Book List

<h2 style="text-align: center;">အခန်း (၅၈၃)</h2> <h2 style="text-align: center;">နတ်ဘုရားအသွင်ပြောင်းအဆင့် အမျိုးသမီးကျင့်ကြံသူကို ကူပိုးကောင် ထည့်သွင်းခြင်း၊ ထိုက်</h2> <h2 style="text-align: center;">ရီရွှေစင်၊ နတ်ဘုရားအသွင်ပြောင်းအဆင့် နတ်ဆိုးအမြုတေ(၅)</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p>သူမသည် နေရာတိုင်းကို သိရှိရန် မဖြစ်နိုင်သလို ဂိုဏ်းတိုင်းကိုလည်း သိရှိနိုင်မည် မဟုတ်ပေ။</p> <p>သို့သော် ဤအမျိုးသားသည် အမှန်တကယ်ပင် လူ့လောကသို့ ဆင်းသက်လာသော နတ်ဘုရားတစ်ပါးကဲ့သို့ အလွန် ရုပ်ရည်ချောမောကြောင်းကိုမူ ဝန်ခံရပေမည်။</p> <p>သူမကဲ့သို့သော ချောမောသူများကို အများအပြားမြင်တွေ့ဖူးသည့် ကျင့်ကြံသူပင်လျှင် ဤအမျိုးသားကို မြင်တွေ့လိုက်ရသောအခါ ရင်ခုန်သွားမိလေသည်။</p> <p>နှစ်ပေါင်းများစွာ အေးစက်နေခဲ့သော နှလုံးသားသည် ဤအချိန်တွင် အရည်ပျော်သွားသကဲ့သို့ပင်။</p> <p>အထူးသဖြင့် ကန်ရေပြင်အလား ဖြူစင်သည့် မျက်လုံးအစုံပင်။</p> <p>ဝိညာဉ်သန္ဓေသားကျင့်ကြံသူ ဖြစ်နေသော်လည်း လောကဓံကို များများစားစား မကြုံဖူးသေးသည့် လူငယ်လေး တစ်ယောက်နှင့် တူနေချေသည်။</p> <p>ရိုးရိုးသားသားပြောရလျှင် ဤအမျိုးသားသည် အပျိုစင် လူပျိုလေးများ ဖြစ်နေသေးသည်ဟုပင် သူမ ထင်မှတ်မိလုနီးပါး ဖြစ်သွားရသည်။</p> <p>သို့သော် ထင်ရှားသည်မှာ ဤသည်မှာ အခြေခံအားဖြင့် မဖြစ်နိုင်သော ကိစ္စပင်၊ ဝိညာဉ်သန္ဓေသား ကျင့်ကြံသူထဲတွင် အပျိုစင် လူပျိုဟူ၍ မည်သို့ ရှိနိုင်ပါမည်နည်း။</p> <p>တစ်ဖက်လူက အပျိုစင်ခန္ဓာကိုယ်ကို ထိန်းသိမ်းထားရမည့် ထူးခြားသော ကျင့်စဉ်မျိုးကို ကျင့်ကြံထားခြင်းမှလွဲ၍ မည်သို့မျှ မဖြစ်နိုင်ချေ။</p> <p>သူမရှေ့မှ ဤအမျိုးသားအပေါ် သူမ အမှန်တကယ် သဘောကျမိသွားကြောင်း ချိုးရူယွီတစ်ယောက် ဝန်ခံရပေမည်။</p> <p>ပထမဆုံးအကြိမ် တွေ့ဆုံခြင်း ဖြစ်သော်လည်း အချိန်ကြာမြင့်စွာ သိကျွမ်းခဲ့သူကဲ့သို့ ခံစားရ၏။</p> <p>ဤခံစားချက်သည် အလွန်တရာ ထူးဆန်းလှပေသည်။</p> <p>"နေဦး... မဟုတ်သေးဘူး...”</p> <p>"ဒီအမျိုးသားက တကယ်ပဲ သန့်စင်ယန်ခန္ဓာကိုယ် ဖြစ်နိုင်တယ်...”</p> <p>"မဟုတ်ရင် ငါ့ရဲ့ ကျောက်စိမ်းမိန်းမပျို ကျင့်စဉ်ကို လှုံ့ဆော်နိုင်မှာ မဟုတ်ဘူး...”</p> <p>ချိုးရူယွီ၏ မျက်လုံးများတွင် အလင်းရောင်တစ်ချက် လက်သွားလေသည်။</p> <p>သူမ၏ ရင်ထဲတွင်လည်း တိတ်တဆိတ် အံ့အားသင့်သွားပြီး ဝမ်းသာပျော်ရွှင်သည့် အရိပ်အယောင်များ ပေါ်လာတော့သည်။</p> <p>ရိုးရိုးသားသားပြောရလျှင် သူမ ဤမျှ ကံကောင်းလိမ့်မည်ဟု မထင်ထားခဲ့ပေ။ ဝိညာဉ်သန္ဓေသား နှောင်းပိုင်းအဆင့် အမျိုးသားကျင့်ကြံသူ တစ်ဦးနှင့် ဆုံတွေ့ရုံသာမက၊ ထိုအမျိုးသားတွင် ကြီးမားသော သန့်စင်ယန်စွမ်းအင်များ ပိုင်ဆိုင်ထားသေး၏။</p> <p>နတ်ဘုရားအသွင်ပြောင်းအဆင့် အမျိုးသားကျင့်ကြံသူများပင်လျှင် ဤမျှသာ ရှိပေလိမ့်မည်။</p> <p>ထင်ရှားသည်မှာ ဤပုဂ္ဂိုလ်၏ ခန္ဓာကိုယ်တွင်လည်း ထူးခြားသော ခန္ဓာကိုယ်ဖွဲ့စည်းပုံ ရှိနေသောကြောင့်သာ ဤကဲ့သို့ ဖြစ်ပေါ်နေခြင်း ဖြစ်ရပေမည်။</p> <p>စိုင်ကော်၍ ခြုံပေါ်ရောက်ခြင်းပင် မဟုတ်ပါလော။</p> <p>အကယ်၍ ဤအမျိုးသားကို ထိန်းချုပ်ပြီး ၎င်း၏ ခန္ဓာကိုယ်မှ သန့်စင်ယန်စွမ်းအင်များကို စုပ်ယူလိုက်မည်ဆိုပါက၊ သူမ၏ ကျောက်စိမ်းမိန်းမပျိုကျင့်စဉ်၏ ဘေးထွက်ဆိုးကျိုးသည် ပြေလည်သွားနိုင်ပေလိမ့်မည်။</p> <p>မှန်ပေသည်၊ သူမ၏ ဖြူစင်မှုကို စတေးလိုက်ခြင်းမျိုး မဟုတ်ဘဲ အဝေးမှနေ၍ စုပ်ယူခြင်းကိုသာ ဆိုလိုပေသည်။</p> <p>ဟယ်ဟွမ်းဂိုဏ်းတွင်လည်း အဝေးမှ သန့်စင်ယန်စွမ်းအင်များကို စုပ်ယူနိုင်သော နည်းလမ်းများ ရှိလေ၏။</p> <p>သူမ၏ ဖြူစင်သောခန္ဓာကိုယ်ကို ဖျက်ဆီးလိုခြင်းမှာ အခြေခံအားဖြင့် မဖြစ်နိုင်သော ကိစ္စပင်။</p> <p>"ဒါပေမဲ့ ဒီအမျိုးသားကို ထိန်းချုပ်ဖို့ဆိုတာ အဲဒီလောက် မလွယ်ကူဘူး...”</p> <p>"ဒီလူက မိုးကြိုးနတ်ဘုရားစွမ်းရည်ကို ကျွမ်းကျင်ထားတယ်...”</p> <p>"ဝိညာဉ်သန္ဓေသား နှောင်းပိုင်းအဆင့် ကျင့်ကြံသူလို့ ထင်ရပေမယ့် တိုက်ခိုက်ရေးစွမ်းရည်က နတ်ဘုရားအသွင်ပြောင်း အစောပိုင်းအဆင့်ထက် မနိမ့်ဘူး...”</p> <p>"မဟုတ်ရင် အဲဒီ နတ်ဘုရားအသွင်ပြောင်းအဆင့် ခြင်္သေ့စိမ်းနတ်ဆိုး သူ့လက်ထဲမှာ သေသွားမှာ မဟုတ်ဘူး...”</p> <p>"ကြည့်ရတာ ဒီအမျိုးသားကို ရဖို့ အချိန်ယူပြီး အစီအစဉ်ဆွဲမှ ရမယ်...”</p> <p>ချိုးရူယွီ၏ မျက်လုံးများ မှေးစင်းသွားလေသည်။</p> <p>သူမသည် ဤအမျိုးသားကို ဖမ်းဆီးပြီး သူမ၏ ဆေးပေါင်းဖိုအဖြစ် ပြောင်းလဲရန် နည်းလမ်းပေါင်းစုံကို တွေးတောနေမိလေပြီ။</p> <p>ဤကဲ့သို့သော အချောလေးကို သူမသာ ပိုင်ဆိုင်သင့်ပေသည်။</p> <p>ဖမ်းမိသည်နှင့်တပြိုင်နက် သူမ၏ နောက်ဘက်နန်းဆောင်တွင် ပိတ်လှောင်ထားပြီး နေ့စဉ်နေ့တိုင်း ကြည့်ရှုခံစားမည်ဖြစ်ရာ အလွန်ကောင်းမွန်သော ကိစ္စတစ်ခု ဖြစ်ပေလိမ့်မည်။</p> <p>သူမအတွက် ဤသည်မှာ အလွန်တရာ ပုံမှန်ကျသော အတွေးတစ်ခုပင် ဖြစ်၏။</p> <p>မည်သို့ပင်ဖြစ်စေ သူမသည် အရှေ့ပိုင်းကုန်းမြေတိုက်တွင် တစ်ဦးတည်းသော နတ်ဘုရားအသွင်ပြောင်းအဆင့် အမျိုးသမီးကျင့်ကြံသူဖြစ်ပြီး ဧကရီတစ်ပါးနှင့် တူညီလေသည်။</p> <p>မိုးအောက်မြေပြင်တခွင် သူမသာလျှင် အထွတ်အထိပ် ဖြစ်၏။</p> <p>မရေမတွက်နိုင်သော သက်ရှိများအပေါ် သေခြင်းရှင်ခြင်းအာဏာကို ချုပ်ကိုင်ထားနိုင်သည်။</p> <p>သူမ သဘောကျသော အရာများနှင့် လူမှန်သမျှသည် သူမ၏လက်မှ လွတ်မြောက်နိုင်မည် မဟုတ်ပေ။</p> <p>နည်းလမ်းပေါင်းစုံကို အသုံးပြုရမည် ဆိုလျှင်တောင်မှ သေချာပေါက် ရယူရမည်သာ ဖြစ်၏။</p> <p>သူမသည် အထက်တန်းကျောင်းမှ ကျောင်းသူလေးတစ်ဦးကဲ့သို့ ဖြူစင်သော်လည်း လက်တွေ့တွင် အကြံအစည် ကြီးမားမှုမှာ ဝူကျိထျန်းနှင့်ပင် တူညီပေသည်။<br /> <br /> ( စကားချပ် - အင်ပါယာဝူ၊ ဝူကျိထျန်းဆိုတာတော့ ကျွန်တော်လည်း မသိဘူးဗျ။ )</p> <p>"ဒါ..."</p> <p>ကျိုးစွေ့ မျက်တောင်ခတ်လိုက်မိသည်။</p> <p>ဤဟယ်ဟွမ်းဂိုဏ်းဂိုဏ်းချုပ်က ဘာတွေတွေးနေသည်ကို မသိသော်လည်း၊ ပဉ္စမအဆင့် 'ချစ်ခြင်းမေတ္တာကူ'၏ စွမ်းအားကြောင့် လောကရှိ အမျိုးသမီးတိုင်း၏ နှစ်သက်မှုအဆင့်ကို သူ အာရုံခံနိုင်ပေသည်။</p> <p>ဤအချိန်တွင် ချိုးရူယွီ၏ သူ့အပေါ် နှစ်သက်မှုအဆင့်မှာ အဆက်မပြတ် မြင့်တက်နေသည်ကို သူ အာရုံခံမိလိုက်သည်။</p> <p>သို့သော် တစ်ချိန်တည်းမှာပင် မကောင်းသော ရည်ရွယ်ချက် အနည်းငယ်လည်း ပါဝင်နေချေသည်။</p> <p>ဤသည်မှာ ဖောက်လွဲဖောက်ပြန်သော ချစ်ခြင်းမေတ္တာတစ်မျိုး ဖြစ်ပုံရပေသည်။</p> <p>ဤဟယ်ဟွမ်းဂိုဏ်းမှ အမျိုးသမီးကျင့်ကြံသူများသည်ကား တစ်ယောက်ချင်းစီတိုင်း၏ အမြင်များသည် အနည်းငယ် မူမမှန်ဟုသာ သူ ဆိုရပေမည်။</p> <p>သာမန်လူများနှင့် လုံးဝ မတူညီတော့ပေ။</p> <p>စည်းကမ်းများနှင့် ကိုယ်ကျင့်တရားများအားလုံးသည် သူမတို့အပေါ် အကျုံးမဝင်ချေ။</p> <p>ဤအမျိုးသမီးသည် မိမိကို တကယ် သဘောကျနေသော်လည်း တစ်ချိန်တည်းမှာပင် မိမိကို ကျွန်ပြုလိုနေကြောင်း ခန့်မှန်းရသည်။</p> <p>ဤစိတ်ခံစားမှုနှစ်မျိုးသည် မထော်မနန်းဖြစ်သည်ဟူ၍လည်း မဟုတ်ပေ။</p> <p>ရုပ်ရည်ချောမောခြင်းသည် အမျိုးသမီးများ၏ နှစ်သက်မှုကို အလွယ်တကူ ရရှိနိုင်စေနိုင်သလို၊ 'ချစ်ခြင်းမေတ္တာကူ' မလိုဘဲနှင့်ပင် လောကရှိ မရေမတွက်နိုင်သောအမျိုးသမီးများ၏ အချစ်များနှင့် နှလုံးသားများကို ရရှိနိုင်ကြောင်း ဆိုနိုင်ပေ၏။</p> <p>သို့သော် အင်အားကြီးမားသော အမျိုးသမီးများအတွက်မူ သူမတို့၏ ပိုင်ဆိုင်လိုစိတ်ကိုသာ တိုးပွားစေပေလိမ့်မည်။</p> <p>တစ်ယောက်ချင်းစီက သူ့ကို ဖမ်းဆီးသွားပြီး ကိုယ်ပိုင်အဖြစ် သိမ်းပိုက်ကာ တစ်ကိုယ်တော် အပြည့်အဝ ပိုင်ဆိုင်ချင်ကြသည်။</p> <p>"ကြည့်ရတာ ကူပိုးကောင် မထည့်သွင်းချင်လို့ မရတော့ဘူးပဲ...”</p> <p>"နတ်ဘုရားအသွင်ပြောင်းအဆင့် အမျိုးသမီးကျင့်ကြံသူတစ်ယောက်ရဲ့ မကောင်းတဲ့ ရည်ရွယ်ချက်ဆိုတာ အလွယ်တကူ ဖြေရှင်းလို့ ရတာမဟုတ်ဘူး...”</p> <p>"ငါ့ကို ဖမ်းဖို့ တကယ် လုပ်လာနိုင်တယ်...”</p> <p>"ရန်သူကို မိတ်ဆွေအဖြစ် ပြောင်းလဲလိုက်တာပဲ ကောင်းပါတယ်လေ...”</p> <p>ကျိုးစွေ့မှာ အတွေးတစ်ချက်ဖြင့် သူ၏ခန္ဓာကိုယ်ပေါ်ရှိ 'ချစ်ခြင်းမေတ္တာကူ'၏ သားပေါက်လေးသည် အရှိန်အဝါတစ်မျှင်အဖြစ် ချက်ချင်း ပြောင်းလဲသွားပြီး မည်သည့်သဲလွန်စမှမရှိဘဲ ချိုးရူယွီ၏ ခန္ဓာကိုယ်ထဲသို့ ချက်ချင်း ဝင်ရောက်သွားကာ သူမလည်း သတိမထားမိနိုင်ခဲ့ပေ။</p> <p>'ချစ်ခြင်းမေတ္တာကူ'၏ သားပေါက်လေး ချိုးရူယွီ၏ ခန္ဓာကိုယ်ထဲသို့ ဝင်ရောက်သွားသောအခါ၊ သူမ၏ ကျိုးစွေ့အပေါ် မကောင်းသော ရည်ရွယ်ချက်များလည်း လျင်မြန်စွာ ပျောက်ကွယ်သွားလေသည်။</p> <p>"အင်း... ထားလိုက်ပါတော့...”</p> <p>"ခုနက ငါ တကယ်ပဲ စိတ်လွတ်ကိုယ်လွတ် ဖြစ်သွားတာပဲ...”</p> <p>"ရှေးဟောင်းဂိုဏ်းက ဆက်ခံသူတစ်ယောက်ဖြစ်ပြီး နတ်ဘုရားအသွင်ပြောင်းအဆင့် နတ်ဆိုးကိုတောင် သတ်နိုင်တယ်ဆိုကတည်းက အလွယ်တကူ ရင်ဆိုင်လို့ရတာမျိုး မဟုတ်ဘူး...”</p> <p>"သူ့ဆီမှာ နတ်ဘုရားအသွင်ပြောင်းအဆင့် ကျင့်ကြံသူတွေကို ရင်ဆိုင်နိုင်မယ့် ဝှက်ဖဲတွေ အများကြီး ရှိနေနိုင်တယ်...”</p> <p>"ဒီလူက ဝိညာဉ်သန္ဓေသား နှောင်းပိုင်းအဆင့်ကျင့်ကြံသူ ဖြစ်ပေမယ့် ငါ့လို နတ်ဘုရားအသွင်ပြောင်းအဆင့် ကျင့်ကြံသူကို ရင်ဆိုင်ရာမှာ လုံးဝ ကြောက်ရွံ့ပုံလည်း မရဘူး...”</p> <p>"ငါ့ကို တာအိုရောင်းရင်းအဖြစ် သတ်မှတ်ရဲတယ်ဆိုတော့ကာ… ယုံကြည်မှုအပြည့်ရှိပြီး သူ့ကိုယ်သူ နတ်ဘုရားအသွင်ပြောင်းအဆင့်ထက် မနိမ့်ဘူးလို့ ယူဆထားတာ သိသားနေတာပဲ...”</p> <p>"ဒီလိုလူမျိုးကို မိတ်ဆွေဖွဲ့တာင ပိုကောင်းတယ်... အလွယ်တကူ မစော်ကားသင့်ဘူး...”</p> <p>ဤအခိုက်အတန့်တွင် ချိုးရူယွီသည် သူမ၏ ခေါင်းထဲတွင် ချက်ချင်း ရှင်းလင်းသွားသည်ကို ခံစားလိုက်ရပြီး၊ ယခင်က ရှိခဲ့သော မကောင်းသော အတွေးအကြံများအားလုံး ပျောက်ကွယ်သွားကာ ကျိုးစွေ့အပေါ် မကောင်းသော ရည်ရွယ်ချက်များကို ချေဖျက်လိုက်လေတော့သည်။</p> <p>ဤအကြောင်းကို တွေးမိပြီးနောက် ကျိုးစွေ့ကို ကြည့်လိုက်သော သူမ၏ မျက်လုံးများသည် ချက်ချင်းဆိုသလို နူးညံ့သွားလေသည်။</p> <p>"တာအိုရောင်းရင်းချိုး...”</p> <p>"ရွှမ်ဟွမ်ဂိုဏ်းက ဝေးလံခေါင်သီတဲ့ ဂိုဏ်းလေးတစ်ခုပါ...”</p> <p>"တာအိုရောင်းရင်းချိုး မသိတာလည်း ပုံမှန်ပါပဲ...”</p> <p>ကျိုးစွေ့ ခပ်ဟဟ ပြုံးလိုက်သည်။</p> <p>သူသည် ရွှမ်ဟွမ်ဂိုဏ်း၏ နောက်ခံသမိုင်းကြောင်းကို အများကြီး ရှင်းပြမနေတော့ပေ၊ လျှို့ဝှက်ဆန်းကြယ်မှုကို ထိန်းသိမ်းထားခြင်းက ပိုကောင်းသည် မဟုတ်ပါလော။</p> <p>အကယ်၍ အခြားကျင့်ကြံသူများသာ သူသည် ချန်လန်ပင်လယ်ဒေသမှ လာကြောင်း သိသွားပါက၊ သူ ရှေးဟောင်း တည်နေရာရွှေ့ပြောင်းအစီအရင်ကို ပိုင်ဆိုင်ထားသည့် ကိစ္စမှာ သေချာပေါက် ပေါက်ကြားသွားပေလိမ့်မည်။</p> <p>"ဝေးလံခေါင်သီတဲ့ ဂိုဏ်းလေး ဟုတ်လား...”</p> <p>"တာအိုရောင်းရင်းကျိုး ရှိနေမှတော့ အခုကစပြီး ရွှမ်ဟွမ်ဂိုဏ်းက လောကမှာ နာမည်ကြီးလာတော့မှာပဲ...”</p> <p>ချိုးရူယွီက အနည်းငယ် ပြုံးလိုက်လေသည်။</p> <p>သူမရှေ့မှ ဤအမျိုးသား၏ အသက်စွမ်းအင်သည် အလွန် နုပျိုနေပြီး အသက်ငါးရာပင် မပြည့်သေးကြောင်း ခံစားမိလိုက်သည်။ သို့သော်ငြား ဝိညာဉ်သန္ဓေသား နှောင်းပိုင်းအဆင့်သို့ တက်လှမ်းနေပြီ ဖြစ်၏။</p> <p>အနာဂတ်တွင် နတ်ဘုရားအသွင်ပြောင်းအဆင့်သို့ ရောက်ရှိရန်လည်း ကြီးမားသော မျှော်လင့်ချက် ရှိလေသည်။</p> <p>ယခုအခါ သူမသည် ကျိုးစွေ့ကို မိမိနှင့် တစ်တန်းတည်းရှိသော ကျင့်ကြံသူတစ်ဦးအဖြစ် လုံးဝသတ်မှတ်ပြီး တန်းတူညီမျှ ဆက်ဆံနေပြီ ဖြစ်၏။</p> <p>"လောကမှာ နာမည်ကြီးဖို့ မလိုပါဘူး...”</p> <p>"ဒီလိုဆိုရင် အားလုံးရဲ့ ပစ်မှတ်ဖြစ်သွားဖို့က အရမ်း လွယ်ကူတယ်...”</p> <p>"ဒီနေ့ကိစ္စကို တာအိုရောင်းရင်းချိုး ပြင်ပကို မပြောပြဖို့ မျှော်လင့်ပါတယ်...”</p> <p>"ဒီ နတ်ဘုရားအသွင်ပြောင်းအဆင့် နတ်ဆိုးကို သတ်တာကလည်း တိုက်ဆိုင်သွားလို့ပါ...”</p> <p>ကျိုးစွေ့က တောင်းဆိုလိုက်၏။</p> <p>"ကောင်းပါပြီ... တာအိုရောင်းရင်းက နာမည်မကြီးချင်မှတော့ ကျမကလည်း လိုက်နာပါ့မယ်...”</p> <p>"ဒါပေမဲ့ တာအိုရောင်းရင်း ကျမနဲ့အတူ ဟယ်ဟွမ်းဂိုဏ်းကို လိုက်ခဲ့ပါလား... ကျမ ဧည့်ခံပြုစုပါ့မယ်...”</p> <p>"အိမ်ရှင်ကောင်းပီသစွာ ဧည့်ခံပါရစေ... တာအိုရောင်းရင်း ငြင်းဆန်မှာ မဟုတ်ဘူးလို့ မျှော်လင့်ပါတယ်...”</p> <p>"ဘာပဲပြောပြော တာအိုရောင်းရင်းသာ ဝင်မကူညီခဲ့ရင်... ဒီနေ့ ဟယ်ဟွမ်းဂိုဏ်းက သမိုင်းပဲ ဖြစ်သွားတော့မှာလေ...”</p> <p>ချိုးရူယွီက သက်ပြင်းချကာ ပြောလိုက်သည်။</p> <p>ရိုးရိုးသားသားပြောရလျှင် သူမ နောက်ပြောင်နေခြင်း မဟုတ်ပေ။</p> <p>အကယ်၍ သူမသာ ထိုခြင်္သေ့စိမ်းနတ်ဆိုးကို မနှိမ်နင်းနိုင်ပါက ဟယ်ဟွမ်းဂိုဏ်းသည် သေချာပေါက် ပျက်စီးသွားရမည် ဖြစ်၏။</p> <p>ဟယ်ဟွမ်းဂိုဏ်းမှ ကျင့်ကြံသူအားလုံးသည် ခြင်္သေ့စိမ်းနတ်ဆိုး၏ ဝါးမြိုခြင်းကို ခံရမည်ဖြစ်ပြီး၊ မည်သူမျှ လွတ်မြောက်နိုင်မည် မဟုတ်ပေ။</p> <p>"တာအိုရောင်းရင်းက လှိုက်လှိုက်လှဲလှဲ ဖိတ်ခေါ်မှတော့ ကျုပ်ကလည်း သဘာဝကျကျ ငြင်းဆန်မှာ မဟုတ်ပါဘူး...”</p> <p>"ဒါပေမဲ့ မသွားခင်... ကျုပ် ပစ္စည်းလေးနည်းနည်း ယူစရာ ရှိသေးတယ်...”</p> <p>ကျိုးစွေ့ ခေါင်းညိတ်လိုက်လေသည်။</p> <p>"ပစ္စည်းယူမယ်... ဘာပစ္စည်းများလဲ...”</p> <p>ချိုးရူယွီ စူးစမ်းလိုစိတ်ဖြင့် မေးလိုက်သည်။</p> <p>ဝှစ်...။</p> <p>ထိုအချိန်တွင် ကျိုးစွေ့က လက်တစ်ဖက် ဝှေ့ယမ်းလိုက်ပြီး တွင်းနက်ကြီးထဲမှ လူတစ်ရပ်ခန့် မြင့်မားသော ကြီးမားသည့် ကျောက်တိုင်ကြီးတစ်ခုကို ချက်ချင်း ထုတ်ယူလိုက်လေသည်။</p> <p>အပေါ်တွင် ထူးခြားသော မင်ရည်ဖြင့် - 'နတ်ဆိုးချုပ်တောင်ကြား' ဟု ရေးသားထားပုံရပေသည်။</p> <p>ထင်ရှားသည်မှာ ဤသည်မှာ နတ်ဆိုးချုပ်တောင်ကြား၏ ကျောက်တိုင်ပင် ဖြစ်၏။</p> <p>တစ်ချိန်တည်းမှာပင် ဤသည်မှာ ယခုတစ်ကြိမ် ကျိုးစွေ့၏ ပစ်မှတ်များထဲမှ တစ်ခုဖြစ်သော ထိုက်ရီရွှေစင် ဖြစ်လေသည်။</p> <p>လက်ထဲရောက်သည်နှင့်တစ်ပြိုင်နက် ကျိုးစွေ့သည် အင်မော်တယ်ကမ္ဘာမှလာသော ဤသတ္တုရိုင်းတွင် ကြီးမားသော သတ္တုဓာတ်ချီများ ပါဝင်နေပြီး ကောင်းကင်နှင့် မြေကြီး၏ အနှစ်သာရများ စုဝေးနေပုံရကာ အလွန်တရာ လေးလံကြောင်း ချက်ချင်း ခံစားလိုက်ရတော့သည်။</p> <p>လက်ထဲတွင် ကိုင်ထားရသည်မှာ တောင်ကြီးတစ်လုံးကို ထမ်းထားရသကဲ့သို့ ရှိပေ၏။</p> <p>ယခုလေးတင် နတ်ဘုရားအသွင်ပြောင်းအဆင့် တိုက်ပွဲကို ဖြတ်သန်းခဲ့ရပြီး ကြောက်မက်ဖွယ် နောက်ဆက်တွဲ ဂယက်လှိုင်းများ ဖြစ်ပေါ်ခဲ့သော်လည်း၊ ဤထိုက်ရီရွှေစင်သည် စိုးစဉ်မျှပင် ထိခိုက်မှု မရှိချေ။</p> <p>***</p> <p> </p>


Save