Book List

<h2 style="text-align: center;">အပိုင်း ၁၁၃</h2> <h2 style="text-align: center;">လင်းဖန်ရဲ့ဗျူဟာ</h2> <h2 style="text-align: center;">*</h2> <p> </p> <p> </p> <p> </p> <p> </p> <p>နောက်တစ်နေ့ နံနက်စောစောတွင်ပင် ပြည်သူ့လုံခြုံရေးဝန်ကြီးဌာနမှ Nirvana X ဖုန်းများကို ဝယ်ယူလိုက်သည့်သတင်းသည် ထိပ်တန်းမီဒီယာများ၏ ခေါင်းကြီးပိုင်းတွင် နေရာယူလာတော့သည်။</p> <p> </p> <p>​လူအများစု၏ အာရုံစိုက်မှုသည် လုံထန်အုပ်စု ထံသို့ ရောက်ရှိသွားပြီး ၎င်းဖုန်းကို ကြိုတင်ဝယ်ယူထားကြသည့် စားသုံးသူများမှာလည်း မိမိတို့ရွေးချယ်မှု မှန်ကန်ခဲ့သည့်အတွက် ဝမ်းသာမဆုံး ဖြစ်နေကြသည်။ ပြည်သူ့လုံခြုံရေးဝန်ကြီးဌာနကဲ့သို့သော အစိုးရအဖွဲ့အစည်းကပင် Nivarna X' ကို အော်ဒါမှာယူသည်ဆိုကတည်းက ဤဖုန်း၏ စွမ်းဆောင်ရည်ကို အစိုးရက တရားဝင်အသိအမှတ်ပြုလိုက်ခြင်းပင် ဖြစ်သည်။</p> <p> </p> <p>​အစိုးရဆိုသည်မှာ စိတ်ခံစားချက်သက်သက်ဖြင့် ပြည်တွင်းဖြစ်ကို အားပေးမည့်သူများမဟုတ်ဘဲ သေချာစွာ တွက်ချက်ချင့်ချိန်ပြီးမှသာ လုပ်ဆောင်လေ့ရှိသည်။ အကယ်၍ ပြည်တွင်းဖြစ်ကို အားပေးချင်ရုံသက်သက်ဆိုလျှင် Warwick သို့မဟုတ် အခြားသော အမှတ်တံဆိပ်များကိုလည်း အားပေးနိုင်သည်မဟုတ်ပါလား။ ယခုမူ Nivarna  X' ၏ အရည်အသွေးကသာ အစိုးရ၏ လိုအပ်ချက်ကို ဖြည့်ဆည်းပေးနိုင်ခဲ့ခြင်း ဖြစ်သည်။</p> <p> </p> <p>​ထိုနေ့ နံနက် ၉ နာရီတွင် ပြည်သူ့လုံခြုံရေးဝန်ကြီးဌာနသည် ပူးတွဲသတင်းစာရှင်းလင်းပွဲတစ်ရပ် ကျင်းပခဲ့ပြီး ဝန်ကြီး ကျောက်ကျီ ကိုယ်တိုင် တက်ရောက်ရှင်းလင်းခဲ့သည်။</p> <p> </p> <p>​"ကျွန်တော်တို့ရဲ့ ထောက်ပံ့ရေးဌာနက စစ်ဆေးပြီးတဲ့နောက်မှာတော့ နီဗားနားဖုန်းတွေကို..."</p> <p> </p> <p>​ဤသတင်းသည် မိုးကြိုးပစ်လိုက်သကဲ့သို့ လူထုကြား ဟိုးဟိုးကျော်သွားခဲ့သည်။ အလုံးရေ တစ်သိန်းကို ရှေ့တန်းရဲအရာရှိများအတွက် တပ်ဆင်ပေးခြင်းသည် လုံထန်အုပ်စုအပေါ် ထားရှိသည့် အစိုးရ၏ ယုံကြည်မှုကို ပြသလိုက်ခြင်းပင်။ ထူးခြားချက်မှာ အစိုးရက ဤဖုန်းကို ရွေးချယ်ရသည့် အဓိကအကြောင်းရင်းမှာ 'လုံခြုံရေး' ကြောင့် ဖြစ်သည်ဟု ဆိုသည်။</p> <p> </p> <p>​"နောင်မှာ ကျွန်တော်တို့ဟာ လုံထန်အုပ်စုနဲ့ ပူးပေါင်းပြီး မိုဘိုင်းလ်စက်ပစ္စည်းတွေပေါ်မှာ ကွန်ရက်တစ်ခု တည်ဆောက်သွားမှာပါ ပြည်သူ့လုံခြုံရေးဝန်ကြီးဌာနရဲ့ သတင်းအချက်အလက်အားလုံးဟာ ဒီထဲမှာပဲ စီးဆင်းသွားမှာဖြစ်သလို တစ်နိုင်ငံလုံးက ဝရမ်းပြေးစာရင်းတွေကိုလည်း ဒီစနစ်ကနေပဲ စောင့်ကြည့်သွားမှာပါ"</p> <p> </p> <p>ဟု ဝန်ကြီးက ဆက်လက်ပြောကြားသည်။</p> <p> </p> <p>​ဝန်ကြီး၏ စကားများသည် သတင်းမီဒီယာများအတွက် တရားဝင်ပြောကြားချက်များ ဖြစ်သော်လည်း သာမန်ပြည်သူများအတွက်မူ လုံထိန်အုပ်စုအတွက် အကြီးမားဆုံးသော အသိအမှတ်ပြုမှုပင် ဖြစ်သည်။</p> <p> </p> <p>ထို့နောက် လုံထန်အုပ်စု၏ အမှုဆောင်အရာရှိချုပ်ကျန်းဖန်က ရှေ့ထွက်ကာ အစိုးရနှင့် ပူးပေါင်းဆောင်ရွက်မည့် သဘောတူညီချက်များကို ကြေညာခဲ့သလို၊ ပြည်သူ့လုံခြုံရေးဝန်ကြီးဌာနသို့ သီးသန့်ထုတ်လုပ်ပေးရန် ဘေဂျင်းတွင် စက်မှုဇုန်တစ်ခု တည်ထောင်သွားမည့်အကြောင်းကိုလည်း ထည့်သွင်းပြောကြားခဲ့သည်။</p> <p> </p> <p>​ထိုနေ့မွန်းလွဲပိုင်းတွင် သတင်းများမှာ အင်တာနက်စာမျက်နှာများပေါ်၌ ထိပ်ဆုံးသို့ ရောက်ရှိသွားပြီး လုံထန်အုပ်စုကို မသိသေးသူများပင် နီဗားနားအိတ်အကြောင်း သိသွားကြကာ ဒုတိယအကြိမ်မြောက် ဝယ်ယူမှုလှိုင်းလုံးကြီးတစ်ခုပင် ဖြစ်ပေါ်လာခဲ့သည်။</p> <p> </p> <p>​ရှန်ကျန့်မြို့၊ လုံထန်အဆောက်အအုံ၏ အပေါ်ဆုံးထပ်၊ ဥက္ကဋ္ဌရုံးခန်း။</p> <p> </p> <p>​"ဘာလဲ... စစ်တပ်ကလူတွေက အခုထိ လက်မလျှော့သေးဘူးလား"</p> <p> </p> <p>​လွန်ခဲ့သော ရက်အနည်းငယ်က လင်းဖန်သည် စစ်ဘက်ဆိုင်ရာ ထောက်ပံ့ပို့ဆောင်ရေးဌာန၏ ဝယ်ယူရေးလမ်းကြောင်းကို သူ၏အာဏာဖြင့် ပိတ်ပင်ခဲ့သည်။ သို့သော် အခြားသော ဌာနချုပ်များကမူ နီဗားနားအိတ်ကို ဝယ်ယူခဲ့ကြသည်။ အထူးသဖြင့် ရှေ့တန်းတပ်ဖွဲ့များထံမှ ပေးပို့သော အစီရင်ခံစာများအရ ဤဖုန်း၏ လုံခြုံရေးစနစ်မှာ အဆင့်မြင့်လွန်းလှသဖြင့် စစ်တပ်အကြီးအကဲများကြားတွင် ဈေးနှုန်းကြောင့် ဝယ်ယူရန် ငြင်းဆန်နေသည့် ထောက်ပံ့ရေးဌာနကို ကဲ့ရဲ့ပြစ်တင်မှုများ ထွက်ပေါ်နေခဲ့သည်။</p> <p> </p> <p>​"သူဌေး... ထောက်ပံ့ရေးဌာနကလူတွေကတော့ ပြန်သွားကြပါပြီ ဒါပေမဲ့ စစ်တပ်က အကြောင်းကြားလာတာကတော့ အပြည့်အဝ ပူးပေါင်းဆောင်ရွက်ရေး ကိုယ်စားလှယ်အဖွဲ့ဟာ ဒီနေ့ ညနေ ၄ နာရီမှာ ရှန်ကျန့်လေဆိပ်ကို အရောက်လာမယ်လို့ ဆိုပါတယ်"</p> <p> </p> <p>ဟု CEO ကျန်းဖန်က လေးစားစွာ တင်ပြသည်။</p> <p> </p> <p>​"မြန်လှချည်လား သူတို့ဘက်က ဒီပူးပေါင်းဆောင်ရွက်မှုရဲ့ အဓိက ရည်ရွယ်ချက်က ဘာလဲဆိုတာ ကြိုပြောလား"</p> <p> </p> <p>လင်းဖန်က မျက်မှောင်ကြုတ်ကာ မေးလိုက်သည်။</p> <p> </p> <p>​"သူတို့ပေးတဲ့ သတင်းအရဆိုရင်တော့ တန်ရွမ်စနစ်ကို စစ်ဘက်ဆိုင်ရာ အဆင့်မြင့် ကွန်ပျူတာ OS တစ်ခုအဖြစ် ပြောင်းလဲချင်ပုံရပါတယ် အဲဒီအတွက် ကျွန်တော်တို့ဆီက ပညာရှင်တွေရဲ့ အကူအညီကို လိုချင်နေတာပါ"</p> <p> </p> <p>ဟု ကျန်းဖုန်းက ပြန်ဖြေသည်။</p> <p> </p> <p>​"အစီအစဉ်က တော်တော်ကြီးတာပဲ"</p> <p> </p> <p>လင်းဖန်က ပြုံးလိုက်မိသည်။ နည်းပညာရှင်တစ်ယောက်အနေဖြင့် ဤအစီအစဉ်၏ အရေးပါပုံနှင့် ခက်ခဲပုံကို သူကောင်းကောင်းနားလည်သည်။</p> <p> </p> <p>​"ဒီလိုလုပ်... လေဆိပ်ကို လူလွှတ်ပြီး သူတို့ကို ကြိုလိုက်ပါ ပြီးရင် တည်းခိုဖို့ စီစဉ်ပေးလိုက် ဘယ်လိုပူးပေါင်းမလဲဆိုတာကတော့ သူတို့ရဲ့ သဘောထားအပေါ်မှာပဲ မူတည်မယ်"</p> <p> </p> <p>​လင်းဖန်၏ စကားကြောင့် ကျန်းဖုန်းမှာ အနည်းငယ် ဝေခွဲမရဖြစ်သွားသည်။</p> <p> </p> <p>"သူဌေး... ဘာကို ဆိုလိုတာလဲ"</p> <p> </p> <p>​"ဟားဟား တစ်ဖက်ကနေ ကျုပ်တို့ရဲ့ တန်ရွမ်စနစ်ကို အဆင့်မြှင့်တင်ဖို့ ရန်ပုံငွေတွေ အလကားပေးမယ့်အပြင် လူအင်အားပါ ထုတ်ပေးမယ်ဆိုတာ ဘယ်လောက်တန်တဲ့ အလုပ်လဲ မစဉ်းစားမိဘူးလား"</p> <p> </p> <p>လင်းဖန်က လှိုက်လှိုက်လှဲလှဲ ပြုံးရင်း ပြောလိုက်သည်။</p> <p> </p> <p>​ကျန်းဖန်တစ်ယောက် နောက်ဆုံးတော့ သဘောပေါက်သွားတော့သည်။ ဥက္ကဋ္ဌဖြစ်သူသည် စစ်တပ်၏ သုတေသနအဖွဲ့ကို အသုံးချကာ လုံထန်အုပ်စု၏ နောက်ထပ် မဟာဗျူဟာမြောက် ရည်မှန်းချက်များအတွက် အဆင့်မြှင့်တင်မှုများ ပြုလုပ်ရန် ကြံစည်နေခြင်းပင် ဖြစ်တော့သည်။</p> <p> </p> <p>***</p> <p> </p>


Save