Book List

<h2 style="text-align: center;">အပိုင်း ၁၁၈</h2> <h2 style="text-align: center;">နောက်ထပ် အော်ဒါအသစ်များ</h2> <h2 style="text-align: center;">*</h2> <p> </p> <p> </p> <p> </p> <p> </p> <p>လျူယွီတုန်နှင့် မာဟွာထန်တို့ Rolls-Royce Silver Phantom ကားကြီးကို ကြည့်ပြီး အံ့ဩနေစဉ်မှာပင် လင်းဖန်ထံသို့ ဖုန်းတစ်ကောဝင်လာသည်။</p> <p> </p> <p>"ဟယ်လို"</p> <p> </p> <p>​"သူဌေး... ကျွန်တော် ကျန်းဖန်ပါ China Mobile နဲ့ ဆွေးနွေးပွဲ ပြီးသွားပါပြီ သူတို့က ကျွန်တော်တို့ရဲ့ တောင်းဆိုချက်အားလုံးကို သဘောတူပြီး အလုံးရေ သန်း ၅၀ အတွက် အော်ဒါစာချုပ်ကို ဆန္ဒအလျောက် လက်မှတ်ထိုးလိုက်ပါပြီ"</p> <p> </p> <p>ဟု ဖုန်းတစ်ဖက်မှ ကျန်းဖန်က ဝမ်းသာအားရ အစီရင်ခံသည်။</p> <p> </p> <p>​ယခုအခါ China Mobile မှ သန်း ၅၀၊ ပြည်သူ့လုံခြုံရေးဝန်ကြီးဌာနမှ ၃ သန်းနှင့် စစ်တပ်မှ ၂ သန်း... ဤအော်ဒါများတင် စုစုပေါင်း ၅၅ သန်း ရှိနေပြီဖြစ်သည်။ နီဗားနားအိတ်၏ ဒုတိယအကြိမ်မြောက် အရောင်းလှိုင်းလုံးကြီး ရောက်ရှိလာတော့မည်မှာ အသေအချာပင်။</p> <p> </p> <p>​"ကောင်းပြီ... ကျုပ်သိပြီ"</p> <p> </p> <p>လင်းဖန်က တည်ငြိမ်စွာပင် ပြန်ဖြေလိုက်သည်။</p> <p>​သို့သော် ကျန်းဖန်က ဖုန်းထဲတွင် ချက်ချင်းဖြေရှင်းရမည့် ပြဿနာတစ်ခုကို တင်ပြလာသည်၊ ၎င်းမှာ 'ထုတ်လုပ်မှုစွမ်းအား' ပင် ဖြစ်သည်။</p> <p> </p> <p>လက်ရှိ ရှန်ကျန့်စက်မှုဇုန်သည် ပြည်တွင်းအရောင်းဆိုင်များအတွက်ပင် အချိန်ပြည့် လည်ပတ်နေရသည်ဖြစ်ရာ China Mobile ၏ အော်ဒါအသစ်ကိုပါ ဖြည့်ဆည်းပေးရန်မှာ မလွယ်ကူလှပေ။ အကယ်၍ ကိုယ်ပိုင်အရောင်းဆိုင်များကို လျှော့ချပြီး China Mobile ကို ဦးစားပေးလျှင်လည်း စားသုံးသူများ၏ မကျေနပ်မှုကို ကြုံရနိုင်ခြေ ရှိနေသည်။</p> <p> </p> <p>​"လင်းညီလေး... အခုအခြေအနေအရဆိုရင် ထုတ်လုပ်မှုလိုင်းအသစ်တွေ ထပ်တိုးတာ ဒါမှမဟုတ် စက်ရုံအသစ်တစ်ခု ထပ်ဖွင့်မှပဲ ရတော့မယ်"</p> <p> </p> <p>ဟု ဘေးမှကြားနေရသော မာဟွာထန်က အကြံပြုသည်။</p> <p> </p> <p>​"ဟုတ်တယ်"</p> <p> </p> <p>လျူယွီတုန်ကလည်း</p> <p> </p> <p>- "'ဖုန်းတွေ ပြတ်လပ်သွားရင် သုံးစွဲသူတွေက လုံထန်ကို သံသယဝင်လာလိမ့်မယ် အခု ဝယ်မယ့်သူတွေက အသစ်တွေဆိုတော့ လုံထန်အပေါ် ယုံကြည်မှုက အခိုင်အမာ မရှိသေးဘူး"</p> <p> </p> <p>ဟု ထောက်ပြသည်။</p> <p>​လင်းဖန်က မျက်မှောင်ကြုတ်ရင်း ရယ်မောကာ ညည်းတွားလိုက်သည်။</p> <p> </p> <p>- "ဒီကောင်တွေကတော့ တကယ်ပဲဗျာ ပြီးခဲ့တဲ့လကမှ အလုပ်ရုံ ၄ ခု ထပ်တိုးထားတာ၊ ရက်ပိုင်းကလည်း ပေကျင်းစက်မှုဇုန်ကို ဆောက်လိုက်ရသေးတယ် စစ်တပ်နဲ့ ရဲဌာနကို အနိုင်နိုင် ဖြည့်ဆည်းပေးနေရတုန်းရှိသေး..."</p> <p> </p> <p>​"အခု နောက်ထပ် အော်ဒါကြီးက ရောက်လာပြန်ပြီ ကျွန်တော်ဖြင့် အလုပ်များလွန်းလို့ ခြေဖျားတောင် မြေမထိတော့ဘူး၊ တကယ်ကို မောလှပြီဗျာ"</p> <p> </p> <p>​သူ့စကားကြောင့် မာဟွာထန်နှင့် လျူယွီတုန်တို့ မျက်နှာပျက်သွားကြသည်။ ဒီကောင်... ဒါက ညည်းတာလား၊ ကြွားတာလား..။</p> <p> </p> <p>စီးပွားရေးသမားတိုင်းက အလုပ်များချင်ကြတာပဲကို၊ သူကတော့ အလုပ်တွေ အရမ်းများလွန်းလို့ စိတ်ညစ်နေရတယ်တဲ့လား။</p> <p> </p> <p>​"ငွေကြေးအခက်အခဲရှိရင် ငါ့ဆီက ချေးမလား"</p> <p> </p> <p>ဟု လျူယွီတုန်က မေးရာ မာဟွာထန်ကလည်း</p> <p> </p> <p>"မလောက်ရင် ငါ့ဆီမှာလည်း ဘီလီယံချီ ရှိသေးတယ်"</p> <p> </p> <p>ဟု ဝိုင်းပြောကြသည်။ သူတို့က လင်းဖန်ကို အရှိန်အဟုန်နဲ့ ချဲ့ထွင်နေရလို့ ငွေလိုနေသည်ဟု ထင်နေကြခြင်း ဖြစ်သည်။</p> <p> </p> <p>​"ငွေမရှိတာမဟုတ်ဘူးဗျ... လူမရှိတာ"</p> <p> </p> <p>လင်းဖန်က ခေါင်းခါရင်း ပြုံးလိုက်သည်။</p> <p>​အမှန်တကယ်တော့ သူ့လက်ထဲတွင် အသုံးမပြုရသေးသော ငွေကြေး ယွမ် ၃၀၀ ဘီလီယံကျော် ရှိနေသေးသည်။ ငွေက ပြဿနာမဟုတ်သလို စက်ကိရိယာတွေကလည်း ပြဿနာမဟုတ်၊ သို့သော် ကျွမ်းကျင်လုပ်သား ထောင်နှင့်ချီကို ချက်ချင်းရှာဖို့ဆိုသည်မှာ ခေါင်းခဲစရာ ကိစ္စပင်။</p> <p> </p> <p>​"အာ..."</p> <p> </p> <p>လျူယွီတုန်နှင့် မာဟွာထန်တို့ တစ်ဦးကိုတစ်ဦး ကြည့်ကာ ဆွံ့အသွားကြသည်။</p> <p> </p> <p>​"ကဲ... အစ်ကိုတို့ရေ၊ ကျွန်တော့်ကိစ္စတွေ ခဏထားလိုက်ပါဦး ဒီနေ့တော့ ဒီမြင်းအိုကြီးကို ဘယ်လိုနှိုက်စားရမလဲပဲ စဉ်းစားကြရအောင်"</p> <p> </p> <p>လင်းဖန်က ရွှင်ရွှင်လန်းလန်း ပြောလိုက်ရာ အားလုံးပင် တဟားဟား ရယ်မောမိကြတော့သည်။</p> <p> </p> <p>​ခေတ္တမျှအကြာတွင်...</p> <p> </p> <p>​"ဒီနေရာက ပတ်ဝန်းကျင် တကယ်ကောင်းတာပဲ"</p> <p> </p> <p>​ရှေ့မှ ထူးခြားလှပသော 'ပိန္နဲပွင့်ကလပ်'အဆောက်အအုံကြီးကို ကြည့်ကာ လျူယွီတုန်က ချီးကျူးလိုက်သည်။ လူသုံးယောက်စလုံး သီးသန့်ခန်းထဲသို့ ဝင်ကာ ထမင်းလက်ဆုံ စားသောက်ကြသည်။ ချောက်ရှန်းဟင်းလျာများနှင့် ကန်တုံဟင်းလျာများကို အရသာရှိရှိ သုံးဆောင်ရင်း စီးပွားရေးအကြောင်းများလည်း ဆွေးနွေးခဲ့ကြသည်။</p> <p> </p> <p>​မွန်းလွဲ ၁ နာရီခွဲတွင် လင်းဖန်သည် လျူယွီတုန်နှင့် မာဟွာထန်တို့ကို ပင်ဂွင်းအဆောက်အအုံသို့ ပြန်ပို့ပေးခဲ့ပြီး သူကိုယ်တိုင်မှာမူ လုံထန်အဆောက်အအုံသို့ ပြန်လာခဲ့သည်။</p> <p> </p> <p>​လျူယွီတုန်နှင့် မာဟွာထန်တို့ ဆွေးနွေးစရာရှိသည်မှာလည်း အရေးကြီးလှသည်။ ကျင်းတုန်သည် လုံထန်နှင့်သာမက ပင်ဂွင်း (Penguin) နှင့်လည်း ဆက်ဆံရေး ပိုမိုခိုင်မာအောင် လုပ်လိုသည်။ အကြောင်းမှာ ပင်ဂွင်းအုပ်စုသည် ကျင်းတုန်၏ ဒုတိယအကြီးဆုံး ရှယ်ယာရှင် ဖြစ်သောကြောင့်ပင်။</p> <p> </p> <p>​ကျင်းတုန်သည် တရုတ်ပြည်၏ အကြီးဆုံး ကိုယ်ပိုင်အရောင်း (B2C) အီးကောမတ်စ် လုပ်ငန်းစုကြီးဖြစ်ပြီး၊ ပင်ဂွင်းမှာမူ လူမှုကွန်ရက်နှင့် ဂိမ်းလောက၏ ဘုရင်ဖြစ်သည်။ ၎င်းတို့နှစ်ခုမှာ လုပ်ငန်းနယ်ပယ် မတူညီကြသဖြင့် အကျိုးစီးပွား ပဋိပက္ခမရှိဘဲ သဘာဝအတိုင်း မဟာမိတ်များ ဖြစ်လာကြခြင်းပင် ဖြစ်တော့သည်။</p> <p> </p> <p>***</p> <p> </p>


Save