Book List

<h2 style="text-align: center;">အခန်း (၂၇)</h2> <h2 style="text-align: center;">ကျောင်းထွက်ခြင်း</h2> <h2 style="text-align: center;">*</h2> <p> </p> <p style="text-align:justify">ထိုစကားကို ကြားသောအခါ လျိုချင်းဆုန့်က သူ၏ ထိုင်ခုံမှ ချက်ချင်း မတ်တတ်ရပ်လိုက်မိသည်။ လုချန်အား မယုံနိုင်စွာ စိုက်ကြည့်နေသည်။ </p> <p style="text-align:justify">"မင်း ပါရမီနိုးထလာတာ လွန်ခဲ့တဲ့ နှစ်ရက်ကမှလေ... အခု မင်းက စစ်သည်တော်စစ်စစ် ဖြစ်နေပြီလား"</p> <p style="text-align:justify">သူက စကားပင် မပြောနိုင်တော့ပေ။ သူ၏ ရင်ထဲမှ တုန်လှုပ်မှုက စကားလုံးများဖြင့် ဖော်ပြ၍မရနိုင်လောက်အောင်ပင်။ ဤလောကတွင် ဤကဲ့သို့သောအရာမျိုး ဖြစ်လာနိုင်လိမ့်မည်ဟု သူ လုံးဝ မယုံကြည်နိုင်ခဲ့ပေ။ </p> <p style="text-align:justify">“ပညာရေးလောကတွင် နှစ်ပေါင်းများစွာ အတွေ့အကြုံရှိခဲ့သောသူ” <br /> “ထို့အပြင် အဆင့်E ၏ ဆဋ္ဌမအဆင့် စစ်သည်တော်တစ်ဦး ဖြစ်နေသော သူ...” </p> <p style="text-align:justify">ဤကဲ့သို့သော ဖြစ်ရပ်မျိုးကို တစ်ခါမှပင် မကြားဖူးခဲ့ပေ။ ယခု လုချန်က ဒီအရာတွေအားလုံးက အမှန်တကယ်ပဲလို့ သူ့ကို လာပြောနေသည်တဲ့လား။  လျိုချင်းဆုန့်က စားပွဲပေါ်ရှိ အနက်ရောင်ကတ်ပြားကို စိုက်ကြည့်နေသည်။ ဤသည်မှာ တရားဝင် စစ်သည်တော်တစ်ဦးဖြစ်ကြောင်း သက်သေပြနိုင်သည့် အထောက်အထား လက်မှတ်ပင်။ </p> <p style="text-align:justify">သူက ရုတ်တရက် သဘောပေါက်သွားသည်။ လုချန်က သာမန် ပါရမီရှင်တစ်ယောက် မဟုတ်ပေ။ နှစ်တစ်ထောင်မှာမှ တစ်ခါသာ ပေါ်ထွက်လာတတ်တဲ့ မည်သူမျှ မယှဉ်သာတဲ့ ပါရမီရှင်မျိုးပင်။ </p> <p style="text-align:justify">သမိုင်းကို ပြန်လည်ရေးသားနိုင်စွမ်းရှိတဲ့ နဂါးစစ်စစ် တစ်ကောင်ပင်။</p> <p style="text-align:justify">“ဒီအကြောင်းကို ငါသာ စောစော သိခဲ့မယ်ဆိုရင် သူ့အထက်လူကြီးတွေဆီကို ချက်ချင်း သတင်းပို့မှာပဲ... ဒီအတွက် သူတို့က ဂုဏ်ပြုဆုတွေနဲ့ ရာထူးတိုးတာတွေ ရနိုင်တယ်...” </p> <p style="text-align:justify">“ဒါပေမဲ့ အခုတော့ ဘာပြောပြော နောက်ကျသွားခဲ့ပြီ...” </p> <p style="text-align:justify">ကျောင်းထွက်ခွင့် လုပ်ငန်းစဉ်များက အလွန်ချောမွေ့စွာ ပြီးဆုံးသွားသည်။ ရုံးခန်းအဆောက်အအုံထဲမှ ထွက်လာသောအခါ ကျန်းကော်ကို ကျောင်းဆေးခန်းမှ ခေါ်ထုတ်သွားပြီဖြစ်ကြောင်း လုချန် သတိပြုမိလိုက်သည်။ ကျောင်းသားများက သူ့ကို ကြည့်နေကြသော အကြည့်များကလည်း ကြောက်ရွံ့မှုနှင့် ကြည်ညိုလေးစားမှုများဖြင့် ပြည့်နှက်နေကြသည်။ </p> <p style="text-align:justify">သူ လျှောက်လာသည်ကို မြင်သောအခါ လူတိုင်းက ဘေးသို့ ဖယ်ပေးကြသည်။ သူ့အတွက် လမ်းဖယ်ပေးကြသည်။ ယခုတော့ မည်သူကမှ သူ၏ လမ်းကို ပိတ်ရပ်ရဲခြင်း မရှိတော့ပေ။ </p> <p style="text-align:justify">သူက ကားပါကင်ဆီသို့ လျှောက်သွားလိုက်သည်။ သို့သော် ကားပေါ်တက်တော့မည့်ဆဲဆဲတွင် ရင်းနှီးနေသော ပုံရိပ်တစ်ခု သူ့ဆီသို့ လျှောက်လာသည်ကို ရုတ်တရက် သတိပြုမိလိုက်သည်။ </p> <p style="text-align:justify">“လော့နျန်ဝေ...”</p> <p style="text-align:justify">သူမက အနည်းငယ် ပြုံးပြလိုက်သည်။ </p> <p style="text-align:justify">"ခုနက ဖြစ်သွားတဲ့ ကိစ္စတွေကို ငါ ကြားပြီးပြီ" </p> <p style="text-align:justify">သူမက စကားစလိုက်သည်။ သူမ၏ အသံက အမြဲတမ်းလိုလို နူးညံ့သိမ်မွေ့နေဆဲပင်။</p> <p style="text-align:justify">"လုချန်... နင်က အရမ်းတော်တာပဲ... နင် ဒီလောက် အစွမ်းထက်တယ်ဆိုတာ ငါ တစ်ခါမှ မသိခဲ့ဘူး"</p> <p style="text-align:justify">လုချန်က ခေါင်းအနည်းငယ် ခါယမ်းလိုက်ပြီး ရယ်မောလိုက်သည်။ </p> <p style="text-align:justify">"ငါ့အကြောင်း မပြောပါနဲ့ဟာ... တကယ်တမ်းကျတော့ နင်ကမှ တကယ့်ကို ထူးချွန်တာပါ... ဝိညာဉ်စွမ်းရည်ကိုတောင် နိုးထနိုင်ခဲ့တယ်လေ... နောက်ထပ် ဘာအစီအစဉ်တွေ ရှိသေးလဲ"</p> <p style="text-align:justify">လော့နျန်ဝေက ခေါင်းညိတ်လိုက်သည်။ ထို့နောက် တည်ငြိမ်စွာ ပြန်ဖြေသည်။ </p> <p style="text-align:justify">"မဟာမိတ်အဖွဲ့ရော၊ စတားဒူး အကယ်ဒမီကပါ ငါ့ကို ကမ်းလှမ်းခဲ့ကြတယ်... နည်းနည်းလောက် စဉ်းစားကြည့်ပြီးတဲ့နောက်မှာတော့ ငါ စတားဒူး အကယ်ဒမီကို ဝင်ဖို့ ဆုံးဖြတ်လိုက်တယ်"</p> <p style="text-align:justify">"စာမေးပွဲ အောင်သရွေ့... သိုင်းပညာ အရည်အချင်းစစ် စာမေးပွဲ ဖြေစရာမလိုဘဲ တိုက်ရိုက် ဝင်ခွင့်ရနိုင်တယ်လေ"</p> <p style="text-align:justify">"နင်ကရော"</p> <p style="text-align:justify">"ငါက အခုလေးတင် ကျောင်းထွက်လိုက်ပြီ" </p> <p style="text-align:justify">လုချန်က ပြောလိုက်သည်။ "ငါက အချိန်ပြည့် စစ်သည်တော်တစ်ယောက် ဖြစ်ချင်လို့"</p> <p style="text-align:justify">လော့နျန်ဝေက အံ့အားသင့်စွာ မျက်တောင်ခတ်လိုက်သည်။ ထို့နောက် ရိုးသားစွာပင် ဆုတောင်းစကား ဆိုလေသည်။</p> <p style="text-align:justify">"ဒါဆိုရင်လည်း... ဂုဏ်ယူပါတယ်ဟာ... တစ်နေ့နေ့ ထိပ်ဆုံးရောက်တဲ့အခါ ငါတို့ ပြန်ဆုံတွေ့နိုင်မယ်လို့ မျှော်လင့်ပါတယ်"</p> <p style="text-align:justify">သူတို့၏ အတိုချုံး စကားဝိုင်းလေးက လျင်မြန်စွာပင် ပြီးဆုံးသွားခဲ့သည်။ လုချန်က အိမ်ပြန်ရောက်လာသည်။ သူ မသိခဲ့သည့် အရာတစ်ခုကတော့ ကျန်းမိသားစုက သူ့ကို ဆန့်ကျင်တိုက်ခိုက်ရန် စတင် လှုပ်ရှားနေပြီဆိုတာပင်။ သို့သော် သူ သိခဲ့လျှင်တောင်မှ ဂရုစိုက်မည် မဟုတ်ပေ။ </p> <p style="text-align:justify">ကျန်းမိသားစုဆိုတာကို ထားလိုက်တော့။ ကျန်းမိသားစု၏ အဓိက အားထားရဆုံး ကျားကန်တိုင်ကြီးဖြစ်တဲ့ ကျန်းဖေးဟုန်း ဆိုရင်တောင်မှပေါ့။</p> <p style="text-align:justify">အဆင့်E စစ်သည်တော် သူကိုယ်တိုင် ဝင်ပါလာရင်တောင်မှ လုချန်က ဒုတိယအကြိမ် ပြန်တွေးကြည့်ဖို့တောင် အချိန်ပေးမှာ မဟုတ်ပေ။ အိမ်ပြန်ရောက်ပြီးနောက် လုချန်က ခြံဝင်းထဲသို့ ထွက်လာခဲ့သည်။ ဓားကို ဆွဲထုတ်လိုက်သည်။ ဝိညာဉ်စွမ်းရည်ဖြစ်သော အမြင့်ဆုံးအဆင့် နားလည်သဘောပေါက်နိုင်စွမ်းကို ဖွင့်လိုက်သည်။ ထို့နောက် ကောင်းကင်ခွဲ နတ်ဓားသိုင်းကို စတင် လေ့ကျင့်လေတော့သည်။ </p> <p style="text-align:justify">သူ၏ မိဘများဖြစ်သော လုယွမ်နှင့် ဆုန့်ယွဲတို့က သူနှင့်အတူ အချိန်ဖြုန်းရန် ရှားရှားပါးပါး တစ်ရက် အလုပ်နားခဲ့ကြသည်။ သို့သော် လုချန်၏ ပြင်းထန်သော တိုက်တွန်းမှုကြောင့် သူတို့ ခြေလျင်လျှောက်ထွက်သွားရုံမှတစ်ပါး အခြားရွေးချယ်စရာ မရှိခဲ့ပေ။ လုချန် တစ်ယောက်တည်း အိမ်မှာကျန်ရစ်ခဲ့ပြီး ဓားလေ့ကျင့်နေခဲ့သည်။ </p> <p style="text-align:justify">မွန်းတည့်ချိန်မှသည် ညဘက်အထိ လုချန်က မနားတမ်း လေ့ကျင့်နေခဲ့သည်။ ဓားဝှေ့ယမ်းလိုက်တိုင်း တစ်ချက်ထက်တစ်ချက် ပို၍ ထက်မြက်လာသည်။ လှုပ်ရှားမှုတိုင်းနှင့် ကိုယ်နေဟန်ထားတိုင်းက လေထုကို ထိုးခွဲပစ်နိုင်သည့်အလားပင်။ သူ၏ အသက်ရှူနှုန်းက တည်ငြိမ်နေပြီး မျက်လုံးများက ခိုင်မာပြတ်သားနေသည်။ စိတ်ဆန္ဒက အနည်းငယ်မျှပင် ယိမ်းယိုင်မသွားခဲ့ပေ။。</p> <p style="text-align:justify">[ဓားရည်ရွယ်ချက် အဆင့်-၇]</p> <p style="text-align:justify">ဖော်ပြရခက်သော စွမ်းအားတစ်ခုက ဓားဆီမှ စုစည်းထွက်ပေါ်လာသည်။ လုချန် ချက်ချင်းပင် လုပ်နေတာတွေကို ရပ်တန့်လိုက်သည်။ သူ၏ ရင်ဘတ်ထဲတွင် နှလုံးသားတစ်ခုလုံး ခုန်ပေါက်နေသည်။ ဓားရည်ရွယ်ချက် အဆင့်၇ ဆိုလိုသည်မှာ သူ၏ အခြေခံခွန်အားကို ၈ ဆ အထိ မြှင့်တင်ပေးနိုင်ပြီ ဖြစ်သည်။ </p> <p style="text-align:justify">‘တကယ့်ကို ကြောက်မက်ဖွယ်ကောင်းတဲ့ ကိန်းဂဏန်းပဲ...”</p> <p style="text-align:justify">မဟာမိတ်အဖွဲ့၏ ဝက်ဘ်ဆိုက်တစ်ခုလုံးတွင် ယွမ် ဘီလီယံ ၁၂၀ ကျော် တန်ကြေးရှိသော ကောင်းကင်ခွဲ ဓားသိုင်း နှင့် နတ်အနှစ်သာရ ဓားသိုင်း ကဲ့သို့သော ထိပ်တန်း ဓားသိုင်းပညာရပ်များသာ ရှိသည်။ ထိုပညာရပ်များကို ကျင့်ကြံမှု အထွတ်အထိပ်သို့ ရောက်ရှိပြီးမှသာ မိမိ၏ စွမ်းအားကို ၁၀ ဆ အထိ မြှင့်တင်နိုင်ခြေ ရှိလေသည်။ </p> <p style="text-align:justify">အခုတော့ လုချန်က အခြေခံအကျဆုံး ဓားသိုင်းပညာရပ်များကိုသာ အသုံးပြု၍ ထိုအဆင့်နားသို့ ကပ်လာနိုင်ခဲ့ပြီ ဖြစ်သည်။ သို့သော်ငြားလည်း သူက အပြည့်အဝတော့ မကျေနပ်သေးပေ။ </p> <p style="text-align:justify">"အမြင့်ဆုံးအဆင့် နားလည်သဘောပေါက်နိုင်စွမ်း ရှိနေတာတောင်မှ... ဒီလောက် အကြာကြီး လေ့ကျင့်ပြီးတာတောင် ဓားရည်ရွယ်ချက် သတ္တမအဆင့်ကိုပဲ ရောက်သေးတယ်..."</p> <p style="text-align:justify">သူက မိမိကိုယ်ကို တီးတိုးရေရွတ်လိုက်သည်။ ချွေးသီးချွေးပေါက်များက သူ၏ နဖူးပေါ်မှ စီးကျလာသည်။ </p> <p style="text-align:justify">"ငါ့မှာ ဓားသိုင်းလမ်းစဉ်အတွက် တကယ်ပဲ ပါရမီ မရှိတာများလား"</p> <p style="text-align:justify">“ဖြစ်နိုင်တာက စကြဝဠာရဲ့ တစ်နေရာရာမှာ မဟုတ်ရင် အဲဒီအဆင့်မြင့်ယဉ်ကျေးမှုရဲ့ ထောင့်တစ်နေရာရာမှာ မျက်တောင်တစ်ခတ်စာ အချိန်လေးအတွင်း ဓားရည်ရွယ်ချက် ၁၀ ဆင့်ကို နားလည်သဘောပေါက်နိုင်တဲ့ မယှဉ်သာတဲ့ ပါရမီရှင်တွေ ရှိနေနိုင်တယ်...” </p> <p style="text-align:justify">အကယ်၍ ဓားသိုင်းကျင့်ကြံသူ တစ်ယောက်ယောက်သာ လုချန်၏ ဤအတွေးများကို ကြားလိုက်ရလျှင် သူတို့ ဒေါသထွက်လွန်းလို့ သွေးအန်သွားနိုင်သည်။ ဟင်းလင်းပြင်ကို ဖြတ်ကျော်လာပြီး သူ့ကို နေရာအရောက်မှာတင် လာသတ်သွားလောက်သည်။ </p> <p style="text-align:justify">တစ်ရက်တည်းနဲ့ ဓားရည်ရွယ်ချက် ၇ ဆင့်ကို နားလည်သဘောပေါက်တာကိုပဲ တုံးအလွန်းတယ်လို့ ခေါ်နေသည်လား။ ဒါဆို တစ်သက်လုံး ဓားရည်ရွယ်ချက်ဆိုတဲ့ နယ်ပယ်ကို အစအနလေးတောင် မထိတွေ့ဖူးတဲ့ ဓားသိုင်းကျင့်ကြံသူတွေကိုကျတော့ ဘယ်လိုလုပ်ရမလဲ။</p> <p style="text-align:justify">ဓားသိုင်းကျင့်ကြံသူ အများစုအတွက် တိုက်ခိုက်ရေးစွမ်းအားကို ရာခိုင်နှုန်းအနည်းငယ်လောက် မြှင့်တင်ပေးနိုင်တဲ့ ဓားသိုင်းပညာရပ်တစ်ခုကို နားလည်သဘောပေါက်နိုင်ရုံနဲ့တင် တော်တော်လေးကို ထူးချွန်နေပြီလို့ သတ်မှတ်လို့ ရနေသည်။ တိုက်ခိုက်ရေးစွမ်းအားကို တိုက်ရိုက် နှစ်ဆ တိုးပေးနိုင်တဲ့ ဓားရည်ရွယ်ချက်ဆိုရင်တော့ ကျွမ်းကျင်တဲ့ ဓားသမားတွေကြားမှာတောင် ဒီအဆင့်က ဒဏ္ဍာရီတစ်ခုလို ဖြစ်နေပြီလေ။ </p> <p style="text-align:justify">နဖူးမှ ချွေးများကို သုတ်ဖယ်ပြီးနောက် လုချန်က သူ၏ အခန်းထဲသို့ ပြန်ဝင်လာခဲ့သည်။ ရေမြန်မြန် ချိုးလိုက်သည်။ ထိုအချိန်မှာပင် သူ၏ ဖုန်း မြည်လာသည်။ မန်နေဂျာချိုက်ထံမှ ဖုန်းခေါ်ဆိုမှုပင်။ </p> <p style="text-align:justify">"လုချန်" </p> <p style="text-align:justify">တစ်ဖက်မှ သူ၏ အသံကို ရှင်းလင်းပြတ်သားစွာ ကြားလိုက်ရသည်။ </p> <p style="text-align:justify">"မင်း စိတ်ကြိုက်အော်ဒါမှာထားတဲ့ ဓား ပြီးသွားပြီ... မနက်ဖြန် မဟာမိတ်အဖွဲ့ရုံးမှာ လာစစ်ဆေးပါ" </p> <p style="text-align:justify">"ပြီးတော့ မင်းရဲ့ ပထမဆုံး မစ်ရှင်အတွက် သင့်တော်မယ့် အမဲလိုက်အဖွဲ့ တစ်ဖွဲ့ကိုလည်း ငါ ရွေးချယ်ပေးထားပြီးပြီ"</p> <p style="text-align:justify">လုချန်၏ နှလုံးသားက ရုတ်တရက် ခုန်ပေါက်သွားသည်။ ထိုအရာက သူ အိပ်မက်မက်နေခဲ့ရတဲ့ အခိုက်အတန့်ပင်။</p> <p style="text-align:justify">“စွန့်စားခန်းတွေထွက်ပြီး သားရဲတွေကို အမဲလိုက်မယ်...”</p> <p style="text-align:justify">“ငါတို့ အဲဒီကို ရောက်တော့မယ်...”</p> <p style="text-align:justify">ဖုန်းခေါ်ဆိုမှု ပြီးဆုံးသွားသည်။ သူက အခန်းထဲတွင် တိတ်ဆိတ်စွာ ထိုင်နေလိုက်သည်။ ဝိညာဉ်စွမ်းအင်များ ဖြန့်ကြက်လိုက်သည်။</p> <p style="text-align:justify">ချက်ချင်းပင် ကြီးမားလှသော ဝိညာဉ်စွမ်းအားလှိုင်းကြီးက ဒီရေလှိုင်းတစ်ခုလို လွှမ်းခြုံထွက်ပေါ်လာသည်။ ၅ ကီလိုမီတာနီးပါး ကျယ်ဝန်းသော ဧရိယာတစ်ခုလုံးကို ဖုံးလွှမ်းသွားသည်။ သူက အံ့အားသင့်သွားသည်။ </p> <p style="text-align:justify">သူ၏ ခွန်အားက ၂ ဆ သာ တိုးလာခဲ့သည်။ သို့သော် အာရုံခံနိုင်စွမ်း အကွာအဝေးကတော့ ၄ ဆ အထိ တိုးလာခဲ့လေသည်။ သူက ပိုမိုများပြားသော အရာဝတ္ထုများကို စိတ်စွမ်းအားဖြင့် ထိန်းချုပ်နိုင်ရန် ကြိုးစားကြည့်လိုက်သည်။ သို့သော် အလုပ်မဖြစ်ခဲ့ပေ။ </p> <p style="text-align:justify">"စိတ်စွမ်းအား တိုးတက်လာမှုက အဆပေါင်းများစွာ တိုးလာတာနဲ့တင် သက်ဆိုင်နေတာ မဟုတ်ဘူးထင်တယ်"</p> <p style="text-align:justify">"ဖြစ်နိုင်တာက... ငါ့ရဲ့ စိတ်စွမ်းအားက အရေးကြီးတဲ့ အလှည့်အပြောင်း တစ်ခုကို ရောက်နေပြီ...  ထိန်းချုပ်နိုင်စွမ်း မြင့်တက်လာဖို့ အရည်အသွေးပိုင်းဆိုင်ရာ အပြောင်းအလဲတစ်ခု လိုအပ်နေပုံရတယ်..."</p> <p style="text-align:justify">လုချန်က နက်နက်ရှိုင်းရှိုင်း တွေးတောနေမိသည်။ ကုတင်ဘေးရှိ ဓားအိမ်ထဲမှ အနက်ရောင် ဓားပျံ ဆယ်လက်ကို သူ လှမ်းကြည့်လိုက်သည်။ သူ၏ စိတ်စွမ်းအင်များဖြင့် ၎င်းတို့ကို လွှမ်းခြုံလိုက်သည်။ ဓားပျံများက လေထဲသို့ မြှောက်တက်လာသည်။ ထို့နောက် ၎င်းတို့က တိတ်ဆိတ်စွာဖြင့် လှည့်ပတ်နေကြသည်။ အရှိန်က ပို၍ ပို၍ မြန်ဆန်လာသည်။ ထို့နောက် ဓားပျံများက တစ်လက်ပြီးတစ်လက် အလင်းတန်းများအဖြစ် ပြောင်းလဲသွားကာ အခန်းထဲမှနေ၍ အရှိန်အဟုန်ဖြင့် ပစ်လွှတ်လိုက်သည်။</p> <p style="text-align:justify">“ဘန်း...”</p> <p style="text-align:justify">တစ်စက္ကန့်လျှင် မီတာ ၂၀၀ အမြန်နှုန်းဖြင့် ပျံသန်းသွားသောအခါ ထိုအရာက အသံထက်မြန်သော ပေါက်ကွဲမှုကို တိုက်ရိုက် ဖြစ်ပေါ်စေခဲ့သည်။ ရုတ်တရက် လုချန်၏ ခေါင်းထဲတွင် အတွေးအသစ်တစ်ခု လင်းလက်သွားသည်။ </p> <p style="text-align:justify">"ငါက လေးလံတဲ့ အရာဝတ္ထုတွေကို စိတ်စွမ်းအားနဲ့ မြှောက်တင်နိုင်တယ်ဆိုရင်... ငါ့ကိုယ်ငါရော စိတ်စွမ်းအားနဲ့ မြှောက်တင်လို့ မရနိုင်ဘူးလား"</p> <p style="text-align:justify">သူက သစ်သားဓားကို မြေပြင်ပေါ်တွင် ပြားပြားဝပ်ဝပ် ချထားလိုက်သည်။ ထို့နောက် ၎င်းအပေါ်သို့ သတိထားကာ နင်းလိုက်သည်။ ဖြည်းဖြည်းချင်း သူ၏ ကိုယ်ပိုင် စိတ်စွမ်းအင်များဖြင့် ဓားကို လွှမ်းခြုံလိုက်သည်။ ဓားက ဖြည်းညင်းစွာ မြင့်တက်လာသည်။ </p> <p style="text-align:justify">ထို့နောက် သူ၏ ခန္ဓာကိုယ်ကလည်း အထက်သို့ စတင် မြင့်တက်လာလေတော့သည်။ </p> <p style="text-align:justify"> </p> <p style="text-align: center;">***</p>


Save