Book List

<h2 style="text-align: center;">အခန်း (၅၈၅)</h2> <h2 style="text-align: center;">ဝိညာဉ်လောကသို့ ခိုးဝင်ခြင်း၊ ကမ္ဘာသုံးခု ပေါင်းစပ်ခြင်း၊ အင်မော်တယ်၏ ရုပ်အလောင်းနှင့်</h2> <h2 style="text-align: center;">လွန်ခဲ့သော နှစ်တစ်သန်းက ကျင့်ကြံခြင်းလောက(၂)။</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>ဝှစ်…။</p> <p>အချိန်သိပ်မကြာလိုက်ဘဲ ချိုးရူယွီသည် ကျိုးစွေ့အား ဟယ်ဟွမ်တောင်ထွတ်ရှိ နန်းတော်တစ်ခုဆီသို့ ခေါ်ဆောင်သွားလေသည်။</p> <p>ဟယ်ဟွမ်းဂိုဏ်းမှ ဝိညာဉ်သန္ဓေသားအဆင့် အမျိုးသမီးကျင့်ကြံသူ အများအပြားမှာလည်း ဤနေရာတွင် စောင့်ဆိုင်းနေသည်မှာ အချိန်အတော်ကြာပြီ ဖြစ်သည်။</p> <p>အဆင့်နိမ့်တပည့်များမှာ အစောပိုင်းက ဘာဖြစ်သွားမှန်း မသိကြသော်လည်း ဤဝိညာဉ်သန္ဓေသားအဆင့် အမျိုးသမီးကျင့်ကြံသူများကမူ သေချာပေါက် သိရှိထားကြပေသည်။</p> <p>ထို့ကြောင့် လူတိုင်းသည် အလွန်တရာ စိုးရိမ်တကြီးဖြင့် ချိုးရူယွီကို ကြည့်နေကြ၏။</p> <p>"ဂိုဏ်းချုပ်... နတ်ဆိုးချုပ်တောင်ကြားရဲ့ ကိစ္စက ဘယ်လိုနေလဲ... အထဲက နတ်ဆိုး လွတ်သွားသေးလား..."</p> <p>ဝိညာဉ်သန္ဓေသားအဆင့် အမျိုးသမီးကျင့်ကြံသူတစ်ဦးက မနေနိုင်ဘဲ ဖွင့်ဟမေးလိုက်ပေသည်။</p> <p>"စိတ်မပူပါနဲ့... နတ်ဆိုးချုပ်တောင်ကြားရဲ့ ကိစ္စကို အပြီးတိုင် ဖြေရှင်းလိုက်ပြီ..."</p> <p>"အထဲက ခြင်္သေ့စိမ်းနတ်ဆိုးကို ငါကိုယ်တိုင် သတ်ဖြတ်လိုက်ပြီ..."</p> <p>"အခုချိန်ကစပြီး နတ်ဆိုးချုပ်တောင်ကြားဆိုတာ လုံးဝ ပျောက်ကွယ်သွားပြီ... ငါတို့ ဟယ်ဟွမ်းဂိုဏ်းကလည်း နတ်ဘုရားအသွင်ပြောင်းအဆင့် နတ်ဆိုးရဲ့ တိုက်ခိုက်မှုကို စိုးရိမ်စရာ မလိုတော့ဘူး..."</p> <p>ချိုးရူယွီက ခပ်ဖွဖွ ပပြုံလိုက်လေသည်။</p> <p>"ဝမ်းသာစရာပဲ..."</p> <p>ဤစကားကို ကြားသောအခါ ဝိညာဉ်သန္ဓေသားအဆင့် အမျိုးသမီးကျင့်ကြံသူ အများအပြားမှာ အလွန်တရာ ဝမ်းသာသွားကြသည်။</p> <p>အမှန်အတိုင်းဆိုရလျှင် သူတို့သည် ကြိုတင်၍ ခံစားမိနေပြီးသား ဖြစ်သည်။ အကယ်၍ ပြဿနာတစ်ခုခု အမှန်တကယ် ဖြစ်ခဲ့မည်ဆိုပါက ဂိုဏ်းချုပ်သည်လည်း ပြန်လာနိုင်မည် မဟုတ်ချေ။</p> <p>ဟယ်ဟွမ်းဂိုဏ်းပင်လျှင် ဘေးဒုက္ခနှင့် ကြုံတွေ့ရနိုင်ပေသည်။</p> <p>သို့သော် ယခုမူ ဂိုဏ်းချုပ်သည် ထိခိုက်မှုမရှိ ပြန်လာခဲ့ရာ ကိစ္စရပ်များအားလုံး ပြီးပြည့်စုံစွာ ဖြေရှင်းပြီးသွားပြီဆိုသည်မှာ ထင်ရှားလှ၏။</p> <p>သို့သော်လည်း မိမိတို့၏ ဂိုဏ်းချုပ်က နတ်ဘုရားအသွင်ပြောင်းအဆင့် နတ်ဆိုးကို သတ်ဖြတ်နိုင်လိမ့်မည်ဟု သူတို့ အိပ်မက်ပင် မမက်ခဲ့ဖူးချေ။</p> <p>ယင်းမှာ အမှန်တကယ်ပင် ယုံကြည်နိုင်စရာ မရှိပေ။</p> <p>ခေတ်အဆက်ဆက် ဟယ်ဟွမ်းဂိုဏ်း၏ ဂိုဏ်းချုပ်တိုင်းသည် ဤနတ်ဘုရားအသွင်ပြောင်းအဆင့် နတ်ဆိုးကို ဖြေရှင်းချင်ခဲ့ကြသော်လည်း မည်သည့်နည်းလမ်းမှ မရှိခဲ့ကြောင်း သိထားရမည် ဖြစ်သည်။</p> <p>ယခုမူ ဂိုဏ်းချုပ်က ဖြေရှင်းနိုင်ခဲ့ခြင်းမှာ ယုံကြည်ရန်ပင် ခက်ခဲလှပေသည်။</p> <p>"ဂိုဏ်းချုပ်... ဒီတာအိုရောင်းရင်းက ဘယ်သူများလဲ..."</p> <p>ထိုအချိန်တွင် ဟယ်ဟွမ်းဂိုဏ်းမှ ဝိညာဉ်သန္ဓေသားအဆင့် အမျိုးသမီးကျင့်ကြံသူ အများအပြားကလည်း ကျိုးစွေ့ကို သတိထားမိသွားကြသည်။</p> <p>သူတို့အားလုံး မျက်လုံးများ ပြူးကျယ်သွားကြရ၏။ အဘယ်ကြောင့်ဆိုသော် ဂိုဏ်းချုပ်သည် သူစိမ်းအမျိုးသားတစ်ဦးအပေါ် ဤမျှ ရင်းနှီးကျွမ်းဝင်နေသည်ကို သူတို့ ပထမဆုံးအကြိမ် မြင်တွေ့ရခြင်းကြောင့် ဖြစ်ပေသည်။</p> <p>သူတို့နှစ်ဦးကို ကြည့်ရသည်မှာ ချစ်သူရည်းစားများကဲ့သို့ပင် ဖြစ်နေချေသည်။</p> <p>ဤသည်မှာ နတ်ဘုရားအသွင်ပြောင်းအဆင့် နတ်ဆိုးကို သတ်ဖြတ်လိုက်ခြင်းထက်ပင် ပို၍ ယုံကြည်နိုင်စရာ မရှိပေ။</p> <p>လူတိုင်း၏ ရင်ထဲတွင် အတင်းအဖျင်း သတင်းများ ထွက်ပေါ်လာပြီး သူတို့နှစ်ဦး၏ ဆက်ဆံရေးက မည်သို့ဖြစ်မည်ကို သိချင်နေကြတော့သည်။</p> <p>"ဪ... ဒီလူက ငါ အခုလေးတင် သိကျွမ်းခဲ့တဲ့ တာအိုရောင်းရင်းတစ်ယောက်ပါ..."</p> <p>"သူက ရွှမ်ဟွမ်ဂိုဏ်းရဲ့ ဂိုဏ်းချုပ် ကျိုးစွေ့တဲ့... ငါ့ကိုလည်း အများကြီး ကူညီပေးခဲ့တယ်..."</p> <p>"ဒါကြောင့် ဟယ်ဟွမ်းဂိုဏ်းထဲကို ဖိတ်ခေါ်ပြီး ကောင်းကောင်းမွန်မွန် ဧည့်ခံဖို့ ခေါ်လာခဲ့တာ..."</p> <p>ချိုးရူယွီက ပွင့်ပွင့်လင်းလင်းပင် ပြောလိုက်လေ၏။</p> <p>"တာအိုရောင်းရင်းကျိုး ဖြစ်နေတာကိုး..."</p> <p>ဝိညာဉ်သန္ဓေသားအဆင့် အမျိုးသမီးကျင့်ကြံသူများ၏ လှပသော မျက်လုံးများ တောက်ပသွားပြီး ကျိုးစွေ့ကို အထက်အောက် အကဲခတ်ကြည့်လိုက်ကြသည်။</p> <p>သူတို့ရှေ့ရှိ ဤအမျိုးသားအား ပန်းတစ်ပွင့်ကဲ့သို့ သေချာစွာ လေ့လာကြည့်ချင်နေကြပုံရလေသည်။</p> <p>ဤမျှ လျှို့ဝှက်ဆန်းကြယ်သော အမျိုးသားတစ်ဦးက ဂိုဏ်းချုပ်၏ မျက်နှာသာပေးမှုကို ရရှိခဲ့ခြင်းမှာ ကမ္ဘာဦးအစကတည်းက ပထမဆုံးအကြိမ်ပင် ဖြစ်ပေသည်။</p> <p>ဂိုဏ်းချုပ်၏ အပြင်ဘက်တွင် လျှို့ဝှက်ထားသော ချစ်သူများ ဖြစ်နေမည်လော။</p> <p>သို့သော်လည်း နတ်ဘုရားအသွင်ပြောင်းအဆင့် အရှင်သခင်တစ်ဦးနှင့် ဂိုဏ်းတစ်ခု၏ အကြီးအကဲတစ်ဦးအနေဖြင့် အမျိုးသားတစ်ဦးကို လိုချင်ပါက စကားတစ်ခွန်းတည်းဖြင့် ရနိုင်သည် မဟုတ်ပါလော။</p> <p>မည်သည့်အရာကိုမျှ ဖုံးကွယ်ထားရန် မလိုအပ်ချေ။</p> <p>မည်သူကမျှလည်း ဆန့်ကျင်ရဲမည် မဟုတ်ပေ။</p> <p>သိကျွမ်းသည်မှာ မကြာသေးသော အမျိုးသားဖြစ်၍ ယနေ့မှ ပွဲထုတ်လာခြင်း ဖြစ်မည်လော။</p> <p>ခဏချင်းပင် ဤအမျိုးသမီးကျင့်ကြံသူများသည် စိတ်ကူးများ ယဉ်လိုက်ကြပြီး ကျိုးစွေ့ကို ဂိုဏ်းချုပ် ရှာဖွေထားသော ကစားစရာလေးအဖြစ် သတ်မှတ်လိုက်ကြလေ၏။</p> <p>"ကဲပါ... ဒီနေ့ နင်တို့ အရင်ထွက်သွားကြတော့..."</p> <p>"ငါ တာအိုရောင်းရင်းကျိုးနဲ့ စကားပြောစရာ ရှိသေးတယ်..."</p> <p>ချိုးရူယွီက ချက်ချင်းပင် ဧည့်သည်များကို ပြန်လွှတ်လိုက်ပေသည်။</p> <p>"ဟုတ်ကဲ့ပါ ဂိုဏ်းချုပ်..."</p> <p>ဟယ်ဟွမ်းဂိုဏ်းမှ အမျိုးသမီးကျင့်ကြံသူများမှာ မည်မျှပင် အတင်းအဖျင်း ပြောချင်နေသည်ဖြစ်စေ၊ ဂိုဏ်းချုပ်ကိုမူ ထိပ်တိုက် မဆန့်ကျင်ရဲကြသဖြင့် အားလုံးမှာ အမြန်င် ထွက်ခွာသွားကြတော့သည်။</p> <p>များစွာမကြာလိုက်ဘဲ ချိုးရူယွီသည် ကျိုးစွေ့အား တိတ်ဆိတ်သော အခန်းတစ်ခုဆီသို့ ခေါ်ဆောင်သွားလေ၏။</p> <p>"တာအိုရောင်းရင်းကျိုး... ကျွန်မ အရမ်း သိချင်နေတာ တစ်ခုရှိတယ်..."</p> <p>"ရှင်က ဘယ်လိုစွမ်းအားမျိုးကို ပိုင်ဆိုင်ထားလို့ မိစ္ဆာနတ်ဆိုးတွေကို ဖိနှိပ်နိုင်ရတာလဲ..."</p> <p>"ဒါက သာမန် နည်းလမ်းမျိုးတော့ မဟုတ်ဘူး..."</p> <p>ချိုးရူယွီက ပွင့်ပွင့်လင်းလင်းပင် မေးလိုက်သည်။ အဘယ်ကြောင့်ဆိုသော် မိစ္ဆာနတ်ဆိုးများကို ဖိနှိပ်နိုင်သော နည်းလမ်းဆိုသည်မှာ အလွန် ရှားပါးလွန်းသောကြောင့် ဖြစ်ပေသည်။</p> <p>"ဪ... ဖုံးကွယ်ထားစရာလည်း ဘာမှ မရှိပါဘူး..."</p> <p>"ဒါက ကျွန်တော့် ရွှမ်ဟွမ်ဂိုဏ်းရဲ့ လက်ဆင့်ကမ်းပညာရပ်ဖြစ်တဲ့ ဓာတ်ကြီးငါးပါး မိုးကြိုးပညာရပ်ပါ... မိုးကြိုးစွမ်းရည်တစ်ခုပေါ့..."</p> <p>"ဒီမိုးကြိုးစွမ်းရည်ကို တတ်မြောက်ထားရင် ကပ်ဘေးမိုးကြိုးစွမ်းအားကို ပိုင်ဆိုင်နိုင်မယ့် အခွင့်အရေး ရှိတယ်..."</p> <p>"ကျွန်တော်လည်း ကံကောင်းထောက်မစွာနဲ့ ကပ်ဘေးမိုးကြိုးစွမ်းအားကို ပိုင်ဆိုင်ထားလို့ မိစ္ဆာနတ်ဆိုးတွေကို ဖိနှိပ်နိုင်တာပါ..."</p> <p>ကျိုးစွေ့က ခပ်ဖွဖွ ပြုံးလိုက်ပြီး  အမှန်တစ်ဝက်၊ အမှားတစ်ဝက်ဖြင့် ပြောပြလိုက်သည်။</p> <p>"ဒီလိုကိုး... ကြည့်ရတာ တာအိုရောင်းရင်းကျိုးက ကံကြမ္မာအရ ပေါ်ပေါက်လာတဲ့သူ ဖြစ်မယ်..."</p> <p>"ဘာဖြစ်လို့လဲဆိုတော့ ရှေ့ဆက်ပြီး ကျင့်ကြံခြင်းလောကမှာ ပြဿနာတွေ အများကြီး ကြုံရတော့မှာလေ..."</p> <p>"နည်းနည်းလေး သတိလက်လွတ်ဖြစ်သွားတာနဲ့ တစ်လောကလုံး ပျက်စီးသွားနိုင်တယ်..."</p> <p>ချိုးရူယွီက သက်ပြင်းချကာ ပြောလိုက်၏။</p> <p>"အိုး... ဘာလို့ အဲ့ဒီလို ပြောရတာလဲ..."</p> <p>"မိစ္ဆာသားရဲတွေ အကြီးအကျယ် ကျူးကျော်လာရင်တောင် လူသားတွေရဲ့ ကျင့်ကြံခြင်းလောကကို သိမ်းပိုက်နိုင်ဖို့ မသေချာဘူး မဟုတ်လား..."</p> <p>ကျိုးစွေ့၏ မျက်လုံးများ တောက်ပသွားသည်။</p> <p>"အကယ်၍ မိစ္ဆာသားရဲတွေလောက်ပဲဆိုရင် လူသားတွေ အရေးနိမ့်နေရင်တောင် မျိုးတုံးပျောက်ကွယ်သွားမယ့် အန္တရာယ်မျိုးတော့ မရှိနိုင်ဘူး..."</p> <p>"ပြဿနာက ရှေးဟောင်းနတ်ဆိုးကမ္ဘာက ပြန်လည်ရောက်ရှိလာပြီး ရှေးဟောင်းခေတ်က ဖြစ်ခဲ့တဲ့ကိစ္စတွေ ပြန်ဖြစ်လာနိုင်တာပဲ..."</p> <p>"စောစောက ခြင်္သေ့စိမ်းနတ်ဆိုး ပြောခဲ့တဲ့ စကားတွေကို ရှင်လည်း ကြားခဲ့တယ် မဟုတ်လား... ဒါက သူ ခြောက်လှန့်နေတာ မဟုတ်ဘူး... အမှန်တရားပဲ..."</p> <p>"ဒါကြောင့် နတ်ဘုရားအသွင်ပြောင်းအဆင့် အရှင်သခင် အတော်များများက မျှော်လင့်ချက်မဲ့နေကြပြီ... သူတို့အားလုံး ဝိညာဉ်လောကကို တက်လှမ်းနိုင်မယ့် အခွင့်အရေးကို ရှာဖွေနေကြတယ်..."</p> <p>"ဒီရွှံ့နွံထဲကနေ လွတ်မြောက်ချင်နေကြတာလေ..."</p> <p>ချိုးရူယွီက လေးနက်သော လေသံဖြင့် ပြောလိုက်သည်။</p> <p>အရှေ့ဘက်ကုန်းမြေတိုက်ကြီးရှိ နတ်ဘုရားအသွင်ပြောင်းအဆင့် အရှင်သခင် အတော်များများမှာ အဆုံးထိတိုင်အောင် ခုခံရန် အစီအစဉ်မရှိဘဲ တိုက်ရိုက် ထွက်ပြေး၍ ဝိညာဉ်လောကသို့ တက်လှမ်းရန် ရည်ရွယ်ထားကြသည်ဟူသော လောကကို တုန်လှုပ်စေနိုင်သည့် သတင်းတစ်ရပ်ကို သူမက ဖွင့်ဟလိုက်ခြင်း ဖြစ်ပေသည်။</p> <p>"ကျင့်ကြံခြင်းလောကနဲ့ ရှေးဟောင်းနတ်ဆိုးကမ္ဘာကလည်း ကမ္ဘာနှစ်ခု ပေါင်းစပ်သွားမယ့် အခြေအနေမျိုး ဖြစ်လာနိုင်တာလား..."</p> <p>"ရှေးဟောင်းခေတ်က ကမ္ဘာသုံးခု ပေါင်းစပ်ခဲ့တာမျိုး ပြန်ဖြစ်လာမှာလား..."</p> <p>ကျိုးစွေ့က မျက်လုံးများကို ‌မှေး‌‌ကျဉ်းလိုက်သည်။</p> <p>သူ၏ ရင်ထဲတွင်လည်း ကြီးမားသော လှိုင်းလုံးကြီးများ ရိုက်ခတ်သွားသကဲ့သို့ ခံစားလိုက်ရသည်။</p> <p>ချိုးရူယွီထံမှ ဤမျှ အရေးကြီးသော သတင်းကို ရရှိလိမ့်မည်ဟု သူ မထင်မှတ်ထားခဲ့ချေ။</p> <p>အကယ်၍ ရှေးဟောင်းနတ်ဆိုးကမ္ဘာမှ နတ်ဆိုးများ ထပ်မံ ရောက်ရှိလာမည်ဆိုပါက၊ ယခုလက်ရှိ ကျင့်ကြံခြင်းလောက၏ စွမ်းအားဖြင့် သူတို့ကို ခုခံနိုင်စွမ်း ရှိမည် မဟုတ်ပေ။</p> <p>ထိုနတ်ဘုရားအသွင်ပြောင်းအဆင့် အရှင်သခင်များ ထွက်ပြေးချင်နေကြသည်မှာ အံ့သြစရာ မဟုတ်တော့ချေ။</p> <p>အဘယ်ကြောင့်ဆိုသော် သူတို့ မထွက်ပြေးလျှင်လည်း ထိုနတ်ဆိုးများကို အနိုင်ရရန် ရာခိုင်နှုန်းမှာ အလွန်နည်းပါးသောကြောင့် ဖြစ်သည်။</p> <p>အမှန်အတိုင်းဆိုရလျှင် ဤသတင်းအချက်အလက်များကို ကြားပြီးနောက် သူကိုယ်တိုင်ပင် ထွက်ပြေးချင်စိတ် ပေါက်သွားရသည်။</p> <p>"ဟုတ်တယ်..."</p> <p>"တကယ်တော့ အစကတည်းက ကျင့်ကြံခြင်းလောက၊ ရှေးဟောင်းမိစ္ဆာကမ္ဘာနဲ့ ရှေးဟောင်းနတ်ဆိုးကမ္ဘာတို့က အရမ်းကို နီးကပ်နေကြတာ..."</p> <p>"အချိန်ကာလတစ်ခု ကြာတိုင်း ကမ္ဘာသုံးခုက တစ်ကြိမ် ပေါင်းစပ်သွားတတ်တယ်..."</p> <p>"လွန်ခဲ့တဲ့ ကျင့်ကြံခြင်းလောကရဲ့ နှစ်တစ်သန်း သမိုင်းကြောင်းမှာ ဒီလိုမျိုးကိစ္စက သုံးကြိမ်တောင် ဖြစ်ခဲ့ဖူးတယ်..."</p> <p>"အခုဆိုရင် စတုတ္ထအကြိမ်မြောက် ဖြစ်လာတော့မယ်လို့ ပြောလို့ရတယ်..."</p> <p>ချိုးရူယွီက မတတ်သာသည့်ဟန်ဖြင့် ပြောလိုက်သည်။</p> <p>သမိုင်းတွင် အလားတူကိစ္စရပ်များ ဖြစ်ပွားခဲ့ဖူးသောကြောင့်သာ နတ်ဘုရားအသွင်ပြောင်းအဆင့် အရှင်သခင်များက ဤကိစ္စမှာ မလွဲမသွေ ဖြစ်လာမည်ဟု အတိအကျ ပြောရဲခြင်း ဖြစ်ပေသည်။</p> <p>အနှေးနှင့်အမြန်ဆိုသည့် အချိန်ကာလတစ်ခုသာ ဖြစ်ပေသည်။</p> <p>"အကယ်၍ ကမ္ဘာသုံးခု ပေါင်းစပ်သွားမယ်ဆိုရင် ဘာလို့ အဲ့ဒီနတ်ဆိုးတွေက ရှေးဟောင်းမိစ္ဆာကမ္ဘာကို မကျူးကျော်ဘဲ ငါတို့ ကျင့်ကြံခြင်းလောကကိုပဲ ကျူးကျော်လာကြတာလဲ..."</p> <p>ကျိုးစွေ့တစ်ယောက် အလွန်ပင် ဇဝေဇဝါ ဖြစ်နေမိတော့သည်။</p> <p>အဘယ်ကြောင့်ဆိုသော် ရှေးဟောင်းခေတ်က နတ်ဆိုးများ၏ အဓိကတိုက်ခိုက်ရာ နေရာမှာ ကျင့်ကြံခြင်းလောကဖြစ်ပြီး ရှေးဟောင်းမိစ္ဆာကမ္ဘာကို တိုက်ခိုက်ခြင်း မရှိသောကြောင့် ဖြစ်သည်။</p> <p>ဤအချက်မှာ အလွန် ထူးဆန်းလှပေသည်။</p> <p>ကျင့်ကြံခြင်းလောကတွင် သူတို့ကို ဆွဲဆောင်နိုင်သည့် အရာတစ်ခုခု ရှိနေမည်ကို သူ အလိုလို သိမြင်နေမိသည်။</p> <p>ထို့သို့မဟုတ်ပါက သူတို့မှာ ဤသို့ ရွေးချယ်မည် မဟုတ်ချေ။</p> <p>"ဒါကတော့..."</p> <p>"ရှေးဟောင်း လျှို့ဝှက်မှတ်တမ်းတွေအရဆိုရင် အဲ့ဒီနတ်ဆိုးတွေက အင်မော်တယ်တစ်ပါးရဲ့ ရုပ်အလောင်းကို ရှာချင်နေကြတာတဲ့..."</p> <p>"လွန်ခဲ့တဲ့ နှစ်တစ်သန်းလောက်က ငါတို့ရဲ့ ကျင့်ကြံခြင်းလောကဟာ သာမန်ကမ္ဘာတစ်ခုသာ ဖြစ်ပြီးတော့ ကျင့်ကြံသူတွေ မရှိသေးဘူးလို့ ဆိုတယ်..."</p> <p>"အခြေခံအားဖြင့် အားလုံးက သာမန်လူတွေချည်းပဲ..."</p> <p>"ဒါပေမဲ့ တစ်နေ့ကျတော့ ရုတ်တရက် အင်မော်တယ်တစ်ပါးက ကောင်းကင်ကနေ ကျဆင်းလာပြီး ငါတို့ကမ္ဘာထဲကို ရောက်လာခဲ့တယ်..."</p> <p>"အကျိုးဆက်အနေနဲ့ ဒီအင်မော်တယ်က ဒီကမ္ဘာကြီးဆီကို အင်မော်တယ်ပညာရပ်တွေ ယူဆောင်လာပေးခဲ့ပြီး ကျင့်ကြံသူ အများအပြားကို ပေါ်ပေါက်လာစေခဲ့တယ်…”</p> <p>"အခု ဒီကမ္ဘာပေါ်မှာရှိတဲ့ အင်မော်တယ်ပညာရပ်တွေ အားလုံးက အဲ့ဒီအင်မော်တယ်ဆီကနေ လာတာလို့ ဆိုကြတယ်..."</p> <p>"ဝမ်းနည်းစရာကတော့ အဲ့ဒီအင်မော်တယ်က ပြင်းထန်တဲ့ ဒဏ်ရာတွေ ရထားပုံပေါ်ပြီး သေဆုံးသွားခဲ့ရတယ်..."</p> <p>ချိုးရူယွီက နတ်ဘုရားအသွင်ပြောင်းအဆင့် အရှင်သခင်များသာ သိရှိသော လျှို့ဝှက်ချက်တစ်ခုကို လေးနက်သော လေသံဖြင့် ပြောပြလိုက်သည်။ </p> <p>‌ဤသည်မှာ လွန်ခဲ့သော နှစ်တစ်သန်းခန့်က ကျင့်ကြံခြင်းလောကသို့ အင်မော်တယ်တစ်ပါး ကျဆင်းလာခဲ့ပြီး ဤကမ္ဘာ၏ ကျင့်ကြံခြင်းသမိုင်းကြောင်းကို စတင်ပေးခဲ့ခြင်း ဖြစ်ပေသည်။</p> <p>ထိုအချိန်မှစ၍ ကျင့်ကြံသူများသည် နွေဦးပေါက်ရာသီတွင် ပေါက်လာသော မျှစ်စို့များကဲ့သို့ အဆက်မပြတ် ပေါ်ထွက်လာကြပြီး ကျင့်ကြံခြင်းခေတ်သစ်ကို စတင်နိုင်ခဲ့သည်။</p> <p>***</p> <p> </p>


Save