Book List

<h2 style="text-align: center;">​အခန်း (၂၆၀)</h2> <h2 style="text-align: center;">စက်ရုပ်ကို အဆင့်မြှင့်တင်ခြင်း</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>​မကြာမီမှာပင် ယာဉ်တန်းသည် စစ်ဌာနချုပ် စခန်းကြီးအနီးသို့ ချဉ်းကပ်လာသည်။ ထိုအချိန်တွင် လင်းရှင်းဟိုင်သည် စခန်းကြီး၏ အဝင်ဝတွင် စာတန်းကြီးတစ်ခု ချိတ်ဆွဲထားသည်ကို အဝေးမှပင် လှမ်းမြင်လိုက်ရသည်။</p> <p>​"ပထမတပ်ရင်း၏ အောင်ပွဲရ ခရီးစဉ်မှ ပြန်လည်ရောက်ရှိလာမှုကို လှိုက်လှဲစွာ ကြိုဆိုပါသည်"</p> <p>​ရွှေရောင်တောက်နေသော စာတန်းကြီးမှာ အတော်လှမ်းလှမ်းကပင် မြင်သာလှသည်။ ထိုအခိုက်တွင် ကျန်ရှိနေသောသူများလည်း ထိုမြင်ကွင်းကို မြင်တွေ့သွားကြပြီး မှင်တက်သွားကြသလို တစ်ဖက်တွင်လည်း ဂုဏ်ယူဝင့်ကြွသော ခံစားချက်ကိုပါ ခံစားလိုက်ရသည်။</p> <p>​အထူးသဖြင့် အဆင့် (၁) ကြေးစားအဖွဲ့များမှာ ယခင်က သူတစ်ပါး အထင်သေးခြင်း ခံခဲ့ရသော်လည်း ယခုအခါတွင်မူ လူတိုင်း၏ အာရုံစိုက်မှုကို ခံနေရသည့် အဓိကဇာတ်ဆောင်များ ဖြစ်နေကြပြီဖြစ်သည်။</p> <p>​"ငါတို့ရဲ့ ဒီဥက္ကဋ္ဌကြီးက ဘာတွေလုပ်ချင်နေတာလဲ မသိဘူး" လင်းရှင်းဟိုင်သည် စာတန်းအောက်တွင် ရပ်နေသည့် ထင်ရှားလှသော ကိုယ်လုံးကိုယ်ပေါက်နှင့် ကျင်းချန်လန့်ကို ကြည့်ပြီး ခေါင်းခဲသွားမိသည်။</p> <p>​"ဆရာကြီး... သူ့ဘာသာသူ ဘာလုပ်လုပ်ဗျာ၊ အခု ငါတို့က ဇွန်ဘီလှိုင်းကို နှိမ်နင်းပြီး အပြတ်အသတ် အနိုင်ရလာတာလေ၊ ဘယ်လိုပဲဖြစ်ဖြစ် ဒါက မကောင်းတဲ့ကိစ္စတော့ မဟုတ်ပါဘူး" ဟု ရွှီဟိုင်ရွှေက ဂရုမစိုက်သလို ပြောလိုက်သည်။</p> <p>​လင်းရှင်းဟိုင်သည် သူ့ကို တစ်ချက်ကြည့်လိုက်သော်လည်း ဘာမှတော့ ပြန်မပြောတော့ပေ။</p> <p>​မကြာမီ ယာဉ်တန်းမှာ စခန်းအဝင်ဝသို့ ဆိုက်ရောက်လာပြီး လင်းရှင်းဟိုင်သည် အဖွဲ့သားများကို ဦးဆောင်ကာ ကားပေါ်မှဆင်း၍ ကျင်းချန်လန့်ထံသို့ လျှောက်သွားလိုက်သည်။ တစ်ဖက်လူက ဘာပဲကြံစည်နေပါစေ၊ ကြေးစားအစည်းအရုံး ဥက္ကဋ္ဌ၏ မျက်နှာကိုတော့ ထောက်ထားရပေမည်။</p> <p>​"ဟားဟား... ငါတို့ရဲ့ သူရဲကောင်းတွေ အောင်ပွဲနဲ့ ပြန်လာပြီဟေ့" ကျင်းချန်လန့်က အရှေ့သို့ လှမ်းလာပြီး သူ၏ ဝဝဖိုဖို လက်ကြီးဖြင့် လင်းရှင်းဟိုင်၏ ပုခုံးကို ရင်းရင်းနှီးနှီး ဖက်လိုက်သည်။</p> <p>​"ဥက္ကဋ္ဌကြီး... ဒါက အရမ်းကြီး ကျယ်ကျယ်ပြန့်ပြန့် ဖြစ်နေပြီလားလို့၊ ပြီးတော့ ဒါက ကျွန်တော်တို့ လုပ်သင့်လုပ်ထိုက်တဲ့ တာဝန်ပဲလေ" ဟု လင်းရှင်းဟိုင်က နှိမ့်ချစွာ ပြောလိုက်သည်။</p> <p>​"ဒါက မင်းတို့ လုပ်သင့်တဲ့တာဝန်မှ မဟုတ်တာ၊ ငါတို့ ကြေးစားအစည်းအရုံးရဲ့ တာဝန်က လမ်းကြောင်းပေါ်က ဇွန်ဘီတွေကို ရှင်းလင်းပေးဖို့ပဲလေ"</p> <p>​"အန္တရာယ်နဲ့ တွေ့တဲ့အခါ၊ အထူးသဖြင့် ဇွန်ဘီလှိုင်းလိုမျိုးနဲ့ တွေ့ရင် ကင်းစခန်းထဲမှာ ခိုလှုံခွင့် တောင်းရမှာ၊ အခုလို ပြန်ပြီး စစ်ကူသွားပေးရမှာ မဟုတ်ဘူး၊ ဒါကြောင့် မင်းတို့ကို သူရဲကောင်းတွေလို့ ငါပြောတာ၊ ဒါကို စစ်တပ်ဘက်ကလည်း အသိအမှတ်ပြုရလိမ့်မယ်" ဟု ကျင်းချန်လန့်က အသံကျယ်ကြီးဖြင့် ပြောလိုက်သည်။</p> <p>​သူ့အသံက အတော်ကျယ်သဖြင့် စခန်း၏ တစ်ဝက်ခန့်အထိ ကြားနိုင်လောက်သည်။ လင်းရှင်းဟိုင်လည်း ဥက္ကဋ္ဌကင်၏ ရည်ရွယ်ချက်ကို ချက်ချင်း ရိပ်မိသွားသည်။ ဤကိစ္စကို အကြောင်းပြပြီး စစ်တပ်ဘက်မှ အခွင့်အရေးအချို့ တောင်းဆိုရန် ကြံစည်နေခြင်းပင်။</p> <p>​ထို့ကြောင့် လင်းရှင်းဟိုင်က ပြုံးနေရုံသာနေပြီး ဝင်မပြောသလို ငြင်းလည်း မငြင်းပေ။ ဤကိစ္စတွင် သူဝင်မပါချင်သော်လည်း ကျင်းချန်လန့် အခွင့်အရေး ရသွားပါက သူ့ကိုလည်း တစ်ခုခု ခွဲဝေပေးမည်မှာ အသေအချာပင်။</p> <p>​"ဟဲဟဲ..." လင်းရှင်းဟိုင်က ဘာမှဝင်မပြောသဖြင့် ကျင်းချန်လန့်က ချောင်းတစ်ချက်ဟန့်ကာ ဆက်ပြောသည်။</p> <p> "ဒီတစ်ခေါက် မင်းတို့ အောင်မြင်မှုက အရမ်းကြီးတယ်၊ ဒါကြောင့် စစ်တပ်နဲ့ ငါညှိနှိုင်းထားတယ်၊ မင်းတို့ရဲ့ တာဝန်မှတ်  တွေကို ဂုဏ်ထူးဆောင် အမှတ် တွေအနေနဲ့ အကုန်ပြောင်းလဲပေးမယ်၊ ဒါပေမဲ့ စွမ်းအင်သလင်းခဲတွေအတွက် ရတဲ့အမှတ်တွေတော့ မပါဘူးပေါ့"</p> <p>​ကျင်းချန်လန့်၏ စကားကြောင့် လင်းရှင်းဟိုင်၏ နောက်ကွယ်မှ ကြေးစားများထံမှ မထိန်းနိုင်သော အောင်ပွဲခံသံများ ထွက်ပေါ်လာသည်။ ကောင်းကင်ဖြိုခွင်းခြင်း  အဖွဲ့တွင် ဂုဏ်ထူးဆောင်တံဆိပ် ရှိပြီးသားဖြစ်သဖြင့် ဂုဏ်ထူးဆောင်အမှတ်ကို သိပ်ဂရုမစိုက်သော်လည်း အခြားကြေးစားအဖွဲ့များအတွက်မူ ၎င်းမှာ အလွန်တန်ဖိုးရှိလှသည်။</p> <p>​၎င်းအမှတ်ဖြင့် ပုံမှန်ဝယ်ယူ၍မရသော စစ်ဘက်ဆိုင်ရာ ပစ္စည်းကိရိယာများကို ဝယ်ယူနိုင်သည်။</p> <p>​စစ်ဘက်သုံး ရေဒါများ သို့မဟုတ် စွမ်းအားမြင့် စစ်ဘက်သုံး အင်ဂျင်များကဲ့သို့သော အရာများသည် ကြေးစားအဖွဲ့၏ တိုက်ခိုက်ရေးစွမ်းရည်ကို ချက်ချင်း တိုးတက်စေမည် မဟုတ်သော်လည်း ရေရှည်တွင် ကြေးစားအဖွဲ့၏ ရှင်သန်နိုင်စွမ်းကို များစွာ မြှင့်တင်ပေးနိုင်သည့် ပစ္စည်းများ ဖြစ်သည်။ တစ်ခုခုဆိုလျှင်လည်း ထိုဂုဏ်ထူးဆောင်အမှတ်များကို အမှတ်  ဖြင့် ပြန်လည်ရောင်းချပါက အနည်းဆုံး သုံးဆခန့် ပိုရနိုင်သည်။</p> <p>​ထို့ကြောင့် ယခုတစ်ကြိမ်တွင် ကြေးစားအဖွဲ့အားလုံး အကြီးအကျယ် မြတ်စွန်းသွားကြပြီ ဖြစ်သည်။</p> <p>​လင်းရှင်းဟိုင်လည်း အံ့သြသွားသော်လည်း ချက်ချင်းပင် ပြုံးကာ ခေါင်းငြိမ့်လိုက်သည်။</p> <p>"ဒါဆိုရင် ပထမတပ်ရင်းဝင် အားလုံးကိုယ်စား ဥက္ကဋ္ဌကင်ကို ကျေးဇူးတင်ပါတယ်ဗျာ"</p> <p>​"အားမနာပါနဲ့၊ ငါက ကြေးစားအစည်းအရုံး ဥက္ကဋ္ဌပဲ၊ မင်းတို့အတွက် အကျိုးခံစားခွင့်တွေ ရှာပေးရမှာ ငါ့တာဝန်ပေါ့" ကျင်းချန်လန့်က ခေတ္တရပ်ကာ ဆက်ပြောသည် - "ဒါကြောင့် ဒီအခွင့်အရေးကို သုံးပြီး စစ်တပ်ဘက်ကို စစ်ဘက်သုံး ပစ္စည်းအချို့ ဝယ်ယူခွင့် ပေးဖို့ ငါတောင်းဆိုမလို့ပဲ၊ ဒါပေမဲ့ ဒီကိစ္စကို မင်းကိုယ်တိုင် ပြောမယ်ဆိုရင် ငါပြောတာထက် ပိုထိရောက်လိမ့်မယ်"</p> <p>​လင်းရှင်းဟိုင်လည်း တစ်ဖက်လူ၏ စိတ်ကူးကို နားလည်သွားသည် - "ကောင်းပါပြီ၊ အခွင့်အရေးရရင် ဗိုလ်ချုပ်လင်းကျန့်ရန်ကို ကျွန်တော် တင်ပြပေးပါ့မယ်"</p> <p>​"ဝေ့ထျန်းရှင်း အဘိုးကြီးကိုလည်း ပြောဦး၊ သူ ခေါင်းငြိမ့်မှ ရမှာ" ဟု ကျင်းချန်လန့်က ထပ်လောင်းပြောသည်။</p> <p>​"ရပါတယ်၊ ပြန်ရောက်ရင် အဘိုးကြီးဝေ့ကိုလည်း ကျွန်တော် ပြောပြလိုက်ပါ့မယ်" လင်းရှင်းဟိုင်က မငြင်းပေ။ သူကိုယ်တိုင်လည်း ကြေးစားအစည်းအရုံး ကြီးထွားလာသည်ကို မြင်ချင်သည်။ အခြေအနေကောင်းမှသာ ကောင်းကင်ဖြိုခွင်းခြင်း နှင့် တောင်နှင့်ပင်လယ်  ကြေးစားအဖွဲ့များမှာ ပိုမိုမြင့်မားသော အဆင့်သို့ တက်လှမ်းနိုင်မည် မဟုတ်ပါလား။</p> <p>​လင်းရှင်းဟိုင်က လွယ်လွယ်ကူကူ သဘောတူလိုက်သဖြင့် ကျင်းချန်လန့်မှာ အံ့သြသွားသလို အပြုံးများကလည်း ပိုမိုတောက်ပလာသည်။</p> <p>​"ကောင်းတယ်... ကောင်းတယ် တကယ့်ကို ငါတို့ ကြေးစားလောကရဲ့ ခေါင်းဆောင်ပီသပေတယ်။ ဪ... ဒါနဲ့ မင်းတို့အတွက် အောင်ပွဲခံ စားပွဲတော် ပြင်ဆင်ထားတယ်၊ အတူတူ သွားစားကြရအောင်၊ ကျန်နေတဲ့ ကြေးစားအဖွဲ့တွေကိုလည်း စိတ်ဓာတ်တက်ကြွအောင် လုပ်ပေးရာ ရောက်တာပေါ့"</p> <p>​လင်းရှင်းဟိုင် - "..."</p> <p>​သူက ဘယ်တုန်းက ကြေးစားလောကရဲ့ ခေါင်းဆောင် ဖြစ်သွားရတာလဲ။</p> <p>​အမှန်အတိုင်းပြောရလျှင် အောင်ပွဲခံ စားပွဲတော်ကဲ့သို့သော နေရာမျိုးကို သူ မသွားချင်ပေ။ သို့သော် ကျင်းချန်လန့်က အခြားကြေးစားများကို စိတ်ဓာတ်တက်ကြွအောင် လုပ်ပေးရန်ဟု ပြောလာသဖြင့် ခဏမျှ စဉ်းစားပြီး သဘောတူလိုက်သည်။</p> <p>​အကြောင်းမှာ အခြားတပ်ရင်းများမှာ ပထမတပ်ရင်းနှင့် နှိုင်းယှဉ်၍ မရသောကြောင့် ဖြစ်သည်။ အကယ်၍ ထိုကြေးစားအဖွဲ့များက ဗီဇပြောင်းဇွန်ဘီ သို့မဟုတ် ဇွန်ဘီလှိုင်းနှင့် တွေ့ခဲ့ပါက အောင်မြင်ခဲ့လျှင်ပင် အသေအပျောက် များပြားနိုင်ပေသည်။</p> <p>​ထိုသို့ဖြစ်လာပါက စိတ်ဓာတ်ကျဆင်းမှုများ ဖြစ်ပေါ်လာနိုင်ပြီး စခန်းကြီးသို့ ပြန်ရောက်သည့်အခါ အခြားအဖွဲ့များကိုပါ သက်ရောက်မှုရှိစေကာ အစီအစဉ်တစ်ခုလုံးကို ထိခိုက်စေနိုင်သည်။</p> <p>​ထို့ကြောင့် သူတို့ မထွက်ခွာမီ ပထမတပ်ရင်း၏ အကျိုးအမြတ်များကို မြင်တွေ့စေခြင်းဖြင့် အားကျစိတ် ဖြစ်ပေါ်လာစေခြင်းမှာ မဆိုးလှပေ။ အခက်အခဲနှင့် တွေ့ကြုံခဲ့လျှင်ပင် ၎င်းမှာ ကွမ်ဟန်မြို့က အန္တရာယ်များလွန်း၍ မဟုတ်ဘဲ သူတို့ကံမကောင်း၍ဟုသာ ထင်မြင်စေကာ တာဝန်များကို ဆက်လက်ထမ်းဆောင်နိုင်ရန် တွန်းအားဖြစ်စေမည်ဖြစ်သည်။</p> <p>​အောင်ပွဲခံ စားပွဲတော်ကို ရိုးရိုးရှင်းရှင်းပင် ကွင်းပြင်တွင် တဲကြီးတစ်ခုထိုးကာ အစားအသောက်နှင့် သောက်စရာများ ကျွေးမွေးခြင်းသာ ဖြစ်သည်။ သို့သော် အငွေ့အသက်မှာ အလွန်တက်ကြွနေပြီး ကြေးစားအဖွဲ့ခေါင်းဆောင် အများအပြားမှာ ပထမတပ်ရင်းဝင်များထံမှ အကျိုးအမြတ်များကို လိုက်လံစုံစမ်းနေကြသည်။</p> <p>​အမှန်တရားကို သိလိုက်ရသောအခါ လူတိုင်းမှာ အားကျမနာလို ဖြစ်သွားကြတော့သည်။ သူတို့သည် စိတ်ထဲမှ ထိုကြေးစားအဖွဲ့များ ကံကောင်းလွန်းသည်ဟု ဆဲဆိုနေကြသလို တစ်ဖက်တွင်လည်း သူတို့၏ ခရီးစဉ်မှ အမှတ်မည်မျှ ရရှိမည်ကို မျှော်လင့်နေကြသည်။</p> <p>​လင်းရှင်းဟိုင်သည် ကျင်းချန်လန့်၏ ခေါ်ဆောင်မှုဖြင့် စားပွဲများကို လှည့်လည်ကာ အားပေးစကားအချို့ ပြောကြားပြီးမှသာ လွတ်မြောက်ခဲ့သည်။ စားပွဲတော်မှာလည်း တစ်နာရီခန့်သာ ကြာမြင့်ခဲ့သည်။</p> <p>​ကြေးစားအဖွဲ့အားလုံးကို အုပ်စု (၃) စု ခွဲထားကာ အလှည့်ကျ ဇွန်ဘီရှင်းလင်းရေး ထွက်ရခြင်းဖြစ်သဖြင့် တာဝန်မှ ပြန်လာပါက အနည်းဆုံး (၆) နာရီခန့် အနားယူချိန် ရသော်လည်း ရုတ်တရက် အခြေအနေများကြောင့် အချိန်မရွေး ပြန်ထွက်ရနိုင်သဖြင့် အချိန်မှာ အလွန်တန်ဖိုးရှိလှသည်။</p> <p>​ဒဏ်ရာရသူများကို ကုသခြင်း၊ လက်နက်ကိရိယာများ ပြုပြင်ခြင်းတို့ကြောင့် နားချိန်မှာ တကယ်တမ်း မများလှပေ။ အထူးသဖြင့် ပထမတပ်ရင်းမှာ ဇွန်ဘီလှိုင်းကို ထိုးဖောက်ခဲ့ရသဖြင့် သံချပ်ကာကားနှင့် စက်ရုပ်များမှာ အပွန်းအပဲ့များစွာ ရှိနေသည်။ အချိန်မီ မပြင်ဆင်ပါက နောက်ပိုင်းတွင် အန္တရာယ်ရှိနိုင်သည်။</p> <p>​လင်းရှင်းဟိုင်က ထိုကိစ္စများကို ဝင်မပါသော်လည်း ဖန်ထျန်းဟယ် က ကောင်းကောင်း ကိုင်တွယ်နိုင်မည်ဟု ယုံကြည်ထားသည်။ သို့သော် သူ တဲအတွင်း ရောက်ပြီး မကြာမီမှာပင် ဖန်ထျန်းဟယ်က တံခါးခေါက်၍ ဝင်လာသည်။</p> <p>​"တစ်ခုခုဖြစ်လို့လား" လင်းရှင်းဟိုင်က စပ်စုလိုက်သည်။</p> <p>​"အင်း... မင်းရဲ့ အရှိန်ပြင်းစက်ရုပ်  ပြုပြင်ရေးကိစ္စပဲ၊ မင်းရဲ့ အထူးစွမ်းရည်က စက်ရုပ်အပေါ် ဝန်ပိမှု အရမ်းများတယ်၊ ဒါကြောင့် ခုနက စစ်တပ် အင်ဂျင်နီယာဌာနကို သွားပြီး တိုင်ပင်ခဲ့တယ်၊ စက်ရုပ်ကို တစ်ကိုယ်လုံး အဆင့်မြှင့်တင်ဖို့နဲ့ စစ်ဘက်သုံး အထူးပစ္စည်းတွေ တပ်ဆင်ဖို့ စီစဉ်ထားတယ်" ဟု ဖန်ထျန်းဟယ်က ပြောလိုက်သည်။</p> <p>​"ဪ... ဒါက စိတ်ကူးကောင်းပဲ၊ အဲဒီအထူးပစ္စည်းတွေက အစွမ်းထက်မှာပဲနော်" လင်းရှင်းဟိုင်လည်း စိတ်ဝင်စားသွားသည်။</p> <p>​"သာမန်ပစ္စည်းတွေနဲ့တော့ ဘယ်နှိုင်းလို့ရမလဲ၊ အင်ဂျင်နီယာဌာနရဲ့ ခန့်မှန်းချက်အရ အဆင့်မြှင့်ပြီးရင် စက်ရုပ်ရဲ့ စွမ်းဆောင်ရည်က အနည်းဆုံး သုံးပုံတစ်ပုံ တက်လာလိမ့်မယ်၊ ဝန်ပိမှုကို တောင့်ခံနိုင်စွမ်းကတော့ နှစ်ဆလောက် တက်လာမှာ၊ ဒါပေမဲ့ ဈေးကတော့ နည်းနည်းကြီးတယ်"</p> <p>​"ဘယ်လောက်လဲ"</p> <p>​"၅ သိန်း... ဂုဏ်ထူးဆောင်အမှတ် "</p> <p>***</p> <p> </p>


Save