Book List

<h2 style="text-align: center;">အခန်း (၅၈၁)</h2> <h2 style="text-align: center;">နတ်ဘုရားအသွင်ပြောင်းအဆင့် အမျိုးသမီးကျင့်ကြံသူကို ကူပိုးကောင် ထည့်သွင်းခြင်း၊ ထိုက်</h2> <h2 style="text-align: center;">ရီရွှေစင်၊ နတ်ဘုရားအသွင်ပြောင်းအဆင့် နတ်ဆိုးအမြုတေ(၃)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"ဒုက္ခပဲ...”</p> <p>ဤကြောက်မက်ဖွယ် နတ်ဆိုးနတ်ဘုရားစွမ်းရည်ကို မြင်လိုက်ရသောအခါ ချိုးရူယွီ၏ မျက်နှာအမူအရာမှာ အကြီးအကျယ် ပြောင်းလဲသွားရသည်။</p> <p>အကယ်၍ သူမသာ ဤအမှောင်တွင်းနက်ကြီး၏ လွှမ်းခြုံခြင်းကို ခံလိုက်ရပါက သူမ၏ ကျင့်ကြံခြင်းဖြင့် ရုန်းထွက်နိုင်မည် မဟုတ်ကြောင်း သိထားလေသည်။</p> <p>ခြင်္သေ့စိမ်းနတ်ဆိုး၏ ခန္ဓာကိုယ်ထဲတွင် ပိတ်မိသွားနိုင်ပြီး ခြင်္သေ့စိမ်းနတ်ဆိုး၏ စွမ်းအားများဖြင့် ဖြည်းဖြည်းချင်း ဝါးမြိုချေဖျက်ခံရပေလိမ့်မည်။</p> <p>နောက်ဆုံးတွင် ခြင်္သေ့စိမ်းနတ်ဆိုး၏ ခန္ဓာကိုယ်အတွင်းရှိ စွမ်းအင်အဖြစ်သို့ ပြောင်းလဲသွားကာ အသက်ဝိညာဉ်ပါ ပျောက်ကွယ်သွားမည် ဖြစ်၏။</p> <p>ထို့ကြောင့် မည်သို့ပင်ဖြစ်စေ ဤနတ်ဘုရားစွမ်းရည်၏ တိုက်ခိုက်မှုကို လုံးဝ အထိခံ၍ မဖြစ်ပေ။</p> <p>ဝုန်း...။</p> <p>သို့သော် ချိုးရူယွီတစ်ယောက် မည်သို့ထွက်ပြေးရမည်ကို စဉ်းစားနေစဉ်၊ ရုတ်တရက် ကြောက်မက်ဖွယ် ရေပုံးအရွယ်အစားခန့်ရှိသော ခရမ်းရောင်ကပ်ဘေးမိုးကြိုးတစ်စင်းက ကောင်းကင်မှ ကျဆင်းလာပြီး ခြင်္သေ့စိမ်းနတ်ဆိုး၏ ခန္ဓာကိုယ်ပေါ်သို့ ပြင်းထန်စွာ ရိုက်ချလိုက်လေသည်။</p> <p>အကယ်၍ သာမန် မိုးကြိုးစွမ်းအားသာ ဖြစ်ပါက၊ ခြင်္သေ့စိမ်းနတ်ဆိုးအတွက် နာကျင်မှုမျှပင် ရှိမည်မဟုတ်ပေ။</p> <p>သို့သော် ဤသည်မှာ ကပ်ဘေးမိုးကြိုးစွမ်းအား ဖြစ်ပြီး ကောင်းကင်ကပ်ဘေးစွမ်းအား ဖြစ်နေချေသည်။</p> <p>နတ်ဆိုးများကို အထိရောက်ဆုံး နှိမ်နင်းနိုင်သော စွမ်းအားများထဲမှ တစ်ခုပင် မဟုတ်ပါလော။</p> <p>ဘုန်း...။</p> <p>ဤခရမ်းရောင် ကပ်ဘေးမိုးကြိုးသည် ခြင်္သေ့စိမ်းနတ်ဆိုး၏ ခန္ဓာကိုယ်ပေါ်သို့ ကျရောက်လာပြီး၊ ၎င်း၏ ခန္ဓာကိုယ်အတွင်းရှိ ကာကွယ်ရေးများကို လွယ်ကူစွာ ချိုးဖျက်ကာ ခန္ဓာကိုယ်ထဲသို့ ထိုးဖောက်ဝင်ရောက်သွားပြီး ကြောက်မက်ဖွယ် ဖျက်ဆီးမှုကို ဖြစ်ပေါ်စေခဲ့လေသည်။</p> <p>"အား... အား... အား...”</p> <p>ခြင်္သေ့စိမ်းနတ်ဆိုးသည် ချက်ချင်းပင် သနားစရာကောင်းလောက်အောင် အော်ဟစ်လိုက်ရပြီး၊ လောကတွင် အကြီးမားဆုံးသော နှိပ်စက်မှုကို ခံလိုက်ရသကဲ့သို့ ဖြစ်သွားရသည်။ အရိုးစွဲလောက်သော နာကျင်မှုကပင် ဤမျှလောက် မရှိနိုင်ပေ။</p> <p>ကြောက်မက်ဖွယ် ကပ်ဘေးမိုးကြိုးစွမ်းအားများသည် ၎င်း၏ ခန္ဓာကိုယ်ထဲတွင် အဆက်မပြတ် လှည့်ပတ်နေပြီး နတ်ဆိုးအရှိန်အဝါများနှင့် စွမ်းအားများအသီးသီးမှာ  ခရမ်းရောင် ကပ်ဘေးမိုးကြိုးစွမ်းအားများဖြင့် ချေဖျက်ခံလိုက်ရပြီး အတွင်းကလီစာများအားလုံး အလွန် ပြင်းထန်စွာ ပျက်စီးသွားသကဲ့သို့ ရှိပေသည်။</p> <p>ပို၍ ကြောက်မက်ဖွယ်ကောင်းသည်မှာ ၎င်း၏ ခန္ဓာကိုယ်ပေါ်ရှိ ဒဏ်ရာများမှာ ပြန်လည် မကောင်းမွန်နိုင်တော့ခြင်းကို တွေ့ရှိလိုက်ရခြင်းပင် ဖြစ်လေ၏။</p> <p>၎င်း၏ မသေမျိုးခန္ဓာကိုယ်မှာ လုံးဝ အသုံးမဝင်တော့ချေ။</p> <p>ဤသည်မှာ အရေးအကြီးဆုံးသော သေရေးရှင်ရေးပြဿနာပင် ဖြစ်၏။</p> <p>ယခုလေးတင် ဤမျှ မောက်မာနေခြင်းမှာ ၎င်း၏ မသေမျိုးခန္ဓာကိုယ်ကို အားကိုးနေခြင်းကြောင့်သာ ဖြစ်ကြောင်း သိထားရပေမည်။</p> <p>အကယ်၍ မသေမျိုးခန္ဓာကိုယ်သာ ဖျက်ဆီးခံလိုက်ရပါက ၎င်း၏ တိုက်ခိုက်ရေးစွမ်းရည်သည် တစ်ဝက်ကျော် ပျက်စီးသွားပြီဖြစ်ပြီး ယခင်ကကဲ့သို့ လုံးဝ အသာစီးရနိုင်တော့မည် မဟုတ်ပေ။</p> <p>"ကပ်ဘေးမိုးကြိုးစွမ်းအားပဲ... တကယ်ကို ကပ်ဘေးမိုးကြိုးစွမ်းအားပဲ...”</p> <p>"ဘယ်ခွေးကောင်က ငါ့ကို လုပ်ကြံတာလဲ...”</p> <p>ခြင်္သေ့စိမ်းနတ်ဆိုးမှ, အံ့သြဒေါသထွက်သွားရသလို အလွန်တရာ ထိတ်လန့်နေမိတော့သည်။</p> <p>အဘယ်ကြောင့်ဆိုသော် ရှေးဟောင်းခေတ်က နတ်ဘုရားအသွင်ပြောင်းအဆင့် ကျင့်ကြံသူများပင်လျှင် ကပ်ဘေးမိုးကြိုးစွမ်းအားကို မည်သူမျှ မပိုင်ဆိုင်ထားသောကြောင့် ဖြစ်ပေသည်။</p> <p>အလွန်ဆုံးအနေဖြင့် လျှပ်စီးနတ်ဘုရားစွမ်းရည် အနည်းငယ်ကိုသာ ကျွမ်းကျင်ကြခြင်း ဖြစ်လေသည်။ ကပ်ဘေးမိုးကြိုးအဆင့်ဆိုသည်မှာ အလှမ်းဝေးလွန်းလှပေသည်။</p> <p>အကယ်၍ လူသားကျင့်ကြံသူတစ်ဦးဦးသည်သာ ကပ်ဘေးမိုးကြိုး နတ်ဘုရားစွမ်းရည်ကိုသာ ပိုင်ဆိုင်ထားပါက၊ ရှေးဟောင်းခေတ်က နတ်ဆိုးများ ကျူးကျော်ဝင်ရောက်လာမှုသည် ဤမျှ ကြီးမားသော အကျိုးဆက်ကို ဖြစ်ပေါ်စေမည် မဟုတ်ဘဲ လူသားကျင့်ကြံသူအများအပြား သေဆုံးပြီး လူသားဂိုဏ်းအများအပြား ပျက်စီးသွားမည် မဟုတ်ချေ။</p> <p>သို့သော် ယခုမူ လူတစ်ယောက်က ကပ်ဘေးမိုးကြိုးစွမ်းအားကို ပိုင်ဆိုင်ထားပြီး ၎င်းကို လာရောက် လုပ်ကြံနေချေသည်။</p> <p>၎င်းမှာ ချက်ချင်းပင် ကြောက်ရွံ့သွားတော့သည်။</p> <p>ရှေးဟောင်းခေတ်က နတ်ဘုရားအသွင်ပြောင်းအဆင့် ကျင့်ကြံသူများ၏ ပိတ်လှောင်ခြင်းကို ခံရချိန်ကပင် ဤမျှ မကြောက်ရွံ့ခဲ့ဖူးပေ။</p> <p>အဘယ်ကြောင့်ဆိုသော် ၎င်းသည် ပိတ်လှောင်ခံရလျှင်ပင် သေဆုံးမည်မဟုတ်ကြောင်း သိထားသောကြောင့် ဖြစ်လေ၏။ သို့သော် အကယ်၍ ဤကပ်ဘေးမိုးကြိုးများသာ ထိမှန်ပါက အမှန်တကယ် သေဆုံးသွားနိုင်ပေသည်။</p> <p>"မိုးကြိုးပင်လယ်...”</p> <p>တိုက်ခိုက်လိုက်သူမှာ သဘာဝကျစွာပင် ကျိုးစွေ့ ဖြစ်သည်။</p> <p>သူသည် 'မိုးကြိုးကပ်ဘေးကူ'၏ စွမ်းအားကို ထိန်းချုပ်ကာ ခြင်္သေ့စိမ်းနတ်ဆိုးကို တိုက်ခိုက်နေခြင်း ဖြစ်လေ၏။</p> <p>စတုတ္ထအဆင့် အထွတ်အထိပ်သို့ ရောက်ရှိသွားသော 'မိုးကြိုးကပ်ဘေးကူ'သည် အဆင့်ရှစ် မိုးကြိုးကပ်ဘေး စွမ်းအင်များကိုပါ ဝါးမြိုထားသဖြင့်၊ 'မိုးကြိုးကပ်ဘေးကူ' ခန္ဓာကိုယ်ပေါ်ရှိ စွမ်းအားများမှာ ပို၍ပင် ကြောက်မက်ဖွယ် ကောင်းလာခဲ့သည်။</p> <p>နတ်ဘုရားအသွင်ပြောင်းအဆင့် နတ်ဆိုးနှင့် ရင်ဆိုင်ရလျှင်ပင် လုံးဝ မကြောက်ရွံ့ပေ။</p> <p>မှန်ပေသည်၊ ပို၍ အရေးကြီးသည်မှာ ဤခြင်္သေ့စိမ်းနတ်ဆိုးသည် အင်အားအပြည့်အဝ ရှိနေချိန် မဟုတ်ဘဲ အားအနည်းဆုံး အချိန်ဖြစ်နေခြင်းပင်။</p> <p>အကယ်၍ အင်အားအပြည့်အဝ ရှိနေချိန်ဖြစ်ပါက 'မိုးကြိုးကပ်ဘေးကူ'သည် ၎င်းကို သတ်နိုင်မည် မသေချာသော်လည်း ယခုမူ မတူညီတော့ပေ။</p> <p>ယခုတွင်မူ အခွင့်ကောင်းယူ၍ အသေသတ်ရပေမည်။</p> <p>အကယ်၍ နတ်ဆိုး၏ အားအနည်းဆုံးအချိန်ကို အခွင့်ကောင်းယူ၍ မသတ်လျှင် ဘယ်အချိန်ကို စောင့်ရပါမည်နည်း။</p> <p>ထို့ကြောင့် သူသည် တွန့်ဆုတ်မနေဘဲ 'မိုးကြိုးကပ်ဘေးကူ'၏ စွမ်းအားကို အပြည့်အဝ ချက်ချင်း အသက်သွင်းလိုက်လေသည်။</p> <p>ဘုန်း...</p> <p>ချက်ချင်းပင် မိုင်တစ်ထောင်ခန့် ဧရိယာသည် ကြီးမားသော မိုးကြိုးတိမ်တိုက်ကြီးဖြင့် ဖုံးလွှမ်းသွားပြီး၊ သဘာဝမိုးကြိုးကပ်ဘေး၏ စွမ်းအားကို ဆက်သွယ်လိုက်ကာ နတ်ဘုရားအသွင်ပြောင်းအဆင့် မိုးကြိုးကပ်ဘေးကို ခေါ်ဆောင်လာသကဲ့သို့ ရှိပေသည်။</p> <p>ထောင်သောင်းချီသော ခရမ်းရောင်ကပ်ဘေးမိုးကြိုးများက ကောင်းကင်မှ ကျဆင်းလာပြီး ခြင်္သေ့စိမ်းနတ်ဆိုး၏ အရှိန်အဝါကို အသေပစ်မှတ်ထားကာ ချက်ချင်း ပစ်ခွင်းလိုက်တော့သည်။</p> <p>ခြင်္သေ့စိမ်းနတ်ဆိုးကို အသက်ရှူရန် အခွင့်အရေးပင် လုံးဝပေးမည် မဟုတ်ပေ။</p> <p>"ကျက်သရေတုံးလိုက်တဲ့ လူသားကျင့်ကြံသူ... သေစမ်း...”</p> <p>ဤအချိန်တွင် ခြင်္သေ့စိမ်းနတ်ဆိုးသည် အဝေးတွင် ပုန်းအောင်းကာ တိတ်တဆိတ် တိုက်ခိုက်နေသော ကျိုးစွေ့ကို ချက်ချင်း တွေ့ရှိသွားလေသည်။</p> <p>၎င်းမှာ အလွန်အမင်း အံ့သြဒေါသထွက်သွားရသည်။</p> <p>လူသား ဝိညာဉ်သန္ဓေသားတစ်ယောက်က ၎င်းကို တိုက်ခိုက်နေခြင်းဆိုသည်မှာ ၎င်းကို အထင်သေးလွန်းနေခြင်းသာ မဟုတ်ပါလော။</p> <p>တောင်ပေါ်ကကျား မြေပြန့်ရောက်ကာမှ ခွေးဆွဲခံရသကဲ့သို့ပင်။</p> <p>ထို့ကြောင့် ၎င်းသည် ကျိုးစွေ့ကို ရှင်းလင်းရန် အငြိုးဖြင့် တိုက်ခိုက်လိုက်လေတော့သည်။</p> <p>ဤလူသား ဝိညာဉ်သန္ဓေသားကို သတ်ပစ်လိုက်ပါက ၎င်း၏အန္တရာယ်သည်လည်း သဘာဝကျကျ ဖြေရှင်းပြီးသား ဖြစ်သွားပေလိမ့်မည်။</p> <p>နတ်ဘုရားစွမ်းရည် - ခြင်္သေ့စိမ်း နတ်ဆိုးလက်သည်း။</p> <p>ချက်ချင်းပင် လေထဲတွင် ကြောက်မက်ဖွယ်ကောင်းသော အစိမ်းရောင် ခြင်္သေ့လက်သည်းကြီးတစ်ခုက ဖွဲ့စည်းပေါ်လာတော့သည်။ အပေါ်တွင် သိပ်သည်းသော နတ်ဆိုးသင်္ကေတများ ဖုံးလွှမ်းနေကာ အေးစက်ကြောက်မက်ဖွယ်ကောင်းပြီး ဆန်းကြယ်ဆိုးယုတ်သော အရှိန်အဝါများ ပျံ့နှံ့နေကာ အပြာရောင်အလင်းများ တောက်ပနေလေသည်။</p> <p>တိုက်ခိုက်မှုတစ်ချက်ကပင် ကီလိုမီတာထောင်ချီသော မြေပြင်ကို မှုန့်မှုန့်ညက်ညက် ကြေမွသွားစေနိုင်ပြီး ကျွန်းတစ်ကျွန်းကိုပင် အပိုင်းပိုင်းအစစ ဖြစ်သွားအောင် ရိုက်ချနိုင်စွမ်း ရှိပုံရပေ၏။</p> <p>ဝိညာဉ်သန္ဓေသား ကျင့်ကြံသူများပင်လျှင် ခုခံနိုင်မည် မဟုတ်ပေ။</p> <p>ဤသည်မှာ နတ်ဘုရားအသွင်ပြောင်းအဆင့် နတ်ဆိုး၏ အငြိုးဖြင့် တိုက်ခိုက်မှုပင် ဖြစ်ပေသည်။</p> <p>"သောက်ရူးနတ်ဆိုးကောင်... မင်းရဲ့ ပြိုင်ဘက်က ငါဆိုတာကို မေ့မနေနဲ့ဦး...”</p> <p>ချိုးရူယွီက ဤခြင်္သေ့စိမ်းနတ်ဆိုးကို အနီးရှိ လျှို့ဝှက်ဆန်းကြယ်သော လူသား ဝိညာဉ်သန္ဓေသားအား တိုက်ခိုက်ခွင့် မည်သို့ ပေးနိုင်ပါမည်နည်း။</p> <p>ဤလူသား ဝိညာဉ်သန္ဓေသားသည် နတ်ဆိုးများကို နှိမ်နင်းနိုင်သော နည်းလမ်းများနှင့် စွမ်းအားများကို ပိုင်ဆိုင်ထားကြောင်း သေချာလှသည် မဟုတ်ပါလော။</p> <p>အကယ်၍ ဤလျှို့ဝှက်ဆန်းကြယ်သော လူသား ဝိညာဉ်သန္ဓေသားသာ သေဆုံးသွားပါက၊ ဤနတ်ဘုရားအသွင်ပြောင်းအဆင့် နတ်ဆိုးကို မည်သူမျှ ထိန်းချုပ်နိုင်တော့မည် မဟုတ်ပေ။</p> <p>ထို့ကြောင့် သူမသည် ကောင်းကင်အဆင့် ဝိညာဉ်ရတနာ ပညာပါရမီတူကို ကိုင်ဆောင်၍ နောက်တစ်ကြိမ် ထုချလိုက်လေသည်။</p> <p>ချက်ချင်းပင် လေထဲတွင် ကြီးမားသော ပညာပါရမီတောင် ပုံရိပ်ယောင်ကြီးတစ်ခု ပေါ်လာပြီး၊ အလွန်တရာ လေးလံကာ အားအင်ကြီးမားလှပြီး တောင်တန်းစွမ်းအားများ ပါဝင်နေချေသည်။</p> <p>ဝုန်း...။</p> <p>ဤတိုက်ခိုက်မှုသည် ခြင်္သေ့စိမ်းနတ်ဆိုးလက်သည်းပေါ်သို့ ပြင်းထန်စွာ ရိုက်ချလိုက်ပြီး စွမ်းအားနှစ်ခု ထိပ်တိုက်တွေ့ဆုံသွားတော့သည်။ ကြောက်မက်ဖွယ် ဖျက်ဆီးရေးစွမ်းအားများ ဖြစ်ပေါ်လာပြီး မြေကြီးပေါ်တွင် ချက်ချင်းဆိုသလို မိုင်တစ်ထောင်ခန့် တွင်းနက်ကြီးတစ်ခု ဖြစ်ပေါ်သွားလေ၏။</p> <p>ပတ်ဝန်းကျင်ရှိ တောင်တန်းများသည် မြေပြင်ညီ ဖြစ်သွားပြီး လုံးဝ မှုန့်မှုန့်ညက်ညက် ကြေမွသွားချေသည်။</p> <p>အရာအားလုံး အမှုန့်အဖြစ် ပြောင်းလဲသွားသကဲ့သို့ပင်။</p> <p>ဤသည်မှာ နတ်ဘုရားအသွင်ပြောင်းအဆင့် ကျင့်ကြံသူ၏ အစွမ်းကုန် တိုက်ခိုက်မှုဖြစ်ပြီး ကမ္ဘာဖျက်စွမ်းအားများ ပါဝင်နေလေသည်။</p> <p>ဘန်း... ဘန်း... ဘန်း...။</p> <p>ခြင်္သေ့စိမ်းနတ်ဆိုးသည်မှာ တုံ့ပြန်နိုင်ခြင်း မရှိမီမှာပင် ထောင်သောင်းချီသော ခရမ်းရောင်ကပ်ဘေးမိုးကြိုးများ ကျဆင်းလာပြီး၊ ခြင်္သေ့စိမ်းနတ်ဆိုး၏ ခန္ဓာကိုယ်ပေါ်သို့ ပြင်းထန်စွာ ပစ်ခွင်းခံလိုက်ရကာ ၎င်း၏ ခန္ဓာကိုယ်ကို ချက်ချင်း ဖောက်ထွင်းသွားလေသည်။</p> <p>၎င်း၏ ခန္ဓာကိုယ်ကို အပေါက်အပြဲများ ဖြစ်သွားစေတော့သည်။</p> <p>ကြောက်မက်ဖွယ် ကပ်ဘေးမိုးကြိုးစွမ်းအားများသည် ၎င်း၏ခန္ဓာကိုယ်ထဲတွင် ကစဉ့်ကလျား ပြေးလွှားနေပြီး၊ ခန္ဓာကိုယ်အတွင်းရှိ အသက်စွမ်းအင်များကို အဆက်မပြတ် ဖျက်ဆီးနေလေတော့သည်။</p> <p>မူလကပင် လွတ်မြောက်လာကာစဖြစ်၍ ခန္ဓာကိုယ်မှာ အလွန် အားနည်းနေသည်ဖြစ်ရာ၊ ယခုအခါ မိုးကြိုးကပ်ဘေး၏ တိုက်ခိုက်မှုကို ထပ်မံခံရသည့်အခါတွင်မူ မည်သို့ ခံနိုင်ရည် ရှိပါတော့မည်နည်း။</p> <p>ခန္ဓာကိုယ်အတွင်းရှိ နတ်ဆိုးစွမ်းအင်များသည် ကပ်ဘေးမိုးကြိုး၏ နှိမ်နင်းခြင်းကို ခံရပြီး အသီးသီး လွင့်ပျယ်သွားကြရတော့သည်။</p> <p>ယခင့်ယခင်က နည်းလမ်းများအားလုံးမှာ လုံးဝ အသုံးမဝင်တော့ချေ။</p> <p>"အား... အား... အား... ငါ မကျေနပ်ဘူး...”</p> <p>"မင်းတို့လူသား ခွေးကောင်မနဲ့ ခွေးကောင်... ငါ့ကို လုပ်ကြံရဲတယ်ပေါ့...”</p> <p>ခြင်္သေ့စိမ်းနတ်ဆိုး ဟိန်းဟောက်လိုက်ပြီး အပြည့်အဝ ဒေါသထွက်သွားချေသည်။</p> <p>၎င်းခမျာ တောင်ကြားထဲမှ ရုန်းထွက်နိုင်ကာစသာ ရှိသေးသည် မဟုတ်ပါလော။ သို့သော် လူသားစုံတွဲနှစ်ယောက်၏ ဝိုင်းဝန်းရိုက်နှက်မှုကို ခံလိုက်ရပြီး ၎င်းကဲ့သို့ အားနည်းသော နတ်ဘုရားအသွင်ပြောင်းအဆင့် နတ်ဆိုးကို အနိုင်ကျင့်နေကြခြင်းသည် အမှန်တကယ် လွန်လွန်းလှပြီး လုံးဝ တရားမျှတမှု မရှိပေ။</p> <p>သို့သော် သူ မည်မျှပင် ဒေါသထွက်နေသည်ဖြစ်စေ၊ မည်မျှပင် ရုန်းကန်နေသည်ဖြစ်စေ ကျိုးစွေ့၏ သတ်ဖြတ်လိုသော ဆုံးဖြတ်ချက်ကို မဟန့်တားနိုင်ခဲ့ပေ။</p> <p>***</p> <p> </p>


Save