့်သာ ဖြစ်သည်။ ယင်းက အင်ဂျင်ကို အစွမ်းကုန် လည်ပတ်ခြင်းမှ တားဆီးထားသည်။</p> <p style="text-align:justify">ထိုသို့မဟုတ်ဘဲ Systemကို နောက်ကွယ်တွင် ဆက်လက် လည်ပတ်ခွင့်ပြုထားမည်ဆိုပါက စက္ကန့်အနည်းငယ်အတွင်းမှာပင် ဒသမအဆင့်အထိ နားလည်သဘောပေါက်သွားနိုင်သည်။</p> <p style="text-align:justify">သို့သော် ထိုသို့လုပ်ခြင်းက ဘာအဓိပ္ပာယ်မှ မရှိပေ။ သူ၏ ကိုယ်ပိုင် ကန့်သတ်ချက်များကို သူ ကျော်လွှားနိုင်စွမ်း မရှိသေးပေ။ အတင်းအဓမ္မ စုပ်ယူလိုက်ပါက မိမိကိုယ်ကိုပင် ဒုက္ခပေးသလို ဖြစ်သွားနိုင်ပေသည်။</p> <p style="text-align:justify">အဆုံးတွင်တော့ သူက အခန်းထဲ ပြန်ဝင်လာပြီး ရေချိုးလိုက်သည်။ ထို့နောက် ညစာစားရန် အောက်ထပ်သို့ ဆင်းလာခဲ့သည်။ ထိုအချိန်အတွင်း လုယွမ်က စကားသိပ်မပြောပေ။ </p> <p style="text-align:justify">"အခု သားက စစ်သည်တော်စစ်စစ် ဖြစ်နေပြီဆိုတော့ ရှေ့ဆက်ပြီး ဘာတွေလုပ်ဖို့ အစီအစဉ်ရှိလဲ" လို့သာ ရိုးရိုးရှင်းရှင်း မေးလိုက်သည်။</p> <p style="text-align:justify">လုချန်က တစ်ခဏမျှ စဉ်းစားလိုက်ပြီး ပြောသည်။</p> <p style="text-align:justify">"ဖေဖေ... သားက အချိန်ပြည့် စစ်သည်တော်တစ်ယောက် ဖြစ်ချင်တယ်... နောက်နှစ်ရက်နေရင် အမဲလိုက်ထွက်ဖို့ အဖွဲ့တစ်ဖွဲ့နဲ့ သွားပူးပေါင်းမယ်"</p> <p style="text-align:justify">စကားပြောနေရင်း သူက လုယွမ်ထံသို့ စာချုပ်မိတ္တူတစ်ခုကို လှမ်းပေးလိုက်သည်။ လုယွမ်က အကြောင်းအရာများကို မြင်လိုက်ရသောအခါ သူ၏ မျက်လုံးများက မျက်ခွံထဲမှ ကျွတ်ထွက်မတတ် ပြူးကျယ်သွားသည်။</p> <p style="text-align:justify">"ခွေးမသားလေး သား... မင်းက မင်းအဖေကို သေအောင် လန့်ဖျပ်နေအောင် လုပ်နေတာလား... ဒါက ဘယ်တုန်းက ဖြစ်သွားတာလဲ"</p> <p style="text-align:justify">"ဒါပေမဲ့ ဒီစာချုပ်က... စည်းကမ်းချက်တွေထဲမှာ ဘယ်လိုလုပ်ပြီး အဓိပ္ပာယ်မရှိတဲ့ သတ်မှတ်ချက်တွေ ပါနေရတာလဲ"</p> <p style="text-align:justify">အချိန်အတော်ကြာပြီးနောက် သူက ပြန်လည် တည်ငြိမ်သွားသည်။ ထို့နောက် တိတ်ဆိတ်စွာပင် စတင် စားသောက်လေတော့သည်။  သူက ထပ်ပြီး ဘာမှမပြောချင်တော့ပေ။ ပါရမီရှင်သားတစ်ယောက် ရှိခြင်းက ကောင်းသောအရာ ဖြစ်သည်။ သို့သော် သူ၏သားက အရည်အချင်းရှိလွန်းနေသည်။ ဖခင်တစ်ယောက်အနေဖြင့် သူက အနည်းငယ် သိမ်ငယ်သလို ခံစားလိုက်ရသည်။ </p> <p style="text-align:justify">ယင်းသို့ဖြစ်လင့်ကစား သူ၏ မျက်နှာပေါ်ရှိ အမူအရာက သူ၏ အတွင်းစိတ်ကို သစ္စာဖောက်နေသည်။ သူက မရယ်မိအောင် အစွမ်းကုန် ကြိုးစားထိန်းထားသော်လည်း ပါးစပ်ထောင့်မှ တွန့်ကွေးနေမှုကိုမူ မဖုံးကွယ်နိုင်ခဲ့ပေ။ ဆုန့်ယွဲမှာ သူ့အား မျက်လုံးလှန်မကြည့်ဘဲ မနေနိုင်တော့ပေ။ ညစာစားပြီးနောက် လုမိသားစုက ပေါ့ပေါ့ပါးပါး စကားစမြည်ပြောနေကြသည်။ လူခေါ်ခေါင်းလောင်းသံ မြည်လာသည့်အချိန်အထိပင်။</p> <p style="text-align:justify">လုချန် တံခါးဖွင့်လိုက်သောအခါ စစ်ဝတ်စုံဝတ်ဆင်ထားသည့် အရပ်ရှည်ရှည်နှင့် ပခုံးကျယ်ကျယ် လူတစ်ယောက်ကို တွေ့လိုက်ရသည်။</p> <p style="text-align:justify">"ခွင့်ပြုပါ... မစ္စတာလုချန်ဆိုတာ ဟုတ်ပါသလားခင်ဗျာ"</p> <p style="text-align:justify">"ဒါက လူကြီးမင်းရဲ့ ပါဆယ်ထုပ်ပါ... ကျေးဇူးပြုပြီး စစ်ဆေးပြီး လက်မှတ်ရေးထိုးပေးပါ"</p> <p style="text-align:justify">လုချန်က ပစ္စည်းများကို သေချာစွာ စစ်ဆေးလိုက်သည်။ အားလုံး အပြည့်အစုံ ပါဝင်သည်။ အဆင့်မြင့် ခန္ဓာကိုယ်သန့်စင်ဆေးရည် နှစ်ပုလင်း အပါအဝင်ပင်။</p> <p style="text-align:justify">"အားလုံး အဆင်ပြေပါတယ်" ဟု သူက ပြောလိုက်သည်။</p> <p style="text-align:justify">ထို့နောက် ထိုလူက ချိပ်ပိတ်ထားသော ပေလိပ်တစ်ခုကို သူ့ထံ ကမ်းပေးရင်း စကားစလာသည်။ </p> <p style="text-align:justify">"ဒါက လူကြီးမင်း အော်ဒါမှာထားတဲ့ တိုက်ခိုက်ရေးပညာရပ်တွေပါ"</p> <p style="text-align:justify">"အထက်ပါ အကြောင်းအရာတွေကို လူကြီးမင်း သီးသန့်အသုံးပြုဖို့အတွက်ပဲ ဖြစ်ပြီး တခြားသူတွေကို ထုတ်ဖော်မပြောကြားရဘူးဆိုတာကို သတိပြုပေးပါ... အကယ်၍ ဒီအချက်အလက်တွေကို ပေါက်ကြားစေခဲ့မယ်ဆိုရင် မဟာမိတ်အဖွဲ့က ဖမ်းဆီးပြီး ထိုက်တန်တဲ့ ပြစ်ဒဏ်ပေးပါလိမ့်မယ်... နားလည်ပါသလား"</p> <p style="text-align:justify">လုချန်က ခေါင်းညိတ်လိုက်သည်။ </p> <p style="text-align:justify">"နားလည်ပါတယ်"</p> <p style="text-align:justify">ထို့နောက် ဖောင်ပေါ်တွင် လက်မှတ်ရေးထိုးကာ ပါဆယ်ထုပ်ကို ယူ၍ အိမ်ထဲ ပြန်ဝင်လာခဲ့သည်။ ဧည့်ခန်းထဲ ပြန်ရောက်သောအခါ လုချန်က ပြောလိုက်သည်။</p> <p style="text-align:justify">"သား ခုနကပြောတဲ့ ပစ္စည်းတွေ ရောက်လာပြီ" </p> <p style="text-align:justify">သူက မိဘများကို ပြုံးပြကာ ပြောလိုက်သည်။ ထို့နောက် ပါဆယ်ထုပ်ကို ဖွင့်ကာ အထဲမှ ဆေးရည်ပုလင်းငယ် နှစ်ပုလင်းကို ထုတ်ယူလိုက်သည်။ ၎င်းတို့ကို လုယွမ်နှင့် ဆုန့်ယွဲထံ ကမ်းပေးလိုက်သည်။ </p> <p style="text-align:justify">"ဒါက ဖေဖေနဲ့ မေမေအတွက် အဆင့်မြင့် ခန္ဓာကိုယ်သန့်စင်ဆေးရည်ပါ... ခန္ဓာကိုယ်ကို သန့်စင်ပေးပြီး ရုပ်ပိုင်းဆိုင်ရာ ကြံ့ခိုင်မှုကို မြှင့်တင်ပေးနိုင်ပါလိမ့်မယ်"</p> <p style="text-align:justify">လုယွမ်က ဆေးရည်ပုလင်းငယ်ကို လှမ်းယူလိုက်သည်။ ထို့နောက် ၎င်းကို စိုက်ကြည့်နေသည်။ သူ၏ မျက်လုံးများထဲတွင် ဖော်ပြရခက်သော ခံစားချက်များက လင်းလက်နေသည်။ မဖော်ပြနိုင်လောက်အောင် နက်ရှိုင်းသော အရိပ်အယောင်တစ်ခုက သူ၏မျက်လုံးများထဲတွင် ဖြတ်ပြေးသွားသည်။ ထို့နောက် ၎င်းက ပျောက်ကွယ်သွားသည်။ </p> <p style="text-align:justify">သို့သော် လုချန်၏ မျက်စိအောက်မှတော့ မလွတ်ကင်းခဲ့ပေ။ လုချန်က မေးခွန်းမထုတ်ခဲ့ပေ။ မနက်ဖြန်ကျလျှင် အဖြေကို သူ သိရလိမ့်မည်ဟု သူ သိနေသည်။ နောက်တစ်နေ့နံနက်တွင် လုချန်က စောစောထကာ ရေချိုးလိုက်သည်။ အားလုံး အဆင်သင့်ဖြစ်သောအခါ Systemကို ဖွင့်လိုက်သည်။ </p> <p style="text-align:justify">“Sign in...”</p> <p style="text-align:justify">ထို့နောက် ဖန်သားပြင်ပေါ်တွင် ပြောင်းလဲမှုများ စတင်ဖြစ်ပေါ်လာသည်။</p> <p style="text-align:justify">အမည် - လုချန်<br /> ခွန်အား - ၉၉၂<br /> ဝိညာဉ် - ၉၉၂<br /> ဝိညာဉ်စွမ်းရည် - အမြင့်ဆုံးအဆင့် နားလည်သဘောပေါက်နိုင်စွမ်း</p> <p style="text-align:justify">သူ၏ အချက်အလက်များက နောက်တစ်ကြိမ် နှစ်ဆ ထပ်တိုးသွားပြန်သည်။ အခြေခံခွန်အား ၈၀ ကီလိုဂရမ်ဖြင့် မြှောက်လိုက်လျှင် ကီလိုဂရမ် ၈ သောင်းနီးပါး ရှိနေပြီဖြစ်သည်။ ဆိုလိုသည်မှာ တန် ၈၀ အားပင်။ တစ်နည်းအားဖြင့် လုချန်က အဆင့်မဖောက်ထွက်ရသေးသော်လည်း သူ၏ အခြေခံခွန်အားက အဆင့်E သို့ ရောက်ရှိသွားပြီ ဖြစ်သည်။ </p> <p style="text-align:justify">အပြင်လူတစ်ယောက်၏ အမြင်တွင် ဤသည်က အဓိပ္ပာယ်မဲ့လွန်းပြီး လုံးဝ မဖြစ်နိုင်သလောက်ပင်။ ဤကမ္ဘာကြီးတွင် အဆင့်F ၏ ဒသမအဆင့် စစ်သည်တော်တစ်ယောက်က ခန့်မှန်းခြေအားဖြင့် ခွန်အား ကီလိုဂရမ် ၁၂,၀၀၀ ခန့် ရှိသည်။ နောက်ထပ် ဝိညာဉ်သွေးကြောတစ်ခုကို ဆက်သွယ်လိုက်ပြီး အဆင့်E သို့ ဝင်ရောက်သွားပြီးနောက်တွင် အခြေခံခွန်အားက အနည်းဆုံး ၅ ဆခန့် တိုးလာမည် ဖြစ်သည်။</p> <p style="text-align:justify">အဆင့်E စစ်သည်တော်တစ်ဦး၏ အခြေခံခွန်အားမှာ ကီလိုဂရမ် ၆၀,၀၀၀ သို့မဟုတ် တန် ၆၀ ဖြစ်သည်။ ထို့နောက် အသေးစား အဆင့်ဖောက်ထွက်မှုတိုင်းတွင် ခွန်အားမှာ အနည်းဆုံး ကီလိုဂရမ် ၆၀,၀၀၀ သို့မဟုတ် တန် ၆၀ စီ ထပ်တိုးလာမည် ဖြစ်သည်။</p> <p style="text-align:justify">ဆိုလိုသည်မှာ...<br /> အဆင့်E ၊ ဒုတိယအဆင့် - တန် ၁၂၀<br /> အဆင့်E ၊ တတိယအဆင့် - တန် ၁၈၀<br /> ...<br /> အဆင့်E ၊ ဒသမအဆင့် - တန် ၆၀၀ </p> <p style="text-align:justify">အဆင့်E မှ အဆင့်D သို့ ဖောက်ထွက်လိုက်သည်နှင့်... စွမ်းအားများက ထပ်မံ၍ အဟုန်ပြင်းစွာ မြင့်တက်လာမည် ဖြစ်သည်။ နောက်ထပ် ၅ ဆ ထပ်တိုးလာလိမ့်မည်။ သို့သော် ထိုအရာက လုံးဝကို ကွဲပြားခြားနားသော ကမ္ဘာတစ်ခု ဖြစ်သွားသည်။ ခွန်အားကို ရုပ်ပိုင်းဆိုင်ရာ ခွန်အားသက်သက်ဖြင့် ခန့်မှန်း၍ မရနိုင်တော့ပေ။</p> <p style="text-align:justify">လောလောဆယ်တွင် လုချန်၏ အခြေခံခွန်အားမှာ တန် ၈၀ နီးပါး ရှိနေသည်။ အဆင့်E ၏ ပထမအဆင့် စစ်သည်တော်တစ်ဦး၏ အခြေခံခွန်အားကိုပင် ကျော်လွန်သွားခဲ့ပြီ ဖြစ်သည်။ သူ၏ ဓားရည်ရွယ်ချက် အဆင့် ၃ ဆင့်ဖြင့် အခြေခံစွမ်းအား ထုတ်လွှတ်မှုကို ၄ ဆ အထိ မြှင့်တင်ပေးနိုင်ခြင်းပင်။ ဆိုလိုသည်မှာ တန် ၃၂၀ နှင့် ညီမျှသော တိုက်ခိုက်ရေးစွမ်းအားကို ထုတ်လွှတ်နိုင်မည် ဖြစ်သည်။</p> <p style="text-align:justify">ဤသည်က လုံးဝကို ဖျက်ဆီးပစ်နိုင်လောက်သော တိုက်ခိုက်မှုမျိုးပင်။ အဆင့်E ၏ ပဉ္စမအဆင့် စစ်သည်တော်တစ်ဦး၏ အစွမ်းကုန် တိုက်ခိုက်မှုနှင့်ပင် နှိုင်းယှဉ်နိုင်ပေသည်။ ၎င်းမှာ ပြိုင်ဘက်က အစွမ်းထက်သော တိုက်ခိုက်ရေးပညာရပ်များကို အသုံးမပြုဘူးဟု ယူဆထားသော အခြေအနေမျိုးတွင်သာ ဖြစ်လေသည်။ </p> <p style="text-align:justify"> </p> <p style="text-align: center;">***</p>


Save