Book List

<h2 style="text-align: center;">အခန်း (၅၈၉)</h2> <h2 style="text-align: center;">ဆရာတပည့် နှစ်ဦးလုံးကို သိမ်းပိုက်ခြင်း၊ အဆင့်တက်နိုင်ရန် မည်သည့်နည်းလမ်းကိုမဆို</h2> <h2 style="text-align: center;">အသုံးပြုခဲ့သော ယဲ့ဖေးရို(၁)။</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p>အဝေးရှိ စတုတ္ထအဆင့် ဝိညာဉ်သားရဲများ၏ ရင်ထဲတွင် အေးစက်သွားပြီး တစ်ခုခု မှားယွင်းနေပြီဟု အလိုလို ခံစားလိုက်ရပေသည်။</p> <p>သူတို့၏ အနာဂတ်ဘဝမှာ အလွန် သနားစရာကောင်းလာမည်ဟု ထင်မှတ်ရတော့သည်။</p> <p>သူတို့ကို မျိုးစပ်ဝက်များအဖြစ် သတ်မှတ်ကာ မျိုးဆက်သစ်များကို အဆက်မပြတ် မွေးဖွားခိုင်းမည်မှာ သေချာလှသည်။</p> <p>သို့သော်လည်း သူတို့အနေဖြင့် ငြင်းဆန်ရန် နည်းလမ်း မရှိချေ။</p> <p>"သားရဲထိန်းချုပ်ခြင်း တောင်ထွတ်လား... မဆိုးဘူးပဲ..."</p> <p>ကျိုးစွေ့က မျက်လုံးကို မှေးကျဉ်းလိုက်လေ၏။</p> <p>သားရဲထိန်းချုပ်ခြင်း ပညာရပ်တစ်ခုကို ရှာဖွေခြင်းက ကောင်းမွန်သော ရွေးချယ်မှုတစ်ခုဟု သူ ယူဆပေသည်။ သူကိုယ်တိုင် မသင်ယူလျှင်ပင် ရွှမ်ဟွမ်ဂိုဏ်းမှ တပည့်များ သင်ယူမည်ဆိုပါက ဆိုးရွားသော ကိစ္စရပ် မဟုတ်ချေ။</p> <p>ထို့အပြင် သားရဲထိန်းချုပ်ခြင်း ပညာရပ်ကို ရှာဖွေရန်မှာလည်း အလွန် လွယ်ကူလှပြီး ‘ပစ္စည်းရှာဖွေကူ’၏ စွမ်းအားကို အသုံးပြုရုံဖြင့် ရနိုင်ပေသည်။</p> <p>ယခင် သားရဲထိန်းချုပ်ခြင်းဂိုဏ်း၏ ပညာရပ်များကို ရှာမတွေ့နိုင်လျှင်ပင် အခြားပညာရပ်များကို ရှာတွေ့ခြင်းသည်လည်း မဆိုးရွားသော ရွေးချယ်မှုတစ်ခု ဖြစ်သည်။</p> <p>အကယ်၍ ရွှမ်ဟွမ်ဂိုဏ်းတွင် ဝိညာဉ်သားရဲ အမြောက်အများ ပေါ်ထွက်လာပါက ရွှမ်ဟွမ်ဂိုဏ်းမှ တပည့်များအတွက်လည်း အကျိုးကျေးဇူးများစွာ ရှိပေမည်။</p> <p>လူသားမျိုးနွယ်၏ အင်အားကိုပင် မြှင့်တင်ပေးနိုင်သေးသည်။ တစ်ချက်ခုတ် နှစ်ချက်ပြတ်ထက်ပင် ပို၍ အကျိုးရှိလှပေသည်။</p> <p>"ယောကျ်ား..."</p> <p>"ကျွန်မဆရာမက ရှင်နဲ့ ကိစ္စလေးရှိလို့တဲ့... တွေ့ဖို့ အချိန်ရမလား မသိဘူး..."</p> <p>ရုတ်တရက် ချူတျဲ့ယီက နတ်ဘုရားအာရုံဖြင့် အသံပို့လွှတ်လိုက်သည်။</p> <p>"မင်းဆရာမလား..."</p> <p>ဤစကားကို ကြားသောအခါ ကျိုးစွေ့ မျက်ခုံးပင့်လိုက်မိသည်။ ချူတျဲ့ယီ၏ ဆရာမမှာ ချန်ဇီယွင်ဖြစ်ကြောင်း သူ သဘာဝကျစွာပင် သိရှိထားသည်။</p> <p>သို့သော် ချန်ဇီယွင်က သူနှင့်တွေ့ဆုံရန် ကိုယ်တိုင်ကိုယ်ကျ ဆက်သွယ်လာလိမ့်မည်ဟု သူ မထင်မှတ်ထားခဲ့ချေ။</p> <p>ယဲ့ဖေးရိုတစ်ယောက် နတ်ဘုရားအသွင်ပြောင်းအဆင့်သို့ တက်လှမ်းသွားသည့် သတင်းကြောင့် လှုံ့ဆော်ခံလိုက်ရသဖြင့် ကိုယ်တိုင် လာရောက်တွေ့ဆုံခြင်းမှာ ဖြစ်နိုင်ခြေ များပေသည်။</p> <p>သို့မဟုတ်ပါက သူမအနေဖြင့် သူ့ထံသို့ ကိုယ်တိုင် လာရောက်ရှာဖွေမည် မဟုတ်ချေ။ သို့သော် ဤသည်မှာလည်း ကောင်းသောကိစ္စပင် ဖြစ်သည်။</p> <p>ချန်ဇီယွင်သည်လည်း ဝိညာဉ်သန္ဓေသား ပြီးပြည့်စုံခြင်းအဆင့် ကျင့်ကြံသူတစ်ဦးဖြစ်ရာ အကယ်၍ သူမအား နတ်ဘုရားအသွင်ပြောင်းအဆင့်သို့ တက်လှမ်းရန် ကူညီပေးနိုင်ပါက၊ ချန်လန်ပင်လယ်ပြင်ဒေသတွင် နတ်ဘုရားအသွင်ပြောင်းအဆင့် ကျင့်ကြံသူနှစ်ဦး ရှိလာမည်ဖြစ်ပြီး အင်အားမှာလည်း ပိုမို တိုးတက်လာမည် ဖြစ်သည်။</p> <p>အရေးအကြီးဆုံးမှာ သူသည်လည်း နတ်ဘုရားအသွင်ပြောင်းအဆင့် တာအိုလက်တွဲဖော်တစ်ဦးကို ထပ်မံရရှိမည်ဖြစ်ရာ တစ်ချက်ခုတ် နှစ်ချက်ပြတ်ပင် ဖြစ်ပေသည်။</p> <p>"ကောင်းပြီလေ... ဘယ်နေရာမှာ တွေ့ကြမလဲ..."</p> <p>ကျိုးစွေ့က မေးလိုက်၏။</p> <p>"ဆရာမက အင်မော်တယ်ရှားမြို့တော်မှာတဲ့..."</p> <p>"တွေ့မယ့်အချိန်က မနက်ဖြန်ညဘက်..."</p> <p>"ဒါပေမဲ့ ယောကျ်ား... ဆရာမရဲ့ ရည်ရွယ်ချက်က သိပ်မရိုးသားဘူးလို့ ကျွန်မ ထင်တယ်..."</p> <p>ချူတျဲ့ယီသည် အနည်းငယ် တွေဝေစွာဖြင့် ပြောလိုက်သည်။</p> <p>သူမ၏ဆရာမက ခင်ပွန်းဖြစ်သူကို တွေ့ချင်သည်မှာ သေချာပေါက် အကြံအစည်တစ်ခုခု ရှိနေမည်ဟု သူမ ခံစားနေရ၏။</p> <p>သို့သော်လည်း တစ်ဖက်လူမှာ သူမ၏ နှစ်ပေါင်းများစွာ ကျေးဇူးရှင်ဆရာမ ဖြစ်ပေသည်။ ဆရာမ၏ တောင်းဆိုမှုကို သူမအနေဖြင့် ငြင်းဆန်ရန် နည်းလမ်းမရှိချေ။</p> <p>"ကိစ္စမရှိပါဘူး... အင်မော်တယ်ရှားမြို့တော်က ကိုယ့်ရဲ့ နယ်မြေပဲလေ... ဘာများ ဖြစ်နိုင်မှာမို့လို့လဲ..."</p> <p>ကျိုးစွေ့က နှစ်သိမ့်လိုက်သည်။</p> <p>"ဒါလည်း ဟုတ်တာပဲ..."</p> <p>ဤစကားကို ကြားသောအခါ ချူတျဲ့ယီလည်း သက်ပြင်းချကာ စိတ်သက်သာရာ ရသွားလေသည်။</p> <p>"ဘာတွေ ပြောနေကြတာလဲ..."</p> <p>"ယောကျ်ား... ကျွန်မတို့ ကျင့်ကြံဖို့ အချိန်ရောက်ပြီနော်..."</p> <p>ထိုအချိန်တွင် ရှရွှေယန်သည် သူမ၏ ဆွဲဆောင်မှုရှိသော ခန္ဓာကိုယ်လေးကို လှုပ်ခါကာ လျှောက်လာပြီး မျက်ဝန်းများက ဆွဲဆောင်မှုအပြည့် ရှိနေလေသည်။</p> <p>သူမ၏ လှပသော မျက်လုံးများတွင် စိန်ခေါ်လိုသော အရိပ်အယောင်များ ပေါ်လွင်နေ၏။ ကျိပင်းယွီနှင့် အခြားသူများကလည်း ကျိုးစွေ့ကို စိုက်ကြည့်နေကြရာ မည်သည့်အရာကိုမျှ ဖုံးကွယ်မထားဘဲ ဆာလောင်နေသော ခြင်္သေ့မများကဲ့သို့ပင် ဖြစ်နေချေသည်။</p> <p>ဤသည်မှာ မိန်းမလှလေးများ၏ ကမ္ဘာ၊ ပင့်ကူအိမ်ထဲသို့ ရောက်သွားသကဲ့သို့ပင် ဖြစ်လေ၏။ သာမန် အမျိုးသားများဆိုလျှင် လွတ်မြောက်နိုင်မည် မဟုတ်ချေ။</p> <p>များမကြာမီတွင် ကျိုးစွေ့သည် တာအိုလက်တွဲဖော် အများအပြားကို ခေါ်ဆောင်ကာ လိုဏ်ဂူထဲသို့ ဝင်ရောက်၍ ကျင့်ကြံလေတော့သည်။</p> <p>အထဲမှ စည်းချက်ကျသော တာအိုသံစဉ်များ ထွက်ပေါ်လာပြီး ကျမ်းစာများကို ကျယ်လောင်စွာ ရွတ်ဖတ်နေသကဲ့သို့ အချိန်အတော်ကြာသည့်တိုင်အောင် ရပ်တန့်မသွားခဲ့ချေ။</p> <p>…………</p> <p>နောက်တစ်နေ့ ညဘက်၊ အင်မော်တယ်ရှားမြို့တော်ရှိ ခြံဝင်းတစ်ခု၌…။</p> <p>ဝှစ်…။</p> <p>ကျိုးစွေ့၏ ပုံရိပ်မှာ လှုပ်ရှားသွားပြီး ချန်ဇီယွင်နှင့် တွေ့ဆုံမည့်နေရာသို့ ချက်ချင်းဆိုသလို ရောက်ရှိသွားတော့သည်။</p> <p>ထိုအချိန်တွင် ချန်ဇီယွင်သည် ခြံဝင်းထဲ၌ စောင့်ဆိုင်းနေသည်မှာ အချိန်အတော်ကြာပြီ ဖြစ်၏။</p> <p>သူမသည် ထွင်းဖောက်မြင်နေရသော အဖြူရောင် ကြာပန်းပုံပါ ရင်စေ့အင်္ကျီကို ဝတ်ဆင်ထားပြီး၊ ခါးတွင်မူ ပါးလွှာသော ပန်းပွင့်တစ်ရာ ဂါဝန်ရှည်ကြောင့် ပြီးပြည့်စုံသော ခန္ဓာကိုယ်အချိုးအစားကို ပေါ်လွင်နေစေသည်။ ရင်သားများမှာ မြေဆွဲအားကို ဆန့်ကျင်နေသကဲ့သို့ ယုံကြည်နိုင်စရာ မရှိလောက်အောင်ပင် ဖွံ့ထွားလှပေသည်။</p> <p>သူမ၏ ခါးအထိတိုင် ရှည်လျားသော မဟူရာဆံနွယ်များကြားတွင် ပုလဲပန်းဆံထိုးလေးအား ထိုးထားလေရာ အလွန်တရာ ဆွဲဆောင်မှု ရှိလှချေ၏။</p> <p>မသိပါက၊ ဗိုင်းကောင်းကျောက်ဖိ အိမ်ထောင်ရှင် အမျိုးသမီးတစ်ဦးကဲ့သို့ပင် ဖြစ်ပေသည်။</p> <p>သူမ၏ လှပသော မျက်လုံးများတွင် ထူးခြားသော အလင်းရောင်များ တောက်ပနေပြီး နှလုံးသားကို လှုပ်ခတ်စေနိုင်သည်။</p> <p>အပြုံးလေးတစ်ချက်ကပင် ဆွဲဆောင်မှုပေါင်း များစွာကို ထုတ်လွှတ်နေသကဲ့သို့ပင်။</p> <p>ဟန်ပန်အမူအရာ အမျိုးမျိုး ပြောင်းလဲနိုင်ပြီး အလွန်ပင် ဆွဲဆောင်မှုရှိနေသည်မှာ ယဲ့ဖေးရိုနှင့် နာမည်ကျော်ကြားမှု တူညီသော ပြိုင်ဘက်ကင်းအလှပိုင်ရှင်ဟု ခေါ်ဆိုထိုက်ပေသည်။</p> <p>သူမ၏ ဆွဲဆောင်မှုရှိသော နာမည်သတင်းသည်ကား ယဲ့ဖေးရိုထက်ပင် ပို၍ ကြီးမားလှသည်ကို သိထားရပေမည်။</p> <p>ယဲ့ဖေးရိုသည် အမျိုးသားကျင့်ကြံသူ အများအပြား၏ ရင်ထဲမှ အဖြူရောင်လမင်းလေးဟု ဆိုလျှင်၊ ချန်ဇီယွင်မှာ အမျိုးသားကျင့်ကြံသူ အများအပြား၏ ရင်ထဲမှ အကောင်းဆုံးသော ကိုယ်လုပ်တော်လေးဟု ဆိုနိုင်ပြီး မီးဖိုချောင်တွင်လည်း ချက်ပြုတ်နိုင်သလို ဧည့်ခန်းတွင်လည်း ဧည့်ခံနိုင်သူ ဖြစ်ပေသည်။</p> <p>“လူဆိုးလေး... နောက်ဆုံးတော့ ရောက်လာခဲ့ပြီပေါ့...”</p> <p>“ကျွန်မသာ လာမတွေ့ရင် ရှင်က လာမရှာတော့ဘူးလား...”</p> <p>ချန်ဇီယွင်သည် ငိုတော့မည့်ဟန်ဖြင့် ကျိုးစွေ့ကို ကြည့်နေသည်မှာ ဇနီးနှင့် သားသမီးများကို စွန့်ပစ်သွားသော သစ္စာဖောက် ယောက်ျားတစ်ယောက်ကို ကြည့်နေသကဲ့သို့ပင် ဖြစ်နေချေသည်။</p> <p>"တာအိုရောင်းရင်းချန်... ပြောစရာရှိတာ ပွင့်ပွင့်လင်းလင်း ပြောပါ..."</p> <p>ကျိုးစွေ့က လက်ကို နောက်ပစ်ကာ ရပ်နေပြီး ချန်ဇီယွင်ကို စိုက်ကြည့်နေလေသည်။</p> <p>ဤမိစ္ဆာမလေး၏ အကျင့်စရိုက်ကို သူ အသေအချာ သိရှိထားသည် မဟုတ်ပါလော။</p> <p>အကယ်၍ သူမ၏ စကားအတိုင်းသာ လိုက်ပြောနေမည်ဆိုပါက ဤအမျိုးသမီး၏ အကွက်ထဲသို့ ဝင်သွားပေလိမ့်မည်။</p> <p>သူမ၏ စကားများတွင် အမှန်တရားဟူ၍ အနည်းငယ်မျှသာ ပါဝင်သည်ဟု ဆိုနိုင်ပေသည်။</p> <p>"ရောင်းရင်းကျိုးက တကယ်ကို ပွင့်လင်းတာပဲ..."</p> <p>"ကျွန်မ ခန့်မှန်းတာ မမှားဘူးဆိုရင်… ယဲ့ဖေးရို အဲ့ဒီအဘွားကြီး နတ်ဘုရားအသွင်ပြောင်းအဆင့်ကို တက်လှမ်းနိုင်ခဲ့တာက..."</p> <p>"ရှင် ကူညီပေးခဲ့လို့ မဟုတ်လား..."</p> <p>ချန်ဇီယွင်၏ မျက်ဝန်းလှလှလေးများက ရုတ်တရက် တောက်ပသွားပြီး ကျိုးစွေ့ကို ကြည့်လိုက်လေသည်။</p> <p>"ခန့်မှန်းနေစရာ မလိုပါဘူး... ကျုပ် ကူညီပေးခဲ့တာ အမှန်ပါပဲ..."</p> <p>ကျိုးစွေ့က ခေါင်းညိတ်လိုက်သည်။</p> <p>သူသည် မည်သည့်အရာကိုမျှ ဖုံးကွယ်ထားရန် ရည်ရွယ်မထားချေ။</p> <p>အမှန်တကယ်တမ်းတွင် ချန်လန်ပင်လယ်ပြင်ဒေသတစ်ခုလုံးရှိ လူတိုင်း ဤအချက်ကို ကောင်းစွာ သိရှိထားကြသည် မဟုတ်ပါလော။</p> <p>သိထားလျှင်လည်း ကိစ္စမရှိပေ။ ယခုအခါ ယဲ့ဖေးရိုသည် နတ်ဘုရားအသွင်ပြောင်းအဆင့် အရှင်သခင် ဖြစ်နေပြီဖြစ်ရာ မည်သူက ရွှမ်ဟွမ်ဂိုဏ်းသို့ လာရောက်၍ ရမ်းကားရဲမည်နည်း။</p> <p>သေချင်နေသူများမှလွဲ၍ မည်သူမျှ မျက်စောင်းပင် ထိုးရဲကြမည် မဟုတ်ချေ။</p> <p>"ယဲ့ဖေးရို အဲ့ဒီအဘွားကြီးက ကံကောင်းတာပဲ... အသက်ငယ်ပြီး ချောမောတဲ့ ယောက်ျားတစ်ယောက်ကို ရခဲ့တဲ့အပြင်..."</p> <p>"အခုတော့ တာအိုလက်တွဲဖော်ရဲ့ အကူအညီနဲ့ နတ်ဘုရားအသွင်ပြောင်းအဆင့်ကိုတောင် တက်လှမ်းသွားသေးတယ်..."</p> <p>"ကျွန်မက သူ့ထက် ဘယ်နားမှာများ နိမ့်ကျနေလို့လဲ..."</p> <p>ချန်ဇီယွင်က အံ့ကြိတ်ကာ ပြောလိုက်လေသည်။</p> <p>ယခုအချိန်တွင် သူမ၏ရင်ထဲ၌ အဆုံးအစမဲ့သော မနာလိုမှု မီးတောက်များ လောင်ကျွမ်းနေချေသည်။</p> <p>မူလက သူမနှင့် ယဲ့ဖေးရိုမှာ ကွာခြားချက် သိပ်မရှိခဲ့သော်လည်း ထိုအမျိုးသမီးက ရုတ်တရက် နတ်ဘုရားအသွင်ပြောင်းအဆင့်သို့ တက်လှမ်းသွားမည်ဟု မည်သူက ထင်မှတ်ထားမည်နည်း။</p> <p>တစ်မုဟုတ်ချင်းပင် သူမတို့အခြားက ကွာဟချက်မှာ ကြီးမားသွားခဲ့လေပြီ။</p> <p>အကယ်၍ ထပ်မံတွေ့ဆုံရပါက သူမအနေဖြင့် တစ်ဖက်လူကို စီနီယာဟုသာ ခေါ်ဆိုရတော့မည် ဖြစ်သည်။</p> <p>ဤသို့သော ကိစ္စမျိုး ဖြစ်လာနိုင်သည်ကို တွေးမိသည်နှင့် သူမ အလွန် ဒေါသထွက်မိ၏။</p> <p>အသေအလဲ ရိုက်သတ်ခံရမည်ဆိုလျှင်ပင် ထိုအမျိုးသမီးကို စီနီယာဟု မခေါ်ချင်ပေ။ ဤသည်မှာ သူမ၏ ဂုဏ်သိက္ခာနှင့် သက်ဆိုင်နေသည် မဟုတ်ပါလော။</p> <p>"အိုး... ခင်ဗျားရဲ့ အဓိပ္ပာယ်က ခင်ဗျားကိုလည်း နတ်ဘုရားအသွင်ပြောင်းအဆင့် တက်လှမ်းဖို့ ကျုပ်ကို ကူညီပေးစေချင်တာလား..."</p> <p>ကျိုးစွေ့က ခပ်ဖွဖွပြုံးကာ ချန်ဇီယွင်ကို ကြည့်လိုက်သည်။</p> <p>"ဟုတ်တယ်... ဒါက ကျွန်မ အခုလာရတဲ့ အဓိက ရည်ရွယ်ချက်ပဲ..."</p> <p>"ယဲ့ဖေးရို နတ်ဘုရားအသွင်ပြောင်းအဆင့်ကို တက်လှမ်းနိုင်ခဲ့တာက အင်မော်တယ်မူလချီနဲ့ နတ်ဘုရားအသွင်ပြောင်းဆေးလုံးကို ရခဲ့လို့ပဲ မဟုတ်လား..."</p> <p>"ရှင့်ဆီမှာ အင်မော်တယ်မူလချီနဲ့ နတ်ဘုရားအသွင်ပြောင်းဆေးလုံး ရှိသေးတယ်ဆိုတာ ကျွန်မ သိတယ်..."</p> <p>"အဲ့ဒါတွေအားလုံး ကျွန်မကို ပေးမယ်ဆိုရင် ကျွန်မလည်း သေချာပေါက် နတ်ဘုရားအသွင်ပြောင်းအဆင့်ကို တက်လှမ်းနိုင်မှာပဲ..."</p> <p>ချန်ဇီယွင်၏ မျက်လုံးလှလှလေးများတွင် တောက်လောင်နေသော ရည်မှန်းချက်များ ပေါ်လွင်နေပေသည်။</p> <p>သူမ နတ်ဘုရားအသွင်ပြောင်းအဆင့်သို့ မတက်လှမ်းနိုင်ခြင်းမှာ နတ်ဘုရားအသွင်ပြောင်းအဆင့် ရတနာအချို့ လိုအပ်နေခြင်းကြောင့်သာ ဖြစ်သည်ဟု သူမ ယူဆထားသည်။</p> <p>ချန်လန်ပင်လယ်ပြင်ဒေသတစ်ခုလုံးတွင် ယခုအခါ ဤအမျိုးသား တစ်ဦးတည်းထံတွင်သာ ရှိပေသည်။</p> <p>"ခင်ဗျားကတော့ အားနာဖို့ မစဉ်းစားဘူးပဲ..."</p> <p>"ချန်လန်ပင်လယ်ပြင်ဒေသတစ်ခုလုံးမှာ ဝိညာဉ်သန္ဓေသားအဆင့် ကျင့်ကြံသူ ဘယ်လောက်များများက ဒီနတ်ဘုရားအသွင်ပြောင်း ရတနာတွေကို လိုချင်နေကြလဲဆိုတာ သိရဲ့လား..."</p> <p>"အခု ခင်ဗျားက စကားလေး တစ်ခွန်းတည်းနဲ့ ယူသွားချင်တာလား..."</p> <p>ကျိုးစွေ့က ပြုံးလိုက်လေသည်။</p> <p>"အဲ့ဒီတုန်းက ရှင့်ကို ယဲ့ဖေးရိုက ဘာအကျိုးကျေးဇူးတွေ ပေးခဲ့လို့လဲ..."</p> <p>"ကျွန်မက နှစ်ဆ ပြန်ပေးနိုင်တယ်... အို မဟုတ်သေးဘူး… ဆယ်ဆတောင် ပြန်ပေးနိုင်သေးတယ်..."</p> <p>"ရှင် ကောင်းကင်မိစ္ဆာဂိုဏ်းကို လိုချင်တယ်ဆိုရင်တောင် ကျွန်မ ပေးနိုင်တယ်..."</p> <p>ချန်ဇီယွင်က ကျိုးစွေ့ကို အလွန် လေးနက်စွာဖြင့် ကြည့်လိုက်တော့သည်။</p> <p>အမှန်အတိုင်းဆိုရလျှင် ဤအရာများအားလုံးမှာ ပြင်ပပစ္စည်းများသာ ဖြစ်ပြီး မည်သည့်အဓိပ္ပါယ်မျှ မရှိချေ။</p> <p>အကယ်၍ နတ်ဘုရားအသွင်ပြောင်းအဆင့်သို့ တက်လှမ်းနိုင်ပါက အရာအားလုံးကို ပြန်လည်ရယူနိုင်မည် ဖြစ်သည်။</p> <p>"အဲ့ဒီတုန်းက… အင်း… ဖေးရိုက သူမရဲ့ စိတ်နှလုံးကို ကျုပ်ဆီ အပ်နှင်းခဲ့တာလေ..."</p> <p>"ခင်ဗျားရော လုပ်နိုင်လို့လား..."</p> <p>ကျိုးစွေ့က အပြုံးဖြင့် ချန်ဇီယွင်ကို စိုက်ကြည့်နေလိုက်တော့သည်။</p> <p>***</p> <p> </p>


Save