Book List

<h2 style="text-align: center;">အပိုင်း - ၃၅၂</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"အဲ့ဒီလူက တကယ်တော့ ဘယ်သူလဲ။ ဖန်ရှုကျိန်း တို့ကို တစ်ယောက်ယောက်လွှတ်ပြီး စမ်းသပ်ခိုင်းလိုက်၊ ဒါဆိုရင် ငါတို့ သိရမှာပဲ"</p> <p>"စစ်အင်အားနဲ့ ပတ်သက်ရင်တော့..."</p> <p>"တကယ်တမ်း လူသုံးထောင်ပဲ ရှိတာပါ"</p> <p>"အင်အားကြီးသယောင် လှည့်စားတာက ဖန်ချင်းယွမ် အကျွမ်းကျင်ဆုံး အလုပ်ပဲ မဟုတ်လား။ ငါက စစ်ရေးသတင်းမှားတွေ ပေးပို့နေတယ်ဆိုတာကတော့ လုံးဝ အဓိပ္ပာယ်မရှိတာပဲ"</p> <p>ဒုဗိုလ်ချုပ် လျူဟွမ်ရုံ က စိုးရိမ်တကြီးဖြင့်"ဒါပေမဲ့ အပြန်အလှန် မယုံကြည်မှုတွေ ဖြစ်နေပြီဆိုတော့ ကျွန်တော်တို့ ဘာပဲပြောပြော သူတို့ အလွယ်တကူ ယုံမှာ မဟုတ်တော့ဘူး"</p> <p>"ငါ့သားကို သူတို့ဆီ လွှတ်လိုက်မယ်"</p> <p>လီဂုန်းက အံကြိတ်လျက်"ငါ့မှာ သားတစ်ယောက်တည်း ရှိတာ။ ဒါဆိုရင်တော့ သူတို့ ငါ့ကို ယုံကြည်လောက်ပြီ မဟုတ်လား"</p> <p>သူ၏ သားကြီးမှာ လင်ကျိုး အနောက်ဘက်ရှိ ယောင်ပြည်နယ်တွင် တပ်စွဲထားသူ ဖြစ်သည်။</p> <p>"မြို့ကိုတိုက်ဖို့ နောက်ထပ် အချိန်ဆွဲနေဦးမယ်ဆိုရင် ငါတို့အတွက် စစ်ရေးအခွင့်အရေးတွေ ဆုံးရှုံးကုန်လိမ့်မယ်လို့ သူတို့ကို သွားပြောလိုက်"</p> <p>...</p> <p>ဟူလောင်တောင်ကြား။</p> <p>"ဘာ"</p> <p>"မနေ့ညက မင်းတို့ တစ်ထောင်ငါးရာတည်းနဲ့ လူတစ်သောင်းကျော်ကို အနိုင်ယူခဲ့တာ ဟုတ်လား"</p> <p>"မိုးကြိုးနတ်မင်းရဲ့ ကူညီမှုနဲ့ပေါ့လေ"</p> <p>"ဒါက သိပ်တော့ မဆန်းပါဘူး။ ငါ့မျက်စိရှေ့တင်ပဲ ခုနက ငါ့ကို စိုက်ကြည့်နေတဲ့ မုတ်ဆိတ်ဗလကြီးက ခဏနေတော့ မီးကျွမ်းနေတဲ့ ပြာပုံဖြစ်သွားတာပဲ"</p> <p>"ငါတို့ရဲ့ ဒါရှန်နိုင်ငံ အနက်ရောင်သံချပ်ကာတပ်ကတော့ တကယ်ပဲ နတ်ဘုရားတွေရဲ့ စောင့်ရှောက်မှုကို ရနေပြီထင်တယ်"</p> <p>"လျှောက်မပြောနဲ့၊ ဒါက ကောင်းကင်ဘုံကျမ်းထဲက ဗျူဟာကြောင့်ပါ"</p> <p>မြို့ထဲတွင် အနက်ရောင်သံချပ်ကာ စစ်သည်တော်များမှာ မနေ့ညက အဖြစ်အပျက်များကို အားရပါးရ ပြန်လည်ပြောပြနေကြပြီး သူတို့၏ စိတ်ဓာတ်များမှာလည်း အထွတ်အထိပ်သို့ ရောက်ရှိနေသည်။</p> <p>"တကယ့်ကို ရင်ခုန်စရာပဲ" ရှာဝမ်လုံ ပင်လျှင် အလွန်ကျေနပ်နေပုံရသည်။ "ဗိုလ်ချုပ်ဖန် ကတော့ သူ့ရဲ့ နာမည်နဲ့ လိုက်ဖက်အောင် တကယ်ကို စွမ်းဆောင်နိုင်တာပဲ"</p> <p>"ဟုတ်ပါတယ် စီနီယာအစ်ကို"</p> <p>ချန်ဆန်းရှီက "အစ်ကို ခင်းကျင်းလိုက်တဲ့ မိုးကြိုးက သူတို့ကို တကယ့်ကို ထိတ်လန့်သွားစေတာပါ"</p> <p>"ညီလေး... ငါ့ကို မြှောက်ပင့်မနေပါနဲ့၊ ဒါက အပိုတွေပါ" ဖန်ချင်းယွမ် က အေးအေးဆေးဆေးပင် ဆိုသည်။</p> <p>"ငါတို့ နောက်ထပ် လုပ်မယ့် ဗျူဟာတွေကိုပဲ ဆက်ပြီး ဆွေးနွေးကြရအောင်။ ဒီရှုံးနိမ့်မှု နှစ်ကြိမ်ပြီးရင် နန်ရွှီရဲ့ ဗိုလ်ချုပ်တွေ အကုန်လုံး ရှေ့တန်းကို ထွက်လာကြတော့မှာပဲ"</p> <p>"သူတို့ဆီမှာ နက်နဲပုံရိပ်အဆင့် သိုင်းပညာရှင် လေးဦးရှိပြီး နှစ်ဦးက ပြီးပြည့်စုံခြင်း အဆင့်ကို ရောက်နေကြတာ"</p> <p>"စီနီယာအစ်ကို... ရန်သူကို အနိုင်ယူမယ့် ဗျူဟာကို အမြန်ဆုံး မျှဝေပေးပါဦး။ ကျွန်တော် တကယ်ကို သိချင်နေပြီး အစ်ကို့ဆီကနေ သင်ယူဖို့ စောင့်နေတာပါ"</p> <p>"ညီလေးကလည်း နှိမ့်ချလွန်းနေပြန်ပြီ။ မင်းက ငါ့ကို ပိုပြီး စိတ်လှုပ်ရှားအောင် လုပ်နေတာပဲ"</p> <p>"ကဲ... နောက်ပြောင်နေတာတွေ တော်ပြီ၊ အရေးကြီးတာ ဆွေးနွေးရအောင်" ဖန်ချင်းယွမ် က"ညီလေးရဲ့ အရင်အစီအစဉ်အရဆိုရင် နန်ရွှီနဲ့ ချင်နိုင်ငံ တပ်တွေကြားမှာ သွေးခွဲပြီး ဟူလောင်တောင်ကြားရဲ့ အင်အားကို ဝေခွဲမရအောင် လုပ်ဖို့ပဲ။ ဒါက သူတို့ ချီတက်မှုကို အချိန်ဆွဲနိုင်လိမ့်မယ်။ ဒါပေမဲ့ ရန်သူကို အပြတ်အသတ် အနိုင်ယူဖို့ နည်းလမ်းကိုတော့ ငါလည်း စဉ်းစားမရသေးဘူး"</p> <p>ဘာပဲဖြစ်ဖြစ်... ရန်သူက အင်အားတစ်သိန်းပါဝင်တဲ့တပ်မတော် မဟုတ်ပါလား။ ရှေ့က အောင်ပွဲတွေက သူတို့ရဲ့ စိတ်ဓာတ်ကို ထိခိုက်စေခဲ့တာ မှန်ပေမဲ့ အဲ့ဒီလောက်ပဲ ရှိသေးတာ ဖြစ်သည်။</p> <p>"သွေးခွဲရုံတင် မလုံလောက်ဘူး" ချန်ဆန်းရှီ က ဖြည်းဖြည်းချင်း ဆိုသည်။ "လီဂုန်းက နန်ရွှီရဲ့ ယုံကြည်မှုကို ရဖို့ အစွမ်းကုန် ကြိုးစားမှာ ဖြစ်လို့ နန်ရွှီတပ်တွေက မြို့ကို လာတိုက်ဦးမှာပဲ။ ငါတို့ သူတို့ကို နောက်တစ်ကျော့ အပြတ်အသတ် သုတ်သင်ပြရမယ်။ သူတို့ တစ်ယောက်နဲ့တစ်ယောက် မယုံကြည်ရုံတင်မကဘဲ ဟူလောင်တောင်ကြားကိုပါ ကြောက်ရွံ့သွားအောင် လုပ်ရမယ်။ အဲ့ဒီအချိန်ကျမှ သူတို့ရဲ့ အားနည်းချက်တွေက ပေါ်ထွက်လာလိမ့်မယ်"</p> <p>"ငါ့အမိန့်ကို ထုတ်ပြန်လိုက်ပါ။ လူနှစ်ထောင်က နေ့တိုင်း မြင်းတွေကို မနားတမ်း မောင်းနှင်နေရမယ်။ ပြီးတော့ စီနီယာအစ်ကို... ပြီးခဲ့တဲ့ နှစ်</p> <p>ပတ်အတွင်းက ကောင်းကင်ဖြစ်စဉ်တွေ အားလုံးကို ကျွန်တော့်အတွက် ရေးပေးပါဦး"</p> <p>"နောက်ဆုံးအနေနဲ့ တပ်မှူးတွေနဲ့ စစ်သည်တွေ အားလုံးကနေ့ရောညပါ ကောင်းကင်ဘုံကျမ်းဗျူဟာကို မပေါ့မဆဘဲ လေ့ကျင့်နေကြရမယ်"</p> <p>ရက်အနည်းငယ် အတောအတွင်းမှာပင် စစ်သည်များသည် နောက်ထပ် ဖြစ်ပေါ်လာမယ့် ကောင်းကင်ဖြစ်စဉ်တွေအပေါ် မူတည်ပြီး ဟူလောင်တောင်ကြား အပြင်ဘက်မှာ ဗျူဟာတွေကို အပတ်တကုတ် လေ့ကျင့်နေကြသည်။</p> <p>နောက်ဆုံးတွင် ချန်ဆန်းရှီ ၏ စစ်ကွပ်ကဲမှု စွမ်းရည်မှာ တိုးတက်လာခဲ့ပြီ ဖြစ်သည်။</p> <p> </p> <p>[စွမ်းရည် - စစ်သည်များကို ကွပ်ကဲခြင်း (ပြီးပြည့်စုံခြင်း)]</p> <p>[တိုးတက်မှု့ - ၀]</p> <p>[စွမ်းဆောင်ရည် - စစ်ပွဲသွေးကြွခြင်း]</p> <p>[စစ်ပွဲသွေးကြွခြင်း - ကွပ်ကဲမှုပညာရပ်မှာ ကမ္ဘာပေါ်တွင် ပြိုင်ဘက်ကင်းလှသည်။ လေ့ကျင့်ပေးထားသော စစ်သည်များသည် ကျားရဲနှင့် ဝံပုလွေများကဲ့သို့ ရက်စက်လာပြီး သွေးကို မြင်သည်နှင့် သွေးကြွကာ မရပ်မနား တိုက်ခိုက်နိုင်သည့် စွမ်းအားများ ရရှိလာလိမ့်မည်]</p> <p> </p> <p>ဒါဟာ စစ်သည်တွေကို စစ်စက်ရုပ်တွေအလား မကြောက်မရွံ့ တိုက်ခိုက်နိုင်စေမယ့် စွမ်းအား ဖြစ်သည်။ အကျပ်အတည်းမှာ တည်ငြိမ်စေတဲ့ မဏ္ဍိုင်၊ စည်းလုံးစေတဲ့ တူညီသော ဝတ်စုံကို ဝတ်ဆင်ထားသူများ၊ ပြီးတော့ ကောင်းကင်ဘုံကျမ်းနဲ့ ဝိညာဉ်ပုတီးစေ့ တို့ ပေါင်းစပ်လိုက်ရင် ရန်သူ့ဘက်မှာ အင်အားကြီး သိုင်းပညာရှင်တွေ မပါလာရင်တော့ တိုက်သမျှ အကုန်နိုင်မှာ ဖြစ်သည်။</p> <p>ပြဿနာက ရန်သူ့ဘက်မှာ နက်နဲပုံရိပ်အဆင့် ပြီးပြည့်စုံခြင်းသို့ ရောက်နေတဲ့ ဗိုလ်ချုပ် နှစ်ဦး ရှိနေတာပဲ ဖြစ်သည်။ ဒါဟာ အင်အားတစ်သိန်းပါဝင်တဲ့တပ်မတော်ကို အနိုင်ယူဖို့အတွက် တတိယခြေလှမ်းကို သတိထားဖို့ လိုအပ်နေသည်။</p> <p>ဒါ့အပြင် နောက်ဆုံးတိုက်ပွဲ မတိုင်ခင်မှာ သူ၏ ဓားချီမန္တန် ကိုလည်း အဆင့်မြှင့်တင်ဖို့ လိုအပ်နေသေးသည်။</p> <p>"သတင်းပို့ပါတယ်" ကျောက်ကန်က အလောတကြီး ရောက်လာသည်။ "အရှင်... နန်ရွှီတပ်မတော် တစ်ခုလုံးဟာ မိုင် ၅၀ အကွာမှာရှိတဲ့ ရွာကြီးကို ရောက်နေပါပြီ။ သူတို့က စစ်သည် နှစ်သိန်းလို့ ကြေညာထားပြီး နက်နဲပုံရိပ်အဆင့် ဗိုလ်ချုပ် လေးဦး ပါလာပါတယ်။ သူတို့ထဲက ဗိုလ်ချုပ်ဖုန်ဆိုတဲ့လူက ရှေ့ပြေးတပ်နဲ့အတူ ရှိနေပြီး မြင်းစီးတပ်သား နှစ်ရာကျော်နဲ့ မြို့တံခါးဝမှာ လာရောက် စိန်ခေါ်နေပါတယ်"</p> <p>"ဖုန်"ချန်ဆန်းရှီ က ထိုလူကို ချက်ချင်း သတိရလိုက်သည်။</p> <p>'ဖုန်ယွင်ဟန် နက်နဲပုံရိပ်အဆင့် ပြီးပြည့်စုံခြင်း။ နန်ရွှီနိုင်ငံမှာ အလွန်ကျော်ကြားတဲ့ ဗိုလ်ချုပ်ကြီး ဖြစ်သည်။'</p> <p>"ငါနဲ့အတူ မြို့ရိုးပေါ်ကို လိုက်ခဲ့"</p> <p>...</p> <p>နန်ရွှီစခန်း။</p> <p>"ကောင်းပြီ"</p> <p>ဖန်ရှုကျိန်း သည် သူ့ရှေ့က ယောင်ပြည်နယ်က အရာရှိကို ကြည့်လျက် ဆုံးဖြတ်လိုက်သည်။</p> <p> "ဗျူဟာမှူး... လီဂုန်းက သူ့ရဲ့ တစ်ဦးတည်းသော သားကိုတောင် အာမခံအဖြစ် လွှတ်ပေးလိုက်ပြီဆိုတော့ ဟူလောင်တောင်ကြားမှာ လူသုံးထောင်ကနေ ငါးထောင်ထက် ပိုမရှိနိုင်တော့ဘူး။ ပြီးခဲ့တဲ့ညက ပေါ်လာတဲ့ ဗိုလ်ချုပ်ကြီးကလည်း ဒါရှန်နိုင်ငံ အိမ်ရှေ့မင်းသား စေလွှတ်လိုက်တာ ဖြစ်နိုင်ပေမဲ့ တတိယမြောက် နက်နဲပုံရိပ်အဆင့် သိုင်းပညာရှင်တော့ ရှိမှာ မဟုတ်ဘူး။ မြို့ကို စိတ်ကြိုက် တိုက်ခိုက်လို့ ရပြီ"</p> <p>ရန်ကျင်ရွှမ်က တည်ငြိမ်စွာဖြင့် "လောစရာ မလိုပါဘူး။ကျွန်တော် ဗိုလ်ချုပ်ဖုန်ကို မြို့ရှေ့မှာ သွားပြီး စိန်ခေါ်ခိုင်းထားပါတယ်။ ဗိုလ်ချုပ်ဖုန် က နက်နဲပုံရိပ်အဆင့် ပြီးပြည့်စုံခြင်းဆိုတော့ ရှာဝမ်လုံ က သူ့ကို ယှဉ်နိုင်မှာ မဟုတ်ဘူး။ သူတို့မှာ အဲ့ဒီ လက်ဗလာနဲ့ တိုက်တဲ့ ဗိုလ်ချုပ်ကြီးကိုပဲ လွှတ်ရလိမ့်မယ်။ အဲ့ဒီအချိန်ကျရင် သူတို့ရဲ့ အင်အားကို အကဲဖြတ်ပြီးမှ မြို့ကို တိုက်ဖို့ ဆုံးဖြတ်ကြတာပေါ့"</p>


Save