Book List

<h2 style="text-align: center;">အခန်း (၅၆၉)</h2> <h2 style="text-align: center;">မိစ္ဆာသိုင်းဆရာကြီး။ ကောင်းကင်သို့ ပျံတက်သွားသော မြားတစ်စင်း။ (၁)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>“သူတို့က အသက်ခြွေအဖွဲ့အစည်းက လူတွေပဲ...”</p> <p> </p> <p>စူးချန်ခုန်း၏ နှလုံးသားမှာ ထိန်းချုပ်မရသော လေးလံမှုကို ခံစားလိုက်ရသည်။ ဝတ်ရုံခြုံထားသော အဖိုးအိုမှာ အခြားသူမဟုတ်၊ ယခင်က 'ကျောက်နက်တောင်တန်း' တွင် သူနှင့် ဆုံတွေ့ခဲ့ဖူးသော အသက်ခြွေအဖွဲ့အစည်း၏ အနက်ရောင်ဝတ်ရုံ တမန်တော် 'ချီကျင်း' ပင် ဖြစ်သည်။</p> <p> </p> <p>ထိုစဉ်က စူးချန်ခုန်းသည် ချီကန်းကို သတ်ဖြတ်ကာ ကြောက်မက်ဖွယ် တိုက်ခိုက်ရေးစွမ်းရည်ကို ပြသခဲ့သဖြင့် ဝတ်ရုံခြုံအဖိုးအိုမှာ ခိုထော့နှင့်အတူ ထွက်ပြေးခဲ့ရသည်။ ယခုမူ ဝတ်ရုံခြုံအဖိုးအိုသည် ပြန်လည်ရောက်ရှိလာပြီး သူနှင့်အတူ မရင်းနှီးသော ဆံပင်ဖြူနှင့် လူတစ်ဦးကိုပါ ခေါ်ဆောင်လာခဲ့သည်။ စူးချန်ခုန်းသည် အဆိပ်တစ်ရာ အဖိုးအိုကို ရှာဖွေရန် နတ်ပိုးချည်မျှင်များကို အသုံးပြုနေစဉ်မှာပင် ဤလျှို့ဝှက် ပုန်းအောင်းနေသူ နှစ်ဦးကိုပါ တိုက်ဆိုင်စွာ ရှာဖွေတွေ့ရှိခဲ့ခြင်း ဖြစ်သည်။ ဝတ်ရုံခြုံအဖိုးအိုမှာ တစ်ကြောင်းဆိုသော်လည်း ထိုဆံပင်ဖြူနှင့် လူမှာမူ အလွန်အမင်း ကြောက်စရာကောင်းလှသည်။</p> <p> </p> <p>သူသည် သူ၏ အရှိန်အဝါကို တမင်တကာ ဖုံးကွယ်ထားခြင်း မရှိသလို တမင်ထုတ်လွှတ်နေခြင်းလည်း မရှိပေ။ ထိုနေရာတွင် သာမန်ကာလျှံကာ ရပ်နေရုံမျှဖြင့်ပင် အလွန်အမင်း ထိတ်လန့်ဖွယ် ခံစားချက်ကို ပေးစွမ်းနေသည်။</p> <p> </p> <p>“ခုနက အဲဒါက မိစ္ဆာအတတ်လား... သူတို့က မိစ္ဆာလူသားတွေလား။ တကယ်ကို ကြောက်စရာကောင်းလိုက်တာ... ငါ့ခြေထောက်တွေ ဘာလို့ တုန်နေရတာလဲ။ အဲဒီဆံပင်ဖြူနဲ့ လူက ဘယ်လို မိစ္ဆာမျိုးလဲဟ။”</p> <p> </p> <p>တွမ်မုဟယ်၏ နှလုံးသားထဲတွင် အေးစိမ့်မှုကို ခံစားလိုက်ရသည်။ အရိပ်ထဲမှ ထွက်ပေါ်လာသူများမှာ မိစ္ဆာသိုင်းပညာရှင်များ ဖြစ်ကြပြီး နှစ်ဦးစလုံးမှာ အလွန် ကြောက်မက်ဖွယ်ကောင်းသော အရှိန်အဝါများ ရှိနေသည်ကို သူ သိလိုက်သည်။ အထူးသဖြင့် ဆံပင်ဖြူနှင့် လူမှာ အလွန် ကြောက်စရာကောင်းလှသဖြင့် သူ၏ နှလုံးသား အောက်ခြေမှနေ၍ အလိုလို ကြောက်ရွံ့လာကာ ခြေထောက်များပင် တုန်ယင်လာခဲ့သည်။ ထွမ်မုဟယ်သည် မူလနယ်ပယ်သိုင်းပညာရှင် တစ်ဦး ဖြစ်သော်လည်း ထိုဆံပင်ဖြူနှင့် လူ၏ အရှိန်အဝါ အနည်းငယ်ကို ခံစားမိရုံမျှဖြင့်ပင် ရင်ဆိုင်တိုက်ခိုက်လိုသော သတ္တိများ လုံးဝ ပျောက်ဆုံးသွားခဲ့သည်။</p> <p> </p> <p>“ဒါက... ငါ့အဖေတောင်မှ သေချာပေါက် အနိုင်ရမယ်လို့ မပြောနိုင်တဲ့ မိစ္ဆာလူသားမျိုးပဲ။”</p> <p> </p> <p>ထွမ်မုဟယ်သည် တံတွေးကို အနိုင်နိုင် မျိုချလိုက်ရသည်။ သူ၏ အဖေဖြစ်သူ ထွမ်မုထောင်းမှာ မိစ္ဆာနှိမ်နင်းရေးဌာန၏ အကြီးအကဲဖြစ်ပြီး သိုင်းဝိဇ္ဇာသူတော်စင် အဆင့်အောက်တွင် ပြိုင်ဘက်ကင်းလုနီးပါး သန်မာသူ ဖြစ်သည်။ သို့သော် ထွမ်မုဟယ်၏ အာရုံခံစားမှုအရ ဤဆံပင်ဖြူနှင့် လူမှာ သူ၏ အဖေ ထွမ်မုထောင်းကဲ့သို့ပင် အဆင့်တူညီသော ကြောက်မက်ဖွယ် စွမ်းအားရှင် တစ်ဦး ဖြစ်နေသည်။ ဤကဲ့သို့သော စွမ်းအားရှင်ကြီးက သူ့အတွက် ရောက်လာတာလား။</p> <p> </p> <p>သို့သော် ထွမ်မုဟယ်မှာ အလွန်အမင်း စိုးရိမ်လွန်နေခြင်းသာ ဖြစ်သည်။ ထိုဆံပင်ဖြူနှင့် လူမှာ သူ့ကို တစ်ချက်ကလေးမျှပင် လှည့်မကြည့်ဘဲ စူးချန်ခုန်းကိုသာ စိတ်ဝင်တစား စူးစမ်းနေကာ “မင်းက တာ့ဝူဖုန်းလား။ တကယ်ကို မဆိုးဘူးပဲ... မင်းရဲ့ အသက်ဓာတ်က အရမ်းကို ငယ်သေးတယ်။ အများဆုံး အသက် ၄၀ ထက် မပိုဘူး။ ခုနက မင်းပြလိုက်တဲ့ အကွက်က တကယ်ကို နက်နဲလွန်းတယ်။”</p> <p> </p> <p>ထွမ်မုဟယ်၏ တင်းမာမှုနှင့် မတူဘဲ ဆံပင်ဖြူနှင့် လူမှာ ပန်းခြံအတွင်း လမ်းလျှောက်နေသကဲ့သို့ အေးဆေး တည်ငြိမ်နေသည်။ သူ၏ ရှေ့တွင်ရှိသော တာ့ဝူဖုန်းမှာ မူလဓာတ်ငါးပါး သိုင်းပညာရှင် ချီကန်းကို သတ်ဖြတ်ခဲ့သူ ဖြစ်ကြောင်း သိနေသော်လည်း သူ မတုန်လှုပ်ပေ။ ဤမိမိကိုယ်ကိုယ် ယုံကြည်မှုမှာ သူ၏ ကိုယ်ပိုင်အင်အားအပေါ် ယုံကြည်မှုမှ မြစ်ဖျားခံလာခြင်း ဖြစ်သည်မှာ သေချာပါသည်။</p> <p> </p> <p>“ခင်ဗျားက ဘယ်သူလဲ။” စူးချန်ခုန်းက လေးနက်သော အသံဖြင့် မေးလိုက်သည်။</p> <p> </p> <p>ဆံပင်ဖြူနှင့် လူက အနည်းငယ် ပြုံးပြလိုက်ရာ အလွန်ပင် ရင်းနှီးဖော်ရွေပုံ ပေါ်ပင်။ “ငါ့နာမည်က ထန်ယို့”</p> <p> </p> <p>“ထန်ယို့.. နှလုံးရွှင်ဂိုဏ်းရဲ့ ဂိုဏ်းချုပ် ထန်ယို့လား။”</p> <p> </p> <p>ထိုအမည်ကို ကြားလိုက်ရသဖြင့် ထွမ်မုဟယ်၏ နှလုံးသားမှာ ပိုမို အေးစိမ့်သွားသည်။ ဤအမည်မှာ အလွန် ကျော်ကြားလှသော်လည်း အကောင်းဘက်မှ မဟုတ်ဘဲ အဆိုးဘက်မှ ကျော်ကြားခြင်း ဖြစ်သည်။ လွန်ခဲ့သော နှစ်ပေါင်း ၄၀ ခန့်ကပင် ထန်ယို့မှာ မဟာမီးလျှံအင်ပါယာတွင် ထင်ရှားသူတစ်ဦး ဖြစ်ခဲ့သည်။ အကြောင်းမှာ သူသည် ပထမတန်းစား နှလုံးရွှင်ဂိုဏ်း၏ ဂိုဏ်းချုပ်ဖြစ်ပြီး အလွန် သန်မာလှသော မူလဓာတ်ငါးပါး သိုင်းပညာရှင်တစ်ဦး ဖြစ်သောကြောင့်ပင်။</p> <p> </p> <p>သို့သော် ထန်ယို့သည် ရက်စက်ကြမ်းကြုတ်သော လုပ်ရပ်တစ်ခုကို ကျူးလွန်ခဲ့သည်။ သူသည် သူ၏ ဂိုဏ်းရှိ အကြီးအကဲ အားလုံးကို သတ်ဖြတ်ခဲ့ပြီး ဂိုဏ်း၏ ဝိညာဉ်သွေးကြောများကို ဖြတ်တောက်ခဲ့ရာ နှလုံးရွှင်ဂိုဏ်းမှာ သမိုင်းမြေမှုန့်များကြားတွင် ပျောက်ကွယ်သွားခဲ့ရသည်။ သူသည် အသက်ခြွေအဖွဲ့အစည်းသို့ ဝင်ရောက်ရန် သူ၏ သစ္စာရှိမှုကို ပြသသည့်အနေဖြင့် ဤသို့ လုပ်ဆောင်ခဲ့ခြင်း ဖြစ်သည်။ ထိုအချိန်မှစ၍ ထန်ယိုမှာ လူမြင်ကွင်းမှ ပျောက်ကွယ်သွားခဲ့သော်လည်း အမှန်တကယ်တွင်မူ သူသည် အသက်ခြွေအဖွဲ့အစည်းသို့ ဝင်ရောက်သွားခဲ့ခြင်း ဖြစ်သည်။</p> <p> </p> <p>သူကိုယ်တိုင်က မူလဓာတ်ငါးပါး သိုင်းပညာရှင် တစ်ဦး ဖြစ်ခဲ့ရာ အသက်ခြွေအဖွဲ့အစည်းသို့ ဝင်ရောက်ပြီးနောက် မည်မျှ မြင့်မားသော အဆင့်အတန်းကို ရရှိထားမည်ကို ခန့်မှန်းကြည့်နိုင်ပါသည်။ လွန်ခဲ့သော နှစ်ပေါင်း ၄၀ ကပင် သူသည် မူလဓာတ်ငါးပါး သိုင်းပညာရှင်ဖြစ်နေခဲ့သည်။ အသက်ခြွေအဖွဲ့အစည်းသို့ ဝင်ရောက်ပြီးနောက် သူသည် အဆင့်မြင့် နတ်ဆိုးအမြုတေနှင့် အောင်မြင်စွာ ပေါင်းစပ်နိုင်ခဲ့ပုံရရာ ယခုမူ သူသည် သာမန်လူတို့၏ မျှော်မှန်းချက်ထက် များစွာ ပိုမို ကြောက်စရာကောင်းနေပြီ ဖြစ်သည်။</p> <p> </p> <p>“တာ့ဝူဖုန်း၊ မင်းက အရမ်း ငယ်သေးသလို အရမ်းလည်း ထူးချွန်တယ်။ အစကတော့ ငါ မင်းကို သတ်ဖို့ လာခဲ့တာပဲ။ ဒါပေမဲ့ အခုတော့ ငါ့စိတ်ပြောင်းသွားပြီ။ ငါတို့ရဲ့ အသက်ခြွေအဖွဲ့အစည်းကို ဝင်ဖို့ မင်းကို တရားဝင် ဖိတ်ခေါ်ပါတယ်။ မင်းရဲ့ အရည်အချင်းနဲ့ဆိုရင် အဖွဲ့ချုပ် အကြီးအကဲက မင်းကို အဆင့်မြင့် နတ်ဆိုးအမြုတေနဲ့ ပေါင်းစပ်ဖို့ ကူညီပေးလိမ့်မယ်လို့ ငါ ယုံကြည်တယ်။ တစ်ခါ အောင်မြင်သွားပြီဆိုရင် မင်းရဲ့ အောင်မြင်မှုနဲ့ အဆင့်အတန်းက ငါ့အောက် နိမ့်မှာ မဟုတ်ဘူး။” ဆံပင်ဖြူနှင့် ထန်ယို့က စူးချန်ခုန်းကို ချီးကျူးသော အကြည့်ဖြင့် ကြည့်နေသည်။</p> <p> </p> <p>“အကြီးအကဲ ထန်၊ သူက ကျွန်တော်တို့ လူတွေကို အများကြီး သတ်ခဲ့တာပါ... သူ့ကို လွှတ်ပေးလို့ မဖြစ်ပါဘူး။” ဝတ်ရုံနက် အဖိုးအိုက ဤစကားကို ကြားသောအခါ စိုးရိမ်တကြီး ပြောလိုက်သည်။</p> <p> </p> <p>ယခင်က အသက်ခြွေအဖွဲ့အစည်း၏ ဂိုဏ်းခွဲတစ်ခုတွင် စူးချန်ခုန်းသည် သူတို့၏ အစီအစဉ်များကို ဖျက်ဆီးခဲ့ပြီး ချီကန်းကို သတ်ဖြတ်ကာ ဂိုဏ်းခွဲတစ်ခုလုံးကို သုတ်သင်ခဲ့သည်။ အဖွဲ့ကြီးအနေဖြင့် ဤကိစ္စကို လွှတ်ထားမည် မဟုတ်သည်မှာ သေချာလှရာ အကြီးအကဲကောင်စီကိုပင် လှုပ်ခတ်သွားစေခဲ့ပြီး ကောင်စီဝင် ထန်ယို့ကိုယ်တိုင် ဤကိစ္စကို ကိုင်တွယ်ရန် လာရောက်ခဲ့ခြင်း ဖြစ်သည်။ စုံစမ်းစစ်ဆေးမှုများ ပြုလုပ်ပြီးနောက် ‘တာ့ဝူဖုန်း’ ကို အများဆုံး တွေ့ရတတ်သည့် ဖေးယွမ်မြို့ကို အသက်ခြွေအဖွဲ့အစည်းက ပစ်မှတ်ထားခဲ့ပြီး သူ့နောက်ကို အောင်မြင်စွာ ခြေရာခံနိုင်ခဲ့သည်။</p> <p> </p> <p>အနက်ရောင်ဝတ်စုံနှင့် လူများမှာ ထောင်ချောက်ဖြစ်မည်ကို စိုးရိမ်သဖြင့် ချက်ချင်း မတိုက်ခိုက်ခဲ့ကြပေ။ အကြောင်းမှာ တာ့ဝူဖုန်းသည် မိစ္ဆာနှိမ်နင်းရေးဌာန၏ ဒုတိယအကြီးအကဲနှင့် ဆက်နွှယ်မှု ရှိနေသောကြောင့်ပင်။ သူတို့သည် စူးချန်ခုန်း မဟာမီးလျှံ အင်ပါယာ နယ်စပ်မှ ထွက်ခွာပြီး နှစ်နိုင်ငံကြား နယ်နိမိတ်သို့ ရောက်သည်အထိ စိတ်ရှည်စွာ စောင့်ဆိုင်းခဲ့ကြသည်။ စူးချန်ခုန်းက သူတို့ ပုန်းအောင်းနေသည်ကို ထောက်ပြလိုက်ပြီးနောက် မိစ္ဆာနှိမ်နင်းရေးဌာနမှ အဆင့်မြင့် အရာရှိများ လျှို့ဝှက်စွာ ပါမလာသည်ကို သေချာမှသာ သူတို့ ကိုယ်ထင်ပြခဲ့ခြင်း ဖြစ်သည်။</p> <p> </p> <p>အကယ်၍ အခြားအချိန်သာ ဖြစ်ခဲ့ပါက 'တာ့ဝူဖုန်း' ကို အဖွဲ့ဝင်အဖြစ် သိမ်းသွင်းခြင်းမှာ ပြဿနာ မရှိသော်လည်း သူသည် အသက်ခြွေအဖွဲ့အစည်း၏ ဂိုဏ်းခွဲတစ်ခုကို ဖျက်ဆီးခဲ့သူ ဖြစ်ရာ တစ်စစီ ဆွဲဖြဲပစ်ရမည့် နာကျည်းချက်မျိုး ရှိနေသည်။</p> <p> </p> <p>သို့သော် ထန်ယို့၏ အေးစက်သော အကြည့်ကြောင့် ဝတ်ရုံနက် အဖိုးအိုမှာ တုန်ယင်သွားပြီး ချက်ချင်းပင် ပါးစပ်ပိတ်လိုက်ရသည်။ ထန်ယို့မှာ အပြင်ပန်းကြည့်ရသည်မှာ ရင်းနှီးဖော်ရွေပုံ ပေါ်သော်လည်း သူ၏ ကိုယ်ပိုင်ဂိုဏ်းကိုပင် ရက်စက်စွာ သုတ်သင်ခဲ့သူ ဖြစ်ရာ မည်မျှ သွေးအေးပြီး ရက်စက်သူဖြစ်ကြောင်း သူ ကောင်းကောင်း သိထားသည်။</p> <p> </p> <p>“ငါ သေချာသတိမထားခဲ့ဘူးပဲ...”</p> <p> </p> <p>စူးချန်ခုန်းက စိတ်ပျက်စွာဖြင့် သက်ပြင်းချလိုက်မိသည်။ သူသည် ‘တာ့ဝူဖုန်း’ ဟူသော အမည်ကို အကြိမ်ကြိမ် အသုံးပြုခဲ့သဖြင့် အာရုံစိုက်ခြင်း ခံခဲ့ရခြင်း ဖြစ်သည်။ အထူးသဖြင့် ထွမ်မုဟယ်နှင့်အတူ လိုက်ပါရန် သဘောတူခဲ့ခြင်းမှာ ရန်သူများအတွက် ခြေရာခံရန် အချက်အလက်များကို ပေးလိုက်သကဲ့သို့ ဖြစ်သွားခဲ့သည်။ အသက်ခြွေအဖွဲ့အစည်းက အကြီးအကဲအဆင့်ရှိ ပုဂ္ဂိုလ်တစ်ဦးကို စေလွှတ်လိုက်ခြင်းမှာ သူ့ကို အလွန် အလေးထားကြောင်း ပြသနေခြင်းပင်။</p> <p> </p> <p>အသက်ခြွေအဖွဲ့အစည်း၏ အကြီးအကဲများမှာ မိစ္ဆာသိုင်းပညာရှင်များ မဖြစ်မီကပင် မူလဓာတ်ငါးပညာရှင်များ ဖြစ်ကြပြီး အဆင့်မြင့် နတ်ဆိုးအမြုတေနှင့် ပေါင်းစပ်ပြီးနောက်တွင်မူ သာမန်လူတို့ စိတ်ကူးမယဉ်နိုင်သော စွမ်းအားများကို ပိုင်ဆိုင်ထားကြသူများ ဖြစ်သည်။</p> <p>***</p> <p> </p>


Save