Book List

<h2 style="text-align: center;">အခန်း (၅၈၄)</h2> <h2 style="text-align: center;">ဝိညာဉ်လောကသို့ ခိုးဝင်ခြင်း၊ ကမ္ဘာသုံးခု ပေါင်းစပ်ခြင်း၊ အင်မော်တယ်၏ ရုပ်အလောင်းနှင့်</h2> <h2 style="text-align: center;">လွန်ခဲ့သော နှစ်တစ်သန်းက ကျင့်ကြံခြင်းလောက(၁)။</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>"ဒါက နတ်ဆိုးချုပ်တောင်ကြားက ကျောက်တိုင်ပဲ..."</p> <p>"တာအိုရောင်းရင်းက ဒီကျောက်တိုင်ကို လိုချင်နေတာလား..."</p> <p>"ဒီကျောက်တိုင်က ထူးဆန်းတဲ့ ကျောက်တုံးတစ်တုံး ဖြစ်ပေမဲ့ အရမ်းကို မာကျောလွန်းတယ်..."</p> <p>"နတ်ဘုရားအသွင်ပြောင်းအဆင့် အရှင်သခင်တွေတောင်မှ ဒီကျောက်တုံးကို မချေဖျက်နိုင်ကြဘူး..."</p> <p>"ဒါကြောင့် သူက အစီအရင်ဗဟိုချက်အဖြစ်နဲ့ ကျောက်တိုင်အဖြစ်လောက်ပဲ သုံးလို့ရတာလေ..."</p> <p>"တာအိုရောင်းရင်းမှာများ ဒီသတ္တုတုံးကို အသုံးချနိုင်တဲ့ နည်းလမ်း ရှိနေလို့လား..."</p> <p>ချိုးရူယွီသည် ကျိုးစွေ့အား သိချင်စိတ်ပြင်းပြစွာဖြင့် ကြည့်လိုက်ပေသည်။</p> <p>သူမသည် ဟယ်ဟွမ်းဂိုဏ်း၏ ဂိုဏ်းချုပ်တစ်ဦးအနေဖြင့် နတ်ဆိုးချုပ်တောင်ကြားအနီးတွင် နှစ်ပေါင်းများစွာ စောင့်ကြပ်နေခဲ့ရာ ဤထူးခြားသော ကျောက်တိုင်အကြောင်းကို သဘာဝကျစွာပင် သိရှိထား၏။</p> <p>ဤကျောက်တိုင်၏ ပါဝင်ပစ္စည်းများမှာ ပုံမှန်မဟုတ်ဘဲ ပြိုင်ဘက်ကင်းလောက်အောင် မာကျောကြောင်းကို မည်သူမဆို သိထားကြပေသည်။</p> <p>နတ်ဘုရားအသွင်ပြောင်းအဆင့် ကျင့်ကြံသူများ၏ စွမ်းအားဖြင့်ပင် ယင်းကို အနည်းငယ်မျှ ထိခိုက်အောင် မလုပ်နိုင်ချေ။</p> <p>ပြဿနာမှာ လွန်ကဲစွာ မာကျောနေခြင်းကြောင့် သာမန်ကျောက်တုံးတစ်တုံးကဲ့သို့ ဖြစ်နေပြီး ဝိညာဉ်ရတနာအဖြစ် ဖန်တီး၍မရနိုင်ခြင်း ဖြစ်ပေသည်။</p> <p>မဟာဆရာသခင်အဆင့် လက်နက်ဖန်တီးသူများပင်လျှင် မည်သို့မျှ မတတ်နိုင်ခဲ့ကြချေ။</p> <p>ဝိညာဉ်မီးတောက်အမျိုးမျိုး ထွက်ပေါ်လာသော်လည်း ဤကျောက်တုံးကို အရည်မပျော်စေနိုင်ခဲ့ပေ။</p> <p>နောက်ဆုံးတွင် ယင်းမှာ “စားရမည်မှာလည်း သဲတရှပ်ရှပ်၊ ပစ်ရမည်မှာလည်း အဆီတဝင်းဝင်း” ဆိုသကဲ့သို့ အသုံးမဝင်သော သတ္တုတုံးတစ်ခု ဖြစ်လာခဲ့ရသည်။</p> <p>"ဟုတ်တယ်... ကျုပ်ဆီမှာ ဒီကျောက်တုံးကို အသုံးပြုရမယ့် နည်းလမ်းတစ်ခု ရှိနေလို့ပါ..."</p> <p>ကျိုးစွေ့က အနည်းငယ် ပြုံးလိုက်၏။</p> <p>သာမန်စွမ်းအားများဖြင့် ဤထိုက်ရီရွှေစင်ကို မချေဖျက်နိုင်သည်မှာ သဘာဝကျသော်လည်း သက်ရှိများထံမှ လာသော သတ်ဖြတ်လိုစိတ်များကမူ မတူညီပေ။</p> <p>ဤထူးဆန်းသော သတ်ဖြတ်လိုစိတ် စွမ်းအားက တိတ်တဆိတ် ပြောင်းလဲစေနိုင်ပြီး ဤထိုက်ရီရွှေစင်အား အံ့မခန်း ပြောင်းလဲမှုများ ဖြစ်ပေါ်စေနိုင်ပေသည်။</p> <p>နောက်ဆုံးတွင် ပြိုင်ဘက်ကင်း ဓားတစ်လက်အဖြစ် ပုံသွင်းနိုင်မည် ဖြစ်သည်။</p> <p>ထို့အပြင် သူ၏ကိုယ်ပိုင် ဓားပျံတစ်လက်လည်း ဖြစ်လာပေလိမ့်မည်။</p> <p>"ဒီလိုကိုး..."</p> <p>"ကြည့်ရတာ ဒီရတနာက တာအိုရောင်းရင်းနဲ့ပဲ ထိုက်တန်ပုံရတယ်..."</p> <p>"ဒါနဲ့... ကျွန်မတို့ အရင်ဆုံး ဟယ်ဟွမ်းဂိုဏ်းကို သွားကြရအောင်..."</p> <p>"ဟယ်ဟွမ်းဂိုဏ်းက တပည့်တွေလည်း စောင့်နေတာ အတော်ကြာနေလောက်ပြီ..."</p> <p>ချိုးရူယွီက လှပစွာ ပြုံးလိုက်ပြီး အလွန် ဝမ်းသာနေပေသည်။</p> <p>သူမကိုယ်တိုင်လည်း အဘယ်ကြောင့်မှန်း မသိချေ။</p> <p> ပုံမှန်အားဖြင့်ဆိုလျှင် ဤကဲ့သို့သော ရတနာမျိုးကို မိမိကိုယ်တိုင် အသုံးမပြုနိုင်လျှင်တောင် အခြားသူများအား လွယ်လွယ်ဖြင့် ယူဆောင်ခွင့်ပြုမည် မဟုတ်ဘဲ အနည်းဆုံးတော့ တန်ကြေးတစ်ခု ပေးဆပ်ခိုင်းမည် ဖြစ်သည်။</p> <p>သို့သော်လည်း ယခု သူမရှေ့ရှိ အမျိုးသားသည်သာ ယူဆောင်သွားမည်ဆိုပါက သူမအနေဖြင့် နှမြောခြင်းမရှိသည့်အပြင် အလွန်ပင် ဝမ်းမြောက်နေမိ၏။</p> <p>ဤကဲ့သို့သော ရတနာကို ဤအမျိုးသားက အသုံးပြုခြင်းမှာ ယင်းရတနာအတွက်ပင် ဂုဏ်ယူစရာဖြစ်သည်ဟု သူမ ခံစားနေရချေပြီ။</p> <p>"ကောင်းပြီလေ..."</p> <p>ကျိုးစွေ့က ခေါင်းညိတ်လိုက်သည်။</p> <p>ဝှစ်…။</p> <p>ချက်ချင်းပင် ချိုးရူယွီနှင့် ကျိုးစွေ့တို့၏ ပုံရိပ်များ လှုပ်ရှားသွားပြီး အလင်းတန်းတစ်ခုအဖြစ် ပြောင်းလဲကာ ဟယ်ဟွမ်းဂိုဏ်းဆီသို့ ပျံသန်းသွားကြလေ၏။</p> <p>အချိန်သိပ်မကြာလိုက်ဘဲ သူသည် ဟယ်ဟွမ်းဂိုဏ်းအတွင်းသို့ ဝင်ရောက်လာခဲ့ပေသည်။</p> <p>ချိုးရူယွီ၏ အကူအညီဖြင့် ပတ်ဝန်းကျင်ရှိ တားမြစ်အစီအရင်များ အားလုံးမှာလည်း ပျောက်ကွယ်သွားပုံရသည်။</p> <p>သူ၏ နှလုံးသားအမြင်စွမ်းအားဖြင့် ဖြည်းညင်းစွာ စူးစမ်းကြည့်လိုက်သည်။</p> <p>ဟယ်ဟွမ်းဂိုဏ်း တစ်ဂိုဏ်းလုံးတွင် နေရာတိုင်း၌ ချောမောလှပသော အမျိုးသားများနှင့် အမျိုးသမီးများ ပြည့်နှက်နေသည်ကို ချက်ချင်း ခံစားသိရှိလိုက်ရပေသည်။</p> <p>ယင်းအထဲတွင် အမျိုးသမီးက ပိုများပြီး အမျိုးသားက နည်းပါးလှသည်။ အမျိုးသမီးကျင့်ကြံသူများက  ရှစ်ဆယ်ရာခိုင်နှုန်းခန့်အထိ ရှိနေပြီး အမျိုးသားကျင့်ကြံသူများမှာ ရာခိုင်နှုန်း နှစ်ဆယ်ခန့်သာ ရှိပေသည်။</p> <p>အမျိုးသမီးများ အားကောင်းပြီး အမျိုးသားများ အားနည်းသော ဂိုဏ်းတစ်ခုဟု ဆိုနိုင်ပေသည်။</p> <p>ဟယ်ဟွမ်းဂိုဏ်းမှ အမျိုးသမီးကျင့်ကြံသူတိုင်း၏ ဝတ်စားဆင်ယင်မှုမှာ အလွန် ပါးလွှာလွန်းပြီး ပန်းတစ်ရာမြို့တော်ထက်ပင် ပို၍ ရဲတင်းနေကြသည်။</p> <p>တစ်ချက်ကြည့်လိုက်သည်နှင့် မိန်းမနိုင်ငံတစ်ခုထဲသို့ ရောက်သွားသကဲ့သို့ပင် ဖြစ်ပေသည်။</p> <p>ထိုအချိန်တွင် ဟယ်ဟွမ်းဂိုဏ်းမှ စီနီယာအစ်မတစ်စုက ဂိုဏ်းထဲသို့ ဝင်ရောက်လာသည်မှာ မကြာသေးသော ဂျူနီယာညီမငယ်များကို သင်ကြားပြသပေးနေပုံရ၏။</p> <p>"နင်တို့ မှတ်ထားရမှာက... ယောက်ျားတွေက ကမ္ဘာကြီးကို သိမ်းပိုက်ပြီးမှ မိန်းမတွေကို သိမ်းပိုက်ကြတာ... မိန်းမတွေကျတော့ ယောက်ျားတွေကို သိမ်းပိုက်ပြီးမှ ကမ္ဘာကြီးကို သိမ်းပိုက်ကြတာ... မိန်းမတွေရဲ့ အစစ်အမှန် လက်နက်ဆိုတာ ပေါင်နှစ်လုံးကြားမှာပဲ ရှိတယ်..."</p> <p>ဟယ်ဟွမ်းဂိုဏ်းမှ စီနီယာအစ်မတစ်ဦးက သူမ၏ ဂိုဏ်းဝင်သစ် ညီမငယ်များအား သေသေချာချာ သင်ကြားပြသပေးနေသည်။</p> <p>သူမသည် ဟယ်ဟွမ်းဂိုဏ်း၏ အတွေးအခေါ်များကို လက်ဆင့်ကမ်း သင်ကြားပေးနေခြင်း ဖြစ်၏။</p> <p>"နင်တို့ထဲမှာ သဘောမတူတဲ့သူ ရှိကောင်းရှိနိုင်တယ်... မိန်းမတွေကလည်း ကောင်းကင်တစ်ဝက်ကို ပိုင်ဆိုင်နိုင်တယ်လို့ ထင်ကောင်းထင်ကြလိမ့်မယ်... ကိုယ့်ရဲ့ ကြိုးစားအားထုတ်မှုနဲ့ ယောက်ျားတွေကို ကျော်တက်နိုင်တယ်... ယောက်ျားတွေရဲ့ ခေါင်းပေါ်တောင် ရောက်နိုင်တယ်လို့ ထင်ကောင်းထင်လိမ့်မယ်..."</p> <p>"ဒါပေမဲ့ ခန္ဓာကိုယ်ကြံ့ခိုင်မှု ကွာဟချက်နဲ့ ပါရမီ ကွာဟချက်ဆိုတာ လျစ်လျူရှုထားလို့ မရဘူး... ဥပမာ စိတ်ဝိညာဉ်အမြစ် ပါရမီကွာဟချက်ဆိုရင် တစ်သက်လုံး ဖြည့်ဆည်းလို့ မရနိုင်ဘူး... နင်တို့မှာသာ ကောင်းကင်စိတ်ဝိညာဉ်အမြစ် ရှိနေရင် သဘာဝအတိုင်းပဲ အခြေတည်အဆင့်၊ ရွှေအမြုတေအဆင့်၊ ဝိညာဉ်သန္ဓေသားအဆင့်တွေဆီ လွယ်လွယ်ကူကူ တက်လှမ်းနိုင်မှာပေါ့..."</p> <p>"အကယ်၍ နင်တို့မှာ အဆင့်နိမ့် စိတ်ဝိညာဉ်အမြစ်လောက်ပဲ ရှိရင်တော့ ဟယ်ဟွမ်းဂိုဏ်းထဲ ဝင်ဖို့ နေနေသာ... အခြေတည်အဆင့် တက်ဖို့တောင် မဖြစ်နိုင်တဲ့ ကိစ္စပဲ... ဒါက ပါရမီရဲ့ ကွာဟချက်ပဲ... ကြိုးစားမှုနဲ့ ဖြည့်ဆည်းဖို့ ခက်ခဲတဲ့ ကြီးမားတဲ့ ကွာဟချက်ကြီးပဲ..."</p> <p>"ဒါပေမဲ့ ငါတို့ မိန်းမတွေက ယောက်ျားတွေထက် ညံ့တယ်လို့ ပြောတာ မဟုတ်ဘူး... နင်တို့ကို ပြောပြချင်တာက ကိုယ့်ရဲ့ အားနည်းချက်ကို သုံးပြီး ယောက်ျားတွေရဲ့ အားသာချက်ကို မယှဉ်ပြိုင်ဖို့ပဲ... ဒါက ယုတ္တိမရှိသလို ဉာဏ်မရှိတဲ့ လုပ်ရပ်ပဲ..."</p> <p>"ယောက်ျားတွေမှာ ခံနိုင်ရည်အားကောင်းပြီး တိုက်ခိုက်ရေးစွမ်းရည် မြင့်မားတယ်ဆိုပေမဲ့ သေစေနိုင်တဲ့ အားနည်းချက်တစ်ခုလည်း ရှိတယ်... အဲ့ဒါကတော့ လောဘကြီးပြီး ကာမဂုဏ် မက်မောတာပဲ... ရုပ်လေး နည်းနည်းချောပြီး အလိုလိုက်ပြလိုက်တာနဲ့ သူတို့က လွယ်လွယ်လေး ငါးစာမိသွားတော့တာပဲ..."</p> <p>"ဒါကြောင့် ငါတို့က အဲ့ဒီအချက်ကို အသုံးချရမယ်... ယောက်ျားတွေရဲ့ အားနည်းချက်ကို အသုံးချပြီး ငါတို့ရဲ့ ရည်ရွယ်ချက်တွေကို အကောင်အထည်ဖော်ရမယ်..."</p> <p>"ဥပမာ ယောက်ျားတွေက မိန်းကလေးတွေ အများကြီးထားချင်သလိုပဲ ငါတို့ မိန်းမတွေကလည်း အဲ့လိုပဲ... အရန်ယောက်ျားတွေ အများကြီး ပြင်ဆင်ထားဖို့ လိုတယ်..."</p> <p>"ဒီအရန်ယောက်ျားတွေက ငါတို့ အမျိုးသမီးကျင့်ကြံသူတွေရဲ့ ပိုက်ဆံအိတ်တွေပဲ... ငါတို့ အမျိုးသမီးကျင့်ကြံသူတွေရဲ့ ငွေရှင်ကြေးရှင်တွေပဲ... သူတို့ကို အသုံးချပြီး ငါတို့ ကျင့်ကြံဖို့အတွက် အရင်းအမြစ်တွေကို ထောက်ပံ့ခိုင်းလို့ရတယ်... ယောက်ျားတွေ အများကြီး မျှားနိုင်လေ... အရည်အသွေးကောင်းလေ... နင်တို့ ရရှိမယ့် အရင်းအမြစ်တွေက ပိုများလေပဲ..."</p> <p>"အဲ့ဒီအချိန်ကျရင် ငါတို့ အမျိုးသမီးကျင့်ကြံသူတွေရဲ့ ကျင့်ကြံခြင်း အရင်းအမြစ်တွေအတွက် ကိုယ်တိုင် ပိုက်ဆံထုတ်စရာ မလိုတော့ဘူး... ယောက်ျားတွေရဲ့ ထောက်ပံ့မှုအပေါ်ပဲ မှီခိုလို့ရပြီ..."</p> <p>"ငါတို့က တိတ်တိတ်ဆိတ်ဆိတ် ကျင့်ကြံနေဖို့နဲ့ လှလှပပလေး နေဖို့ပဲ တာဝန်ယူရမယ်..."</p> <p>"ဥပမာ ထိုက်ရွှီဂိုဏ်းက အကြီးအကဲဟွမ်ရဲ့ တာအိုလက်တွဲဖော်၊ ဟွမ့်ယွမ်ဂိုဏ်းက အကြီးအကဲလီရဲ့ တာအိုလက်တွဲဖော် စတဲ့သူတွေ အားလုံးဟာ ငါတို့ ဟယ်ဟွမ်းဂိုဏ်းက အမျိုးသမီးကျင့်ကြံသူတွေချည်းပဲ..."</p> <p>"သူတို့က ဟယ်ဟွမ်းဂိုဏ်းရဲ့ ထူးချွန်တဲ့ ကိုယ်စားလှယ်တွေလည်း ဖြစ်တယ်..."</p> <p>"တကယ်တော့ သူတို့ရဲ့ ပါရမီတွေက သာမန်ပဲ... အဆင့်မြင့် စိတ်ဝိညာဉ်အမြစ်လောက်ပဲ ရှိတာ..."</p> <p>"ဒါပေမဲ့ သူတို့ယောက်ျားတွေရဲ့ အကူအညီနဲ့ သူတို့လည်း အလွယ်တကူ ဝိညာဉ်သန္ဓေသားအဆင့်ကို တက်လှမ်းနိုင်ခဲ့ကြတယ်..."</p> <p>"ဒါက တာအိုလက်တွဲဖော်ရဲ့ အရေးပါမှုပဲ..."</p> <p>"အဆင့်တူ ယောက်ျားကျင့်ကြံသူတွေကို မနိုင်တာ ရှက်စရာလို့ နင်တို့ မထင်ကြနဲ့... အဲ့ဒါက လုံးဝ ဂရုစိုက်စရာ မလိုဘူး..."</p> <p>"ကျင့်ကြံခြင်းလောကမှာ အဆင့်အတန်းကသာ အရေးအကြီးဆုံးပဲ..."</p> <p>"ချီကျင့်ကြံခြင်းအဆင့်မှာ ငါက နင့်ကို မနိုင်ဘူး... ဒါပေမဲ့ ငါက အခြေတည်အဆင့်ကို တက်လှမ်းသွားရင် နင့်ကို အသာလေး ဖိနှိပ်နိုင်ပြီလေ... အခြေတည်အဆင့်နဲ့ ချီကျင့်ကြံခြင်းအဆင့်ကို တိုက်ခိုက်ရင် ဘယ်သူက ငါတို့ရဲ့ ပြိုင်ဘက် ဖြစ်လာနိုင်မှာလဲ..."</p> <p>"ငါတို့တွေသာ လျင်လျင်မြန်မြန် ကျင့်ကြံနိုင်ပြီး အဆင့်က ယောက်ျားကျင့်ကြံသူတွေထက် အမြဲတမ်း တစ်ဆင့်မြင့်နေသရွေ့ ငါတို့က အမြဲတမ်း အားသာနေမှာပဲ..."</p> <p>"ကျင့်ကြံခြင်းအဆင့်ကို ဘယ်လို လျင်လျင်မြန်မြန် မြှင့်တင်မလဲဆိုတာက စိတ်ဝိညာဉ်အမြစ်နဲ့ ကျင့်ကြံခြင်း အရင်းအမြစ်တွေအပေါ်မှာပဲ မူတည်တယ်..."</p> <p>"စိတ်ဝိညာဉ်အမြစ်ကတော့ မွေးရာပါ သတ်မှတ်ထားပြီးသားပဲ... ဒါပေမဲ့ ကျင့်ကြံခြင်း အရင်းအမြစ်တွေကိုတော့ ငါတို့ ကြိုးစားရှာဖွေလို့ ရတယ်..."</p> <p>ထိုဟယ်ဟွမ်းဂိုဏ်းမှ စီနီယာအစ်မက အော်ဟစ်ကာ သူမ၏ ဗဟုသုတအမျိုးမျိုးကို သင်ကြားပေးနေလေ၏။</p> <p>ဤသည်မှာ အဆင့်အတန်းဖြင့် ဖိနှိပ်ခြင်းသီအိုရီ၊ အမျိုးသားများသည် ပိုက်ဆံအိတ်ဖြစ်သည်ဟူသော သီအိုရီ စသည်တို့ပင် ဖြစ်ပေသည်။</p> <p>ဤစကားများကို ကြားသောအခါ ဟယ်ဟွမ်းဂိုဏ်းမှ ဂိုဏ်းဝင်သစ် ညီမငယ်များမှာ မိန်းမောတွေဝေစွာ နားထောင်နေကြပြီး အကျိုးကျေးဇူးများစွာ ရရှိသွားကြသည်။</p> <p>သူတို့၏ အမြင်များမှာ အသစ်တစ်ဖန် ဆေးကြောခံလိုက်ရသကဲ့သို့ ခံစားနေရ၏။</p> <p>"စီနီယာအစ်မ... အစ်မပြောတဲ့အတိုင်းဆိုရင် ကျွန်မတို့က ယောက်ျားတိုင်းနဲ့ ပတ်သက်လို့ရတဲ့ မိန်းမတွေ ဖြစ်မသွားဘူးလား..."</p> <p>ညီမငယ်တစ်ဦးက ချစ်စဖွယ်အသံလေးဖြင့် မေးလိုက်ပေသည်။</p> <p>သူမသည် အပျိုစင်လေးတစ်ဦး ဖြစ်သည့်အတွက် ဤစကားများကို ကြားလိုက်ရသောအခါ အနည်းငယ်တော့ တုန်လှုပ်သွားမိရသည်။</p> <p>"တုံးလိုက်တာ... ဘယ်သူက နင်တို့ခန္ဓာကိုယ်ကို ပေးအပ်ရမယ်လို့ ပြောလို့လဲ..."</p> <p>"အခု ငါက နင်တို့ကို အရေးအကြီးဆုံး သင်ခန်းစာတစ်ခု ပေးရလိမ့်မယ်... အဲ့ဒါက ယောက်ျားတွေကို ဘာမှ လွယ်လွယ်လေး မပေးလိုက်ဖို့ပဲ..."</p> <p>"ယောက်ျားတွေဆိုတာ အဲ့လိုသတ္တဝါမျိုးပဲ... မရနိုင်လေလေ ပိုပြီး တန်ဖိုးထားလေလေပဲ..."</p> <p>"မိန်းမတွေက ဖြူစင်လေလေ ယောက်ျားတွေက ပိုချစ်လေလေပဲ..."</p> <p>"ငါတို့ ဟယ်ဟွမ်းဂိုဏ်းက အမျိုးသမီးကျင့်ကြံသူတွေက ကြိုးရှည်ရှည်နဲ့ လှန်ထားတတ်ရမယ်... သူတို့ရဲ့အကြိုက်ကို လိုက်ပြီး  တစ်ခါတလေ အချိုလေး နည်းနည်းကျွေးလိုက်... ဒါပေမဲ့ သူ့ကို လုံးဝ မပေးနဲ့..."</p> <p>"ဝိညာဉ်ကျောက်တုံးပေးရင် အချိုကျွေးမယ်... မပေးရင် ဘာမှမရဘူး..."</p> <p>"ဒါပေမဲ့ ဒါကလည်း အတိုင်းအတာတစ်ခုတော့ လိုတယ်... မဟုတ်ရင် အရန်ယောက်ျား ပြေးသွားရင် ရတာထက် ဆုံးရှုံးတာက ပိုများသွားလိမ့်မယ်..."</p> <p>"ချောမောတဲ့ ယောက်ျားတွေကြားထဲ ကျင်လည်နေပေမဲ့ ကိုယ့်ကိုယ်ကိုယ်တော့ မထိခိုက်စေနဲ့..."</p> <p>"မှတ်ထား... ငါတို့က ယောက်ျားတွေကို ကစားလို့ရတယ်... ဒါပေမဲ့ ယောက်ျားတွေကို မချစ်ရဘူး... ယောက်ျားတွေအတွက် ပိုက်ဆံသုံးဖို့ဆိုတာ ပိုတောင် မဖြစ်နိုင်သေးဘူး... မဟုတ်ရင် အဲ့ဒါက နင့်ဘဝရဲ့ ကံဆိုးမှုအစပဲ... ဒါတွေက မေ့ဖျောက်လို့မရတဲ့ သင်ခန်းစာတွေချည်းပဲ..."</p> <p>ဟယ်ဟွမ်းဂိုဏ်းမှ စီနီယာအစ်မသည် ဂျူနီယာညီမငယ်များကို အလွန် လေးနက်စွာဖြင့် ကြည့်လိုက်လေသည်။</p> <p>ဤသည်မှာ ခေတ်အဆက်ဆက် ဟယ်ဟွမ်းဂိုဏ်းမှ အမျိုးသမီးကျင့်ကြံသူများ၏ သွေးမျက်ရည်များဖြင့် ရရှိခဲ့သော သင်ခန်းစာများ ဖြစ်ပေသည်။</p> <p>အမျိုးသမီးကျင့်ကြံသူ အများအပြားသည် ဤအချက်ကို မေ့လျော့သွားကြသဖြင့် အဆုံးတွင် ကြေကွဲဖွယ်ဘဝများကို ကြုံတွေ့ခဲ့ရသည်။</p> <p>ထို့ကြောင့်ပင် သူမအနေဖြင့် ဤဂိုဏ်းဝင်သစ် အမျိုးသမီးတပည့်များကို အချိန်တိုင်း သတိပေးနေရန် လိုအပ်ပေသည်။</p> <p>"ဟုတ်ကဲ့ပါ စီနီယာအစ်မ..."</p> <p>ဟယ်ဟွမ်းဂိုဏ်းမှ ညီမငယ်များအားလုံးမှာ ကြက်ကလေးများ ဆန်စေ့ကောက်သကဲ့သို့ ခေါင်းတဆတ်ဆတ် ညိတ်လိုက်ကြတော့သည်။</p> <p>ရှေ့ဆောင်များ၏ အတွေ့အကြုံများမှ အကျိုးကျေးဇူးများစွာ ရရှိခဲ့သည်ဟု သူတို့ ခံစားလိုက်ရ၏။</p> <p>"နင်တို့ ဟယ်ဟွမ်းဂိုဏ်းရဲ့ ဆောင်ပုဒ်အနည်းငယ်ကို မှတ်ထားရမယ်..."</p> <p>"ငါတို့က မြှူဆွယ်လို့ရတယ်... ဒါပေမဲ့ တဏှာမကြီးရဘူး..."</p> <p>"ဆွဲဆောင်မှုရှိလို့ရတယ်... ဒါပေမဲ့ ဖောက်ပြန်လို့ မရဘူး..."</p> <p>"မိန်းမတွေရဲ့ အလှအပဆိုတာ ယောက်ျားတွေ ကြည့်ဖို့အတွက်ပဲ... ယောက်ျားတွေ ပိုင်ဆိုင်ဖို့ မဟုတ်ဘူး..."</p> <p>"ဝိညာဉ်ကျောက်တုံးမပေးတဲ့ ယောက်ျားကို ထွက်သွားခိုင်းလိုက်..."</p> <p>ဟယ်ဟွမ်းဂိုဏ်းမှ စီနီယာအစ်မက ဟယ်ဟွမ်းဂိုဏ်း၏ အမှန်တရားဆောင်ပုဒ် အနည်းငယ်ကို ပြောပြလိုက်သည်။ ဤအရာများအားလုံးမှာ ဟယ်ဟွမ်းဂိုဏ်းမှ ရှေ့ဆောင်များ၏ တန်ဖိုးရှိသော အတွေ့အကြုံများပင် ဖြစ်ပေသည်။</p> <p>ယင်းသည် အမျိုးသမီးကျင့်ကြံသူ အများအပြားအား လမ်းမှားသို့ မရောက်စေရန် ကူညီပေးခဲ့၏။</p> <p>"ဒါက…”</p> <p>ကျိုးစွေ့က မျက်တောင်တစ်ချက် ခတ်လိုက်မိသည်။</p> <p> ဤအမျိုးသမီးကျင့်ကြံသူများ၏ စကားများကို သူ ကြားသိလိုက်ရသောအခါ ဟယ်ဟွမ်းဂိုဏ်းဟု ခေါ်ဆိုထိုက်ကြောင်းသာ ဆိုနိုင်တော့ပေသည်။</p> <p>ဂိုဏ်း၏ ယဉ်ကျေးမှုမှာ အမှန်တကယ်ပင် ထူးခြားလှသည်။</p> <p>အမျိုးသမီးများ၏ အကျိုးစီးပွားကိုသာ အကြွင်းမဲ့ ဦးစားပေးသူများဟု ဆိုနိုင်ပေသည်။</p> <p>သို့သော်လည်း ကျင့်ကြံခြင်းလောကတွင် မည်သည့်ကျင့်ကြံသူက ဤသို့မဟုတ်ပါသနည်း။ အမျိုးသားဖြစ်စေ၊ အမျိုးသမီးဖြစ်စေ အားလုံးအတူတူပင် ဖြစ်သည်။</p> <p>မည်သူ၏ အလေ့အကျင့်က ပို၍ နက်နဲသနည်း ဆိုသည့်အပေါ်တွင်သာ မူတည်ပေသည်။</p> <p> </p> <p>***</p> <h1> </h1>


Save