Book List

<h2 style="text-align: center;">အခန်း ၃၁၉</h2> <h2 style="text-align: center;">ဒီကောင် ..ခွေးရူးကိုက်ခံရတာများလား</h2> <h2 style="text-align: center;">*</h2> <p> </p> <p> </p> <p> </p> <p>ခန်းမထဲရှိ မိစ္ဆာများသည် ကျိယွမ်ကို  ထူးဆန်းလှချည်လားဟူသော အမူအရာများဖြင့် ကြည့်နေကြသည်။</p> <p> </p> <p>ထိုလူသား၏ စကားများသည် လုံးဝအဓိပ္ပာယ်မရှိဘဲ ရူးကြောင်ကြောင်နိုင်လွန်းသည်ဟု ထင်ရ၏။</p> <p> </p> <p> </p> <p>ဆိတ်အိုကြီးက အခန်းထောင့်နားတွင် လျှာတစ်လစ်ထုတ်နေသော ခွေးမိစ္ဆာတစ်ကောင်ကို လှမ်းကြည့်ကာ မေးလိုက်သည်။</p> <p> </p> <p> “မင်း သူ့ကို ကိုက်လိုက်လို့များ  ရူးသွားတာလား”</p> <p> </p> <p>သူတို့နားမလည်နိုင်အောင် လျှို့ဝှက်ဆန်းကြယ်သည့် မင်္ဂလာဆောင်ဝတ်စုံမိစ္ဆာမသာ မရှိလျှင် ဆိတ်အိုကြီးသည် ကျိယွမ်ကို တိုက်ခိုက်ပြီး  အသားခြောက်အဖြစ် ပြုလုပ်ပြီးသည်မှာ ကြာပြီဖြစ်၏။</p> <p> </p> <p> </p> <p>“ကျွန်တော့်ကို ဘာလို့ အဲဒီလို စွပ်စွဲတာလဲ”</p> <p> </p> <p> </p> <p>ခွေးမိစ္ဆာက ကမန်းကတန်းခေါင်းခါကာ ကျိယွမ်ရူးကြောင်ကြောင်ဖြစ်နေခြင်းက သူ့အပြစ်မဟုတ်ကြောင်း ငြင်းလေသည်။</p> <p> </p> <p>ဒီကောင်က ငါမကိုက်ခင်ကတည်းက ရူးနေတာ အသိသာကြီးကို ။</p> <p> </p> <p> </p> <p>ကျိယွမ်ကလည်း ခေါင်းညိတ်၏။</p> <p> </p> <p> “ဒီခွေးလေး ပြောတာ အချက်ကျတယ်၊ကျွန်တော် ထောက်ခံတယ် ၊ ဒီအရွယ်ထိ ဘယ်ခွေးမှ  အကိုက်မခံရဖူးဘူး”</p> <p> </p> <p> </p> <p>သူက အရူးလက်မှတ်ရှိသော်လည်း အရူးမဟုတ်ကြောင်း အားလုံးအသိပင်။ ဆိတ်အိုကြီးကသာ ဆိတ်ရူးနာ ထနေပြီး သူ့ကို အကြောင်းမဲ့ စွပ်စွဲနေခြင်း ဖြစ်၏။</p> <p> </p> <p> </p> <p> </p> <p>ဒေါသထွက်နေသော အကြီးအကဲဟွမ်သည်  ကျိယွမ်ကို  လေးနက်စွာကြည့်လိုက်ပြီးနောက် နောက်ဆုံးတွင်  ငြိမ်ငြိမ်လေးထိုင်နေသော ​သတို့သမီးလေးအပေါ်သို့ အကြည့်ရောက်သွားသည်။</p> <p> </p> <p> </p> <p>သူ၏အမြင်တွင် သတို့သမီးလေးသည် အစွမ်းထက်သောလျှို့ဝှက်မိစ္ဆာဖြစ်ပြီး ကျိယွမ်မှာမူ သူမ၏ ရုပ်သေးရုပ်မျှသာ ဖြစ်သည်။ အကယ်၍  ကျိယွမ်က ကိစ္စတစ်ခုခု အရေးဆိုလာလျှင် ၎င်းသည် မင်္ဂလာဆောင်ဝတ်စုံမိစ္ဆာမ၏ သဘောထားကို ကိုယ်စားပြုပေလိမ့်မည်။</p> <p> </p> <p> သူမသည်လည်း ဝိညာဉ်သွေးသားတော်ကို မျက်စိကျနေပုံရ၏။</p> <p> </p> <p>ကျိယွမ်ကိုတော့  အကြီးအကဲဟွမ်က လုံးဝ ဂရုမစိုက်ပေ။ သူသည် အားနည်းသော လူသားတစ်ဦးသာ ဖြစ်သည်။</p> <p> </p> <p>အတန်ကြာစဥ်းစားပြီးနောက် သူဆုံးဖြတ်လိုက်သည်။</p> <p> </p> <p> </p> <p>“ဒီကိစ္စကတော့… ခေါင်းဆောင်ကွန်နဲ့ တွေ့ပြီး ဆွေးနွေးရလိမ့်မယ် ထင်တယ်”</p> <p> </p> <p> </p> <p> အကြီးအကဲဟွမ်က  ကြမ်းတမ်းစွာပြောကာ ကိစ္စကို  ခေါင်ဆောင်ကွန်ထံ လွှဲချလိုက်၏။</p> <p> </p> <p> </p> <p>ခေါင်ဆောင်ကွန်လား။</p> <p> </p> <p>ကျိယွမ်၏ စိတ်က လှုပ်ရှားလာသည်။</p> <p> </p> <p> </p> <p>အစားထိုးမျှော်လင့်ခြင်းလမင်း အကြီးစားကြီးပေါ့ ။</p> <p> </p> <p>"ခေါင်းဆောင်ကွန်က ဘယ်မှာလဲ”</p> <p> </p> <p>ကျိယွမ်သည် သူ့ကို အမှန်တကယ် တွေ့ချင်နေသည်။</p> <p> </p> <p> </p> <p>သို့သော်  အခုချက်ချင်းတော့ မဟုတ်ပေ။ သူရရှိထားသော သတင်းများအရ ခေါင်းဆောင်ကွန်သည် ကျောက်စိမ်းသွေးအဆင့် မိစ္ဆာဖြစ်ပြီး အခြေတည်ခြင်းအဆင့် ကျင့်ကြံသူနှင့် နှိုင်းယှဉ်နိုင်လေ၏။</p> <p> </p> <p> </p> <p> ကျိယွမ်က  လက်ရှိ၌ ချီသန့်စင်ခြင်း အထွတ်အထိပ်နှင့် ညီမျှသော တိုက်ခိုက်ရေးစွမ်းအားသာ ရှိသေးသည်။ထို့ကြောင့် ထိပ်တိုက်ရင်ဆိုင်လျှင် အကျိုးနည်းသွားနိုင်၏။</p> <p> </p> <p> </p> <p>“ငါတို့က  ခေါင်းဆောင်ကွန်ရဲ့ တည်နေရာကို ဘယ်လိုလုပ် အလွယ်တကူ ထုတ်ပြောမလဲ”</p> <p> </p> <p> </p> <p>အကြီးအကဲဟွမ်က အေးစက်စွာ နှာခေါင်းရှုံ့လိုက်သည်။</p> <p> </p> <p> </p> <p>ခေါင်းဆောင်ကွန်သည် လောလောဆယ်တွင် ဝိညာဉ်သွေးသားတော်နှင့်အတူ ရှိနေပြီး ပုန်းအောင်းနေပြီး အလွယ်တကူ ထွက်လာမည် မဟုတ်ပါ။</p> <p> </p> <p> </p> <p>“ဝိညာဉ်သွေးသားတော်အကြောင်း သတင်းတွေ မပေါက်ကြားစေဖို့အတွက် ဒီနေ့ ဒီမှာရှိတဲ့ မိစ္ဆာအားလုံး အကြောင်းပြချက်မရှိဘဲ ထွက်ခွာခွင့် မရှိဘူး။ မင်းတို့ အားလုံး ငါ့အမိန့်ကို နာခံရမယ်”</p> <p> </p> <p> </p> <p>အကြီးအကဲဟွမ်က မိစ္ဆာများကို ကြည့်ကာ ကြမ်းတမ်းပြီး ဗိုလ်ကျစိုးမိုးသော လေသံဖြင့် အမိန့်ထုတ်လိုက်၏။</p> <p> </p> <p>တစ်ပြိုင်နက်တည်းမှာပင် သွေးစွမ်းအင်အဆင့် အထွတ်အထိပ်၏ ဖိအားများက ခန်းမထဲတွင် ပြန့်နှံ့သွားခဲ့သည်။</p> <p> </p> <p>သူက ပါဝါပြလိုက်ခြင်းပင်။</p> <p> </p> <p> </p> <p>မိစ္ဆာများက တစ်ခုခုပြောချင်သော်လည်း ကိုယ့်ကိုယ်ကိုယ် ထိန်းလိုက်ကြ၏။</p> <p> </p> <p> </p> <p>ထိုအချိန်တွင် ဆိတ်အိုကြီးက အခွင့်အရေးကို အရယူကာ နေရာဝင်ယူသည်။</p> <p> </p> <p> </p> <p>“အားလုံးပဲ ငါတို့ကို အပြစ်မတင်ပါနဲ့။ ဒီကိစ္စက အရမ်း အရေးကြီးတယ်၊ ငါတို့ အားလုံးရဲ့ ဘေးကင်းရေးနဲ့ ဆိုင်တယ်။ သတင်းပေါက်ကြားသွားရင် ဘယ်လိုအပြစ်ပေးမလဲ အားလုံးသိပါတယ် ၊ ငါ့တူ ရန်ဖန်ကိုသာ ကြည့်ကြပါ"</p> <p> </p> <p> </p> <p>သူက စကားကို အဆုံးမသတ်သော်လည်း  မိစ္ဆာများသည် ဆိတ်အိုကြီး ဘာကိုဆိုလိုသည်ကို နားလည်ကြလေသည်။</p> <p> </p> <p>“သတင်းပေါက်ကြားသွားရင် မိစ္ဆာနှိမ်နင်းရေးဌာနက ယွင်ယန်ခရိုင်ကို ရောက်လာရုံတင်မကဘဲ ငါ့ရဲ့ အသုံးမကျတဲ့ ညီတောင် လူသားတွေလက်ထဲမှာ သေခဲ့ရတယ်”</p> <p> </p> <p> </p> <p>အကြီးအကဲဟွမ်၏ ကြမ်းတမ်းသော အသံက ခန်းမထဲတွင် ဟိန်းထွက်သွားပြန်သည်။</p> <p> </p> <p> </p> <p>သူပြောသော ညီမှာ အခြားသူမဟုတ်ပေ ။။စတုတ္ထအကြီးအကဲ ဟွမ်စစ်ဖြစ်၏။</p> <p> </p> <p> </p> <p> </p> <p>“ဟမ့်... ရုံးတော်ကနေ ငါရတဲ့ သတင်းအရ  ကျိအာလို့ခေါ်တဲ့ သားသတ်သမားက မိစ္ဆာနှိမ်နင်းရေးဌာနက လူတစ်ယောက်နဲ့ ပေါင်းပြီး ငါ့ညီကို သေအောင် လုပ်ခဲ့တာတဲ့။ အဲဒီ ခိုးကြောင်ခိုးဝှက် လူသားနဲ့သာ တွေ့ရင် ငါ့လက်ကိုင်တုတ်ကို သူ့ဖင်ထဲ တဆုံးထိုးထည့်လိုက်မယ်”</p> <p> </p> <p> </p> <p>အကြီးအကဲဟွမ်က ရက်စက်စွာ ပြောရင်း လက်ထဲမှအရိုးတုတ်အား ဆောင့်ချလိုက်သည်။</p> <p> </p> <p>သူ၏ညီသည်  ကျိအာကြောင့် သေဆုံးခဲ့ခြင်းဖြစ်ပြီး  ကျိအာသည် မိစ္ဆာနှိမ်နင်းရေးဌာနနှင့် နီးကပ်သော ဆက်ဆံရေးရှိကြောင်း ရုံးတော်က အခိုင်အမာ ပြောထား၏။</p> <p> </p> <p> အချက်အလက်များကို ဆက်စပ်ကြည့်လျှင် သူ၏ညီသည် မိစ္ဆာနှိမ်နင်းရေးဌာနကြောင့် အသတ်ခံရခြင်း ဖြစ်ပြီး ကျိအာက မွှေခဲ့ခြင်းပင်။</p> <p> </p> <p> </p> <p>ထိုစကားကို ကြားသောအခါ ကျိယွမ်သည် ငြိမ်မနေနိုင်တော့ပါ။</p> <p> </p> <p> “အဘိုးကြီး၊ ခင်ဗျားစကားတွေက ရွံစရာကောင်းလိုက်တာ။ ပြီးတော့ ကျိအာလို့ခေါ်တဲ့ အဲဒီသားသတ်သမားက မိစ္ဆာနှိမ်နင်းရေးဌာနနဲ့ ဘယ်တုန်းကမှ မပေါင်းခဲ့ဘူး”</p> <p> </p> <p>“မင်းက ကျိအာကို သိလို့လား”</p> <p> </p> <p> </p> <p>အကြီးအကဲဟွမ်၏ အကြည့်က စူးရှသွားသည်။</p> <p> </p> <p>အကယ်၍ အဝတ်အစားမိစ္ဆာသာ မရှိလျှင် သူ၏ စိတ်ဓာတ်နှင့်ဆိုပါက ကျိယွမ်ကို  စစ်ဆေးရန် ယခုပင် ဖမ်းဆီးပြီးသား ဖြစ်လိမ့်မည်။</p> <p> </p> <p> </p> <p>“ဘာလို့လဲဆိုတော့… တစ်နည်းအားဖြင့် ကျိအာဆိုတာ ကျုပ်ပဲလေ”</p> <p> </p> <p> </p> <p>အမြဲတမ်း ရိုးသားစွာ ပြောဆိုတတ်သောကြောင့်  ကျိယွမ်က ဘယ်သောအခါမှ မုသားမဆိုခဲ့ပေ။</p> <p> </p> <p>သူ ထိုသို့ပြောလိုက်သည်နှင့် လူတိုင်း တုန်လှုပ်သွားကြသည်။</p> <p> </p> <p>“မင်းက ကျိအာလား”</p> <p> </p> <p>အကြီးအကဲဟွမ်၏ မျက်နှာက ဒေါသကြောင့် ချက်ချင်းအရောင်ပြောင်းသွားသည်။</p> <p> </p> <p>ဒီကောင် ရဲတင်းလှချည်လား။</p> <p> </p> <p>ငါ့ညီကိုသေအောင်ကြံစည်ပြီး ငါ့ရှေ့ကို လာဝံ့တယ်ပေါ့ ။</p> <p> </p> <p>သူသည် သတို့သမီးလေးကို ကြည့်လိုက်သော်လည်း နောက်မဆုတ်ဘဲ  တိုက်ခိုက်ရန် ပြင်လိုက်သည်။</p> <p> </p> <p> </p> <p>“ဒါကြောင့် ဒီကိစ္စနဲ့ ပတ်သက်ပြီး ကျွန်တော့်မှာ ပြောပိုင်ခွင့် အရှိဆုံးပဲ။ ကျိအာ က မိစ္ဆာနှိမ်နင်းရေးဌာနနဲ့ ဘယ်တုန်းကမှ မပေါင်းခဲ့ဘူး”</p> <p> </p> <p> </p> <p>ကျိယွမ်က တည်ငြိမ်စွာ ရှင်းပြသည်။</p> <p> </p> <p>“တော်စမ်း...၊ မင်းက ငြင်းနေတုန်းလား။ ရုံးတော်ကလူတွေက ကျိအာဟာ မိစ္ဆာနှိမ်နင်းရေးဌာနက လူတွေနဲ့ အတူရှိနေတယ်လို့ ငါ့ကို ကိုယ်တိုင် ပြောခဲ့တာ။ အဲဒါကို မင်း ဘယ်လို ရှင်းပြမလဲ။ မင်းမှာ မိစ္ဆာမတစ်ကောင် ကျောထောက်နောက်ခံ ရှိနေရုံနဲ့ မင်း ကြိုက်တာလုပ်လို့ရမယ်လို့ မထင်နဲ့။ မိစ္ဆာနှိမ်နင်းရေးဌာနနဲ့ ပေါင်းတာက သစ္စာဖောက်ပဲ၊ သစ္စာဖောက်မှန်သမျှ သေရမယ်”</p> <p> </p> <p> </p> <p>အကြီးအကဲဟွမ်သည်  မင်္ဂလာဆောင်ဝတ်စုံမိစ္ဆာမက ကာကွယ်ထားလျှင်ပင် သူ့ကို နှိမ်နင်းရန် ဆုံးဖြတ်ထားပြီဖြစ်သည်။</p> <p> </p> <p> </p> <p>“ရုံးတော်ကလူတွေက ကျွန်တော့်ထက် ပိုသိမှာလား။ ကျွန်တော် မိစ္ဆာနှိမ်နင်းရေးဌာနနဲ့ ဘယ်တုန်းကမှ မပေါင်းခဲ့ဘူး။ ခင်ဗျားညီကလည်း သူတို့လက်ချက်နဲ့ သေတာ မဟုတ်ဘူး”</p> <p> </p> <p>“ဒါဆို ဘယ်သူ သတ်တာလဲ”</p> <p> </p> <p>အကြီးအကဲဟွမ်က လှောင်ပြောင်လိုက်သည်။ညီဖြစ်သူ၏ စွမ်းအားအရ သာမန်လူများက သူ့အားမသတ်နိုင်ပါ။</p> <p> </p> <p> </p> <p>“အဲဒါက… ကျွန်တော်ပေါ့”</p> <p> </p> <p> </p> <p>ကျိယွမ်က ခပ်ပါးပါး ပြုံးကာ ရှေ့သို့ ထွက်လာသည်။</p> <p> </p> <p> </p> <p>“ဟန်ဆောင်နေတာတွေ ရပ်လိုက်တော့မယ်။ ကျွန်တော်က လောကအားလုံးရဲ့ သွေးစုဆောင်းသူပဲ။ အဲဒီတော့... ခင်ဗျားတို့ရဲ့ သွေးအနှစ်သာရတွေကို မြန်မြန် ပေးလိုက်ရင်တော့ အေးအေးဆေးဆေး သေခွင့်ပေးမယ်”</p> <p> </p> <p>ချီယွမ်သည် အစီအစဉ် (B ) ကို အကောင်အထည်ဖော်ရန် ဆုံးဖြတ်လိုက်သည်။ အစီအစဉ် (A) သည် ဂလူးကို့စ်ဖိုး အလွန်အမင်း ဖြုန်းတီးရာကြ၏။</p> <p> </p> <p>ထို့အပြင် သူသည် ဤလောက၌   ဂလူးကို့စ်ပုလင်းများကို သူ ဘယ်က ရှာရမည်နည်းဆိုသည်အား မသိပါ။</p> <p> </p> <p>အလွန် ဒုက္ခများလှသည်။</p> <p> </p> <p>မိစ္ဆာများကိုသာ ခုတ်ထည့်လိုက်ခြင်းက ပိုကောင်းသည် မဟုတ်ပါလား။</p> <p> </p> <p>ဘာပဲဖြစ်ဖြစ် သူလိုချင်သော သတင်းကို ရရှိပြီးပြီ ဖြစ်သဖြင့် ဆက်လက် ဟန်ဆောင်နေရန်လည်း မလိုတော့ပေ။</p> <p> </p> <p>“ဘာကွ”</p> <p> </p> <p> </p> <p>အကြီးအကဲဟွမ်၏ မျက်နှာတွင် မယုံကြည်နိုင်မှုများ ပြည့်သွားပြီးနောက် ရယ်မောလိုက်ကာ ခေါင်းတဆတ်ဆတ်ညိတ်၏။</p> <p> </p> <p> </p> <p> “ကောင်းတယ်  ၊ အရမ်းကောင်းတယ် ၊  ဒါဆို မင်းက ငါ့အစီအစဉ်တွေကို ဖျက်ဆီးဖို့ ရောက်လာတာပေါ့”</p> <p> </p> <p>အခြား မိစ္ဆာများသည်လည်း  ကျိယွမ်ကို ကြည့်လိုက်ကြပြီး သူတို့၏ မျက်လုံးများထဲတွင် သတ်ဖြတ်လိုသောအငွေ့အသက်များ ပြည့်နှက်လာကြ၏။</p> <p> </p> <p> </p> <p>လူသားတစ်ဦးက သူတို့ကို ခြိမ်းခြောက်ပြီး သွေးတောင်းရဲတယ်တဲ့။</p> <p> </p> <p>သူ သေချင်နေတာလား။</p> <p> </p> <p>“မင်္ဂလာဆောင်ဝတ်စုံမိစ္ဆာမကို ငါ ကိုင်တွယ်မယ်။ ကျန်တဲ့ကောင်တွေက ဒီလူသားကောင်လေးကို အပိုင်းပိုင်း ခုတ်ထည့်လိုက်ကြ”</p> <p> </p> <p>အကြီးအကဲဟွမ်က အော်ဟစ်လိုက်ပြီး သူ၏မျက်လုံးများက ရက်စက်စွာ လင်းလက်သွားသည်။</p> <p> </p> <p>အကြီးအကဲလော့ကတ်က ဘာမှ ထူးထူးခြားခြား သတိမပေးထားသောကြောင့်  မင်္ဂလာဝတ်စုံမိစ္ဆာမသည် အလွန်ဆုံးရှိမှ သူနှင့် အစွမ်းတူရုံသာ ရှိပေလိမ့်မည်။ထူးထူးခြားခြား အစွမ်းထက်ပါက လော့ကတ်က အသိပေးမှာ သေချာ၏။</p> <p> </p> <p>ငါတို့မှာ လူအင်အား အများကြီး ရှိတယ် ၊  ဘာကို ကြောက်နေရမှာလဲ။</p> <p> </p> <p>မိစ္ဆာ အကောင် ၂၀ ခန့်သည်  ကျိယွမ်ကို မျှော်လင့်တကြီး ကြည့်နေကြပြီး အချက်ပေးလိုက်သည်နှင့် တစ်ပြိုင်နက် ခုန်အုပ်ရန် စောင့်ဆိုင်းနေပုံရသည်။</p> <p> </p> <p>သူတို့၏ အမူအယာများကို မြင်လိုက်ရသောအခါ  ကျိယွမ် ဝမ်းသာသွားပြီး လက်ခုပ်တီး၏။</p> <p> </p> <p> </p> <p> “ခင်ဗျားတို့ရဲ့ စိတ်အားထက်သန်တဲ့ မျက်လုံးတွေကို မြင်ရတော့ ကျွန်တော် တကယ် ပျော်ပါတယ်။ ကျွန်တော့်ရဲ့ အစားထိုးမျှော်လင့်ခြင်းလမင်းလေးတွေရေ၊ ကျွန်တော်တို့က တစ်ယောက်နဲ့တစ်ယောက် အပြန်အလှန် ရည်ရွယ်ချက်တွေရှိနေကြတာပဲ”</p> <p> </p> <p> </p> <p>ခံစားချက်များနှင့် ပတ်သက်လာလျှင် ကျိယွမ်က ရိုးရှင်းသည်ကို ကြိုက်၏။ ထို့ကြောင့် သူက ဒရာမာချိုးသောအချစ်ဇာတ်လမ်းများကို မကြိုက်ခြင်း ဖြစ်သည်။</p> <p> </p> <p>အချစ်ဇာတ်လမ်းထဲက ဇာတ်လိုက်များသည် အမြဲတမ်း နားလည်မှု လွဲနေကြပြီး မည်သူကမှလည်း ထုတ်မပြောကြပေ၊ ပါးစပ် မပါသလို မြုံနေတတ်ကြ၏။</p> <p> </p> <p> </p> <p>ကံကောင်းထောက်မစွာဖြင့် သူနှင့် သူ၏လမင်းများသည် တစ်ဦးကိုတစ်ဦး အပြန်အလှန် ရည်ရွယ်ချက်များရှိနေကြသည်။</p> <p> </p> <p> </p> <p> သူတို့၏ တပ်မက်နေသော မျက်လုံးလေးများကို ကြည့်လိုက်သည်နှင့် သူ့ကို ခုန်အုပ်ချင်လွန်း၍ မအောင့်နိုင်တော့သလိုပင်။</p> <p> </p> <p> </p> <p>ထိုအရာက ကျိယွမ်ကို အလွန် ကျေနပ်စေသည်။</p> <p> </p> <p>“သတ်ကြ”</p> <p> </p> <p> </p> <p>အကြီးအကဲဟွမ်က ဟိန်းဟောက်ပြီး သူကိုယ်တိုင်ကလည်း သတို့သမီးလေးကို တိုက်ခိုက်လိုက်သည်။</p> <p> </p> <p> </p> <p>သူ၏လက်ထဲရှိ အရိုးဖြူလက်ကိုင်တုတ်မှ သွေးစွမ်းအင် လှိုင်းလုံးတစ်ခု ထွက်ပေါ်လာပြီး ပတ်ဝန်းကျင် ဟင်းလင်းပြင်ကို တုန်ခါသွားစေ၏။</p> <p> </p> <p>သွေးစွမ်းအင်ထဲတွင် ပြင်းထန်သော သွေးညှီနံ့များပင် ပါဝင်နေပြီး မသတီစရာကောင်းလှသည်။</p> <p> </p> <p> </p> <p>တိုက်ခိုက်မှုကို ရင်ဆိုင်ရန်အတွက် ကျိယွမ်ကလည်း သူ၏ သားလှီးဓားဖြင့် ခုတ်ပိုင်း၏။</p> <p> </p> <p> </p> <p>အရိုးဖြူလက်ကိုင်တုတ်နှင့် သားလှီးဓားတို့ ထိမိသွားပြီး ကျိယွမ်၏ ဓားတွင် အက်ကြောင်းကြီးတစ်ခု ဖြစ်သွားသည်။</p> <p> </p> <p>သူ၏ လက်များကလည်း တုန်ခါသွားသည်။ သူ၏ သွေးစွမ်းအင်အဆင့် နှင့် အကြီးအကဲဟွမ်၏ အစွမ်းကြားတွင် ကွာဟချက် အကြီးကြီး ရှိနေသည်မှာ ထင်ရှားလှ၏။</p> <p> </p> <p>“မင်း ဒီလောက် ရဲတင်းနေတာ မဆန်းဘူး ကောင်လေး။ မင်းမှာ သွေးစွမ်းအင်အဆင့်အစွမ်း တကယ် ရှိနေတာပဲ”</p> <p> </p> <p> </p> <p> အကြီးအကဲဟွမ်က ရက်စက်ကြမ်းကြုတ်မှုနှင့်အတူ အထင်အမြင်သေးမှုများ ပြည့်နှက်နေသော မျက်နှာဖြင့် မှတ်ချက်ချ၏။</p> <p> </p> <p>သို့သော် ခန်းမထဲရှိ မိစ္ဆာတိုင်းသည် သွေးစွမ်းအင်အဆင့် အစွမ်းရှိကြသဖြင့် စိတ်ပူစရာမရှိပါ။</p> <p> </p> <p> </p> <p>“မင်းက ငါ့ဆီကို  ရောက်အောင်လာနေမှတော့ ငါ မင်းကို အေးအေးဆေးဆေး အဆုံးသတ်ပေးလိုက်မယ်”</p> <p> </p> <p>ထိုအချိန်တွင် ကျိယွမ်က လိမ်မာသော သတို့သမီးလေးကို လှည့်ကြည့်လိုက်သည်။</p> <p> </p> <p> “သတို့သမီးလေး ၊ ပေါင်းစည်းကြရအောင်”</p> <p> </p> <p> </p> <p>ယခုအခြေအနေတွင် သူသည် သတို့သမီးလေးနှင့် ပေါင်းစပ်ရန် ရွေးချယ်ရုံသာရှိ​၏။</p> <p> </p> <p> </p> <p>သူ၏ စကားအဆုံးတွင် လေထဲ၌ ကြက်သွေးရောင် အလင်းတစ်ခု လက်ခနဲ ဖြစ်သွား၏။</p> <p> </p> <p>ဆွဲဆောင်မှုရှိပြီး ကြောက်မက်ဖွယ်ကောင်းသော သွေးနီရောင် သံချပ်ကာတစ်ခုက ကျိယွမ်၏ ခန္ဓာကိုယ်ကို ဖုံးလွှမ်းသွားပြီး ကြည်လင်ပြီး ပြတ်သားသော မျက်လုံးတစ်စုံသာ ပေါ်နေတော့သည်။</p> <p> </p> <p>ကျိယွမ်၏ ခန္ဓာကိုယ်ကလည်း  ပို၍ မြင့်မားလာပြီး ကြီးမားသော သတ္တဝါကြီးတစ်ခုအဖြစ် ပြောင်းလဲသွား၏။</p> <p> </p> <p>သွေးကဲ့သို့ ချွန်ထက်ပြီး တောက်ပသော သွေးနီရောင် ဆူးချွန်များက သူ၏ပခုံးများမှ နီရဲစွာထွက်ပေါ်လာသည်။</p> <p> </p> <p>သူ၏လက်ထဲရှိ သားလှီးဓားသည်လည်း သွေးများ စွန်းထင်နေသော သွေးဓားအဖြစ် ပြောင်းလဲသွားသည်။</p> <p> </p> <p> </p> <p>ခန်းမထဲရှိ မိစ္ဆာများမှာ  သူတို့၏ နှလုံးသားထဲတွင် အေးစိမ့်မှုကို ခံစားလိုက်ရ၏။</p> <p> </p> <p>“ဒါ ဘယ်လို မိစ္ဆာမျိုးလဲ”</p> <p> </p> <p>“ဒါ ဘာ မိစ္ဆာလဲ”</p> <p> </p> <p>“ဒါက အတိအကျ ဘာကြီးလဲ”</p> <p> </p> <p>မိစ္ဆာများ ထိတ်လန့်သွားကြကုန်၏။</p> <p> </p> <p>သို့သော် သူတို့  သေသေချာချာ မစဉ်းစားနိုင်မီမှာပင် သူတို့ရှေ့ရှိ ကြီးမားသော ပုံရိပ်ကြီးသည် သူတို့ဆီသို့ လျှင်မြန်စွာ ပြေးဝင်လာလေသည်။</p> <p> </p> <p>ဖိနှိပ်နိုင်သော စွမ်းအား။</p> <p> </p> <p>ကောင်းကင်ပိုင်းဖြတ် ဓားချက်။</p> <p> </p> <p>အစွမ်းထက်သော စွမ်းရည်နှစ်ခုကို တစ်ပြိုင်နက်တည်း အသက်သွင်းလိုက်ပြီး  ကျိယွမ်၏ အငွေ့အသက်သည် အထွတ်အထိပ်သို့ ရောက်ရှိသွားလေသည်။</p> <p> </p> <p> </p> <p>သူသည် ရှေ့သို့ ခုန်တက်ကာ ဓားကို အောက်သို့ ကြမ်းတမ်းစွာ လွှဲခုတ်ချလိုက်၏။</p> <p> </p> <p> </p> <p>“လာကြစမ်း ၊ တစ်ယောက်နဲ့တစ်ယောက် ချစ်ကြည်ရေးမိတ်ဆက်ကြတာပေါ့ ”</p> <p> </p> <p>တစ်ဖက်တွင် သိပ္ပံစိတ်ကူးယဉ်ဇာတ်လမ်းထဲမှ  စက်ရုပ်ပုံစံမျိုးရှိသော ကြောက်မက်ဖွယ် ဘီလူးကြီး၊ အခြားတစ်ဖက်တွင်မူ မြွေပါနှင့် ဆိတ်အိုကြီးများကဲ့သို့ တရုတ်သရဲပုံပြင်ထဲမှ ထွက်လာသည့် မိစ္ဆာများ။</p> <p> </p> <p> </p> <p>အင်အားစုနှစ်ခုသည် ခန်းမထဲတွင် ပြင်းထန်စွာ ထိပ်တိုက်တွေ့ဆုံသွားလေသည်။</p> <p> </p> <p> </p> <p>ကျိယွမ်ဆီသို့ ပထမဆုံး ပြေးလာသူမှာ သူ မျက်စိကျနေသည်မှာ ကြာပြီဖြစ်သော ကြက်ဖမိစ္ဆာဖြစ်၏။</p> <p> </p> <p>သွေးဓားသည် ကြက်ဖမိစ္ဆာ၏ ခေါင်းကို ထိမှန်သွားပြီး ၎င်း၏ အမောက်ကို ဖြတ်ထုတ်လိုက်သည်။ ၎င်း၏ မျက်နှာတစ်ခုလုံး သွေးအိုင်ထဲ နစ်သွားပြီး ချက်ချင်း သေဆုံးသွားလေသည်။</p> <p> </p> <p>သတို့သမီးလေး၏ ထောက်ပံ့မှုဖြင့် ကျိယွမ်သည်  သိုင်းပညာတစ်ခုတည်းကိုသာ အားကိုးပြီး ကြောက်မက်ဖွယ်ကောင်းသော ခွန်အားကို ပြသခဲ့၏။</p> <p> </p> <p>စွမ်းရည်နှစ်ခု၏ အားဖြည့်မှုဖြင့် သူသည် နောက်ထပ်ဓားချက် တစ်ချက်တည်းနှင့် အစားထိုးမျှော်လင့်ခြင်းလမင်းသုံးကောင်ကို သတ်ပစ်ပြန်သည်။</p> <p> </p> <p>ကျန်ရှိသော မိစ္ဆာများမှာ  ထိတ်လန့်လာကြသည်။</p> <p> </p> <p>“မိစ္ဆာကြီး”</p> <p> </p> <p> </p> <p>"ဒါက မိစ္ဆာကြီးပဲ "</p> <p> </p> <p>“ညီအစ်ကိုတို့  သတ်ကြ”</p> <p> </p> <p> တိုက်ပွဲက စတင်နေပြီ ဖြစ်သောကြောင့် ဆုတ်ခွာရန် နေရာမရှိပေ။</p> <p> </p> <p>ကံမကောင်းစွာဖြင့် သူတို့သည် ဘီလူးတစ်ကောင်ထက်ဆိုးရွားသော အရာကြီးကို ရင်ဆိုင်နေရသည်ကို မသိကြပေ။</p> <p> </p> <p>ကျိယွမ်တွင်  သွေးစွမ်အင်သိုင်းစွမ်းရည်များ မရှိသော်လည်း သူ၏ တိုက်ခိုက်ရေး နည်းစနစ်များသည် ဤမိစ္ဆာများထက် အဆများစွာသာလွန်၏။</p> <p> </p> <p> </p> <p>ထျန်းကျွဲ့တွင် ရှိနေစဉ်အတွင်း သူသည် သူ၏ စွမ်းရည်များကို ပြီးပြည့်စုံအောင် လေ့ကျင့်ခဲ့ပြီး သူ၏ တိုက်ခိုက်ရေး နည်းစနစ်များကို လေ့ကျင့် ပြုပြင်ရန်အတွက် အချိန်မည်မျှ ကုန်ဆုံးခဲ့သည်ကိုပင် သူကိုယ်တိုင်မမှတ်မိခဲ့ပါ။</p> <p> </p> <p> </p> <p>သိုင်းစွမ်းရည်များ ကင်းမဲ့နေသဖြင့် သူ၏  သိင်းပညာကို အပြည့်အဝ မထုတ်ဖော်နိုင်သော်လည်း ဤအဆင့်နိမ့် မိစ္ဆာများကိုတော့ အလွယ်တကူ နှိမ်နင်းနိုင်သည်။</p> <p> </p> <p> ၎င်းသည် သာမန်လူသား ခန္ဓာကိုယ်ထဲတွင် ပြန်လည် မွေးဖွားလာသော စိတ်ဝိညာဥ်အဆင့်ကျင့်ကြံသူတစ်ဦးက မည်သည့် မန္တာန်များကိုမှ မသုံးဘဲ အားအင်စုပ်ယူခြင်းဖြင့် သာမန်ကျင့်ကြံသူလေးများကို အလွယ်တကူ ချေမှုန်းနိုင်သကဲ့သို့ပင် ။</p> <p> </p> <p> </p> <p>သွေးနီရောင်သားလှီးဓားသည် ကောင်းကင်ပိုင်းဖြတ်ဓားချက်၏ မို မြှင့်တင်မှုကြောင့်  တားဆီး၍ မရနိုင်သောသေမင်းလက်နက်  ဖြစ်သွားခဲ့သည်။</p> <p> </p> <p> </p> <p>တစ်ချက် ခုတ်လိုက်တိုင်း မိစ္ဆာသုံးကောင် အသတ်ခံရ၏။</p> <p> </p> <p>သွေးများ စွန်းထင်းနေပြီး မျက်လုံးများတွင် သတ်ဖြတ်လိုစိတ် ပြည့်နေသော ကျိယွမ်က အေးစက်စွာ အော်ဟစ်လ်ုက်သည်။</p> <p> </p> <p> </p> <p>“သတ်”</p> <p> </p> <p>ယခုအချိန်တွင် သူသည် အရိုင်းဆန်ပြီး အလွန်ကြမ်းတမ်းနေကာ ခုတ်ချက်တိုင်းသည် တားဆီး၍ မရနိုင်အောင် ရက်စက်ပြင်းထန်၏။</p> <p> </p> <p>ရှိနေသော မိစ္ဆာများထဲတွင် မည်သူမျှ သူနှင့် မယှဉ်နိုင်ကြပါ။</p> <p> </p> <p>အကြီးအကဲဟွမ်၏ မျက်လုံးများတွင်ပင် နက်ရှိုင်းသော ကြောက်ရွံ့မှုများ ပေါ်လာသည်။</p> <p> </p> <p>ထိုလူသားသည် သွေးစွမ်းအင်အဆင့် အစောပိုင်း ကျင့်ကြံမှုသာ ရှိသော်လည်း  မင်္ဂလာဆောင်ဝတ်စုံမိစ္ဆာမနှင့် ပေါင်းစပ်ပြီး ဘီလူးကြီး ဖြစ်လာပြီးနောက်တွင်ပင် သွေးစွမ်းအင်အဆင့် အလယ်အလတ်တွင်သာ ရှိသည်ကိုတော့ သူသတိထားမ်၏။။</p> <p> </p> <p>သို့သော် သူပြသခဲ့သော တိုက်ခိုက်ရေးစွမ်းအားမှာ အံ့သြဖွယ်ကောင်းပြီး  သူ့ကိုပင် ဖိအားဖြစ်စေရန် လုံလောက်လေသည်။</p> <p> </p> <p>သူ၏ဘေးတွင် မိစ္ဆာတစ်ကောင်ပြီးတစ်ကောင် လဲကျသွားသည်ကို မြင်လိုက်ရသဖြင့် အကြီးအကဲဟွမ်၏ မျက်နှာက ပို၍ တင်းမာလာ၏။</p> <p> </p> <p> </p> <p>ငါကိုယ်တိုင်ရှင်းမှရတော့မယ်။</p> <p> </p> <p> မဟုတ်လျှင် ခေါင်းဆောင်ကွန်၏ အစီအစဉ် ပျက်စီးသွားမည်ဖြစ်ပြီး ခေါင်းဆောင်ကွန်က သူ့ကို လွှတ်ပေးမည် မဟုတ်ပေ။</p> <p> </p> <p>ထိုအခါ သူ သေရမည်မှာ သေချာသည်။</p> <p> </p> <p>“ကောင်းတယ်၊ အရမ်းကောင်းတယ်။ မင်းက ငါ့ကို ဒီအဆင့်အထိ ရောက်အောင် တွန်းပို့တဲ့ ပထမဆုံးလူသားပဲ”</p> <p> </p> <p>အကြီးအကဲဟွမ်က  ကြမ်းတမ်းစွာဟိန်းဟောက်လိုက်ပြီး  သူ၏လက်ထဲရှိ အရိုးဖြူလက်ကိုင်တုတ်သည် ရုတ်တရက် ကြီးမားလာ၏။</p> <p> </p> <p>သူ၏ ခန္ဓာကိုယ်တစ်ခုလုံးရှိ သွေးများကလည်း ဆူပွက်လာခဲ့သည်။</p> <p> </p> <p>“ မိစ္ဆာသတ်ဖြတ် ရိုက်ချက်”</p> <p> </p> <p>အကြီးအကဲဟွမ်သည် ခေါင်းဆောင်ကွန်ပေးထားသော အစွမ်းထက်သည့် သိုင်းပညာ စွမ်းရည်တစ်ခုကို ထုတ်ဖော်လိုက်၏။ ထို ကျောက်စိမ်းသွေးအဆင့်သိုင်းပညာ စွမ်းရည်ထဲသို့ သူ၏ အင်အားအားလုံးကို လောင်းထည့်လိုက်သည်။</p> <p> </p> <p>ကျောက်စိမ်းသွေးအဆင့် သိုင်းပညာ စွမ်းရည်များသည် သွေးစွမ်းအင်အဆင့်ထက် များစွာ ပိုမို အစွမ်းထက်၏။</p> <p> </p> <p> ခွန်အားမှာ လွှမ်းမိုးနိုင်လောက်အောင် အစွမ်းထက်ပြီး သွေးစွမ်းအင်အဆင့် တစ်ဦး ကိုင်တွယ်နိုင်သည်ထက် များစွာ ကျော်လွန်နေသည်။</p> <p> </p> <p> </p> <p>ကျိယွမ်၏ မျက်လုံးများက အံ့အားသင့်မှုဖြင့် လက်ခနဲ ဖြစ်သွားသည်။</p> <p> </p> <p> “ကျွန်တော် ခင်ဗျားတို့ NPC တွေကို အထင်သေးခဲ့မိပုံပဲ။ ဒီသိုင်းပညာ စွမ်းရည်က... တော်တော် စိတ်ဝင်စားဖို့ကောင်းတယ်”</p> <p> </p> <p>အကြီးအကဲဟွမ်၏ လှုပ်ရှားမှုက ကျိယွမ်ကို အန္တရာယ်ရှိသော အရိပ်အယောင်အား ချက်ချင်း ခံစားလာရစေသည်။</p> <p> </p> <p>သူက သားလှီးဓားကို အမြန်မြှောက်ကာ ရှေ့သို့ တိုးဝင်ပြီး ခုတ်ပိုင်းလိုက်ရာ ဓားသည် အရိုးဖြူလက်ကိုင်တုတ်နှင့် ထိတွေ့သွား​၏။</p> <p> </p> <p> </p> <p>ချလွမ်...။</p> <p> </p> <p> </p> <p>သားလှီးဓားမှာ  ကွဲကြေသွားတော့သည်။</p> <p> </p> <p>သို့သော် သွေးနီရောင် အလင်းတန်းကတော့ ကျန်ရှိနေပြီး အကြီးအကဲဟွမ်၏ ထိုးနှက်ချက်ကို ပိတ်ဆို့ထား၏။</p> <p> </p> <p>ကျောက်စိမ်းသွေးအဆင့် သိုင်းပညာ စွမ်းရည်သည် ပြင်းထန်ပြီး အစွမ်းထက်ကာ မယုံနိုင်လောက်အောင် ဖျက်ဆီးနိုင်စွမ်း ရှိသည်မှာ သံသယရှိစရာ မလိုပေ။</p> <p> </p> <p>ကျိယွမ်၏ သားလှီးဓားသည် ထိုအားကို မခံနိုင်ဘဲ အပိုင်းပိုင်း ကွဲသွားခဲ့သည်။</p> <p> </p> <p> </p> <p>ကျိယွမ်၏ မျက်လုံးများထဲတွင် အမှတ်တရများ ပြည့်သွားပြီး မျက်မှောင်ကြုတ်လိုက်၏။</p> <p> </p> <p> </p> <p>“ဒီလှုပ်ရှားမှုက အရင်က အသိဟောင်းတစ်ယောက်နဲ့ အတူတူပဲ။ အဲဒီတုန်းက သူကလည်း ကျွန်တော့်ရဲ့ သွေးကြောတွေကို ပေါက်ထွက်စေခဲ့တာ”</p> <p> </p> <p>သို့သော် သွေးကြောမျှင်လေးများသာ ဖြစ်သည်။</p> <p> </p> <p> </p> <p>“ခင်ဗျားက ကျွန်တော့်ရဲ့ မျှော်လင့်ခြင်းလမင်းဖြစ်နေတာ မဆန်းပါဘူး။ ကျွန်တော့်ရဲ့ စံပြလမင်းတွေအားလုံးက ဆင်တူနေကြတာပဲ”</p> <p> </p> <p> </p> <p>ထို့နောက် ကျိယွမ် တိတ်ဆိတ်သွားလေ၏။</p> <p> </p> <p> </p> <p>ကျောက်စိမ်းသွေးအဆင့် သိုင်းပညာ စွမ်းရည်ဆိုလျှင်တောင်  သူက ပိတ်ဆို့ထားနိုင်ပါသေးသည်။</p> <p> </p> <p>ရန်သူတွင် သူ့ကို နှိမ်နင်းရန် အခြားနည်းလမ်း မရှိတော့ပေ။</p> <p> </p> <p>ကြီးမားသော သေမင်းအဖြစ် ပြောင်းလဲသွားသော ကျိယွမ်သည် ခန်းမအတွင်းရှိ မိစ္ဆာများ၏ အသက်ကို ဆက်လက် ရိတ်သိမ်းလေတော့သည်။</p> <p> </p> <p>ပြင်းထန်သော တိုက်ပွဲကြောင့် စားပွဲများ ကွဲကြေသွားပြီး လူသားအသားခြောက်များ လွင့်ပျံကုန်သည်။</p> <p> </p> <p> </p> <p>ခန်းမကြီး၏အမိုးပင် ပွင့်ထွက်သွားကာ မိစ္ဆာများတစ်ကောင်ပြီးတစ်ကောင် လွင့်စင်ကုန်၏ ။လွင့်လာသော မိစ္ဆာများတွင်  အချို့ကခေါင်းပြတ်များဖြစ်၏။အချို့က ခါးတစ်ပိုင်းများဖြစ်၏။</p> <p> </p> <p>အချို့က အလောင်းများနှင့်ရောပါလာပြီး ခန်းမထဲမှ လွတ်ရန်ကြိုးစားကြသည်။</p> <p> </p> <p> </p> <p>သို့သော်  ကျိယွမ်သည် လူသူကင်းမဲ့သော  ခြံဝင်း​ပျက်ကြီးထဲတွင် သရဲတစ်ကောင်ကဲ့သို့ လှုပ်ရှားနေပြီး ခုတ်ပိုင်း သတ်ဖြတ်နေသည်။</p> <p> </p> <p> </p> <p>မည်သည့် မိစ္ဆာမျှ သူနှင့် မယှဉ်နိုင်ပါ။</p> <p> </p> <p>အသက်ရှူအကြိမ် တစ်ရာခန့် ကြာပြီးနောက်  ကျိယွမ်သည် အလောင်းများကြားတွင်ရပ်နေရင်း အသက်ကို ပြင်းပြင်းရှူကာ သတို့သမီးလေးနှင့် ခွဲထုတ်လိုက်သည်။</p> <p> </p> <p>“ ငါ ဘာလို့ ဒီလောက် အားနည်းနေရတာလဲ။ ဒီလောက် တိုက်ပွဲလေးကိုတောင် ငါ့ရဲ့ သွေးစွမ်းအင်တွေ ကုန်သွားပြီ”</p> <p> </p> <p>သွေးသိုင်းသမားများသည် တိုက်ပွဲအတွင်း သွေးစွမ်းအင်ကို သုံးစွဲကြသည်။မိစ္ဆာများနှင့် တိုက်ပွဲတွင် ကျိယွမ်၏ သွေးစွမ်းအင်များ ကုန်ခမ်းသွားလေ၏။</p> <p> </p> <p> </p> <p>ယခုအချိန်  သိုင်းပညာစွမ်းရည်တစ်ခုတည်းကိုသာ အားကိုးပါက နောက်ထပ် အကြီးအကဲဟွမ်တစ်ဦးကို ရင်ဆိုင်ရလျှင် သူ အဆုံးသတ်သွားမှာ သေချာသလောက်ပင်။</p> <p> </p> <p>“ဒါပေမဲ့  အကျိုးအမြတ်တွေကတော့ အများကြီးပဲ။ငါ့ရဲ့ အစားထိုး လမင်းတွေက... တော်တော် ရက်ရောကြတာပဲ”</p> <p> </p> <p> </p> <p>ကျိယွမ် အလွန် ကျေနပ်သွားသည်။</p> <p> </p> <p>သူ၏ရှေ့တွင် မိစ္ဆာသွေးအနှစ်သာရ ၁၂၅ စက် ငွေ့ရည်ဖွဲ့လျက် ရှိနေ၏။</p> <p> </p> <p>“ကံကောင်းလို့ သူတို့က ငါ့ရဲ့ အစီအစဉ် (A ) ကို မလိုက်နာခဲ့ကြတာ။ မဟုတ်ရင် ဂလူးကို့စ်တွေ နှမြောစရာကြီး”</p> <p> </p> <p>ကျိယွမ်သည် အသက်ပြင်းပြင်းရှူကာ အနားယူရင်း  အရာများစွာကို စဉ်းစားကြည့်နေသည်။</p> <p> </p> <p> </p> <p>အကြီးအကဲဟွမ်၏ ကျောက်စိမ်းသွေးအဆင့် သိုင်းပညာ စွမ်းရည်က သူ့အပေါ် နက်ရှိုင်းသော အတွေးစများကို ချန်ထားခဲ့သည်။</p> <p> </p> <p>အကယ်၍ ထိုစွမ်းရည်ကို သုံးနေသူမှာ ကျောက်စိမ်းသွေးအဆင့် မိစ္ဆာသာ ဖြစ်ပါက ဂိမ်းထဲတွင် သူ ကိုင်တွယ်ရခက်ပေလိမ့်မည်။</p> <p> </p> <p>“ငါ အဆင့်တက်ဖို့ လိုနေပြီ ထင်တယ်”</p> <p> </p> <p>“စနစ်၊ အသက်ဝင်စမ်း”</p> <p> </p> <p>သို့သော် မည်သည့်ဖန်သားပြင်မှ မလင်းသလို ၊ မည်သည့်ဝိညာဥ်ကောင်မှလည်း ထွက်မလာခဲ့ပါ။ထို့အတူ မည်သည့် အချက်ပေးစကားသံမှလည်း မကြားရပေ။</p> <p> </p> <p> </p> <p>အမှန်မှာ ကျိယွမ်တွင် စနစ် မရှိပါ။</p> <p> </p> <p>သို့သော် သူဝမ်းမနည်းပါ ။ သူသည် သူကိုယ်တိုင် အသံသရုပ်ဆောင်ပြီး သူ၏ စနစ်အဖြစ် ဟန်ဆောင်နိုင်၏။</p> <p> </p> <p>“သင်ဟာ မိစ္ဆာသွေးအနှစ်သာရ ၂၅ စက်ကို သုံးစွဲလိုက်ပြီ။ သင့်ရဲ့ သွေးစွမ်းအင်တွေ ပြန်ပြည့်လာပြီး တိုးပွားလာပါပြီ”</p> <p> </p> <p>“‘ကောင်းကင်တုန်ဟည်းခြင်း’ သိုင်းကျင့်စဥ်က လျင်မြန်စွာ အလုပ်လုပ်နေပြီး  သင့်ရဲ့အတွင်းမှာ သွေးစွမ်းအင်တွေကို အဆက်မပြတ် ငွေ့ရည်ဖွဲ့ပေးနေပါတယ်။ သင် သွေးစွမ်းအင်အဆင့် အလယ်အလတ်ကို ချိုးဖောက် တက်လှမ်းသွားပြီ”</p> <p> </p> <p>“ရုတ်တရက် သင့်မှာ ဉာဏ်အလင်းတစ်ခု ပွင့်လာပြီး ‘ကောင်းကင်တုန်ဟည်းခြင်းအတတ်’ ရဲ့ အနှစ်သာရကို ဖမ်းဆုပ်နိုင်ပုံရတယ်။ ဒီသိရှိမှုက  သင့်ရဲ့ သွေးအနှစ်သာရ အားလုံးကို သုံးစွဲသွားပါတယ်”</p> <p> </p> <p>“သင် နောက်ထပ် မိစ္ဆာသွေးအနှစ်သာရ ၅၀ စက်ကို သုံးစွဲလိုက်ပြန်ပြီ။ ရုတ်တရက် ‘ကောင်းကင်တုန်ဟည်းခြင်း အတတ်’ ရဲ့ သော့ချက်ဟာ ‘တုန်ဟည်းခြင်း’ ဆိုတဲ့ စကားလုံးမှာ ရှိနေတာကို သင် သဘောပေါက်သွားတယ်။ တစ်ချက် တိုက်ခိုက်လိုက်တာက ရန်သူကို အံ့သြသွားစေပြီး သင့်ရဲ့ ကိုယ်ပိုင် သွေးစွမ်းအင်တွေကို ပြန်ဖြည့်တင်းနိုင်စေတယ်”</p> <p> </p> <p>“သင်က ‘ကောင်းကင်တုန်ဟည်းခြင်း အတတ်’ ကို ပြုပြင်လိုက်ပြီး ၎င်းရဲ့ ပုံပန်းသဏ္ဍာန်ကို လုံးဝ ပြောင်းလဲလိုက်တယ်။ အများကြီး စဉ်းစားပြီးတဲ့နောက်မှာ မိစ္ဆာသွေးအနှစ်သာရ အားလုံးကို သုံးစွဲပြီး နောက်ဆုံးမှာ သွေးစွမ်းအင်အဆင့် အထွတ်အထိပ်ကို တက်လှမ်းသွားပြီ”</p> <p> </p> <p>သူ၏ အသံသရုပ်ဆောင်မှုကို အဆုံးသတ်ပြီးနောက် ကျိယွမ်က သူ့ကိုယ်သူ  ကျေနပ်စွာ ကြည့်လိုက်သည်။</p> <p> </p> <p>“အခုဆို သတို့သမီးလေး မပါရင်တောင် ဒီလမင်းတွေအားလုံးကို ငါ အလွယ်တကူ သတ်ဖြတ်နိုင်ပြီ”</p> <p> </p> <p>သူ၏ စကားများသည် တီဗီထဲမှ လုံယန် ဆိုသူနှင့် များစွာ တူနေ၏။</p> <p> </p> <p>သူသည် မိစ္ဆာသွေးအနှစ်သာရ ငါးဆယ်ကိုတော့ သိမ်းဆည်းထားလိုက်၏။</p> <p> </p> <p>၎င်းသည် သွေးစွမ်းအင်အဆင့်မှ ကျောက်စိမ်းသွေးအဆင့်သို့ တက်လှမ်းရန် မလုံလောက်သောကြောင့်ဖြစ်သည် ။ ထို့အပြင် သွေးစွမ်းအင်သိုင်းပညာရှင်များနှင့် ပတ်သက်သော သူ၏ နားလည်မှုမှာလည်း  မလုံလောက်သေးပါ။</p> <p> </p> <p> </p> <p>ထို့ကြောင့်  သွေးအနှစ်သာရကို ယခု သုံးစွဲခြင်းက ထိရောက်မည် မဟုတ်ပေ။</p> <p> </p> <p>ထိုအခိုက်  ကျိယွမ်သည် အန္တရာယ်ရှိသော အရိပ်အယောင်တစ်ခုကို ရုတ်တရက် ခံစားလိုက်ရသည်။</p> <p> </p> <p> </p> <p>မှောင်မိုက်သောညကောင်းကင်ယံတွင် ဖြူဖွေးသော ပုံရိပ်တစ်ခုက စွန့်ပစ်ခြံဝင်းဆီသို့ ချဉ်းကပ်လာနေ၏။</p> <p> </p> <p>ဖြူဖွေးသော ပုံရိပ်သည် လူသားပုံသဏ္ဍာန်ဖြစ်ပြီး ရှုပ်ပွနေသော ဆံပင်များက သူ၏ မျက်နှာသွင်ပြင်ကို ဖုံးကွယ်ထားသည်။</p> <p> </p> <p> </p> <p>ကံမကောင်းသည်မှာ ကျိယွမ်၏ မျက်လုံးများက အသုံးဝင်သော အချက်အလက်များကို မဖော်ပြခဲ့ပေ။</p> <p> </p> <p> </p> <p>“ကျောက်စိမ်းသွေးအဆင့်”</p> <p> </p> <p> </p> <p>ကျိယွမ်သည် ထိုသူမှာကျောက်စိမ်းသွေးအဆင့်သိုင်းသမားတစ်ဦးဖြစ်ကြောင်း ချက်ချင်း သိလိုက်သည်။</p> <p> </p> <p>ကျောက်စိမ်းသွေးအဆင့်သည် အခြေတည်ခြင်းအဆင့် ကျင့်ကြံသူနှင့် ညီမျှ၏။</p> <p> </p> <p> </p> <p>လောလောဆယ်တွင်  ကျိယွမ်မှာ ချီ အဆင့်၏ အထွတ်အထိပ်နှင့်သာ တန်းတူရှိသေးသည်။</p> <p> </p> <p>ဖြူဖွေးသော ပုံရိပ်သည် လေထဲတွင် ရုတ်တရက် ရပ်တန့်သွား၏။</p> <p> </p> <p>ခြံဝင်းအတွင်းရှိ ရက်ရက်စက်စက်အသတ်ခံထားရသော အလောင်းများကို မြင်လိုက်ရသောအခါ သူ၏ ရူးသွပ်နေသော မျက်လုံးများသည် ခဏတာ ကြည်လင်သွားသည်။</p> <p> </p> <p> </p> <p>ရုတ်တရက် ဖြူဖွေးသော ပုံရိပ်က ရယ်မောလိုက်ပြီး သူ၏ အသံထဲတွင် ဝမ်းနည်းမှုများ ပြည့်နေခဲ့၏။</p> <p> </p> <p> </p> <p>“အားလုံး သေပြီ၊ အားလုံး သေပြီ၊ ဟားဟားဟား”</p> <p> </p> <p> </p> <p>ဖြူဖွေးသော ပုံရိပ်သည် ရယ်မောနေရင်းမှ  သူ၏ မျက်နှာပေါ်တွင် မျက်ရည်များ စီးကျလာခဲ့သည်။</p> <p> </p> <p>သူသည် ရူးသွပ်သွားပုံရပြီး ဟိုဟိုဒီဒီ ပြေးလွှားနေပြန်ကာ  စွန့်ပစ်ခြံဝင်း၏ နံရံအချို့ကိုပင် ဝင်တိုက်မိရာ တဝုန်းဝုန်း ပြိုကျကုန်၏။</p> <p> </p> <p>“ဟေး... ခင်ဗျားမှာ စိတ်ရောဂါ ရှိရင် အိမ်မှာပဲ နေပါ၊ အပြင်ထွက်ပြီး လူတွေကို ဒုက္ခမပေးပါနဲ့”</p> <p> </p> <p>ကိုယ်ချင်းစာတတ်သောကျိယွမ်က အခြားသူများအတွက် စေတနာဖြင့် သတိပေးလိုက်သည်။</p> <p> </p> <p>လူအချို့က စိတ်ရောဂါကို အကြောင်းပြပြီး မကောင်းမှုများ လုပ်ကာ ပြစ်ဒဏ်မှ လွတ်မြောက်ရန် ကြိုးစားခြင်းကို သူ မုန်းတီး၏။</p> <p> </p> <p>သူသည်လည်း ပြစ်ဒဏ်မှ လွတ်မြောက်ရန် စိတ်ရောဂါ ထောက်ခံစာကို အားကိုးခဲ့သော်လည်း စည်းကမ်းမမဲ့ပါ။ ထို့အပြင် သူ၏ စိတ်ရောဂါမှာ အတု ဖြစ်သည်။</p> <p> </p> <p>လျှောက်ပြေးနေသော အရူးသည်  ရုတ်တရက် ရပ်တန့်သွားပြီး ကျိယွမ်ကို ကြည့်ကာ တိုးတိုးလေး ရေရွတ်လိုက်သည်။</p> <p> </p> <p> “ယွင်ယန်ခရိုင်ကတော့ ပျက်စီးတော့မယ်။ မြန်မြန် ထွက်သွားကြ၊ မြန်မြန် ထွက်သွားကြ။ ပင်လယ်က မင်လို မည်းမှောင်နေပြီး သတ်ဖြတ်ခြင်းအငွေ့အသက်တွေနဲ့ ပြည့်နေတယ်။ ဘယ်သူမှ မရှင်သန်နိုင်ဘူး”</p> <p> </p> <p>"ဘယ်သူမှ မရှင်နိုင်ဘူး ၊ ပြေးကြ ..."</p> <p> </p> <p>ထိုသို့ ပြောပြီးနောက် အရူးသည် ယိုင်တိုင်တိုင်ဖြင့် ထွက်ခွာသွားသည်။</p> <p> </p> <p>သူက ပြေးရုံသာ ပြေးခြင်း မဟုတ်ပေ။ တစ်စုံတစ်ခုသော သိုင်းပညာ စွမ်းရည်ကို အသုံးပြုကာ ပျောက်ကွယ်သွားလေသည်။</p> <p> </p> <p>“အင်း ..၊ ဒီလူက သနားစရာကောင်းလိုက်တာ၊ သူ့ရဲ့ စိတ်ရောဂါက အရမ်း ပြင်းထန်နေတာပဲ”</p> <p> </p> <p> </p> <p>ကျိယွမ်က စိတ်မကောင်းစွာ သက်ပြင်းချလိုက်သည်။</p> <p> </p> <p>သူ့၏ စိတ်ရောဂါ ထောက်ခံစာကသာ အစစ်ဖြစ်ပြီး သူကလည်း ထိုအရူးလို အမှန်တကယ်ရူးသွားလျှင်  ဘာဖြစ်ကုန်မလဲဆိုသည်ကို  သူ မတွေးရဲပါ။</p> <p> </p> <p> </p> <p>ထို့နောက် အသက်ရှူကြိမ် ဒါဇင်ပေါင်းများစွာ ကြာပြီးသည်အထိ  ကျိယွမ်သည် သူ၏ ခွန်အားများကို ပြန်လည် စုဆောင်းနေခဲ့သည်။</p> <p> </p> <p>ဤအချိန်တွင် လေကို တိုးဖြတ်သံက  နောက်တစ်ကြိမ် ထွက်ပေါ်လာပြန်သည်။</p> <p> </p> <p>“ဟေး...ကျိယွမ်၊ နင်ဘာလို့ ဒီမှာ ရှိနေတာလဲ"</p> <p> </p> <p>အန်ချောင်သည် ထုံးစံအတိုင်းအနံ့ခံခွေးကို ဆွဲထားပြီး အနက်ရောင် ဝတ်စုံဝတ်ထားသော လူနှင့်အတူ  ခြံဝင်းထဲတွင် ပေါ်လာ၏။</p> <p> </p> <p>သူတို့သည် ခြံဝင်းအတွင်းရှိ မိစ္ဆာအလောင်းများကိုမြင်သောအခါ မျက်လုံးများထဲတွင် ထိတ်လန့်မှုများ ပြည့်သွားသည်။</p> <p> </p> <p> </p> <p>မိစ္ဆာအားလုံးသည် သွေးစွမ်းအင်အဆင့်တွင် ရှိကြပြီး အထွတ်အထိပ်အဆင့် တစ်ကောင်ပင် ပါဝင်နေသောကြောင့် ဖြစ်၏။</p> <p> </p> <p>အနက်ရောင်ဝတ်စုံလူသည်  စိတ်မချသလို ဟိုကြည့်ဒီကြည့်လုပ်ပြီး ကြောက်ရွံ့မှုများ ပြည့်နေသော မျက်နှာဖြင့် ကျိယွမ်ကို ကြည့်လိုက်သည်။</p> <p> </p> <p> </p> <p>“မင်း တော်တော် ကံကောင်းတာပဲ။ အဲဒီအရူးက သတိနည်းနည်းကျန်နေသေးလို့ ထင်တယ်၊ ဒါကြောင့် သူက ဒီမိစ္ဆာတွေကိုပဲ သတ်ပြီး မင်းကို မသတ်ခဲ့တာ”</p> <p> </p> <p>အနက်ရောင်ဝတ်စုံလူနှင့် အန်ချောင်တို့သည် ဝတ်စုံဖြူဝတ်အရူးကို မထင်မှတ်ဘဲမြင်လိုက်သဖြင့် ခွေးကိုခေါ်ကာ  အချိန်မှီ တိတ်တဆိတ် လိုက်လာကြခြင်း ဖြစ်သည်။</p> <p> </p> <p>သို့သော် သူတို့ရောက်လာချိန်တွင် အရူးကပြန်ထွက်သွားသည်ကိုသာ မြင်လိုက်ရ၏။</p> <p> </p> <p> </p> <p>ယခုအခါ ခြံဝင်းအတွင်း၌ နွေးထွေးနေဆဲဖြစ်သော မိစ္ဆာအလောင်းများစွာကို မြင်လိုက်ရသဖြင့် ထိုအရူးက သတ်ခဲ့ခြင်းမှာ ထင်ရှားသည်။</p> <p> </p> <p>ကျောက်စိမ်းသွေးအဆင့်တစ်ဦးအတွက် သွေးစွမ်းအင်အဆင့် မိစ္ဆာများကို ရင်ဆိုင်ရခြင်းသည် ကိတ်မုန့်စားသလို လွယ်ကူ၏။</p> <p> </p> <p> </p> <p>လူသစ်ဖြစ်သော ကျိယွမ်ကို မထင်မှတ်ဘဲတွေ့လိုက်ရသော်လည်း သူတို့က သဘာဝကျစွာပင် လုံးဝ ထည့်မစဉ်းစားခဲ့ကြပါ။</p> <p> </p> <p> </p> <p>အန်ချောင်ကလည်း ပြုံးလိုက်ပြီး လူချောလေးအား ကြင်နာစွာနှစ်သိပ်၏။</p> <p> </p> <p> </p> <p> “နင်း ဘယ်လောက် အားနည်းနေလဲ ကြည့်ပါဦး။ ဒါက နင့်ရဲ့ ပထမဆုံး မစ်ရှင်ပဲ ရှိသေးတယ်၊  ဒီလို မြင်ကွင်းကြီးကို တွေ့ခဲ့ရပြီ။ ကြောက်ပေမဲ့ စိတ်လည်း နည်းနည်းလှုပ်ရှားနေတယ် မဟုတ်လား”</p> <p> </p> <p> </p> <p>သူမက ကျိယွမ်အား ပုခုံးပုတ်ပေးလိုက်သေးသည်။</p> <p> </p> <p> </p> <p>“ခင်ဗျားတို့ ကျွန်တော့်ကို တစ်ခုလောက် ကူညီလို့ ရမလား”</p> <p> </p> <p> </p> <p>“ဘာလဲ”</p> <p> </p> <p>“ကျွန်တော် တွေနဲ့ ဒီမှာ မျှော်လင့်ခြင်းလမင်းတွေနဲ့ပျော်စရာပါတီလေးလုပ်နေရင်း မတော်တဆ အားလုံးကို သတ်မိသွားတယ်။ ကျွန်တော် တကယ် စိတ်မကောင်းဘူး။ သူတို့ကို မြှုပ်နှံဖို့ ခင်ဗျားတို့ ကူညီပေးနိုင်မလား။ မဟုတ်ရင် သူတို့ရဲ့ အလောင်းတွေက ဒီမှာ ပုပ်စော်နံပြီး ပတ်ဝန်းကျင်ကို ညစ်ညမ်းစေလိမ့်မယ်”</p> <p> </p> <p>“ပတ်ဝန်းကျင်ကို ကာကွယ်ဖို့က လူတိုင်းရဲ့ တာဝန်ပဲလေ”</p> <p> </p> <p> </p> <p>ကျိယွမ်၏  စကားများသည် ထူးဆန်းနေတတ်သဖြင့် သာမန်လူများ နားမလည်နိုင်ပါ။</p> <p> </p> <p>ယခုလည်း အန်ချောင်သည် ခဏတာ ကြောင်သွားပြီး မျက်လုံးတွန့်၏။</p> <p> </p> <p> </p> <p> “နင်  ဘာပြောလိုက်တာလဲ၊ နင် မိစ္ဆာတွေကို သတ်လိုက်တယ် ဟုတ်လား”</p> <p> </p> <p>“ဟာသပဲ”</p> <p> </p> <p> </p> <p> အနက်ရောင်ဝတ်စုံလူကလည်း နားမလည်နိုင် ဖြစ်နေသည်။</p> <p> </p> <p>ကျိယွမ်က ပခုံးတွန့်လိုက်ပြီး</p> <p>ထိုစကားအား ချက်ချင်းကန့်ကွက်၏။</p> <p> </p> <p> “သတ်တယ်လို့ ပြောတာက မယဉ်ကျေးဘူး။ အဲဒါကို အပြန်အလှန် အကျိုးပြုခြင်းလို့ ခေါ်တယ်။ ကြည့်ပါဦး၊ သူတို့က သေသွားတာတောင် ကျွန်တော် စုဆောင်းဖို့ သူတို့ရဲ့ သွေးအနှစ်သာရတွေကို ချန်ထားခဲ့ကြတယ်၊ တကယ်ကို ကိုယ်ကျိုးမငဲ့တဲ့ သူတွေပဲ”</p> <p> </p> <p>ကျိယွမ် ပြောရင်းနှင့် လက်ကို ဝှေ့ယမ်းလိုက်ပြီး ကျန်နေသေးသော မိစ္ဆာသွေးအနှစ်သာရ ငါးဆယ်ကို ထုတ်ပြလိုက်သည်။</p> <p> </p> <p>အန်ချောင်နှင့် အနက်ရောင်ဝတ်လူတို့သည် လုံးဝ ဆွံ့အသွားကြသည်။</p> <p> </p> <p> </p> <p>"သောက်ခွေး ..​ဘာတွေဖြစ်ကုန်တာလဲ "</p> <p> </p> <p>***</p> <p> </p>


Save