Book List

<h2 style="text-align: center;">​အခန်း (၂၆၉)</h2> <h2 style="text-align: center;">စစ်တပ်၏ အစည်းအဝေး</h2> <h2 style="text-align: center;">*</h2> <p> </p> <p> </p> <p>​လင်းရှင်းဟိုင်၏ အမေးကို ကြားလိုက်ရသည့်အခါ ဖန်ထျန်းဟယ်က အလောတကြီး ပြန်ဖြေသည်။ "ဒီညမှာပဲ စံပြပုံစံ  က အခြေစိုက်စခန်းကို ရောက်လာလိမ့်မယ်၊ မနက်ဖြန်မနက်ဆိုရင် အဆင့်မြှင့်တင်တာတွေ ပြီးသွားပြီ။"</p> <p>​"အဆင့်မြှင့်တင်မယ့် ပုံစံကလည်း မင်း လိုချင်တဲ့အတိုင်းပဲ၊ အထူးစွမ်းရည် ချဲ့ထွင်တဲ့စနစ်နဲ့ စက်ရုပ်စစ်သည်ရဲ့ အရှိန်ကို အဓိကထားပြီး မြှင့်ထားတာ။ ငါ စစ်တပ်ဘက်က နည်းပညာရှင်တွေနဲ့လည်း ချိတ်ဆက်ထားတယ်၊ အဆင့်မြှင့်ပြီးသွားရင် အထူးစွမ်းရည်ရဲ့ အာနိသင်ကို မူလထက် ၁.၅ ဆအထိ ချဲ့ပေးနိုင်လိမ့်မယ်။"</p> <p>​လင်းရှင်းဟိုင်က ကျေနပ်စွာ ခေါင်းညိတ်လိုက်သည်။ အကယ်၍ အထူးစွမ်းရည်ကို ၁.၅ ဆအထိ ချဲ့နိုင်မည်ဆိုပါက လျိုမြောင်မြောင်သည် အဆင့်မြင့်ဇွန်ဘီတစ်ကောင်၏ အသက်စွမ်းအင်ကို စုပ်ယူရန် ၁.၅ စက္ကန့်သာ ကြာမြင့်တော့မည် ဖြစ်သည်။ အမဲလိုက်သူ ကဲ့သို့ ခန္ဓာကိုယ် သေးငယ်သော မျိုးဗီဇပြောင်း ဇွန်ဘီများအဖို့မှာမူ စမ်းသပ်ကြည့်ခြင်း မရှိသေးသော်လည်း စက္ကန့်ပိုင်းမျှသာ ခံနိုင်ရည် ရှိတော့မည် ဖြစ်သည်။</p> <p>​စက်ရုပ်စစ်သည်ပေါ်မှ ဆင်းလာသော လျိုမြောင်မြောင်သည်လည်း သူတို့နှစ်ဦး၏ စကားကို ကြားလိုက်ရသဖြင့် ဝမ်းသာသွားသည်။ သူမသည် ပါရမီကောင်းသူ ဖြစ်သော်လည်း တိုက်ခိုက်ရေးစွမ်းအားအဖြစ် ပြောင်းလဲရန်မှာ မလွယ်ကူပေ။ ယခင်ကဆိုလျှင် သူမသည် သူတစ်ပါးကို ကုသပေးရုံမှလွဲ၍ ထူးထူးခြားခြား စွမ်းဆောင်နိုင်ခြင်း မရှိခဲ့ပေ။ သေနတ်ပစ်လေ့ကျင့်ရာတွင်ပင် လင်းရှင်းဟိုင်က အထူးအခွင့်အရေးများ ပေးခဲ့သော်လည်း ယခုအချိန်အထိ သူမ၏ စွမ်းရည်မှာ ကောင်းကင်ဖြိုခွင်းခြင်း အဖွဲ့အတွင်း အလတ်တန်းစားအဆင့်မှာသာ ရှိသေးသဖြင့် စစ်မြေပြင်တွင် အသုံးမဝင်လှပေ။</p> <p>​သို့သော်လည်း မနေ့က လျိုမြောင်မြောင်၏ မျိုးဗီဇတိုးတက်မှု ၆၀ ရာခိုင်နှုန်းပြည့်ကာ ဒုတိယ မျိုးဗီဇသော့ ကို ချိုးဖျက်နိုင်ခဲ့ပြီးနောက်တွင်မူ သူမ၏ ပါရမီမှာ တိုက်ခိုက်ရေးစွမ်းအားအဖြစ်သို့ တရားဝင် ပြောင်းလဲသွားခဲ့ပြီ ဖြစ်သည်။ ယခုအခါ သူမသည် စက်ရုပ်စစ်သည်ကို မောင်းနှင်နိုင်ပြီဖြစ်ရာ သူမ၏ တိုက်ခိုက်ရေးစွမ်းအားမှာ အဖွဲ့ခေါင်းဆောင်များထက် မနိမ့်ကျတော့ဘဲ ဖန်ထျန်းဟယ်နှင့်ပင် ယှဉ်နိုင်လာပြီ ဖြစ်သည်။</p> <p>​ဤအချက်ကို သိရှိသွားပြီးနောက်တွင် သူမသည် အားလပ်ချိန်တိုင်း၌ မောင်းနှင်မှုကို အပြင်းအထန် လေ့ကျင့်နေခဲ့သည်။ လျိုမြောင်မြောင်သည် အခြားအရာများကို မတောင်းဆိုပေ၊ နောက်တစ်ကြိမ် တိုက်ပွဲတွင် လင်းရှင်းဟိုင် ဘေးနားတွင် ရပ်တည်ကာ အတူတူ တိုက်ပွဲဝင်နိုင်ရန်သာ သူမ ဆန္ဒရှိသည်။ ထို့ကြောင့် လင်းရှင်းဟိုင်က သူမအတွက် သီးသန့် စက်ရုပ်စစ်သည် တစ်စီး မှာပေးမည်ဟု ပြောသည့်အခါတွင်လည်း သူမ ငြင်းဆန်ခြင်း မပြုခဲ့ပေ။ သူမကိုယ်တိုင်လည်း ပိုမို သန်မာချင်နေသောကြောင့် ဖြစ်သည်။</p> <p>​"အခြေခံ မောင်းနှင်မှုတွေကိုတော့ မင်း တော်တော်လေး ကျွမ်းကျင်နေပြီ၊ နောက်ပိုင်း လေ့ကျင့်တဲ့အခါ ရှောင်တိမ်းတာနဲ့ ကာကွယ်တာကိုပဲ အဓိကထားပြီး လေ့ကျင့်ပါ။ မင်းရဲ့ အထူးစွမ်းရည်က အလုပ်လုပ်ပြီဆိုရင် ရန်သူကို သတ်ဖို့အတွက် တခြားနည်းလမ်းတွေ သိပ်မလိုတော့ဘူးလေ" ဟု လင်းရှင်းဟိုင်က ပြုံး၍ အကြံပေးလိုက်သည်။</p> <p>​"ဟုတ်ကဲ့ မောင်" လင်းရှင်းဟိုင်၏ အကြံပြုချက်ကို သူမ ဘယ်သောအခါမှ မငြင်းဆန်ပေ။</p> <p>​လင်းရှင်းဟိုင်က သူမကို သတိပေးပြီးနောက် ဖန်ထျန်းဟယ်ဘက်သို့ ပြန်လှည့်လိုက်သည်။ "ဒါနဲ့ အစ်ကိုကြီးဖန်... သွေးစွမ်းအင်အဆင့်ကို ဘယ်တော့လောက်မှ တက်ဖို့ စဉ်းစားထားလဲ"</p> <p>​"အစကတော့ ငါ ခဏလောက် ထပ်ပြီး အချိန်ယူဦးမလို့ပဲ၊ ဒါပေမဲ့ ဒီရက်ပိုင်းမှာ အပြောင်းအလဲတွေ ရှိနိုင်တယ်ဆိုတော့ ဒီညမှာပဲ ငါ ကြိုးစားကြည့်တော့မယ်" ဟု ဖန်ထျန်းဟယ်က ခဏမျှ စဉ်းစားပြီးမှ ပြောလိုက်သည်။</p> <p>​ကွမ်ဟန်မြို့ မစ်ရှင်ကို မလာခင်ကတည်းက သူ၏ တိုးတက်မှုမှာ ၉၉ ရာခိုင်နှုန်းသို့ ရောက်နေပြီ ဖြစ်သည်။ အဆင့်တက်သည့်အခါ မိမိ၏ အင်အားကို ထိန်းချုပ်နိုင်စွမ်း မြင့်မားလေလေ အောင်မြင်မှုနှုန်း များလေလေဖြစ်ကြောင်း သူ နားလည်သည်။ မူလက နောက်ထပ် တစ်လခန့် အချိန်ယူချင်သော်လည်း မအောင်မြင်ခဲ့ပါက ခန္ဓာကိုယ်တွင် ဒဏ်ရာရရှိနိုင်ပြီး နောင်တွင် အဆင့်တက်ရန် ပို၍ ခက်ခဲသွားမည်ကို သူ စိုးရိမ်သည်။ သို့သော် ယခုအခြေအနေမှာ ဆက်လက် စောင့်ဆိုင်းနေ၍ မရတော့ကြောင်း သူ သိသည်။ သွေးစွမ်းအင်အဆင့်သို့ ရောက်ရန် တစ်လှမ်းသာ လိုတော့သော်လည်း ထိုတစ်လှမ်း၏ ခွန်အားမှာ ကောင်းကင်နှင့် မြေကြီးကဲ့သို့ ကွာခြားလှသည်။ အကယ်၍ သူသာ သွေးစွမ်းအင်ကို အသုံးပြုနိုင်ပြီး သူ၏ ကောင်းကင်ဖြိုခွင်းခြင်း အထူးစွမ်းရည်နှင့် ပေါင်းစပ်လိုက်ပါက တိုက်ခိုက်ရေးစွမ်းအားမှာ များစွာ မြင့်မားသွားမည်မှာ အသေအချာပင်။</p> <p>​"ဖိအားဆိုတာ တွန်းအားတစ်ခုပါပဲ၊ တစ်ခါတလေကျရင် ရှေ့ကိုပဲ ကြည့်ပြီး တိုးသွားဖို့ လိုအပ်တယ်" ဟု လင်းရှင်းဟိုင်က ဆိုသည်။</p> <p>​ဖန်ထျန်းဟယ်မှာ ခေတ္တမျှ မှင်သက်သွားပြီးနောက် ရယ်မောလိုက်သည်။ ဟုတ်ပေသည်၊ သူသည် အကောင်းဆုံး အခြေအနေကို စောင့်ဆိုင်းနေရင်းဖြင့် သူ၏ စိတ်ဓာတ်တက်ကြွမှုများ လျော့နည်းသွားနိုင်သည်ကို သတိမထားမိခဲ့ပေ။ ထို့အပြင် ယခု သူ၏ လက်ထဲတွင် အဆင့်မြင့် အဆင့်တက်ဆေးရည်ပါ ရှိနေသဖြင့် အခြားသူများထက် အခြေအနေ ပိုကောင်းနေသည် မဟုတ်ပါလား။</p> <p>​ထို့နောက် သူတို့သည် ရော်ဂျာတို့ကိုပါ ခေါ်ယူကာ လက်ကျန် အမှတ်များဖြင့် မည်သည့်လက်နက်များကို ဝယ်ယူပါက အဖွဲ့၏ တိုက်ခိုက်ရေးစွမ်းအားကို အမြင့်ဆုံး ဖြစ်စေမလဲဆိုသည်ကို ဆွေးနွေးခဲ့ကြသည်။</p> <p>​......</p> <p>​နာရီဝက်ခန့် ကြာပြီးနောက် ယာဉ်တန်းမှာ အခြေစိုက်စခန်းသို့ ပြန်ရောက်လာသည်။ ဖန်ထျန်းဟယ်သည် သူ၏ အလုပ်များကို ရှန်ဟန်အား လွှဲအပ်ခဲ့ပြီး အဆင့်တက်ရန်အတွက် အခန်းထဲသို့ ဝင်သွားတော့သည်။</p> <p>​လင်းရှင်းဟိုင်သည်လည်း သူနှင့်အတူ လိုက်သွားရန် ပြင်ဆင်နေစဉ် ကျင်းချန်းလန့် ရောက်လာပြီး အစည်းအဝေးတစ်ခုသို့ ဖိတ်ကြားခဲ့သည်။ ဤအစည်းအဝေးမှာ ကြေးစားများအသင်းနှင့် စစ်တပ်တို့ ပူးပေါင်းပြုလုပ်ခြင်းဖြစ်ပြီး လင်းရှင်းဟိုင်မှာ ရာထူးမရှိဘဲ တက်ရောက်ခွင့်ရသည့် တစ်ဦးတည်းသောသူ ဖြစ်သည်။</p> <p>​စစ်တပ်၏ အမြင့်ဆုံးအရာရှိ လင်းကျန့်ယန် ရောက်လာပြီးနောက် အစည်းအဝေးကို ချက်ချင်း စတင်ခဲ့သည်။</p> <p>​"ဒီနေ့ အစည်းအဝေးရဲ့ အဓိက အကြောင်းအရာကတော့ မျိုးဗီဇပြောင်း ဇွန်ဘီတွေရဲ့ အန္တရာယ်နဲ့ အဲဒီကနေ ဖြစ်ပေါ်လာနိုင်တဲ့ အရေးပေါ် အခြေအနေတွေကို ရင်ဆိုင်ဖို့ပဲ။ မင်းတို့လည်း ဒီရက်ပိုင်း မျိုးဗီဇပြောင်း ဇွန်ဘီတွေရဲ့ လှုပ်ရှားမှု ပုံမှန်မဟုတ်တာကို သတိထားမိကြမှာပါ။ စစ်ဦးစီးဌာန ရဲ့ ခွဲခြမ်းစိတ်ဖြာချက်အရ မျိုးဗီဇပြောင်း ဇွန်ဘီတွေ စုပေါင်းပြီး ပြန်လည် တိုက်ခိုက်လာနိုင်ခြေဟာ ၈၅ ရာခိုင်နှုန်းထက် ပိုနေတယ်၊ အဲဒါက နောက်ထပ် ၃ ရက်အတွင်းမှာ ဖြစ်နိုင်တယ်။ ဒါကြောင့် ငါတို့မှာ ကြိုတင်ပြင်ဆင်ထားတဲ့ အစီအစဉ်တွေ ရှိရမယ်" ဟု လင်းကျန့်ယန်က ပြောကြားရင်း စာရွက်စာတမ်းများကို ဝေငှစေလိုက်သည်။</p> <p>​လင်းရှင်းဟိုင်သည် ထိုစာရွက်များကို ဖတ်ကြည့်လိုက်ရာ အချက် ၃ ချက်ကို တွေ့ရသည်။</p> <p>၁။ ထိန်းချုပ်ထားသော နယ်မြေအတွင်းရှိ ဇွန်ဘီအားလုံးကို အမြစ်ပြတ် ရှင်းလင်းရန်နှင့် လမ်းမကြီးများပေါ်ရှိ အတားအဆီးများကို ဖယ်ရှားရန် (အရေးပေါ်အခြေအနေတွင် အမြန်ဆုံး ဆုတ်ခွာနိုင်ရန်)။</p> <p>၂။ စက်မှုဇုန်သို့ သွားရာလမ်းကို အမြန်ဆုံး ဖွင့်လှစ်ရန် (လမ်းကြောင်း ၁၀ ခုကို တစ်ခုတည်းအဖြစ် ပေါင်းစည်းပြီး မနက်ဖြန်တွင် စက်မှုဇုန်သို့ ရောက်ရှိရန်)။</p> <p>၃။ ကင်းထောက်အဖွဲ့များ ဖွဲ့စည်းပြီး မျိုးဗီဇပြောင်း ဇွန်ဘီများ၏ လှုပ်ရှားမှုကို အမြဲ စောင့်ကြည့်ရန်။</p> <p>​ဤအစီအစဉ်အပေါ် မည်သူမျှ ကန့်ကွက်ခြင်း မရှိကြပေ။</p> <p>​"ဘယ်သူမှ ကန့်ကွက်စရာ မရှိရင် ဒီညကစပြီး အကောင်အထည်ဖော်မယ်။ ဒီည ထွက်မယ့် ကြေးစားအဖွဲ့တွေဟာ လမ်းသစ်ဖောက်စရာ မလိုဘူး၊ သူတို့ရဲ့ တာဝန်က နယ်မြေရှင်းဖို့ပဲ။ အဆောက်အအုံ တစ်လုံးချင်းစီကို ရှင်းရမယ်၊ ဇွန်ဘီ ၁၀ ကောင်ထက် ပိုမကျန်စေရဘူး။ မနက်ဖြန်ကျရင် အဖွဲ့အားလုံး စုပေါင်းပြီး စက်မှုဇုန်ကို လမ်းဖောက်မယ်၊ နေမဝင်ခင် စက်မှုဇုန်ထဲ ရောက်ရမယ်။ အစီအစဉ်အတိုင်းဆိုရင် တစ်ရက်ခွဲအတွင်းမှာ လိုအပ်တဲ့ ပစ္စည်းတွေကို စုဆောင်းပြီး ဒီနေရာကနေ ဆုတ်ခွာနိုင်လိမ့်မယ်။"</p> <p>​"ငါတို့မှာ အချိန်သိပ်မရှိဘူး၊ အချိန်နဲ့ အပြိုင် လုနေရတာ။ ဒါကြောင့် ကင်းထောက်အဖွဲ့တွေက ငါတို့ရဲ့ မျက်လုံးတွေပဲ၊ သူတို့က ဒီမြို့ထဲမှာ ငါတို့အတွက် အကြီးမားဆုံး အကာအကွယ်ပဲ။ ဒီအဖွဲ့ကို စစ်တပ်က ထိပ်သီးတွေနဲ့ ဖွဲ့မှာဖြစ်သလို ကြေးစားဘက်က အင်အားကြီးသူတွေကိုလည်း ဖိတ်ခေါ်ချင်တယ်" ဟု လင်းကျန့်ယန်က ပြောကြားရင်း လင်းရှင်းဟိုင်ကို ကြည့်လိုက်တော့သည်။</p> <p>***</p> <p> </p>


Save