Book List

<h2 style="text-align: center;">​အခန်း (၂၆၂)</h2> <h2 style="text-align: center;">ညဘက်တွင် တိုက်ခိုက်ခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>​"ဒီတစ်ခေါက် လှုပ်ရှားမှုက ညဘက်ဆိုတော့ ထင်သလောက် မလွယ်ကူလောက်တော့ဘူး" လင်းရှင်းဟိုင်သည် တဲအပြင်သို့ ထွက်လာပြီး ကောင်းကင်ယံကို ကြည့်ကာ လေသံတိုးတိုးဖြင့် ရေရွတ်လိုက်သည်။</p> <p>​ညဘက်တွင် လူသားများ၏ အမြင်အာရုံမှာ အကန့်အသတ် ရှိသွားသဖြင့် သေနတ်ပစ်ချက် တိကျမှုနှုန်းကို တိုက်ရိုက် ကျဆင်းစေသည်။ ဇွန်ဘီများမှာမူ ဆန့်ကျင်ဘက်ပင်၊ ညဘက်တွင် ပိုမိုတက်ကြွလာကြပြီး လှုပ်ရှားမှုအရှိန်၊ တိုက်ခိုက်နိုင်စွမ်းနှင့် အန္တရာယ်ကို သိရှိနိုင်စွမ်းတို့မှာ သိသိသာသာ တိုးတက်လာတတ်သည်။</p> <p>​အစွမ်းတိုးလာမှုမှာ မများလှသော်လည်း တစ်ဖက်က အားနည်းပြီး တစ်ဖက်က အားသာသွားသဖြင့် ဇွန်ဘီများကို သတ်ဖြတ်ရန် ခက်ခဲမှုမှာ အနည်းဆုံး ၃၀ မှ ၄၀ ရာခိုင်နှုန်းခန့်အထိ တိုးလာမည် ဖြစ်သည်။</p> <p>​လင်းရှင်းဟိုင်၏ ရေရွတ်သံမှာ တိုးသော်လည်း ဘေးနားရှိ ဖန်ထျန်းဟယ်  က ကြားသွားသဖြင့် စိတ်ထဲတွင် ထိတ်ခနဲ ဖြစ်သွားကာ ချက်ချင်း မေးမြန်းလိုက်သည်။</p> <p> "ဒါဆိုရင် အပိုဆောင်း ပြင်ဆင်မှုတွေ လုပ်ဖို့ လိုမလား"</p> <p>​"မလိုပါဘူး၊ သတိထားဖို့ပဲ အောက်ခြေအဖွဲ့တွေကို အကြောင်းကြားလိုက်ပါ" ဟု လင်းရှင်းဟိုင်က ပြောပြီးနောက် သူ၏ စိတ်အာရုံ ကို တိတ်တဆိတ် ဖြန့်ကျက်လိုက်သည်။</p> <p>​သူသည် (၈) နာရီနီးပါး အနားယူခဲ့သဖြင့် ယခုအခါ စိတ်အာရုံမှာ အပြည့်အဝ ပြန်လည်ကောင်းမွန်လာရုံသာမက အနည်းငယ်ပင် တိုးတက်လာသေးသည်။ တတိယမြောက် မျိုးဗီဇသော့ ကို ချိုးဖျက်ပြီးနောက် စိတ်အာရုံမှာ အမြဲတမ်း တိုးတက်နေသည့် ကာလဖြစ်သော်လည်း ယခုကဲ့သို့ တစ်ကြိမ်တည်း အမြောက်အမြား အသုံးပြုပြီးမှ ပြန်လည်ဖြည့်တင်းခြင်းက ပိုမိုမြန်ဆန်စွာ တိုးတက်စေပုံရသည်။</p> <p>​၎င်းမှာ သတင်းကောင်းပင် ဖြစ်သည်။ စိတ်အာရုံ တိုးတက်မှု မြန်မြန်ပြီးမြောက်လေ သူ၏ မျိုးဗီဇ အဆင့်မြှင့်တင်မှုကို အကန့်အသတ်အထိ မြှင့်တင်နိုင်လေ ဖြစ်သည်။ အဆင့်မကျော်အောင် ထိန်းထားရဦးမည် ဖြစ်သော်လည်း သူ၏ အစွမ်းမှာမူ များစွာ တိုးတက်လာမည်မှာ အသေအချာပင်။</p> <p>​မကြာမီ နှစ်ဦးသားမှာ ပထမတပ်ရင်း၏ စုရပ်သို့ ရောက်ရှိလာသည်။ ထိုအချိန်တွင် ကြေးစားအဖွဲ့ အသီးသီးမှာ ရောက်ရှိနေကြပြီ ဖြစ်သည်။</p> <p>​လူတိုင်းမှာ စိတ်ဓာတ်တက်ကြွနေပြီး တိုက်ပွဲဝင်ရန် အသင့်ဖြစ်နေကြသည်။ ယခင်က ဒဏ်ရာရထားသူများပင်လျှင် ကြေးစားအဖွဲ့များ၌ အမှတ်  ပေါများနေသဖြင့် အဆင့်မြင့် ကုသဆေးရည်များထဲတွင် နာရီပေါင်းများစွာ စိမ်ထားခဲ့ကြရာ ပြင်းထန်စွာ ဒဏ်ရာရသူ အနည်းငယ်မှလွဲ၍ အားလုံးမှာ အပြည့်အဝ ပြန်လည်ကျန်းမာလာကြပြီ ဖြစ်သည်။</p> <p>​လင်းရှင်းဟိုင်က အားလုံးကို ကျေနပ်စွာ ကြည့်လိုက်ပြီးနောက် ချီတက်ရန် တိုက်ရိုက် အမိန့်ပေးလိုက်သည်။ ယာဉ်တန်းမှာ ညမှောင်မှောင်အောက်တွင် ကွမ်ဟန်မြို့ဆီသို့ တစ်ဖန် ဦးတည်မောင်းနှင်သွားတော့သည်။</p> <p>​အမှန်တကယ်တော့ ဤမျှများပြားသော ကြေးစားအဖွဲ့များထဲတွင် ညဘက်၌ ဇွန်ဘီများနှင့် တိုက်ခိုက်ဖူးသည့် အတွေ့အကြုံရှိသူမှာ ၃ ပုံ ၁ ပုံပင် မပြည့်ပေ။ ရှိလျှင်ပင် တစ်ကြိမ် သို့မဟုတ် နှစ်ကြိမ်ခန့်သာ ရှိလိမ့်မည်။ အကြောင်းမှာ ထိုကြေးစားအဖွဲ့များသည် တာဝန်ထွက်လျှင်ပင် ညမရောက်မီ ခိုလှုံရာစခန်းသို့ ပြန်ရောက်ရန် ကြိုးစားကြပြီး မပြန်နိုင်လျှင်ပင် ဇွန်ဘီနည်းပါးသော တောရိုင်းမြေရိုင်းများတွင်သာ ပုန်းအောင်းနေတတ်ကြသောကြောင့် ဖြစ်သည်။</p> <p>​သို့သော် ယခုတစ်ကြိမ်တွင်မူ သူတို့သည် မြို့ထဲသို့ ဝင်ရောက်ရရုံသာမက အဓိကရည်ရွယ်ချက်မှာ ဇွန်ဘီရှင်းလင်းရေး ဖြစ်နေသဖြင့် အဆင့် (၁) ကြေးစားအဖွဲ့များမှာ မစိုးရိမ်ဘဲ မနေနိုင်ကြပေ။ သို့သော်လည်း ယာဉ်တန်း၏ အရှေ့ဆုံးတွင်ရှိသော ကောင်းကင်ဖြိုခွင်းခြင်း အဖွဲ့နှင့် လက်ဖြောင့်သေနတ် နတ်ဘုရား လင်းရှင်းဟိုင်ကို မြင်လိုက်ရသောအခါ စိတ်ထဲမှ စိုးရိမ်ပူပန်မှုများမှာ များစွာ လျော့ပါးသွားရသည်။</p> <p>​မကြာမီ ယာဉ်တန်းမှာ ကွမ်ဟန်မြို့အတွင်းသို့ ရောက်ရှိလာသည်။ လင်းရှင်းဟိုင်၏ အမိန့်အရ ယာဉ်တန်း၏ ပုံစံကို စတင်ပြောင်းလဲလိုက်ပြီး တစ်ဖက်တွင်လည်း အဖွဲ့သားအချို့ကို အခြားကြေးစားအဖွဲ့များထဲသို့ ဝင်ရောက် ကူညီရန် စေလွှတ်လိုက်သည်။</p> <p>​ကွမ်ဟန်မြို့ရှိ ဇွန်ဘီအရေအတွက်မှာ တကယ်ပင် များပြားလှသည်။ ဤလမ်းကြောင်းကို အသွားအပြန် သုံးကြိမ်တိုင်တိုင် ရှင်းလင်းထားခဲ့သော်လည်း မြို့ထဲသို့ မီတာ ၁၀၀ ပင် မဝင်ရသေးမီ ဇွန်ဘီအုပ်စုတစ်စုက ယာဉ်တန်းဆီသို့ ပြေးဝင်လာသည်။</p> <p>​၎င်းမှာ ဇွန်ဘီ ၃၀ ခန့်ပါသော အုပ်စုဖြစ်ပြီး ပထမတပ်ရင်း၏ အင်အားဖြင့် ခဏအတွင်းမှာပင် အကုန်လုံးကို အပြတ်ရှင်းပစ်လိုက်သည်။ သို့သော်လည်း လူတိုင်းမှာ ညဘက်နှင့် နေ့ဘက် မတူညီမှုကို သိသိသာသာ ခံစားလိုက်ရသည်။</p> <p>​ဇွန်ဘီများ၏ အရှိန်မြန်လာခြင်းနှင့် တိုက်ခိုက်စွမ်းအား တိုးလာခြင်းမှာ ဒုတိယအချက်သာ ဖြစ်သည်။ အဓိကမှာ အမြင်အာရုံ အကန့်အသတ်ရှိသဖြင့် မူလက မီတာ ၅၀ အကွာမှပင် သတ်ဖြတ်နိုင်သော ဇွန်ဘီများကို ယခုအခါ မီတာ ၃၀ သို့မဟုတ် ၂၅ မီတာခန့်အထိ နီးကပ်လာမှသာ သတ်ဖြတ်နိုင်တော့ခြင်းပင်။</p> <p>​သတင်းကောင်းမှာ ဇွန်ဘီအရေအတွက်နှင့် သိပ်သည်းဆမှာ များစွာ လျော့နည်းသွားခြင်း ဖြစ်သည်။ ဇွန်ဘီ ၃၀ ခန့်မှာ လူတစ်ထောင်ကျော်ပါသော တပ်ရင်းကြီးအတွက် ဘာမှမဟုတ်ပေ။ ယခင်က ဇွန်ဘီအုပ်စုများမှာ တစ်စုပြီးတစ်စု ဆက်တိုက်လာနေသော်လည်း ယခုမူ ဇွန်ဘီများကို သတ်ဖြတ်ပြီး စွမ်းအင်သလင်းခဲ များပင် သိမ်းဆည်းပြီးသွားသည့်တိုင် ဒုတိယအုပ်စုကို မတွေ့ရသေးပေ။</p> <p>​"အောက်ခြေအဖွဲ့သားတွေကို လွတ်လွတ်လပ်လပ် တိုက်ခိုက်ခိုင်းလိုက်ပါ၊ ညဘက် ဇွန်ဘီရှင်းတာကလည်း ကျင့်သားရသွားရင် ဘာမှမဟုတ်တော့ပါဘူး" ဟု စစ်မြေပြင်ကို ရှင်းလင်းပြီးနောက် လင်းရှင်းဟိုင်က ဆက်သွယ်ရေးလိုင်းမှတစ်ဆင့် ပြောကြားလိုက်သည်။</p> <p>​"ဟုတ်ကဲ့ပါ" ဟု ကျန်ရှိသော ခေါင်းဆောင်များက တညီတညွတ်တည်း ပြန်လည်ထူးလိုက်ကြသည်။</p> <p>​လင်းရှင်းဟိုင်ကလည်း ပြုံးလိုက်မိသည်။ ယခုအခါ ထိုကြေးစားခေါင်းဆောင်များက သူ့အပေါ် ထားရှိသည့် သဘောထားမှာ ယခင်ကထက် များစွာ ပိုမိုကောင်းမွန်လာပြီး သူပြောသမျှကို တစ်သွေမတိမ်း လိုက်နာနေကြသည်ကို သူ ခံစားမိသည်။</p> <p>​၎င်းမှာ စခန်းကြီးသို့ ပြန်ရောက်စဉ်က အခြားတပ်ရင်းများနှင့် နှိုင်းယှဉ်ချက်များကို မြင်တွေ့ခဲ့ရခြင်းကြောင့် ဖြစ်ပေလိမ့်မည်။ ယခုအခါ ပထမတပ်ရင်းမှာ လူတိုင်း တိုးဝှေ့ဝင်ချင်နေသည့် အဖွဲ့ဖြစ်နေပြီး စကားမနားထောင်၍ အထုတ်ခံရပါက ငိုရန်နေရာပင် ရှိတော့မည် မဟုတ်ပေ။</p> <p>​မကြာမီ ယာဉ်တန်းမှာ ရှေ့သို့ ဆက်လက်ထွက်ခွာလာပြီး ဇွန်ဘီအုပ်စုအချို့ကို ထပ်မံနှိမ်နင်းခဲ့သော်လည်း တိုက်ပွဲဖြစ်ပွားနှုန်းမှာ မများလှပေ။ တိုက်ပွဲအနည်းငယ် ဖြစ်ပွားပြီးနောက် ကြေးစားများမှာလည်း ညဘက်တိုက်ခိုက်မှုကို ကျင့်သားရလာပြီး တိုက်ခိုက်မှုများမှာ ပိုမိုသွက်လက်လာသည်။</p> <p>​အဝေးမှ ဇွန်ဘီများကို တိုက်ခိုက်၍မရပါကလည်း ပစ်ခတ်မှုဧရိယာကို မီတာ ၅၀ မှ မီတာ ၃၀ သို့ လျှော့ချလိုက်ကြသည်။ ထိုသို့ပြုလုပ်ခြင်းက တုံ့ပြန်ရန် အချိန်ကို တိုတောင်းစေသော်လည်း ပစ်အားကိုမူ ပိုမိုပြင်းထန်စေသဖြင့် လူတိုင်း လက်ခံနိုင်သော အခြေအနေတွင် ရှိနေသည်။</p> <p>​ကြေးစားအဖွဲ့များ ကျင့်သားရလာသည်ကို မြင်သောအခါ လင်းရှင်းဟိုင်က အရှိန်မြှင့်ရန် အမိန့်ပေးလိုက်ပြီး ကင်းစခန်း ၃ ခုကို ခဏအတွင်း ဖြတ်ကျော်လာခဲ့သည်။ မြို့ထဲသို့ ပိုမိုနက်ရှိုင်းစွာ ဝင်ရောက်လာလေ ဇွန်ဘီများမှာလည်း တဖြည်းဖြည်း များပြားလာသော်လည်း ပထမတပ်ရင်းမှာ လွယ်ကူစွာပင် ကိုင်တွယ်နိုင်ဆဲ ဖြစ်သည်။</p> <p>​ပဉ္စမမြောက် ကင်းစခန်းသို့ ရောက်သောအခါမှသာ တစ်ကြိမ် အနားယူလိုက်ကြသည်။ အကြောင်းမှာ ထိုနေရာမှ ရှေ့သို့ ဆက်သွားပါက ရှင်းလင်းမထားသော နေရာများဖြစ်သလို ညဘက်လည်း ဖြစ်နေသဖြင့် ဇွန်ဘီသိပ်သည်းဆမှာ နေ့ဘက်ထက်ပင် ပိုမိုများပြားနိုင်သောကြောင့် ဖြစ်သည်။ လင်းရှင်းဟိုင်ပင်လျှင် ထိုအခြေအနေကို လေးနက်စွာ ကိုင်တွယ်ရတော့မည် ဖြစ်သည်။</p> <p>​နာရီဝက်ခန့် အနားယူပြီးနောက် ယာဉ်တန်းမှာ ပြန်လည်ထွက်ခွာလာခဲ့ပြီး ကင်းစခန်းမှ မလှမ်းမကမ်းသို့ ရောက်သည်နှင့် တိုက်ပွဲကြီး စတင်ဖြစ်ပွားတော့သည်။</p> <p>​”ဂါးးးးး"</p> <p>​ဇွန်ဘီများ၏ အော်ဟစ်သံများ ကျယ်လောင်စွာ ထွက်ပေါ်လာသည်။ လင်းရှင်းဟိုင်က သူ၏ ဘေးနားရှိ ဇွန်ဘီထောက်လှမ်းရေးစက်ကို ကြည့်လိုက်ရာ ကိန်းဂဏန်းမှာ ၅၂၉ ဖြစ်နေသည်။ သူတို့သည် အရေအတွက် ၅၀၀ ကျော်ရှိသော ဇွန်ဘီအုပ်စုကြီးနှင့် ထိပ်တိုက်တွေ့ဆုံလိုက်ရခြင်းပင်။</p> <p>​"နေ့နဲ့ညက တကယ်ကို ကွာခြားတာပဲ" ဟု လင်းရှင်းဟိုင်က မနေနိုင်ဘဲ ရေရွတ်လိုက်သည်။</p> <p>​ရေရွတ်နေသော်လည်း သူသည် ချီတက်မှုကို ရပ်တန့်ရန်နှင့် အစွမ်းကုန် ခုခံရန် အမိန့်ပေးလိုက်သည်။</p> <p>​"ဒုန်း... ဒုန်း... ဒုန်း"</p> <p>​အမြောက်သံများ ဆက်တိုက်ထွက်ပေါ်လာပြီး လက်ပစ်အမြောက်ကျည်များက ပြင်ပတွင် မီးတံတိုင်းကြီးသဖွယ် ပိတ်ဆို့ထားလိုက်သည်။ ထိုပိတ်ဆို့မှုကို ထိုးဖောက်လာနိုင်သော ဇွန်ဘီများမှာလည်း ကျည်ဆန်မိုးများအောက်တွင် ဆက်တိုက် လဲပြိုကုန်ကြသည်။</p> <p>​ထိုသို့ နှစ်ထပ်ကွပ်ကဲ ပစ်ခတ်ခြင်းက ဇွန်ဘီ ၉၀ ရာခိုင်နှုန်းခန့်ကို တားဆီးနိုင်သော်လည်း ကျန်ရှိသော ၁၀ ရာခိုင်နှုန်းမှာမူ သံချပ်ကာကားများရှိရာသို့ ရောက်ရှိလာကြသည်။ ထိုသို့ ရောက်ရှိလာသူများမှာ အဆင့်မြင့်ဇွန်ဘီများသာ ဖြစ်ကြသည်။</p> <p>​အချို့သော အဆင့်မြင့်ဇွန်ဘီများမှာ သံချပ်ကာကို တိုက်ရိုက်တိုက်ခိုက်ကြရာ တစ်ချက်ကုတ်လိုက်လျှင်ပင် နက်ရှိုင်းသော အရာများ ထင်ကျန်ရစ်သည်။ အချို့မှာမူ ပစ်ပေါက်များမှတစ်ဆင့် အတွင်းမှ ကြေးစားများကို တိုက်ခိုက်ရန် ကြိုးစားကြသည်။</p> <p>​ထိုအချိန်တွင် စက်ရုပ်  များ ထွက်လာရမည့်အချိန် ဖြစ်သည်။ အဆင့် (၁) ကြေးစားခေါင်းဆောင်များမှာ မျိုးဗီဇသော့ ၃ ခုကို မချိုးဖျက်ရသေးသဖြင့် စက်ရုပ်၏ စွမ်းဆောင်ရည် ၅၀ ရာခိုင်နှုန်းခန့်သာ ထုတ်သုံးနိုင်သော်လည်း အရှိန်နှင့် ခွန်အားမှာမူ အဆင့်မြင့်ဇွန်ဘီများကို အပြတ်အသတ် ဖိနှိပ်နိုင်သည်။</p> <p>​သို့သော်လည်း ထိုခေါင်းဆောင်များ၏ မျက်နှာမှာမူ မသက်သာလှပေ။ အကြောင်းမှာ စက်ရုပ်ကို ထိန်းချုပ်ခြင်းက ဦးနှောက်နှင့် စိတ်အာရုံအပေါ် ဝန်ပိမှု အလွန်များပြားသောကြောင့် ဖြစ်သည်။ ဇွန်ဘီလှိုင်းကဲ့သို့သော အခြေအနေမျိုးတွင် စက်ရုပ်ထုတ်သုံးခြင်းက မလွဲမသွေ ပြုလုပ်ရမည်ဖြစ်သော်လည်း ဇွန်ဘီအုပ်စုငယ်တစ်ခုနှင့် တွေ့တိုင်း စက်ရုပ်ကို သုံးနေရပါက ရေရှည်တိုက်ပွဲတွင် ထိုခေါင်းဆောင်များ တောင့်ခံနိုင်မည် မဟုတ်ပေ။</p> <p>***</p> <p> </p>


Save