Book List

<h2 style="text-align: center;">အခန်း (၅၉၀)</h2> <h2 style="text-align: center;">ဆရာတပည့် နှစ်ဦးလုံးကို သိမ်းပိုက်ခြင်း၊ အဆင့်တက်နိုင်ရန် မည်သည့်နည်းလမ်းကိုမဆို</h2> <h2 style="text-align: center;">အသုံးပြုခဲ့သော ယဲ့ဖေးရို(၂)</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>ဘာ…။</p> <p>ထိုမိန်းမသည် အရှက်အကြောက်မရှိဘဲ အဆင့်အတန်းမြင့်လာရန် မည်သည့်နည်းလမ်းကိုမဆို အသုံးပြုမည်ကို သူမ သိထားပြီး ဖြစ်သည်။</p> <p>ယခင်က ဖြူစင်သော မိန်းမပျိုလေးကဲ့သို့ ဟန်ဆောင်နေခဲ့သော်လည်း အဆုံးတွင်မူ နတ်ဘုရားအသွင်ပြောင်းအဆင့်သို့ တက်လှမ်းရန်အတွက် အမျိုးသားတစ်ဦးထံ ခန္ဓာကိုယ်ပင် အပ်နှင်းခဲ့သည် မဟုတ်ပါလော။</p> <p>ဤစကားကို ကြားသောအခါ ချန်ဇီယွင်မှာ သွားချင်းကြိတ်ကာ ဒေါသထွက်လွန်း၍ သေမတတ်ပင် ဖြစ်သွားတော့သည်။</p> <p>သာမန်အချိန်များတွင် ချန်ဇီယွင်သည် အလွန်ပင် လွတ်လပ်ပေါ့ပါးစွာ နေထိုင်တတ်သကဲ့သို့ ပြသနေသော်လည်း၊ အမှန်တကယ်တမ်း လက်တွေ့ကြုံလာသောအခါတွင်မူ သူမသည် အလွန်ရှက်ရွံ့တတ်ပြီး မည်သို့ ရွေးချယ်ရမည်ကို မသိတော့ချေ။</p> <p>အဘယ်ကြောင့်ဆိုသော် ယခုအချိန်အထိ သူမသည် သန့်စင်သော ယင်ခန္ဓာကိုယ် ရှိနေသေးပြီး ဤကဲ့သို့သော ကိစ္စမျိုးကို တစ်ခါမျှ မကြုံဖူးသောကြောင့် ဖြစ်ပေသည်။</p> <p>ဥပမာအားဖြင့် ကျိုးစွေ့၏ ယခင်ဘဝက ကီးဘုတ်ဖိုက်တာများကဲ့သို့ အွန်လိုင်းတွင် စကားလုံးများဖြင့် တိုက်ခိုက်နိုင်သော်လည်း၊ အပြင်တွင် အမှန်တကယ် လက်သီးချင်း ယှဉ်ထိုးရမည်ဆိုပါက သတ္တိရှိသူမှာ များစွာမရှိလှချေ။ ဤသည်မှာလည်း ထိုနည်းတူပင် ဖြစ်ပေသည်။</p> <p>သို့သော် သူမ နတ်ဘုရားအသွင်ပြောင်းအဆင့်သို့ တက်လှမ်းနိုင်မည်ဆိုသည့် အချက်ကို တွေးမိသောအခါ ချန်ဇီယွင်သည် နှုတ်ခမ်းကို တင်းတင်းကိုက်ကာ ချက်ချင်း ဆုံးဖြတ်ချက် ချလိုက်လေတော့သည်။</p> <p>"ကောင်းပြီ... ရှင်သာ ကျွန်မကို နတ်ဘုရားအသွင်ပြောင်းအဆင့် တက်လှမ်းနိုင်အောင် ကူညီပေးနိုင်မယ်ဆိုရင် ရှင့် စိတ်ကြိုက်လုပ်လို့ရတယ်..."</p> <p>ချန်ဇီယွင်၏ မျက်နှာလေးမှာ ရဲတွတ်သွားပြီး ကျိုးစွေ့ကို အလွန်လေးနက်စွာဖြင့် ကြည့်လိုက်သည်။</p> <p>သူမ၏ ဘဝတစ်လျှောက်လုံးတွင် အမျိုးသားတစ်ဦးရှေ့၌ ဤသို့ အရှုံးပေးဖူးသည်မှာ ပထမဆုံးအကြိမ်ပင် ဖြစ်ပေသည်။</p> <p>ဤသည်မှာ သူမ၏ အကာအကွယ်အားလုံးကို ချွတ်ချလိုက်သကဲ့သို့ပင် ဖြစ်လေ၏။</p> <p>ဤအမျိုးသားကို တွေးမိသည်နှင့် သူမ၏မျက်နှာလေးမှာ နီရဲလာပြီး ဦးနှောက်ထဲတွင် ဖော်ပြ၍မရနိုင်သော မြင်ကွင်းပေါင်းများစွာ ပေါ်လာသကဲ့သို့ ခံစားရပေသည်။</p> <p>သို့သော် အဘယ်ကြောင့်မှန်းမသိ သူမသည် စိုးရိမ်ပူပန်မှု၊ မျှော်လင့်မှု၊ တောင့်တမှုနှင့် စိတ်လှုပ်ရှားမှုတို့ ရောထွေးနေရရှာသည်။</p> <p>အချုပ်အားဖြင့်ဆိုရလျှင် ခံစားချက်ပေါင်းစုံ ရောပြွမ်းနေပြီး ခံစားချက်အမျိုးမျိုး ပေါ်ပေါက်လာတော့သည်။</p> <p>‘ဒီခွေးကောင်... အရင်ကတော့ သမာသမတ်ကျတဲ့ လူကြီးလူကောင်းလို ဟန်ဆောင်နေခဲ့တာ… ဟွန့်… သူလည်းပဲ ငါ့ခန္ဓာကိုယ်ကို မျက်စိကျနေမယ်လို့ မထင်ထားမိဘူး…’</p> <p>‘ပြီးတော့ ငါ့တပည့်လေးကလည်း သူ့ရဲ့ မိစ္ဆာလက်သည်းထဲကို ကျရောက်သွားခဲ့ပြီ… အခု ငါ့ကိုပါ ရသွားပြီဆိုတော့ ဆရာနဲ့တပည့် နှစ်ယောက်လုံးကို သိမ်းပိုက်လိုက်တာ မဟုတ်ဘူးလား…’</p> <p>‘ဒါကလည်း သူ့ရဲ့ အစီအစဉ်တစ်ခုများလား…’</p> <p>‘ယုတ်မာလိုက်တာ... တကယ်ကို ယုတ်မာလွန်းတယ်…’</p> <p>‘ဒီယုတ်မာတဲ့ ယောက်ျားက တကယ့်ကို အစစ်အမှန် မိစ္ဆာသားရဲကြီးပဲဆိုတာ ထင်ရှားနေတယ်… ဖြောင့်မတ်လမ်းစဉ်က လူလို ဟန်ဆောင်ထားပေမဲ့ တိတ်တဆိတ်နဲ့ လူတွေရဲ့ စိတ်နှလုံးကို ကစားရတာကြိုက်တဲ့ ယုတ်မာတဲ့ မိစ္ဆာသားရဲကြီးပဲ…’</p> <p>‘မိန်းမလှလေးတွေ သူ့ရှေ့မှာ အခက်တွေ့နေတာကို အကြိုက်ဆုံးပဲနေမှာ… ဒါပေမဲ့ သူ့ရဲ့ တဏှာအာဏာစက်အောက်မှာ အရှုံးပေးလိုက်ရတာမျိုးပေါ့…’</p> <p>‘ကောင်းကင်မိစ္ဆာဂိုဏ်းရဲ့ နတ်ဆိုးအသွင်ပြောင်းပညာရပ်ကို အောင်မြင်အောင် ကျင့်ကြံနိုင်ခဲ့တာ အံ့သြစရာ မဟုတ်တော့ဘူး… မိစ္ဆာလမ်းစဉ်ကျင့်စဉ်တွေအပေါ်မှာ နက်နဲတဲ့ နားလည်မှုမရှိဘဲနဲ့ ဘယ်လိုလုပ် အောင်မြင်အောင် ကျင့်ကြံနိုင်မှာလဲ…’</p> <p>အဘယ်ကြောင့်မှန်းမသိ၊ ဤအမျိုးသား၏ ပင်ကိုယ်စရိုက်မှာ ယုတ်မာကြောင်း သိလာလေလေ၊ သူမအနေဖြင့် ပို၍ စိတ်လှုပ်ရှားလာလေလေ ဖြစ်လာတော့သည်။</p> <p>ဤအမျိုးသား၏ အနိုင်ကျင့်ဗိုလ်ကျမှုကိုပင် အနည်းငယ် ခံချင်နေမိတော့သည်။</p> <p>"ဘာလုပ်နေတာလဲ..."</p> <p>"ကျုပ်ရှေ့မှာ မချွတ်နဲ့ဦး... လောစရာ မလိုသေးဘူး..."</p> <p>ကျိုးစွေ့က ချန်ဇီယွင်၏ နောက်တဆင့်လုပ်ရပ်ကို ကပျာကယာ တားဆီးလိုက်ရသည်။ အကယ်၍ မတားဆီးပါက ဤအမျိုးသမီးမှာ အကုန်လုံး ချွတ်ချပစ်တော့မည်မှာ သေချာလှပေသည်။</p> <p>"ရှင်... ရှင် ဘာလုပ်ချင်လို့လဲ..."</p> <p>"ဒီလောက်တောင် ဖြစ်နေပြီကို ကျွန်မကို စော်ကားချင်သေးတာလား..."</p> <p>ချန်ဇီယွင်၏ မျက်နှာလေးမှာ နီရဲသွားပြီး ဤအမျိုးသား၏ စော်ကားမှုကို ခံလိုက်ရသည်ဟု သူမ ခံစားလိုက်ရသည်။</p> <p>အမျိုးသမီးတစ်ဦးက ဤမျှအထိ ဖွင့်ဟနေပြီဖြစ်သော်လည်း အမျိုးသားတစ်ဦး၏ ငြင်းပယ်ခြင်းကို ခံရသည်မှာ ကြီးမားသော စော်ကားမှုပင် မဟုတ်ပါလော။</p> <p>ဤသည်မှာ ထိုအမျိုးသမီး၌ မည်သည့် ဆွဲဆောင်မှုမျှ မရှိကြောင်းကို ပြသနေခြင်းပင်။</p> <p>ယခုအခါ သူမသည် ဤအမျိုးသားကို အသေအလဲ ကိုက်ပစ်ချင်စိတ်သာ ပေါက်နေတော့သည်။</p> <p>"မလောပါနဲ့..."</p> <p>"ခင်ဗျား နတ်ဘုရားအသွင်ပြောင်းအဆင့်ကို တက်လှမ်းပြီးမှ ပြောကြတာပေါ့..."</p> <p>"ကျုပ် လိုချင်တာက နတ်ဘုရားအသွင်ပြောင်းအဆင့် အမျိုးသမီးကျင့်ကြံသူတစ်ယောက်... ဝိညာဉ်သန္ဓေသားအဆင့် အမျိုးသမီးကျင့်ကြံသူ မဟုတ်ဘူး..."</p> <p>ကျိုးစွေ့က ခပ်ဖွဖွပြုံးကာ ချန်ဇီယွင်ကို ကြည့်လိုက်လေသည်။</p> <p>"ဘာ... ရှင်က ကျွန်မကို နတ်ဘုရားအသွင်ပြောင်းအဆင့် တက်လှမ်းအောင် ကူညီပေးပြီးမှ ကျွန်မကို လိုချင်တာလား..."</p> <p>ဤစကားကို ကြားလိုက်သောအခါ ချန်ဇီယွင်ခမျာ ချက်ချင်းပင် အံ့အားသင့်သွားပြီး မယုံကြည်နိုင်အောင် ဖြစ်သွားရသည်။</p> <p>ပစ္စည်းမရခင် ငွေချေရမည်ဟု သူမ ထင်မှတ်ထားခဲ့သော်လည်း၊ ဤအမျိုးသားက ကြိုတင်ချေးငွေပေးရန် ဆန္ဒရှိနေလိမ့်မည်ဟု မထင်မှတ်ထားခဲ့ချေ။</p> <p>ထို့အပြင် မည်သည့် အာမခံပစ္စည်းမျှလည်း မလိုအပ်ပေ။</p> <p>အမှန်အတိုင်းဆိုရလျှင် အကယ်၍ သူမသည် သန့်စင်ယင်ခန္ဓာကိုယ် ရှိနေသေးပါက နတ်ဘုရားအသွင်ပြောင်းအဆင့်သို့ တက်လှမ်းနိုင်ခြေသည် ပို၍ များပြားမည်မှာ သေချာလှသည်။</p> <p>"ဟုတ်တယ်..."</p> <p>ကျိုးစွေ့က ခေါင်းညိတ်လိုက်၏။</p> <p>"ဒါပေမဲ့ ကျွန်မ လှည့်စားမှာကို ရှင် မကြောက်ဘူးလား..."</p> <p>"နတ်ဘုရားအသွင်ပြောင်းအဆင့်ကို တက်လှမ်းသွားပြီဆိုရင် ကျွန်မရဲ့ စွမ်းအားက အရင်ကနဲ့ မတူတော့ဘူးလေ..."</p> <p>"အကယ်၍ ကျွန်မက ကတိမတည်ဘူးဆိုရင် ရှင် ဘာမှမရဘဲ အချည်းနှီး ဖြစ်သွားလိမ့်မယ်နော်..."</p> <p>ချန်ဇီယွင်၏ မျက်လုံးများမှာ တောက်ပသွားပြီး ကျိုးစွေ့ကို စိုက်ကြည့်နေလိုက်သည်။</p> <p>"သေချာပေါက် မကြောက်ဘူးပေါ့..."</p> <p>"ကျုပ်ကို ဘယ်သူလို့ ထင်နေတာလဲ..."</p> <p>"ခင်ဗျား တကယ်ပဲ နတ်ဘုရားအသွင်ပြောင်းအဆင့် တက်လှမ်းသွားရင်တောင် ကတိမတည်ချင်ရင် မဖြစ်နိုင်တဲ့ ကိစ္စပဲ..."</p> <p>"နတ်ဘုရားအသွင်ပြောင်းအဆင့် အရှင်သခင်ကို ကျုပ် မသတ်ဖူးတာမှ မဟုတ်တာ..."</p> <p>ကျိုးစွေ့၏ ခန္ဓာကိုယ်ပေါ်တွင် နက်နဲသော သတ်ဖြတ်လိုစိတ်များ လွှမ်းခြုံသွားပြီး ကောင်းကင်နှင့် မြေကြီး၏ သတ်ဖြတ်ခြင်း အရှိန်အဝါများကို ဆွဲဆောင်လိုက်သကဲ့သို့ ကောင်းကင်တစ်ခုလုံးမှာ အနီရောင်တိမ်တိုက်များဖြင့် ဖုံးလွှမ်းသွားလေသည်။ ကောင်းကင်နှင့် မြေကြီးမှာ အရောင်ပြောင်းသွားပြီး အဆုံးအစမဲ့သော သဘာဝဝိညာဉ်စွမ်းအင်များ ရစ်ခွေလာတော့သည်။</p> <p>‘ဒီခွေးကောင်က အရမ်း အစွမ်းထက်တာပဲ...’</p> <p>‘ချန်လန်ပင်လယ်ပြင်ဒေသမှာ နှစ်တစ်သောင်းမှ တစ်ကြိမ် ပေါ်ထွက်လာတဲ့ ပါရမီရှင်ဆိုတာ တကယ် မှန်တာပဲ...’</p> <p>ချန်ဇီယွင်သည် သူမ၏ နှလုံးသားလေးမှာ တုန်ခါနေပြီး ခြေထောက်များပင် ပျော့ခွေနေသည်ကို ခံစားလိုက်ရသည်။ ဤကြောက်မက်ဖွယ်ကောင်းသော သတ်ဖြတ်လိုစိတ်ကို ခံစားရသော်လည်း သူမသည် မည်သည့် ကြောက်ရွံ့မှုမျှ မရှိဘဲ အလွန်ပင် စိတ်လှုပ်ရှားနေမိသည်။</p> <p>ဤမျှ အစွမ်းထက်သော အမျိုးသားသာလျှင် သူမကို သိမ်းပိုက်ရန် အရည်အချင်း ပြည့်မီပေသည်။</p> <p>ကျင့်ကြံခြင်းကမ္ဘာရှိ အမျိုးသမီးကျင့်ကြံသူ အားလုံးနီးပါးသည် အင်အားကြီးသူများကို အထင်ကြီးတတ်သည် မဟုတ်ပါလော။</p> <p>သူမသည်လည်း ထိုနည်းတူပင် ဖြစ်ပြီး အခြေအနေမှာ ပို၍ပင် ဆိုးရွားသေးသည်။</p> <p>ကျိုးစွေ့၏ ခြိမ်းခြောက်မှုကို ရင်ဆိုင်ရသောအခါ သူမသည် ပို၍ပင် စိတ်လှုပ်ရှားလာတော့သည်။</p> <p>အဘယ်ကြောင့်ဆိုသော် ဤကဲ့သို့သော အမျိုးသားသာလျှင် သူမနှင့် ထိုက်တန်သောကြောင့်ပင်။</p> <p>ထိုအချိန်တွင် ကျိုးစွေ့ကို ကြည့်နေသော သူမ၏အကြည့်များမှာ ပို၍ နူးညံ့သိမ်မွေ့လာပြီး နစ်မွန်းသွားတော့မည့်အလား ဖြစ်နေတော့သည်။</p> <p>"ဒါက..."</p> <p>ကျိုးစွေ့ မျက်တောင်တစ်ချက် ခတ်လိုက်မိတော့သည်။ သူ၏ ခြိမ်းခြောက်မှုများကြောင့် ဤအမျိုးသမီး၏ ခံစားချက်များမှာ လျော့ကျသွားခြင်းမရှိဘဲ အပြည့်အဝ ထိုးတက်လာလိမ့်မည်ဟု သူ မထင်မှတ်ထားခဲ့ချေ။</p> <p>ဤအမျိုးသမီးသည် ခြိမ်းခြောက်မှုကိုသာ နှစ်သက်သည်ဟု ဆိုနိုင်ပေသည်။</p> <p>အကြမ်းကိုသာ ကြိုက်တတ်ပြီး အနုအယွကို မနှစ်သက်ချေ။</p> <p>အမျိုးသမီး တစ်ဦးချင်းစီ၏ စရိုက်လက္ခဏာများမှာ မတူညီကြပေ။ ကောင်းကင်မိစ္ဆာဂိုဏ်း၏ ဂိုဏ်းချုပ်ဖြစ်သော ချန်ဇီယွင်၏စရိုက်မှာ ပို၍ အမှောင်ဆန်ပြီး၊ သာမန်အမျိုးသမီးများ၏ စရိုက်နှင့် လုံးဝ ကွာခြားလှသည်။</p> <p>သာမန် အမျိုးသမီးများကို ကိုင်တွယ်သော နည်းလမ်းများကို သူမအပေါ် အသုံးပြုပါက ပြောင်းပြန် အကျိုးသက်ရောက်မှုကိုသာ ဖြစ်စေပေလိမ့်မည်။</p> <p>သေချာသည်မှာ သူ ဤသို့ လုပ်ဆောင်ရခြင်းမှာ ‘ချစ်ခြင်းမေတ္တာကူ’၏ လမ်းညွှန်မှုကြောင့်သာ ဖြစ်ပေ၏။</p> <p>ဤအမျိုးသမီးကို ခြိမ်းခြောက်လေလေ၊ သူမက ပို၍ စိတ်လှုပ်ရှားလေလေဖြစ်ပြီး သူ့ကို ပို၍ နက်ရှိုင်းစွာ ချစ်မြတ်နိုးလေလေ ဖြစ်ပုံရသည်။</p> <p>အကယ်၍ သူမအပေါ် ပို၍ ကောင်းမွန်စွာ ဆက်ဆံပါက သူမ၏ ခံစားချက်က ပို၍ နည်းပါးသွားပေလိမ့်မည်။</p> <p>အချုပ်အားဖြင့်ဆိုရလျှင် ဤသည်မှာ အနည်းငယ် အမှောင်ဆန်သော စရိုက်မျိုးပင် ဖြစ်ချေသည်။</p> <p>"အင်း... ဒါက အင်မော်တယ်မူလချီတစ်မျှင်နဲ့ နတ်ဘုရားအသွင်ပြောင်းဆေးလုံး တစ်ပုလင်းပဲ..."</p> <p>"ဒီနတ်ဘုရားအသွင်ပြောင်းအဆင့် ရတနာ နှစ်ခုရှိရင်..."</p> <p>"ခင်ဗျား နတ်ဘုရားအသွင်ပြောင်းအဆင့်ကို တက်လှမ်းနိုင်တဲ့ အောင်မြင်မှုနှုန်းက အများကြီး တိုးလာလိမ့်မယ်..."</p> <p>ကျိုးစွေ့က သူ၏ခန္ဓာကိုယ်ပေါ်မှ ဤနတ်ဘုရားအသွင်ပြောင်းအဆင့် ရတနာနှစ်ခုကို ချက်ချင်း ထုတ်ယူကာ ချန်ဇီယွင်အား ကမ်းပေးလိုက်လေသည်။</p> <p>"ရှင်က တကယ်ပဲ ဒီလို လွယ်လွယ်လေး ပေးလိုက်တာလား..."</p> <p>"ရှင် နတ်ဘုရားအသွင်ပြောင်းအဆင့်ကို တက်လှမ်းတဲ့အချိန်ကျရင် ဒါတွေ မလိုဘူးလား..."</p> <p>ချန်ဇီယွင်၏ မျက်လုံးများမှာ အလွန် ရှုပ်ထွေးနေမိတော့သည်။ အစပိုင်းတွင် ဤအမျိုးသားက နောက်ပြောင်နေသည်ဟု သူမ အနည်းငယ် ထင်မှတ်ခဲ့သော်လည်း အမှန်တကယ် ပေးလိမ့်မည်ဟု မထင်ထားခဲ့ပေ။ တိုက်ရိုက်ပင် သူမထံ ပေးအပ်လိုက်ခြင်းမှာ အလွန် ယုံကြည်ရခက်လှပေသည်။</p> <p>"ကျုပ် နတ်ဘုရားအသွင်ပြောင်းအဆင့်ကို တက်လှမ်းဖို့ ဘယ်နတ်ဘုရားအသွင်ပြောင်း ရတနာမှ မလိုဘူး..."</p> <p>"ကျင့်ကြံခြင်းက ဒီလောက် ခက်ခဲတဲ့ လမ်းကြောင်းမျိုးမို့လား..."</p> <p>ကျိုးစွေ့က အေးဆေးစွာ ပြောလိုက်လေ၏။</p> <p>သူ နတ်ဘုရားအသွင်ပြောင်း ရတနာများကို ရယူချင်ရခြင်းမှာ တာအိုလက်တွဲဖော်များအတွက်သာ ဖြစ်သည်။</p> <p>သူကိုယ်တိုင် နတ်ဘုရားအသွင်ပြောင်းအဆင့်သို့ တက်လှမ်းရန်မှာမူ ဤအရာများ မလိုအပ်သည်မှာ သဘာဝကျပေသည်။</p> <p>ဘာ…။</p> <p>ဤစကားကို ကြားလိုက်ရသောအခါ ချန်ဇီယွင်၏ ရင်ထဲတွင် တုန်လှုပ်သွားရသည်။ ဤအမျိုးသားက ကြွားလုံးထုတ်နေမှန်း သူမ သိသော်လည်း ဤစကားများမှာ လုံးဝ အမှန်ဖြစ်ကြောင်း သူမ နားလည်နိုင်ပေသည်။</p> <p>ဤအမျိုးသားအနေဖြင့် နတ်ဘုရားအသွင်ပြောင်းအဆင့်သို့ တက်လှမ်းရန်အတွက် နတ်ဘုရားအသွင်ပြောင်း ရတနာများ အမှန်တကယ် မလိုအပ်ချေ။</p> <p>အဘယ်ကြောင့်ဆိုသော် ရှေးဟောင်းခေတ်က အလွန် ပါရမီထူးချွန်သော မကောင်းဆိုးဝါးဆန်သည့် ပါရမီရှင်များသည် နတ်ဘုရားအသွင်ပြောင်းအဆင့်သို့ တက်လှမ်းရာတွင် ပြင်ပအကူအညီ မလိုအပ်ခဲ့သောကြောင့်ပင်။</p> <p>အရည်အချင်း မပြည့်မီသူများသာ ဤကဲ့သို့သော ပြင်ပအရာများကို လိုအပ်ခြင်း ဖြစ်သည်။</p> <p>အကယ်၍ အဆင့်တက်လှမ်းတိုင်းသာ ရတနာများကို လိုအပ်နေမည်ဆိုပါက ကမ္ဘာပေါ်တွင် ပထမဆုံးသော ကျင့်ကြံသူဟူ၍ ပေါ်ပေါက်လာမည် မဟုတ်ချေ။</p> <p>ဤအမျိုးသား၏ စကားက ကြီးမားလွန်းလှသော်လည်း သူသည် အင်မော်တယ်ကဲ့သို့သော ပါရမီရှင် ဖြစ်နေသောကြောင့် ဘာမှမတတ်နိုင်ပေ။</p> <p>"ဒါနဲ့... ခင်ဗျား နတ်ဘုရားအသွင်ပြောင်းအဆင့်ကို တက်လှမ်းတော့မယ်ဆိုရင် ကျုပ်ကို ပြောဦး..."</p> <p>"နတ်ဘုရားအသွင်ပြောင်း အဆင့်သုံးဆင့်ကို ဖြတ်ကျော်ဖို့က အဲ့ဒီလောက် မလွယ်ဘူး..."</p> <p>"အထူးသဖြင့် ချန်လန်ပင်လယ်ပြင်ဒေသမှာ ကောင်းကင်မိစ္ဆာကပ်ဘေးနဲ့ မိုးကြိုးကပ်ဘေးရဲ့ စွမ်းအားက နှစ်ဆတိုးလာလိမ့်မယ်..."</p> <p>"ဖေးရိုလည်း ကျုပ်ရဲ့ အကူအညီကို ရလို့သာ ကပ်ဘေးကို အဆင်ပြေပြေ ဖြတ်ကျော်နိုင်ခဲ့တာ..."</p> <p>"ခင်ဗျားလည်း စွန့်စားပြီး မလုပ်နဲ့ဦး..."</p> <p>ကျိုးစွေ့က လေးနက်သော လေသံဖြင့် ပြောလိုက်လေ၏။</p> <p>"ကောင်းပါပြီ..."</p> <p>ကျိုးစွေ့၏ လေးနက်သော မျက်နှာအမူအရာကို မြင်သောအခါ ချန်ဇီယွင်၏ မျက်နှာလေးမှာ အနည်းငယ် နီရဲသွားပြီး ခေါင်းညိတ်လိုက်သည်။</p> <p>သူမသည် ယခင်က မရရှိခဲ့ဖူးသော လုံခြုံမှုမျိုးကို ခံစားလိုက်ရ၏။ ဤကဲ့သို့သော ခံစားချက်မျိုး မရရှိခဲ့သည်မှာ အချိန်အတော်ကြာပြီ ဖြစ်သည်။</p> <p>ယခင်က သူမသည် ကောင်းကင်မိစ္ဆာဂိုဏ်းရှိ လူတိုင်း၏ ကျောထောက်နောက်ခံ ဖြစ်ခဲ့ပြီး မည်သည့်အခါမျှ မှီခိုစရာ မရှိခဲ့ချေ။</p> <p>သို့သော် ယခုမူ မှီခိုစရာအသစ်တစ်ခု ရရှိလာခဲ့ရာ ဤခံစားချက်မှာ အလွန် စိတ်ချရလှပေသည်။ ကျောထောက်နောက်ခံ ရှိခြင်းက ကောင်းမွန်သည်မှာ သေချာလှပေ၏။</p> <p>…………</p> <p> </p>


Save