Book List

<h2 style="text-align: center;">အခန်း (၁၁၂)</h2> <h2 style="text-align: center;">သာလွန်လူသားများအကြား တိုက်ပွဲ</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>“မရဘူး လင်းဖုန်း... ကျောက်တုံးမြို့မှာ မင်း ပုဂ္ဂိုလ်ရေးအရ လူသတ်ခွင့် လုံးဝ မရှိဘူး။ သာလွန်လူသားတွေအကုန်လုံး သာလွန်လူသား သဘောတူညီချက်ကို လက်မှတ်ထိုးထားကြတယ်။ ဒီအချက်တွေကို မင်း ကောင်းကောင်းသိမယ်လို့ ငါ ထင်တယ်။ ယွီရွှေက ရာဇဝတ်မှု ကျူးလွန်ခဲ့ရင်တောင် သက်သေအထောက်အထားတွေ စုဆောင်းပြီး အစိုးရတရားရုံးကနေ စီရင်ချက်ချရမယ်။ သူ့ကို မင်း ကိုယ်တိုင် သတ်ပိုင်ခွင့် မရှိဘူး”</p> <p> </p> <p>ဥပဒေစိုးမိုးရေး အဖွဲ့ဝင် လေးဦးက ပြတ်သားစွာ ပြောလိုက်သည်။ ဤအချက်နှင့် ပတ်သက်၍ ညှိနှိုင်းစရာ အကြောင်းမရှိပေ။ အဘယ်ကြောင့်ဆိုသော် ယင်းမှာ အရေးကြီးသော မေးခွန်းတစ်ခုနှင့် သက်ဆိုင်နေသောကြောင့်ပင်။ အစိုးရရဲ့ အုပ်ချုပ်ရေးအာဏာက သာလွန်လူသား ကျွမ်းကျင်သူတွေကို ထိန်းချုပ်နိုင်သလော။</p> <p> </p> <p>ဤမေးခွန်းနှင့် ပတ်သက်၍ အစိုးရအဖွဲ့၊ လက်နက်ကိုင်တပ်ဖွဲ့နှင့် အခြားသော အဖွဲ့ကြီး သုံးခုတို့သည် ထိုစဉ်က အပြင်းအထန် အချေအတင် ဆွေးနွေးမှုများ ပြုလုပ်ခဲ့ကြသည်။ နောက်ဆုံးတွင် အဖွဲ့ကြီး ငါးခုသည် သဘောတူညီမှုတစ်ခု ပြုလုပ်နိုင်ခဲ့ကြသည်။</p> <p> </p> <p>မည်သည့်အဖွဲ့ကြီး ငါးခုမှ သာလွန်လူသား ကျွမ်းကျင်သူများဖြစ်စေ လူများကို ဖြစ်သလို သတ်ဖြတ်ပြီး လူ့အဖွဲ့အစည်း၏ တည်ငြိမ်မှုကို ဖျက်ဆီးပါက အစိုးရအနေဖြင့် ထိုသာလွန်လူသား ကျွမ်းကျင်သူများကို ကိုင်တွယ်ဖြေရှင်းပိုင်ခွင့် ရှိသည်။</p> <p> </p> <p>ယခုအချိန်တွင် လင်းဖုန်းသည် သူကိုယ်တိုင် ဥပဒေမဲ့ လုပ်ဆောင်ချင်နေကြောင်း ထင်ရှားသည်။ သူက သက်သေအထောက်အထားကိုပင် မလိုအပ်ပေ။ ဤသည်မှာ အဖွဲ့ကြီး ငါးခုအကြားရှိ ဘုံသဘောတူညီချက်ကို ချိုးဖောက်ခြင်းဖြစ်ပြီး စည်းမျဉ်းဥပ‌ဒေများကို ချိုးဖောက်ခြင်းပင်။</p> <p> </p> <p>ထို့ကြောင့် ဥပဒေစိုးမိုးရေး အဖွဲ့ဝင် လေးဦးမှာ အလွန် ဒေါသထွက်နေကြသည်။ သူတို့အားလုံးမှာ အစိုးရနှင့် လက်နက်ကိုင်တပ်ဖွဲ့များ ပူးပေါင်းဖွဲ့စည်းထားသော ဥပဒေစိုးမိုးရေးအဖွဲ့မှ ဖြစ်ကြသည်။ သဘာဝကျစွာပင် သူတို့သည် ဤစည်းမျဉ်းစည်းကမ်းများကို ထိန်းသိမ်းရပေမည်။</p> <p> </p> <p>“သက်သေ... သက်သေဆိုတာချည်းပဲ... ဟက်”</p> <p> </p> <p>လင်းဖုန်းသည် ယွီရှန်း၏ ဓာတ်ပုံကို တစ်ချက်ကြည့်လိုက်သည်။ ထိုစဉ်က ယွီရှန်းတွင် သက်သေမရှိသောကြောင့် ယွီရွှေကို ဘာမှမလုပ်နိုင်ခဲ့ပေ။ သို့သော် တကယ်ပဲ သက်သေ လုံးဝ မရှိဘူး ဆိုတာ ဟုတ်ရဲ့လား။</p> <p> </p> <p>အပြည့်အဝမှန်မည် မဟုတ်လောက်ဘူးဟု သူ ထင်သည်။ မည်သည့်အရာမျှ လုံးဝ ပြီးပြည့်စုံနေခြင်း မရှိပေ။ ယွီရွှေက ငွေကြေးများကို ခဝါချခဲ့လျှင်တောင် ငွေကြေးခဝါချသည့် နည်းလမ်းက မည်မျှပင် ရှုပ်ထွေးနေပါစေ တစ်စုံတစ်ယောက်ကသာ အာရုံစိုက်ပြီး စုံစမ်းစစ်ဆေးမည်ဆိုပါက သဲလွန်စ တစ်စုံတစ်ရာမျှ မတွေ့ဘဲ မည်သို့ နေမည်နည်း။</p> <p> </p> <p>ပို၍တိတိကျကျ ဆိုရလျှင် ယွီရွှေကဲ့သို့ အသုံးမကျပြီး အရည်အချင်းမရှိသော အလေအလွင့် အမွေခံတစ်ယောက်က ဤမျှများပြားသော ငွေကြေးများကို တရားဥပဒေဘောင်အတွင်းမှ မည်သို့ ရှာဖွေနိုင်မည်နည်း။ သေသေချာချာ စုံစမ်းစစ်ဆေးပါက သဲလွန်စ လုံးဝ မတွေ့နိုင်ဘူးဆိုတာ သေချာပါ၏လော။</p> <p> </p> <p>အရာအားလုံးမှာ ဂရုစိုက်မှုအပေါ် မူတည်သည်။ သူတို့ သေသေချာချာ စုံစမ်းစစ်ဆေးပြီး အချိန်ယူ လုပ်ဆောင်မည်ဆိုပါက ယွီရွှေ၏ လုပ်ရပ်များမှာ မည်မျှပင် အထာကျနေပါစေ သဲလွန်စ လုံးဝ မကျန်ရစ်ဘဲ မည်သို့မျှ မနေနိုင်ပေ။</p> <p> </p> <p>ဒါပေမဲ့ လက်တွေ့မှာတော့...။</p> <p> </p> <p>ယွီရှန်း ဌာနပေါင်းစုံကို သွားခဲ့သည်။ သူ သိုင်းပညာရှင်အသင်းထံမှ အကူအညီ တောင်းခံခဲ့သော်လည်း မည်သူကမျှ တုံ့ပြန်ခြင်း မရှိခဲ့ပေ။ သူ တရားရုံးသို့ သွားခဲ့သော်လည်း ထပ်မံ ပယ်ချခံခဲ့ရသည်။ အကြောင်းရင်းက ဘာလဲ။ ယွီရှန်းမှာ အဆင့်မြင့်သိုင်းသမား တစ်ယောက် မဟုတ်တော့ဘဲ ခြေထောက်နှစ်ဖက်စလုံး ဆုံးရှုံးထားရသည့် မသန်စွမ်းတစ်ယောက်သာ ဖြစ်နေသောကြောင့်ပင်။ ဘာအကျိုးအမြတ်မှ မရဘဲ ယွီရှန်းကို ကူညီရန် အချိန်နှင့် အားအင်များကို မည်သူကမျှ အလဟဿ မဖြုန်းတီးချင်ကြပေ။</p> <p> </p> <p>ယနေ့အချိန်အထိ ယွီရှန်း သေဆုံးသွားသည့်တိုင် မည်သူကမျှ ရှေ့ထွက်မလာခဲ့ပေ။ လင်းဖုန်း အလွန် စိတ်ပျက်ပြီး နက်ရှိုင်းစွာ စိတ်နာကျည်းသွားခဲ့သည်။ အစိုးရဌာနရှိ လူများနှင့် အနောက်တန်းတွင် ငြိမ်းချမ်းမှုကို ခံစားနေကြသူများက စွမ်းဆောင်မှုရှိသော သိုင်းသမားတစ်ဦးကို ဤသို့ ဆက်ဆံကြလိမ့်မည်ဟု သူ စိတ်ကူးပင် မယဉ်ဖူးခဲ့ပေ။</p> <p> </p> <p>ထိုစဉ်က ယွီရှန်းလည်း စိတ်ဓာတ်ကျဆင်းသွားခဲ့ပြီး လင်းဖုန်းထံမှ အကူအညီ တောင်းခံရန်ပင် သူ့ကိုယ်သူ အားမမွေးနိုင်ခဲ့ပေ။ လင်းဖုန်း၏ အကူအညီကို တိတ်တဆိတ် တောင်းခံခဲ့သူမှာ ယွီရှန်း၏ ချစ်သူသာ ဖြစ်သည်။ အကျင့်ပျက်ခြစားမှုများ၊ ယိုယွင်းပျက်စီးမှုများနှင့် နှစ်ပေါင်းများစွာ ကြာမြင့်ခဲ့သော တည်ငြိမ်အေးချမ်းမှုတို့က မြို့ထဲရှိ လူအများအပြားကို လုံးဝ ပျက်စီးသွားစေခဲ့သည်။ သူတို့သည် သူတို့၏ ပတ်ဝန်းကျင်တွင် ချောင်းမြောင်းနေသော ရေတွက်မကုန်နိုင်သည့် သားရဲများ ရှိနေသည်ကိုပင် မေ့လျော့နေကြပြီ ဖြစ်သည်။</p> <p> </p> <p>ဤကဲ့သို့ တည်ငြိမ်သော ဘဝကို ဘယ်သူက ပေးခဲ့သလဲဆိုတာ သူတို့ မေ့သွားကြပုံရသည်။</p> <p> </p> <p>အသက်ကို ပဓာနမထားဘဲ ရှေ့တန်းတွင် သွေးချောင်းစီး တိုက်ပွဲဝင်ခဲ့ကြသော အခက်အခဲပေါင်းစုံကြားမှ အသက်ကို ရင်းခဲ့ကြသော သိုင်းသမားများကြောင့်သာ ဤသို့နေနိုင်ကြခြင်း ဖြစ်ပေ၏။ ပြီးတော့ သူတို့က ခြေထောက်နှစ်ဖက်စလုံး ဆုံးရှုံးသွားတဲ့ စွမ်းဆောင်ရည်ရှိတဲ့ သိုင်းသမားတစ်ယောက်ကို ဒီလို ဆက်ဆံကြတာလား။</p> <p> </p> <p>“သက်သေ မလိုဘူး။ ငါ သတ်ချင်ရင် ငါ့ကို ဘယ်သူမှ တားလို့ မရဘူး”</p> <p> </p> <p>လင်းဖုန်း၏ အကြည့်များမှာ စူးရှထက်မြက်လာပြီး ကြောက်မက်ဖွယ်ကောင်းသော လူသတ်ချင်စိတ်များ ပြည့်နှက်နေသည်။ ဤလူသတ်ချင်စိတ်က အသွင်ပြောင်းနယ်ပယ် သိုင်းသမားများ ဖြစ်ကြသော ဥပဒေစိုးမိုးရေး အဖွဲ့ဝင် လေးဦးကိုပင် တုန်လှုပ်သွားစေသည်။</p> <p> </p> <p>ဤသည်မှာ ရှေ့တန်းတွင် တိုက်ပွဲဝင်ခဲ့သော သိုင်းသမားများနှင့် သာမန်သိုင်းသမားများအကြား ကွာခြားချက်ပင်။ မြို့ထဲတွင် ငြိမ်းချမ်းမှုနှင့် တည်ငြိမ်မှုကို ခံစားနေကြသော သိုင်းသမားများနှင့် နှိုင်းယှဉ်ပါက ရှေ့တန်းတွင် သားရဲများနှင့် အမြဲတမ်း တိုက်ပွဲဝင်နေရသော သိုင်းသမားများမှာ သံသယဖြစ်ဖွယ်မရှိဘဲ ပို၍ ကြောက်မက်ဖွယ် ကောင်းလှသည်။</p> <p> </p> <p>“လင်းဖုန်း... မင်းရဲ့ လက်ရှိ လုပ်ရပ်တွေက အရမ်း အန္တရာယ်များတယ်။ သာလွန်လူသား သဘောတူညီချက် အပိုဒ် ၃၆ အရ မင်းကို ဖမ်းဆီးကြောင်း ငါတို့ ကြေညာတယ်”</p> <p> </p> <p>“မင်းတို့ လုပ်နိုင်မယ် ထင်နေတာလား”</p> <p> </p> <p>“တိုက်”</p> <p> </p> <p>ဥပဒေစိုးမိုးရေး အဖွဲ့ဝင် လေးဦးက စတင် လှုပ်ရှားလိုက်ကြသည်။ သူတို့ထဲမှ နှစ်ဦးမှာ အလွန် မြန်ဆန်ပြီး သူတို့၏ ခန္ဓာကိုယ်တစ်ဝိုက်တွင် လေလှိုင်းများ စီးဆင်းနေသည့်အလား ဖြစ်နေသည်။ ခြေလှမ်းအနည်းငယ်ဖြင့် သူတို့သည် လင်းဖုန်းထံသို့ ချဉ်းကပ်လာကြသည်။ ဤသည်မှာ စစ်မှန်သော အသွင်ပြောင်းနယ်ပယ် သိုင်းသမားများ ဖြစ်ကြသည်။ လင်းဖုန်း အသွင်ပြောင်းနယ်ပယ် သိုင်းသမားများနှင့် တိုက်ခိုက်ရသည်မှာလည်း ပထမဆုံးအကြိမ် ဖြစ်သည်။ နဂါးကျောက်တုံးမြို့တွင် လင်းဖုန်းက မိစ္ဆာ ၃၀ ကို နှိမ်နင်းနိုင်ခဲ့သော်လည်း ထိုမိစ္ဆာများမှာ စစ်မှန်သော အသွင်ပြောင်းနယ်ပယ် သိုင်းသမားများနှင့် များစွာ ကွာခြားလှသည်။</p> <p> </p> <p>ယခင်ကဆိုလျှင် လင်းဖုန်းသည် အသွင်ပြောင်းနယ်ပယ် သိုင်းသမားအချို့နှင့် လက်ရည်စမ်းရန် သို့မဟုတ် အပြန်အလှန် ဆက်သွယ်ရန် အလွန် ဆန္ဒရှိကောင်း ရှိပေလိမ့်မည်။ အသွင်ပြောင်းနယ်ပယ် သိုင်းသမားများ၏ မွေးရာပါ စွမ်းရည်များကို မြင်တွေ့ရန်ပင် သူ အလွန် ဆန္ဒရှိကောင်း ရှိနိုင်သည်။</p> <p> </p> <p>သို့သော် ယခုအချိန်တွင် လင်းဖုန်းမှာ စိတ်မပါပေ။ ထို့ကြောင့် လင်းဖုန်းလည်း လှုပ်ရှားလိုက်သည်။ သူ နောက်သို့ တစ်လှမ်းမျှပင် မဆုတ်ပေ။ သူ၏ လက်ကို မြှောက်ကာ ပြင်းထန်သော လက်သီးတစ်ချက် ထိုးချလိုက်သည်။ ထို့အပြင် သူသည် လက်သီးနှစ်ဖက်စလုံးကို တစ်ပြိုင်နက်တည်း ထိုးချလိုက်ခြင်း ဖြစ်သည်။</p> <p> </p> <p>“ဝဲကယက်စွမ်းအား ပထမအဆင့်”</p> <p> </p> <p>လင်းဖုန်းသည် လုံးဝ ရှောင်တိမ်းခြင်း သို့မဟုတ် ကာကွယ်ခြင်း မပြုပေ။ သူသည် လက်နှစ်ဖက်ဖြင့် အသွင်ပြောင်းနယ်ပယ် သိုင်းသမား နှစ်ဦးကို တိုက်ရိုက် တိုက်ခိုက်လိုက်သည်။</p> <p> </p> <p>အသွင်ပြောင်းနယ်ပယ် သိုင်းသမား နှစ်ဦးမှာ အလွန် အံ့အားသင့်သွားကြသည်။ လင်းဖုန်း ရူးနေတာလား။ သူက သိသိသာသာကို ဒဏ်ရာအချင်းချင်း လဲလှယ်နေခြင်း ဖြစ်သည်။ သူတို့က လင်းဖုန်းကို ဖမ်းဆီးရန်သာ ဖြစ်ပြီး သူ့ကို ဒဏ်ရာရစေရန် တစ်ခါမျှပင် မတွေးထားခဲ့ပေ။ ဤကဲ့သို့ နှစ်ဦးနှစ်ဖက်ထိခိုက်ရန် ခွင့်ပြုနိုင်မည် မဟုတ်ပေ။</p> <p> </p> <p>ထို့အပြင် လင်းဖုန်း မည်မျှထိ အစွမ်းထက်သနည်း။ အဝေးကနေတောင်မှ လေတိုးသံများကို သူတို့ ခံစားနေရသည်။ အကယ်၍သာ အပြည့်အဝ ထိမှန်သွားပါက သူတို့ သေချာပေါက် ဆိုးဆိုးရွားရွား ခံစားရပေလိမ့်မည်။</p> <p> </p> <p>သို့သော် လင်းဖုန်း၏ လက်သီးအရှိန်မှာ အလွန် မြန်ဆန်ပြီး ပေါက်ကွဲထွက်နိုင်သော ခွန်အားမှာလည်း ပြိုင်ဘက်ကင်းပေသည်။ သူတို့နှစ်ဦး လမ်းတစ်ဝက်တွင် ရပ်တန့်ရန် မည်သို့ လွယ်ကူနိုင်မည်နည်း။</p> <p> </p> <p>ဝုန်း</p> <p> </p> <p>သာလွန်လူသား ကျွမ်းကျင်သူများအကြား တိုက်ပွဲက မည်မျှ ပြင်းထန်သနည်း။ သူတို့ သုံးဦး၏ ထိပ်တိုက် ရင်ဆိုင်မှုအပြီးတွင် ငလျင်လှုပ်သွားသကဲ့သို့ ဖြစ်သွားသည်။ မြေပြင်မှာ ချက်ချင်း အက်ကွဲသွားပြီး ကြွေပြားများပေါ်တွင် ပင့်ကူအိမ်သဖွယ် အက်ကြောင်းများ ထူထပ်စွာ ဖုံးလွှမ်းသွားသည်။</p> <p> </p> <p>တစ်ချိန်တည်းမှာပင် အစွမ်းထက်သော ခွန်အားနှစ်ခုက လင်းဖုန်းကို ရိုက်ခတ်သွားသည်။ သို့သော် သူ့ခန္ဓာကိုယ် တစ်ချက်မျှသာ တုန်ခါသွားပြီး အစွမ်းထက် မသေနိုင်သည့် အစွမ်းသတ္တိက သူ့ကို လုံးဝ ဒဏ်ရာမရထားသည့်အလား မူလအခြေအနေသို့ ချက်ချင်း ပြန်လည်ရောက်ရှိသွားစေသည်။</p> <p> </p> <p>အခြားတစ်ဖက်တွင် သတိလက်လွတ်ဖြစ်သွားသော ခဏတာလေးက အသွင်ပြောင်းနယ်ပယ် သိုင်းသမား နှစ်ဦးကို လင်းဖုန်း၏ ရိုက်ထုတ်မှုကြောင့် လွင့်စင်သွားစေသည်။ လင်းဖုန်းသည် ဝဲကယက်စွမ်းအား တစ်ခုကိုသာ ထုတ်လွှတ်ခဲ့သော်လည်း တန် ၇၀၀ ကျော်ရှိသော ခွန်အားက မည်သို့လျှင် သာမန် ဖြစ်နိုင်မည်နည်း။</p> <p> </p> <p>သူတို့နှစ်ဦးစလုံး တိုက်ခိုက်မှု တစ်ချက်တည်းဖြင့် ဒဏ်ရာရသွားခဲ့သည်။ သူတို့သည် ဝက်အူရစ်ပိုးကောင်များ မဟုတ်သဖြင့် ပြန်လည်ကုသနိုင်စွမ်း များများစားစား မရှိပေ။ ထို့ကြောင့် သူတို့နှစ်ဦးသည် တိုက်ခိုက်မှု တစ်ချက်တည်းဖြင့် တိုက်ခိုက်နိုင်စွမ်း လုံးဝနီးပါး ဆုံးရှုံးသွားခဲ့ရသည်။ ဤသည်မှာ လင်းဖုန်းက သူ၏ ခွန်အားကို ပြန်ရုပ်သိမ်းလိုက်ခြင်း၏ ရလဒ်သာ ဖြစ်သေးသည်။ သို့မဟုတ်ပါက သူတို့နှစ်ဦး တိုက်ခိုက်မှု တစ်ချက်တည်းဖြင့် သေဆုံးသွားရပေလိမ့်မည်။</p> <p> </p> <p>“ဟူး...”</p> <p> </p> <p>အနည်းငယ် နှေးကွေးသွားသော အခြား သိုင်းသမား နှစ်ဦးမှာ အသက်ရှုမှားသွားကြသည်။ သူတို့ ဘာကို မြင်လိုက်ရတာလဲ။ လင်းဖုန်းက တိုက်ကွက် တစ်ကွက်တည်းဖြင့် အသွင်ပြောင်းနယ်ပယ် သိုင်းသမား နှစ်ဦးကို အနိုင်ယူလိုက်ခြင်းပင်။ ဤသည်မှာ လင်းဖုန်း မျိုးရိုးဗီဇကန့်သတ်ချက်ကို ချိုးဖျက်ခါစသာ ရှိသေးပြီး သူ့ခန္ဓာကိုယ်မှာ အပြည့်အဝ အသွင်ပြောင်းလဲခြင်း မရှိသေးသည့်အချိန်တွင် ဖြစ်သည်။</p> <p> </p> <p>ဒါ ဘယ်လိုလုပ် ဖြစ်နိုင်မှာလဲ။</p> <p> </p> <p>သို့သော် တိုက်ပွဲက မျက်စိတစ်မှိတ်အတွင်း ဖြစ်ပွားခဲ့သည်။ လင်းဖုန်းက တိုက်ကွက် တစ်ကွက်တည်းဖြင့် အသွင်ပြောင်းနယ်ပယ် သိုင်းသမား နှစ်ဦးကို အနိုင်ယူပြီးနောက် ရုတ်တရက် ခြေထောက်ကို မြေပေါ်သို့ အားပြုကာ ဆောင့်နင်းလိုက်သည်။</p> <p> </p> <p>ဝုန်း</p> <p> </p> <p>ဗီလာတစ်ခုလုံး တုန်ခါသွားသည်။ တစ်ချိန်တည်းမှာပင် သူသည် ဥပဒေစိုးမိုးရေး အဖွဲ့ဝင် နှစ်ဦးထံသို့ အမြောက်ဆံတစ်ခုအလား ပျံသန်းသွားသည်။</p> <p> </p> <p>“နောက်ဆုတ်၊ နောက်ကို ဆုတ်ပြီး မွေးရာပါ စွမ်းရည်တွေနဲ့ တိုက်ခိုက်။ ဒီလင်းဖုန်းက ခွန်အားအမျိုးအစား သိုင်းသမား ဖြစ်ရမယ်။ သူ့ရဲ့ ခွန်အားက အရမ်း ကြောက်စရာကောင်းတယ်။ ထိပ်တိုက် မရင်ဆိုင်နဲ့”</p> <p> </p> <p>အသွင်ပြောင်းနယ်ပယ် သိုင်းသမားတစ်ဦးဖြစ်သည့်အလျောက်ပင်။ သူက အတွေ့အကြုံ ရင့်ကျက်သည်။ ဝက်အူရစ်ပိုးကောင် နတ်ဆိုးများနှင့် နှိုင်းယှဉ်ပါက သူ့တွင် မသေနိုင်သော ဂုဏ်သတ္တိ မရှိသော်လည်း သူ၏ တိုက်ခိုက်ရေး နည်းလမ်းများမှာ ပို၍ သွက်လက်ပြီး အမျိုးအစားစုံလှသည်။ ယခုလေးတင် လင်းဖုန်းသည် နှစ်ဖက်စလုံး၏ ရင်းနှီးကျွမ်းဝင်မှုမရှိခြင်းကို အသုံးချကာ အသွင်ပြောင်းနယ်ပယ် သိုင်းသမား နှစ်ဦးကို တစ်ပြိုင်နက်တည်း ပြင်းထန်စွာ ဒဏ်ရာရစေခဲ့ခြင်း ဖြစ်သည်။ လက်ရှိတွင် ထိုပုံစံအတိုင်း ထပ်လုပ်ရန်မှာ မလွယ်ကူတော့ပေ။</p> <p> </p> <p>ဥပဒေစိုးမိုးရေး အဖွဲ့ဝင် နှစ်ဦးသည် အလျင်အမြန် နောက်ဆုတ်သွားပြီး မျက်စိတစ်မှိတ်အတွင်း ဗီလာထဲမှ ထွက်ခွာသွားကြသည်။ လင်းဖုန်းကလည်း သဘာဝကျစွာပင် သူတို့နှစ်ဦးနောက်သို့ အနီးကပ် လိုက်ပါသွားသည်။</p> <p> </p> <p> </p> <p> </p> <p> </p> <p>***</p> <p> </p>


Save