Book List

<h2 style="text-align: center;">အခန်း (၅၈၆)</h2> <h2 style="text-align: center;">ဝိညာဉ်လောကသို့ ခိုးဝင်ခြင်း၊ ကမ္ဘာသုံးခု ပေါင်းစပ်ခြင်း၊ အင်မော်တယ်၏ ရုပ်အလောင်းနှင့်</h2> <h2 style="text-align: center;">လွန်ခဲ့သော နှစ်တစ်သန်းက ကျင့်ကြံခြင်းလောက(၃)။</h2> <h2 style="text-align: center;">*</h2> <p> </p> <p> </p> <p> </p> <p>"တကယ်ကြီးလား... လွန်ခဲ့တဲ့ နှစ်တစ်သန်းလောက်က တကယ်ပဲ အင်မော်တယ်တစ်ပါး ရှိခဲ့တာလား..."</p> <p>"တကယ်သာ အဲ့လိုဆိုရင် အင်မော်တယ်ရဲ့ ရုပ်အလောင်းက ဘယ်နေရာမှာ ရှိနေတာလဲ..."</p> <p>ကျိုးစွေ့က မျက်လုံးများကို မှေးကျဉ်းလိုက်ပြန်သည်။</p> <p>ဤကောလာဟလမှာ အမှန်ဖြစ်နိုင်ခြေ အလွန်များကြောင်း သူ အလိုလို သိမြင်နေသည်။ သူ့ခန္ဓာကိုယ်ပေါ်တွင် ပေါ်ပေါက်လာသော ရတနာအချို့မှာ အင်မော်တယ်တစ်ပါးနှင့် ကြီးမားသော ဆက်စပ်မှု ရှိနေပုံရ၏။</p> <p>အကယ်၍ အမှားသာဖြစ်ပါက ထိုနတ်ဆိုးများက အဘယ်ကြောင့် ဤမျှ ကြိုးစားပမ်းစား ရှာဖွေနေကြမည်နည်း။</p> <p>သို့သော် အမှန်သာဖြစ်ပါက ဤကမ္ဘာကြီးမှာ အမှန်တကယ်ပင် အံ့မခန်းဖြစ်ပြီး ကြီးမားသော လျှို့ဝှက်ချက်များ ပါဝင်နေပေမည်။</p> <p>အဘယ်ကြောင့်ဆိုသော် ဤသည်မှာ မသေဆုံးနိုင်သော အင်မော်တယ်၏ ရုပ်အလောင်း ဖြစ်သောကြောင့်ပင်။</p> <p>ဝိညာဉ်လောကမှ ကျင့်ကြံသူများ သိသွားလျှင်ပင် ယင်းအတွက် ရူးသွပ်သွားနိုင်ပေသည်။</p> <p>"ဒါကတော့ သိပ်မသေချာဘူး..."</p> <p>"လွန်ခဲ့တဲ့ နှစ်တစ်သောင်းက ဖြစ်ခဲ့တဲ့ ကိစ္စတွေကိုတောင် သိတဲ့သူ သိပ်မရှိဘူးလေ..."</p> <p>"လွန်ခဲ့တဲ့ နှစ်တစ်သန်းက ဖြစ်ခဲ့တဲ့ ကိစ္စတွေဆိုရင် သမိုင်းကြောင်းထဲမှာ ပျောက်ကွယ်သွားတာ ကြာပြီပေါ့..."</p> <p>"ဘယ်လိုပဲဖြစ်ဖြစ် အခုချိန်ထိ အဲ့ဒီအင်မော်တယ်ရဲ့ ရုပ်အလောင်းကို ဘယ်သူမှ မရှာတွေ့သေးဘူး..."</p> <p>"ဘယ်နေရာကို ရောက်သွားမှန်းလည်း မသိသလို တကယ်ရော ရှိရဲ့လားဆိုတာကိုတောင် ဘယ်သူမှ မသိကြဘူး..."</p> <p>ချိုးရူယွီက ခေါင်းခါလိုက်သည်။</p> <p>"တာအိုရောင်းရင်းချိုးက ဒီလောက် လျှို့ဝှက်ချက်ကြီးကို ပြောပြလိမ့်မယ်လို့ မထင်ထားမိဘူး..."</p> <p>"ဘာအကြောင်းကြောင့်များလဲ..."</p> <p>ကျိုးစွေ့က သိချင်စိတ်ဖြင့် မေးလိုက်‌ချေသည်။</p> <p>"အမှန်အတိုင်း ပြောရရင် ဒါက နတ်ဘုရားအသွင်ပြောင်းအဆင့် အရှင်သခင်တွေရဲ့ လျှို့ဝှက်ချက်ဖြစ်ပြီး အပြင်ကို မပြောပြသင့်ဘူး..."</p> <p>"ဒါပေမဲ့ ဘာလို့မှန်းမသိဘူး... ကျွန်မက တာအိုရောင်းရင်းနဲ့ တွေ့တွေ့ချင်းမှာပဲ နှစ်ပေါင်းများစွာ ခင်မင်လာတဲ့ မိတ်ဆွေတွေလို ခံစားရတယ်..."</p> <p>"ဒါကြောင့် ကျွန်မက တာအိုရောင်းရင်းကျိုးနဲ့ ပူးပေါင်းပြီး ဝိညာဉ်လောကကို တက်လှမ်းဖို့ ဟင်းလင်းပြင် အမှတ်အသားကို ရှာချင်တာ..."</p> <p>"တစ်ခါရှာတွေ့သွားတာနဲ့ ကျွန်မတို့အတွက် နောက်ဆုတ်စရာ လမ်းကြောင်းတစ်ခု ရှိသွားပြီလေ..."</p> <p>"အကယ်၍ အခြေအနေက ဘယ်လိုမှ ကုစားလို့ မရတော့ဘူးဆိုရင် ဒီကမ္ဘာကနေ ထွက်ပြေးလို့ ရတာပေါ့..."</p> <p>ချိုးရူယွီက သူမ၏ ရည်ရွယ်ချက်ကို ပြောပြကာ လှပသော မျက်လုံးများဖြင့် ကျိုးစွေ့အား စူးစိုက်ကြည့်နေလေသည်။</p> <p>သူမကိုယ်တိုင်လည်း သူမရှေ့ရှိ ဤအမျိုးသားအား အဘယ်ကြောင့် ဤမျှ ယုံကြည်နေမိမှန်း မသိချေ။</p> <p>သို့သော် ဤခံစားချက်မှာ အလွန် ထူးဆန်းလှပြီး သူမကို ငြင်းဆန်ရန် ခက်ခဲစေပေသည်။</p> <p>သေချာသည်မှာ ဤအရာများအားလုံးမှာ ‘ချစ်ခြင်းမေတ္တာကူ’၏ စွမ်းအားကြောင့်ပင် ဖြစ်သည်။ ယင်းသည် တိတ်တဆိတ်ဖြင့် ခံစားချက်ကို မြှင့်တင်ပေးနိုင်၏။</p> <p>ထို့အပြင် သဘာဝမကျသော ခံစားချက် အားလုံးကိုလည်း လျစ်လျူရှုစေနိုင်ပေသည်။</p> <p>ဤစွမ်းအားသာ မရှိပါက သူမအနေဖြင့် ဤမျှ အတွင်းကျကျပြောပြမည် မဟုတ်ချေ။</p> <p>နတ်ဘုရားအသွင်ပြောင်းအဆင့် ကျင့်ကြံသူတစ်ဦး ဖြစ်လာနိုင်သူတစ်ဦးက မည်ကဲ့သို့ တုံးအနိုင်မည်နည်း။</p> <p>"ဒါလည်း ဖြစ်နိုင်တာပဲ..."</p> <p>"ဒါပေမဲ့ ကျင့်ကြံခြင်းလောကက ဒီလောက် ကျယ်ဝန်းတာ... ဟင်းလင်းပြင် အမှတ်အသားကို ဘယ်လို ရှာရမှာလဲ..."</p> <p>ကျိုးစွေ့က သိချင်စိတ်ဖြင့် မေးလိုက်သည်။</p> <p>အမှန်အတိုင်းဆိုရလျှင် သူကိုယ်တိုင်လည်း ဤကိစ္စကို မငြင်းဆန်ချေ။</p> <p>အကယ်၍ အခြေအနေမှာ အမှန်တကယ်ပင် ဆိုးရွားလာပါက ကျင့်ကြံခြင်းလောကနှင့်အတူ သူ သေချာပေါက် အသေခံမည် မဟုတ်ပေ။</p> <p>ကြိုတင်၍ ထွက်ပြေးရန် လမ်းကြောင်း ရှာဖွေထားခြင်းမှာလည်း သင့်လျော်သော ကိစ္စရပ်ပင် ဖြစ်သည်။</p> <p>"ဒီကိစ္စကို ကျွန်မကိုသာ လွှဲထားလိုက်ပါ..."</p> <p>"ဒီနှစ်တွေအတွင်းမှာ ကျွန်မဆီမှာလည်း သဲလွန်စတချို့ ရှိနေပါပြီ..."</p> <p>"ဟင်းလင်းပြင် အမှတ်အသားကို ဖွင့်တဲ့အချိန်ကျရင်တော့ တာအိုရောင်းရင်းရဲ့ အကူအညီ လိုအပ်ကောင်း လိုအပ်လိမ့်မယ်..."</p> <p>ချိုးရူယွီက လှပစွာ ပြုံးလိုက်၏။</p> <p>"ပြဿနာ မရှိပါဘူး..."</p> <p>ကျိုးစွေ့သည်လည်း သဘာဝကျစွာပင် အပြည့်အဝ သဘောတူလိုက်လေသည်။</p> <p>…………</p> <p>အခြားတစ်ဖက်တွင်မူ ဟယ်ဟွမ်းဂိုဏ်းတစ်ခုလုံးမှာ အပြည့်အဝ ပွက်လောရိုက်သွားချေသည်။</p> <p>အဘယ်ကြောင့်ဆိုသော် နှစ်ပေါင်းများစွာ အပျိုကြီးဘဝဖြင့် နေထိုင်လာခဲ့သော ဟယ်ဟွမ်းဂိုဏ်း၏ ဂိုဏ်းချုပ် ချိုးရူယွီသည် နှုတ်ခမ်းနီနီ၊ သွားဖြူဖြူဖြင့် အပျော်ယောက်ျားတစ်ဦးကို ခေါ်ဆောင်လာခဲ့သောကြောင့်ပင်။</p> <p>ဤသည်မှာ ဟယ်ဟွမ်းဂိုဏ်း တစ်ဂိုဏ်းလုံးကို တုန်လှုပ်သွားစေနိုင်သော အံ့မခန်း အတင်းအဖျင်း သတင်းတစ်ရပ် ဖြစ်ပေသည်။</p> <p>ဟယ်ဟွမ်းဂိုဏ်းမှ အမျိုးသမီးကျင့်ကြံသူ အများအပြားမှာ ကျိုးစွေ့၏ နောက်ခံကို အလွန်ပင် သိချင်နေကြသည်။</p> <p>"မဖြစ်နိုင်ဘူး... တကယ်ကြီးလား... ဂိုဏ်းချုပ်က ကိုယ်လုပ်တော်ယောက်ျားကို ခေါ်လာတာလား..."</p> <p>ဟယ်ဟွမ်းဂိုဏ်းမှ အမျိုးသမီးကျင့်ကြံသူတစ်ဦးမှာ  မျက်လုံးလှလှလေးများ ပြူးကျယ်သွားပြီး အလွန် အံ့အားသင့်နေချေသည်။</p> <p>အဘယ်ကြောင့်ဆိုသော် ချိုးရူယွီသည် နှစ်ပေါင်း တစ်ထောင်ကျော်ကြာ တစ်ကိုယ်တည်း နေထိုင်ခဲ့ပြီး၊ အတင်းအဖျင်းသတင်းဟူ၍ တစ်ခါမျှ မထွက်ခဲ့ဖူးသည့်အပြင် အမျိုးသားများနှင့်ပင် ထိတွေ့ဆက်ဆံခဲ့ခြင်း မရှိသောကြောင့် ဖြစ်သည်။</p> <p>ယခု သူမဘေးတွင် အမျိုးသားတစ်ဦး ရုတ်တရက် ပေါ်လာခြင်းမှာ အလွန်ပင် ယုံကြည်ရခက်လှပေသည်။</p> <p>"တကယ်ပါဆို... အကြီးအကဲ အများကြီးက ကိုယ်တိုင် မြင်တွေ့ခဲ့တာ..."</p> <p>"ဒါ့အပြင် ဂိုဏ်းချုပ်က ကိုယ်တိုင် ခေါ်လာတာလေ... သူတို့နှစ်ယောက်လုံး တိတ်ဆိတ်တဲ့ အခန်းဆီကို သွားကြတာတဲ့..."</p> <p>"ယောက်ျားလေးတစ်ယောက်နဲ့ မိန်းကလေးတစ်ယောက် အခန်းတစ်ခုထဲမှာ အတူရှိနေတာ..."</p> <p>"အထဲမှာ ဘာတွေဖြစ်မလဲဆိုတာ စဉ်းစားကြည့်လို့ ရပါတယ်..."</p> <p>ဟယ်ဟွမ်းဂိုဏ်းမှ အမျိုးသမီးကျင့်ကြံသူတစ်ဦးက အခိုင်အမာ ပြောဆိုလိုက်သည်။</p> <p>ထိုအမျိုးသားနှင့် ဂိုဏ်းချုပ်၏ ရင်းနှီးသော ပြုမူချက်များကို ကိုယ်တိုင် မြင်တွေ့ခဲ့ရပြီး၊ ရေနှင့်လကဲ့သို့ ကပ်နေကာ အချစ်နယ်ကျွံနေသော ချစ်သူများကဲ့သို့ပင် ဖြစ်သည်ဟု သူမက ပြောပြလိုက်သည်။</p> <p>"ဒါပေမဲ့ ဂိုဏ်းချုပ်ရဲ့ ကျောက်စိမ်းမိန်းမပျို နှလုံးသားကျင့်စဉ်က သန့်စင်တဲ့ ယင်ခန္ဓာကိုယ်ကို ထိန်းသိမ်းထားဖို့ လိုအပ်ပြီး ယောက်ျားတွေနဲ့ ပတ်သက်လို့ မရဘူးလို့ ပြောကြတယ် မဟုတ်လား..."</p> <p>အမျိုးသမီးကျင့်ကြံသူတစ်ဦးက သိချင်စိတ်ဖြင့် မေးလိုက်ပြန်သည်။</p> <p>"တုံးလိုက်တာ... ဂိုဏ်းချုပ်က နတ်ဘုရားအသွင်ပြောင်းအဆင့်ကို ရောက်နေပြီလေ..."</p> <p>"အခြေခံအားဖြင့် ဒီကျင့်စဉ်ကို အထွတ်အထိပ်အထိ ကျင့်ကြံထားပြီးပြီဆိုတော့ ဘယ်လိုလုပ် ထိန်းသိမ်းထားဖို့ လိုတော့မှာလဲ... ဥပမာ လူပျိုကျင့်စဉ်ကို ပြီးပြည့်စုံတဲ့အဆင့်အထိ ကျင့်ကြံပြီးသွားရင် မူလယန်စွမ်းအင် မဆုံးရှုံးတော့အောင် အာမခံနိုင်ပြီး စိတ်ကြိုက် နေထိုင်လို့ရသလိုမျိုးပေါ့... ကျောက်စိမ်းမိန်းမပျို နှလုံးသားကျင့်စဉ်ကလည်း အဲ့ဒီလိုပါပဲ..."</p> <p>"ကျောက်စိမ်းမိန်းမပျို နှလုံးသားကျင့်စဉ်ရဲ့ အစွမ်းကို နင်တို့လည်း သိကြမှာပါ... အဲ့ဒီသန့်စင်တဲ့ ယင်ချီက တကယ်ကို သည်းခံနိုင်ဖို့ ခက်ခဲလွန်းတယ်..."</p> <p>"ညီမလေးတွေ ဘယ်လောက်တောင် သည်းမခံနိုင်လို့ စည်းမျဉ်းဖောက်ဖျက်မိပြီး နောက်ပြန်ဆုတ်လို့ မရတော့တာလဲ..."</p> <p>"ဟုတ်တယ် မဟုတ်လား... ဂိုဏ်းချုပ်ကလည်း နှစ်ပေါင်း တစ်ထောင်ကျော် သည်းခံလာခဲ့တာ... အခုတော့ သည်းမခံနိုင်တော့ဘူး ထင်တယ်... ဒါကြောင့် ဂိုဏ်းထဲကို ယောက်ျားတစ်ယောက် ကိုယ်တိုင် ခေါ်လာပြီး ဘယ်သူ့ကိုမှတောင် ရှောင်မနေတော့ဘူး..."</p> <p>"ဘုရားရေ... အဲ့ဒီလိုဆိုရင် အဲ့ဒီယောက်ျားတော့ သေချာပေါက် သေပြီပေါ့... ဂိုဏ်းချုပ်ကို တကယ်ကော ဖြည့်ဆည်းပေးနိုင်ပါ့မလား... အရည်စုပ်ခံရပြီး အရိုးစု ဖြစ်မသွားဘူးလား..."</p> <p>"နေပါဦး... ဒါက အရမ်းကို အခြေအမြစ်မရှိရာ မကျဘူးလား... ဂိုဏ်းချုပ်က မွေးရာပါ ကျောက်ရုပ်အမျိုးသမီး မဟုတ်ဘူးလား... ဘယ်လိုလုပ် ဒီလိုကိစ္စမျိုး လုပ်နိုင်မှာလဲ..."</p> <p>"တုံးလိုက်တာ... မွေးရာပါ ကျောက်ရုပ်အမျိုးသမီးဆိုတာ သာမန် ကျင့်ကြံသူတွေအတွက်တော့ ဖြေရှင်းဖို့ ခက်ခဲမှာ သဘာဝပဲ... ဒါပေမဲ့ ဂိုဏ်းချုပ်က နတ်ဘုရားအသွင်ပြောင်းအဆင့် အရှင်သခင်လေ... မွေးရာပါ ကျောက်ရုပ်အမျိုးသမီးဆိုတာက ဘာများ အရေးကြီးလို့လဲ... သေချာပေါက် ကုသပျောက်ကင်းသွားလောက်ပြီ..."</p> <p>"ဒါကြောင့် ဂိုဏ်းချုပ်က ဒီလောက်တောင် လွတ်လွတ်လပ်လပ်နေပြီး ကိုယ်လုပ်တော်ယောက်ျားတစ်ယောက်ကိုတောင် ခေါ်လာတာကိုး..."</p> <p>ဟယ်ဟွမ်းဂိုဏ်းမှ အမျိုးသမီးကျင့်ကြံသူ အများအပြားမှာ ဆူညံစွာ ဆွေးနွေးနေကြတော့သည်။</p> <p>ဤသတင်း ပျံ့နှံ့သွားသည်နှင့်အမျှ ကောလာဟလများမှာလည်း ပို၍ ယုံကြည်ရခက်လာသည်မှာ ထင်ရှားလှ၏။</p> <p>"ဒါကိုတော့ နင်တို့ စိတ်ချလက်ချ နေလို့ရတယ်... အဲ့ဒီယောက်ျားကလည်း ဝိညာဉ်သန္ဓေသား နှောင်းပိုင်းအဆင့် ကျင့်ကြံသူ ဖြစ်ပုံရသလို ခန္ဓာကိုယ်ကြံ့ခိုင်မှုကလည်း အားကောင်းတယ်..."</p> <p>"တစ်ညကို ဆယ်ခါလောက်က အသာလေးပဲတဲ့..."</p> <p>"ဒါကြောင့် ဂိုဏ်းချုပ်က ဒီအပျော်ယောက်ျားကို သဲသဲလှုပ် ချစ်နေတာကိုး... ငါ့ယောက်ျားကျတော့ အဆင်မပြေတော့ဘူး... အရင်ကတော့ တစ်နာရီလောက် ရတယ်လို့ ကြွားနေတာ... နောက်တော့ စုစုပေါင်း ဆယ်ကြိမ်တောင် မပြည့်ဘူး..."</p> <p>"ဟူး... ငါ့ယောက်ျားလည်း အဲ့ဒီလိုပဲ... တကယ့် အမှိုက်ကောင်ပဲ... လုံးဝကို ပုစွန်ပျော့ကောင်ကြီး... ငါက အားဆေးတွေ အများကြီးတောင် ပြင်ဆင်ထားပေးတာကို... ခွေးကျွေးလိုက်တာမှ ပိုကောင်းဦးမယ်လို့ မထင်ထားမိဘူး..."</p> <p>"ဒါပေမဲ့ ဒီကိုယ်လုပ်တော်ယောက်ျားက ငါတို့ ဟယ်ဟွမ်းဂိုဏ်းကို ဒုက္ခပေးလာမလား မသိဘူး... သာမန်လူတွေရဲ့ မင်းဆက်တွေမှာဆိုရင် မိဖုရားတွေက နိုင်ငံရေးမှာ ဝင်စွက်ဖက်လို့ မင်းဆက်တွေ ပျက်သုဉ်းသွားတဲ့ ကိစ္စတွေ အမြဲရှိတတ်တယ်လေ..."</p> <p>"တုံးလိုက်တာ... သာမန်လူတွေရဲ့ ဘုရင်က ငါတို့ ကျင့်ကြံသူတွေကို ဘယ်လိုလုပ် ယှဉ်နိုင်မှာလဲ... ဂိုဏ်းချုပ်က နတ်ဘုရားအသွင်ပြောင်းအဆင့် အရှင်သခင်လေ... အကယ်လို့ အဲ့ဒီအပျော်ယောက်ျားက အခြေအနေကို နားမလည်ဘဲ အလိုလိုက်ထားတာကို အခွင့်ကောင်းယူပြီး မောက်မာနေမယ်ဆိုရင် သူ့ရဲ့ နိဂုံးက ရင်လေးစရာ ဖြစ်သွားလိမ့်မယ်..."</p> <p>ဟယ်ဟွမ်းဂိုဏ်းမှ အမျိုးသမီးကျင့်ကြံသူ အများအပြားက တတွတ်တွတ် ပြောဆိုနေကြလေသည်။</p> <p>သူတို့သည် ကျိုးစွေ့နှင့် ဂိုဏ်းချုပ် ချိုးရူယွီတို့၏ စိတ်လှုပ်ရှားဖွယ် ဇာတ်လမ်းအမျိုးမျိုးကို တွေးတောနေကြပြီ ဖြစ်၏။</p> <p>……</p> <p>တစ်ချိန်တည်းတွင် နတ်ဆိုးချုပ်တောင်ကြား ပွင့်ထွက်သွားပြီး နတ်ဘုရားအသွင်ပြောင်းအဆင့် ခြင်္သေ့စိမ်းနတ်ဆိုး လွတ်မြောက်သွားသည့် သတင်းကလည်း မုန်တိုင်းတစ်ခုကဲ့သို့ အရှေ့ဘက်ကုန်းမြေတိုက်ကြီး တစ်ခုလုံးသို့ ပျံ့နှံ့သွားကာ ကျင့်ကြံသူ အမြောက်အများ သိရှိသွားကြတော့သည်။</p> <p>အထူးသဖြင့် လီရှန်းမိစ္ဆာနန်းတော်၊ ထိုက်ရွှီဂိုဏ်း၊ ဟွမ့်ယွမ်ဂိုဏ်း စသည့် နတ်ဘုရားအသွင်ပြောင်းအဆင့် ဂိုဏ်းကြီးသုံးခုက သဘာဝကျစွာပင် ပထမဆုံး သိရှိသွားကြ၏။</p> <p>အဘယ်ကြောင့်ဆိုသော် သူတို့သည် အရှေ့ဘက်ကုန်းမြေတိုက်ကြီး၏ အင်အားအကြီးဆုံးဂိုဏ်းများထဲမှ တစ်ခုဖြစ်သောကြောင့်ပင်။</p> <p>ဘေးဒုက္ခတစ်ခုခု ပေါ်ပေါက်လာသည်နှင့် သူတို့သည် သေချာပေါက် ပထမဆုံး ရင်ဆိုင်ရမည့်သူများ ဖြစ်သည်။</p> <p>နတ်ဘုရားအသွင်ပြောင်းအဆင့် နတ်ဆိုး ချိပ်ပိတ်ခံထားရရာမှ လွတ်မြောက်လာခြင်းကဲ့သို့သော ဘေးဒုက္ခမျိုးမှာ အရှေ့ဘက်ကုန်းမြေတိုက်ကြီး တစ်ခုလုံးကို လွှမ်းခြုံသွားမည်မှာ သေချာလှပေသည်။</p> <p>မည်သည့် အဖွဲ့အစည်းကမျှ ရှောင်လွှဲနိုင်မည် မဟုတ်ချေ။</p> <p>***</p> <p> </p>


Save