Book List

<h2 style="text-align: center;">အပိုင်း ၁၁၇</h2> <h2 style="text-align: center;">မြေခွေးအိုကြီးများရဲ့ အကြံအစည်</h2> <h2 style="text-align: center;">*</h2> <p> </p> <p> </p> <p> </p> <p>၂၀၁၈ ခုနှစ်၊ ဒီဇင်ဘာလ ၃၁ ရက်နေ့တွင် ထုတ်ပြန်ခဲ့သော ကမ္ဘာ့အကြီးဆုံး အင်တာနက်ကုမ္ပဏီ ၃၀ စာရင်းတွင် Amazon က ဈေးကွက်တန်ဖိုး အမေရိကန်ဒေါ်လာ ၇၃၄ ဘီလီယံကျော်ဖြင့် ထိပ်ဆုံးမှ ဦးဆောင်နေပြီး Google က ဒုတိယနေရာတွင် ရှိနေသည်။</p> <p> </p> <p>​တရုတ်အင်တာနက်လောက၏ အားအကောင်းဆုံး ဘီလူးကြီးဖြစ်သော ပင်ဂွင်း (Penguin/Tencent) သည် ဈေးကွက်တန်ဖိုး ဒေါ်လာ ၃၈၁ ဘီလီယံကျော်ဖြင့် တတိယနေရာတွင် ရပ်တည်နေသည်။ အလီဘာဘာအုပ်စု၏ တောင်ပေါင် (Taobao) နှင့် ဘောင်ပေါင် (Baobao) တို့ပင်လျှင် ပင်ဂွင်း၏ ပြင်းထန်သော အရှိန်အဟုန်ကို မတားဆီးနိုင်ကြပေ။</p> <p> </p> <p>​"ဟားဟား ဟုတ်တာပေါ့... ငါတို့ကြားမှာ အချမ်းသာဆုံး ပုဂ္ဂိုလ်ကြီး ရှိနေတာပဲ၊ သူက ဧည့်မခံရင်တော့ မတရားရာ ကျလိမ့်မယ်"</p> <p> </p> <p>ဟု လျူယွီတုန်က ရယ်မောရင်း မာဟွာထန်ကို စိုက်ကြည့်ကာ ပြောလိုက်သည်။</p> <p> </p> <p>​"ဟင်း... ခင်ဗျားတို့လို သူငယ်ချင်းမျိုး ရထားတာ တကယ်ပဲ ကံဆိုးတာပဲ"</p> <p> </p> <p>မာဟွာထန်က မျက်လုံးလှန်ကာ</p> <p> </p> <p>- "ဒါဆိုလည်း ငါတို့ 'ပင်ဂွင်း ထမင်းချက်ဆောင်' မှာပဲ စားကြတာပေါ့"</p> <p> </p> <p>ဟု နောက်ပြောင်လိုက်သည်။</p> <p> </p> <p>​ပင်ဂွင်းထမင်းချက်ဆောင်...</p> <p> </p> <p>လျူယွီတုန်မှာ ကြောင်သွားသည်။ ထိုစဉ် လင်းဖန်က ပြုံးရင်း ဝင်ပြောလိုက်သည်။</p> <p> </p> <p>- "ပင်ဂွင်းထမင်းချက်ဆောင်က နောက်မှပဲ သွားတော့ဗျာ ကျွန်တော် 'ပိန္နဲပွင့်ကလပ်'မှာ စားပွဲကြိုတင်မှာထားပြီးပြီ ပင်ဂွင်းဥက္ကဋ္ဌ မစ္စတာမာ လာမှာမို့လို့ သီးသန့်ခန်းတစ်ခု ပေးပါလို့လည်း ပြောထားတယ်"</p> <p> </p> <p>​"မင်းကတော့ တကယ့်လူပဲ"</p> <p> </p> <p>မာဟွာထန်က သက်ပြင်းတစ်ချက်ချရင်း လင်းဖန်ကို လက်မထောင်ပြလိုက်ရတော့သည်။ ရှန်ကျန့်မြို့တွင် ပင်ဂွင်းဥက္ကဋ္ဌ၏ နာမည်က အတော်လေး ကျော်ကြားသည်မဟုတ်ပါလား။</p> <p> </p> <p>'ပိန္နဲပွင့်ကလပ်' ဆိုသည်မှာလည်း ရှန်ကျန့်ရှိ အဆင့်မြင့်ဆုံး စားသောက်ဆိုင်ကြီး ဖြစ်သဖြင့် ဥက္ကဋ္ဌမာ လာမည်ဆိုကာမှ သီးသန့်ခန်းမပေးလျှင် လူရယ်စရာ ဖြစ်ပေလိမ့်မည်။</p> <p> </p> <p>​"ဟားဟားဟား" မာဟွာထန်၏ ငိုအားထက်ရယ်အားသန် မျက်နှာပေးကိုကြည့်ကာ လျူယွီတုန်မှာ အားရပါးရ ရယ်မောတော့သည်။ အာရှ၏ အင်အားကြီးကုမ္ပဏီတစ်ခု၏ CEO ဖြစ်သူမှာ လင်းဖန်၏ လက်ချက်ဖြင့် အကြံအိုက်နေရသည်မှာ တကယ်ပင် ရယ်စရာကောင်းလှသည်။</p> <p>​သို့သော် ရယ်စရာများကို ခေတ္တဘေးဖယ်ကာ မာဟွာထန်က အလေးအနက် ပြောလာသည်။</p> <p> </p> <p>"လွန်ခဲ့တဲ့ နှစ်ရက်ကပဲ ငါတို့အဖွဲ့က လုံထန်ရဲ့ အရောင်းသတင်းအစီရင်ခံစာကို လုပ်နေတာ ဒီနေ့တော့ မင်းကိုယ်တိုင် ငါ့ဆီ ရောက်လာလိမ့်မယ်လို့ မထင်ထားဘူး"</p> <p> </p> <p>​"တကယ်တော့ ပင်ဂွင်းအုပ်စုအနေနဲ့ လုံထန်နဲ့ ပူးပေါင်းဆောင်ရွက်မှုကို ပိုပြီး တိုးမြှင့်ချင်တာပါ လင်းညီလေးဘက်က ခေါင်းငြိမ့်ပေးဖို့ ငါ တောင်းဆိုချင်တယ်"</p> <p> </p> <p>​"ပင်ဂွင်းက နိုင်ငံတကာကို ခြေဆန့်ချင်တာလား"</p> <p> </p> <p>စီးပွားရေးအမြင် ထက်မြက်သော လျိုအယ်တုန်းက ချက်ချင်းပင် ရိပ်မိသွားပြီး လွှတ်ခနဲ မေးလိုက်သည်။</p> <p> </p> <p>​မာဟွာထန်က အံ့သြသွားပြီး</p> <p> </p> <p>- "လျူအစ်ကို... ခင်ဗျားတို့ဆီမှာ သတင်းစုဆောင်းရေးဌာနက ဒီလောက်တောင် အားကောင်းနေပြီလား ဒါမျိုးကိုတောင် သိနေတယ်ပေါ့"</p> <p> </p> <p>​"မဟုတ်ပါဘူး၊ ငါခန့်မှန်းတာ မဟုတ်ပါဘူး"</p> <p> </p> <p>လျူယွီတုန်က ခေါင်းခါရင်း ပြုံးလိုက်သည်။ -</p> <p> </p> <p>"တကယ်တော့ ငါတို့ ကျင်းတုန်ကလည်း အဲဒီ နိုင်ငံတကာခြေဆန့်ဖို့ကိစ္စအတွက်ပဲ လင်းဖန်ဆီ လာခဲ့တာလေ"</p> <p> </p> <p>​မာဟွာထန်နှင့် လျူယွီတုန်တို့ တစ်ဦးကိုတစ်ဦး ကြည့်ကာ ဆွံ့အသွားကြသည်။ စီးပွားရေးလောက၏ ထိပ်သီးများပီပီ လုံထန်အုပ်စု၏ Nirvana Xအောင်မြင်မှုကို အခွင့်ကောင်းယူကာ အဆင့်မြင့်ရန် ကြိုးစားနေကြသည်မှာ တူညီနေသည်။ အစောပိုင်းက ဟောင်ကောင်ဈေးကွက်ထဲ ဝင်ရန်မှာ ဒေသခံကုမ္ပဏီများ၏ အတားအဆီးများကြောင့် ခက်ခဲခဲ့သော်လည်း ယခု နီဗားနားအိတ်၏ လွှမ်းမိုးမှုမှာ ထိုအခက်အခဲများကို ကျော်လွှားနိုင်မည့် တစ်သက်မှာတစ်ခါ ကြုံရခဲသော အခွင့်အရေးပင် ဖြစ်သည်။</p> <p> </p> <p>​"ကြည့်ရတာ ဒီနေ့စားမယ့် ထမင်းက သိပ်တော့ အဆင်ပြေမှာမဟုတ်ဘူး"</p> <p> </p> <p>လင်းဖန်က ပခုံးတွန့်ရင်း</p> <p> </p> <p>- "လူကြီးမင်း နှစ်ယောက်စလုံးက ကျွန်တော့်ရဲ့ လုံထန်ကို အသုံးချချင်နေကြတာပဲ ကြိုပြောထားမယ်နော်... အကျိုးဆောင်ခမပေးရင်တော့ မရဘူး"</p> <p> </p> <p>ဟု ပြတ်ပြတ်သားသား ပြောလိုက်သည်။</p> <p>​ထိုစကားကြောင့် အားလုံးပင် တဟားဟား ရယ်မောလိုက်ကြသည်။ ဤတွေ့ဆုံမှုသည် ရိုးရိုးရှင်းရှင်းမဟုတ်ဘဲ ကြိုတင်စီစဉ်ထားသော စီးပွားရေးအကွက်တစ်ခု ဖြစ်သည်ကို အားလုံးက သိနေကြသည်။ လုံထန်အုပ်စု၏ ဖုန်းများတွင် မိမိတို့၏ App များကို ထည့်သွင်းပေးနိုင်လျှင် ကမ္ဘာ့ဈေးကွက်သို့ အလွယ်တကူ ခြေဆန့်နိုင်မည် ဖြစ်သည်။</p> <p> </p> <p>​"ခင်ဗျားတို့ရဲ့ အခြေအနေကို ကျွန်တော် နားလည်ပါတယ် ဒါပေမဲ့ ဒီနေ့ကတော့ စကားပြောဖို့ အချိန်ကောင်း မဟုတ်သေးဘူး"</p> <p> </p> <p>လင်းဖန်က ဆက်ပြောသည်။</p> <p> </p> <p>"ဒီလိုလုပ်ရအောင်... မနက်ဖြန် မနက် ၉ နာရီကျရင် လုံထန်အဆောက်အအုံရဲ့ အစည်းအဝေးခန်းမှာ တွေ့ကြတာပေါ့ အခုတော့ ဗိုက်ဆာနေပြီဆိုတော့ ထမင်းသွားစားကြရအောင်"</p> <p> </p> <p>​လူသုံးယောက်စလုံး လင်းဖန်၏ Rolls-Royce Silver Phantom ကားကြီးပေါ်သို့ တက်လိုက်ကြပြီး 'ပိန္နဲပွင့်ကလပ်' သို့ ဦးတည်မောင်းနှင်ခဲ့ကြသည်။</p> <p> </p> <p>​"ဟေး... လင်းညီလေး၊ မင်းရဲ့ကားက အနည်းဆုံး ယွမ် သန်း ၁၀၀ ကျော်လောက် တန်မယ်ထင်တယ်နော်"</p> <p> </p> <p>ကားအတွင်းခန်းကို သေချာကြည့်ပြီး မာဟွာထန်က အံ့သြတကြီး မေးလိုက်သည်။</p> <p> </p> <p>​လင်းဖန်က ထိုကားသည် သူ၏ ဂိုဒေါင်ထဲတွင် အဈေးအကြီးဆုံးကားဖြစ်ပြီး ယခုအခါ Rolls-Royce က ထုတ်လုပ်မှု ရပ်ဆိုင်းထားသဖြင့် သီးသန့်မှာယူလျှင် အလွန်ဈေးကြီးကြောင်း ခပ်အေးအေးပင် ပြန်ပြောပြသည်။</p> <p> </p> <p>​"ဘုရားရေ... ဒါကတော့ ရူးချင်စရာပဲ"</p> <p> </p> <p>​မာဟွာထန်နှင့် လျူယွီတုန်တို့ နှစ်ယောက်စလုံး ဆွံ့အသွားကြသည်။ ယွမ် သန်း ၆၀၀ (ဒေါ်လာ သန်း ၁၀၀ ခန့်) ဆိုသည်မှာ တရုတ်ပြည်၏ အချမ်းသာဆုံးပုဂ္ဂိုလ် ဝမ်ကျန့်လင်း၏ ကိုယ်ပိုင်လေယာဉ် G550 ထက်ပင် နှစ်ဆခန့် ပိုဈေးကြီးနေသည်မဟုတ်ပါလား။ ကားတစ်စီးထဲနှင့် လေယာဉ်နှစ်စင်း ဝယ်၍ ရနေပြီ ဖြစ်သည်။</p> <p> </p> <p>***</p> <p> </p>


Save